ذهبت مليكه لمنزلها لتتجهز لفرح قريبتها واتصلت بإحدي اقاربها وكانت تسمي ( ياسمين )
مليكه : الو
ياسمين : لوكه وحشتيني
مليكه : وانتي وحشتيني خالص يا ياسو
ياسمين : ها جهزتي
مليكه : لسه
مليكه : طيب انتي فين ناو
ياسمين : في الكوافير انتي هتيجي علي القاعه قشطا
مليكه بضحك : قشطا سلام
ياسمين : سلاموز
ذهبت مليكه بإتجاه المرحاض واخذت شاور هادي
وارتدت فستان هادئ من اللون الروز عاري من احدي الاكتاف وينسدل على جسدها بنعومه حتى اعلى ركبتها
وتركت لشعرها الناري العنان فتعدي خصرها بقليل ووضعت عطرها وبعض لمسات الميك اب فبدت حوريه بحق ثم انطلقت للزفاف
******
عند بطلنا ذهب لقصره فوجد شاهي مستيقظه واحمد ليس بالمنزل وفاتن كذلك
شاهي بدلع : ادم اخيرا جيت كنت زهقانه وانا لوحدي
ادم بضيق : جيت وماشي تاني ولو زهقانه اخرجي
شاهي بحنق : انت رايح فين
ادم ببرود :ميخصكيش
شاهي برجاء : بليز قولي
ادم بتأفأف من ثرثرتها : رايح فرح واحد صاحبي بعد اذنك بقي عشان اغير
شاهي : ينفع اجي معااك
ادم ببرود وهو يصعد لغرفته : لا
شاهي بضيق : ادم بليز انا مخنوقه اوي
ادم بحنق : خلاص انجزي ربع ساعه وتكوني جاهزه
شاهي بحماس : اكيد وصعدت لغرفتها
استكمل ادم صعود حتي دخل غرفته واخذ شاور وارتدي بدله كلاسيك سوداء
وصفف شعره بطريقه جذابه ووضع عطره الذي يخطف الانفاس والقي نظره اخيره علي نفسه ثم خرج من الغرفه ونزل للاسفل فوجد شاهي جاهزه
شاهي بإعجاب شديد : قمر يا دومي
ادم بحده : قولت زفت ادم وبعدين ايه اللي انتي لابساه ده
شاهي بدلع : حلو
ادم بقرف : حلو ايه
فكانت شاهي ترتدي فستان قصير للغايه يصل لمنتصف فخدها ضيق وبه بعض الفتحات علي الصدر كان يظهر اكثر مما يخفي
شاهي بقلق : اطلع اغيره
ادم بإستعجال ولا مبالاه : لا خلاص يلا وخرج من القصر
******
عند معتز و تيلا واحمد
معتز لاحمد : انا جوعت
احمد بضحك : انت لسه واكل يا بني ادم
تيلا بمرح : ده مخلص اكل البيت كله
احمد بضحك : ياساتر
معتز بتفكير : ياتري الفرح اللي ادم رايحه فيه بوفيه مفتوح
نظر كل من تيلا واحمد لبعضهم ثم انفجروا ضاحكين عليه
احمد بضحك : مفجوع انت يا معتز
تيلا : طيب يلا نروح انا زهقت
معتز بزعل طفولي : طيب والاكل
احمد بضحك وهو يمسك وجنتيه : تبقي كلي في البيت يا بيضه
معتز وهو يبعد يده : اوعي يلا
احمد بمرح : طيب سلاموز انا بقي
تيلا : سلام
معتز : يلا غور
وغادر
معتز : طيب يلا
تيلا : اوك
وغادرو هو ايضا
*****
عند بطلتنا وصلت القاعه ودخلت وخطفت كل الانظار عليها
وذهبت لاقاربها والقت التحيه عليهم واعتذرت عن عدم مجيئ والديها بسبب ظروفهما الصحيه وبدأ الفرح متأخرا قليلا ووصل العرسان و اغلقت الأنوار في القاعه و سلط الضوء على العرسان فقط واشتغلت اغنيه
طِليِّ بالابيض طليِّ
يا زهره نيسان
طِليِّ يا حلوي وهليِّ
بهالوج الريَّان
طِليِّ بالابيض طليِّ
يا زهره نيسان
طِليِّ يا حلوي وهليِّ
بهالوج الريَّان
واميرك ماسك ايديكِ
وقلوب الكل حواليكِ
والحب يشتي عليكِ
ورد وبيلسان
قلبي بيدعيلك يا بنتي
