🦋🦋🦋الكاتبة بنين الطائي 🦋🦋🦋
البارت الاول
……………………
لا سلطة لنا على قلوبنا ...
هي تنبض لمن أرادت
ومتى أرادت .. وكيف ما أرادت ...
بعضهم ينبض القلب له ...
وبعضهم ينبض القلب به، وبعضهم هم نبض القلوب...
❤️☘️🍃
وانا قصة حبي تختلف عن الكل اني اول ماعرفت الحب .. عرفته طفله احتاجت حنان ام وامان اب اي حبيت من طفولة ..وحتى المراهقه حالي حال اي بنت تحلم بفارس احلامها وهو راكب حصانه وياخذها بعيد ..جنت اتخيله هو هذا الفارس الي يترك الدنيا ويحاربه لخاطري ..كبرت وبقى حبه يكبر ماصغر لحظه ..بس الي ماحسبته هذا الحب يتحول مرض وهوس يخليني اقبل انكسر وتوجع انطعن وتحمل ولافكرت يوم بنفسي كان كل همي بالدنيا رضاته ولافكرت يوم بنفسي بكد تفكيري بي ..وماخذت من حبه غير الوجع والالم ..
عشكت شيخ ..قاسي وبارد وكل همه بالدنيا يگسر الي يحبه ...
ساعه احبه واتمنى يكون الي وساعه اكرهه وابعد عنه قصتنه غير كل الناس ..
....................
...........................
انا ابن الدلال وهزت الفنجان
انا ابن المضيف اليشبع الجوعان
انا ابن الصيل اليسند التعبان
انا ابن التنام بسدة الجيران
انا ابن التسولف عنة العربان
...
انا ابن الخلس وندم العدوان
انا ابن اليضحي الروح لخوان
انا ابن العراق الثابت العنوان
انا بن البخت والسلف والديوان
وانه بن المضيف الماطفت نارة
انا بن العگال الما ركس وانهان
دنيا عگال ابوي تلوذ بكتاره
انا اسمر صدگ بس گلبي طيب ذات
شطيب من گلب راضعته العمارة؟
وين اللي عبرعالذلة وكت الضيج ؟
وين اللي نصب عالموت معباره ؟
انا الهجام مني ، وتعرف الهجام ؟
لمت الجرح صبرالبدو عله ثاره
انا ابن الشيوخ خيال المضيف
انا ابن المرحبا وابن الهلا
الشارب يدور زلم ماهمه صيت
هواي زلم مشوربه بلا مرجله
انا شهاب خيال المرجله
اني شهاب عمري 31 سنه من العمارة عسكري بالجيش برتبة ملازم اول عايش بين ولايتي وبين دوامي وبين بغداد هچي حياتي .. من اول ماولدت واني ابن المضيف وابن شيوخ .. معروف عنه من زمن جدي مارد احد لو دك بابنا وناس كله تتعنه النا من كل مكان .. لو حجيت عن حياتي اول ابدي من بدايه حياتنا بالشيخه
احنه اب عن جد شيوخ من اول مااجينه وصرنه جان جدي معروف بطيبه واخلاقه صح شيخ لكن انسان حقاني وماياكل احد جان من الناس المعروف والله مغنيها بموال وحلال خير من الله ..فالي يكدر عليه يساعد بي
بوقته الي مثله ومثل صيته جان متزوج اكثر من وحده بس جدي جان يحب حبوبتي ام أبوي ويعشقها ماتزوج عليها لحد مامات ..
بس ماقصر خلف هواي ابوي اول واحد .. وبعدها عندي 3 عمات ونوب عمي سالم وبعد هم اجني عمتي فاطمه واخر شي عمي حاتم هو اقرب واحد لابوي واصغر واحد بااخوانه جان رابي ويانه من الصغر لحد ماتزوج وسافر .. الباقين كله تزوجت وبنفس الديره ماخذوا غريب هيج عادتهم ناس تاخذ من ناس كله گرايب وناس بصف ناس .. حتى نسوان ابوي جانن من ولد عمه وعماته .. بس امي جانت غريب عنهم
ابوي يختلف عن جدي...
