الفصل200......
الــــــــــــلأب...
---
أنس فضِل قاعد جنبه.
ايده ماسكه ايد مهند.
كإنه لو سابها..
مهند هيختفي من قدامه..
مهند نايم.
مش نوم مريح.
نوم واحد جسمه خلص.
صدره بيعلى وينزل.
مش منتظم قوي.
بس ماشي.
أنس قرّب سنة.
استنى.
عدّ النفس.
وبعدين حط صباعه على رقبته...
النبض موجود.
سريع شوية.
بس موجود.
أنس نزّل راسه.
علي صدره.
سمع النفس.
طالع.
داخل.
مش بيخنق.
مش بيجري.
قال بصوت واطي قوي، كإنه بيكلم نفسه:
«خلاص… خلاص.»
ما كانش بيطمن مهند.
كان بيطمن نفسه.
شدّ الغطا عليه سنة.
مش أكتر.
وخد باله.
إن في عين.
لسه واقفـة عند الباب.
مش داخلة.
مش ماشية.
لسه واقفه..
أنس لف راسه ببطء.
وشافه.
الولد لسه واقف.
نصه مستخبي.
إيده ماسكة في خشب الباب.
وشه أبيض.
وعينه واسعة زيادة.
أنس ما اتحركش فورًا.
رجع بص على مهند.
تاني.
اتأكد إن عينه مقفولة.
إن جسمه سايب.
إن مفيش رجفة.
وبعدين بس…
قام.
خطواته كانت محسوبة.
ولا صوت.
قرب من الباب.
وفتحُه سنة.
الولد اتشد لورا.
أنس رفع إيده بهدوء.
مش إشارة وقف.
إشارة أمان.
صوته كان واطي قوي:
«ما تخافش… تعالى.»
الولد ما اتحركش.
أنس نزل على ركبه قدامه.
خلا نفسه في نفس الطول.
بص له.
مش تحديق.
نظرة ثابتة.
وقال:
«أنا مش هزعق.»
الولد بلع ريقه.
أنس مدّ إيده.
وقفها في النص.
ما لمسوش.
ساب الاختيار له.
بعد ثواني طويلة…
الولد قرّب خطوة.
نفسه مقطوع.
صوت خفيف محبوس في صدره.
أنس حط إيده على كتفه.
مش حضن.
تثبيت.
وقاله بهدوء:
«مش قولتلك متخافش…
هو بس تعبان شويه....»
الجملة نزلت تقيلة.
الولد هز راسه.
مش فاهم.
بس ماسك فيها.
أنس وقف.
وعدّى معاه برا.
قفل الباب وراهم بهدوء.
وقف لحظة.
وسند جبينه علي الباب.
وخد نفس واحد.
طويل.
بص علي الولد.
اتأكد انه هدي خلاص..
وبعدين رجع جوه.
لمهند..
---
الأوضة كانت هادية.
مهند زي ما هو.
ما اتحركش.
أنس قفل الباب.
ورجع يقعد.
قريب.
قريب قوي.
قعد على الأرض.
جنب السرير.
وبعدين…
إيده اتحركت.
مسكت إيد مهند.
سخنة.
مشدودة سنة.
أنس شدّ عليها.
وساعتها بس…
الدنيا وقعت.
صوته طلع.
مش عالي.
مكسور.
«متسيبنيش…»
شدّ على إيده أكتر.
«أرجوك… قوم…»
النَفَس خان.
الكلام اتلخبط.
«أنا تعبت…
أنا خايف…
قوم وارجع زي الأول…»
دموعه نزلت.
غصب.
راسُه سندت على طرف السرير.
إيده ماسكة إيد مهند.
كأنها آخر حاجة ثابتة.
فضل يعيط.
مش دقيقة.
ولا اتنين.
ليل كامل.
بين شهقة وسكات.
بين رجاء وهمس.
مهند ما صحاش.
بس إيده…
كانت موجودة.
وده كان كفاية…
علشان أنس
يفضّل ماسك.
..