الفصل الرابع
بقلم / نورهان القربي
حبيبتي ، لديَّ شيءٌ كثيرْ أقولُهُ ،
لديَّ شيءٌ كثيرْ..
من أينَ ؟ يا غاليتي أَبتدي و كلُّ ما فيكِ.. أميرٌ.. أميرْ يا
أنتِ يا جاعلةً أَحْرُفي ممّا بها شَرَانِقاً للحريرْ هذي
أغانيَّ و هذا أنا يَضُمُّنا هذا الكِتابُ الصغيرْ غداً .. إذا
قَلَّبْتِ أوراقَهُ
***************************
القاهرة،،،،،،،
خبطت لينا على رهف و عندما لم تجد رد فتحت الباب
وجدت رهف مستيقظه و تنظر لسقف الغرفه و ايسل نائمه على الكنبه
لينا بهدوء و هى تبتسم/اول مره اعرف ان سقف الغرفه جميل بشكل ده
رهف بهدوء/تعالى يا مامى صباح الخير
لينا بإبتسامة و هى تقبل جبهتها بحنان اموى / صباح الورد يا قلبي عامله ايه دلوقتى
رهف /الحمدلله بخير سورى قلقتكم عليا امبارح
و قبل ان تتحدث لينا تحدثت ايسل و هى نائمه على الكنبه و مغمضه العينين
ايسل ببرود /مفروض الشكر ده ليا انا و اسر
لينا بفزع و هى تضع اديها على قلبها /بسم لله الرحمن الرحيم حرام عليكى خضتينى انتى بتنامى زى القطط عين مفتحه و عين مغمضه
ايسل بفخر /طبعا ده وسام اعتز بيه انتى عارفه لو غفلت لحظه ممكن نروح فى دهيه اقلها اخد رصاصة او هتقرى الفاتحه عليا
لينا بخوف وهى تنتفض من مكانها /بعد الشر عنكم كلكم انشاءالله انا
ايسل /فى ايه يا مزه انتى قلبتيها دراما كده ليه
و هى تنظر إلى رهف التى يظهر على وجها الخوف و بعدين خافى على قلب البسكوته
رهف بعصبيه هادئه / ايسل انتى عارفه مش بحب الاسم ده
ايسل و هى تجلس بجانبها و توحوطها من كتفها /
خلاص متزعليش يا روفه وليكى عليا اصلحك ببوكس مليان شكولاته
رهف و هى تصفق بيديها بطفوليه و تحتضن اختها /ربنا يخليكي ليا يا سو
ايسل و هى تنظر اليها /على فكرة انتى بتاعت مصلحتك
رهف و هى تهز رأسها و ترفع اصبعها فى وجه اختها / لا انتى المصلحنجيه
ايسل / لا انتى
رهف /لا انتى
ايسل /لا انتى
رهف /لا انتى
لينا بصوت مرتفع /بس انتى و هى ده لو اطفال فى كچى مش هيعملوا كده ربع ساعة و اخرجوا علشان عوزاكم بره و خرجت وتركتهم
ايسل /امك ديه غريبه
رهف وهى تضربها على يديها /اسمها امك ولا مامى
ايسل و هى ترمى رهف على السرير و تمسك المخده و تضربها بها و تقوم بزغزغتها
ايسل /انتى مالك يا بسكوته يا هشه انا و هى حرين انتى ايش حشرك يا حشريه يا محشيه بكشك و ملوخيه
رهف و هى تضحك بشده و تصرخ بصوت مرتقع الاثنان معا /ههه...
هه..هههههههه خلاص يا سو حرمت و فجأة...
توقفت عن الضحك و هى تقول يع يع يغ ايه القرف ده ازاى بسكوته محشيه كشك و ملوخيه
ايسل و هى تعضها فى زراعيها /انا هوريكى اليع
و قامت بعضها و لم تجد غير الصراخ الكاذب لرهف لكى تتركها ايسل /اااااااااااااااه ماما اااااااااااااااه الحقينى
لينا من الخارج بصوت مرتفع /اييييييسل رهههههههف
الاثنين من داخل الحجره /نعم يا ماما خلاص جاين
وقفوا ينظرون الى السرير و ينظرون الى نفسهم و انفجروا فى الضحك
رهف هههههههه ايه المنظر ده ....
رهف و هى تضرب اختها /يلا بره خلينى اغير هدومى و اخد شاور
ايسل و هى تخرج من الغرفة وتنظر الى اختها / انشفي شويه....
انا مش عارفه الهيتجوزك هيتعامل معاكى ازاى
رهف و وشها محمر / ملكيش دعوة خليكى فى حالك و خليكى فى الهيتجوزك انا مش عارفه انتى هتتعملى معاه ازاى مش هو اكيد مامته داعيه عليه
ايسل بغرور /اقصدك دعياله 🤣🤣🤣🤣
وخرجت من الغرفه وتركتها
رهف /🤣🤣😂😂🤣🤣
*****************************
مكان اول مره نروحه
مدريه امن أسيوط
داخل مكتب اللواء جلال الاسوانى
اللواء جلال الاسوانى بفخر و هو يضع ايده على كتف آمر/ جهزت نفسك يا حضره الرائد
آمر بجديه /كل حاجه جهزت يا فندم و التقارير سلمتها و بعد اربع ايام هكون فى المعسكر ..
