الفصل الخامس
اجواء من الدهشه والذهول تحيط بالحاضرين مع اشتمام قليلا من راحه عدم الفهم مباشره بعد نطق الباشا بكلماته ..
الباشا: سليل مباشر للحكام
مينا: ....!! .. قصدك ايه مش فاهم
الباشا: مش فاهم ايه ما انا لسه شارح
استريك: دا عشان مستر حسام شرحه ردئ .. سوري
الباشا: ايه!
استريك: انت نسيت تشرحله الـ…
الباشا: اااه .. بص يابني شجره العيله عامله ازاي .. في اخر الشجره عن الجزر في الجنس السامي او الساميين ودول المصدر للقوه .. بعديها علي طول يجي الاله الزائفه .. وبعدين ابن الاله هو الفرعون .. وبعد الفرعون يجي الحكام الـ7 بعديهم تيجي العائلات الي موجوده دلوقتي والزعيم بتاع كل عيله في عروق دم الحكام .. كل دول ليهم جد واحد وكل دول ورثاء لجينات ودم بعض .. فاهمني
تامر: ....لا
مينا: عايز تقول ان رامي حفيد الجنس السامي!! *صدمه*
الباشا: اقوي من كدا .. رامي ليه عرق اساسي يمتد لحد الجنس السامي .. ودا معناه انه واحد من الاسر الـ7 الي كان منها الحكام
استريك: بنسميهم .."الاسر الملكيه" .. افراد الاسر دي ليهم اتصال مباشر مع قوه الجنس السامي اكتر من اي حد علي الارض .. ودا معناه انهم الاقوي
تامر: الفرفور دا اقوي واحد ع الارض !!
استريك: هاهه*ضحك خفيف* .. مستر رامي هو الوريث الاصغر لعائلته .. بمعني اخر ان لو الظروف كانت في صالحه ..
الباشا: ممكن يبقي واحد من الي بيحكمو العالم دلوقتي .. ولو مكانتش في صالحه فهيبقي علي الاقل في فرقه من الي بتحكم العالم .. الي زيه دول هم الاكتر حظ في الدنيا *غضب*
تامر:…
فهد:…
مينا:…
فهد: ايه دا لا دا كدب .. انت بتشتغلنا ليه ياعم انت !! .. قال اله وكفر وقوه فوق الطبيعه .. في اسبيستون احنا !!
الباشا:.... ااه توقعت انكم مش مصدقين ... استريك وريهم قوتك الي وصلتلها ..
استريك: لكن ..!
الباشا: بديك فلوس عشان تسمع كلاااااامي *صراخ*
استريك : .... اوكاااااي
*لحظه صمت*
يقوم الباشا باظهار ابتسامه بغيضه بينما يراقب استريك المستقيم امامه .. تغير في الاجواء .. انظار الحاضرين تراقب استريك مجبره .. توهج بسيط حول جسده .. شعور سئ يخالج من في حضرته .. توهجا يزداد واضطرابا للهواء في الغرفه .. الجميع يرتعب .. ترتعش اجسامهم وسط ذهولا مريب .. هل ما يرونه حقيقي .. هاله صفراء تحيط بجسد استريك والتي تجعل الهواء بالغرفه كالعاصير .. الكل قد تركزت انظاره علي شيئ يرونه لأول مره .. حتي شعرات فهد الثابته دوما قد تحركت اليوم .. فهد انه يكاد يبلل سرواله من الرعب الذي دخل قلبه .. تامر الشخص الذي لم يهتز حتي هذه اللحظه .. لا بل هو لن يخشي حتي وجود وحشا تحت سريره .. فقد عرف عنه عدم وجود قلبا ينبض بين صدره .. الان بتلك اللحظه .. قلب تامر ينبض من الخوف الان سرعته كانت كـ محركا نفاث .. اما مينا .. فعلي الرغم من انه جبان الا وان عينيه كانت تلمع .. لم يري تلك الهاله الصفراء الساحقه للجسد كما رئاها صديقاه بل علي العكس .. لقد شعر مينا وكأن الادرنالين المدفوعا في جسده لم يكن بسبب الخوف فقط .. بل كان ممزوجا بالنشوه .. ففي حين ان تلك الهاله الصفراء القاتله كانت بكل تأكيد خطرا .. ولكنها بدت له كألسنه لهب الشمس الراقصه عندما تراها عن قرب .. لونها كان يداعب عينيه كما ياداعب لون الغروب القرمزي عيون العاشقين .. رياحها المهتزه جعلته يشعر بالانتعاش .. ضغطها الهائل سحقت روحه لقطع ولكنها ايقظت شيئا بداخلها .. الصوت الناتج عن وجودها ذكره بمقوله في كتابا قرأه "كانت مثل سنفونيات بيتهوفن" رغم انها لم تكن ! .. كل ذلك واكثر جعل لسانه غير قادرا علي النطق .. ليس بسبب الخوف فقط مثل اصدقائه .. بل كان شعور الشغف والرغبه يتملكانه .. كان كرجلا بالغ يشاهد ساق امره للمره الاولي !!
