ومن الناحيه الاخرى فى (قصر عائله السيلاوي) الذى يصنف ضمن افخم وأرقى قصور البلد وفي غرفه بعيده عن جميـع غرف القصر غرفه تخلو من الألوان فهي غرفه تتمتع بألوان غامقه كاتمه وكأنها تشبه صاحبها حيث كان يجلس ويلتقط أنفاسه بعد التدريب القاسي الذى قام به ثم نهض ليذهب الي المرحاض ليستحم ويستعد للهبوط ولكن أوقفه صوت دقات الباب البسيطه
ادم :.ادخل
زين: صباح الفل
ادم : صباح الخير
ادم : الكل صحى
زين : كلهم صحيوا من بدري والداده بتجهز الفطار وكلهم علي السفره متجمعين مش ناقص غيرك أنت
آدم بهدوء : تمام أنزل أنت وانا هنزل وراك.
زین: اوك في انتظارك .... ثم ذهب إلي الخارج
وذهب ادم أيضاً للاستحمام والاستعداد للنزول
وبعد قليل من الوقت كانو يجلسون جميعهم على سفره الطعام
الحاجه نعيمه بجديه : ادم كلمت ابن عمك تباركلو على مولوده الجديد
ادم: اكيد يأمى كلمتو امبارح اول ما رجعت من الشغل
الحجه نعيمه : ماشى ياحبيبى عقبال ما شوف ولادك وولاد ولادك انت واخوك قبل ما ربنا ياخد امانته
ادم :. بعد الشر عليكى ياست الكل
زين :. بعد الشر عليكى ياأمى
ساره وهى تقبلها على خدهاه:.بعد الشرعليكى ياطنط
الحجه نعيمه والده ادم وزين ام حنونه جدا ولكنها صارمه بعض الشيء .
(وبعد قليل في القصر،وفى غرفه زين)
ادم :.أنا رايح الشركه وانت يا استاذ مش ناوي تروح الشركه وتشوف شغلك انت كمان
زين: لا انا اجازه النهارده عايز ارتاح.
ادم بنفس النظره وبدون اي تعبير : وبعدين
زين بخوف: ولا قابلين بقولك اتفضل انت وانا فوريره وراك.
ثم ذهبوا سويا إلى الشركه
فى شركه السيلاوي
تمكنت هاجر من التواصل مع السكرتيرة الخاصه ب ادم السيلاوي من أجل من مقابله العمل والتكلم فى تفاصيل العمل والشركة ، وبعد انتهاء المقابله
السكرتيرة (ريهام) :. انتهت المقابله هنتواصل معاكى خلال يومين.
هاجر :. شكرا لحضرتك
ثم خرجت هاجر من الشركه.
ومن الجانب الآخر وصل الشباب ومعهم ساره الى الشركه لينظر لهم جميع من بالشركه بأنبهار كالعادة
السكرتيرة1 (ريهام):. يا خراابي علي جمالهم.
السكرتيرة( 2):. نفسي اعرف دول بيتجمعو في بيت واحد مع بعض ازاي ده انا أكاد من فرط الجمال اذوب وربنا
السكرتيره(ريهام):. طيب اسكتي بقي ووطي صوتك ل أحسن حد منهم يسمعنا ويبقي اخر يوم لينا هنا.
توجهوا الي مكتب ليل لتخبرهم السكرتيره
ريهام :. صباح الخير يا باشمهندس الوفد الأوروبي منتظر حضراتكم من خمس دقائق في قاعه الاجتماعات
ادم بجدية : تمام حضري اوراق المشروع وأبعتيه علي هناك وأحنا جاين
ریهام :. حاضر يا فندم بعد اذنكم
ومر اليوم على الجميع
وفى المساء في بيت الشافعى وفى حدود الساعه السادسه والنصف مساء وضعت هاجر مسلسلها التركى المفضل لديها ، بعد أن عادت متفائله وفرحه من مقابلتها فى شركه السيلاوي ، وأثناء مشاهدتها للمسلسل غلبها النعاس وهى تحتضن هاتفها وإذا بصوت رنه هاتفها لتوقظها من نومها فقد كانت السكرتيرة ريهام
السكرتيرة ريهام:. الو حضرتك الانسه هاجر الشافعى.؟
هاجر باستغراب :. ايوه انا هاجر الشافعى ،، مين حضرتك
السكرتيرة ريهام:. مع حضرتك ريهام سكرتيره ادم بيه السيلاويه ،، حضرتك اتقبلتى معانا في الشركه تشرفينا بكرا الساعه 8 صباحاًه علشان نمضى العقد
هاجر بحماس شديد:. بجد انا اتقبلت ،، مش عارفه اقلك اى شكرا جدا ليكى
السكرتيرة بضحكه خفيفه :. العفو يا فندم ..مع السلامه
هاجر :. مع الف سلامه
هاجر بحماس وصراخ وهى تركض إلى الخارج :. ماماااا بابااا انا اتقبلت ف الشغل ياندى انا اتقبلت ياندى
فريد بفرح:. الف مبروك ياحببتى هما هيلاقو فى شطارتك فين بس دا من حظهم أنك قدمتى للشغل معاهم
اسماء بابتسامه:. ايوه طبعا هما هيلاقو زيك فين بس .. ثم أكملت وهى تحتضنها مبروك ياحببتى مبروك ياقلب ماما.
وفى الجانب الآخر تقف ندى وهى تضع يداها فى خصرها وهى تقول
هااا هتجبيلى اي هديه باول قبض ليكى
هاجر بضحك :. هجبلك كل اللى انتى عايزاه بس اقبض الاول 😂
وبعد الانتهاء من الاحتفال بقبول هاجر فى العمل ذهب الجميع إلى النوم.