الفصل 189
.......الــــــــــلأب،،،،،
---
أنس فضِل قاعد.
ما اتحركش.
بس جسمه كان صاحي أكتر من عينه.
مهند كان مغمّض.
بس الجفون
مش سايبة العين ترتاح.
في رعشة خفيفة
في طرف رموشه.
مش واضحة.
بس موجودة.
أنس لاحظ.
ما قالش حاجة.
الدنيا حواليهم
ما عملتش صوت.
ولا حتى صوتها الطبيعي.
الشرود بقى تام.
مش سرحان.
ده انسحاب.
مهند نفسه علي
وبعدين واطي.
عالي
واطي
كأنه بيجرب
يلاقي إيقاع
ينفعه.
أنس قال بصوت واطي قوي: «خليك كده…
ما تعملش حاجة.»
ما كانش أمر.
كان طمأنة.
عدّت دقيقة.
يمكن اتنين.
الوقت هنا
ما بيتحسبش.
مهند شدّ دراعه فجأة.
مش بعنف.
بس الحركة كانت مفاجئة.
أنس قرّب: «أنا هنا.»
مهند ما ردّش.
ولا فتح عينه.
ولا حتى حرّك راسه.
أنس نادى اسمه.
مرة.
اتنين.
ولا رد.
مش لأنه مش سامع.
لكن لأنه مش هنا.
أنس حس بالفرق.
الفرق بين
واحد ساكت
وواحد غايب.
قرب أكتر.
بينادي عليه.
من وقت للتاني.
صوت خفيف.
ما حبش يفزعه.
مد إيده.
حطها علي كتفه.
يحسسه بوجوده..
مهند فجأة قال بصوت تعبان: «في صوت…»
أنس شدّ انتباهه فورًا: «فين؟»
مهند بلع ريقه.
صوته طالع مكسور: «مش عارف…
مش واضح.»
أنس بص حواليهم.
ما فيش حاجة.
ولا حركة.
رجع بص له: «ما فيش حاجة هنا.»
مهند هز راسه سنة.
كأنه مقتنع.
وكأنه لا.
سكتوا.
الشرود رجع
أعمق.
أهدى.
وأخطر.
مهند جسمه بقى تقيل.
مش ارتخى.
تقيل
زي واحد ماسك نفسه بالعافية.
أنس لاحظ إن إيده
مقفولة.
قبضة
من غير سبب واضح.
قال بهدوء: «سيب إيدك.»
مهند حاول.
فتح صباع
وبعدين قفله تاني.
محاولة فاشلة.
أنس ما ضغطش.
قال بس: «براحتك.»
عدّى وقت تاني.
الليل اتحرّك.
الهواء برد شوية.
مهند فجأة فتح عينه.
مش فزع.
فتح ببطء.
بص قدامه.
مش لأنس.
ولا للحيطة.
بص
لحتة فاضية.
أنس حس.
القشعريرة جتله.
بس ثبّت نفسه.
قال: «شايف إيه؟»
مهند ما ردّش.
ولا رمش.
أنس قرّب أكتر.
صوته بقى أوضح: «مهند…
بص لي.»
ثانيتين.
تلاتة.
مهند أخيرًا بص له.
نظرة متأخرة.
كأنها راجعة من بعيد.
قال بصوت واطي: «أنا تعبان.»
الجملة طلعت
ببساطة
وجع.
أنس رد فورًا: «عارف.»
استحمل بس....
ارجوك..
قالها برجاء.
من غير شرح.
من غير نصايح.
مهند رجّع عينه تاني.
قفّلها.
بس المرة دي
النفس اتقل.
أنس حس إن الجسم
بيسحب الدماغ معاه.
قعد ثابت.
ما نامش.
ما ريّحش.
ساعة عدّت.
يمكن أقل.
يمكن أكتر.
مهند أخيرًا
غرق.
مش نوم مريح.
نوم
زي واحد وقع من غير ما يحس.
نفسه بقى أبطأ.
بس مش منتظم.
أنس فضِل صاحي.
مراقب النفس.
مش العين.
مهند فجأة
اتشدّ.
كتفه اتحرك.
وشه اتقبض.
أنس ضغط علي كتفه: «إهدى…
إهدى.»
هزّه هزة خفيفة.
مش تصحيه.
بس ترجّعه.
مهند نفسه علي.
عالي.
متلخبط.
أنس نادى اسمه.
مرة.
اتنين.
تلاتة.
ولا رد.
بس بعد شوية
النفس هدي.
الجسم فَكّ.
ما فتحش عينه.
وكمل نوم.
أنس ما ارتاحش.
بس ساب اللحظة تعدّي.
سند ضهره.
قعد جنبه.
قريب قوي.
وقال في نفسه
من غير صوت:
لسه بدري…
والتقيل
لسه جاي.
والشرود
لسه
مش ناوي يسيب.
..