مرحبا ان شاء الله ماقصر وياكم بس لاتنسون شاركو قصتي بيت اصدقائكم بليز❤
سهل من تبتعد
بس صعب تلكة انسان
شايل طيبتي ويهواك على الفطرة
باجر من ترد ما تلكة شـيء موجود
تلكة الورد ذابل والأرض صحرة
تلكاني مدينة مسددة البيبان
بيها الكمر مَيت والشمس حمرة....
_______________________________________
طولنه يومين احنه بالموصل طلعنه فرينه بالمطاعم وكعدات ويا الزلم
من الصبح سما جانت تجي تظل بيت جدي من ارجع اشوفها واهلها اجو بيت جدي تعللنه
شفته كاعده بالطرمه وحدها وتباوع عالكل
مصطفى. شبيج
سما. ها اي لا ماكو شي بس دافكر
مصطفى. انتي اليوم متغيره بيج شي
سما بتنهد. حياتي
مصطفى. شبيه اكو احلا من هيج حياة
سما دمعت. انت تشوف حياتي مثاليه بس اني حكولك
خلصت سادس اهلي بطلوني اني اريد اكمل دراستي ماعندي شي بس اهلي مايقبلون تعذبت واني اشوف ناس ماتستحق داتدرس لمستقبلها واني اهلي رافضين شوكت احجي وياهم يكولون لبنيه احسلهه كعده البيت تتعلم وماراح استفاد من الدراسه ماكو تعين
مصطفى. هذا الي مضوجج؟
سما. لاء مو بس هيج اهلي يداومون ويعوفون اخوتي الصغار يمي فوگ هيج ميخلوني ابقى بالبيت وحدي لهذا احنا نجي لبيت جيرانه يعرفون خاله خوش مره الله يحفظهه من جنت صغيره هيا تعلمني كلشي
مصطفى. خلصتي؟
سما. ترا دتستفزني؟
لزمت ايدها وحجيت وياها
مصطفى. اذا خليتهم يوافقون ان تكملين دراستج راح اديرين بالج على اخوتج لو تهمليهن
سما بصدمه واحراج. ها حمم لاء اكيد اني افرق بيت الشغل والدراسه
كمت بقت لازمه ايدي
سما. مصطفى
مصطفى. هلا
سما بابتسامه. انت الشخص الوحيد الحنون وياي والي يسعدني اتشكرك كلش شكرا لوجودك بحياتي
مصطفى. لاتخافين اذا محد وياج اني وياج
سما بفرحه. اوعدني
مصطفى. اوعدج تعالي
ابو سما. وين جنتي؟
مصطفى. عمي انه اريد احاجيك جم كلمه واريدك تعتبرني ابنك
ابو سما. وياي ابني تفضل احجي على راسي
مصطفى. زاد فضلك عمي اسألك شنو الفرق بين الولد ولبنيه؟
ابو سما بتفكير. يختلف الولد يكبر يصير رجال وصاحب شغل ولبنيه تكعد بالبيت من حقه تخدمه
مصطفى. ولو وصلته الفكره غلط هيا حقها ان تشتغل بيت زوجهه وتنظف هذا واجبها بس من حقها تكمل دراستها وتتخرج
ابو سما. شنو قصدك يعني
مصطفى. تقبل عگب تزوج رجلهه يعاير بيها لان بلا راتب وكاعده بالبيت تخدم بيه ويهين بيها اني وياك مو كل بنيه اصيله تلاكيها بس بتك شعليهه هيا متستره وشاطره وتحب دراسته ليش ماتخليها تحقق حلمها
ام سما بغضب. انت مالك حق تدخل بنتي اني ابوها واصرف عليها والحجته مو صح
سما بجي. ليش يابه مو امي اداوم تقبل تساعدك بالمصاريف البيت اني شعليه ابقى انظ
ابو سما بغضب. انتي سكتي
جان راح يضربها راجدي گبالهم لزمت ايده ودفعته
سما بجي. مصطفى عوفني الله يخليك بابا اعرفه هاهيه ماريد اكمل دراسه
مصطفى. عمي اهدئ واترك سما
ابو سما. منو انت حتى توكف كبالي وادافع عنها
مصطفى. انه حفيد الحارث اسم جدي بس هيبه
ابو سما. ولد حارث...
ابو مصطفى. صح احنه...
تفضل اخوي ارتاح اني هم ضد قرارك ليش ماتخلي بنتك تكمل دراسه
وفاء صدك ياخوي والله لبنيه شاطره وحبابه ليش مبطلها
مصطفى. عمي خليها اداوم وشنو تحتاجون اني موجود
باوع الاب لبنته وكعد يفكر
سما بدموع. بابا الله يخليك اني شاطره حيل والله راح اصير فخركم بلكت الشهاده تفيدني
ابو سما. افكر وبعدين اكلج اخليج اداومين لو لاء
سما بفرحه. صدك يابه راح تفكر؟
باوعت عليه ابتسمت ودنكت
ورى نص ساعه ردو لبيتهم
الوكت تأخر صعدت للغرفه الجو بالموصل احسن من بغداد والمكان النايم بيه احسن من بيتي كله
ارتاحيت هنا بس اشتاكيت لبغداد للشغل لاصدقائي لجدتي الي ربتني
عبدلله. مصطفى
مصطفى. هممم
عبدالله. نايم؟
مصطفى. شتريد مني
عبدلله. بداعت اهلك لاتنام هسا بعد وكت تنام شنو ماتسهر
مصطفى. مامتعود اسهر ليش تريدني اسهر اصلا السهر مو زين الي والك
عبدلله. ولك شويه مو هواي لعد انت شوكت اتحب اذا انته وجدي نفس الساعه تنامون؟
مصطفى. من الاخر شتريد؟
عبدلله. اكلك سما
مصطفى. اسكت يمعود عرفت ماكو غيرها بالعباس ساعدتها على مود حلمها ماكو شي ثاني بينه ماحبها ولااكرهه
عبدلله. جذاب الگلب يفضح
مصطفى بخزره. وانته شمدريك؟ يجوز غيرها ساكنه بگلبي شمدريك اذا مااحب وحده من بغداد
عبدلله. مستحيل شكلك مو مال حب
مصطفى. هممم يلا عاد خليني انام كافي تحجي شغلات تافهه بالحب
عبدلله. شهد
مصطفى عقد حواجبه. شصابها
عبدلله. مابيها شي ههههه ادري الطفله تخبل اعشقها فوگ اللطافه دلوعه بس جنت راح احجيلك عليهم
مصطفى. ابراهيم شيصير منه بالضبط؟
عبدلله. ابراهيم ابن خالي وابن عمها هذوله بيت عمي عايشين بيت جدي سوه متربين عدهم بنيه ثانيه اسمها زينه اخت ابراهيم بس بعدها صغيره يعني اصغر من شهد سنه ونص وشهد عدها اخ صغير عمره سنه ونص
مصطفى. يعني عدهم بنيه غيرها لعد مافهمت ليش ادللوها بس اله
عبدلله. ها محبه من الله ياهو يشوفها ينعجب بيها هيا مابقت احد ماخلته يعرفها
مصطفى. عندك صور الها
عبدلله. بقى احد ماعنده صورها بكل كامره حتى صورتها معلگيها بالهول شتسوي بيها
مصطفى. هيج طفله اول واخر مره راح اشوفه كلت ابقي ذكرى
عبدلله. هاك هاي بالجراره باجر عندي غيرهن اطلعهم الصوره صغيره
مصطفى. لاكافي هاي الصوره تكفي وتوفي
عبدلله. ليش ماعندك موبايل؟
مصطفى. عندي مال شغل
عبدلله. اكلك شغله انته وين عايش؟
مصطفى. بالعراق العظيم
عبدلله. هم حجيك صح هو العراق شبيه
مصطفى. بلاد الخير بس انتم تطربون عالغريب
عبدلله. شجاب الغربه ع العراق اكلك باجر جايين اهل امي
مصطفى. منو همه
عبدلله. كلهم الي شفتهم وغيرهم
مصطفى. الله كريم
عبدلله. ليش ماتحجي كثير
مصطفى. ماحب اللغي الزايد اذا مابيه فايده
عبدلله. هاي شكد تضوج انته لاتبتسم لاتسولف شبيك
مصطفى. اني تربيت هيج مو مثلك شايف حياتي
انصدم من حجيي اجى تربع بالكاع خله ايده فوك جتفي
عبدلله. صوج امك مو؟
مصطفى. شنهو تقصد؟
عبدلله. ادري اختي مقصره وياك من جنت صغير هيا جانت شوكت تجي تبجي وتكول ماكدر اشيل ابني
مصطفى بحسره. جان ماضي كافي تعيده
عبدلله. انته ماتعرف امك شكد تحبك بس لو تعرف السبب اني ماريد اكلك بس اعرف امك تحبك اكثر منهم صحيح انته تربيت يم بيبيتك هيا جانت تحجي تكول حسره عليه اشيله بيدي
مصطفى. ماصدك مستحيل اصدك كلامك وثاني شغله هذي مو امي بس الهه حق عليه لان ولدتني هيا لو عدها ابن جان ماكدرت تنام اذا ماتفكر بيه
عبدالله. مصطفى لاتحجي هيج هاي امك
مصطفى. امي الها حق عليه بس مو هيا الي ربتني افهم
عبدلله. الله كريم يلا اني راح انام تصبح على خير..