ضحكات الباشا العاليه تتعالي في المكان لتقطع حاله مينا العاجز عن الوصف وخوف بقيه الاصدقاء .. استريك يدرك اتمامه للمهمه ويبدأ رويدا رويدا في خفض طاقته حتي تصل الي الصفر ويعود شكله كما كان سابقا
استريك: اتمني تكون سعيد ناو
الباشا: هاهاها *ضحك* .. اكيد فرحان .. دي قوه الشخص الي انا مأجره .. *ينظر الي الثلاثي* .. اوعي يكون حد فيكم عمل حمام علي نفسه ههه .. سرنجه وسمدوني شافو حجات زي كدا كتير ومش قلقان عليهم .. بس خايف تكونو اطعتم الخلف ههه
تامر: اي الي حصل دا*تعرق*
فهد : الي انا شوفته دا حقيقي! *خوف*
مينا:... شمس! *حملقه*
فهد: ايه!
مينا: دي شمس .. عايز اوصل للشمس .. ومين مش عايز يوصل ليها !
تامر: بتقول اي ياعم انت ؟ ولا انت اتلبست ولا ايه ؟
فهد: عملو فيه ايه!!
استريك: ناثينج .. انا ماعملتش حاجه لحد فيكم !
الباشا: مندهشين مش كدا*ضحك* .. طيييب وانت عامل ايه *يستدير ليواجه رامي* .. شفت صحابك ايه الي حصل فيهم *ضحك* .. ها يالي مسمينك رامي *ضحك*
رامي…
الباشا: رد يلا عليا
رامي:…
الباشا:انت يلا يا..
استريك(مقاطعا): مستر حسام .. تقريبا هو ...
الباشا:… سرنجه
سرنجه: باشا!
الباشا:..هات .. جردل .. مـــايـــــــــه *صراخ*
سرنجه: حـ .. حااضر *فزع*
...
السلاسل لا تزال موجوه ولا يزال بنفس الوضع .. يفتح عينيه بعد ان شعر ببرد المياه التي سكبت عليه للتو .. الظلام يتلاشئ ببطئ يشاهد المشهد الاول الذي تقــ... مهلا لقد قدنا في غمار ذلك سابقا !
"همم .. ايه .. امتي .. تاني! " كانت تلك اول كلماته فور استيقاظه
تامر: دا نايم!
فهد: كان نااايم !!
مينا:…*لايزال بحالته*
رامي: .... وبعدين .. بعد ما الجنس السامي اجوز من البشر ايه الي حصل!!
الباشا:هننن*غضب*
استريك:هوهو*ضحك*
رامي:مش ملاحظ انك حكيت اكتر من الازم .. حتي لو كنت عايز تخليهم يصدقو حكايه زي دي .. مكنش لازم تحكي بالتفصيل اوي كدا .. لزمتها ايه يعرفو الي حصل زمان ! .. ها ؟
استريك:...
الباشا(ضاحكا): دا بس عشان يعرفو انك اد ايه كداب
رامي: انا ؟ كداب ؟اطلاقا!
فهد: نعم ..بعد الي شوفناه وسمعناه دا تقولي انك مش كداب *صراخ*
تامر: ياعم دا انت ابو الكدب كله .. وانا الي كنت فاكرك فرفور طلعت فاندام !
مينا:اغبيه! *قالها بعد ان عاد الي رشده اخيرا*
تامر: ايه!
مينا: مش مدركين انه بيحمينا ؟
فهد: بيحمينا ايه دا هو الي جايبنا هنا
مينا: رامي! .. في حاجه مش فاهمها .. انت جيت مصر عشان منطقه حياد صح ؟ .. بس جيت ليه اصلا !
رامي:...
الباشا:خلاص عرفه كل المهم .. بالعكس دول عرفه زياده كمان .. مفيش داعي تفضل ساكت .. انا جايبك هنا عشان تتكلم ..
اتكلم!
رامي: عيلتي في حرب مع الغرب .. تقريبا دا السبب الي جابني هنا *ينظر الي مينا*
فهد: طب احنا ذنبنا ايه نيجي نتجر وراك في الاقرف دا *صراخ*
مينا: اسكت شويه ... وليه مفضلتش معاهم هناك في الحرب .. انتم خسرتم؟
رامي: بالعكس .. حاليا الحرب في حاله تعادل .. اخر خبر وصلي انهم اتقدمو علينا في روسيا من شهر ونص بس .. قبل كدا كان التعادل في الجبهه دايم .. صح يااستريك؟
استريك: انت لا تعلم سوي الاخبار الكبيره فقط مستر رامي .. لا استغرب .. بالنسبه لشخص قطع اتصالاته بالمجتمع السري عشان يقدر يستخبي .. لكن كلامك صحيح .. رغم ان تقدمهم ذاد في روسيا .. عائلتك اوشكت علي خساره اقليم روسيا بالكامل ! .. رغم ان الحرب غير ظاهره للعامه هوهو*ضحك*
فهد: وليه مفضلتش معاهم تحارب بقي *قالها ساخرا*
رامي: زي ماتقول كدا ... "الحج عايز كدا"
تامر: ايه دا يعني انت هربان ههه يعني لسه فرفور زي مانت *ضحك*
رامي: اهو نفس الفرفور دا الوحيد الي كان نايم اما استريك حاول يخوفكم
تامر: اييه *قالها بحقد*
رامي: بالمناسبه استريك اهنيك .. قوتك تليق بشخص من العاىله الملكيه الاوروبيه ...
