نبدأ يوم جديد عند ابطالنا فى منهم إللى مرقدش من كتر التفكير وفي منهم إللى رقد وهو حزين
________________________________________________
عند مراد ناض وخش خدي دوش وتفكر عشق
مراد ..اه منك يا عشق حتهبليني من كتر التفكير فيك بس كيف نفكر فى بنت اني مراد إللى عمره مايحب ولا يعجب ببنت كلهم زى بعض معادا عشق ايوه عشق مش زيهم عشق محترمه وتعرف ربي
ورجع عقله قاله ..وانت لحقت تعرف انها تعرف ربي ومحترمه
قلبه ..ايه هى محترمه مشوفتش لبسها ولا حجبها إللى خافى شعرها إللى متاكد انه حرير
مراد نفض تفكيره واقنع نفسه انه مش حيفكر فيها ولا حيحب
ابدا
___________ اوقعتني...بحبها _____________________
عند بطالتنا نضت بنشاط زي كل يوم وهى مزال متكيا على السرير تفكرت مراد
عشق ..انت شن درت فيا يا حضرة الضابط جمال عيونك وجسمك المفصل عضلات تقول بطال من المسلسلات التركيا
بس رجعت قالت انتي هبلتي يا عشق هكي حرام إللى تقوليه فيه بس هو إللى حرام إللى يديرفيه فيا
نضت تصلى وتنزل الكليه
_____________ اوقعتني...بحبها ___________________
عند منى واحمد برا
احمد خش غرفة منى بهدوء علي خاطر مانوضش وكان جايب معاه شيشة مايه متلجه
ومشي قرب منها وصب المايه كلها على وجه
منى ناضت مخلوعه ....ووواااك ياماماااااا
احمد واقف يضحك على منظر منى وشكلها وهيا مبلوله
منى بعد ما استوعبت اللي صار طلعت تجري وراه
منى.اه يا حيوان ادير فيا انا هكي به تعالى
منى طلعت تجرى ورا احمد واحمد طلع يجرى تقول توم اند جيري
احمد جرى لبد ورا امه
احمد ..زوديلها بنتك المجنونه تبي تضربنى
منى..هو اناحنضربك بس حنقطعك يا احمد
احمد ..لا زودي بنتك يا سوسو ميجيش هكي سيطرى
شويه يا ماما .
سهام ..حاضر حنسيطر يا مجنون انت ويها
مشت نحت الشبشب وتضرب فيهم الاتنين
وسهام تجرى وراهم بشبشب
سهام .. بش تقولى سيطري يا سوسو حنسيطر حاضر ياولد المجنونه انت وهيا
منى ..انا خيرني بس هو إللى منوضني بمايه متلجه
احمد ..واني حبيت ندير فيك مقلب
سهام ..واني حنوريكم الزوز
عشق طالعت شافت المنظر هدا
عشق ..شن في يا ماما انتي وليتي منهم ولا شن
عشق ..عندك حق هدم مجانين
احمد ومنى..مني هادم
عشق ..انتوم
احمد ..خلينلك العقل يا حلوة
عشق ..شكرا اني نحب نكون عقله اني حننزل يا ماما مشيا الكليه عندى محاضرة مهمه
سهام ..ربي معك يابنتي
عشق ..يارب يا احلا ام بدنيا
ونزلت عشق ومشت الجامعه
اول خشت القاعه جرت طول لرحمه وحضنتها
عشق ..اني فرحانه يا رحمه
رحمه ..شن في يا مجنونه اهدى واحكيلي
عشق ..شوفت واحد قنين فى المستشفى ضابط و شخصيته تقولي من مسلسل
رحمه ..اهدي واحكيلي براحه
عشق ..تمام وبدات عشق تحكى ...