___________
كعدت الصبح همه شويه يتأخرون بالكعده اما اني متعود سبحت توضيت وصليت الصبح نزلت للحديقه سگيت الزرع وخليت اكل للدجاج شويه وكعد جدي وبيبي تسوي بالريوك خالي الصغير تنبل يسهر ويا البنات ويكعد للظهر ورا 6ساعات نشوفه
رضوان. احجيلي شلونهه حياتك
مصطفى. زينه جدي الحمدلله
رضوان. الف الحمدلله ههههاحجيلي شعندك ويا بت الجيران؟ لاتخجل واحجيلي يابني حتى اعرف انته رايدهه لو لاء
مصطفى بتردد. لاجدي اعوذ بالله شعندي وياهه لبنيه زينه وحبابه
رضوان. كلنه ندري ابني بس اني اكلك رايدهه تحبهه تعال كلي اخطبلك هيا
مصطفى. لاجدي هيا مجرد صديقه مو حب
رضوان. لكن ليش البارحه وكفت وياهه وكفت كبال ابوهه واجهته
مصطفى. وكفت وياهه وكفه اخ لان ماريد اشوف اي شخص ينظلم واجهت ابوها لان لبنيه ماسوت شي غلط وراد يضربهه مو من حقه
رضوان. عفيه عليك ولدي انته فعلا طلعت من ظهر رجال وعندك غيرة عالكل
وفاء. صباح الخير وليدي يمه خاف ضجت
مصطفى. صباح النور لابيبي بالعكس متونس
وفاء. تعالو تريگو يلا
دخلنه تريگنه شربت جاي وطلعت احفر ويا جدي على مود نزرع نباتات
شويه ودك الباب طلعت وانه محترگ من الحر وملابسي وصخه بيه طين فتحته الها
سما بابتسامه. صباح الخير
مصطفى. صباح النور
سما. ابتسم شويه حبااب
مصطفى باستغراب. ليش
سما. هيج والله بس اني فرحانه من البارحه واليوم ابوي كلي كملي دراستج يعني حداوم
مصطفى بفرحه. صدك فرحتلج الله يوفقج
سما بضحكه. مصطفى ملابسك مدمره هههههه
مصطفى. لاتضحكين داشتغل
رادت تصافحني
مصطفى. ايدي طين وخري لاتتوسخين
سما. تحجي صدك ترا هو طين عادي اغسل ايدي بعدين هذا ثمره تعبك حيطلع وجهك محترگ
مصطفى. مو مشكله متعود
سما. ياشنو متعود خلص وخليني ادهنلك وجهك بدهن مال حرگ اساعدك
مصطفى. هييوو ولج داكلج راح تتوسخين
سما. اوففف شكد عنيد حروح اساعد عمه واخذ اخوتي
راحت تركض ضحكت عليهه لان ضوجتهه حيل
خلصنه الزرع ونظفنه الحديقه لل11ونص خلصنه
رضوان. عفيه عليك وليدي ياريت عندي ابن مثلك انته تكعد من الصبح وتشتغل وخالك نايم للظهر ويصيح تعباان
مصطفى. خلصت صاعد اسبح واكعده
صعدت للغرفه بعده نايم صفكت الباب ذبيت الفراش
طبيت سبحت وطلعت شعري ينكط مي متعود ماانشف شعري حتى بالشتى
جيت يم عبدلله صطرته راجدي مرتين
كمز من التخت
عبدلله بفزع. ياصاحب الزمااان
مصطفى. هههههه ولك شبيك هنه صطرتين
عبدلله. ولككك لييش كطعت عني حب حياتيي ونبي شفته اطك بالگاع
مصطفى بضحكه. دكوم دنيه ظهر ولك ماتضوج شنهو ماتحس انته هلكد ماعندك مسؤليه حتى طيرت البركه درووح تكلي حب حياتك هذي احلام مال ظهر كوم اذن الظهر لو متصلي؟
عبدلله بانزعاج. كمت كمت
كام وكف بس طلعت رجع تمدد فتحت الباب طفر من الفراش
عبدالله. بالقرآن مانايم شنهييي
مصطفى. خمس دقايق الكاك جوه نازل
هز راسه
نزلت صليت كلهم كاعدين خالاتي متزوجات بس وحده شابه بعدهي
شفت سما كاعده وياهم جاي يحضرون غدة هواي
مال عزيمه
وفاء. نعيمن حبيبي وينه امك؟
مصطفى. مادري هسه اصيحلج ياهه
دخلت للغرفه مالگيتهه صعدت لكيته تغسل ملابس وتبجي دكيت باب مسحت دموعهه صح هاي تركتني واني بكماطي وتخلت عني بس اني ماحقد عليهم شفته مقهوره ودتبجي نغصه صارت بگلبي اريد اتجاهلهه
ام مصطفى. فوت مصطفى كول يمه شتريد
خليت ادي بجيبي صفنت
مصطفى. نزلي بيبي تصيحج جانت ادور عليج
ام مصطفى. صار يمه تريد شي
مصطفى. ماري..
