(غلق طيات الماضى أول خطوة لبدء المستقبل،وقوعك فى نفس الخطأ مرتين غباء ولكن إذا كان الحب فهو فرصة من القدر). لم تصدق ريم ماسمعته كيف يريد أن يتزوجها وقد كان يهددها لمجرد كذبة تطلعت إليه لترى فى عينيه مكر الذئب ولكن لابأس فحواء تجيد اللعب والد أميرة بإستغراب: طالب إيد ريم بس إزاى. معتز بمكر: الحقيقة أنا قابلت الآنسة ريم قبل كده صدفة ومن وقتها وأنا معجب بيها وانهارده قابلتها صدفة للمرة التانية والقدر عايز يجمعنا فأنا حابب أرتبط بيها ها قولت إيه يا عمى. والد أميرة: بصراحة مش عارف أقولك إيه إنت حد كويس وريم بنتى ونفسى أطمن عليها بس فى الآخر القرار لها. نهاد بأمل:إنتى رأيك إيه يا ريم أنا المهم عندى هى سعادتك يا حبيبتى. ريم وهى تنظر لأول مرة بعينى معتز: وأنا موافقة. والد أميرة بسعادة: على خيرة الله ثم احتضن ابنتيه متمنيا لهما السعادة. أما حسام وإياد فقد كانا يتابعان كل شئ بدون استيعاب لما يحدث ثم نظرا لبعضهما نظرة بلهاء معتز: نتفق بقا يا عمى إيه رأيك نقرأ الفاتحة انهارده ونحدد ميعاد تانى للشبكة والخطوبة وخير البر عاجله. والد أميرة: على خيرة الله قرأ الجميع الفاتحة ولكن بقلب كل منهم مشاعر مختلفة منهم من يبتسم بسعادة حقيقية ومنهم من يخطط ومنهم من يشعر بمشاعر متضاربة أطلقت نهاد زغروطة بتلك المناسبة ثم وجهت حديثها لإياد نهاد بمرح: وإنت يا إياد إيه رأيك تتجوز إنت كمان ونشوفلك عروسة. حسام بمرح وبلاهة: ياريت والله حتى تكسبى فيه ثواب بدل ميفضل سنجل بائس وسطنا ده حتى معتز هيتجوز والله مأنا مصدق هههههه ثم كف عن الضحك حين لمح نظرات معتز التحذيرية حسام بتعلثم: عايزين نشرب شربات بقا ومتنسيش موضوع عروسة إياد يا حماتى. نهاد بضحك: من عينيا حاضر تعالى يا ريم إنتى وأميرة ساعدونى يا حبايبى. إياد بلطم: الله يخربيتك يا حسام معتز الحق صاحبك الغبى هيدبسنى مش عايز أتجوز أنا يعم. معتز بضحك: طنطك نهاد شكلها عندها عروسة وهتجوزهالك يا برو وحسام دبسك. تطلع إياد بيأس ليجد حسام يأكل الجاتو بسعادة شديدة ثم نظر لمعتز ليجده يضحك بشدة عليه إياد بحسرة: منكم لله زهرة شبابى هتروح... ___________________________ مراد يكتب الآن كانت تنتظر بيرى ما سيكتبه بترقب وشوق تبتسم تلقائيا كأنه أمامها حتى وصلت رسالته لها مراد: متشكر جدا يا بيرى النقاط المهمة اللى بعتيها خلتنى أفهم بعد مكان كل شئ معقد بالنسبة لى. بيرى وهى ترد: ولا يهمك مفيش داعى تشكرنى بس هو انت لسه زعلان من اللى حصل حاسة إنك لسه متضايق. مراد بحزن: مقدرش أنكر إنى زعلان واتأثرت جامد باللى حكوه وكمان ماما انهارت لما عرفت. بيرى بحزن: ولا يهمك حاول تبين إنك مش زعلان واتعامل عادى لانهم نفسهم يأذوك بأى شكل وكمان الولد اللى قال كده بيغير منك جدا عشان انت متفوق. مراد: إن شاء الله وأنا كمان هحاول أتجنبهم عشان ميحصلش بينا أى مشكلة تانية. بيرى بسعادة: هو ده الصح على فكرة قولى إنت كنت بتعمل إيه. مراد باندماج فى محادثتها معه: بعد مذاكرت الماث كنت بلعب بابجى. بيرى بلوية بوز: لو سمحت يا مراد ممكن متلعبش اللعبة دى تانى عشان ممكن تتعبك نفسيا دى لعبة موترة لأبعد حد اوعدنى إنك متلعبهاش تانى. مراد بصدق: إن شاء الله هحاول أبعد عنها وعشان ماما كمان بتضايق لما بلعبها قوليلى بقا وانتى كنتى بتعملى إيه. بيرى بسعادة: بص يا سيدى.... لتستمر محادثتهم وسط ضحكات مراد على بيرى ومواقفها المضحكة والأخرى تبتسم بسعادة فماذا سيحدث يا ترى. _______________________ بعدما انتهت السهرة ببيت أميرة غادر الأصدقاء الثلاثة وكلا منهم يحمل مشاعر مختلفة عن الآخر فحسام يشعر بسعادة كبيرة ومعتز يفكر فى خطة للانتقام من ريم أما إياد فقد كان يشعر بتشتت وضياع حسام بسعادة: إيه رأيكوا نخرج فى مكان هادى ونحتفل. إياد بإنزعاج: