الفصل الحادي عشر
اما فى المكتب كانت تجلس لينا وهى تضع يديها على وجهها
وتجلس امامها ايسل وهى تنظر لها
ايسل بهدوء / مقلتهمش ليه ان مصطفى ابن عمك حسين يا ماما و جوزك
رفعت لينا رأسها مسرعا وهى تنظر لها بصدمه /
انتى بتقولى ايه وعرفتى الاسم دا مين
ايسل / شكلك نسيتى يا لينو انى ظابط وحبيبي كتير يعنى سهل عليا اجيب تاريخ اى شخص من صوره تحت مخدتك وكام معلومه صغيره عنه سمعتها
لينا بخوف / انتى بتقولى ايه انتى بتتجسسى عليا يا ايسل
ايسل بهدوء وهى تجلس امام والدتها وتحضنها /
اهدئ يا ماما انا متجسستش عليكى انا من حوالى اسبوع كنت رايحه لعبد الرحمن المكتب انا متعوده لما بروح بدخل علطول من غير استأذان فدخلت علطول
لقيته بيتكلم فى الفون و بيتفرج علي الشارع دخلت وفضلت مستنياه يخلص لقيته بيتكلم معاكى وبقولك
لسه بيدور عليكى يا لينا لازم تقولى للاولاد كل حاجه هما خلاص كبيروا
............
انتى متأكده استحاله اخليه يأذيكى الاول لما رجع من بره بعد مخلص الدكتوراه وكان متابع شغلهم هنا كان تحت عينى وسهل امنع اى حاجه تعرفه طريقك
بس هو بقالوا اكتر من عشر سنين رجع الصعيد و مخلى ناس تدور عليكى و كمان مكلف ابن اخوه انه يدور عليكى فأكيد هيوصل ليكى علشان كدا بقولك لازم الاولاد يعرفوا
............
تمام انا كده كده باليل هكون عندكم سلام
.............
بس هو دا الحصل و لما لف وشه ولقانى
لقيت وشه اتغير وقعد يسألني انتى هنا من امتى
عرفت ان فى حاجة مهم انتى مخبياها علينا وكنت عاوزه اعرف فمسألتهوش
قولتله لما قلت هتجلنا باليل لقيته اخد نفسه و ملامحه اتغيرت
ولما رجعت سورى يا ماما دورت فى اضتك على اى حاجه تقدر تفدنى لحد ملقيت صوره لشاب تحت مخدتك فشكيت ان دا الشخص الكان بيتكلم عنه وخصوصا ان الصوره تصوير قديم مش جديد فصورتها بالفون وعملت تحريات عنها
لينا ببكاء / ولما عملتى تحرياتك يا حضره النقيب ايه الحصل هتسبينى انتى و اخواتك وهترحوله
ايسل وهى تحتضنها / طالما قولتى يا حضره النقيب مش يا حضره الرائد تبقى زعلانه منى وبعدين اهدى يا ماما احنا استحاله نسيبك انتى عندنا بالدنيا كلها انا كل الكنت عاوزه اعرفه مين الشخص دا ولما عملت تحريات عنه كل العرفته انه ابن عمك بس
وكنت مستغربه صورته معاكى ومش عارفه هو دا الكان بيتكلم عنه عبد الرحمن ولا لا
لحد منتى حكيتى كل حاجه
لينا /هتقولى لخواتك حاجه
ايسل بهدوء مصطنع وهى تغلى من داخلها / لا يا لينو وانا كمان ولكنى عرفت حاجه خالص
ماما هو انتى لسه بتحبيه
لينا / ليه بتقولى كده
ايسل / علشان صورته الموجوده تحت مخدتك
لينا ببرود / لا وقفلى على الموضوع
ايسل / حاضر بس فى حاجه لازم تعرفيها
لينا / ايه هى
ايسل بهدوء / احنا عندنا اخ
لينا ببرود مصطنع / وانا اعمل ايه مهو اكيد اتجوز يبقى هيخلف دا قلت زمانه عنده تلت او اربع اولاد
ايسل بخوف/ ماما انتى مش عاوزه ترجعى حقك وتردى كرمتك
لينا بقوه / لا انسى موضوع رجوع حقى انا معنديش حاجه اخاف منها غيركم ولو كان على رد كرامتى فهو ترد من ساعه كل واحد فيكم اتخرج وبقى حاجه مهمه هى دى كرامتى الاترديتلى
ووعدينى الموضوع دا هيتقفل دلوقتى ومش هيتفتح تانى وهتنسى موضوع حقى دا تمام يا ايسل
ايسل / تمام يا ماما انا هدخل اشوف رهف وهقعد معاها
لينا / تمام اصبحى على خير
ايسل / وانتى مش هتنامى
لينا برفض / مش هعرف انام غير لما اطمن على مازن واسر
ايسل / ماشى وانتى من اهله
خرجت ايسل وظلت لينا تفكر فى الماضى الاليم التى ظل ملاحقها حتى اصبحت فى الحاضر
وتسألت هل ما يزال الماضى يؤثر علي الحاضر
يا ترى يا مصطفى عملتى معايا كدا ليه بقالى 23 سنة بسأل نفسى السؤال دا ونفسى تجوبنى عليه
كل يوم امسك صورتك وافضل اتكلم معاها واحكيلك على تفاصيل يومى كله
واسألك نفس السؤال ليه عملت معايا كده
فاقت من شرودها على رنه موبيلها مسحت دموعها
لينا بصوت مبحوح / الو ايوه يا مازن
مازن / مالك يا ماما
لينا / مليش يا حبيبى عرفت اسر فين
مازن / اه يا حبيبتى متقلقيش معايا اهو و هنام فى شقه تاتا ملك
لينا ببكاء / يعنى مش هتيجوا تناموا هنا معانا فى الشقه
مازن بتنهيده / متزعليش يا لينو هى مش اول مره هنبات بره
لينا ببكاء / بس اول مره هو ينام بره و وهو زعلان منى
مازن /معلش يا لينا سبيه النهارده علشان يهدى بس
وبكره انشاء الله الصبح هنكون عندك
لينا بانهيار / يعنى مش هترجعوا برضوا النهارده
مازن / لينو ممكن تبطلى عياط علش.....
وفجأة سحب اسر الفون منه
اسر / ممكن تبطلى عياط
لينا ببكاء / ان...
ت م. ش را. ضى ت. رجع النه. ارده
اسر / ممكن نتكلم من غير عياط
لينا وهى تتنفس بصعوبه / حا.ضر
....................
━━━━━━━━━━━━━━━━━━━━━━━━━━
🌸 هل أعجبتك أحداث القصة؟
💡 لمعرفة تفاصيل هذه الرواية ومتابعة بقية فصولها كاملة وبشكل مسبق وبدون إعلانات:
🔗 تابع القراءة عبر موقعنا الرسمي من هنا: https://kimostories.site/novel/256/قوه-وجبروت-امرأه-الجزء-الأول-مكتمله
نتشرف بوجودكم دائماً في عائلة كيمو ستوريز! 🌸
━━━━━━━━━━━━━━━━━━━━━━━━━━