نطفت اول كلمه وجنت راح اندار ماحس غير الا وهيا تضمني وتخلي راسه على صدري وتبجي لازمتني بكل قوته
بقيت مصدوم شمدريني اول مره امي تحضني بحياتي ماعرف شنو ريحه امي ولااعرف شنو حظن هيا نفسهه الي كسرتني الي وصلتني الطفل عايش حاله حال يتيم مكسور گلبه محترك العالم كلهه تسألني عنهم وهمه عايشين
رغم كلشي سوته بيه اني احبهم خليت ادي وضميته الي گربتهه وسألته
مصطفى. ليش دتبجين؟
ام مصطفى بجي. شلون مابجي واني عمري كله گضيته ابجي عليك
مصطفى. ليش شسويت انه حتى تعاملوني هيج شصار لو انتي ربيتيني
ام مصطفى بحزن. ادري انته حقدت على امك وابوك وليدي مو بيدنا انته ابنه بس
مصطفى بغضب. بس شنهووو
ام مصطفى بجي. جدك جدك اخذك مني اهئ اخذك من حضني حتى جدتك ماكدرت تقنعه راد ينطيك لعمك لان مامتزوج جدك ميحب عمامك وابوك كد مايحب الشيخ أنمار وكلمته تمشي عالكل لان ماوافقت ورفضت وعمك شاف حالتي حجى ويا جدك حارث علمودي وجان شرطهم انه اني ما اربي ابني لان الحفيد الجبير جان رايدك تتربه مثل عمك وليدي والله ماردت اخليك يمهم كلنه ندري عمك عصبي وشراني قاسي وميرحم احد اخخ ولدي اخخ شكد جنت متمنيه احضنك واشم ريحتك شكد ردت عمك رفضني لان كال اريده مايطلع حنون ولايحس بالعواطف ويحب شكد جنت اصبر بنفسي اشوفك تكبر كبال عيني واني مو يمك تشگگ گلبي ويا كل شي يصير وياك ويا كل ضربه وتعذيب
مسحت دموعه وضميتهه
مصطفى. ليش ماحجيتي ليش هسه يلا گلتي
ام مصطفى بجي. ابني اني ادري انته ماراح تسمعني انت عبالك ماحبك اكو ام متحب ابنها
ضميته بكل قوتي واحس روحي تعبانه لاول مره بجيت بضعف
مصطفى. ليش يمه ليش عفتيني كل هالوكت ليش وافقتي
ام مصطفى بجي. كلت المهم اشوفك كبال عيني تكبر احسن ماياخذك مني جدك ومايخليني اشوفك بعد ابني اني امك والله كلشي سويته لخاطرك والله ماردت انطيك شوف هاي الصوره وياي بكل مكان هاي صورتك بگماطك فدوه الاله جنت ابيض وخشن وسمين جبتك هلكبرك وزنك13كيلو جدتك حيل انصدمت سوده عليه ماشبعت من شوفتك اخذوك مني اني ماتخليت عنك همه شسوو بحالي بقيت سنتين مريضه يلا تعالجت
مصطفى. انسي انتي امي وتاج راسي شمايصير انه احبكم ماحاقد عليكم
ام مصطفى بحزن. سوده عليه شسوو بيك ادري انتقمو من عندك الشيخ مايرحم شبيهه ايدك محترگه ووجهك محترگ
مصطفى. مابيه شي يمه لايظل بالج هذني عادي من الشمس يمه انتي تحبيني شتعرفين عني
ام مصطفى. شلون مااحبك انته الجبير والك معزه عندي اكثر منهم احبك ولو اعرف افديك روحي سامحني الله يخليك ابني والله ماكدر اتحمل بعدك عنه انت ابني واعز منهم واوعدك مااتخلى عنك ماعوفك تدري انته الجبير وكلمتك وحده اني فخورة بيك
مصطفى. ليش هسه قررتي تعترفيلي ليش تأخرتي وخليتي الجرح يلچم بيه بعد وانتي وين جنتي عني كل هالعمر
ام مصطفى بحزن. شكد تمنيت تتأخر وماتجي للدنيه بساع خفت عليك وانته جنت ابطني شنو ممكن اسوي بعد وين اخليك
مصطفى. كافي الخاطر الله ماريد اعذار بعد هاي اني مسامحكم بس ماراح تصيرولي اهل
ام مصطفى بجي. ولك احنا اهلك اني جبتك للدنيه خليتك بحضني حضنتك وبجيت عليك كمت اخدم بالرايح والجاي علمود اصير يمك
عفتهه ونزلت اني محترگ گلبي من العصبيه وانصدمت بعمي وجدي بسببهم همه الفرقوني عن اهلي
سما. مصطفى تعال اخلي الك دهن مال حرگ
جنت نازل بسرعه تقربت ركض اجيته
مصطفى بعصبيه. احد كلج تهتمين بيه شوفي اني مو لبالج ومو مصطفى الشايفته كدامج وحگ فاطمه بنت الرسول احطج راجدي افرر وجهج منه وخررري لااهفج بدفره
سما بصدمه وخرف. خاله تعالي
وفاء. ها شكو حبيبتي
سما بخوف. مصطفى مادري شبيه حيل متعصب وراد يضربني طلع لحگي لايسوي شي....
نزلت بالحديقه ضايج وصاير اعصاب اريد ارجع لبيتي هواي اريح الي ابقى بالشارع لااشوفهم ولايصير بينه حجي بعد
طبيت للحديقه شفت الفريخات ديشربون مي او وحده فرخه لابسه فستان مصلخه لونه اصفر تلعب بيهم ظليت اباوعله واصفن بيهه
الايدين اصغر من الصغيره بعد اصغر من ايد الطفل چنهه ايد جاهل بعده بگماطه وشعرها اسود سرح وطويل وبيده سوار اسمهه عليه لازمه فرخ بيده وتلحك الثاني وصوت حذائهه المزعج مال اطفال
صفنت بيه واني من الداخل اضحك على منظرهه
باوعتلي بنظره خايفه جتي يمي لازمه فرخ بيده رفعته عيونهه الي ظلت ترمش بعيونهه
ضحكت ع منظرهه شهل كيك تباوعلي بنظرات بريئه
شهد. عموو هذا الصوصي مالتك؟
مصطفى بضحكه. من هذا خايفه ومسويه بريئه لاعمو مو الي انتي حره بيه بعد تذكريني؟
صفنت ظلت ترمش بعيونها هزت راسهه
شهد. انته عضيتني هنا ايدي
مصطفى. احترگوا اهلج نسيتي السويتي بيه وتذكرتي هاي
نزلت مستواها
شهد. اليد هذا صوصي
مصطفى. شتسوين بيه الفرخ
شهد. احبه
مصطفى. واني ماتحبيني؟
شهد. انته مو فرخ انته فيل
مصطفى. بت الخوش لعد وابوج وامج ماتحبيهم
شهد. احبهم كلهم كلكم احبكم
مصطفى بضحكه. واني تحبيني لو لاء؟
شهد بتفكير. انته هم احبك عمو
مصطفى. شنهي هاي عمو؟ صيحيني صفاء
شهد. لاء انته مثتفى
مصطفى. لج احب اسمي الي طالع من حلگج
لزمت خدها وبسته خده حيل ناعم بشرته مال طفل صغير مو مال جبير شلته واخذ الفرخ منهه
مصطفى. كافي يلا عوفيه خلي الفرخ يتنفس خنگتيه
طبيت سلمت على اهلها شهد بقت بيدي متعلقه بيه وماتريد انزلهه من ايدي ياهو يشوفهه يريد يبوسها وهيا تضوج
وفاء. ولج انه عمتج ماتقبلين ابوسج
شهد بجي. لااع
وفاء. ليش ولج اطيني بوسه انطيج فلوس وحلويات والله اشتريتلج فستان حنطيج ياه
شهد. ماا ماريد انتي تبوسيني حيل
اقتربت راد تبوسها دارت وجهه وكامت تصيح وتبجي
مصطفى. ولج سكتي اذاني خرب بأهلج نزلي
شهد بجي. ما راح تبوسني ماريده تخوف
وفاء. خلص سكتي سكتي ماابوسج
ام شهد. ياماما عيب تسوين هيج شوفي عمه زعلت منج مو عيب خطيه جابتلج العاب وهدايه تحبيهن
مصطفى. بسج سكتي ماتبوسج بعد كافي خبال
سما. مصطفى
مصطفى. هلا اكو شي
سما. لا ماكو شي خاله اني راح اروح شوكت تخلص خابريني
وفاء. ليش بنتي جان ظليتي عالغده
سما. لاخاله من رخصتكم هنا انتو عدكم خطار
مصطفى. شنهو هالحجي هذا شلون اطلعين ليش وحدج ظلي هنا هيا عزيمه خمه محسوبه عليج انتي هم خطار
سما. لا مو لان هيج اترخص مع السلامه
وفاء. الله وياج
باوعتلي بزعل وطلعت ردت انزل شهد عضت رگبتي شاطت روحي صحت عليهه خافت سكتت طلعت اركض وياها
مصطفى. سماا اوكفي بمكانج
جيت بسرعه صرت كبال الباب
سما. نعم شبيك
مصطفى. وين رايحه اريد اكلج شغله وحدنا تخصنا احنا
داحجي وياها هيا باوعت لشهد بحضني
سما بقهر. مصطفى انته تحب وحده مو وخر ماريد اسمع اي شي منك لان احنا مو وحدنا
مصطفى بصدمه. شهل حجي اني وين والحب وين
وشهد صغيره شمفهمه
سما. اسأل روحك
مصطفى. شهد عمو روحي لعبي ويا الجهال
شهد. مااا
سما. خليك وياها اني حروح
لزمت ايدها شديت عليها حيل
مصطفى. اني اسف ادري ضوجتج صدگيني مجان قصدي
سما. اريدك تفهم شنو معنى اني اهتم بيك انته ليش مداتفهمني
مصطفى. اعرف مشاعرج بس اني ماريد اخليج تتعلقين بيه خليها بالج اني مااناسبج مو مثل ماتتوقعين اني شاب حياتي بسيطه لاعندي بيت سياره انتي بعدج صغيره تگدرين تنسيني خليها بالج بعدج مراهقه راح تنسين
سما. انته صدك تحجي اني ردتك انته ماردت بيتك وسيارتك ولاسالت اذا عندك لو لاء شنو متوقع اني اختاريتك انته لان بس مقتنعه بيك
حجت بعصبيه وحزن عجبني كلامهه ردت احجي شهد لزمتني وگامت تبجي وتعصر رگبتي
مصطفى باستغراب. شهد شبيج ليش تبجين
شهد بجي. هاي سوسو اصيح عليك
مصطفى . لاتخافين ماتسويلج شي نزلي روحي لعبي ويا الجهال يلا...
