كادت مليكه ان تذهب لغرفتها ولكن يد اطبقت علي معصمها وسحبتها الي داخل غرفة
ادم بحده وهو يقبض علي يديها : نزلتي ليه بدون ما تقوليلي
مليكه وهي تحاول سحب يديها : انا حره
ادم بحده وهو يشدد من قبضته : لا مش حره
مليكه بحده : سيب ايدي لوسمحت عايزه اخرج
ادم بصوت عالي وهو مازال ممسك بيديها : جاوبي علي سؤالي الاول
مليكه بحده : انت ازاي تعلي صوتك عليا كده وبعدين انا اخرج او اقعد ده شئ خاص بيا انا
ادم بحده وهو يضغط علي يديها : صوتك ميعلاش
مليكه بألم من شدة قبضته والدموع في عينيها : ايدي وجعاني
ارخي ادم من قبضته و لكنه لم يتركها : خرجتي ليه من غير ماتقولي
مليكه بخوف : زهقت و .. و حضرتك قولتلي ان .. ان انا انزل دلوقتي لما كنا في المطعم بنفطر
ادم بهدوء وهو يحاول ان لا يغضب : انا مقولتش تنزلي دلوقتي انا قولت شويه كده وانا هنزل معاكي لانك متعرفيش المكان هنا
مليكه : مهو انا لقيت معتز فقولت اتمشي معاه هو اكيد عارف المكان هنا
ادم بحده : انتي سكيرتيرتي انا مش سكيرتيره معتز انا اقوول امتي تخرجي وامتي لا
مليكه بحده هي الاخري : وحضرتك ده مش وقت شغل عشان تقولي سكيرتيرتي الشغل من الساعه 09:00 لغايه 05:00 و برضو حضرتك مجرد مديري ولا اخويا ولا خطيبي ولا جوزي عشان تتحكم فيا
ادم بحده : صوتك يا حلوه وبعدين انا غير كل دول انا ادم الصياد
نظرت له مليكه ولم تعلق ولكن بداخلها تريد البكاء فهي رقيقه من الداخل ولا تستحمل الضغط عليها بهذا الشكل فوالدها لم يفعل معها ذلك من قبل وغير ذلك ان الموضوع لم يستاهل تلك الحده والعضب فهي شعرت بالضيق فأحبت ان تتمشي قليلا ليس اكثر من ذلك
ادم بحده : بكلمك
مليكه وهي لاتستطيع تحمل اكثر مت ذلك دفعته بكفيها الصغير وخرجت من الغرقه وهي تبكي متجهه لغرفتها
*****
في غرقة ادم ظل واقف في صراع بين قلبه وعقله كما هو ثم قال : انا هوريكي ازاي تكسري كلمه ليا بعد كده يا مليكه
رد قلبه : انت ايه هي معملتش حاجه اصلا ليه كل ده
رد عقله : هي كسرت كلمتي
رد القلب : انت مين عشان تسمع كلمتك انت مجرد مديرها في الشغل اللي ممكن تسيبه في اي وقت
العقل : مش هتقدر تسيبه مش بمزاجها
القلب : حرام عليك البنت بريئه الستات مش كلهم واحد
انتهي الصراع بين العقل والقلب بإنتصار العقل كالعاده
ثم قال ادم لنفسه : اما بقي معتز الزفت ده موضوع تاني
وذهب ليراجع بعض للاوراق
****
في غرفة معتز كان يرقد علي الفراش يبتسم بمكر : بقي ادم بيقولها اطلعي علي اوضتك لما عرف ان هي معايا ثم وضع يديه خلف راسه قائلا بضحك : اقطع دراعي لو ما كنت وقعت ولاحد سمه عليك ياصقر بس برضو البت رقيقه في نفسها كده مش قد الصقر ثم تابع قائلا : ربنا يريح قلبك يا صاحبي ويسعدك
