بيبدأ فصلنا بأنس و هو مستني الباقي يجي و بعدها جت ندي و قعدت جمبه ......
ندي : اهلا ! انا ندي اللي هكون معاك في المشروع........
انس بس..بس مانا عارف ، ما تتصنعيش الضحكة و الترحيب الحار.
ندي : (( صدمة )) .. ( ده طلع فعلا زي ما بيتقال .. صليط اللسان ) .
ندي : هو مين التلاتة الباقين ، هموت و اعرف مين عشان قدر المشروع ده هيبقا فين .
انس : ههههه ، متعرفيش ! خليكي مش عارفاهم احسنلك ، هه الثلاثي الجانح .
ندي : مين يعني ؟
انس : حقك ، مانتي دفنة نفسك في المعمل زي رجل الكهف بس الفرق انهم مش عارفين حاجة اسمها كيمياء .
ندي : ( علي الاقل مش هيتكلموا بالطريقة دي ) .
...............
زيدان : يلا يا عبدالله اتأخرنا !
يوسف : يلا ياعم اكيد مش هنقول للدكتور " اننا اتأخرنا بسبب نداء الفن الراقي لينا " .
عبدالله : يا جماعة استنوا بس ، المشهد ده مش بشوفه غير كل ١٠٠ سنة ، ايه ده ؟؟ هو المنظر بيبعد ليه ، اكيد دخلت في مستوي عالي جداً من الفن لدرجة اني مش حاسس اني قاعد او واقف لا انا بطييير .
زيدان : ما تميلهوش عليا !
يوسف : انا بحاول !
عبدالله : يجدعان لاااااااااااااااااااااا ، سيبونيييي .
فجاه يسمع زيدان صوت بل اصوات تهمس في ودنه و غصب عنه بيسيب عبدالله و بيبص للمعمل .......
عبدالله : اهه يا ظهري يا جدعان ايه معاملة مرات الاب دي ، خلاص هحاول و انا في البيت اشغل خيالي المبدع .
يوسف : انا عايزك تبدع في المشروع الاول .
عبدالله : ........... 😒
يوسف : .......... 😒
زيدان : هو .... هو انتم سمعتوا حاجة من شوية.
عبدالله و يوسف : لا .
زيدان : طب مخدتوش بالكم من المعمل ؟
يوسف : لا هو زيدان اتجنن ولا ايه ؟
عبدالله : زيدان ! النداهة بتناديك لبي ندائها .
يوسف : انت فيك حاجه ؟
عبدالله : اكيد بتفكر في ماتشك اللي جي .
يوسف : الماتش اللي جي (( صدمة )) و متقلوليش !
عبدالله : تقبل كده يا يوسف احنا علي هرم اجتماعي و لازم تحترمه .
يوسف : (( زمجرة كلاب )) .
زيدان : اكيد اكيد لسه عارف انهارده .
يوسف : و عبدالله عرف ازاي ؟
عبدالله : عادي يا صاحبي ... هههه كلمتوا الاول (( توتر )) .
زيدان : ايوه ايوه .. هههه .
يوسف : ...😒 يلا عشان اتأخرنا .
زيدان : يوسف! اوعي تكون زعلان .
يوسف : ههه .. لا لا انا ازعل ليه يعني ههه .
عبدالله و زيدان : انت متأكد عشان شوية و هنشوي فوق دماغك درة .
عبدالله : هو الجو حر اوي كده .
زيدان : اسكت مسمعش صوتك .
..................
ندي : يوووووه ، اتأخروا اوي و الدكتور هيمشي .
انس : الدكتور هيمشي ازاي و الساعة دلوقتي 12:00 ...
ندي : انس ! عشان المشروع يعدي علي خير ، بطَّل تكلمني بالبرود ده .
انس : بس انا مش بارد ده طبعي اصلا .
ندي : ما هي دي المصيبة في حد ذاتها .
عبدالله : يا جماعة هما دول ، لازم نتكلم بفخر و تعالٍ .
يوسف و زيدان : ......... 😒
عبدالله : احم .. احم ، صباح الخير ، اكيد انتم ندي و انس مش كدا .
ندي : ايوه ايوه انا ندي انا سعي.....
انس : اسمها مساء الخير .
عبدالله : هاه !
انس : بص في ساعتك .
عبدالله : الساعة ؟؟؟ هات تليفونك .
يوسف : عيوني صديقي المنغولي .
عبدالله : الساعة 12:00 .
انس : و خمس دقائق ، يعني لازم تقول مساء الخير ، و عشان تعرفوا انكم اتأخرتوا .
يوسف : مالك !
عبدالله : هدي نفسك شوية .
