{الشخصيات}
مصطفى الالفى: عنده 23 عام، ذات بشره بيضاء و عيون سوداء و شعر اسود قصير و متوسط القامه و جسد رياضى، ينتظر من سوف تتوج ملكه فى قلبه، و يعمل مهندس زراعى يحب اخوته كثيرا و متعلق بهم من بعد وفاة والدهم و مهما فعلوا من مقالب لا يقل حبهم ابداً، عندما يتكلم مع فتاه يتحدث بإحترام و طيب و لكن عند العصبيه يتحول لشخص اخر تماماً، توأم رودينا
رودينا الالفى: عندها 23 عام، ذات بشره قمحيه تتجه ل الخمري و عيون بنيه غامقه و شعر اسود لمنتصف ظهرها و محجبه طويله، طيبة و هاديه و لا تتحدث مع احد و ليس لديها اصدقاء لانها لا تثق بأحد و من يراها سوف يقول متكبره و لكنه لا يعرف الحقيقه مرحه جيدا مع اخوتها و اكثر جنونا معهم هم فقط و عند عصبيتها لا تهدئ غير ان تنفذ ما يهدف له عقلها عندما تكون بحالة العصبيه، تعمل محاسبه فى بنك و بارده لاقصى درجه فى تعاملها مع الناس، توأم مصطفى
ملك الالفى: عندها 20 عام، ذات بشره بيضاء و عيون سوداء و شعر اسود طويل لما بعد ظهرها و خدود ممتلئه و محجبه، طيبه و هاديه مثل رودينا و لا تحب المشاكل و تمتلك صديقه مقربه واحده فقط و هى وعد، و تخرج عن الهدوء بسبب سيدا التى يبدوا انها هى روح هذا البيت، فى ثالثه جامعه حقوق
سيدرا الالفى: عندها 17 عام، ذات بشره قمحيه و شعر بنى فاتح طويل لما بعد خصرها و محجبه و عيون بنيه غامقه جيدا تقترب من اللون الاسود، هاديه وقت المصيبه اللى بتعملها و اخر جنان على طول طايره منها و لكنها وقت الجد عقلها كبير و تستطيع التفكير بمنطق و تخطيط عصبيه جيدا بتكره اللى يتكلم على اخوتها بطريقه وحشه ولا احد يستطيع ايقافها عن الذى فى عقلها عنيده جيدا
لسه فى ثالثه ثانوى عام.
❄❄❄❄❄❄❄❄❄❄❄❄❄
رامز الالفى: عم مصطفى و عنده 53 عام، طيب القلب و بيحب ولاد اخوه و اصر عليهم لكى يذهبوا و يعيشوا معاه و لكنهم رفضوا
فتحية: عندها 42 عام زوجة رامز و هى امرأه حقودة و لكنها طيبة القلب هى فقط كانت تغار من ام مصطفى
احمد الالفى: عنده 23 عام،ذات بشره قمحيه و عيون سوداء و شعر اسود قصير و جسد رياضي، بيكون صديق مصطفى و ابن عمه و يعمل معه فى نفس المجال مهندس زراعى طيب القلب و يحب ملك و لكن فى السر لا احد يعلم بذلك و يمتلك نفس صفات مصطفى ما عدا انه يدخن
ياسمين لالفى: عندها 17 عام، ذات بشره خمرية و عيون عسلي غامق و شعر اسود قصير، طيبه تحب الولاد عمها مثل اخوتها و صديقة سيدرا المقربه معاها فى ثالثه ثانوى عام و طيبة القلب وهاديه عن سيدرا
❄❄❄❄❄❄❄❄❄❄❄❄❄
وعد الاسمر: عندها 20 عام، ذات بشره بيضاء و عيون زرقاء و شعر اشقر طويل لما بعد خصرها و خدود ممتلئه ورديه منتقبه، طيبة القلب والديها توفوا منذ كانت صغيره و تولى عمها تربيتها و مسئوليته، لديها صديقة واحده فقط لا تحب الاختلاط باحد هادية جدا كان هذا رأى من يراها ولكن عندما تعرفها على حقيقتها سوف ترى جنونها الذى يضاهى جنون سيدرا و اذا اجتمعوا الاثنان معاً سوف يحدث دمار شامل
