الفصل التاسع
بقلم / نورهان القربي
ملك بحزن / علشان حسن هو مصطفى
لينا بحزن وقهر / اوعى تشبهى بابا بالحيوان دا انتى متعرفيش يا طنط عمل فيا ايه دا..
ملك مقاطعه لينا ببكاء على حبيبها واخيها و زوجها وسندها/ لينا اهدى انا عارفه حصل ايه حسن اول مفاق من الغيبوبه طلب من الدكتور انه يتصل بشخص والدكتور سمحله لما عرف انه بيحتضر و اتصل بيا وانا واول معرفت كنت هسافر بس هو رفض وقالى اسمعينى اهم حاجه
انا مش عارف هشوفك تانى ولالا كان قلبه حاسس انه بيموت حكالى على الحصل معاكى وكان شايل ذنبك انه جوزك لمصطفى بس مكنش مصدق ان مصطفى يعمل كده فيكى كان شاكك فى خالتك و وصانى عليكى وقالى انه هيبعتك ليا فى اى وقت و وصانى انك تكملى تعليمك ومتخفيش من حد وحقك هيجى يوم وتخديه ومحدش هيعرف يقف قدامك
لينا انا عاوزاكى تكونى قويه متخفيش من حاجه استقوى بيا وبعبد الرحمن انا عارفه زمانك بتقولى عليه ايه 😂 بس عبد الرحمن وقت الجد تخافى منه و اهم من دا استقوى باخوكى اسر يالينا على الرغم من اسر صغير بس حسن الله يرحمه كان مربيه على انه يعتمد على نفسه لما تتعملي معاه هتحسى انك بتتعملي مع راجل كبير مش طفل عنده 10 سنين
انا عارفة انه غلط وهو مش عايش طفولته وكنت علطول بتكلم مع حسن فى الموضوع دا بس كان يقولى انه لازم يكون راجل من صغره علشان لما يكبر يحافظ عليكى وعلى اخته هو دا الهيكون سندى ليكم بعد ماموت وعلشان يكون اخ لعبد الرحمن بعد اشرف الله يرحمه ويقف معاه الحمل هيكون تقيل عليه من بعدى لازم عضمه ينشف
ولما كان يلقينى زعلانه يقولى احمدى ربنا انه مش اتربى فى الصعيد كان زمانه من وهو عندوا خمس او ست سنين شغال فى ماله و بيضرب نار وبيعرف يفك البندقيه ويركبها
فمتشليش هم ارمى ورا ضهرك وادعى لحسن ربنا يرحمه ويغفرله هو كان طيب
لينا وهى بتعيط / هو انتى ليه مصممتيش على الطلاق على الكلام القاله ليكى بابا الله يرحمه فى التليفون
ملك بحكمه / بصى يا ملك انا كنت بعشق حسن وكنت فعلا عاوزه اطلق بس حسن عرف يحتوينى لما فقت تانى يوم وهو واخدنى فى حضنه انا سعتها حسيت اني ملكت الدنيا كلها ونسيت كل كلامه بس برضوا كنت لازم ابين انى زعلانه منه ومش هقدر اسامحه علشان اعرف هو صادق فى القالوا ولا
بصى يا لينا الست العاقله هى التعرف تتصرف صح فى موقف زى الحصلى علشان كده يا لينا متخديش اى موقف ضد مصطفى غير لما تتكلموا مع بعض
بس الحصل معايا غيرك انتى متعرفيش انا سمعت ايه قبل مسافر
فلاش للحصل مع لينا
لينا بصدمه /لالالالالالالا مستحيل ده يحصل تركت الورقه وبحثت عن الورقه التى بها رقم الهاتف التى حدثها والدها عنها وجدتها ووجت معها جواب مغلق
اخذت الجواب بيد مرتعشه وجاءت لكى تفتحه وجدت مكتوب على الجواب من الخلف
**ابنتى الغاليه سوف افتقدك اقرئيه بعد اسبوع من وفاتى **
تعجبت لينا ووضعته مع الاوراق وجدت ايضا دهب والدتها اخذته واخذت الفلوس التى كانت توجد فى الخزنه ومجموعه اوراق اخرى اخذتها دون اهتمام وهى لا تعلم ان هذه الاوراق تفتح عليها ابواب سوف تودى بها الى الهلاك
اخذتهم وضعتهم فى الشنطه الملابس وخرجت من غرفه المكتب وذهبت لكى تفتح باب المنزل سمعت اشخاص تتحدث بصوت هامس
انت واعى للناوى تعمله يا صحبى
بجولك ايه متخنجنيش لو خايف
روح استنانى هناك هبابه وانا هخلص المطلوب وهاچى ليك
لا انا مش خايف بس مش رادى على الاحنا الهنعمله احنا اه مطاريد والجبل بيتنا البيتوينا نسرج نثبت نخطف نجطع طرج بس متوصلش للجتل يا بن عمه وكمان ده جتل حريم وعيله صغيره واحنا ملناش فيه
بجولك ايه بطل ندب كيف الحريم احنا محتاجين الفلوس ولولا اكده مكناش هنعمل المصيبه ديه خلينا نخلص جبل محد يوشفنا وناخد باجى حجنا من الوليه السو دهى وندله على الجبل طوالى يلاهم
لا يعلموا ان الله نجاها من شرهم وجعلها سمعت ما يخططونه لها ولكن ثوانى استوقف عقلها عندما استمعت الى ذكر امرءه فى الحديث
ايعقل ان تكون هى من ارسلتهم لكى يقتلوها
لماذا تفعل ذلك وتريد التخلص منها
