ايمن: يما انا بتزوج
فاطمة بفرح: ماشالله ومن هاذي الي بتخطبها
ايمن: يما ابيك تخطبين لي امل
وفاطمة ابتسامتها بدت تخف وتتحول لحزن
فاطمة: عومه عومه ياموين مستحيل يوم من الايام تكمل فرحتي
ايمن: يما ابي امل اذا ماتبون تزوجوني ياها مني بمتزوج وبصك على عمر
فاطمة نزلت تحت لعايشة
عايشة: ها وش قال
فاطمة: يبي يتزوج امل
عايشة: صدقق اخييراً ركبت راسه امل وبعدين وش فيس مو فرحانه
فاطمة: تمزحين ياعايشة
عايشه: ليه وش بلاك
فاطمة: عمر يحب امل وهو مو راكبه راسه الى امل ومايبي غيرها
عايشه: خلاص عمر يرضى وياخذ نجود بعدين وش فيها نجود زود عن امل
فاطمة: وصح كيف بتزوجين صغيره قبل الكبيرة؟ امل اكبر من نجود بسنتين
عايشة: نزوجهم مسيار وبعد مايتزوجون عمر ونجود نعلن عن زواجهم
فاطمة: والله ياانه كاسر خاطري هلعمر
ورنا سمعت وطلعت على طول فوق
رنا: بنات في مصيبة!
امل ونجود: وش فيه
رنا: ايمن ايمن اخوي يبي يتزوج
امل: جد مبرووك طيب وين المصيب...
وشافت نجود تدمع وراحت لروشن
رنا: هاذي المصيبة
امل: الله يصبر قلبك ياجويد عومه عومه اخوك ذا مايكمل فرحتنا ابداً
ونزل عمر وكان يغني ومروق على اساس يسولف معهم
عمر: يامرحبا ويامقربا ها خالي ماجاء...
وش فيس يما متضايقة خالتي وش فيها ميمتي متضايقة
عايشة: مافيها شي بس راسها يوجعها وقلتلها خل اربط الطرحه على راسك ورفضت الى صح مابشرناك
عمر: وش بشرونا
عايشة: اخوك ايمن اخيراً بيتزوج
عمر: ماشالله من سعيدة الحض الي بتاخذه
عايشة: بنتي امل
عمر: مب...
نعم امل
عايشة: ايه امل بنتي
عمر: يما انتي راضية
عايشة: ايه ميمتك راضية
وعمر تنفس بقوة وكتم بكيته ومشى
فاطمة: عمر عمر يولدي
وراحت له
فاطمة: عمر يولدي انتضر
عمر: نعم يما
فاطمة: انتضر خل افهمك
عمر: وش تفهميني !! وش تفهميني وانتي تعرفين اني احب امل وامل تحبني ومن يومنا قد ولد اخوي فهد وانتم تقولون امل لعمر وعمر لأمل وش تغير اخرتها تزوجونها ايمن! ايمن!!! نجود تح.. اقصد ليه ماياخذ نجود
فاطمة: ياولدي ماصدقنا على الله اخوك يفك ويتزوج وامل ركبت راسه ماادري ليه ومابغيت اكسر بخاطره
عمر: يعني تكسرين بخاطري عادي اما خاطر ايمن لا حرام
وطلع وراح لثمامه وقعد في المخيمات هدوء لحاله ويفكر
عمر: معقوله يعني الكل عارف اني احبها وهي تحبني شلون شلون ايمن يبي يتزوج ومايحسب حساب ناس الي حوله ووش ضرر الي بيكون عليهم حسبي الله عليك ياايمن دايم تخرب كل شي
وانسدح على تراب يفكر ودمع
نروح للجانب الاخر
ياسر: احم سلام عليكم
عايشة: هلااا بأخوي هلا بعضيدي وش لونك وش لون عيالك
ياسر: والله اني بخير والعيال بخير ابشرك ولدي ناصر قريب ويرجع من امريكا
عايشة: صدق ماشالله ماشالله زين عشان يحضر زواج بنيتي
ياسر: جد اخيراً ايمن قرر يتزوج
عايشة: واخيراً قرر ياخذ جويد بنتي
ياسر: ماشالله مبروك بس كيف بتزوجون جويد صغيره قبل امل الكبيرة؟
فاطمة: نزوجهم مسيار وبعد مايتزوجون عمر ونجود نعلن عن زواجهم
ياسر: زين وين عمر
فاطمة: عمير برا مع اخوه يعقوب وايمن فوق ايمن موين
ايمن: هلا ميمتي ها وش قلتي
عايشة: خلاص بنخطبلك امل وحنا موافقين بنجيب الجهاز وتملكون
ياسر: مبروك يولدي وانا عني ابخلي الاكل كله علي
عايشة: لا تتعب نفسك يااخوي بنخلي محيسن زوج الجوهرة يطبخ لنا
يتبعع***
━━━━━━━━━━━━━━━━━━━━━━━━━━
🌸 هل أعجبتك أحداث القصة؟
💡 لمعرفة تفاصيل هذه الرواية ومتابعة بقية فصولها كاملة وبشكل مسبق وبدون إعلانات:
🔗 تابع القراءة عبر موقعنا الرسمي من هنا: https://kimostories.site/novel/481/زمن-الثمانين
نتشرف بوجودكم دائماً في عائلة كيمو ستوريز! 🌸
━━━━━━━━━━━━━━━━━━━━━━━━━━