سما
سما. نعم
مصطفى. ماعرف شكلج انه مومستعد ادخل علاقات ماريدج تتعلقين بيه احنا بعاد واليوم اخر يوم ابقى هنا اني مو كل فتره جاي للموصل
لزمت ايدي بخجل
سما بخجل. اني احبك انته وراح ابقى انتظرك طول عمري حتى لو راح تبتعد بس لاتعوفني
مصطفى بتفكير. واذا عفتج فد يوم شراح تسوين
سما. اخنگك بيدي ههههه
مصطفى. تستاهلين احسن مني
سما. ليش انته شبيك اكو احسن منك؟ بالعكس انته رجال لو مو رجال مجان اثبتت الابويه انه انت تحميني
مصطفى. ولج هاي مساعده تعتبر ليش تفكرين بعيد و اني فازعلج علمود تكملين دراستج
سما. حتى لو انته تريدني اكمل حلمي حلمي هو حلمك
مصطفى. شدعوه
سما بخجل. والله اني احبك
مصطفى بتوتر. خويه راح تظلين واكفه طبي جوه
طفرت للمطبخ باوعت من الشباك وضحكتلي طبيت للحديقه انصدمت من المنظر شهد كاعده بالتراب والطين لاعبه لعب بالفريخات وتارستهن طين وهيا هم سابحه وياهم وجهال خالتي هذني صغار وياها انترسو وصخ
مصطفى يحجي من بين سنونه. اوكفييي شسويتي لجج شنو هذا بت الخوش ولج شسويتي بالحيوان ماسلم من ايدج
شهد بجي. ماماااااا اهئ
تكرفصت نزلت لمستواها حجيت وياها بعصبيه
مصطفى بعصبيه. هذاا شنهوو شسويتي رفعت راسهه وعيونهه تارستهن دموع وخشمهه احمر صاير
شهد بدموع. ماثويت
لزمتني ضحكه من ورى سوالفها بنيه عيونهه البريئه تارستهه دموع وجهه بيه طين واديهه الصغار
مصطفى. بنيتي شنهو هذا السويتي توصختي وراح تگتلين الفرخ بيدج
شهد بدموع. اثفه عمو ماثوي بعد(اسفه عمو مااسويها بعد😂)
ضحكت ومسحت خدودها مليانه تراب وجهال طببتهم كل واحد لزمته امه گتلته (حييل بيهم😂😂)
ام شهد بغضب. ولج ساعه ماكعدتي راحه بملابسج
مصطفى. خالة عوفيها لخاطري هيا خايفه
ام شهد بغضب. تعالي احجيلي شجنتي تسوين
اخذتهه وفوتتهه بالغرفه جنت داضحك وادي تراب جيت اغسل شفت سما ضايجه
سما بانزعاج. ليش دتضحك وياها شو عاجبك هواي تشيلهه
مصطفى بخزره. سما اني محترمج بس انتي ظاهر متردين تحترميني وهاي ثاني مره تصرفين هيج وياي
سما بزعل. اي كولي شكو وياك ليش لازكه بيك والله حطك منهه
مصطفى. طفلة بعدها صغيره اكيد تتعلق بالرايح والجاي
سما بزعل. لاااء
مصطفى بضحكه. ولج اشتغلت الغيره
سما دارت وجهه لجهه الثانيه وحجت. لامااغار اني من طفله بعدين اكيد راح تنساك من تكبر
كالت حجايته وخلت الكسره بگلبي جريت حسرات
مصطفى بحسره.صح كلامج
مادري ليش اختنگت كمت بعد ماتحمل ابقى وياهم صدك هيا راح تنساني لان طفله انه بالنسبه الها لاشيئ
لا مصطفى بشنهو داتفكر انته جيت لبيت اهل امك وتعرفت عليهم بس وممستعد تحب وتقدم وتضحي بحياتك الها سما تحبك حاول تتخطاها منو يكول تحبني هو اني امي ماتحبني اخلي سما تحبني
عفت كل افكاري الشتتني احس روحي ضايع بكلشي
وفاء. وينك وليدي يمه دتعال تغده
مصطفى. الف عافيه جده اني ماشتهي
وفاء. ليش وليدي دتعال جهزنه السفره لخاطري تعال
جتي تسحب بيه
مصطفى. جده والله مامشتهي اتغده
وفاء. والله راح تزعلني عليك
مصطفى بست راسهه. افا عليج اني ازعلج جده طلبي التردينه وانفذه الج من عالعين كبل هالعين
وفاء. تسلم بعد جدتك وليدي ماريد شي اريدك تجي وتشاركنا باللمه
مصطفى. تأمرين جده هسه جايج
طبيت كعدت يسوون هواي اكل اكثر من الزايد عليهم كعدت هم الاستغفرلله تباوعلي نوب
عبدلله بهمس. شبيك خمه خجلان خذلك نظره
مصطفى بخزره. اسكت واكل احسلك
عبدلله بضحكه. الو ها ياحبيبي البارحه شلون..
ماحس غير كرصه جتني من يم ظهري شاطت روحي صحت سكتت رئسا خفت
ابو مصطفى باستغراب. شبيك ردت تصيح
عبدلله بضحكه. هو العنده مثل ابنك تريد ميصيح
ام مصطفى. شبيه يولل غير رجاال ابني
عبدلله. هو لأن ابنكم عصابه ومو مسالم بداعت امي خف ايدك
مصطفى بخزرة. تعلم تحجي ويا امي لك
عبدلله. لك هاي اختي كبل لاتصير امك
مصطفى بخزره. اختك بس مو بعمرك
وفاء. شفت ولك تعلم شويه من عنده شوف شلون حفيدي رجال وشهم ماشاء الله عليه وكلشي يعرف يسوي تدري من جا لهنا شنو سوالنا صلح البوري ينكط وصلح بسياره ابوك الي عطلته
عبدلله. هسا يمه جاي تعلميني تهينين بيه بعدني غير سيارة ابوي من سعرهه هيا كل يوم عطلانه بالشارع توكف بيه برازيلي وعتيگ شمشترين انتو
وفاء. ولك احمد ربك غير ناس ماعدها سياره الحمدلله احنا بيتنا جبير ويكفينا مرتاحين السياره تروح وتجي غيرها
ام مصطفى. يمه ميخالف عوفيه بعده صغير
وفاء. ياا لعد ابنج مابعده صغير شايفه اصغر منه الي يشوفه يكول عمره عشرين سنه مو16
ام مصطفى بقهر. يمه شسوي ابني مظلوم اني ماربيته بيدي وكبرته جده اخذ
لزمت نفسي ظليت اسمعهن يحجون لحد ما وصلت حدهه يمي ذبيت الخاشوكه بالصحن الكل انتبه بفزع
مصطفى بغضب وخزره. اشكرج والدتي
صعدت للغرفه احس نار دتغلي بگلبي اكو شي وصل لمعدتي يحترگ ضبيت ايدي حيل ردت اضرب اي شي بس اني مو بالبيت وين اروح غضبي رگعت الحايط بعصبيه ماعفته لحد ماحسيت روحي دايخ تمددت عالجربايه تايهه روحي مختنگ من كلشي مشتاگ لحضن جدتي وحجيها وياي بهل لحظه تخيلت افقدها كلشي ولاهيا مستعد اخسر الكون كله علمودها ماعندي تلفون ولااكدر اتصل هنا عالارضي ادري راح تحسب رقم غريب وماريد اطلب شي من اهلي
كطع افكاري بشخص يفتح الباب باوعت محد دخل بس اكو احد لازم اليده بيده فتحته شفت البقلاوه تباوعلي برآئة
طبت بيده كلاص بيه شويه مي ولفه خلتهن ع الميز
مصطفى. ها ولج عمو شتسوين هنا ليش طلعتي
شهد. هاك لفه انته ليش عصبت على امك خطي تبجي عليك