( شوفته يا جماعه شوفته انا خلاص حبيت معتز 😂😂 )
****
جاء الليل وذهب كل منهم الي النوم للإستعداد للعمل فغدا يوم شااق كثيرا
****
في صباح يوم جديد استيقظت بطلتنا واخذت شاور هادئ وارتدت تيشرت باللون عينيها الزرقاء الصافيه وبنطلون ابيض وكوتش كحلي
ورفعت شعرها الناري للأعلي مع سقوط بعض الخصلات الناريه علي وجهها ووضعت عطرها الاخاذ ونزلت لإسفل لكي تتناول فطورها
****
اما عند بطلنا فاستيقظ واخذ شاور هادئ وقام بعمل بالاتصال علي جاسم يسأله علي امور الشركه وارتدي قميص اسود وبنطلون جينز و كوتش ابيض
ورتب شعره بطريقه جذابه و وضع عطره الذي يخطف الانفاس وخرج من غرفته ونظر امامه لغرفة مليكه ثم قال وهو يبتسم ابتسامه خفيفه : اكيد عندت ونزلت ثم نزل للأسفل ورأها تجلس و تتناول بعش اللقيمات من الساندوتش الذي امامها فاتجه ناحيتها لم تلاحظه عندما أتي فكانت شارده ولكن مع حمحمات ادم فاقت من سرحانها ونظرت اليه قائله وكأن لم شئ لم يحدث البارحه : صباح الخير مستر ادم
ادم بإستغراب هو يعرف انها عنيده و لكن ليس هكذا ادم : ممكن اقعد
مليكه : اتفضل
وجلس ادم ثم نظر لساعه هاتفه قائلا : يخربيتك يا معتز علي النوم وفتح هاتفه ورن عليه
رد عليه معتز بصوت ناعس : اممم
ادم بسخريه : اصحي اصحي يا زفت
معتز بتعابير وجهه المضحكه قائلا بنعاس : زفت يبقي اكيد ادم
ادم بحده قليله : اصحي يا زفت
معتز بتأفأف : خلاص اتزفت
ادم بحزم : ربع ساعه وتيجي تحت في المطعم
واغلق الهاتف
معتز وهو ينظر اليه بغيظ : عمرك ماهتتغير يا ___ يا __ يا ايه اووف خايف اشتمه الاقيه في وشي
ثم دخل للحمام واخذ شاور وارتدي تيشرت ابيض وبنطلون كحلي وكوتش ابيض
ووضع عطره ورتب شعره بطريقه عصريه ونزل للأسفل
****
معتز وهو قادم اليهم : صباح الخير
مليكه ببتسامه : صباح النور
ادم بسخريه : نموسيتك كحلي
معتز وهو يجلس : نموسيتي كحلي ايه انا صاحي الساعه 08:00 يا بني ادم انت المختلف شويه بتنام طول الليل وتصحي من الساعه 05:00
ادم وهو ينظر لهاتفه : ده نشاط يا زفت وشوف هتطفح ايه يلا
معتز بغيظ وهو يهمس لمليكه : بني ادم خلقه في مناخيره
ضحكت مليكه بخفوت وقالت : طيب شوف هتاكل ايه عشان الشغل
معتز : انتي هتاكلي ايه
مليكه ببتسامه : انا كلت
معتز وهو يوجه كلامه لأدم : مش هتفطر
ادم وكل تركيزه علي هاتفه : لا هطلب قهوه مش عايز افطر
مليكه : بس القهوه وحشه علي معده فاضيه لازم حضرتك تاكل الاول
ادم وهو ينظر اليها : انا متعود علي كده متقلقيش
مليكه وهي تنظر بعيد عنه : براحتك و هقلق ليه يعني
معتز وهو ينظر للمنيو : ايه الاكل اللي ميشبعش ده
ابتسمت مليكه ولكن ادم قال بسخريه : انت اللي مبتشبعش