رحمه غمزت لعشق ..نقول الصنارة غمزت
عشق ..لا طبعا وبعدين هو حيشوفلي
رحمه ..انتي قنينه ماشاء الله عليك يا عشق
عشق ..اكيد فى بنات احلى منى وبعدين المستوى المادى يا رحمه
رحمه ..انتي دكتورة شاطرة يعنى هو اصلا بيطول
انه ياخد واحده زيك
عشق ..لا يطول انتي مشفتيشي
رحمه ..به وادم يا عشق هو يحبك
عشق ..آدم اصلا كان رافض الحب من ساعه ما مراته ماتت اكيد قعد منساهش وبيحبنى اني
رحمه ..لا يا عشق آدم يحبك هلبا وبعدين مراته مايته ليها حوالى سنه اكيد نسي
عشق ..بس انا متاكده ان آدم مايحبنى احنا اخوات مش اكتر .
رحمه ..حتندمى يا عشق اسمعى منى آدم يحبك
عشق ..لا مايحبنيش
رحمه ..براحتك
بدات المحاضرة واول ما كملت عشق مشت المستشفى وكانت تتمنى ان مراد يجى حتي اليوم
____________ اوقعتني..بحبها ____________________
مراد مشي القسم وخش مكتبه وقعد يحاول يشغل نفسه علي خاطر مايفكرش فى عشق بس قعدة نظرة عيونها لما كانت فى حضنه تمشي من باله
خش عليه ادهم بس مراد محسش بيه
ادهم ..مراااااااااد
مراد نخلع ..خيرك تعيط
ادهم ...عندك علم ليا ساعه انادي فيك
مراد .. كنت سرح
ادهم ..وسرح في شن إن شاء الله
مراد ..وانت وشن دخلك يا بارد
ادهم ..قول ونبي لو عندي معزة عندك يا مراد
مراد ..خلاص بطل نقان
ادهم ..به هي قول
مراد ..اول مرة نحس اني شاد في بنت و معجب بيها لا وبسرعه هكي واني اصلا منعرفهاش
ادهم ..ايوه هكي مراد طح في الفخ
مراد..اطلع برا يا ادهم احسلك
ادهم ..خلاص حنقعد محترم وساكت قول انت هيا
مراد ..بدي يحكى .......
ادهم ..لحقت تحبها يا مراد
مراد ..قولتلك انا مش حنحب يا ادهم هو مجرد اعجاب ويمشي لحاله ومتنساش ان كلهم زى بعض
ادهم ..قولتلك اصحى كلهم مش زى بعض والدليل انك انعجبت بيها اصحى يا مراد علي خاطر متخسرهاش وحب وعيش حياتك وقرب منها وشاور قلبك مش عقلك
ادهم وهو يشاور في قلبه ..اسمع الكلام هدا يا مراد هو هدا الصح متسمعش كلام عقلك هتخسر هلبا فاهمت
وخلا مراد بروحه وطالع
مراد بدي يفكر فى كلام ادهم وبدي يقارن عشق بالبنات التانيه بس عرف ان عشق مختلفه مفيش منها
مراد ..ايه عشق حاجه تانيه بس انا لازم ننساها ونقدر ننساها اني متاكد
________________ اوقعتني بحبها _______________
عند آدم
بدي يفكر فى عشق بس تفكر مراته إللى توفت من حوالى سنه
آدم ..انا كيف نسيت رؤى انا كنت نحبها هلبا بس ممكن نكون مكنتش نحبها زى ما حبيت عشق ايه اني حبيت عشق ولازم نصارحها بمشاعرى بس فى الوقت المناسب
عشق دخلت عليه
عشق ..ممكن نخش
آدم ..تفضلي عشق
عشق ..شكرا على احترامك ليا
آدم ..تعالى قولى كنتي تبي شي
عشق .. فى حاجات مفهمتهاش في المحاضرات ممكن تشرحالى
آدم ..ممكن جدا
عشق ..شكرا يا آدم
آدم..بهي هيا بش منضيعوش وقت ياهانم
عشق ..هيا هي
وبدا لحد ما آدم كمل شرح لعشق وتم اليوم وكل واحد روح.
هل ادم حيصارح عشق اومراد حيجي ويغتنم الفرصه .حنعرفو بالفصل القادم في
اوقعتني بحبها.
للكاتب/ايوب جمعه