جان تفكيره غير جدي زوجه وهو صغير ..بس خلفته جانت كله بنات جاب بتلاث سنين ٤ بنات وقرر يتزوج من جديد وثانيه الله مارزقه منها اطفال وكته بطل وحس بندم وعقاب من ربه ..بس من شاف امي بغداد جانت من اهالي الكاظميه راح يشوف واحد من اقربه هناك شافها وعشگها وعشكته من اول لحظه ..وتزوجها بعد عناد وتعب ورفض من عمامها حتى ماتاخذ والدي
وجابتله اول طفل كان اخوي علي وبعدها هم الله رزقه بولد واجه مهند وبعده هم اجه زيدون وبعدها اجتي اختي فاتن فرحوا بيها اول بنيه واخر ولد اني
اشهاب ..الله مره وحده رزقه ب4 ولد ..وبعدي اجتي رقيه اختي الصغيرة
جانت فرحت ابوي ماتنوصف ..وخلانه احنه نكمش كلشي يخص العشيرة والكيعان والاموال ..خاصه اخوي الجبيره الي اول ماشب وخطت شواربه لزم العشيرة كله ..وابوي تقريبا سلمه كلشي جان معروف عند الناس شيخ علي ..كلمة ماتصير ثنين رزن وحكيم ..زوجه ابوي وهو صغير ..اخذ وحده من بنات عماتي هم كل وحده مخلفه كومت بنات
بس ابوي ماكتفه وكلبه مال لوحده رابعه جانت تكريتيه ..وشافها بصدفه وهي صغيرة ومنهزمه ويه اهله من ثار على اخوها صفير ..طبعا عن طريق ناس بغداد كلفوا يهتم بقضيت اهله ..وابوي من شافه عشكها وعشق الشيب يوجع ..والبنت جانت صغيره وحلوة ..وماقبلت باابوي لانه تعرف عنده كومت نسوان ومخلف كومة جهال ..بس ابوي لو حط شي براسه يجيبه .. وفعلا تزوجها رغم كله
ماقبلت ونهت عن هل شي ..بس ابوي لو راد شي يصر علي للنهايه ..بالاخير تزوجها وبنالها بالقريه بيت ..امي رغم صدمته باابوي لكن ماسوت مثل باقي نسوان وراحت لاهله لو طلبت الطلاق ..لا بقت بس شرطت على ابوي لو تزوجها بالقريه هي ماتبقى بيها .. فعلا شلنه ورحنه للمدينه بس مكان قريب علئ قريه لان ابوي جان بوكتها معتمد علئ اخوي علاوي .. اني ماجنت واعي لساتني طفل
وصار العرس وجاب التكريتيه قريب نسوانه الثنين .. هو ماجان اله علاقه قويه بيهن يعني مو مثل امي بس التكريتيه ..ماكعدت جانت مارايده عيشتنه ولا حبت ابوي ماكعدت راحه يوميا مشكله وطلابه .. انوبه من راحوا اهله ورجعوا لديارهم تسودنت على ابوي ورغم يحاول وياها ومايرفضلها طلب دللها ..منعت عن نسوانه كلهن وصدك ماجان يطب علي وحده .. بس امي يجيها بس بالبوكه حتى ماتحس بي وكتها امي هجرته جانت علاقته بي علي كد الجهال .. ودارت الايام والتكريتيه بيوم ماطلعتله شمس شردت .. ومادرا بيها احد
ابوي تخبل وطار عقله مااخلي مكان مادورها بي ولا احد ماسال تالي عرفنه منهزمه ويه ابن خالته .. محد دره بيها غيرنه وصرنه نگول للعالم ابوي طلقه وردها لاهله خفنه علئ سمعتنه وحجي ناس لو صار واحنه شيوخ وكباريت العشيرة لو سمعت الوادم شيصير بينه .. وكته ابوي رجع لامي وكله ندم ..