بهالليلي الشعلاني
يا اميره قلبي انتِ
سلَّمنا الاماني
قلبي بيدعيلك يا بنتي
بهالليلي الشعلاني
يا اميره قلبي انتِ
سلَّمنا الاماني
ما تنسي اهلك يا صغيري
بْعينينا ما صرتِ كبيري
ضليِّ معنا وطيري وطيري
عَ جناح الامان
طِليِّ بالابيض طليِّ
يا زهره نيسان
طِليِّ يا حلوي وهليِّ
بهالوج الريَّان
شعيِّ متل هالطرحه
يا اغلى البنات
بصلِّي تعيشوا بهالفرحه
لباقي الحياه
وبدا العرسان برقصة السلو وبعد ان انتهوا جلسوا وبدأت الناس بالذهاب اليهم ليباركوا لهم
بعد فتره دخل ادم و معه شاهي
نظرت شاهي للقاعه وقالت بدلع : عقبالك يا ادم
ادم ببرود : انتي قبلي
شاهي بصدمه من رده : ها
ادم بسخريه : مفيش يلا عشان هبارك للعريس وذهب وهي خلفه
وفي نفس الوقت كانت ذاهبه مليكه اليهم
ادم للعريس وهو يحتضنه : مبروك يا عريس
شريف العريس : الله يبارك فيك يا صقر عقبالك
مليكة في نفس الوقت كانت تبارك للعروسه
مليكة وهي محتضنه العروسه : مبروك يا قلبي الف مبروك
العروسه : الله يبارك فيكي يا كوكو عقبالك
وجاءت مليكة لتسلم علي العريس
في نفس الوقت الذي كان ادم سيسلم علي العروس
مليكة : انت !
ادم : انتي !
شريف العريس : ايه انتو تعرفوا بعض
ادم : اه
مليكة : مديري في الشغل ثم قالت ببتسامه جميله : مبروك يا عريس
شريف ببتسامه : الله يبارك فيكي يا مليكه
ثم اكمل بمرح : لوشوفتك قبلها وهو يشاور علي زوجته مكنتش سيبتك صدقيني
ضحكت مليكة وقالت : لا هو في زي القمر ده وهي تشير علي العروسه
ياسمين بغيظ مصطنع : والله
ادم بضيق وهو يشدها من يديها : طيب نسيبكوا مع بعض وسحبها خلفه
شاهي : ادم رايح فين
ادم : جاي استني انتي هنا
تعرفت مليكة على شاهي عندما رأتها و لكنها شعرت بالضيق لإصطحابه لشاهي معه في فرح صديقه فماذا تعني هذه الشاهي له
نظرت شاهي خلفه فوجدت مليكة و هو ممسك بيديها يسحبها خلفه
شاهي لنفسها : لا كده انا اتأكدت بقى
****************************
عند ادم و مليكة
ذهب بها الى ركن بعيدا عن الناس , سحبت مليكة يديها
مليكة بغضب : ممكن اعرف في ايه مش كل مره تسحبني وراك كده كإنك ساحب حماره
لم يستمع لها ادم فكان شارد بجمالها الصارخ مما جعله ينظر لها بإعجاب لم يستطيع اخفائه متجاهلا ما تثرثر به
لاحظت شروده مما زاد من حنقها : انا مش بكلمك
ادم : لا رد ...
مليكة بغيظ : انا اللي غلطانه اني واقفه اتكلم معاك
و همت لتغادر سريعا و لكنها وجدت من يسحبها من ذراعها بسرعة مما جعلها تجد نفسها بأحضانه و نظره لا يحيد عن عيناها , تاهت هي ايضاا في عيناه ظلو هكذا لدقائق حتى تداركت نفسها عندما وجدته يبتسم لها ابتسامه محببه تخطف الانفاس
دفعت مليكة يده سريعا و ابتعدت عنه مسافه
مليكة بتوتر : لو سمحت يا مستر ادم اخر مره تسحبني وراك كده دي مش اول مره تعملها انا مش هسمح بكده تاني و إلا ..
قاطعها ادم و هو يقترب منها و نظره مسلط على عيناها : و إلا ايه !
ارتبكت من اقترابه و لكنها تظاهرت بالقوه : ها..ها..هاتصرف تصرف مش هيعجبك
ادم ببتسامه و هو يقترب اكثر : هو ايه
مليكة بتوهان : هااا !
