يشرق صباح يوم جديد وتستيقظ بطالتنا على شعاع الشمس الذى يداعب عينها ناضت عشق وصلت
فرضها ولبست الفستان الابيض عليه ورود لونهم وردي ولفت الشال الكوتشي لونه ابيض وشنطة بيضه وطلعت من غرفتها وهيا متعجبه
عشق لسهام..هما وين المجانين صوت هم مهناش
سهام ..كان عندهم محاضرات الصبح بكري طالعو
عشق باستغراب..ومن غير مايتعركو زي كل يوم
سهام ..شكلهم رضيين على بعض المهم خليك منهم وتعالى افطرى علي خاطر الكليه متاعك
عشق ..معنديش نيه يا ماما
سهام ..لا يا عشق مينفع هكي تعالى افطري علي خاطري بش متوخيش واطيحي من طولك يا بنتى يلا سلم بنتي ع
عشق ..حاضر بس علي خاطرك انتي بس يا سوسو وقعمرزت عشق تفطر مع امها
عشق ..الحمد لله حنزل يا ماما
سهام ..ماشي يا حبيبتى خلى بالك من روحك
عشق ..حاضر يا ماما يا حبيبتي
ونزلت عشق ومشت الكليه
عند مراد ناض على تليفونه يرن
مراد شفه لقها رهف تتصل بيه
مراد ..اووووف صبح يا فتح مش حنفتكه منك انتي
مراد ..الو يا رهف شن تبي
رهف..يعنى مستحشتنيش يا مراد ليك هلبا مجتنيش الشقه ولا تتصل ولا ادور
مراد .. انا مشغول يا رهف وانتي عرفه خدمتي
شاهى ..بهي تعالى اليوم يا مراد مستحشتك هلبا
مراد ..حاضر يا رهف تو نجيك في اليل
وصكر معاها وناض يلبس ومشي خدمته وتفكر انه حيخطم على آدم بس قال بعد الخدمة نخطم عليه
عشق مشت الكليه واول ماخشت شافت عمر فى وجهه
عشق فى سرها ..ينهار المبارك هو مش حيعتقني هدا
عمر قرب من عشق
عمر ..عشق كيف حالك
عشق بدون نيه ..الحمد لله وانت كيفك
عمر.. مش كويس بكل طول ما انتي مش معي
عشق ..عمر انت متقلقش من الكلام هدا
عمر ..لا يا عشق خاطري تحبينى زى ما اني نحبك
عشق ..عمر انا مش فاضيه اني حنمشي عندي محاضرة سلام
عمر فى سره ..مش حنخليك يا عشق حتى لو كنتي حتموتي ونشوفك ميته قدامى احسن من انك تمشي لحد غيري
خشت عشق المدرج وقعمزت جنب رحمه وهى مخنوقه
رحمه ..خيرك يا بنت خشه من غير سلام ولا كلام شن متشوفيش فيا
عشق مخنوقه..مافي شي يا رحمه
رحمه..لا فيه اكيد الزفت إللى اسمه عمر هدا جك وكلمك
عشق ..اايه جاني انا مش عرفه هو مصمم علاش على الحب هدا بجد انا ملييت
رحمه ..بهي خلاص خليك منه خلينا فى آدم العسل هدا شن درتي معاه
عشق ..شن حندير يعني
رحمه ..يا بنت هدا شكله يحبك من كتر الكلام إللى تقولي فيه عليه شكله يحبك ويحبك هلبا .
