الفصل219......
الــــــــلأب...
—
النوم ما كانش نوم.
كان استسلام مؤقت.
أنس عينه قفلت غصب عنه.
مش لأنه ارتاح…
لأن جسمه خان.
رأسه مالت لقدام.
دراعه لسه ملفوف حوالين مهند
كأنه لو سابه
هيضيع.
—
بعد شويه..
صحا على لا شيء.
ولا صوت.
ولا حركة.
بس الإحساس ده.
الإحساس اللي يخبط في الصدر قبل ما المخ يفهم.
رفع راسه بسرعة.
قلبه سبق عينه.
—
مهند مكانه.
بس وشه…
أهدى زيادة عن اللزوم.
نفسه مش باين.
أنس اتجمّد.
ثانية.
اتنين.
تلاتة.
—
قرب ودنه من صدره.
ولا حاجة.
قرب أكتر.
لزّق ودنه.
حبس نفسه.
ودق.
دقة ضعيفة.
بس موجودة.
أنس حس ركبته بتترعش.
سند نفسه بالعافية.
—
"متعملش فيا كدا."
همس.
صوت بيترجّى.
مش بيأمر.
—
الجوع كان بقى دوار.
الدوار بقى سواد.
السواد بقى ضغط على المخ.
بس مفيش رفاهية يقع.
—
حاول يعدّل مهند.
رفعه شوية.
جسمه تقيل.
مش وزن…
تقيل بالإرهاق.
—
مهند أنَّ أنّة خفيفة.
زي صوت طفل موجوع.
الصوت ده
كسر حاجة جوا أنس.
—
"أنا معاك."
قالها بسرعة.
"ما تخافش."
وهو نفسه
كان بيغرق.
—
إيده راحت لبطن مهند.
باردة.
شد عضلاته.
مهند اتلوّى.
"آه…"
طلعت منه مبحوحة.
—
أنس وقف لحظة.
حس بالعجز.
بالعصبية.
بالذنب.
هو مش دكتور.
مش منقذ.
هو بس…
صديق.
—
قعد جنبه تاني.
قربه.
لفه في حضنه.
حس بنَفَسه.
خفيف.
متقطع.
—
الوقت عدى.
ولا عدى.
الليل بدأ يخف.
نور رمادي دخل من الشباك.
الصبح جه…
بس ما جابش راحة.
—
مهند فتح عينه نص فتحة.
بص على سقف الأوضة.
وبعدين…
تايه.
"إنت… نايم؟"
صوته كان بالكاد مسموع.
—
أنس مال عليه فورًا.
"لا."
"صاحي."
كذبة تانية.
أخف من الأولى.
وأتقل.
—
مهند حاول يتحرك.
فشل.
وشه اتقبض.
نفسه اتخنق.
"مش قادر…"
قالها وكأنه بيعتذر.
—
أنس حس دموعه قربت.
عض شفايفه.
كتم.
"ولا يهمك."
"ما تتحركش."
—
سكتوا شوية.
الصمت بقى بينهم
مش مريح.
—
مهند فجأة قال:
"أنا جعان."
كلمة بسيطة.
بس وقعت تقيلة.
—
أنس قلبه اتعصر.
بص حوالين نفسه.
مفيش أكل.
مفيش مية.
مفيش حاجة.
—
"هتستحمل شوية."
قالها وهو كاره نفسه.
"أنا… بدوّر على حل."
—
مهند ابتسم ابتسامة صغيرة.
مكسورة.
"عارف."
قالها.
"مش زعلان."
—
الجملة دي
كانت أسوأ من أي لوم.
—
أنس سند راسه على الحيطة.
غمض عينه ثانية.
الدكتور.
لازم الدكتور.
بس إزاي؟
وإمتى؟
ومهند بالحالة دي؟
—
فتح عينه.
بص له.
"اسمعني."
قالها بهدوء شديد.
"لو… لو حسيت إنك بتغيب،
كلمني."
—
مهند هز راسه بالعافية.
"ولو ما قدرتش؟"
—
أنس اتشد.
قرب أكتر.
"أنا هكون سامع."
"حتى لو ما اتكلمتش."
—
الصبح كمل.
والتعب كمل.
والوجع قاعد.
واللي جاي؟
لسه تقيل.
وإحنا…
لسه ما خلّصناش.