امان الاسمر: عنده 27 عام، ذات عيون زرقاء و شعر كنستنائي و بشرة بيضاء و جسد رياضى، جاد فى عمله و بارد الاعصاب و مغرور و لكنه مع وعد يصبح شخص اخر فهى اخذت جزء من قلبه و كيف لا تأخذ و هو من رباها علي يديه و هى اخته فى الرضاعه و يعاملها على انها ابنته، يعمل شريك فى شركة للبناء مع صديق عمره اريام العزيزي
سليم الاسمر: عنده 23 عام، ذات بشره برونزية و عيون عسليه و شعر بندقي و جسد رياضى، بارد لاقصى درجه لا يخرجه احد عن بروده غير رودينا نعم فهو يعمل محاسب فى نفس البنك يراها مغروره تعامل الناس بتكبر و دائما ما يدخل فى خناق مع رودينا يعامل وعد كأنها توأمه
رمزى الاسمر: عنده 52 عاما، يعامل وعد على انها ابنته و يحبها جدا
فريده: زوجة رمزى تحب زوجها و ابنائها و أقربهم لها هى وعد فهى ابنتها و المقربه لها
❄❄❄❄❄❄❄❄❄❄❄❄❄
أريام العزيزي: عنده 27 عام، ذات عيون رمادي و شعر اسود و بشره بيضاء و جسد رياضى، بارد مع جميع الفتيات عصبي فى عمله يتيم و ليس لديه احد ورث الشركه عن والده حيث كان صديق والده اميناً على ممتلكات اريام و ممتلكاته صديقه الوحيد هو امان
#بقلم/رضا محسن
﴿البارت الاول>
لا تتوقف الحياة بسبب بعض خيبات الأمل، فالوقت لا يتوقف عندما تتعطل الساعة.
♡♡♡♡♡♡♡♡♡♡♡♡♡♡♡♡♡♡♡♡♡♡
كانت تقف تنظر حولها ولا تعلم أين تختبأ و لكنها تجمدت في مكانها و هى تسمع صراخ اخيها
مصطفى بصراخ: سيدراااااااااا
خرجت ملك على صراخ مصطفى و عندما نظرت له ظلت تصرخ بسبب مظهر مصطفى حيث ان سيدرا قامت بالرسم على وجهه انياب و تحت عيونه لون اسود و وجهه كله ابيض و هناك بعض اللون الاحمر عند الأنياب المرسومه فكان مظهره مخيف
ملك بصراخ: عااااااااا عفريت انصرف انصرف
كانت ترتجف من الخوف و هى على وشك ان تبكى
فتحت سيدرا الباب و اخرجت رأسها: عفريت مين يا هبله ده مصاص دماء عاااااا
صرخت فى اخر كلامها و هى تنظر لـ مصطفى و هو يقترب منها بهدوء لكى يمسك بها و لكنها استطاعت ان تهرب فى اخر لحظه و اغلقت الباب مجدداً و هى تضحك بشده
ملك بغباء: لا ده العفريت اللى كان بـياكل الناس امبارح فى الفيلم
نظر لها مصطفى بـغيظ: هو انا مش قولت تناموا بدرى
ملك بابتسامه غبيه و قد تناست انها كانت خائفه من شكله: لا مش انت يا عمو العفريت ده ثاثا اخويا بس سبحان الله فيك شبه منه
مصطفى بصدمه: نعم
اخرجت سيدرا رأسها مجددا و هى تضحك: ده ثاثا يا بنت العبيطه
نظر لها مصطفى بذهول: بنت العبيطه و لما هى بنت العبيطه انتى اى
سيدا بتصنع التفكير: ابقى اخت الاهبل
