امل: هذا ونجود اختي حاطه عينها عليه
عمر: اييش!!!
امل: اييه ايه نجود تحب ايمن ماادري كيف
عمر: في ذمتك لحد يدري حتى اختك ...
الحين ماادري وش اسوي يعني اهبده ولا اسامحه ولا وش وضعه والولد ماندري وش الحل معه
امل: ليه ماتخلونها تسقطه وتفتكون
عمر: مو هي ملعونه تركض ورا ريال ركض
امل: والله انها بلشة دقيقه.. تذكرت تذكر جوهره زوجة محيسن؟
عمر: اي وش فيها
امل: ليه ماتخلونها تربي الولد ومحسن خويكم خلوها تربيه وجوهره طيبه على نياتها ومن زمان تبي ولد يكون سند لبنتها البندري
عمر: اي والله فكرة طب و ايمن؟؟
امل: ايمن عاد تفاهمو معه بطريقتكم
عمر: مو انا جيت عندكم عشان مااشوف وجه ولا لي خلق للمطوع يعقوب وامي
عزيز: عمر ياورع وينك
عمر: ويه الله يبلش عدوك احين كيف اطلع
امل: كذا تطلع
ودفته
عزيز: وش جابك غرفة امل
عمر: ااا خالتي وصتني على غرض اجيبه من امل وامل كانت بغرفتها
عزيز: اها طب امش خل نروح بيتكم ابي اسولف مع اخوانك
عمر: تستهبل انا جاي بيتكم عشان اهج من بيتنا تقول خل نروح لبيتنا
عزيز: اجل امش للقهوه
وراحو للقهوه وعمر طول الوقت متنح
عزيز: يولد وش بلاك متنح شكل ماكيفت مزاجك
عمر: هو في مزاج معاكم ماغير تتهاوشن ولا تسولفون بسياسيه الي بتوديكم بستين داهيه انا امشي لبيتي احسن
سعدون: وش بلاه نفسيه ذا البزر
عزيز: هيه لا تغلط على ولد خالتي
ورجع لبيته وهو يدري انن بيفتحون الموضوع ذا معه
فاطمه: عمر
عمر: نعم يما
فاطمه: تعال يولدي
وجلس وواضحه عليه ضيقة
وفاطمه مسكت وجه وباست راسه
فاطمه: سامحنا ياولدي جنينا عليك كثير وحكمنا بدون مانفهم منك شي
يعقوب: اي والله ماكان قصدنا المفروض مانشك فيك على طول وحنا عارفين انه حالك حال نفسك بس تسرعنا وانت قلبك كبير وترا حنى مو اي احد حنا اهلك اخوك الكبير وامك
عمر: مسامحكم
وباس راس امه
فاطمه: زين يولدي اذا تبيني ارضى عليك رضا تام نفذ طلبي
عمر: عارفة طلبك
فاطمه: اذا تبيني ارضى عليكم سامح اخوك
عمر: بس يما
فاطمه: ايمن ياولد
ايمن: نعم يما
فاطمه: امش اقعد ، اعتذر لاخوك بسرعه
ايمن بدون نفس: اسف
فاطمه: اعتذر زي رجاجيل تراه اخوك واخطيت بحقه
ايمن بعصبية: خلاص اسف غلطة ومعد بعيدها تبون تذلوني على كل غلطه
فاطمه مسكته من أذنه: لا ترفع صوتك قدامي وقدام اخوك الكبير تفهم
فاطمة: وانت ياعمر اعتذرله
عمر: اعتذرله على ايش وش غلطت بحقه؟
فاطمة: لانك تهاوشت معاه فوق
عمر: بس يما هو يست...
فاطمه: اعتذرله
عمر وهو ماسك ضيقته: اسف
فاطمة: الحين خلونا نلاقي حل للمشكلة ذي ، وين رايح
عمر: بروح غرفتي تعبان
ايمن بصوت واطي: تعب سنين انشالله
فاطمه صفقته على يده
فاطمه: لا تدعي على اخوك وانت غلطان عليه
ايمن: بس شفتي يما شفتي كيف كان يعتذر لي وطلع من سالفة بارده مبرده ولا حتى قرر يساعدنا
وعمر رجع نزل وقعد
عمر: ارتحت
فاطمة: شياطين قدامي مو أوادم
عمر: شيطان على ايش انا كافي خيري قبل شري ولا أذيت احد حتى اخواني مااتهاوش معاهم مني منشغل الى بشغلي الحين صرت شيطان!
يعقوب: يما عمر على حق عمر مااخطى على احد وتعرفين انه اكثر واحد حنون ويعطف على الحيوان قبل الانسان
ايمن: سبحان الله بس تمدحون عمر وتطلعونه ملاك
عمر: صك ام الموضوع ياحسودي عنديلكم حل لمصيبة ايمن ذي ، اول ماينولد هلبزر نوديه للجوهره زوجة محسن طباخ مادامها ساكنه بلبيت الي ورانا وتراها حنينه وتتمنى هلوليد
فاطمة: من وين جاتك هلفكره
عمر: اا كنت بلمقهى افكر مع نفسي وجاتني الفكرة ذي ونقزت عندكم على طول
يعقوب: بس هذا ولد اخوك امي لازم تشوفه
عمر: متى مابغته تكلم جوهره تجيبه لها وبسكن الجوهره عندنا بعد
يتبعععع***
ابشركم انا بخير واقدر امسك الجوال واكتبلكم بارتات لاكن مو كثير❤️🔥
━━━━━━━━━━━━━━━━━━━━━━━━━━
🌸 هل أعجبتك أحداث القصة؟
💡 لمعرفة تفاصيل هذه الرواية ومتابعة بقية فصولها كاملة وبشكل مسبق وبدون إعلانات:
🔗 تابع القراءة عبر موقعنا الرسمي من هنا: https://kimostories.site/novel/481/زمن-الثمانين
نتشرف بوجودكم دائماً في عائلة كيمو ستوريز! 🌸
━━━━━━━━━━━━━━━━━━━━━━━━━━