مراد نض من نومه ولبس الزي الرسمي ونزل مشي القسم
فى نفس الوقت إللى عشق نضت فيه من النوم وشفت لسماء وابتسمت
عشق ..شكله الجو حلو اليوم
بس وقفها صوت عياط برا
طالعت وكانت مستغربه ولقت الموضوع ان احمد ومني يتعاركو كالعاده
احمد ..انتي كيف تنوضيني هكي خلع يا غبيه
منى..مهو انت مبيتشش تنوض واحني ورانا كليه
احمد ..ملكيش علاقه بيا وبعدين انتي فى كليه وانا فى كليه
منى ..بس انت معي فى نفس الجامعه
طالعت سهام ام منى واحمد وعشق من المطبخ
سهام ..ينهار الاحرف اليوم إللى جبتكم فيه كانت غلطت عمرى والله
عشق ادخلت ..خلاص بلا هبال انت ويهاوانتوا تتعركو علي صبح
احمد ..تنوض فيا بالخلع يا عشق
مني ..احسن انا فرحانه فيك
احمد ..علي خاطر انتي حيوانه متحسيش
مني ..احسن ومزال فرحانه فيك هه
عشق ..بسسس خلاص اسكتو يلا امشي يا احمد انت الجامعه وخد معاك مني علي خاطر انت عارف انها متحبش تمشي بروحها
احمد ..اووووف حاضر
منى باسة عشق ..نحبك ياللى نصرانى
عشق باستها ..وانا نحبك يا مجنونه
عند مراد خش القسم الكل كان مرعوب منه ومديرله حساب لحد ما خش المكتب متعه ونحا الجاكيت وحطه على الكرسي وبداي يشتغل على الملف إللى فى ايديه
خش عليه ادهم
ادهم بخفه دمه المعروفه ..حبيبي يا ابو دماغ استحشناك
مراد شفله بسخرية..لحقت تستحشني كنت معاك امبارح
ادهم بصوت انوثي ..انت حبيبي يا مراد كيف متوحشنيش بس
مراد ..تي بره صبح ورايا ملف مهم
ادهم ..شن هدا ملف ربيع الكابوأكبر تاجر مخدرات وسلاح فى البلاد
مراد ..ايه
ادهم ..فوته يا مراد انت قعد مصرعلى انك تكمل فى الملف والقضيه هدي
مراد .. ايه يا ادهم مصمم وحنقعد هكي على طول مش علي خاطر عرف يفلت بجلده من اول مرة يعني حنصكر الملف
ادهم ..لا يا مراد الموضوع خطير
مراد ..واني مفيش حاجه صعبه عليا عرف نفسي كويس وحنكمل في القضيه هدي
ادهم .بهي خلاص نخدم معاك على نفس القضيه
مراد بعد تفكير ..تمام ماشي يا ادهم
ادهم ..غالي والله
عند عشق لبست علي خاطر تمشي للكليه
سهام ..حبيبتى مش حتكلي قبل ماتلبسي
عشق ..لا يا ماما انا متأخرة هلبا
سهام ..حبيبتى كولي انتي تخدمي بعد الكليه
عشق ..متخافيش يا ماما انا كويسه
مني طالعت فى نفس الوقت
مني ..شن معني عشق تقعدي تقوليلها كلى ومتاكليش وانا لا
سهام ..علي خاطر انتي متتوصيش تكلي من غير ما حد يقولك حاجه
مني..والله انتي ظلمتني
سهام ..حتي اني يا غبيه
مني ..ايه يا ست الكل
عشق وهى تضحك ..اني حننزل ماتجننيش
ونزلت عشق وركبت تاكسي ومشت الكليه
وهى راكبه تليفونها رن
عشق ..الو يا دكتور ادم
ادم ..الو يا دكتورة نقولك هو حضرتك جايا المستشفى امتى
