تشرق الشمس مع زقزقة العصافير فتنير غرفه تلك النائمه بهدوء لتلاعب الشمس بشرتها الناعمه كنعومة الاطفال فتتململ ف فراشها ثم تفتح عيناها التي تشبه البحر وتقول بحنق
مليكه : اكيد ماما اللي فتحت الشباك اوف العاده دي مش هتتغير ابدا
الام ببشاشه : صباح الخير ع القمر بتاعنا
مليكه بغضب طفولي : ماما انتي اللي فتحتي الشباك صح انا عارفه اوف بقا
الام ببتسامه لابنتها : معلش انتي اللي قولتيلي عشان عندك مقابله شغل النهارده ربنا يوفقك بقا و تتققبلي
مليكه ببتسامه ساحره : يارب يا ماما
قفزت من فراشها بطريقه طفوليه ثم
مليكه : ماما هدخل اخد شاور ع السريع كده تكوني عملتيلي سندوتش قبل ما انزل
الام : من عنيا ي قلب امك
دخلت مليكه الحمام و اخذت شاور ثم خرجت وادت فرضها ثم انتقت فستان باللون الاسود يصل حد ركبتيها يضيق من علي الصدر و يتسع لإسفل انتقت حزاء اسود لامع ارضي فهي تكره الكعب وفردت شعرها ع ضهرها فبدت كالحوريه تتناول فطورها مع دعوات الام لها وايضا بعض مداعبات والدها لها
✋
في جهه اخري ف قصر يدل علي الفخامه و الرقي ف غرفه اقل مايقال عنها رائعه يجلس بطلنا علي احدي الكراسي ويشرب فنجان القهوه خاصته يطرق الباب ثم يقول
ادم : ادخل
الخادمه : الهانم بتقول لحضرتك مش هتفطر ي ادم بيه
ادم بحنق : لا انزلي انتي
الخادمه برسميه : تمام حضرتك
يرتدي بطلنا بدله من اللون الاسود القاتم ويلبس ( السديري ) بدون جاكيت البدله
ويتجه الي الاسفل
ادم : صباح الخير
الام : مش هتفطر
ادم باستعجال : لا متاخر
احمد شقيقه : هتختار النهارده السكرتيره الجديده
ادم : ايوه وعندي اجتماع مهم مش هتيجي ولا ايه
نادين زوجه احمد : سيبه ي ادم يفطر و يمشي
ادم باقتضاب كأنه لم يسمعها : ها يا احمد
احمد : هلبس و جاي يا صقر
( لقب يطلق ع ادم )
ادم : تمام
علي الجهه الاخري ف بيت مليكه
مليكه بابتسامه و هي تقبل وجنتا والديها : باي ادعولي
ركبت احدي المواصلات ثم و صلت امام الشركه
مليكه و هي فاتحه عنيها علي الاخر زي القطط : واااو انا ممكن اشتغل هنا دي تحفه اوي ايه دا
دخلت الشركه و ركبت الاسانسير ووصلت للسكرتيره
مليكه ببتسامه : صباح النور
السكرتيره بحنق : صباح النور خير
مليكه : انا جايه بخصوص الاعلان اللي انتوا طالبين فيه سكيرتيره
قاطعتها بحنق : خلاص فهمت اتفضل اقعدي استني دورك
ف مكتب ادم
اخذ يستطلع الفتيات حتي يختار الاذكي و التي تستحق هذا العمل
مليكه شريف المنياوي نطقت بها السكرتيره لتدخل مليكه لهذ المكتب ثم
مليكه بانبهار : جميل اوي المكتب دا
نظر ادم لها ثم قال : افندم
تظرت له بزرقاويتها ببرائه وقالت : اسفه
ظل يحدق بها لبرهه يقسم بداخله انه لم يرى في جمالها هذا
استدرق نفسه ثم قال برسميه : احم احم اتفضلي اقعدي
جلست هي
ادم برسميه : كلميني عن نفسك عارف ان ال c.v معايا بس احب اسمع منك
مليكه بخوف و خجل : انا اسمي مليكه شريف المنياوي عندي 22 سنه خريجه فنون جميله بعرف الماني و فرنساوي و ايطالي و انجليزي
ادم بجديه : طيب خريجه فنون جميله ليه تشتغل سكرتيره
