---
*تكملة الفصل: "الفطار - أول وجبة ذياب"*
*السفرة - قصر الراوي - 6:15 الصبح*
السفرة طويلة، رخام أسود.
*جَسَّار* قاعد على رأس السفرة، بياكل بهدوء. سكينة في اليمين، شوكة في الشمال، ضهره مفرود كأنه في اجتماع مجلس حرب.
*آسر* جنبه، بيقلب في تليفونه، كوباية الإسبريسو قدامه متلمستش.
*سيرين* نازلة من على السلم بشعرها المبلول، شافت المنظر ووقفت: "الله... هو إحنا بقينا بنفطر زي العائلات الطبيعية؟"
*شاهين* زق *زين ويامن* للسفرة. الاتنين بيعرجوا، هدومهم مبلولة عرق، وشهم أصفر من التعب. قعدوا قدام جَسَّار... لأول مرة على نفس السفرة.
*يامن* بص للأكل: بيض، لحمة، عيش محمص، جبنة، عسل. عينه لمعت بس خاف يمد إيده.
*زين* قاعد ساكت، ضهره مفرود رغم الوجع، مستني الأمر.
*جَسَّار* حط السكينة، مسح بقه، بص ليهم:
"كلوا"
كلمة واحدة. بس كانت زي إذن بالحياة.
*يامن* هجم على اللحمة كأنه مشافش أكل من سنة: "والله يا زعيم... أحلى لحمة كلتها في حياتي"
*جَسَّار* بصله بصة خلته يشرق: "بتتكلم والأكل في بقك؟ عايز تدفن وانت شبعان؟"
*يامن* بلع بسرعة: "...يا زعيم"
*سيرين* قعدت جنب آسر وبتضحك: "جَسَّار... خف على العيال شوية. هيموتوا من الرعب قبل ما يموتوا من التدريب"
*جَسَّار* خد بُق ماية: "اللي يخاف مني... يموت ضعيف. وأنا مش بدفن ضعفا في عيلتي"
*آسر* قفل تليفونه، بص لزين: "احكيلي. اللفة رقم 20... وقعتوا ولا؟"
*زين* ساب الشوكة، بص لآسر في عينه:
"وقعت في اللفة 17 يا برنس. رجلي خبطت في طوبة وراسي نزلت على النجيلة"
*جَسَّار* وقف أكل، رافع حاجبه. مستني يسمع باقي الجملة.
*زين* كمل وصوته ثابت:
"يامن شالني. شالني وكمل. قالي: الزعيم قال اللي يسيب أخوه ميت... وهنموت سوا أكرم"
"جرني 3 لفات كاملة على ضهره... لحد ما قمت"
السفرة سكتت.
*سيرين* حطت إيدها على بقها، عينها لمعت.
*آسر* ابتسم نص ابتسامة، وبص لجَسَّار: "سمعت يا زعيم؟ ذيابك بدأت تعض في الدنيا مش في بعض"
*جَسَّار* باصص ليامن. يامن وشه في الطبق، بس ودانه حمرا.
*جَسَّار* قام، مشي لحد ما وقف ورا كرسي يامن. حط إيده التقيلة على كتفه. يامن اتجمد.
*جَسَّار* ضغط على كتفه ضغطة خفيفة... بس كانت أتقل من 100 كيلو:
*"اللي يشيل أخوه... يستاهل يشيل اسمي"*
سابهم ومشي ناحية الباب. قبل ما يخرج، قال من غير ما يبص:
"قدامكم ساعة. بعدها... هعلمكم تاكلوا وانتو بتجروا. عشان الذئب بيصطاد وهو بيتحرك"
الباب اتقفل.
