عمر: لا يابنت الحلال لا كلافة ولا شي عيوني لك
وامل استحت
عمر: اجل انا أستأذن ولا تنسين اكتبيلي الاغراض الي تبينهم
امل: هاذي هي
عمر: يلا سلام عليكم
عزيز: وعليكم سلام
عايشه: سبحان الله اهدى واحد من اخوانه
وعمر راح يشتري اغراض امل وجابلها شريط هدية
عمر: سلام عليكم
عايشه وامل وعليكم سلام
عمر: ها هاذي الاغراض الي طلبتيهم وشوفي المجله هاذي
وجلسو وكان يشرحلها المجله والي بها وامل كانت تناضر وجه عمر
عمر: وتحطينها بثلاجه لمدة ساعتين ، وش بلاك تناضرين بوجهي طالعي المجلة
امل: المجلة عندي اطالع بها بأي وقت اما وجهك مقدر اخذ راحتي وانا اطالع فيه
وابتسم عمر وخجل وعايشه طالعة فيهم وهي متبسمه وراح وشافت الشريط وكانت اغنية حب وعدى اليوم بخير وجاء اليوم ثاني وراحو للمحل الجديد
يعقوب: بسم الله عزيز ياعزيز وينك
عزيز: هذاني ماشاءالله ماشاءالله ياكبره كبراه هذا ابشتغل فيه
يعقوب: ايه خل اعرفك على شباب بندر واسلم ويونس وبشير وهاذا ولد خالتي عزيز الحين يلا كل واحد على شغله ان تأخرت لين المغرب قفلو المحل
عزيز: انشالله
ورجعو من دواماتهم وكانت عايشه وبناتها موجودين
عزيز: طريق يايما، سلام عليكم
فاطمة: هلا والله وعليكم سلام
عايشه: وعليكم سلام يابنات الغداء ها كيف دوامك ياويلدي
عزيز: والله كويس والله ياالمحل شكبره
ايمن: الله يستر من خبايصكم
يعقوب: لعن ابو شيطانك تفائل بلخير لا تقعد تتفاول على محلي
فايز: هيه هيه بدينا هوشة كل يوم
فاطمه: مافي حشيمةً لي ماكأني قدامكم قاعدين ترفعون صوتكم على بعض زي البزارين
رنا: شكل رجعو يتهاوشون نفس هوشة كل يوم
امل: اي هوشة؟؟؟
رنا: اقولكم بعد الغداء
وحطو غداهم وقعدو يسولفون
بعد ماخلصو غداهم البنات راحو فوق يسولفون
نجود: يلا قوليلنا سالفة الهوشة
وقالتلهم كل شي
امل: صح ذكرتوني اقولكم وش صار يوم سالفة الحلا مع عمر
رنا: مو غريبه من يوم صغر وهم يقولون عمر لأمل وأمل لعمر
أمل: نجود جات وجابت الحلا الي سويته وعزيز كان يطتنز اني مااعرف اطبخ وقلتله تعرف ليه طبخه بعض الاحيان ماتضبط لانك ماتجيبلي المقادير وعمر قال انا بجيب لك المقاضي بس اكتبيهن لي وقلت له ماابي اثقل عليك يكفي الاشرطه الي اكتبها لك وتجيبها
رنا: اوف وانا اقول ليه يشتري الاشرطه ذي كلها طلع يعطيك ياها
امل: اييه وتخيلي قالي عيوني لك وراح جاب لي المقادير وجاب معاها مجله وقعد يشرحلي ياها وااه يابنات شكله وهو يشرح لي المجلة يهبل ماقدرت اركز معه حرفياً قعدت بس اطالع بوجه وقالي وش بلاك تطالعين بي طالعي بلمجله عاد وقتها كنت خفيفه مااقدرت اتحمل وقلت له المجلة عندي اقدر اطالعها بأي وقت بس وجهك مقدر اخذ راحتي وانا اطالع به
نجود: يامجنوونه!!!!