و اغلقت الباب سريعا و هى تضحك بشده على ملامح مصطفى و نظر ل ملك التى كانت تقف تتابع الموقف بلامبالاه ضرب مصطفى كفيه فى بعضهما
مصطفى بخفوت: اشوف فيكم يوم يا بعده
و نظر ل ملك قبل ان يدلف للحمام
مصطفى بنفخ: صحى الجثه التانيه دى
ملك بهدوء: دى صحيت من بدرى و نزلت كمان
مصطفى بإستغراب: هى الساعه كام
ملك بهدوء: 8.30
مصطفى و هو يقفل الباب بسرعه: يا دى الليله السوده اتأخرت على الشغل
سيدرا فتحت الباب و نظرت ل ملك التى تضحك على اخيها
سيدرا بابتسامه غبيه: انا جعانه
نظرت لها ملك و انفجرت من الضحك اكثر
⚜️⚜️⚜️⚜️⚜️⚜️⚜️⚜️⚜️⚜️⚜️⚜️⚜️
فى منزل اخر
كانت تتسحب تلك الفتاه ذات العيون الزرقاء و الشعر الاشقر و لم تكن غير تلك الفاتنه وعد و بجانبها ذلك الذي يحمل طبق ملئ بالريش و لم يكن غير سليم و كانت تحمل هى طبق ملئ بالمادة اللزجة و وقفوا امام غرفة الفتى الذى ينام بعمق
وعد بهمس: فى حاجه ناقصه
سليم بهمس: لا كفايه عليه دول و المره الجايه نعمل حاجه تانيه
وعد بهمس: تمام على بركة الله بس بجد صعبان عليا
سليم بهمس: اه يا عينى راجع بليل متأخر شكل الشغل كان كتير
وعد بهمس: بس يرضيك انه ينام كل ده هو احنا هنعوده على الاستهتار و بعدين عنده شغل
سليم بضحك: طب يلا بينا بقى عشان هتأخر على الشغل
قاموا بفتح الباب ببطئ و دخلوا و هم يتسحبون و ينظرون حولهم بحرص وقفوا على جانبي السرير و بعد نصف دقيقه قامت وعد بإسكاب كل الماده اللزجه على ذلك الذى انتفض بشده و قبل ان يستوعب قام سليم برمى الريش عليه و ركضوا للخارج
وعد بصراخ و هى تركض: كل ده نوم يا ابو كرش
امان بصراخ: وعدددد سلييييم هقتلكم
قام من مكان و كاد يركض خلفهم و لكن سرعان ما وقع على وجهه بسبب الماده اللزجه و وعد ركضت اختبأت فى غرفتها و سليم نزل بسرعه خرجت فريده على صوت صراخ امان
فريده بخضه: حبيبى يا بنى اسم الله عليك يا حبيبى
امان بغضب: هقتلهم
و عندما حاول انا يقف و لكن وقع على وجهه مره اخرى
رمزى بضحك: لما تعرف تقف الاول ابقى اتكلم كتك نيله خدى يا بت يا وعد
⚜️⚜️⚜️⚜️⚜️⚜️⚜️⚜️⚜️⚜️⚜️⚜️⚜️
فى شقه راقيه
يقف اريام و هو يتحدث فى الهاتف: لا كده كتير بقالك سنين بره و لما انا نزلت قولت هتنزل معايا مصر و لا انت عجبتك قاعده نيويورك و لا اى
الجانب الاخر:خلينى فتره هنا هخلص اخر شغل و هنزل
اريام ببرود: انا حجزت ليك طياره هتيجى بكره من غير اعتراض يا عمو سمير
سمير بزعل: بردوا كل الفتره دى و لسه عمو
اريام بحزن اخفاه خلف قناع البرود: انت عارف انى مش هقدر
سمير بحزن: هنزل اخر الاسبوع يا اريام و يكون خلصت كل الشغل اللى هنا و بعدين انت معاك امان مش ده صاحب عمرك
اريام بتنهيده: اه بس بردوا انت عارف مقدرش اقعد بعيد عنك مع انى حاسس ان فى حاجه نقصانى بس دايما وجودك جنبى انت و امان بيعوضنى عن النقص ده