---
*بعد ما خرج
*يامن* نفسّه طلع مرة واحدة: "أنا... أنا كنت هموت. إيده كانت زي مطرقة"
*زين* بيضحك وهو بياكل بسرعة: "بس قال تستاهل تشيل اسمه. دي شهادة ميلاد جديدة يا غبي"
*سيرين* بتدي يامن منديل: "يا حبيبي إنت بتعيط ولا بتعرق؟"
*يامن* مسح وشه: "بعرق يا سيرين هانم. الراوي مبيعيطش... بيعرق من عينه"
*آسر* خبط على السفرة: "بقولكم إيه... طالما بقيتوا ذياب رسمي، ليكم عندي أول مهمة الليلة"
*زين ويامن* وقفوا أكل مرة واحدة: "مهمة؟"
*آسر* ابتسم ابتسامته اللي بتودي في داهية: "أيوه. هتطلعوا معاية انا و تميم. في شحنة عايزة تتسلم... وناس عايزة تتربى"
*يامن* بلع اللقمة بالعافية: "هو إحنا لحقنا؟ ده إحنا لسه متولدناش"
*زين* قام وقف، مسح بقه، وعينه الزرقا رجعت شتا: "جاهزين يا برنس. الزعيم قال إحنا ذياب... والذئب مبيستناش لما سنانه تطلع. بيعض باللثة"
*شاهين* دخل من الباب: "سمعت كلمة مهمة؟ يلا يا وحوش... عندكم وقت لحد اليل تلبسوا أسود. الليلة... أول صيدة"
*سيرين* قامت وهي بتضحك: "هاروح أجهز الكاميرا... عايزة أصور ذياب جَسَّار وهما بياكلوا أول فريسة"
---
[
---فى الليل "*
*المخزن السري - تحت قصر الراوي - 9:15 بالليل*
الريحة: زيت سلاح، بارود، وجليد.
الإضاءة: لمبة واحدة صفرا بتتهز فوق ترابيزة حديد.
*جَسَّار* واقف، دراعه على صدره، قميص أسود مقفول لآخر زرار. قدامه صندوق خشب محفور عليه شعار *الراوي* - عقرب ماسك سيف.
*زين ويامن* داخلين لابسين أسود. الكدمات لسه زرقا تحت عينهم بس ضهرهم مفرود.
*آسر* ساند على الحيطة، بيقلب خاتم العقرب في إيده، بدلته السودا متفصلة عليه كأنه رايح فرح مش قتل.
*تميم* واقف جنبه، ساكت، عينه زي عين الصقر، سلاحه أصلاً في إيده كأنه جزء منه.
*شاهين* دخل وراهم، قرب من جَسَّار ووطى صوته:
*"زعيم... معاد فوزي يسدد القرض جه. الشحات باعت كلب من كلابه يقول هيصيح الفجر لو مخدش الفلوس"*
*جَسَّار* عينه الرمادي ملمعتش، بس الجليد اللي فيها بقى أوسخ:
*"فوزي؟"*
*شاهين*: "أيوه. اللي كان بيبوس الرجل عشان نرضى نديه. دلوقتي افتكر نفسه له صوت"
*جَسَّار* بص لآسر وتميم، وبعدين لزين ويامن:
*"الخطة اتغيرت"*
فتح الصندوق ببطء. *تاك*.
جوه: 4 مسدسات جلوك 19 مط أسود، جداد لانج. 8 خزن، و4 سكاكين كرامبيت معكوفة زي مخالب الشيطان.
*جَسَّار* شال مسدس، فكه وركبه في ثانيتين. الصوت كان زي تكة الموت:
"آسر. تميم. هتطلعوا مع العيال"
*آسر* ابتسم نص ابتسامة، مسك مسدسين مرة واحدة: "طالما أول طلعة... لازم الكبار يمسكوا إيد الصغيرين قبل ما يعضوا"
*تميم* خد مسدس وسكينة من سكات، عينه على زين ويامن: "الغلطة الأولى... بتبقى الأخيرة. فاكرين؟"
*زين ويامن* قربوا.
*جَسَّار* حط مسدس في كف كل واحد. تقيل. بارد. حقيقي.