مليكه بارتباك قليلا: اسباب خاصه
ادم بتفكير : مفهوم تقدري تشتغلي هنا سكيرتيرتي وتغيريلي ديكور المكتب اهو بالمره تشتغلي الحاجه اللي بتحبيها كمان
مليكه بفرحه وضحكه بريئه : بجد شكراا اوي جدا خالص
ادم بضحكه حاول جاهدآ ان يخفيها : اوي جدا خالص علي العموم العفو
مليكه بابتسامه ساحره : اقدر ابدا شغلي امتي
ادم بابتسامه : بكره تمام
مليكه : ماشي ي فندم
ادم : معادك من الساعة 9 ل 5 مبحبش التأخير
مليكه : متقلقش حضرتك
ادم برسميه : دلوقتي تقدري تتفضلي
مليكه : ميرسي لحضرتك بعد اذنك
خرجت مليكه تكاد تجن من الفرحه فهي اخيرا ستعمل
لكن بالنسبه لادم كان يعمل دخل عليه صديقه جاسم
جاسم بمرح : وحشتنا ي صقر
ادم : عمرك ماهتغير طريقتك انت والزفت معتز قبل ما تدخل خبط علي الباب هي مش وكاله منغير بواب
وهنا دخل معتز ايضا
معتز بمزاح : فينك ي راجل منك ليه
ادم بحنق : هنا اهو اطلعوا بقا و سيبوني اكمل شغل
جاسم بجديه: ها اخترت سكيرتيره
ادم بجديه : اه كلو تمام ي صاحبي
معتز بخبث : ها بقا ايه
ادم و جاسم ف صوت واحد : ايه ايه مش فاهمين
معتز بغمزه : حلوه ؟؟
ادم بغضب: بره يا معتز بره
معتز بمرح : احم ايه الاحراج ده ثم و جه كلامه لجاسم : هو انا بتطرد ولا بيتهيألي
جاسم بضحك : لا مش بتهيألك
ادم : يلا بقا منك ليه بره
خرج جاسم يليه معتز مبتسمين علي غضب صديقهم ليباشروا عملهم
✋✋✋✋✋
اما عند بطلتنا تذهب للمنزل وتخبر والديها بانها اخيرا ستعمل فرحوا لها و تمنوا لها السعاده و التوفيق ثم دلفت الى غرفتها لتحاكي صديقتها ثم تقول بمرح : كدا ي نوره متصلتيش تسألي ي كلبه البرك انتي
نوره بضحك : خلاص بقا والله كان عندي شغل كتير
مليكه بطيبه : ربنا يعينك
نوره بغباء : يعني قبلوكي ف الشغل ي كلبوبتي
مليكه بطفوله : اه يا كلبوبتي انا فرحانه اوي
نوره بحنان : ربنا يسعدك يارب ي لوكه
مليكه بابتسامه : يارب ثم اكملت هتيجي امتا من السفر
نوره بزهق : اهو كل شويه يقولوا يومين وادينا قاعدين
مليكه بإستعجال: طيب ي قلبي هكلمك بعدين ماما عايزاني
نوره بحب : ماشي ي قمر باي
اغلقت مليكه ثم ذهبت لوالدتها
✋✋
ف قصر الصياد عاد ادم من الشركه و ذهب لعمل الرياضه نعم فأدم يمتلك غرفة رياضة داخلية داخل جناحه و حمام خاص به و غرفة ملابس فغرفته تمثل مملكه له بعيدا عن بقية القصر
ادم بتعب بعدما انها الرياضه ذهب ليأخذ شاور ثم خرج بمنشفه ملتفه حول خصره وصدره عاري تماما لتبرز عضلات صدره وبطنه ليتفاجأ بدخول زوجه شقيقه الغرفه وتقول بدلع وهي تتحسس صدره باغراء
نادين : مش هتاكل بقا انت ماكلتش من الصبح
ادم وهو ينفض يديها ويخرجها خارج الغرفه
ادم بقرف : اتغديت و اتعشيت بره ثم اضاف بتحذير : اياكي تدخلي الجناح دي تاني ثم اغلق الباب بوجهها
وارتدي بنطلون بيتي فقط وجلس علي السرير يستذكر احداث اليوم فجائت ف باله تلك الحوريه كما اطلق عليها و ابتسم ثم تلاشت ابتسامته وقال: كلهم بيرسموا الوش البريئ ده كلهم خاينين
ثم ذهب في سبات عميق ليستريح من مجهود و تعب اليوم
......