سمير بهدوء: ده انت ابنى مش ابن صديقى لا و بعدين ياض بكره تتجوز و تنسانى
اريام بحزن: كلهم كدابين عمرى ما افكر حتى
سمير بحزن: انت عارف ان ربنا كشفلك حقيقتها قبل ما تدبس فيها
اريام بحزن: ربنا يقدم اللى فيه الخير
سمير بحزن عليه فهو يعلم كم تعلق بها و ليس احبها فهو من رباه و يعرفه جيدا و يعرف ما يفكر به
سمير بهدوء: بص انا هحاول اخلص بسرعه و هنزل مصر ماشي
اريام بهدوء: تمام ماشي
و اغلق الهاتف و نظر لنفسه فى المرايه
اريام بقوه: عمرى ما هثق فى حد تانى خليك قوى و متبقاش عبيط عشان ميستغلوش ضعفك ده
انهى اخر كلماته و خرج من الشقه متجه لسيارته و خلفه اسطول من سيارات الحراسه متجها للشركه
⚜️⚜️⚜️⚜️⚜️⚜️⚜️⚜️⚜️⚜️⚜️⚜️⚜️
عند رودينا فى عملها فى البنك نعم فهى تعمل محاسبه فى البنك كانت تجلس تباشر عملها بكل برود ولا مبالاه حتى قطع عليها ذلك الشخص السمج كما تصفه
الشخص بسماجه: المدير بيقولك خلصتى الملف اللى قالك عليه
رودينا ببرود: اسمها الحسابات يا سامح و اتفضل من هنا انا هروح اسلمه
سامح بسماجه: لا هو طلب منى اجيبه
رودينا ببرود: اممم و يا ترى انت خلصت الحسابات بتاعتك
سامح بنرفزه: و انتى مالك اخلصها ولا لا هاتى الحسابات اخلصى
رودينا ببرود و هى تخلع نظارتها الطبيه و نظرت له نظره جعلته يرتجف بخوف
رودينا ببرود: انت بتكلمنى انا كده
سامح بإصتناع القوه: يعنى تكونى مين انتى
ردينا ببرود و هى تقف: و يا ترى بقى لما تاخد الحسابات تروح تقوله زى المره اللى غلطت فيها و اديتك توصل الحسابات هو انت فاكرنى انى معرفش اللى انت عملته
سامح و هو يبتلع ريقه: انتى هتكدبى يا بت انتى و تقولى كلام محصلش
نظرت له رودينا نظره جعلته يخرس: اتفضل من هنا و انا اللى هروح اقدم الحسابات للمدير بنفسى و كلامك ده هتتحاسب عليه
هرب سريعا لانه يعلم انها لا تمزح و يلعن سهيله التى اتفق معها لكى يندموا تلك الفتاه على برودها
و باشرت رودينا عملها مجدداً
🔸🔸🔸🔸🔸🔸🔸🔸🔸🔸🔸🔸🔸
كان يقف من بعيد و هو يراها تتحدث مع زميلهم بتعالى و تكبر من وجهه نظره
نظر ل سامح الذى كان يتمتم بغضب و نادى عليه
اقترب منه سامح بغضب
سامح بنرفزه: نعم يا سليم
سليم بإستغراب: فى اي و الديب فريزر دى عملتلك اى
نظر له سامح بخبث: اصل المدير قالى انى اروح اقولها انه عاوز الحسابات لقيتها بتقولى تمام اطلع بره و لما قولتلها بتعاملينى كده لي قالتلى انت مين اصلا عشان تتكلم معايا كده
سليم بهدوء: فعلا واحده مغروره روح يلا كمل شغلك و ملكش دعوه بيها دى واحده قليلة الذوق
و تركه و ذهب و سامح ذهب ل سهيله و لم ينتبهوا
لـ تلك التى كانت تقف تستمع اليهم بدون قصد
⚜️⚜️⚜️⚜️⚜️⚜️⚜️⚜️⚜️⚜️⚜️⚜️⚜️
فى شركة التى يعمل بها مصطفى