ماجان يرفع راسه ويحط بعين اي احد .. حتي مضايف والمجالس تركها لاخوي وعمي الصغير الي جان سند النه جنت اكثر شي احبه بالدنيا .. من وصغير تعلمت علي .. جانوا يلقبوا بذيب الصحراء على كد شجاعته وگوته .. وين ماجانت اكوا مشكله يحله سبع وبس تنخا يركض للغريب كبل قريب ناس جانت تصيحلي ابن الذيب لان اشبه عمي بكلشي وحتي بالشكل هو جان اسمر وطويل وصاحب جثه ضخمه .. وعيون وساع ونظره تكول ذيب عيونه تجادح وحنين وطيب ماشفت مثل حنيته .. جان عايش ويانه بيتنه ولزم العشيرة من بعد ابوي وبعده اخوي علي .. عمي سالم ماجان اله دخل بالعشيرة ولا بكلشي يصير يجي كل نهاية شهر يستلم حصته من الحلال والزرع ..ويروح مايدخل بكلشي حاير بعيشته خاصه مخلف كومة بنات 5 واخر شي اجه امير بعمري وبعده هم اجه اياد صغير كلش هذا .. عمي سالم تعب وصار عنده صغط وسكر ومابي حيل لاعشيرة ولا يتناقش باي شي جان تعبه من وراء النسوان عنده مريه الله مايجرعه عوذ من مريه السانه زفر وكل نهار تزن وبناته امر منها الله يساعده عليهن
خالتي جانت تجي علينه دورات وتبقي يمنه وصارت تحب عمي .. وبدات تشد اله بكل طريقه .. رغم عمي يستحي من امي يباوع او يطخ حرمه من نسوانهم .. بس خالتي كدرت تشده اله وحبها حب ماصار .. وبعدها قرر يتقدملها بس اهله ماقبلوا خاصه بعد الصار ويه امي .. كرهوا عائلة ابوي .. خوالي مالهم دخل جانوا ناس مثقفين لكن عمام امي تخبلوا .. وقرروا يزوجوا خالتي لابنهم .. بس هي شردت علينه وصارت مشاكل من عرفوا .. وبقت امي خطيه واكع بالنص .. اخر شي عمي اخذها وشرد بيها بعد ماتزوجها بيتنه وطلع للكويت وهو عنده هناك جماعه طلعوا .. عمامها تحلفوا بي لو يلزموهم يكتلوهم ..
ابوي بيها هواي تمرض ومن غير شي جان يوميا يتخربط علينه .. امي حنت علي ورجعتله شويه هو ردت بي الروح .. بس بقي متحلف للتكريتيه .. وكت وعيت جان اخوي علي ومهند وزيدون لزمين شغل ابوي ...
جان عمري تقريبا 10 سنين .. من سمعت عن مراة أبوي تمنيت الزمه وكتلها بيدي خلت ابوي جبير قومه هيج يصير بيه وبقيت متحلف بيها لابد يجي يوم والزمها وكتله بيدي...
عمي جنه نتصل بيهم وعرفنه صارت عدهم بنت وسموها غاليه .. بعدها خالتي رجعت هي وبنتها
وعافت عمي .. امي من شافتها تخبلت بس هي صارت تشكي ماتكدر تبقي هناك وحيدة .. اكيد عمي لحكه وقروا يعشوا هنا .. ابوي اكد على عمي مايطلع من القريه .. بس خالتي اصرت تروح تشوف اهلها رغم تحذير امي وابوي الهم بس عمي ماحب يكسر خاطره جان يظن سالفتهم گظت ومحد يفكر بيها بعد .. تركوا بنتهم يم امي .. وراحوا .. من يومها واني حقدي علي نسوان كبر .. مالحك يرجع كتلوهم ضربوهم بالسيارة وماتوا اثنينهم .. وتركوا بنتهم يم اهلي .. جان عمرها وكتها ٥ سنين .. بس كرهته احسيت امها السبب بموت عمي ..
عمي جان اقرب شخص الي واحبه هواي .. و الصار جان كارثه وكعت علينه ابوي وكعد وساءت حالته وراءعمي .. بيوم الفاتحه هجم ابوي وعمامي واخواني علئ عمام امي بس دخلت ناس وحلته بحبس واحد من عمام امي هو ابنه لان هو الضارب السيارة ابوي حتئ ماتصير ثارات سكت وشرط عليهم بنت اخو تبقى عنده وينسونه قبلوا ..بس
ابوي وكتها خسر سند واخ وابن ماتحمل الصدمه كمنه نشيله ويتحرك بكرسي متحرك .. بقئ معلل وطول الوكت يعاني ماتحسنت حالت ابد جنت اتحصر علي وكلبي يوجعني واتمنى احرك كل واحد عذبه واولهم ذيج الس…
ه بس لو الزمها بعدها تقريبا 8سنين مات .. وحملني اني واخواني الحمل كله .. اخواني كملوا دراسه وكلمن شاف طريقه محد تحمل العشيرة .. غير علي .. صار الكل بالكل