انس : انا هادي اصلا مش هتعصب بسبب حد .
ندي : هههه شيطان و دخل ما بينا افتكروا انكم داخلين مشروع مع بع...
يوسف : انا مش هدخل المشروع ده طول ما في واحد لسانه مترين و قليل الذوق .
انس : قليل الذوق ده انت مشفتش حاجة منه لسه .
في نفس اللحظة الاصوات بترجع و بقوة عن السابق ترن في عقل زيدان بصوت اعلي ...
زيدان : بس بقاااا !!
ندي : 😐
انس : 😐
عبدالله : 😐
يوسف : 😐
عامل النظافة : 😐
الدكتور : ايه ده انتم وصلتم ! خشوا يلا .
ندي : ( عدي يارب المشروع ده علي خير انا شامة ريحة مجزرة بشرية قريبا .
.................
الدكتور : امممممم .
يوسف : هااااه .
عبدالله : ماااااا .
الدكتور : ها هديتوا ؟ الاسبوعين اللي جايين مدة حلوة عشان تخلصوا المشروع مش كدا ؟
الكل بيوافقوا ، و في نفس الوقت الاصوات بترجع ترن تاني .
ندي : (فرصتي) ، يا جماعة خلاص هنتجمع عندي عش.......
زيدان : لاااا ! (( بيفرك في ودانه )) .
ندي : ....... (( زمجرة كلاب )) ، خلاص اللي انتم شايفينه ( والله لاوريك يا زيدان الكلب ) .
..................
و هم في شقة زيدان ، و في حالة من الخمول لا مبرر لها ، انس بيلعب لوحده شطرنج (متوحد) ، و عبدالله بيرسم السماء ، و يوسف بيلعب لعبة فيديو ، و زيدان بيطبخ ، و ندي قاعدة عادي في الحمام ( مش بتعمل حاجة قعدة بس ) .......
ندي : (الناس دي هعرف اشرف عليهم ازاي ؟ ده كل واحد فيهم له عالم خاص بيه ، اتشجعي يا بنت و القي نظرة ثاقبة عليهم ، عشان تعرفي تترجمي المصيبة اللي انتِ فيها ) .
ندي بتخرج من الحمام ...
ندي : هممم ، تعال نشوف بقا . هه انت بتعمل ايه ؟
زيدان : لازم عشان نفكر صح يبقا لازم حاجة خفيفة كدا .
بتبص علي الفرن .. ندي : مكرونة بالبشاميل دي حاجة خفيفة !
زيدان : جدا 🤤 .
ندي : هو علي العموم مش وقته اكل علفكرة .
زيدان : مش لما ناخد راي الاغلبية الاول .
ندي : زيدان ! متخفش انتم بس لو تسمعوا كلامي هنعرف نسلم المشروع في اسرع وقت .
زيدان : شكلي مكترتش جبنة همم .
ندي : ...... (( زمجرة كلاب تاني )) .
ندي : هو انت بتلعب ايه ؟
يوسف : الجزء الجديد من اساسنز كريد هم دلوقتي في الموزمبيق .
ندي : يعني انت بتختمها في قد ايه ؟
يوسف : مش كتير اوي ممكن ست شهور .. حاجة زي كدا .
ندي : و بتستفاد حاجة و انت بضيع وقتك كده ؟
يوسف : طبعا بعمل الانجازات و بلعب المهمات الجانبية و بشتري كل حاجة .... ايوه صح انا بستفاد ايه .... اه صح انها اللذة .
ندي : طيب انا هروح اشوف عبدالله سلام .
يوسف : اخيرا اخدت انجاز نط علي مسافة ١٤٧٧ متر .
عبدالله : اههاا ، اخيرا خلصت .
ندي : الله ! حلوة اوي .
قام قطعها نصفين .
ندي : عملت ايه !!
عبدالله : عشان غروري ما يتغلبش عليا زي فان جوخ او دافنشي .
ندي : ط..طيب انا همشي دلوقتي .
عبدالله : الفن هو ... مش لاقي حكمة اقولها الصراحة .
انس : قلتلك ١٠٠ مرة الحصان بيتحرك حرف L .
ندي : ما....مانا عارفة بس ....
انس : بس ايه ، حد يحرك الطابية بزاوية .
ندي : لو شدة حيلها هتعرف .. ههههه .. هه .
انس : 😒
ندي : هههه ( يارب الارض تنشق و تبلعني ) .
زيدان : يلا الاكل جهز !
ندي : حمدالله خرجت من الموقف اللي انا فيه .
يوسف : كترت جبنة ؟
عبدالله هاخد انا اللي في وسط الصينية .
انس : ياعم كل و انت ساكت .