في صباح يوم جديد
تستيقظ بطلتنا على رنين منبهها تغلقه ثم تقفز من علي الفراش وتاخذ شاور و تؤدي فرضها ثم تنتقي ملابس مناسبه للعمل تيشرت قصير بثلثي كم بلون الابيض و بنطلون باللون الاسود ضيق و حذاء رياضي ابيض و صففت شعرها علي طريقه السمبله فبدت بريئه للغايه ثم تناولت فطورها سريعا و انطلقت لعملها بتفاؤل بحياتها الجديده
اما عن بطلنا فكان يتناول فطوره و يتحدث هو و اخاه في بعض الامور الخاصه بالعمل وذهبوا سويا للعمل . دخلوا بهيبتهم الشامخه تحت نظرات اعجاب من جميع الفتيات جعلتهم يزدادوا غرورا و ثقه بالنفس . وقف الجميع مرحبا بهم ذهبوا معا لمكتب ادم ليري ادم مليكه تقف للتحيه مع ابتسامه تخطف الانفاس قائله : صباح الخير يا فندم
ادم بهدوء : صباح النور يا مليكه
ثم وجهت مليكه نظرها لأحمد قائله
مليكه بابتسامه عمليه و لكنها جذابة : صباح الخير
احمد بهيام: صباح النور ع القمر و الفل و الياسمين ايه دا هو في كدا
مليكه بخجل واضح : احم ميرسي لحضرتك
ادم بحده : احمد علي مكتبك
احمد بتعلثم : ه ها اه اه حاضر
ادم لمليكه : ورايا علي المكتب
مليكه برسميه : حاضر ي فندم
دخل ادم تتبعه مليكه بخطوات هادئه
ادم ببرود : ايه اللي انتي لبساه ده !
مليكه بتعلثم : ايه حضرتك هو لبسي مش مناسب !
ادم و هو يحك لحيته بإبهامه ثم اقترب منها بعض الخطوات
ادم ببعض الغضب : في هنا زي للكل مش ملاهي هي
مليكه بإحراج : اسفه مش هتتكرر تاني يا فندم
ادم ببرود كأنه لم يقل شيئا : على شغلك
خرجت مليكه بحنق من هذا المغرور
ثم ذهبت لتباشر عملها ليأتي صديق ادم
معتز قائلا بإنبهار من جمالها هذا : انتي اكيد السكرتيره الجديده
مليكه برسميه : ايوه انا ✋
معتز بابتسامه جذابة : لوسمحت يا قمر انتي قولي لأدم معتز صاحبك بره
مليكه بإحراج : احم حاضر يا فندم
ثم قال في نفسه : يخربيتك يا ادم دايما ابن محظوظه مش الغفر اللي عندي
دقت على باب المكتب ثم ادخلت راسها قائله : في واحد اسمه معتز بيقول انه صاحب حضرتك .. ادخله !
ادم ببرود : ايوه دخليه
خرجت مليكه لمعتز : اتفضل
معتز قائلا : متعرفناش بالقمر
مليكه بخجل : مليكه .. اسمي مليكه
معتز بهيام : محسوبك معتز تقدري تقوليلي زيزو او زوز اي حاجه منك عسل
مليكه بابتسامه خجله : مستر ادم مستني حضرتك جوه و تشرفت بيك ي مستر معتز
معتز و هو يدخل لادم : احلي معتز سمعتها ف حياتي دي ولا ايه
ادم بإستغراب : ايه !!