استريك:شكرا
رامي:... رغم ان العائله الاوروبيه نبذااك *تتغير ملامح استريك هنا* ... اااه صحيح .. انت ازاي هتعيش من غير حمايتهم دلوقتي .. خصوصا بعد ما ارتكبت جريمه ببشاعه الحكم علي 3 شباب ابرياء بالموت .. او جريمه اشهار حقيقه المجتمع السري ودي جريمه اعظم
مينا:كنت عارف*قلق*
رامي: متفتكرش انهم هيسكتو ويسيبه الموضوع دا يعدي!
فهد: ايه .. لا استني موت ايه !
رامي: ايوه موت ياغبي .. السبب الي مخلي المجتمع السري سري مش بس ان مش كل البشر تقدر تستخدم قوه الساميين لا دا عشان كمان اشهار حقيقه المجتمع السري للعامه محرم .. وتفتكر ازاي المجتمع السري حافظ علي سريته في الـ7000 سنه الي بعد هرب الحكام ؟
تامر: اييه! ... اوعي تقولي انهم؟ *خوف*
رامي: ايوه طبعا .. كانو بيصفو كل شخص برا المجتمع عارف بالحقيقه ..ودا يشملكم انتم دلوقتي .. تخيل نفسك بتهرب من الاف بنفس قوه استريك الي انت كنت هتعمل حمام علي نفسك بسبب انه بس حاول يخوفكم !
فهد:...
تامر:...
مينا:...
فهد: انت السبب*صراخ* .. في اننا نموت انت هتكون السبب يارامي*صراخ*
تامر: وانا مال امي انا بيك هااا *صراخ* .. احنا كن بس زمايل في الجامعه .. مكانتش عشان الجامعه والكورسات الي بتخلينا نقابل بعض كتير بقيت صحبك لدرجه اموت معاك
فهد:يقولك ايه يامعلم يا كبير انت..انا ولا صحبه ولا حبيبه..بالعكس دا انا بكره من ساعه ما شقط البت منار مني.. طلعني من هنا انا ولا اعرف حاجه ولا بتاع
الباشا: هاهاهاعا*ضحك*..انت مش متخيل متعتي دلوقتي وانا شايفك بتخسر عيلتك الجديده
رامي:يالهوي انت لسه شايل من البت منار؟..بس عندك حق كانت مزه!..باشا..انت بقالك يومين مكتفني ع نفس الوضع لحد ما خلاص مبقتش حاسس بأديا..انت عايز وخلصني !
الباشا:عايز ايه؟عايـ
رامي(مقاطعا):متجاوبش..انت كنت مستمتع قوي زي ما بتقول عشان شايفني قال بتعذب يعني.. واتعصبت قوي اما لاقتني مش عايز اتكلم .. لا وكمان اول حاجه سألتني عليهم كانت تخص اوها .. وجايبني وانت بتشبه عليا وبتقول اني مفروض اكون فاكرك .. والاهم بقي .. انك اتنرفزت قوي اما شوفت عنيا .. بس خلاص انا كدا فهمت انت عايز ايه
استريك:هو*ضحك*
الباشا:هنن*غضب*
رامي: الانتقام مش كدا !
الباشا: .... ايوه
رامي: طبعا .. بس مش مني اكيد من حد من العيله .. دا شئ طبيعي .. انت مجرد تاجر وسخ شغال بطرق غير شرعيه في منطقه الحياد .. طرق حتي المجتمع محرمها طبعا .. تاجر زيك مبينتميش لأي عيله من العوائل الموجوده .. ممكن يتعمل معاهم بس ميكنش عضو منهم .. ودا شئ يخليك متكنش جزء من العوائل الغربيه الي بتحاربني .. بس لو كنت عايز تكسب بس .. كنت بعتني للعوائل الغربيه بأسرع وقت ممكن عشان متحتكش بعدو انت مش ادو .. بس بدل دا جبتني هنا واستأجرت استريك الي هو عبد للمال والي انت واثق انه هيطيعك مقابل الفلوس .. جبتني وسألتني عن مكان مقر العيله .. المعلومه دي مش هتتباع .. عن مكان اوها .. ولا دي كمان تتباع .. انا ممكن اتباع بس اي معلومه عاديه هتاخدها مني لا .. انت عايز دول ليك انت .. وكمان مشاعرك الحاده اول ما شوفت عيني !..بتفكرك بحاجه ؟..حد؟.. لون عيني وشكلها مميز ونادر جدا مبيمتلكهوش غير شخص من الاسره الملكيه .. مش ممكن .. انت الغباء وصل بيك لدرجه التفكير في انك تهاجم اوها شخصيا !! *نظره حاده*
"طرااااااخ" صوت صفعه هائله بلغت من الغضب اشدها كان قد القاها الباشا للتو علي وجه رامي
نهايه الفصل الخامس.