*"ده مش منظرة يا ولاد الراوي. ده اسمي. اللي يطلع من الماسورة دي... يا بيرفع راسي، يا بيندفن بيه"*
*يامن* إيده اترعشت سنة: "مش خوف يا زعيم. احترام"
*جَسَّار*: "كويس. اللي ميحترمش السلاح... بيموت بيه"
رمى ليهم السكاكين:
*"الرصاص للكلاب اللي بعيد. دي... للي يفتكركم عيال ويقرب من وشكم"*
*شاهين*: "الهدف نصار الديب. شحنة مضروبة راجعة، فاكر إنه هيغفلنا. تستلموا البضاعة، تاخدوا الفلوس، واللي يفتح بقه... تدفنوه"
*جَسَّار* قفل الصندوق الفاضي، صوته واطي بس هز الحديد:
*"أنا رايح لمهمة تانية. فوزي الشحات ده ليه حساب معايا شخصي"*
قرب منهم، عينه عدت عليهم واحد واحد:
*"مش عايز أسمع أعذار. عايز أسمع كلمتين بس لما ترجعوا: _المهمة تامت يا زعيم_"*
بص لآسر: "عيالك يا آسر. رقبتهم في رقبتك"
*آسر* هز راسه: "رقبتهم في رقبتي... ورقبة اللي يقرب منهم في إيدي"
*جَسَّار* بص لزين ويامن:
*"قانون الطلعة الأولى: ترجعوا بالفلوس أو متجوش. ترجعوا سوا أو تندفنوا سوا. ترجعوا رافعين راسي... أو مدفونين وانا اللي هنزل أترحم عليكم"*
*"وصلت؟"*
*زين ويامن وآسر وتميم* في نفس واحد:
*"وصلت يا زعيم"*
*جَسَّار* هز راسه هزة واحدة ومشي ناحية الباب. قبل ما يخرج قال من غير ما يبص:
*"الله معاكم. واللي يموت منكم راجل... هبقى أنا اللي أصلي عليه. واللي يموت عيّل... هدفنه بإيدي"*
الباب اترزع.
---
عربيتين G-Class سودا.
*آسر* ركب اللي قدام، *تميم* جنبه.
*زين ويامن* ركبوا اللي ورا.
*آسر* بص في المراية لزين ويامن:
"سامعين الزعيم قال إيه؟ مش عايز أسمع غير كلمتين لما نرجع"
*زين* سحب الأقسام، *تاك*: "المهمة تامت يا برنس"
*يامن* بيضحك بتوتر: "ولو متنا؟"
*تميم* من غير ما يبص وراه: "يبقى متنا رجالة. ودي كفاية"
*شاهين* خبط على شباك آسر: "خلوا بالكم من العيال يا آسر بيه. دول لسه لحمة طرية"
*آسر* ولع سيجارة: "اللحمة الطرية دي... هترجعلك من المينا وهي بتاكل حديد"
العربيات اتحركت.
*جَسَّار* واقف في بلكونة القصر فوق، بيتفرج عليهم وهما ماشيين.
*شاهين* طلع وقف جنبه: "هتروح لفوزي لوحدك يا زعيم؟"
*جَسَّار* عينه على ضوء العربيات اللي بيبعد: "الشحات اللي يرفع صوته على الراوي... لازم اللي يخرسه يكون الراوي نفسه"
"أما العيال... لو رجعوا وقالوا المهمة تامت، يبقى اتولدوا من جديد. لو مرجعوش..." سكت ثانية "...يبقى أنا اللي هدفن نصار واللي جابوه"
---
*
العربيات اتحركت.
*جَسَّار* واقف في ب
لكونة القصر فوق، بيتفرج على النور الأحمر وهو بيبعد.
في إيده تليفون، بيتصل:
*"فوزي... أنا جَسَّار الراوي. اصحى... عشان هفكرك كنت بتشحت فين، وهترجع تشحت فين"*
---
*