عشق..بس اني مانشوفش غير اخ اكتر من هكي لا
رحمه ..شكلك حتعنسي
عشق ..انتي عرفه انا لازم نحب شخص يقتحم قلبي هكي و نشوفه هلبا ونحب نقعد نتكلم معه ونسرح فى عيونه اني نبي نحب وبس منبيش نحب لا عمر ولا آدم
رحمه..الله على الكلام الحلو من امتى والعقل هدا موجود
عشق ..موجود بس انتي مش واخده بالك
فى الوقت هدا المحاضرة بدات وقطعت كلامهم عشق كملت المحاضرات ومشت المستشفى وكانت حاسه بنشاط وحماس غريب
عند مراد كان يلم حاجته علي خاطر بيمشي عند آدم وبعدها عند رهف
خش عليه ادهم
ادهم ..خليك واقف يا سيد مراد وين مشي من غيري مشي تتسرمح يا خاين
مراد وهو يضحك ..ياعليك حلا انت وحراكاتك اضحك فيا والله مع انى كل يوم نشك انت كيف خشيت شرطه
ادهم ..قدرات ياحاج قدرات
مراد..ماشي ياعم القدرات انت هه
ادهم ..وين مشي اني عرف اكيد مشي للبنت اللي اسمها رهف
مراد ..شوف اني حنمشي اولاً عند آدم وبعدهاحنمشي لرهف
ادهم ..وواوو رهف البنت القنينه هدي ومع هدا مش مرتاحلها اني
مراد ..هيا قنينه إيه بس مش خشه دماغى كلهم نسخه واحده كلهم يجوا يسلمهو في نفسهم ليا من غير ما نطلب
ادهم ..ههه اني عرف ان مفيش بنت تخش دماغك المعفن هدا
مراد ..ماليكش علاقه بيا يلا اني مشي المستشفى
ادهم ..يامراد بنسالك هو مش انت ليك جزء فى المستشفى متمشيش علاش وتابع مع آدم خوك
مراد ..انا إللى منبيش
ادهم..إيه ايه
مراد مشي وركب سيارته ومشي عند آدم
عشق وصلت وخشت مكتبها
آدم كالعاده يلف على الدكاترة
آدم شاف عشق وجمالها قال فى سره ..الله علي جمالك حتهبليني بجمالك هدا
آدم ..كيف حالك يا عشق
عشق ..الحمد لله يا آدم
آدم..اوو الطرحه قنينه عليك
عشق .. شكراً
آدم حس ان مفيش كلام بينهم هلبا. بهي اني هحنكمل لف على بقية الدكاترة وتو نرجعلك تانى
عشق ..تمام
مشي آدم فى الوقت هدا مراد وصل المستشفى
دخل مراد بهيبته وشكله إللى يخلي عيون البنات حتطلع عليه وكل الممرضين بدو يتهمسه عليه وعلى جماله وهو يسمع فيهم وفرحان
لحد موصل مكتب آدم ومالقاشي مراد قرر يسأل واحده من الممرضات
مراد ..لو سمحتى وين مكتب الدكتور مراد
الممرضه ..ممكن تالقه عند مكتب دكتورة عشق
مراد ...تمام وين مكتبها عشق هدي
الممرضه ..نهايه الممر المكتب إللى على ايدك اليمين
مراد ..تمام شكرا اختي
الممرضه..عفوا
مراد مشي عند مكتب عشق
عشق كانت واقفه على الكرسي تجيب ملف من فوق جت تنزل عفست على الفستان وكانت حطيح بس حست بجسم صلب شدها
مراد فى الوقت إللى كانت عشق تجيب الملف كان خش المكتب وشافها وقف مدهوش من جمالها ولبسها المحتشم
وشافها وهى بطيح جرى قمها
عشق فتحت عيونها ..انا مطحتش صح و شافت مراد وسرحت فى عينيه
ونفس الكلام مراد سرح فى عيونها وقعد يقول لنفسه ..شن هدا الجمال يا ربي هو في عيون هكي زي لون السماء عمري ماشفت زيهم
قعدت عشق متعلقه فى رقبه مراد ومراد حاضنها ويشوف لعيونها وقطع عليهم دخول آدم
آدم....شن في
مراد فاق بس كان يلعن في آدم في سره علشان علي خاطر قطع عليهم لحظتهم ..
نزلت عشق من حضن مراد بس كانت حاسه انها متبيش تسيب حضنه
آدم..شن في خيركم يا عشق انتي تعرفي مراد
مراد فى سره واسمها عشق اسم على مسمه ..لا يا آدم انا كنت جى نشوفك وملقتكش فى مكتبك وعرفت انك عند عشق نقصد الدكتورة عشق بس لما جيت لقيت دكتورة عشق قريب طحت لحقتها
آدم..كويس انك جيت فى الوقت المناسب يا مراد
مراد ..ايه الحمد لله ان جيت المستشفى وشفت دكتورة عشق
آدم ..نحب نعرفك يا عشق مراد