(يوماً ما ستُداوى جروحى العميقة ، كالمطر الذى سقط أخيرا لينعش ورود حديقتى الذابلة) حسام بخضة وصدمة: يلهوى إيه ده ثم رفع يديه إلى الأعلى مستسلما حين رأى من يقف أمامه مشهرا سلاحه ويوجهه نحوه ليبدوا فى هذا الظلام كشبح أسود مخيف. خرج معتز من الغرفة وهو يضحك بشدة على صديقه معتز بضحك: هههههههه إنت خفت يا دكتور لأ طلعت خواف وجبان اجمد كده ده إنت داخل على جواز ههههه. هدأ حسام قليلا من نوبة الهلع التى أصابته، وجهه متعرق بشدة حسام بغضب طفيف وغيظ: روح يشيخ منك لله ده أنا قطعت الخلف حد يخض حد كده ده أنا كنت هموت فكرتك حرامى. معتز بضحك وهو يجذبه من ذقنه: إيه خفتى يا بيضة حقك عليا مش هعمل كده تانى😂😂. حسام بتذمر: إوعى كده بيضة فى عينك قال بيضة قال إنت متعرفنيش كويس على فكرة أنا بس ساكتلك عشان صحبى وغلبان ولسه البنت إياها مدياك على دماغك ههههه😂😂😂😂. تغيرت ملامح معتز فورا واسودت عيناه : عيد اللى قولته كده معلش ثم نظر له بغضب ونظرة مخيفة. حسام بخوف و تراجع: اهدى كده يا برنس بهزر إيه مبتهزرش يا فوزى عيل وغلط والنبى متبصليش كده ثم مثل البكاء وهو يقلد محمد هنيدى فى فيلم أمير البحار😂😂. انفجر معتز ضاحكا على تصرفات حسام الغريبة. حسام بتنهيدة: الحمد لله ضحكت يبقى سامحتنى ده إنت والدى برده. معتز بضيق: مستفز بقولك إيه فى شاب كويس اتعرفت عليه اسمه إياد وبقا صاحبى عشان كده كلمته وطلبت منه يجى معانا وإحنا رايحين نخطبلك بكرة وهو رحب جدا. حسام بفرحة:الله يعنى هنبقى تلاتة أيوه كده خلينا ندخل عليهم بقوتنا عشان يوافقوا ويحسوا إنه ليا ضَهر ثم خبط بيديه على صدره ليضحك معتز عليه(اتنين صحاب مجانين ملناش دعوة😂😂). _____________________________ فى صباح يوم جديد شمسه مشرقة، زقزقة العصافير فى كل مكان، والسماء صافية كأنها بداية لمرحلة جديدة سعيدة على أبطالنا يعلو الخبط على الباب بطريقة يعهدها الجميع الخبط مستمر وبشدة ومتكرر كأن من فى الخارج يستخدم عصا. أميرة بإبتسامة: دى أكيد ريم محدش بيخبط علينا بالشكل ده غيرها. نهاد بضحك: روحى افتحيلها بسرعة بدل متعمل خناقة مع حد من الجيران زى كل مرة بسبب الصوت. والد أميرة بضحك: عمرها مهتتغير أبدا اجرى افتحيلها من زمان مجتش عندنا وحشانى اللئيمة دى هههههه. ذهبت أميرة بإتجاه الباب وفتحته لتجد ريم مبتسمه بمرحها المعتاد. ريم بهزار: إيه كل ده يا بنتى ده أنا قولت زمانكم مغمى عليكم. والد أميرة: أهلا باللى راحت وقالت عدولى ثم فتح لها زراعيه لتسرع ريم إليه تحتضنه فهى يتيمه وتعتبره بمثابة والدها فهو دائما مايكون معها فى كل ماتمر به. أميرة: وحشتنى جدا يا عمى😍😍. والد أميرة: لو كنت وحشتك بجد كنت جيتى وشوفتينى بقالك شهر مدخلتيش بيتنا. ريم بإعتذار: معلش يا عمى الفترة اللى فاتت حياتى كانت ملغبطة ثم قبلت يديه معتزرة ليربت الآخر على ظهرها. نهاد بزعل مصطنع: يسلام هو بس اللى واحشك إخص عليكى. ريم وهى تذهب إليها وتحتضنها هى الأخرى: ده إنتى روحى يا نهودة بس إيه الحلاوة دى ده أنا معرفتكيش اللى يشوفك يديكى عشرين