دنياى المظلمة ابتسمت لكى لم أعلم أن وراء تلك البراءة خنجر مسموم ينخر قلبى يدميه ليتركه فتاتا تزيلها دموع توبتى (بقلمى). استيقظت تلك الجميلة على صوت المنبه الذى استقر عقربه على السادسة صباحا لتظهر على ملامحها ابتسامة مشرقة تنم عن سعادتها فهى على وشك بدء حياتها العملية لتتسع ابتسامتها أكثر حين سمعت صوت الراديو يصدح عاليا ككل يوم بصوت الشيخ محمد صديق المنشاوى يقرأ ماتيسر من سورة مريم بصوته العذب الرقيق الذى لطالما بعث فى قلبها الطمأنينة والهدوء، لتنهض بنشاط من على سريرها البسيط لتتوضأ وتؤدى فرضها لتخرج بعدها إلى صالة ذلك المنزل الدافئ البسيط ميسون بإبتسامة: صباح الفل والأناناس على أحلى الناس ولا أقولك صباح الخير يا مصر. عبير بضحك: صباح النور يا حبيبتى ماشاء الله وشك منور والفرحة باينة فى عنيكى. ميسون بتنهيدة راحة: الحمد لله يا ماما أنا فعلا مبسوطة ومش مصدقة إنى لقيت شغل. عبير: الحمد لله يا بنتى ربنا يديم عليك السعادة ربنا كريم مبينساش حد علينا السعى والدعاء وربنا يستجيب. ميسون: ونعم بالله هنزل أنا بقا أجيب فول وطعمية وعيش وأحضر أحلى فطار لأحلى أم فى الدنيا لتنزل بعدها من منزلها تلقى السلام بإبتسامة معهودة على الجميع حتى وصلت إلى بيت تلك السيدة التى هجرها زوجها ومات ولدها الوحيد لتصبح بلا مأوى ولكن الله لا ينسى عبدا من عباده ليعوضها بتلك الملاك التى تعتبرها تلك السيدة عفت عبد الكريم ابنة لها ميسون بإبتسامة حب: صباح الخير يا حاجة عفت أخبارك إيه يا جميل. عفت بحب: بخير يا حبيبتى ربنا يسعدك ويكرمك يارب الحمد لله فى نعمة ربنا وفضله. ميسون بمزاح: شايفاك مبتسم يا جميل ومروق على الآخر ورجعت شباب من تانى ده إحنا نشوفلك عريس بقا😂😂. عفت بضحك وحب لمزح تلك الجميلة: عريس مرة واحدة الله يجازيكى ضحكتينى هو الواحد عاد فيه حيل وبعدين أنا خدت نصيبى أنا بس فرحانة لإنه بنوتى هتتخطب قريب عقبالك يا بنتى لما تفرحى وتفرحى والدتك. ميسون: فى حياتك يا جميل أيوه ادعيلى كده علطول وأنا أبقى تمام. عفت: ربنا يكرمك ويوفقك يا بنتى. ميسون بإبتسامة: يارب. ____________________ (Fashion and Beauty) قرأتها ريم بعينين منبهرتين للغاية بذلك المكان المرموق بصحبة أميرة التى أصابتها الصدمة تحملق بعينيها فالمكان راقى للغاية. ريم بإبنبهار وفرحة: أوووه المكان يجنن وكاتبين إنه فيه تصاميم كتير لفساتين من تصميم designer المشهور سامو هجرس. أميرة بانبهار لم تستطع إخفاءه: هو فى كده أنا مش مصدقة عنيا كإنى فى حلم جميل ومش عايزة أصحى منه أنا أول مرة أجى الأماكن دى ده أنا نص هدومى بشتريها من العتبة عشان أسعارها معقولة ولا من عند عمى جبر اللى فى آخر الشارع ههههههه عرفت المكان ده من فين ياريم. ريم بفرحة: قرأت إعلانات المول ده على الانترنت ولما شفت الحاجات المعروضة قولت لازم أجى بس مكنتش أعرف إنه روعة كده فى الحقيقة يا حظك الحلو يا ميرو. أميرة بتردد وزعل: بتقولى إيه بس ياريم إحنا كل اللى معانا ألف جنية هيجيب إيه ده إنتى مش شايفة الأسعار يلا نمشى أحسن ونروح مكان يناسب الفلوس اللى معانا أنا معنديش إستعداد أحمل بابا فوق طاقته. ريم بعدما لاحظت حزن صديقتها: طيب بصى أنا عندى فكرة إيه رأيك ندخل نتفرج الأول مش يمكن نلاقى حاجة مناسبة وبعدين سمعت إن المول ده بيعمل نفس التصاميم الغالية أوى بسعر معقول بس خامة أقل شوية فأكيد هنلاقى يلا بقا عايزة أدخل. أميرة بإستسلام: ماشى يلا لما نشوف أخرتها. اتجه كل من أميرة وريم للداخل ليزداد اعجابهم بالمكان فهو منظم والفساتين معروضة ومنظمة بشكل يخطف الأنفاس ويعج المكان بهولاء أصحاب الطبقة الراقية ينتقون أغلى الفساتين لأشهر المصممين منهم المصمم المعروف سامو هجرس وفى وسط هذه الأجواء سقطت عينى أميرة على فستان دانتيل بنفس لون الكريز ومطرز به حزام من المنتصف يعيطه رونقا جذابا رغم بساطته لتلاحظ ريم نظرات صديقتها لذلك الفستان ليتجه بعدها الاثنان إلى ذلك الركن لتجذب أميرة الفستان أميرة بفرحة وإعجاب: إيه رأيك فى الفستان ده يا ريم. ريم بإعجاب هى الأخرى: شكله يجنن وأهم حاجة إنه مقفول وينفع للمحجبات وبسيط حلو أوى بجد شوفى سعره كده. تطلعت أميرة إلى الفستان لتصاب بخيبة الأمل فسعره يتخطى 1500 جنيه ثم نظرت لريم نظرة تفهمتها الأخرى . ريم : خلاص مش مشكلة نشوف حاجة تانية ولو ملقناش حاجة تناسبنا نروح مكان تانى. أميرة بحزن: ماشى أنا عارفه من الأول إنه هيكون غالى مع إنه عجبنى أوى. وجدت أميرة أحدا ما يضع يده على كتفها لتلتفت وترى فتاة يبدو وجهها مألوف بالنسبة لها أمنية: أنا آسفة بس سمعت كلامكم غصب وحاسة إنى شايفاكم قبل كده ثم وضعت إصبعها بجانب رأسها كمحاولة لتذكرها ثم هتفت بحماس أيوه افتكرت مش انتوا معايا فى هندسة اسكندرية. ريم وأميرة فى نفس واحد: أيوه. أميرة: أنا حسيت إنى شوفتك قبل كده على العموم أنا أميرة. ريم: وأنا ريم. أمنية بحماس: وأنا أمنية تشرفت جدا بيكم على فكرة أنا اشتريت نفس الفستان اللى فى إيدك ده وممكن أسلفهولك تحضرى بيه المناسبة اللى عايزة تروحيها . أميرة بإحراج: لأ عادى مش مشكلة أنا ممكن أشترى حاجة تانية. أمنية بمرح: لأ كده مش هينفع يا ميرو إنتى كده هتزعلينى منك ياستى هو هينقص لما تاخديه قولى حاجة يا ريم. ريم بإبتسامة: خلاص يا أميرة خديه ومتكسيفهاش. أميرة: ماشى هاخده ومتشكرة جدا يا أمنية. أمنية: ولا يهمك بصوا بقا إدونى أرقامكم عشان نبقى صحاب ونكون إحنا التلاتة حزب للقضاء على دكتور عباس اللى مش فاهمين منه حاجة ده. ضحك كل من ريم وأميرة على ماقالته أمنية وتبادلوا أرقام هواتفهم ثم ذهبوا برغبة من أمنية للكافيه المجاور للمول وتناولوا الأيس كريم وطبعا لم تخلو جلستهم من المرح ليتشكل جروب جديد من أصدقاء للأبد. _____________________________ حركة غير معهودة يشهدها قسم الشرطة بمدينة الاسكندرية تم تبليغ جميع الظباط بإختلاف رتبهم لحضور