معتز وهو ينظر لمليكه : انتي كلتي ايه يا لوكه
مليكه : كلت سندوتش برجر
معتز بمرح : خلاص هطلب برجر ولو انه مبيشبعش
ضحكت مليكه عليه بينما نظر له ادم بإبتسامه
وطلب معتز الفطور و ادم القهوه وبعد ان انتهوا قال ادم : عندنا النهارده عشاء عمل مع الوفد الايطالي عايزين نراجع اوراق الصفقه قبل مانروح
مليكه و معتز بصوت واحد : تمام
****
بعد وقت طويل من العمل قال ادم : خلصنا فاضل ساعتين علي عشا العمل لازم نجهز
قالت مليكه : هو انا لازم اروح معاكوا كاد ادم ان يرد عليها ولكن سبقه معتز قائلا : اكيد يا لوكه
اومأت مليكه بهدوء وذهب كل واحد منهم الي غرفته ليتجهز
****
في غرفه مليكه اخذت شاور وارتدت
و اراتدت حذاء بكعب متوسط باالون الاسود ووضعت عطرها الرائع و رتبت شعرها علي شكل سنبله مع لمسات خفيفه من المكياج فكانت حوريه بحق
****
عند ادم اخذ شاور واراتدي
واتدي حذاء وباللون الاسود ووضع عطره ورتب شعره بطريقه جذابه فبدي شديد الوسامه
****
اما عند معتز اخذ شاور ايضا واراتدي
ووضع عطره ورتب شعره فكان وسيم
***
وخرجوا من غرفتهم جميعا بنفس الوقت فنظر ادم لمليكه مفتون بها من ذلك الرداء الاسود الذي يعكس لون بشرتها الناصعة البياض وهي نظرت له ورددت بداخلها : يخربيتك ده انت مووز
اما معتز وهو ينظر لمليكه قائلا : ايه القمر ده يا لوكه
ابتسمت مليكه بخجل قائله : ميرسي
ضحك معتز بمرح قائلا : خلاص بلاش الطماطم دي يلا نروح ....
عشان فاضل نص ساعه والاجتماع يبدا
اومأ ادم وهو لايزال ينظر لمليكه
...........
نزلوا للأسفل حيث الاجتماع
معتز موجها حديثه لمليكه : لوكه
مليكه ببتسامه : نعم
معتز ببتسامه مرحه : دقت ساعة العمل
ضحكت مليكه بصوت عالي نظر لها ادم فصمتت
معتز بهمس لمليكه : خوفتي يا بطه
لكزته مليكه بكتفه بخفه وجلسوا في صمت في مكان هادي بالمطعم متخصص للإجتماعات منتظرين الوفد وقطع صمتهم صوت هاتف مليكه نظرت مليكه للهاتف ثم قالت بدهشه ممزوجه بسعاده : زوز مش معقول
نظر كل من معتز وادم لها بصمت ولكن تدور الاسئله في رأس ادم عن ذلك المتصل وما هي هويته
مليكه : هرد علي الموب وجايه
ادم : وقت الشغل مفيش تليفونات
مليكه بثقه غير معهوده منها : اظن الشغل لسه مبدأش ولسه فاضل نص ساعه عليه وانا استأذنت كأحترام ليكم مش اكتر
معتز وهو يحاول تخفيف حدة الموقف : خلاص اتفضلي يا مليكه
ذهبت مليكه للرد
مليكه بسعاده : زوز واحشني كتير
زياد : لو واحشك كنتي اتصلتي حتي
مليكه ببتسامة حنونه : معلش يا قلبي والله مشغوله شويه بس اوعدك اول ما افضي هكلمك و نحاول نتقابل
زياد : قشطا يا حب انا اصلا لازم اشوفك عشان عاوزك في موضوع مهم
مليكه و هي تغلق احدى عينيها : موضوع ايه ...
ها ...
ايه .. ايه !!
