في عصر يوم السبت سمع صوت طرق على الباب.
اسيل(الاخ الاكبر لروكسانا):شكون راه يطبطب على الباب؟.
ريشيل(اب كاسيس و سيلفيا):هذا احنا يا ولدي.
اسيل(يفتح الباب):ياه عمي ريشيل وخالتي جين و اختي سيلفيا اووو تا كاسيس راه هنا تفضلوا تفضلوا دخلوا الدار داركم.
جين(ام كاسيس و سيلفيا):الله يزيد فضلك يا ولدي.
كاسيس(وهو يصافح اسيل):كي راك هادي غيبة.
اسيل:والله الحمد الله و انتوما.
كاسيس:الحمد الله.
اسيل:ادخلوا دك نروح نقولهم يطيبوا القهوة.
في المطبخ:
غريزيلدا:شارلوت نوضي شوفي شكون جا.
شارلوت:و علاه انا دايمن.
غريزيلدا: على خاطرش انتي الصغيرة.
اسيل(وهو يدخل المطبخ):السلام عليكم خواتاتي.
شارلوت؛غريزيلدا؛روكسانا:و عليكم السلام.
شارلوت:جابك ربي يا خويا العزيز لا بغيت قولنا شكون جا.
اسيل:فاميلية فيديليان راهم جاو وجابوا معاهم بوكي تاع ورد و باطة باتيسري...المهم انتوما طيبوا القهوة وحطولهم من الڨاطو تاع روكسانا الي دراته البارح.
روكسانا:ما يكون غير خاطرك يا خويا العزيز.
اسيل:صح دك نمشي نقعد معاهم شوية ما تبطاوش.
روكسانا:داكوغ.
بعدما خرج اسيل من المطبخ:
شارلوت:علاش جاو؟.
غريزيلدا:باينة.
شارلوت:قولي لنا علاه ايمالا.
غريزيلدا:ولدهم الكبير كاسيس يبغي روكسانا.
شارلوت:و واش عرفك.
غريزيلدا:يا بنتي كاع امة لا اله إلا الله تعرف بالي هو يبغيها وكان يستنى يتخرج ويخدم باش يخطبها(تنظر الى روكسانا)و تا ختنا تبغيه بصح دايرة روحها ثقيلة بصح قصة حبهم هادي مستحيلة تقريبا.
روكسانا: غريزيلدا راكي تفرجتي بزاف مسلسلات تركية على حساب الشوفه وديجا راني درت القهوة والحليب وتاي بالنعناع وحطيت الڨاطو رواحي انتي وشارلوت عدلوهم في الصينية.
غريزيلدا؛شارلوت:داكوغ.
يتبع.............................................................
السلام عليكم يا ايها السيدات والسادة والفضائيين والجن(اوكي المقدمة من عند اولي سينسي)اليوم في روايتي هذه كتبت فصل بلهجتي الام اللهجة الجزائرية وان شاء الله سوف اترجمها الى العربية وبالتفكير بالامر ساقوم بكتابة قصص ون شوتات بلهجات اخرى وبالطبع لا ننسى لغتنا الام العربية وذلك لجميع الاخوة والاخوات من جميع انحاء الوطن العربي للاستمتاع واريد ان انبه الى ان هذه القصة من افكاري التي تاتيني في منتصف الليل وساقوم بكتابة جزء ثاني لها والان الى اللقاء ودمتم سالمين.