اتسعت ابتسامة ادم و لكنها لم تدم طويلا متحدثا بجديه : و بعدين ايه اللي انتي لبساه ده انتي مش بتسمعي الكلام ليه
مليكة بدهشه فهي نفذت كلامه من نفسها و لكنها تظاهرت بغير ذلك : انت مش واصي عليا
ادم بغضب : ملييييييكة
مليكة بخوف حقيقي : ف..في ايه !
نظر ادم بتقييم لما ترتدي فهي بالفعل نفذت كلامه و لكن هذا الفستان زاد من جمالها : الفستان..
مليكة بدهشه : ماله الفستان !
ادم بضيق : حلو جدا
مليكة بإستغراب : انت متضايق انه حلو !
ادم : لأ بس مخليكي ..
مليكة : وحشة !
ادم باستفزاز : حلوه
مليكة بدهشة اكبر : و دة شئ مضايقك اوي كده
ادم بحنق : الفستان يبقى حلو اوكي انتي تبقي قمر ماشي بس كل ده في بيتك مش يبقي فرجه الناس كلها تشوفك بيه
مليكة بضيق : انا مش فرجه لحد و بعدين ده فرح قريبتي و البنات كلها بتلبس كده في الأفراح و اقوى من كده (قصدها شاهي) و كمان انا مش لابسه حاجه عريانه و لا ملفته الدور و الباقي على الناس اللي لابسه كإنها مش لابسه اصلا
ادم بجهل : قصدك مين !
مليكة بغضب : قصدي شاهي اللي انت ساحبها وراك مشفتهاش لابسه فستان عامل ازاي و جاي تتكلم معايا انا
ادم ببرود : انا مليش دعوه لا بشاهي و لا غيرها انا بقول الكلام ده ليكي انتي و يتنفذ بالحرف و إلا متلوميش غير نفسك
مليكة : بصفتك ايه بقى ان شاء الله
ادم و هو ينظر لعينيها بعمق : هتعرفي قريب .. قريب اوي
نظرت مليكه له و لم تعلق حتى جاءت المدعوه شاهي من خلفهم
شاهي بدلع : ايه يا دومي فينك كل ده بدور عليك
التفتو الإثنان لها بضيق حقيقي
ادم : ايوه يا شاهي في حاجة
شاهي بدلع : سايبني لواحدي و بتعمل ايه هنا و بعدين مش عايزين نأخر عشان نكمل سهرتنا في حتة تانيه
نظرت لها مليكة بضيق منها و من كلامها عن السهره
نظرت شاهي لها متدعية النسيان : هاي ازيك ياا..مش فاكره اسمك سوري اصل ادم بيغير السكرتاريه عنده كتير فبنسى اساميهم
مليكة ببتسامه صفرة وهي تهم بالمغادرة : مليكة .. اسمي مليكة تبقي قوليه عشر مرات عشان متنسيهوش . ثم وجهت نظرها لأدم الذي يشاهد ما يحدث بصمت غامض : عن إذنكو
ثم غادرت سريعا و هي تشعر بالضيق من حديث شاهي المستفز
*************
عند احمد
عاد الى منزله سأل الحراس هل خرجت نادين فأجابوا عليه بالنفي فدلف الى منزله فلم يجد احد فاتجه الى اعلى حيث غرفته فوجد نادين تجلس علي الفراش تنظف اظافرها
نظر لها بضيق منها و من عادتها التي لا تهتم سوى بها ثم اتجه الى دولابه اخذ منه و ذهب باتجاه الحمام اوقفه صوتها
نادين : ايه مفيش مساء الخير و لا داخل مش شايف قدامك
احمد : لمي لسانك ده و مفيش مساء الخير و لا غيره
ثم تركها متجها الى الحمام . تجاهلت نادين ضيقه و اتجهت الى البلكونه تنظر باتجاه البوابه منتظره وصول ادم
خرج احمد من الحمام مرتديا ملابسه و جلس على الفراش يعبث في الهاتف الخاص به
دخلت نادين عليه
احمد دون ان يلتفت لها : اطلعي بره و اقفلي الباب وراكي
نادين بحاجب مرفوع : نعم
احمد : زي ما سمعتي
نادين بغضب : لا بقولك ايه انا سكتالك من الصبح بس متتعداش حدودك متنساش انا مين