زياد بضحك : يخربيت الفضول خلاص مش هقلك
مليكه : كدة يا زوز دنا لوكه حبيبتك
زياد بضحك : بتغريني ابت
مليكه بضحك هي الاخري : مش محتاجه اغريك هتقولي يعني هتقولي
زياد بضحك : خلاص يا زنانه هقولك المهم اقبلك قريب
مليكه ببتسامه : ان شاء الله
زياد : يلا هقفل بقي خلي بالك من نفسك يا لوكه
مليكه : حاضر يا زياد و انت كمان
زياد : لا اله الا الله يا حبيبتي
مليكه : محمد رسول الله يا حبيبي
اغلقت مليكه ثم التفتت ببتسامه لتعود للطاوله فصطدمت بمن يقف خلفها كالحائط عيناه ينطلق منها شرار
ادم بهدوء مخيف : مين زياد ده !!
مليكه ببتسامه مستفزه : بتسأل ليه !
ادم بحده : مفيش حاجه اسمها ليه لما اسألك تجاوبي على طول
مليكه : اظن ان دي حاجه متخصش حضرتك و بعدين احنا جايين هنا عشان الشغل يبقى ياريت نخلص اليومين دول و نرجع بقي
ادم بسخريه : الشغل .. اوك نخلص الشغل بس لسه كلامنا مخلصش اتفضلي قدامي
مليكه : منا هتفضل من غير ما تقول
ادم و هو يجذبها من يديها : طب يلا يا قطه
ثم ذهبا كلاها للطاوله و جلسا معا
حتي اتي الوفد الذي يترأسه چوزيف ومساعدته هيرا
چوزيف وهو يصافح ادم : اهلا بك مستر ادم
ادم : اهلا چوزيف
هيرا بدلع : اهلا مستر ادم
ادم بجمود : اهلا هيرا
جوزيف ببتسامه لمعتز : اهلا معتز
معتز ببتسامه : اهلا چوزيف
چوزيف وهو ينظر لمليكه : مرحبا بك سنيوريتا
مليكه بخجل : مرحبا بك مستر چوزيف
تجاهلت هيرا مليكه عن قصد فلاحظت مليكه ذلك فنظرت لها بغيظ ثم جلست دون مصافحتها فبتسم ادم عليها ثم بدأ الإجتماع تحت نظرات الإعجاب من چوزيف لمليكه مما اثار حنق ادم و نظرات جريئة من هيرا لأدم مما اثار حنق مليكه و معتز الذي كان يتابع الموقف و يحاول كتم ضحكته . انتهي الإجتماع الذي استمر لمدة ساعتين و لكنهم مرو على البعض كأنهم سنوات صافح كل من معتز و ادم و مليكه چوزيف و هيرا ثم غادرا چوزيف و هيرا و بقى كل من ادم و معتز و مليكه يتسامرون حول ما مر بالإجتماع
معتز : بسسس خلاص كفايه مش قادر ايه اليوم المتعب ده
ادم و هو يعود بظهره للخلف : انا بردو تعبت جدا
و لكن مليكه التزمت بالصمت التفت معتز لها
معتز بمرح : ايه يا لوكه اللي واخد عقلك
مليكه ببتسامه : ابدا مفيش حاجه
معتز : طيب انا هروح اجيب شوية حاجات كده للبت تيلا و بعدين اروح على الفندق هتيجوا معايا و لا ايه
اسرع ادم بالإجابه : لا روح انت يا معتز انا هتكلم مع مليكه في موضوع و هنمشي
نظرت له مليكه بحنق بينما ذهب معتز
مليكه بضيق و هي تنظر لأدم : افندم حضرتك عايز ايه
ادم وهو ينظر لعينيها : مين زياد اللي كنت بتكلميه ده
مليكه وهي مرتبكه من نظرات ادم لها : و __ و حضرتك ع__عايز تعرف ليه
ادم بإستمتاع من ارتباكها : انا اللي بسأل دلوقتي يبقي تجاوبي
مليكه بحنق : انا جاوبت فعلا وقولت لحضرتك ده شئ خاص بيا مش ليه علاقه بالشغل
ادم ببرود وهو ينظر للهاتف : مش هكرر سؤالي كتير
