الفصل212.....
الــــــــلأب.....
—
انس كان حاضنه
بس حاسس إن اللي في حضنه
مش ثابت.
النَفَس يطلع…
ويقطع.
ويرجع متأخر.
مهند صدره بيعلى
وبعدين يقف
كأنه نسي الحركة.
انس حط إيده على ضهره
طبطبه خفيفه: — خد نفس…
— واحدة واحدة.
مهند حاول.
فعلاً حاول.
الهوا دخل
بس طلع على طول
كأنه اتحرق.
كحّة خفيفة
طلعت دم تاني.
انس اتجمد.
بس ما بعدش.
مسح الدم بإيده
— مفيش حاجة…
— مفيش حاجة.
كان بيكذب
علشان الاتنين.
مهند صوته طلع واطي: — مش…
— مش شايف كويس.
انس شدّه أكتر: — بصلي…
— أنا هنا.
مهند حاول يفتح عينه
بس الضوء كان تقيل.
تقيل قوي.
قلبه بيجري
مش على نفس الإيقاع.
انس حط ودنه تاني
على صدره.
الدقّات موجودة
بس ملخبطة.
— ما تسيبش نفسك…
— اسمعني.
إيده كانت بتترعش
وهو بيحاول يفكر
في أي حاجة
أي تصرف
يعمله.
مهند بلع ريقه بالعافية: — هو…
— مشي؟
انس رد فورًا: — آه.
— مشي.
ما قالش اسمه.
ما قالش أبوه.
— كنت…
— فاكر.
النَفَس قطع تاني.
أطول شوية.
جسمه اتصلب
ثانية
وبعدين ساب.
انس حس إن قلبه وقع منه.
— لا لا…
— لا.
مسك وشه بإيده: — افتح عينك!
— افتح!
مهند عينُه فتحت نص فتحة.
نَفَس سريع
قصير
زي حد بيطلع من تحت ميّه.
انس قرب من وشه: — معايا…
— معايا.
مهند همس: — جسمي واجعني…
انس هز راسه: — عارف.
— عارف.
ما سألش فين.
ما سألش قد إيه.
حط إيده على بطنه
من غير ضغط
بس وجود.
مهند شهق: — لأ…
انس شال إيده فورًا: — خلاص.
— خلاص.
سكتوا.
بس السكات ده
كان مليان صوت النفس
وهو بيهرب
ويرجع.
مهند بعد شوية: — انس…
انس رد بسرعة: — أيوه.
— ما تمشيش.
انس ضغط جبينه على راسه: — مش ماشي.
— ولا خطوة.
دموعه نزلت
غصب عنه.
سخنة.
وقعت على خد مهند.
مهند حسّها: — بتعيط؟
انس حاول يضحك: — لأ.
— دي عينك.
كذبة ضعيفة.
بس عدت.
مهند بلع ريقه: — كنت سامعك…
— سامعني؟
— آه…
— كنت بتخبط.
انس قفل عينه ثانية.
ذنب تقيل
عدّى.
— حاولت…
— والله حاولت.
مهند هز راسه
ببطء: — عارف.
النَفَس استقر شوية.
مش ثابت.
بس موجود.
انس عدّل وضعه
خلاه شبه نايم
راس مهند على صدره.
إيده كانت بتعدّي على شعره
بهدوء
بيطمنه...
علشان ما يضيعش.
— نام…
— لو تقدر.
مهند عينه قفلت
وفتحت.
قفلت تاني.
— خليك صاحي شوية…
— عشان خاطري...
انس رد من غير تفكير: — هفضل.
سكات.
النَفَس لسه
بيطلع ويقع
بس أقل رعبًا.
والبيت؟
لسه ساكت.
بس السكات ده
كان مراقب.
....