مصطفى بضحكه. وانتي شمفهمج اي واحد تشوفيه يبجي تكولين عليه زين
هزت راسهه
شهد. اي
مصطفى. واني زين لو لاء
شهد. انته زين لان اخذتني وجبتلي حلويات وماخليت ماما تكتلني
مصطفى. بسس
شهد. اي هذا دم
خبيت ادي جنت متوقع راح تخاف من تشوف دم
تفاجأت شفته طفرت يم الجربايه جابت كلينكس وجتي تركض مسحتلي ادي وباسته
مصطفى. ليش بستي ايدي
شهد. ماما تكول من تنجرحين بوسي الجرح ويطيب
ضحكت من كل گلبي علأ برآئتهه
ضميته لصدري وشميت عطرها الطفولي خلت ايدها الصغيره ع وجهي
مصطفى. ولج كافي تلعبين بوجهي وكحه انتي
شهد. ههههههههااي عندك شعر
مصطفى. كافي رگدي شويه مو كافي عليج زياده بهل طاقه
شهد. لا
مددته بحضني ودغدغته وبوست بيها هيا ظلت تضحك عضيت خدها
شهد بدموع. ااااييي
مصطفى. خلص بسج بجي اسف ماعضج وروح ابوي
شهد. خدي سويتلي واوا؟
مصطفى. كلشي مابيه كافي تدلعين شهد
شهد. ها عمو
مصطفى. لمن تكبرين وتصيرين مرهه
شهد. مثل زينب وسما؟
مصطفى. اي المهم تكبرين مثلهم راح تنسيني
شهد بتفكير. ماعرف
مصطفى. شهد ديري بالج تنسيني
شهد. ليش انته راح تروح وين بيتك
مصطفى. اني بعيد هواي بعيد عنج وماراح تشوفيني
شهد بحزن. ليش عمو اسفه لان عضيتك وضربتك بعد ماسويها لاتروح حباب
مصطفى. مسامحج حلاوتي بس اني لازم ارجع لبيتي اوعدج راح نلتقي غير وكت ماريدج تنسيني اوعديني
شهد بابتسامه. وعد هههه احبك عمو من اصير كبيره خذني وياك بيتك اريد العب ويا مريم بعد
مصطفى بفرحه. يبعد طوايفي تسوين البيت واهله انتي
شهد. تعال انزل نلعب جوه كلهم كاعدين يلعبون يسولفون
مصطفى. هههه وانتي همج الالعاب امشي يلا نزلي
شهد. لا انته اول
طبينه نزلنه كاعدين شويه واسمع صوت صياح وبجي طفرت للمكان
ام شهد بجي. ولج ليش هيج ياامي شسويتي
مصطفى بغضب. شصابهه
وفاء. جلبت بالشمعدان كزاز كمشته تالي وگعتها على وجهه دخل كزاز بخدها
ركضت يمها اخذته من امه باوعت منصدم خدها بيه جرح امبين ندبه هاي ماتروح خدها ينزف
شهد بجي. ماماا
مصطفى بغضب. اششش شجنتي تسوين لجج هاي ينلعب بيه
ام شهد بجي. شلون هسه بنتي خاف تحتاج مسشتفى ابوها خاف يدري
مصطفى. خاله لايظل بالج هسه تصير زينه سهله ان شاء الله انه اطلعه
وفاء. شلون اطلعه بلكت ماعرفت امبين تحتاج مضمد
مصطفى. افا عليج جده جيبي علبع الطوارئ انتي وخليهه عليه
جابو جنطه طوارئ لزمت خدها عقمته وهيا تبجي وتصرخ
ام شهد بقهر. لحظه اخاف شهد ماتتحمل وتأذيها
مصطفى. لاتخافون دقايق وتشوفيها تكوم تلعب
شهد بجي. مامااا
مصطفى. لاتخافين مااذيج
شهد بجي. ماا وخرر لاتضربني
مصطفى. لج انه اضربج كعدي واستجني
شهد. مااا
مصطفى بخزره. سمعي كلام
شهد بخوف. ماما تعالي
ام شهد بقهر. حبيبتي لاتخافين مايسويلج شي مصطفى حباب وياج مو اخذج بره ولعبج
ظلت تحجي وياها وهيا كل ساع تصيح طلعت الكزازه وضمدت الجرح زين
مصطفى. هسه خلصنه يلا كافي تبجين تجين وياي
شهد بدموع. وين نروح
مصطفى. بالماطور
شهد بفرحه. مالت عبود بس ميقبل
مصطفى. شنهو ميقبل بكيفه امشي
ام شهد. خلف الله عليك ابني تعبتك وياي خدمتك طول عمري ماانساها
مصطفى. افا عليج خاله يمتى تحتاجين انه بالخدمه
ام شهد. وين تاخذه هاي متركد
مصطفى. لتخافين اني وياها
مريم. واني خذني حباب اهئ
مصطفى. اكو وحده هيج تبجي شنهو هالكلاوات عمي
مريم. معليه ليش متاخذني لعد اريد اتونس
مصطفى. سكتي شيخلصني من لسانج امشي
____
الساعه 7المغرب رجعنه و الكرايب راحو لبيتهم اخر مره اشوفها لشهد يمكن لان اول طفل الزمه بعيد عن اخوتي تعلقت بيها شلتهه وفريته بسته حيل وضميته انطيتها علاگه حلويات ادري هيا تحبهم وهواي فرحت وتكمز وتحضني وتبوسني عضيت خدها رادت تصيح
مصطفى رفعت حاجب. شحجيت
شهد. هههه بيباااي
ومن هاللحظه شفت سما شكد منقهره حجيت وياها بس هيا مصرة وتكول احبك
مصطفى. شنو رأيج نظل اصدقاء احسن
سما. اني احبك افهمني ماريدك تبادلني حبك هسا اكيد اني هم اريد تتأكد من گلبك وتشوف منو يحب بعدين وافق واذا على شغلك واي شي بحياتك فااني قابله بيك انته
مصطفى. ليش احد گلج اني محد قابل بيه؟
سما. هههه لا بالعكس بس فكر يلا حروح باي
مصطفى. الله وياج
صعدت مثل كل يوم عبدلله يحجي بس هالمره ظل ساكت
مصطفى. مناوي تودع
عبدلله. ليش ماراح تجي
مصطفى. الله كريم
عبدلله. خوش يعني ناسينا
مصطفى. لا انته تدري اني ماعرفكم زين اكيد ماانساكم اكو واحد ينسى اهله
نزل للگاع حضني وطبطب ع جتفي
عبدلله. سبع والله سبع انته رجال لك والله احبك اني حبيتك من شفتك
مصطفى. شسالفه كلها صايره تحبني
عبدلله. لك اني مو سمسميه گلبك
مصطفى بحيره. اخخ لاتذكرني
عبدلله. شبيكم بس تتعاركون بعد وياكم عمر طويل
مصطفى. شنو تقصد؟
عبدلله. يعني وياكم هيا بعد تكمل دراسته وانته لحد ماتتخرج تكمل فلوسك وتجي تخطب
مصطفى. افهم كلامك ادخل وياها علاقه وبعدين اخطبهه؟
عبدلله. هيا غير هيج
مصطفى. عقد حاجبه وانته ليش موافق وچنهه سالفه عاديه منو كلك اني احبها واريد اتزوج خويه اني حالي مو معلوم شوكت اموت او اعيش
عبدلله. شهل حجي شنو يعني ماراح اتحب بحياتك
مصطفى. لا ماعندي علاقه ويا البنات
عبدلله. ماتحبهن معقد
مصطفى. اذا اني معقد انت شنهو؟
عبدلله بضحكه. اموت عليهن
مصطفى. بالاخير راح تحب وحده تلگفك
عبدلله. وداعتك تليفونين ثلاثه اشيل هههه يلا اني راح انام وانته هم باجر ترد لمدينتك
______
الساعه بال6ونص
نزلت مجهز جنطتي جتي مريم صاحتني رحت للمطبخ تريگنه وطلعت الاغراض سلمت عليهم كلهم