بقولك إيه يا أخويا عايز تخرج أخرج لوحدك مش كفاية التدبيسة السودة اللى وقعتنى فيها متقول حاجة يا معتز معتز كررها حين لاحظ شرود معتز فى شئ ما. معتز: إيه فى إيه. إياد: لا ده إنت مش معانا خالص البيه عايزنا نخرج نحتفل . معتز: نخرج إيه اليوم كان طويل أصلا ونفسى أنام وأرتاح وبعدين عايز تحتفل بعد اللى عملته فوق ده. حسام باستعباط: وأنا عملت إيه بقا. إياد بضحكة استهزاء: اتصرف إنت أنا مش هتكلم. معتز: عملت إيه كسفتنا بس قدام الناس وكمان عايزهم يشوفوا عروسة لإياد وطنطك نهاد مصدقت شكلها واخدة توكيل من منظمة الأسرة عشان تجوزنا كلنا. حسام وهو يمثل الطيبة: الحق عليا الواد غلبان قولت أجوزه بدل ميقولوا مات أعزبا فى بلاد المسلمين😂😂. إياد بنفاد صبر: أنا حر يخويا هو أنا كنت اشتكتلك. معتز بضيق: بقولكم إيه يلا نمشى فضحتونى مينفعش وقفتنا دى فى الشارع الناس بتبص علينا لم يكمل الكلمة حتى سقطت فوقه مياه ذات رائحة كريهة لينصدم بشدة وينظر للأعلى ليجد تلك السيدة تعنف طفلها ذاك المشاغب ثم وجهت حديثها إلى معتز الذى يقف متصنما شعره ووجهه وملابسه أيضا ابتلت الست باعتذار: أنا آسفة يا أستاذ الواد ابنى ده دايما فاضحنى كده معلش حقك عليا أنا. معتز بتبريقة: ولا يهمك بس دى مياة إيه اللى ادلقت عليا لو سمحتى. الست بلوية بوز: دى مياة سليق مكرونة يا أستاذ مش وحشة يعنى. انصدم معتز ليجد حسام وإياد منخرطان فى الضحك لينظر لهما بغضب حتى يتوقفا عن الضحك ثم توجه إلى سيارته سريعا ليجلس بالخلف ليتبعه إياد وحسام فيبدو أنه لا سبيل للضحك مع معتز على الاطلاق. __________________________ فى بيت عادل الشيوى وخصوصا بغرفة نهلة التى أدمعت عينيها من كثرة الضحك بسبب أمنية نهلة وهى تلتقط أنفاسها: حرام عليكى يا أمنية مش قادرة هموت. أمنية بضحك: بعد الشر عليكى يا أختشى لو موتى الواد أدهم هيتجوز مين. نهلة: ده كل اللى هامك أخوكى بس لا أنا زعلانة. أمنية: لأ إزاى يا نهولة ده إنتى روحى مش هتنيمينى معاكى على السرير المترين ده أحسن حاجة إنى هاخد راحتى فى النوم ياااه الواحد مش مصدق. نهلة بابتسامة: السرير بتاعك براحتك وعيشى حياتك. أمنية: حبيبتى حبيبتى بقولك إيه عايزاكى تشد حيلك بقا مع الواد أدهم أخويا لأحسن ده بيتكسف. نهلة: حاضر هههههه يلا ننام بقا يا مغلبانى. أمنية وهى تأخذ وضعية النوم: يلا والله مافى أحسن من النوم. _____________________ ريم: يلا بقا سلام يا أميرة. نهاد: تمشى تروحى فين لا مؤاخذة. ريم: هروح بقا يا طنط الوقت اتأخر. والد أميرة: أديكى قولتيها مينفعش تمشى دلوقتى خليكى ونامى مع أميرة فى أوضتها الصباح رباح. ريم: بس يا عمى مش هينفع أنا... والد أميرة: خلاص قولتلك وبعدين أنا عايزك تيجى تعيشى معانا كفاية قعاد لوحدك. نهاد بتأييد: والله وأنا كمان بقول كده خليكى معانا يا ريم والله ربنا يعلم أنا بحبك قد إيه ده إنت غالية عندنا. ريم ببكاء: أنا عارفة ومقدرة والله. والد أميرة: خلاص تروحى بكرة إن شاء الله تجيبى حاجتك عشان تقعدى معانا لحد مسلمك بنفسى لجوزك ده إنت بنتى ثم ربت على ظهرها بحب وحنان أبوى. ____________________________ خارج مصر فى أحد النوادى الليلية والتى تمتلأ بالفاسقين وسط تلك الأجواء المذمومة يجلس ذلك الرجل الخمسينى مدحت الكارم مع أصدقائه والذين يشكلون عصابة كبيرة حول العالم وأيضا يهددون أمن الدول يتحدثون عن خططهم الدنيئة وهم يتناولون الخمر لا يعرفون الله ولا يحسبون للقائه حساب وجد مدحت موبايله يرن برقم أحد العاملين بمنزله تجاهله ولكن عاود الاتصال أكثر من مرة ليرد عليه بعصبية مدحت: أيوه يا زفت حصل إيه. الطرف الآخر: سيلين هانم تعبانة جدا والدكتور جيه ومش قادر يتصرف. مدحت بعصبية وتوتر: الله يخربيتكم إنت ميجيش من وراك خير أبدا أنا جاى مسافة السكة.