الفصل 191...
الـــــــــلأب....
---
مهند نايم.
أو شبه نايم.
العين مغمضة
بس الجفن
مش مرتاح.
فيه شدّة صغيرة
تيجي
وتروح.
النفس
كان هادي
وبعدين
لا.
طلع
نزل
طلع
نزل
بس مش مظبوط.
أنس مال عليه سنة.
قال واطي قوي:
«خد نفس… بس كده…»
مهند ما ردّش.
ولا اتحرك.
بس صدره
عِلا
مرة واحدة.
وبعدها
سكت.
السكات ده
ما كانش مريح.
أنس حسّه
في معدته.
مد إيده
حطها
على كتف مهند.
لمسة خفيفة.
ولا حاجة زيادة.
الكتف
كان مشدود.
مهند قال
من غير ما يفتح عينه:
«سيبني…»
الكلمة
طلعت
مش ليه.
أنس ما ردّش.
بس إيده
ما بعدتش.
النفس رجع
سريع.
سريع قوي.
مهند وشه اتغير.
مش فزع.
لا.
شرود.
عينه فتحت نص فتحه.
بس
ما بصتش.
أنس ناداه:
«مهند.»
ولا حاجة.
نادى تاني:
«بصلي.»
ولا.
مهند قال فجأة:
«مش أنا…»
الكلمه.
مش في مكانها.
طلعت كإنه بيكلم حد قدامه.
أنس فهم.
قال بهدوء
مصنوع:
«ما فيش حد هنا.»
مهند بلع ريقه.
قال:
بصوت متقطع.
«أنا شايفه…»
أنس شدّ نفسه.
الكلمة
كانت تقيلة.
قبل ما يتكلم
الباب
اتفتح سنة.
الولد
دخل.
واقف
على الباب.
عينه واسعة.
شايف..
أنس اللي واقف جنب مهند بيهديه.
شايف..
مهند اللي مفيهوش نفس.
قال بخوف صغير:
«هو… ماله؟»
أنس لفّ
بسرعة.
مش غضب.
بس حسم.
قام
وقف بينه وبين السرير.
وطي
قدامه:
«اطلع برّه دلوقتي.»
الولد لسه
عاوز يسأل.
أنس كرر
بس أوطى
وأقوى:
«دلوقتي.»
مسك كتفه.
طلّعه.
قفل الباب
بالراحة.
رجع.
مهند
كان زي ما هو.
عين مفتوحة
بس فاضية.
أنس قرب
قعد تاني.
قال:
«ما حدش شافك.
ولا حد هنا غيري.»
مهند قال
من غير ما يبص:
«مش سامعك قوي.»
أنس حس
بقلبه
بيشد.
قرب أكتر.
اتكلم في ودنه.
قال بهدوء:
«ركز في صوتي.»
مهند رمش.
مرة.
اتنين.
قال:
«فين…»
وسكت.
الجملة
ماكملتش.
أنس قال فورًا:
«مش موجود.»
مهند هز راسه.
حركة صغيرة.
قال:
«كان واقف.»
أنس ما قالش
مين.
قال بس:
«مش دلوقتي.»
مهند إيده
شدّت الملاية.
قال:
«هو هنا.»
أنس حس
بالعجز.
بس صوته
فضل ثابت:
«مش حقيقي.»
مهند كمل بصوت مبحوح:
«انا سامعه.»
أنس شد علي ايده:
«مفيش غيري هنا.»
سكتوا.
الشرود
فضل.
بس
أهدى شوية.
مهند غمض عينه.
نفسه
بقى أبطأ.
مش نوم.
هدنة.
أنس فضل قاعد.
مش بيتنفس براحة.
عارف
إن اللي حصل
لسه بسيط.
وإن اللي جاي
لسه مستخبي.
بس دلوقتي
المهم
إن محدش شافه كده.
ولا حتى طفل.
وإن مهند
لسه هنا.
حتى لو
بنصه.
..