جدتي بجت وحضنت بيه
وفاء. سوده عليه تمرمرت
مصطفى. كافي جده لاتبجين وداعتج اني زين وبأحسن حال وان شاء الله اجي ازورج
وفاء بفرحه. ان شاء الله يارب
صعدت السياره باوعت للبيت لفت انتباهي بنيه ركزت عليها زين شفته بالبلكون تبجي واكفه تباوع لسيارتنا
سما جانت تباوعلي ويا كل نظره تنزل دموع عشره عشره وخاتله بالباب شكد تحبني هاي البنيه شبسرعه وشوكت حبتني انكسر گلبي عليها اشرتلها تمسح دموعهه وتدخل هيا ضحكت وختلت بالباب باوعتلي هم بجت لحد ماتحركت السياره هيا جانت تباوعلي
ظليت طريق كله افكر بكل الناس الي تعرفت عليهم بالموصل شكد حلوه هيا وناسها الطيبه مدينه هادئه واحد يرتاح من يشوفها بسيطه ويحبون الطبيعه اكثر شي بحيث كل بيت بيه حديق حتى لو جانت صغيره وترتيبهم واكلهم ونظافتهم وثقافتهم حلوه بس جنت اضوج من شي واحد لهجتهم اني ماشايفهم كبل ماعرف شنو يحجون مافهم عليهم عكس اختي مريم تعرف حجيهم وتفتهم
ورى خمس ساعات وصلنه للبيت واخيرا مدينتي وبيتي طبيت نقلت الاغراض كلهه
فتت واني منتظر لحظه اشوفها ادور عليها بكل زاويه من البيت
مصطفى. يمهه وينج
الجده بدموع. ها يمه جيت جبت وليدي شونك
مصطفى. الحمدلله اني بخير يمه انتي شلونج شلون صحتج يمه مشتاقلج بكد رحمه الله
الجده. ولك طگ گلبي عليك وليدي دامك انته بخير اني بأحسن حال
مصطفى. يمه مشتاق الحضنج
الجده. تعال بعد امك تعال يمي واحجيلي
طبيت لغرفته خليت راسي بحضنهه وهيا تلزم شعري وتحجي تفاجأت
مصطفى. شحجيلج يمه مابيه شي
الجده. ولك اني ربيتك مثل ولدي واعرفك نفس الشي ابوك كال مابي شي سنه وخطبناله نفس المدينه يلا احجيلي
مصطفى. شحجيلج وحده اثنين
الجده بصدمه. يااعزااا كلهن حبيتهن
مصطفى. بيبي جبتلج هذني حجاره هذي لونها سوده وهذي شوفي لونها اصفر اي وحده تختارين بينهم
الجده. ياااع شعليهن ولك اني سألتك حبيت بنيه مو اتجيبلي حجرتين شسوي بيها
مصطفى بضحكه. يمه فهميني واختاري بينهن
الجده. بالنسبه اليه اختار السوده
مصطفى بتفاجأ. ليش
الجده. لان الصفره بسرعه تتوسخ والسوده صح يبين بيها شويه مو مثل السوده تبقى نظيف ومعروفه بين سبع حجارات
مصطفى رفع حاجب. ولو گتلج هذني الثنين الي شفتهن بحياتي بس يمه اظن اختيارج غلط
الجده. بدون لغز احجيلي ولك گلبي راح يطگ منو همه
مصطفى. اول شي................
لحد ماشفت سما بجت كبل لاارد لبغداد
الجده بقلق. ابني سما تحبك وانته تحب شهد
مصطفى بغضب. يمه دخيلج لااتجيبين طاريهه طفله شحب منهه يجوز مو حب شعرفج
الجده. ميخالف ابني اذا تحبها انتظرها لاتعوفها خليها تتربى كدامك وكون انته خابزها وتعرف كلشي بيها ليش خايف
مصطفى. ماخايف وشهد مستحيل تصير الي احبها لان طفله بريئه عمرها 4سنوات متكليلي شحب
الجده. الحب مايعرف العمر اذا انته تحبه انتظرها تكبر البينكم فرق مو كلش جبير لازم تعرف البنيه تكبر كبل الولد كم سنه تشوفها عروس
مصطفى. مستحيل شهد تصيرلي اني ماريد اخذها صغيره واظلمهه وياي وتاليهه ماتحبني
الجده. اذا هيه بطفولتهه وبرأتهه مهتمه بيك ليش ماتحبك من تكبر
مصطفى. يمه نسيتي سما
الجده. هاي الصفرا كلت عليها
مصطفى. يمه دخيلج هاي صفره؟ سما شعليهه اني معجب بيها
الجده بصدمه. شنوو جا ليش تجي تشورني بهيج موضوع وانته لگيتها
مصطفى. اكتشفت احب سما وراح اخذها واتزوجها ماراح اضحك عليها
الجده بشك. ولو كلامك بيه غلط بالموضوع بس يلا جعل ربي بجاه الحسين افرح بيك
مصطفى. اندعيلي يمه
الجده. ان شاء الله كل يوم اندعيلك
مصطفى. يمه تعبان
الجده. نام نام وليدي ادفيك بحضني انه المك واوكفك ياحلوو طولك
مصطفى. يمه جدي والشيخ شنو سوولي
الجده. شنو سوولك
مصطفى. حرموني من كلشي من ابسط شي كلام ويا الاهل
الجده بحزن. ياابني عرفت
مصطفى. عرفت كلشي
الجده بجي. ولك والله امك گتلت روحه عليك بليل تجي تتوسل بيه وجدك يهددني بيك
مصطفى. وانتي ليش ماجنتي وياهم
الجده بجي. شون اوكف وياهم ولك اني ام واعرف صعبه الام من تفقد ولدها ولدي صعبه امك متعذبه كم مره رادت اطلگ ابوك وتاخذك منه بس نفس الشي وين متروح متگدر تحصلك
ابوك لاتشوفه قاسي وياك يبجي دم عليك يكول شوكت يحنن گلبه ويحس بينه جدك هدد ابوك ياخذ منه المعرض كله ويخسر كل شغله تدري جدك شكد يحب عمك أنمار ولان ماتزوج عمك من ورى جميلة وانت اول حفيد رادك تطلع مثل عمك وتتربى بدون اهل حتى لتخاف اذا تخسر اي احد عزيز على گلبك شفت ياولدي شفت جدك من مات خيمه راسنا عمك جان اكثر واحد متأثر بموته بس دمعه ماطاحت من عينه
مصطفى. يمه انه مستعد اخسر الدنيه كلها الا انتي
الجده. حتى اني وليدي تعلم لاتتعلق بأي احد عگب باجر اموت
مصطفى. اسم الله ان شاء الله جعل يومي كبل يومج شكلنه ع هالحجي
الجده. هههه اسم الله ولك كلنه اموات شبقى من العمر
مصطفى. اروحن فدوه لضحكتج اريدن وحده من حنيتج
الجده. والله ماكو غير هاي الطفله
مصطفى. يمه دخيلج رجعتي لنفس الموضوع
الجده. وشبيهه
مصطفى. انتي لو شفتيها هاي الطفله هيا هاي تقبل بيه؟
الجده. ومنو ميقبل بيك كون تصير صدك اروح ادك باب اهلها ونشوف منو ميقبل
مصطفى. حتى لو اهلها يوافقون هاي الطفله مدلله وميعجبه العجب وتدلل اني شعندي هنا
الجده. عندك كم سنه انتظر وتشوف انته الشيخ من بعد عمك والشيخ ماتوگف وياه هيجي شغله سهله
مصطفى. مستحيل اصير شيخ اني بالي شغله تختلف وشهد بعيده عني اني و شغلي
الجده. اشلون بعيده