احمد و هو يجذبها من يديها بعنف : لسانك ميطولش و انتي مين يعني حيالله واحده مش هاممها غير الفلوس و الشوبينج و المستوى اللي هي عايشة فيه لا هاممها بيت و لا اسره و لا جوزها بس بعد كده ملكيش عندي غير الجزمه و لو مش عاجبك الباب يفوت جمل
نادين بخوف محاوله استرضائه : مالك بس يا حبيبي
احمد بغضب : بلا حبيبي بلازفت مبقتش باكل من الكلام ده احسنلك يا نادين اتجنبيني خالص الفتره دي لحد مااعرف اخد قرار في العلاقه دي
نادين : قصدك ايه
احمد ببرود : قصدي واضح جداا اخد قرار في علافتي بيكي يعني نكمل ولا كفايه لحد كده
نادي بخوف فهي تريد ذلك ولكن ليس بهذا الوقت : احمد هو انت ممكن __
قاطعها احمد : ممكن جداا يا نادين وانتي عايزه كده من زمان مش هنضحك علي بعض انا بس عامل حساب للعشره اللي تقريبا انتي متعرفيش عنها حاجه بس انا صبري خلاص بينفذ و خلاص لازم اخد قرار لو متعدلتيش صدقيني ورقتك هتوصلك في اقرب وقت و ساعتها متحلميش بأي حاجه من العز اللي انتي فيه ده و خلي الكلام ده حلقه في ودنك
تصبحي على خير خدي الباب في ايدك
خرجت نادين بصدمه من الغرفه من كلام احمد و تغيره المفاجئ التي لم تحسبه ابدا فهي تريد الانفصال عن احمد بالفعل و لكن ليس الآن ابدا فهي لم تحقق مبتغاها بعد
***************
في الفرح
كانت مليكة تسير في القاعه متجه لأصدقائها و لكنها اصطدمت بشخص ما كانت على وشك الوقوع لكنه انقذها بسرعه
----: انا اسف جدا .. لوكه !
مليكة : زيااد ! . مش ممكن
ثم عانقته سريعا و و هو ايضا بادلها العناق بسعاده فمليكة بالنسبة له اخته و ابنته
التفت ادم باتجاههم فجأه و رأهم بهذا الوضع مما جعله يشتعل من الغيره رغم علمه بأنها اخته
زياد : وحشاني جدا يا لوكه
مليكة : انت كمان وحشتني اوي اوي بس انت مقولتليش يعني انك جاي
زياد : يا بنتي انا لسه جاي من السفر الصبح و اتفاجأت ان الفرح النهارده فقولت كويس اني لحقت
مليكة : كويس اووي و قاعد قد ايه بقى
زياد : لسه مش عارف بس مش مطول اقصاها اسبوعين
جاء ادم من خلفه فهو لم يستطع الصبر اكثر من ذلك فهو لعن شاهي الاف المرات لأنها لهته عن مليكة و لكنه لم يستطع الإنتظار اكثر من ذلك
ادم : سلام عليكم
زياد : اهلا يا مستر ادم اخبارك
ادم : كويس
لاحظ زياد نظرات ادم لمليكه الذي يعرفها جيدا بحكم انه رجل مثله فهو شعر انه يغير على مليكة منه رغم انه اخاها
مليكة : طيب انا همشي بقى عشان اتأخرت
ادم : طيب تعالي اوصلك
مليكة : شكرا يا مستر ادم متعطلش نفسك انت لسه وراك سهره
فهم ادم مغزاها من الكلام
زياد : تعالي اوصلك انا كده كده ماشي
مليكة : اوك بعد إذنك يا مستر ادم
ادم : اتفضلي
صافح زياد ادم و انطلق بمليكة خارج القاعه تحت نظرات الحنق من ادم الذي عاد الى منزله بمجرد ذهابها
*********************
سوري علي التاخير يا حلوين
تحياتي ميرو ميرو 😎😎
━━━━━━━━━━━━━━━━━━━━━━━━━━
🌸 هل أعجبتك أحداث القصة؟
💡 لمعرفة تفاصيل هذه الرواية ومتابعة بقية فصولها كاملة وبشكل مسبق وبدون إعلانات:
🔗 تابع القراءة عبر موقعنا الرسمي من هنا: https://kimostories.site/novel/363/عشقها-الصقر
نتشرف بوجودكم دائماً في عائلة كيمو ستوريز! 🌸
━━━━━━━━━━━━━━━━━━━━━━━━━━