كان يجلس احمد و هو ينتظر وصول مصطفى حتى وجد مصطفى يدخل و هو يلتقط انفاسه بسرعه
احمد بضحك: مقلب جديد
مصطفى بنرفزه: يا ريته كان اى مقلب لكن ده مقلب صامت محستش غير فين و فين
احمد بضحك: عملت اى المره دى
مصطفى بغيظ: لا ما انت هتعرف كده كده متستعجلش و بعدين اوعى ابدأ شغل قبل ما البومه يجى
ظهر صوت من خلفه: بومه في عينك عيل قليل الادب طب اى رأيك مخصوملك 20% بسبب قلة ادبك دى و عشان تأخيرك
كاد ان ينطق مصطفى و لكنه وجد من يكمم فمه و لم يكن غير احمد
احمد و هو يكتم ضحكه: خلاص يا استاذ فتحى بعتذر بالنيابه عنه
فتحى بغلاظه: متطلعش ليه زى ابن عمك المحترم ده و لا انت لسانك متبرى منك كده
و تركهم و خرج
نظر مصطفى ل احمد بعدما تركه: كنت سيبنى اجيب كرشه
احمد بضحك: خلاص يا وحش كلها ايام
مصطفى بدعاء: يارب و قبل ما امشى هضربه بردوا
ظل احمد يضحك على صديق عمره و بدأ فى عملهم
⚜️⚜️⚜️⚜️⚜️⚜️⚜️⚜️⚜️⚜️⚜️⚜️⚜️
فى شركة العزيزى للبناء
يدخل اريام للشركه بكل هيبه و قوه و برود حتى وصل ل مكتبه و قبل ان يدخل نظر للسكرتير بتاعه
اريام ببرود: هاتلى كل المواعيد و لما يوصل امان بلغه انى عاوزوا ضرورى
و دخل مكتبه و جلس يباشر عمله و بدأ ينظر للصفقه الجديده و بعد خمسة دقائق كان يدخل السكرتير بعدما طرق على الباب و قام بإخبار اريام بكل مواعيده و خرج مجددا و بعدها ب ساعه كان يدخل امان المكتب بدون ان يطرق و هذه من عوايده مع اريام فقط
امان بهدوء: طلبتنى يا اريام
اريام ببرود: انت اتأخرت ليه
امان بسخريه: بعيد عنك امى كانت بتنتف ريشى
اريام ببرود: انت هتهزر معايا
امان بضحك: و ربنا مبهزر الجزم وعد و سليم دلقوا عليا ماده لزجه و ريش و الماده خدت وقت عقبال ما شيلتها
اريام ببرود: تمام و عاوزك تجهز عشان اخر الاسبوع عمو سمير نازل
امان بفرح: بجد احلف
اريام ببرود: هو انا ههزر معاك
امان بضحك: يا عم فكها ده انت كنت فرفوش بس من.....
قطع بقية كلامه عندما استوعب ما كان سوف يقوله
نظر له اريام ببرود: روح راجع الصفقه الجديده عشان الاجتماع بعد الظهر
امان بهدوء: تمام
و تركه و خرج و هو حزين على حال صديقه
⚜️⚜️⚜️⚜️⚜️⚜️⚜️⚜️⚜️⚜️⚜️⚜️⚜️
فى بيت مصطفى كانت تجلس سيدرا و ملك ينظرون لبعض
سيدرا بملل: و بعدين انهارده السبت و اجازه ليكى و ليا
ملك برفع حاجبها: متنسيش انك مقعدانى غصب انهارده
سيدرا بملل: طب تعالى نعمل اى حاجه
ملك بهدوء: زى اى
سيدرا بحماس: تيجى نتصل على البت خطيبة مصطفي و ندايقها
ملك بهدوء: لا ملناش دعوه بيها باين عليها مش طايقانا ولا هى و لا عيلتها
سيدرا بحزن: صح احنا اتخدعنا فيها بس بتكون كويسه مع مصطفى مع انها منقبه بس من تحت لتحت
ملك بتذكر: فكرتينى
سيدرا بفضول: ايه قولى
ملك:...........