وذاع صيته اكثر من ابوي .. وعتمد علي اكثر من اخواني جنت سنده وايده اليمين.. صح درست مثلهم لكن ماتركت ديرتي ولا نزعت ثوبي ايدي بيد اخوي .. وناس صارت تحسبلي الف حساب مثل اخوي .. بس هو معروف سياسي وحكيم واني لا اشبه عمي الله يرحمه .. عنيد وراسي يابس وهب على الينخه وين مايريد .. من هاي وين اكوا طلابه وفصول وعركات جنت المتكفل بيها .. مو بس اني جان عندي ابن عمي امير وابن عمتي جهاد هذوالي وياي وين ماروح اصحابي وهلي ودخلنه جامعه سويه .. بعدها قررنه نلتحق بالجيش وصدك لزمنه الحدود علي ايران هناك جانت دورياتنه اغلبها
جنت .. ارجع عشرة ايام والتحق عشرة .. اخوتي مهند صار دكتور وتزوج بغداد وزيدون جان مدرس جامعي .. تزوج بنت عمي .. ماطول وياها سنة وطلقها .. وقرر يكمل دراسه بغداد اخذ بيت وكعد هناك .. امير تزوج اختي فاتن وسكن وياها بغداد الكاظميه قريب علي خوالي وبصفهم جان بيت زيدون جانت اختي تتكفل بكلشي يخص البيت .. امير اجه نقل لبغداد .. واني وجهاد بقينه بمقرنه نحب المخاطر ونجفت وين ماتصير لهاي جنه فرقه مكونه من 15 واحد جان يلقبونه الذيابه نهجم مانخاف
بحياتي ماكرهت شي بكد نسوان .. صح ماجذب وقول ما عندي علاقات واني ماعرفت مراه بحياتي اطلع اكبر جذاب بالعكس اكثر واحد بخوتي عرفت نسوان .. وكلما اعرفهن اكثر اكرهن اكثر ماجنت شوف بيهن غير متعه وخدمه .. ماجنت احسب بيوم كل صار بيه .. جانوا اخوتي كله مشاكلهم
وطلايبهم من وراء النسوان فاامنت بحياتي ابعد عن النسوان تعيش مرتاح .. وبقي بكلبي مرت ابوي وسوته بي .. ومراة عمي وسبب موته .. مافكرت اتزوج ابد جنت اتخبل لو امي جاب هذا الطاري .. ماحسبت لحياتي هيج تصير .. وتالي اكثر شي كرهته وكعدت بي .. ماجنت محسب يوم افكر بمراه مو نوب احبه لو اعشقها لو اموت مافكر بيها
بعدت عن كل نسوان عدا الي جنت مصاحبهن طبعا جانن من بغداد نوبات ابقي بيت زيدون كم يوم قبل ماارجع للعماره فجنت اروح هناك لوحده مصاحبها..
راح احجيلكم عن قصتي بدون مااظم لو اخفي شي يمكن البعض يكرهني ويجوز يشوفوني ضالم وحتى ماعندي احساس ويجوز تكولون حيوان لكن .. لاتحكموا قبل ما تسمعوا للاخير .. لا تظلمون احد لان كلنه بشر ومامعصومين من الاخطاء يجوز ضلمت هواي بس هم اجه يوم انظلمت حبيت احجي الواقع والقصه مثل ماصارت اكدر اخفي عيوبي وما احجيهن كلهن وهم اكدر ابينلكم اني شخصيه الي الكل تتحلم بيها .. بس لو خفيت جزء من شخصيتي وان كان هذا الجزء السيئ بيها ماراح اكون اني راح اخلق شخص ماموجود اصلا .. لذلك حجيت من بداية
وقصتي ويه النسوان العرفتهن بحياتي وكلهن جانت غايتي وياهن وحده الذله .. بس مادريت يوم ان احب وحده بيهن والاصعب ان الوحيدة الي كرهتني والي حاربتني وحاولت بكل طرق تتخلص مني .. حبيتها حد جنون وهي رفضتني وجانت صدمة الي .. لان من تبقئ عمرك كله تهرب من شي وفجاءه تلكي نفسك وقعت بي .. تصير مثل المخبل وماتدري ولاتسيطر بعد علي نفسك .. هيج صار بيه واكثر اخلي كل شخص جان جزء من قصتي يحجي بيها حتي ماظلم احد تابعوا قصتي اني الشيخ شهاب...
🦋🦋.................................
🦋🦋
بقلمي .. الكاتبه بنين الطائي
━━━━━━━━━━━━━━━━━━━━━━━━━━
🌸 هل أعجبتك أحداث القصة؟
💡 لمعرفة تفاصيل هذه الرواية ومتابعة بقية فصولها كاملة وبشكل مسبق وبدون إعلانات:
🔗 تابع القراءة عبر موقعنا الرسمي من هنا: https://kimostories.site/novel/122/جبروت-الشيخ-وقلبي
نتشرف بوجودكم دائماً في عائلة كيمو ستوريز! 🌸
━━━━━━━━━━━━━━━━━━━━━━━━━━