ولكنها فاقت على محاوله فتح باب الدوار فحملت حقيبتها وبخطوات مسرعه دخلت المطبخ وخرجت من الباب الخلفى للدوار وحمدت ربها ان لا يوجد احد يقف لدى الباب الخلفى للدوار
واصبحت تجرى لمده ساعه بدون توقف بين الزرع
و دموعها تجرى على خديها وحمدٱ ربها ان محطه القطار تقع بالقرب من النجع
باك
لينا انا كنت هموت يا طنط
ملك وهى تأخذ لينا بحضنها وتبكى على حال هذه الصغيره وعلى وفاه زوجها /
انسى كل الحصل وابدى من جديد هنا محدش يعرفك هتكملى دراستك ووهتنجحى فى حياتك علشانك انتى قبل علشان خاطر حسن
هيجى عليكى وقت وانتى قويه ومبتخفيش من بنى ادم وتضحكي على الايام دى هتقولى ازاى كنت غبيه وهبله علشان ازعل على حاجه تفه زى دى
واهم حاجه الحزن فى القلب يا لينا مش بلبس والبكا حسن عمره مهننساه هو موجود معانا فى عقلنا وقلبنا قبل منيجى نفكر ولا ناخد خطوه فى حياتنا هنشركوه قراراتنا بتفكيرنا احنا يعنى لو موجود معانا كان هيكون رائيه ايه هيتصرف ازاى
اما موضوع طلاقك سيبى عبد الرحمن يتصرف فيه وهو يقف قدامهم
لينا /طيب ممكن ميخدش اى موقف الغير لما يسألني الاول
حاضر الانتى عاوزاه يا جميل يلا قومى غيرى هدومك واغسلى وشك وتعالى علشان تكلى ومش هقبل اعذار وبسرعة علشان فى بره وحوش زمنهم خلصوا الاكل هتلاقى هدوم ليكى فى الدولاب حسن الله يرحمه كان جيبهالك
لينا ببكاء / الله يرحمه
باااااااااك
ونرجع تانى للينا و عيالها الاحنا نسناهم بس فى الفصل الجديد ♥♥
بهزر يا رمضان مبتزهزروش🤣🤣
فى الوقت الحالي
لينا بتنهيده حزن / وكده الموضوع خلص فى حاجه تانيه
اسر بجديه / لا مخلص فى حاجات كتيرة موضحتيش
لينا بحده / بس بالنسبالى خلصت ومش هفتح الموضوع دا تانى
مازن /لا يا ماما هيتفتح علشان احنا منعرفش مين هو بابا وانتى حكيتى لحد وفاه جدى ومنعرفش ايه الحصل
لينا بهدوء / كل الحصل بعد كدا مهيمكش فى حاجه وعموما هقولك علشان ترتاح يا مازن بعد
بعد شهر كنت بقيت احسن و عبد الرحمن قدملى فى مدرسه ثانوى منازل والحمد الله كان معايا الورق بتاعى الخته من خزنه بابا
وعدى اول شهر عليا وانا كويسه لحد مبدأت اتعب وملك لحظت عليا وشكت انى حامل بسبب الاعراض الكانت بتجيلى و خدتنى للدكتوره ولما كشفت عليا طلبت منى اعمل تحليل دم علشان مش ظاهر حاجه و عملت تحليل دم وطلعت حامل
هتصدقونى لو قلت ان احساسى وقتها معرفش كنت فرحانه ولا زعلانه
ورجعنا البيت وكنت مصدومه بس ملك اتكلمت معايا انى لازم ابلغ اهل مصطفى بانى حامل على الاقل علشان ابنى الجاى يكتب باسم ابوه
.....................
لينا / بس هو دا الحصل فرحت لما عرفت انى حاول فى تلت توائم خلفتكم و دخلت انا كليه هندسه علشان امسك الشغل مع عبد الرحمن و نجاحى الاكبر لما شوفتكم متخرجين وانا فخوره بيكم
فى سؤال تانى حبين اجاوب عليه
مازن / برضوا مجوبتنيش على سؤال
لينا بجمود/ اولا اتكلم كويس انت بتتكلم مع مامتك مش مع مجرم ولا انا فى استجواب
وعموما ايه هو يا حضره الاستاذ
مازن بضبط نفس /بابا اسمه مصطفى ايه وليه مكتوبين باسم واحد تانى
لينا بجمود / اظن دى حاجه متخصكمش
رهف بحزن وصوت هادئ / بس يا ماما دا حقنا اننا نعرف بابا مين
لينا وهى بتتنفس بصوت مرتفع / ملكمش حقى حاجه تخصنى لوحدى انا وبس
ايسل بهدوء / ماما حضرتك لازم تقولنا مين هو بابا وليه مش مكتوبين باسمه وليه منعرفش حاجه عنه علشان حضرتك عارفه ومتأكده ان احنا هنقدر هنوصل للعاوزينه بطريقتنا فاحنا عاوزين نعرف منك
لينا بثبات مصطنع / تمام انا هقول السبب بس بعد متعرفوه يترى هتكونوا لسه عاوزين تعرفوا السبب
اسر بهدوء / نقرر لما نسمع الاول
......................
━━━━━━━━━━━━━━━━━━━━━━━━━━
🌸 هل أعجبتك أحداث القصة؟
💡 لمعرفة تفاصيل هذه الرواية ومتابعة بقية فصولها كاملة وبشكل مسبق وبدون إعلانات:
🔗 تابع القراءة عبر موقعنا الرسمي من هنا: https://kimostories.site/novel/256/قوه-وجبروت-امرأه-الجزء-الأول-مكتمله
نتشرف بوجودكم دائماً في عائلة كيمو ستوريز! 🌸
━━━━━━━━━━━━━━━━━━━━━━━━━━