سيدرا بذهول: يا لهوى مصطفى هينصدم اوى لازم نقوله
ملك بحزن: اكيد بس احنا مش معانا دليل
سيدرا بغضب: اه بنت ال.. و ربنا ما هرحمها
ملك بهدوء: رودينا هنقولها ازاى
سيدرا بغضب: اكيد هى عارفه
ملك بإستغراب: ازاى
سيدرا بتفكير: لانها بقت بتعاملها من غير نفس و كلامها بقى قليل معاها و ده اكيد انها بتدور على دليل
ملك بحزن: بس مصطفى عمروا ما هيكذبنا
سيدرا بدهاء: بس افردى هو راح واجهها و هى انكرت و ممكن تقلب الدنيا علينا دى خبيثه
ملك بهدوء: عندك حق بس تقع تحت ايدينا و ربنا ما هنرحمها
سيدرا بضحك: أحبك و انت شرير كده
ظلوا يضحكوا معا و هم يخططوا لما سوف سيفعلونه فى تلك المخادعه الخبيثه
⚜️⚜️⚜️⚜️⚜️⚜️⚜️⚜️⚜️⚜️⚜️⚜️⚜️
فى بيت الاسمر
كانت تجلس وعد هى و فريده يشاهدون مسلسل الحب الاعمى و هم مركزين اوى فجأة قطع تركيزهم رمزى و هو يغير القناه
فريده و وعد فى صوت واحد مثل الصراخ: ايه الفصلان ده
نظر لهم رمزى بفزع: فى ايه يا ولاد الهبله
فريده بحده: مين دى بنت الهبله يا رمزى
رمزى بخوف مصتنع: دى البت وعد
وعد بتسخين الجو: لا قصده عليكى يا فيرى
فريده نظرت له بحزن: انا يا رمزى
اقترب منها رمزى بسرعه و هو يضمها
رمزى بحنان: مش انتى يا قلب رمزى ده انتى اللى فى القلب برضوا
فريده بنظرات حب: بجد يا رورو
رمزى بحب: بجد يا قلب رورو
وعد بمقاطعه و هى تتحدث ب نحنحه: لا كده مينفعش اديها بوسه احسن هتتثبت اكتر
انتفضوا بفزع و قد تناسوا ان وعد تقف
رمزى و هو يخلع شبشبه المنزلى: يا بنت الكلب خضتينى
و عد و هى تتفادى الشبشب: رورو عيب لما تشتم نفسك و بعدين ده انا بنصحك
رمزى بغضب مصتنع: يعنى انا كلب
وعد بضحك: هو انا قولت كده و بعدين يا فيرى مش عيب لما ياكل عقلك بكلمتين
رمزى و هو يرفع يده: ربنا يوعدك باللى ياكل عقلك بكلمتين حلوين و يثبتك و تلاقى مصيبه تفصلكم
وعد بضحك: متقلقش انا اللى هاكل عقله بالكلمتين دول
فريده بضحك: هو انتى هتقوليللنا
وعد..........
🚷🚷🚷🚷🚷🚷🚷🚷🚷🚷🚷🚷🚷
اى اللى ملك قالته ل سيدرا و هيخططوا ازاى؟
رودينا هتسكت ل سامح على الكلام ده؟
مين هى خطيبت مصطفى ؟
وعد هتقول اي ل فريده؟
اي اللى حصل مع اريام زمان؟
البارت خلص و نشوفكم مع الاحداث بتاعت البارت اللى جاى و يارب البارت يكون عجبكوا
#بقلم رضا محسن