اللواء جلال الاسوانى /كان نفسى تكمل معانا و تكون خريج شرطه بس هنعمل ايه نشفت دماغك و دخلت حربيه
آمر بإبتسامة /شرطه او حربيه كله فى الاخر بيحمى البلد يا باشا
اللواء جلال الاسوانى موكد على كلامه / طبعا كله فى الاخر مصلحه للبلد قولى يا آمر هتعقد اد ايه فى المعسكر
آمر /اسبوعين يا فندم
اللواء جلال باستغراب و تساؤل /اسبوعين ليه كده يا بنى
آمر بإبتسامة /فى مجموعه ظباط جايه جديده فى الجهاز و عاوزينا ندربهم (و بغمزه) و حضرتك سيد العارفين بتدريب الجداد...
اللواء جلال هو يضحك بشده / انت هتقولى انتوا ياما ختوا تأهيل و تدريب بس براحه على العيال مش علطول كده و خدنهم على الحامى
آمر بصدمه /انت البتقول كده يا فندم حضرتك مكنتش بتخلينا ننام سعتين على بعض
اللواء جلال بجديه/متنكرش انها خلتكم رجاله و شايلين البلد على كتافكم
آمر بإبتسامة /اكيد يا فندم و ده الاحنا هنعمله معاهم يا فندم رجاله يعتمد عليها فى الاوقات الصعبه الاحنا فيها
اللواء جلال / عندك مدهمات الفتره الجايه
آمربإبتسامة /عيب يا فندم تسألنى سوال زى ده وانت عارف ده اسرار
اللواء جلال/انت جاى تعمل عليا ظابط يا صقر
آمر بابتسامه ومكر /احنا نقدر يا فندم و التكدير الحضرتك شيفه انا هنفذه علطول
اللواء جلال بابتسامه على ذكاء آمر / تاديب ايه يا حضره الرائد مخلاص انت سلمت حاجتك عندنا و هترجع المعسكر يلا اتفضل روح شوف رايح فين و سلم على جدك و قوله الانا زعلان منه و هرحوله بكرة
آمر /تنور يا فندم بس اسمحلى اسلم عليك قبل مخرج علشان بكره مش هقدر اشوف سياتك و اسلم عليك
اللواء جلال و هو يحتضن آمر / رايح تعط فين يا صقر
آمر ببراءه /انت تعرف كده عنى يا جلجل انا هروح شرم انا و الشباب شويه
اللواء جلال بجديه مصطنعه/ جلجل يا حيوان ثابت يا حضره الرائد
آمر بجديه مصطنعه و هو يعطى التمام /اسف يا فندم
اللواء جلال / اتفضل يلا و اعمل حسابك انى مسافر معاك يلا اتفضل
آمر و هو يخرج و يتضحك بشده /تحت امرك يا فندم و خرج آمر من المكتب
**************************
اللواء جلال الاسوانى /لواء فى مدريه امن اسيوط 65 سنه اتجوز مره واحده كان لسه برتبه رائد و كان شغال فى اسكندريه و بعد الجواز بسبع شهور حصلتله حادثة اصرت عليه و ادت الى عقم فطلق مراته بعد شهرين من الحادثه و هى الطلبت منه الطلاق و من بعدها متجوزش صديق الحاج حسين و اخوه والحاج ابراهيم (والد لينا) برغم فرق السن و لكنه اقرب واحد ليه كان بيدرب آمر من و هو صغير و اعتبره ابنه و آمر بيحبه جدا و واخده قدوه ليه و هو الوحيد البيتكلم معاه آمر بحريه و اللوا بيعامله اكنه صحبه و امر نفس الكلام
******************************
كده نكون خلصنا الحلقه 😘😘
يا رب تعجبكم واللاقى تفاعل وتقولولى رايكن فيها 😉
ومتنسوش الكومنت والفوت💃💃
بالله عليكم
حلفتكم امانه وانتوا وضميركم 🤗🤗
━━━━━━━━━━━━━━━━━━━━━━━━━━
🌸 هل أعجبتك أحداث القصة؟
💡 لمعرفة تفاصيل هذه الرواية ومتابعة بقية فصولها كاملة وبشكل مسبق وبدون إعلانات:
🔗 تابع القراءة عبر موقعنا الرسمي من هنا: https://kimostories.site/novel/256/قوه-وجبروت-امرأه-الجزء-الأول-مكتمله
نتشرف بوجودكم دائماً في عائلة كيمو ستوريز! 🌸
━━━━━━━━━━━━━━━━━━━━━━━━━━