الفصل211.....
الطفل الشيطان.....
---
مهند كان على الأرض.
ضهره لازق في الحيطة
وإيده بتحاول تمسك بأي حاجة
ترجّعه واقف.
مش عارف.
النَفَس مش راضي يدخل.
كل مرة يحاول
يحس صدره مسدود
كأن حد قافل عليه من جوه.
الأب واقف فوقه.
مش مستعجل.
ولا متوتر.
بص له..
نظرة تقيلة
نظرة واحد متأكد
إن اللي قدامه
لسه ملكه.
— قوم.
قالها بهدوء.
مش أمر.
حقيقة.
مهند حاول يسند على ركبه.
جسمه رجف.
ركبته خانته
ونزل تاني.
الأب ما اتحركش.
بس صوته علي: — لما أقول قوم…
— تقوم.
مدّ إيده فجأة
وشده من لياقته
رفعه نص وقفة.
مهند حسّ الدنيا بتلف.
سقف… حيطان… وش ابوه.
وش أبوه قريب.
قريب قوي.
— بصلي.
مهند حاول يرفع عينه.
قدر بالعافية.
الأب ابتسم: — لسه نفس النظرة.
— فاكر نفسك كنت هتهرب؟
مهند صوته خرج مبحوح: — لو…
— لو جاي تخلص… خلص.
الأب ضحك.
ضحكة عالية
ملهاش أي دفء.
— أخلص عليك؟
— لا لا لا.
ساب لياقته فجأة.
مهند وقع على ركبته.
الأب كمل وهو بيتمشى حوالينه: — أنا كنت معدّي.
— قلت أسلّم.
وقف وراه.
مهند حسّ بالظل
قبل ما يحس بالضربة.
رِجل
دخلت في بطنه.
مش ضربة.
ده اقتحام.
الصوت طلع من مهند
مش صريخ
أنين مكتوم
وانقطع.
وقع على جنبه.
إيده مسكت بطنه غصب عنه.
الهوا مش راضي.
الدنيا سودا.
الأب زقه برجله: — لسه ضعيف.
ركلة تانية
في ضهره.
مهند اتكوّر.
دم طلع في بقه.
طعم مر
دخل دماغه.
تحت…
إنس سمع الصوت.
مش خبطة.
ده صوت جسم
بيتكسر.
ضرب الباب بإيده: — مهند!
— مهند رد عليا!
صوته بقى مبحوح.
قلبه هيطلع.
حاول اكتر بالحديده اللي معاه...
سمع صوت القفل..
بدا يفك شويه..
ــ ايوا كدا..
ــ بسرعه...بسرعه..
فوق…
الأب وقف
وسمع.
لف ناحية السلم
كأنه بيتأكد إن الصوت مش هيطلع.
مهند حاول يتكلم.
مش قادر.
بس اسمه خرج: — انس…
الأب نزل لمستواه.
قعد قدامه.
قريب قوي.
— لسه بتنادي عليه؟
مسكه من شعره
رفع وشه: — فاكر إن حد يقدر ينقذك؟
ساب راسه تقع على الأرض.
وقف.
— خليك هنا.
لف ناحية الولد: — يلا.
الولد كان واقف
مش بيتحرك.
وشه أبيض.
إيده بتترعش.
الأب شدّه من دراعه: — قولتلك شاطر.
الولد بص لمهند.
نظرة خاطفة.
سريعة.
وفيها خوف.
الأب زقه: — امشي.
طلعوا.
الباب اتقفل.
الصوت اللي فضل
هو نفس مهند
وهو بيحاول
يلاقي هوا.
تحت…
انس سمع خطوات.
وبعدين سكات.
وقف.
جسمه كله بيترعش.
— مهند…
مفيش.
حاول اكتر بالحديده.
إيده وجعته.
مش فارقة.
— افتح!
— افتح بالله عليك!
ــــ بسرعه....يلا..
دموعه نزلت.
مش عارف يمسحها.
وفجأة…
القفل اتكسر.
الباب اتحرك.
انس رجع خطوة.
القلب سابقه.
فتحه.
طلع.
جري.
مش شايف.
طلع السلم
درجتين درجتين.
البيت ساكت.
ساكت قوي.
— مهند؟
الصوت اتكسر.
وصل للأوضة.
وقف على الباب.
وشاف.
مهند على الأرض.
مفيهوش نفس.
إيده على بطنه.
دم على شفايفه.
إنس اتشل.
مش صرخة.
ولا حركة.
ثانية…
اتنين…
وبعدين جري.
وقع على ركبه جمبه: — مهند!
— مهند افتح عينك!
هزه.
ولا حاجة.
حط ودنه على صدره.
القلب؟
فينه؟
ضغط.
مش فاهم.
بيعمل أي حاجة.
— لا…
— لا لا لا.
— اصحى!
— عشان خاطري اصحى!
صوته طالع مكسور.
متقطع.
ضغط على صدره
زي ما عقله فاكره.
زي ما الخوف بيقوله.
— أنا هنا…
— أنا معاك.
نَفَس ضعيف
طلع.
انس حسّه.
— أيوه…
— أيوه كده.
مسك وشه: — بصلي.
مهند عينه فتحت نص فتحة...
انس دموعه نزلت اكتر...
ضمّه ليه
بخوف
بوجع
بكل اللي فيه.
والبيت
كان ساكت.
ساكت قوي.
---
...