عشق ..فى الموعد متع كل يوم على الساعه 4 هكي
ادم .بهي هو فى حاله طالبه انك انتي إللى تعالجيها مش حد تانى حتعرفي تيجي بكري
عشق ..تمام بس لمانكمل من الكليه نحول نجى بكري
ادم..تمام يا عشق سلام
عشق ..سلام
ادم بعد ما صكر معاها اتنهد بحب
آدم ..لحد امتى حنقعد نحبك وانتي مش حاسه ولا عرفه بس نستحمل لامتي ماتحسيش انى نحبك
عند عشق نزلت من التاكسي وخشت الكليه وطبعا كل الولاد كانت يموتو عليها بس طبعا مافي حد قدر يجي يكلمها علي خاطر عرفين ان عشق بتصد الناس كلها
خشت كعادتها ودخلت السكشن
عشق ..رحمه حبيبتى شن اديري
رحمه ..الحمد لله يا حبيبتى
عشق ..استحشتك واللهي
رحمه ..وانتي اكتر انتي إللى متجيش الكليه
عشق ..معلشي انتي عارفة الخدمه
رحمه ..ربني معاك يا قلبي
خش عليهم اكتر شخص بارد وهو عمرو وهو يحب عشق من زمان بس عشق مش متحبش ولا عطيته اي اهتمام
عمرو ..كيف حالك يا اجمل دكتورة
عشق ببرود ..الحمد لله
عمرو ..يارب ديما اني نحب نشوفك هلبا فى الكليه ياريت تجي ومعاش تغيبي
عشق ..ان شاء الله حنجي بس مش علي خاطرك علي خاطر محضرتي
عمر انحرج بس ما بينش ..به ممكن تقعدى معايا فى الكافيه متع الكليه بعد ما تكملي
عشق ..منقدرش يا عمر للاسف
عمر..انتي علاش متبيش تعطيني فرصه انك تحبينى
عشق ..منبيش نحب اصلا يا عمر
عمرو ..خلاص براحتك يا عشق ومشي
رحمه تضحك ..والله شكلك حلو هلبا وانتي تتستفزي فيه
عشق ..مهو إللى يشوف في نفسه اني نحبه السخيف
رحمه ..هلبا
خش الدكتور السكشن وبدي يشرح
ولما كمل الشرح وعشق طالعت اخدت تاكسي ومشت للمستشفى بسرعه علي خاطر الحاله إللى تستني فيها
عشق هى دكتورة جراحه وأكبر دكتوره فى المستشفى
اول ماخشت مشت عند آدم
عشق ..دكتور آدم بجد اسفه على تأخير بعد ماكملت السكشن
آدم ..عرف يا عشق اتفضلى بري شوفى المريض
عشق..تمام يا دكتور
مشت عشق غيرت لبسها ومشت للمريض
خشت لقت طفل صغير مجروح وينزف من دراعه هلبا
ومراه قعده جانبه وباين انها امه وشكلها حزينه عليه هلبا
عشق ..انا اسفه والله على التاخير
المراة ..لا يا حبيبتى ماصار شي
عشق للولد ..شني يا بطل خيرك متعيطش حاجه خفيفه
الولد ببراءه..بس متعطنيش يبره يا دكتورة علي خاطر نخاف منها
عشق ..متخافش يا بطل بس انا حنعطيك يبرة صغيرة علي خاطر متحاسش بوجع
الولد ..به يا دكتورة
وبعد فترة كانت عشق كملت
المراة ..انا مش عرفه نشكرك كيف لا وكملتي بسرعه
عشق ..هدا واجبي بس هو يشرب عصاير هلبا وحيقعد تمام علي خاطر يعوض الدم إللى فاقده
المراة..شكرا بجد دكتورة
عشق ابتسمت ومشت لمكتبها تريح شويه
حنعرفو شن صار تانى فى الفصل القادم
روايه اوقعتنى فى حبها
للكاتب \ايوب جمعه