معتز بإنبهار : ايه الصاروخ ارض الجو اللي انت مشغلها دي يا صقر دي تتاكل اكل
ادم بحده : معتز احترم نفسك متنساش ان انت ف مكان شغل وانا مقبلش بالحاجات دي هنا و خاصه مع مليكه فاهم
معتزز بإستغراب : اشمعنا مليكه يعني !
ادم : دي سكرتيرتي الخاصه و عايزها تتشغل بعملها بس
معتز بغير تصديق لكلام صديقه : خلاص يا عم فهمت صحيح جاسم مجاش يعني
ادم بتنهيده :بيقول انه عايز يرتاح ف البيت شويه
معتز : تمام هو الاجتماع امتى النهارده !
نسيبهم بقا يرغوا ف الشغل و نروح لمكان تاني مش روحنا قبل كدا
✋✋✋✋
في فيلا جميله لكن بالداخل فهي حقا كئيبه و يعمها الحقد و الغيره
فهي فيلا خاله ادم
نسرين لإبنتها: ها هتعملي ايه مع ادم الواد فلوسه كترت لو تتجوزيه و تجيبي حتت عيل يورثوا هنكون اغني اغنياء البلد
شاهي : ياريت نفسي ادم يحبني و يتجوزني ثم اضافت بشر و خبث :وابقا حرم ادم الصياد و اتباها قدام اصحابي في النادي و اجيب كل اللبس اللي نفسي فيه و اغير عربيتي الكحيانه دي و اعيش في القصر معاه ياااااااه
والدتها بشر : يا بت العبي ف دماغوا بقى وانا هكلم خالتك عشان نزورهم اه بالحق شوفتي العربيه الجديده اللي جابتها خالتك فاتن عربيه ايه مفيش بعد كدا
شاهي : اتجوزوا بس و هنهيص في الفلوس
ثم تلتقط مفاتيحها و تذهب وهي تخطط كيف تجعل ادم يقع ف حبها
تلك الافعي لا تعلم انه الصقر الذي يكره جميع جنس حواء و خاصة نوعيتها لكن ما دخلنا نحن
✋✋✋
نروج بقا لفيلا جاسم
جاسم بحنان لزوجته : يا حبيبتي نجيب دكتور دا انتي مفيش لقمه ف بطنك من الصبح
زوجته بتعب : انا كويسه شويه برد ف معدتي و خلاص متقلقش ي حبيبي
وما ان انهيت جملتها حتي اغمي عليها ليلتقطها بخوف بين ذراعيه و يتصل بالطبيب ليحضر
الطبيب بعد ان كشف عليها : لازم يحصل كدا خاصة ف الشهور الاولي
جاسم بإستغراب و بعض الصدمه : شهور اولي لإيه بالظبط !
الطبيب بابتسامه : تفتكر هتبقى لإيه يعني
جاسم بصدمه : يعني اللي فهمته صح !
الطبيب ببتسامه : ايوه صح .. المدام حامل الف مبروك
جاسم ببتسامه لكنها لا تصل لعينيه : الله يبارك فيك يا دكتور متشكر جدا ثم اوصله الى الخارج و عاد لزوجته
✋✋✋
هسيبكوا و نكمل بعدين عايزه توقعتكم هل جاسم هيفرح بخبر حمل مراته ولا لا
و شاهي ناويه ع ايه
و ماذا سيحدث لأدم و لهذه الحوريه
متى ستعود نورا
عاوزه اعرف رأيكم في الروايه و شجعوني بتعليقاتكم عشان اكمل الروايه
ميرو ميرو 🙈❤
━━━━━━━━━━━━━━━━━━━━━━━━━━
🌸 هل أعجبتك أحداث القصة؟
💡 لمعرفة تفاصيل هذه الرواية ومتابعة بقية فصولها كاملة وبشكل مسبق وبدون إعلانات:
🔗 تابع القراءة عبر موقعنا الرسمي من هنا: https://kimostories.site/novel/363/عشقها-الصقر
نتشرف بوجودكم دائماً في عائلة كيمو ستوريز! 🌸
━━━━━━━━━━━━━━━━━━━━━━━━━━