سنة الناس بتكبر وإنت بتصغر يا قمر إنت. نهاد بضحك: عارفه إنك بكاشة ومش هغلبك فى الكلام يلا عايزاكى تفرحى البت أميرة. ريم وهى تضع يدها على خصرها: من عُنيا بس إيه اللى إنتوا مشغلينوا ده مشغلين أغانى فاطمة عيد الدنيا اتطورت دلوقتى. نهاد: مالها أغانى فاطمة عيد روحى وورينا هتشغليانا إيه يا بنات آخر زمن. ريم بتبريقة: هنشغل أغنية بنت الجيران حسن شاكوش هيولعها ونرقص بقا ونفرح. والد أميرة وهو يضرب كف بكف: لله الأمر من قبل ومن بعد على آخر الزمن هنشغل مهرجانات يلا المهم تفرحوا. ريم: حبيبى يا عمو أيوه كده لتذهب إلى مشغل الموسيقى ليعلو صوت الأغنية تتراقص عليها أميرة وريم بسعادة. ____________________________ البواب: أحط الأكياس دى فين يا ست هانم. هدى: حطهم على السفرة يا عم عبده ثم خرجت من غرفتها لتجده أحضر كل ماطلبته منه. هدى بإبتسامة: شكرا يا عم عبده تسلم ثم أعطته بعض المال. عبده: من يد مانعدمها يا ست هانم محتاجة منى حاجة تانية. هدى: لا شكرا يا عم عبدو روح إنت. عبدو: ماشى يا ست هانم. هدى: يارب مكون نسيت حاجة أدى المقبلات ودى المشروبات ودى اللحوم وده الخضار وده.... نهلة وهى تتثائب: صباح الخير يا ماما. هدى: صباح الخير يا حبيب..ثم قطعت حديثها حين لمحت ابنتها التى من المفترض أن تكون عروسه خطبتها اليوم فقد كانت تبدو مضحكة عيونها متورمة من كثرة النوم ملامحها يسودها الكسل ترتدى بجامة نوم يرتفع بنطلونها إلى مابعد الركبة بقليل وشعرها منكوش ومشعث من كثرة تقلبها أثناء النوم. هدى بصياح: إيه ده إيه شكلك ده. نهلة بمرح: فى إيه يا ماما المفروض تكون اتعودتى ده العادى بتاع كل يوم إيه الجديد يعنى. هدى: صبرنى يارب الجديد يا حبيبتى إن ده مش زى أى يوم عمك ومرات عمك وخطيبك جايين يخطبوكى المفروض يجوا يلاقوكى قمر مش بشكلك ده. نهلة: أوام بقا خطيبى يوووه. هدى: إن شاء الله هيبقى خطيبك يلا روحى بسرعة خدى شاور واعملى شعرك وفوقى واهتمى بنفسك شوية. نهلة: أنا محتاجة أعمل كده فعلا عشان متأخرة على الشغل. هدى: ريحى نفسك أنا وخدالك أجازة عشان تظبطى نفسك إنسى الشغل ده شوية. نهلة: حاضر يا ماما ولا تزعلى هروح أنا أخد شاور. هدى: ربنا يسعدك يا بنتى يارب ثم نادت بصوت عالى على الخادمة ليعدوا تلك الوليمة التى تليق بخطيب ابنتها. ____________________________ عبير: ميسون اصحى يا بنتى هتتأخرى على شغلك الساعة 9. ميسون بذعر: إيه يلهوى اتأخرت أوى بتأخر من أول يوم ربنا يستر ثم قامت بسرعة من سريرها متوجهة إلى الحمام سريعا ثم خرجت بعد فترة من غرفتها مرتدية ملابسها ونظارتها الطبية عبير: استنى يا حبيبتى افطرى الأول قبل متمشى. ميسون بعجلة: معلش يا ماما مش هقدر يلا سلام عشان متأخرش. عبير: مع السلامة يا حبيبتى ربنا ييسرلك حالك يا بنتى ويبعد عنك ولاد الحرام. وصلت ميسون إلى القصر أخير ولكنها تأخرت نصف ساعة بسبب زحمة المواصلات سمح لها أمن الڤيلا بالدخول فتوجهت إلى باب الڤيلا ولكن عندما قطعت نصف المسافة أخذت تركض بشدة ميسون بصياح: حاسب... يتبع.......