مصطفى. عيشتهم مو مثل عيشتنا حتى جوهم يختلف انتي تخيلي اجيب هاي البقلاوه لهنا الا تحترگ ثاني يوم ترد لهلها
الجده. تتعود هاي مو امك عايشه ويانه
مصطفى. يمه كافي اني احب سما لاتفكرين بعد شهد طلعيها من بالج
الجده بزعل. اي يما خليها هاي صارت اهم من عدنا
مصطفى بضحكه. تغارين منهه
شبكته وبست راسهه وايدها
مصطفى. وروح جدي شكد راح احب بحياتي مثل حبي الج ماالاكي بحياتي كلها
الجده. نشوف تكبر وتجي غيري تاخذ معزتي
مصطفى. محد يكدر ياخذ معزتج عندي
الجده بفرحه. فدوه الگلبك وليدي الله يحفظك اليه
رجعت للشغل والمشاكل آخر شي عمي طلگ مرته والاطفال ظلو ويانا
انه كمت اشتغل بالمعرض مالت الشيخ توظفنه بيه اني واحمد ابن عمي
شهرين وعمي رجع مرته توسلت بيه وتاليهه حلفت بعد متسوي مشاكل وماتدخل بينهم بس تبقى ويا جهالها وافق وردت للبيت
مرت اشهر رجعت المدارس هالغتره صعبه كلش سادس وزاري واشتغل بيدي الكتاب واقره اتصل بيه رقم بالشغل رديت
مصطفى. الو منو وياي
سما بتوتر. مصطفى
مصطفى عقد حاجبه. سما من وين جبتي رقم الشغل
سما بتوتر. هسا معليك منين جبته المهم اسال عليك
مصطفى. الحمدلله زين انتي شلونج
سما بحزن. زينه بس مشتاقتلج
مصطفى بتوتر. خويه جاي تتصلين بتلفون مال شغل بلكت غيري رد عليج
سما. اكولهم اريد مصطفى
مصطفى. هييي تشهرينا بعد
سما. والله مشتاقيلك كلنا شوكت تجينا مرت ست اشهر من جيتو
مصطفى. والله صعبه كلش انتي شعندج كاعده تعدين بالايام
سما. كل يوم مصطفى اني احبك الك وبحياتي ماحبيت كبلك
مصطفى. ههههه خويه روحي غسلي گلبج ونگعيه بمي بلكت تنسيني اني ماعرف بالحب اي شي وروح ابويه مالي خلگ لسوالف تعبانه
سما بحزن. منو كلك هيج احنا ماراح نسوي شي غلط واذا تحبني اكيد راح تتزوجني ماراح اقبل اعيش وياك بجذب
مصطفى. خوش اخبارج امورج
سما بفرحه. كلش فرحانه داومت وسوولي امتحانات درست زين ومجاوبه بس ماعندي صديقات
مصطفى. هم زين وحدج احسن ماتبقين ويا صديقات يطعنون بظهرج مليون مره
سما. ههه صحيح انته شلونك سادس مو
مصطفى. جاي اقره هسا لان خلصت شغل
سما. الله يساعدك صعب حيل
مصطفى. منو گال اسهل منه ماكو
سما بصدمه. شنووو
مصطفى. بيه شويه صعوبه
سما. كل المناهج صعبه ترا
مصطفى. كبل اصعب چان حتى قلم مال اوادم ماكو
سما بضحكه. يي اتذكره بس امبين انته ذكي ماضيعت سنه عليك وتشتغل
مصطفى بتوتر. يلا كافي خويه مايجوز تخابريني هيج وكت ومن دون علم اهلج
سما. صح بس اني اسأل عليك
مصطفى. لتخابريني بعد بهذا الرقم لان يجوز مااطلعلج اليوم انتي وحظج رديت عليج صدفه
سما. هههه احلا صدفه لعد وين اخابرك شوكت تشتري جهاز
مصطفى. شسوي بيه اذا مو للشغل شي مو للضروره ميحتاج
سما. لخاطري اشتريه اني مو مهمه عندك
مصطفى. اشوف شوكت اشتري واحد اخابرج
سما. اكتب رقمي
مصطفى. لحظه.. احجي
سما:........
07705
مصطفى. خوش لاتتصلين هنا سما
سما. تمام مصطفى يلا روح كمل ربي يفرجهه عليك ان شاء الله اشوفك ناجح
مصطفى. الله كريم
سما. بيباي
خلصت مكالمه واني مبتسم ومستغرب من حجيها قفلت وياهم وطلعت رجعت بال1كملت قرايه ونمت رحت للامتحان.......
وياي اصدقائي الي مسختين من بدايه السنه
مرت ثلاث اشهر اشتريت تلفون لان خلصت امتحانات نصف السنه وكلت الزمه بالعطله
يومين اني بالشغل ابات رديت للبيت تعشيت ونمت
دك جهازي
مصطفى شبه نايم. الو
سما. هلوو ههه نايم
مصطفى. ليش مو دنيه ليل؟
سما. بس بعد وكت اسفه واخيرا جبت تلفون
مصطفى. استغفرلله هم خالي النغل سواها
سما. شنو
مصطفى. ماكو شي اكول ادري بعد وكت اني انام هيج ساعه
سما بصدمه. معقوله
مصطفى. شبيج منصدمه لهل درجه
سما. لاعادي ماكو شي بس انته شايب حتى تنام هيج وكت؟
مصطفى. خرب عرضج جااني مثلج شوكت اكعد
سما. ترا والله اني هم ماسهر واكعد بال8لو9الصبح بالعطله واشتغل
مصطفى. عفيه شفتي هاي مو بس اني....
مرت فتره احنا نتواصل شوكت اكول اعوفها هيا ادك وظل تتصل حتى واني نايم حسيت بوجودها اني تغيرت كمت اشتغل شغلتين واريد اجمع المهر الخاطرها ارد للبيت علمود احاجيها منتظر التقي بيها واشوفها بهل فتره نسيت شهد الطفله الي بأحلامي اشوفها وابتسم بداخلي وافرح
حسيت مشاعري صارت كلها لسما اول مره اني اتصل بيها وهيا مشغول ربع ساعه نص ساعه يلا ترد
مصطفى بغضب. غضب الله وين جنتي فوك نص ساعه ادك عليج ليش ماخابرتي اليوم
سما. ليش دتصيح عليه ترا والله جنت اريد اخابرك بس خلص رصيدي وجنت داقنع بابا يشتريلي رصيد
مصطفى بغضب. واني اتصل بيج ساعه ليش متجاوبيني بيج شي
سما. اهدئ مابيه شي والله جنت ويا اهلي اسفه خلص لاتعصب
مصطفى. سمعي لج لاتلعبين بأعصابي
سما. هاي شبيك صدك تحجي داكلك اسفه بعدين انته شوكت خابرتني شعجب اليوم متصل
مصطفى. اي هاهيه بكيفي سمعي يابنت الناس اني احبج وانتي متصيرين لغيري وشحجي وياج تسمعين كلمتي مو تعاندين تدرين نيتي مااضحك عليج سنتين اجمع المهر واخذج وشيصير وياج تكليلي من اليوم..
سما بصدمه وفرحه. م ص طفى انته شكلت تحبني
مصطفى اي احبج وغصبن عليج شوفي انه جنوبي ومتربي عند شيوخ فالاتعتقدين انه من ذوله الشباب الي تكشخ واخر موديل...
سما. اني هم احبك مصطفى والله ادري انت متحب تتفخفخ كدام احد اني اعيش وياك بالحلوه وبالمره مجاي اصدگ انته تحبني شوكت نتزوج شوكت
مصطفى. من زمان اني حبيتج يمكن من رديت لديرتي اشتاگيتلج يجوز گلبي يحن الج
سما. يجوز اسمع لعد انته اليه وحق الله هههه مامصدگه يجوز اني بحلم تعالي توته ضربيني راجدي اخخخ حيوانه....