مليكه بتحدي : وانا قولت اللي عندي ثم وقفت قائله : بعد اذنك
ادم بحده وهو يمسك يديها : انا مقولتلكيش امشي
مليكه وهي تسحب يديها : لوسمحت متمسكنيش تاني كده ميصحش
ادم بسخريه : ميصحش ايه يا يا قطه
مليكه بحنق من سخريته : طيب انا عايزه امشي دلوقتي
ادم بتحدي : مش هتمشي غير لما تجاوبي الاول
مليكه بتحدي اكبر : وانا مش هجاوب و مش مضطره اجاوبك عشان شئ ميخصش حضرتك
ادم : طيب يا مليكه شكلك كده مش عارفه انتي بتتكلمي مع مين انا __ قطعته مليكه قائله بسخريه : ادم الصياد مش كنت هتقول كده
ادم : انا بقي هعرفك مين ادم الصياد ده يا __ ياقطه
مليكه بلامبالاه : هتعملي ايه يعني
ادم بهدوء مخيف : هتعرفي هعمل ايه
مليكه وهي تذهب : طيب سي يو بقا يا __ يا مستر ادم الصياد
وذهبت جلس ادم مثلما كان ثم قال فنفسه : القطه بيطلعلها صوت وبقت بتخربش ثم اكمل بهدوء مخيف : بس انا هوريها مين ادم الصياد انا لحد دلوقتي مورتهاش وشي التاني اللي الكل بيخاف يظهر قدامه
ثم ابتسم وقال : بس حلو التحدي اللي في عنيها ده بس مش معايا انا يا __ يا مليكه
ووقف وذهب لغرفته
****
في غرفه مليكه كانت مليكه جالسه فس الشرفه وتتذكر ما حدث منذ دقائق قائله بخوف وهي تحادث نفسها : هو كان قاصد ايه بكلامه ده واكملت بسخريه من نفسها : وانا مش لاقيه غير ادم الصياد اللي اعمل كده معاه ده انا بخاف من ظلي يلا ربنا يستر بقي
ودخلت ثم استلقت علي الفراش وذهبت في ثبات عميق فاليوم كان مليئ بالعمل
****
عند معتز قام بشراء احتياجات اخته الصغيره وذاهب الي الفندق
معتز فنفسه : الواد جاسم وحشني
ثم قام بالرن عليه فجاءه صوت جاسم الناعس : الو يا زفت
معتز بضحك : روح الزفت وقلب الزفت وعقل الزفت
جاسم بحنق : مش فاضي لأهلك انا عايز انام
معتز بمرح : ادم لو عرف ان انت نايم ومش في الشركه هينفخك
جاسم : اوعي تقوله ياض
معتز بضحك : بتخافي يا بطه
جاسم بمرح : ما انت عارف ادم ده انا مشيت من الشركه بدري مره اداني بونيه خلتني في البيت يومين
معتز بضحك : يااه قلبك اسود اوي يا جدع
جاسم بضحك : وهي دي حاجه تتنسي
معتز بمرح : بس انا هقوله ماهو انت عارف مبعرفش اخبي حاجه عليه
جاسم بغيظ : وحياة امك
معتز بإستفزاز : تو تو عيب عيب يا جاسم
جاسم بغيظ : اقفل يا زفت
معتز بضحك : سلام
اغلق جاسم الهاتف وذهب للنوم اما عند معتز فأكمل طريقه لغرفته في الفندق
****
اسفه علي التأخير ربنا يعلم انا تعبانه ازاي
عايزه فوتات كتير يا حلوين وكومنتات اكتر
تحياتي ميرو ميرو 🌹🌹
━━━━━━━━━━━━━━━━━━━━━━━━━━
🌸 هل أعجبتك أحداث القصة؟
💡 لمعرفة تفاصيل هذه الرواية ومتابعة بقية فصولها كاملة وبشكل مسبق وبدون إعلانات:
🔗 تابع القراءة عبر موقعنا الرسمي من هنا: https://kimostories.site/novel/363/عشقها-الصقر
نتشرف بوجودكم دائماً في عائلة كيمو ستوريز! 🌸
━━━━━━━━━━━━━━━━━━━━━━━━━━