بيصحي عبدالله قدام مملكة النار ، بيسال نفسه اسئلة كتير ، و يوسف قدام مملكة الارض ، انس قدام مملكة الرياح ، ندي قدام مملكة الماء......
عبدالله : انا فين ؟ ، جيت هنا امته ؟ ، هو انا ليه حاسس اني كنت بحلم و صحيت من الحلم ؟ بس انا مش فاكره اصلا .
يوسف : لا انا مش عارف ......
انس : انا نمت اصلا...ولا..
ندي : منمتش من الاساس ؟؟
...................
بنبدأ بعبدالله لما بيدخل من البوابة و بيشوف مكتب التجنيد .....
عبدالله : ايه ده ؟
متطوع : ده مكتب التجنيد لو اتقبلت فيه بتكون جندي في مملكه النار ، و مش بس كده ، دول هيوفر لنا اكل وشرب ومسكن .
عبدالله : همممممممم
متطوع : ما تجرب حظك .
عبدالله : تعال نشوف .
الضابط : اللي بعده ! ، اسمك ايه ؟
عبدالله : انا ؟
الضابط : اكيد مش خالتي ، اسمك ؟
عبدالله بيشوف لافتت محل مكتوب عليها تاي لونغ للعطارة ......
عبدالله : اهههه .. تاي .. اسمي تاي .
الضابط : سنك ؟
تاي : انا ؟
الضابط : انت عبيط ؟
تاي : اههه...طب تديني كام سنة ؟
الضابط : انت هتهزر يبني ! سنك ؟
تاي : قول كده قيمة ٢٠ سنة مثلا .
الضابط : مثلا ؟
تاي : مشيها مشيها .
الضابط : ولا ؟ انا بدأت اشك فيك ، بس اللي هيشفعلك اختبار استدعاء الشعلة .
تاي : ايه البتاع ده ؟
الضابط : لما تروح الساحة هتعرف ، اللي بعده !
..................
يوسف : ارجوك شغلني عندك يا عمووو ... اههه 😭
البائع : يا ابني ماسك في هدومي ليه كده ! قلت لك معنديش مكان .
يوسف : انا مين يا عموووو 😭
البائع : انت زفت قطران ! امشي يلا من هنا!
يوسف : اروح فين يا رب ولا اجي منين .
راهب : انت محتاج حاجه ؟
يوسف : انا مين ؟ انا جيت هنا امته ؟ وهل انا كنت موجود هنا ولا في حته تانيه ؟ انا هتجنن .
راهب : الاسئله دي عميقه اوي ، فعلا لازم نسال نفسنا احنا مين وكنا فين قبل ما نيجي العالم ده .
يوسف : انا اللي بسأل ! انا مين ؟؟؟
راهب : انت اسمك ايه ؟
يوسف : هاه ! ايه السؤال الصعب ده ، معرفش طبعا .
راهب : طب ما تيجي معايا ؟
يوسف : اجي معاك فين يا عم انت ؟؟
راهب : معبد الشاولين ، هناك هتلاقي اجابات لاسئلتك كلها هتعرف جوهرك .
يوسف : ............... ايوه يعني هتأكلوني و تشربوني و تنيموني .
راهب : اكيد .
يوسف : طب فين المكان ده ؟
راهب : مش بعيد هو علي قمة الجبل ده .
يوسف : ط..طيب ، انت بتعمل ايه تحت ؟
راهب : بجيب مخزون الشهر ، و مدام هتبقى من تلامذه الشاولين هتساعدني في شيل الغلات .
يوسف : ما صدقت انت .
راهب : ههه هتشيل ولا لا .
يوسف : (في سبيل بس اني هلاقي مكان انام فيه) ماشي يلا بينا .
....................
الضابط : ما تنطقي يا بنت ! سرقتي من الخباز ليه ؟
ندي : جعانة والله ! وكنت ارجع له الفلوس لما تكون معايا .
الضابط : انتطقي يا بنت انت منين ؟
ندي : معرفش .
الضابط : طب اهلك اسمهم ايه ؟
ندي : معرفش .
الضابط : طب انتي تبع مين انتي .
ندي : معرفش .
الضابط : طب انتي اسمك ايه ؟ انتطقي قولي ايه حاجة !
ندي : معرفش معرفش معرفش (( بكاء بانهيار )) 😭 .
الضابط : هاااه ، انتي كده هتتسجني بتهمة السرقة .
الخباز : يحيا العدل يا باشا .
ندي : والله .. والله كنت هرجعله فلوس العيش والله والله.
الضابط : هممم ... حق الرغيف كام ؟
الخباز : ١ شيس برونزي .
الضابط : ماشي خدهم اهم ، و انتي يا بنت مشفش وشك هنا تاني انتي فاهمة ، يلا امشي .
ندي بتمشي ولكن بتلف و ترجع للضابط .....
الضابط : ايه تاني ؟
ندي : شكرا جدا ، بس انا مش عارفه اروح فين .
الضابط : هه .. انا عرفت هوديكي فين .
.....................
الضابط : يعني انت اللي عينت نفسك !
انس : طبيعي عشان انا عاطل حاليا .
الضابط : طب هو كبير الحرس عينك ؟
انس : لا .
الضابط : همم ، طب شوف شغلك وانا هعمل حاجه و جي .
انس : مش فارقة اصلا .
الضابط : يا قائد ! في واحد مختل بره لبس لبس الحرس و عين نفسه من نفسه .
كبير الحرس : هووو هووو ! جديدة دي ! ، هتلي الواد ده
الضابط : (اجيبه ايه ده زمانه هرب ) حاضر يا فندم .
الضابط : هو راح فين ؟
انس : بتدور عليا ؟
الضابط : طب تعمل ايه فوق عندك ، يخرب بيتك السطح اللي واقف عليه بيبص على ينابيع السيدات !
انس : مانا خدت بالي .
الضابط : طب انزل ، انزل بسرعه قبل ما يشوفك القائد .
انس : هيعمل ايه لما يشوفني يعني ؟
الضابط : طب انزل وهقولك .
انس : لا .
الضابط : هو ايه اللي لا ؟
انس : مش هنزل غير لما كبير الحرس يجي .
الضابط : تمام اوي ، استدعي كبير الحرس يبني .
الجندي : تمام يا فندم .
.........................
كبير الرهبان : يعني انت مش عارف اسمك ايه صح ؟
يوسف : ايوه مش عارف حاجة خالص (( و الاكل في بقه )) .
كبير الرهبان : همم ، طب ينفع اسميك ؟
يوسف : اوي اوي (( و هو بياكل برده )) .
كبير الرهبان : قبل ما انتقل المعبد وانا شاب كنت عايز اتجوز واخلف ولد و اسميه كاي .
يوسف : يعني انا بقى اسمي كاي ؟
كبير الرهبان : ايوه وانت بقيت تلميذ دلوقتي ، انا اسمي دان .
كاي : يعني انت معلمي ؟
دان : ايوه و بقيت ابني زي ما كل اللي في المعبد ولادي .
كاي بيبكي من جوا شفقتا علي نفسه و بيقوله : شكرا .. شكرا .. شكرا 😢.