الفصل213......
الـــــــــلأب....
—
النَفَس هدي شوية.
مش راحة.
استسلام مؤقت.
مهند عينه مقفولة
بس حواجبه مش مرتاحة.
كأن النوم واقف على الباب
مش عارف يدخل.
انس مد ايده..
علي رقبته.
يشوف النبض
الدقات مش سريعه زي الأول
بس تقيله.
كل دقّة كأنها بتسأل
هل تكمل ولا لأ.
إيده لسه في شعره.
ما وقفتش.
خايف أول ما تقف
الحاجة الوحيدة الثابتة
تتهد.
مهند اتنفس
نَفَس طويل
وبعدين قصير.
وبعدين اتعدل سنة
وأنين واطي خرج
غصب عنه.
انس شدّ عليه: — أنا هنا…
— ما تتحركش.
مهند همس
من غير ما يفتح عينه: — جسمي…
— تقيل.
انس ما ردش على الكلمة.
رد على اللي وراها: — متشيلش هم.
— سيبه.
الدقّات زادت
نقرة
نقرة
وبعدين خبطة واحدة غلط.
انس حسّها.
قلبه وقع في بطنه
بس صوته فضل ثابت: — ركّز معايا.
— اسمع صوتي بس.
مهند حاول يبلع
مش عارف.
ريقه نشف
وجسمه شد.
— عطشان…
انس لفّ بسرعة
بس وقف.
حالياً....
مفيش حاجة.
ولا مية
ولا أي حاجة.
كل حاجه خلصت..
رجع حط إيده في شعره.
وقرب: — هجيبلك.
— بس دلوقتي لأ.
مهند فتح عينه نص فتحة.
بص مش مركز: — إنت…
— تعبان؟
انس ضحك ضحكة مكسورة: — لأ.
— أنا تمام.
مهند بص له شوية.
نظرة طويلة
غلط.
مش في وقتها.
— وشك…
— أبيض.
انس ما قدرش يكمل الكذبة.
قال بهدوء: — خايف عليك.
مهند سكت.
وبعدين: — ما تخافش.
الجملة طلعت منه
أضعف مما ينفع تطمئن.
بس انس مسك فيها
زي واحد غريق
لقى خشبة.
— مش هخاف…
— وإنت معايا.
مهند نفسُه رجع يتلخبط.
مش زي الأول
بس ملحوظ.
إيده اتحركت
ببطء
دورت
ولما لمست إيد إنس
شدّت عليها فجأة.
— إوعى…
— تمشي.
انس قفل صوابعه عليه: — ولا رايح في حتة.
الدقّات اتلخبطت تاني.
مش سريعة.
بس مش مظبوطة.
انس بدأ يعدّ
من غير صوت.
واحد…
اتنين…
تلاتة…
مهند أخد
نَفَس عالي
وبعدين ساب
كأنه سلّم.
— جسمي واجعني قوي…
انس حط جبينه على راسه: — استحمل…
— بس شوية.
ما قالش قد إيه.
لأنه هو نفسه
مش عارف.
دموع نزلت
واتمسحت في شعر مهند
من غير ما يحس.
مهند صوته واطي
بس واضح: — لو…
— لو حصل حاجة…
انس قاطعه: — مفيش لو.
— بس لو…
— مفيش.
شدّ عليه أكتر: — اسكت.
— نام.
مهند عينه قفلت
وفتحت
وبعدين قفلت أطول.
النَفَس بقى أبطأ.
مش طبيعي
بس موجود.
انس فضل صاحي.
ما رمشش.
حاسس إن رمشة
ممكن تضيع منه.
برا…
البيت لسه ساكت.
السكات تقيل
كأنه واقف يتفرج.
وانس
قاعد
حاسب النفس
واحد واحد
وخايف
أول ما يعدّ غلط
كل حاجة تقع.
..