اسفه
مصطفى. ههههه مجاي تصدگيني شبيج يولي
سما. لان اول مره يتحققلي حلم خليت اختي تضربني
مصطفى. ان شاء الله كلهم يتحققون سما انتي تثقين بيه مو
سما. اثق بيك من يوم خليتني اكمل دراستي
مصطفى. لعد اريدج تلبسين حجاب وتنسترين
سما. تأمر والله بس ماكدر هاي السنه لان اني گتله الماما ودترفض تكلي بعدج صغيره
مصطفى. شلون صغيره يولي عمرج16
سما. هههه ادري هو اني جبيره بس هيا تشوفني بعد وكت راح احاول اقنعه والبسه وبعدني حتى اذا رفضت اني البسه لخاطرك حبيبي
مصطفى. گلبي جاي يدك سريع سمعي
خليت الجهاز على جهه گلبي
سما بخجل. احلا صوت اسمعه بالدنيه
مصطفى. هذا الصوت يردد بأسمج بس سمائي
سما بخجل. فدوه احبك
مصطفى. اموت بيج
_____
مرت الايام ورجعنه لدوام كل يوم اتواصل ويا سما كمت احبها اكثر من قبل واكثر من اعجاب تقربنا لبعضنا وعلى أمل نلتقي
بدت الامتحانات النهائيه وانطونا مده ندرس بيها بهل فتره بمكان مايقل الشغل بده يزيد عليه شغل ودراسه لحد الامتحانات
طبيت للقاعه امتحنت جاوبت كلش زين وفرحت لان سما حبيبتي نجحت ودرجاتها عاليه دزيتلها هديه ويا اختي الصغيره لان همه راحو للموصل ردت وياها رسائل وسوار محفور اسمه عليه وقراصه مالته دازتها ويا مريم
كضيت العطله مافارقت وجه جدتي انتظر النتائج وافرحه اريده تفتخر بيه
بس للاسف اختلف كلشي عليه
فقدت اعز شخص بگلبي الي حبيته من گلبي الي جانت امي وسندي ضاع سندي شيفيد بعد
رجعت للواقع واني اتذكر كل يوم مريته ويا جدتي..
مصطفى بغضب. ولكم هدوني اريد اشوفها
احمد. مصطفى شويه اهدئ الله يخليك راح تشوفها وين ابن العم الي اشوفه سند وكلنا نخاف من حجياته
مصطفى. وشيفيد اذا تشوفني سند الك تالي اعز سند الك تفقده
احمد. توكل على الله
الشيخ . مصطفى اريدك هالمره اكثر من ايدي اليمنه هسا صار وگت يصير گلبك حجر الي مات بعد شيرجعه نامت بفراشها وراحت لاعظم مكان
مصطفى. انته شتريدني اصير مو بشر حالي حال اي شخص شنو اختلف عنهم هاي امك الي توفت الي ربتني وتعبت وسهرت ليالي علي اني بشنو اجازيها تريدني اضحك كدامك
الشيخ. ولدي ميخالف الله يرحمها
حجى وطلعوها ومغطين وجهه ركضت خليت راسي بحضنهه شميت ريحته
مصطفى بصدمه. لا لا يمه لاتكسرين بيه تذكرين انتي وعدتيني تبقين وياي اني مو گتلج كلشي مستعد اخسر الا انتي وداعتج يمه مالي حضن غيرج كومي يمه كومي هديتي حيلي
ام مصطفى. ابني عوفها راحت لربها بعد ماتكدر تغير شي
مصطفى بجي. يمه مالي غيرج يمه مشتاگ لحضنج تعبان ريحيني ابقي وياي لزمي شعري وداعتج ماتأخر عليج بعد يمهههه اني منطفي من دونج وگلبي محترگ عليج لاتروحين
خليت راسه بحضني وهمه يهدوني منها وياخذوها لحد ما تجمعو كلهم سحبوني من عدها الوداع الاخير جان اشوفها مغمضه ومبتسمه وجهه منور راحت لربها
غسلولها وخلوها بالچفن العصر دفناها لبست الاسود طول عمري لان الحياه من بعدها سوده انه ميت بس عايش جثه منطفي بس محترگ الگلب
قرينه الفاتحه وطبن عماتي سوا يبجون ويلطمون نوب ويا صوت الملايه بالداخل صوتهن بالمطبخ يلطمون حيل البيت كله حزين فقدنه الضحك الابتسامه من بعدها تغيرنا
مر اسبوع اخذت نتيجتي طلعت معدل96 بس مافرحت واحس روحي تعبانه مالي خلگ للشغل رحت للمگبره كعدت يم گبرها لزمت تراب گبرها وبجيت بحرگه ظليت احجي لي بگلبي طلعت النتيجه وكتله حسيت انه هيا مفتخره بيه وفرحانه
رجعت طبيت لغرفتها كعدت بالگاع وخليت راسي ع الجربايه
مصطفى بحزن. شكثر مشتاگلج يمه ريتج اخذتيني وياج ولابقيت بهل دنيه جنت راح افرحج بنتيجتي
يمه شسويت بحياتي وهيج الله يجازيني
بقيت عشر دقايق ماتحملت ردت اطلع شفت صندوك الحديد هذا قديم وعزيز عدها بس اني ادري بيه فوك الجربايه
لزمته وفتحت قريت رساله
اني الاعرفه بيبي متعرف تكتب
...
حفيدي الغالي تدري ماظل شي من العمر وانه الله اخذني حتى يريحني ترحم عليه وليدي ولاتنساني اني ربيتك وطول هالوكت اعتبرتك ابني مو حفيدي
كلهم يغارون منك لان احبك اكثر منهم الك معزه عندي اكثر من ولدي صحيح اني فارگتك وليدي اني هم كبرت بالعمر اكيد دفنتوني يم جدك يمه اني ابد ماراح احزن لان فارگتكم عيني عليكم راح اشوفكم كل يوم ماانساكم
وليدي اذا صدك تحبني اريد منك شغله واخر طلب راح يكون اذا سويته اعتبرني راضيه عنك
يايمه ارجع لاهلك وعيش وياهم كافي تحرگ بكلوبهم لخاطري ردلهم
وهاي وصيتي الك
وصيتي الثانيه وليدي هذا البيت بأسمك انته لان انته الي تستحقه ولاتنسى الشيخه الك وانته رجال الديوان دير بالك عليهم كلهم ودير بالك على رويحتك اخذ الي تحبها
عمك الي سجل البيت بأسمك لاتشوفه هيج قاسي وياك يحبك اكثر كلهم
ادري هسا استلمت نتيجتك ومو جديد عليك تطلع معدل عالي والف مبروك عليك اني مفتخره بيك ولدي عيش حياتك
هديتي النجاحك تدري انته اني ماعندي شي غالي اغلى شي عندي هذا المحبس قديم يمه هذا اعز من گلبي اريدك تحتفظ بيه وتخليه بأصبع الي تستاهلك
اختك الي كتبتلي الوصيه لان يمه تدري اني أُميه وماعرف اكتب واقرأ
احبك وليدي اني وياك لاتنقهر
مصطفى بدموع. اويلي عليج يمه ليش جسرتي گلبي بفقدانج خسرت الدنيه بعد هسا اني فعلا صرت يتيم يمه رجعيلي ماريد شي غيرج
لزمت محبسها اعرفه هذا اغلا شي عدهه ومابقى منه هسه حضنت الوصيه بجيت عليهه
خليت كل قهري بالورقه گلبي محترگ انطفيت
طب ليث للغرفه صار كبالي نزل لمستواي حضني
ليث بدموع. كوم خوي كوم لاتجسر بنفسك كوم يافهد موتت ربهه هاي ماكو سبب كلنه وياك انته سندنا خوي لاتميل ترا احنا ننحدر وياك
مصطفى. خويه انجسرت انه تعبت لك اني يتيم بدونهه صوتها جان احلا شي اشوفه بالبيت فقدته
ليث بحزن. كوم خويه خذ حيلي وكوم انته خيمه النه عوف التدخين وارتاح لاتبقى هنا بالغرفه راح تظل تتذكرها
مصطفى بتعب. ماتروح من بالي.......
تجاهلو الاخطاء رجاءا💖
صوتو للبارت وقدرو تعبي الجزء الكتبته طويل🥺
━━━━━━━━━━━━━━━━━━━━━━━━━━
🌸 هل أعجبتك أحداث القصة؟
💡 لمعرفة تفاصيل هذه الرواية ومتابعة بقية فصولها كاملة وبشكل مسبق وبدون إعلانات:
🔗 تابع القراءة عبر موقعنا الرسمي من هنا: https://kimostories.site/novel/417/احفاد-آل-حارث
نتشرف بوجودكم دائماً في عائلة كيمو ستوريز! 🌸
━━━━━━━━━━━━━━━━━━━━━━━━━━