امل: وتخيلي حط لي شريط هدية اغنية ام كلثوم اهواك
رنا: اوف عمر اخوي عمر صغير يعطي اهدائات
نجود: عاد تصدقون ودي اتزوج واحد رزين وثقيل ويسمع بشير شنان وطلال مداح ويدخن زي ايمن
رنا: والله انكن موب هينات
امل: اخ يابنات سبحان من سواه سبحان الله مختلف عن اخوانه بشكل
رنا: شقصدك
وضحكو وبعدها نزلو تحت
عايشه: اقول ياخيتي ماودك تزوجين ولدك
فاطمة: والله ودي بس وين بنت الحلال وهو قلبه متعلق بروضه ذي الله يستر لا يدخل علي وهي معاه
عايشه: والله يابناتي مقطعات قلبي
امل: يما ترانا مو قاعدين على راسك
عايشه: لا يبنيتي يعني لين متى بتقعدون في البيت ابي اشوف عيالكم قبل اموت
نجود: بسم الله عليس ياميمتي متى ماجانا نصيب جاء
فاطمة: ابفتح لايمن الموضوع واشوف
عمر: سلام عليكم
فاطمة: وعليكم سلام هلا حبيبي
امل: وعليكم سلام
نجود: تخطي يالخفيفه
امل: نسيت
عمر: انا بروح تبون شي
فاطمة: سلامتك بس وين رايح
عمر: بروح مع ناصر ولد جيراننا وعزيز للقهوة
عايشه: حفض رحمن ياولدي قول لعزيز لا يطول
وفاطمة راحت لايمن
ايمن: هلا بميمتي سمي
فاطمة: سم الله عدوك ابفتح معك موضوع
ايمن: امري
فاطمة: مادوك تتزوج؟ ترا طفشت من قعدتك بلبيت
ايمن: ويايما حنا قلنا شي بنت الحلال موجوده بس انتم مو راضين
فاطمة: بنات ناس شكثرهم وش تبي فيها زواج منها مافي شوف امل او نجود وملة بنت خالك ياسر وش زينهم مو ناقصاتهم شي
ايمن: يما انا مني بمتزوج الى روضة وبخطبها بكرة
ةفاطمة: الله ياخذني وافتك
عايشه: شقال؟
فاطمه: مايبي
عزيز: وش فيك يانتفه تفكر
عمر: مابني شي
ناصر: الى بك شي
عزيز: ياخوي شدخلك بولد خالتي حاشر خشمك بكل شي
ناصر: ترا نفس ماهو ولد خالتك تراه جيراننا
عمر: بس بس انا جاي افتك من مشاكل ايمن ويعقوب تجوني انتم إنا لي الله اقول انتو جوكم يجيب نكد انت تعال معي خالتي تبيك وانت انقلع لبيتكم
عزيز: احم احم سلام عليكم
عايشة: وعليكم سلام هلا بوليدي زين تجمعتو
عمر: اذا عندكم شي اجلوه راسي مصدع
ايمن: الله واكبر قاعد تفكر بمنصبك في الوزارة
عمر: هيهييه بدينا لكة ايمن ايمن ترا لك كم يوم ماغير تلك على كل من هب ودب لوك لوك لوك اهجد
ايمن: يما ...
انا بفتح مكتب محاماه بأسمي
فاطمة: مبروك من وين لك فلوس
ايمن: يعني يما يوم يعقوب فتح محله ماسئلتيه من وين له فلوس وانا تسأليني
عمر: لأن يعقوب خذاله محل تموينات تموينات انت مكتب محاماة
ايمن: اقول اسكت ياصغير
يعقوب: من وين جبت الفلوس
ايمن: من.. ااا...
من من الوكالة
عمر: وش وكالته!
ايمن: وكالة سواها لي ناصر قبل يعقوب يبيع العفش كله بالحراج
عمر: ايه الله يوفقك اجل انا بروح اريح
فاطمة: وين تروح خلك عندي موضوع لكم كلكم وبالاخص عمر وايمن
ايمن: خير يايما
فاطمة: متى تتزوجون ترا زهقت من قعدتكم بلبيت
عمر: نصيب متى ماجاء جاء وبعدين خلي ولدك يعرس بعدين عرست وراه مو على قولتكم عادات وتقاليد ماينفع الصغير يتزوج قبل الكبير والبنت مو.. وتذكر ان البنات ورا
عمر: النصيب متى مايبي يدق الباب ويجي انا بنام تصبحون على خير
فاطمة: فكر بلموضوع ياولدي وخل عنك روضه احسنلك ولنا
يتبعع***
━━━━━━━━━━━━━━━━━━━━━━━━━━
🌸 هل أعجبتك أحداث القصة؟
💡 لمعرفة تفاصيل هذه الرواية ومتابعة بقية فصولها كاملة وبشكل مسبق وبدون إعلانات:
🔗 تابع القراءة عبر موقعنا الرسمي من هنا: https://kimostories.site/novel/481/زمن-الثمانين
نتشرف بوجودكم دائماً في عائلة كيمو ستوريز! 🌸
━━━━━━━━━━━━━━━━━━━━━━━━━━