اجتماع طارئ فالأمر خطير للغاية بقاعة ضخمة تتوسطها شاشة كبيرة يجلس جميع الظباط من بينهم معتز والملازم أحمد عبد السلام يعم الصمت سوى من بعض الهمهمات ليقطع ذلك الصمت دخول اللواء بدر الجارحى بوجه متهجم ليقف الجميع يؤدون التحية لمديرهم بدر: اتفضلوا اقعدوا طبعا كلكم شايفين الوضع المتأزم اللى البلد فيه اليومين دول من آخر عملية يقصد بذلك الحادثة التى خسر بسببها معتز الكثير والوضع كان هادى والوضع اتأزم من يومين بس دخل البلد أكتر من شحنة من المخدرات غير حوادث القتل الكتيرة جدا والاعلام مش ساكت وبيتهمونا بالتقصير وإننا مش شايفين شغلنا وبياخدوا الشو على حسابنا رغم إنى مضايق جدا من الكلام ده بس يؤسفنى أقولكم إنكم مش قايمين بدوركم يا حضرات. شعر جميع الظباط بالخزى ونظروا للأسفل بإحراج بدر: أنا مش بقول الكلام ده عشان تعملوا كده بس لازم نتحد ونوقف العصابات دى عند حدها ونحمى البلد من شرهم ثم قال بجدية وصرامة هنزود ساعات العمل وعايز التحريات تشتغل كويس جدا عشان نعرف مين البوس الجديد مكان مدحت الكارم بمجرد نطق ذلك الاسم احمر وجه معتز من شدة الغضب فذلك الحقير هو الذى أفقده عائلته ليكور قبضة يده حتى ابيضت عروقه من شدة ضغطه عليها ليلاحظ ذلك اللواء بدر فهو قد تعمد ذكر اسمه ليرى تأثيره على معتز وقد نجحت خطته بالفعل. بدر: معتز إنت المكلف إنك تعرفلنا مين البوس الجديد وإختار من الظباط اللى يناسبك عشان تكون فريق قوى وخليك على تواصل مع المباحث وأنا متأكد إنك قدها وقدود يا معتز وعارف ومتأكد إنك أكتر واحد مناسب للمهمة دى إيه رأيكم يا جماعة. أيده الظباط فى إختياره فمعتز معروف بكفائته وذكائه الشديد. استعاد معتز رابطة جأشه ليقف قائلا: وأنا موافق إنى أمسك القضية دى وأوعد حضرتك إنى هبذل كل جهدى عشان أقبض عليهم . بدر بإبتسامة:ده اللى متوقعه منك ربنا يوفقك وعايز أخبار كويسة أسمعها ثم تغير وجهه حين خطرت بباله إحدى الأمور. بدر بجدية وحذر: معتز عايزك تكون حريص جدا وتدرس كل خطوة كويس الناس دول مش ساهلين أقصد لازم تحاول تحمى خطيبتك وتبعدها عن عيونهم. صدم معتز بذلك الحديث فقد وضعته تلك الغبية برأيه فى ذلك الموقف ليومئ بموافقته حتى لا يعلم أحد بحقيقة الموضوع فلابد أن يكتشف ذلك بنفسه حين يعثر عليها وتوعد لها إذا كانت من جهة عدوه اللدود. ______________________________ بس هنا على جنب لو سمحت قالتها ميسون لسائق التاكسى فقد وصلت إلى العنوان المطلوب نزلت ميسون من التاكسى بخطى متمهلة تشعر بتوتر شديد يعتليها وينبض قلبها بطريقة غريبة لم تعدها لتتمسك بحقيبتها جيدا وكأنها تستمد منها القوة كمحاولة لتخفيف ذلك التوتر دون سبب واضح ثوانى وإتجهت إلى بوابة ذلك المكان الأشبه بالقصر ولكن تحيط به هالة من الغموض لتتجه عينيها إلى تلك اللوحة المعلقة على السور ڤيلا:عزيز الديب. قرأتها لتشعر بعدها بتزايد نبضات قلبها ثوانى وصرخت بشدة فماذا حدث يا ترى! يتبع......