___________________________گساد

﷽

كاتبة_ميرال_علي

بقلمي رواية : وجوهاً تخفيها الثراء

الطفاً التنسون التصويت والتعليق ومتابعة حساب واتباد

حاير مـِن تجي بـيا وَردة الاكيك

ويا عَين التكَفي و بـِـيها اخليك .

" ريا "

كَساد : وين تردين تروحين عندچ مكان محدد حته اوصلچ عليَّ ؟

ريا : لا ماكو داعي اني اروح بس خلي حرس يخلوني نجطي بره .

_ يعني متخيله اخليچ تروحين وحدچ .

_ معنى .

_ ما اگدر اتركچ تروحين وحدچ اذا مو على مودچ فـ علمود ايام بينه .

بــ ألحظه غباء مني قبلت يوصلني

_ تمام .

طلب مـن حرس يخلون جنط بسيارته طلعو چنت السياره خلوهن بيها راد احد حراس هوه يسوق بس كَساد اعترض وهوه ساق

_ اخذني فندق بين ما وائل يلگه لي بيت .

هز راسه بنعم بدون جواب حاسه بتردد مـن ناحيته بس تغاضيت عن شعوري وما نطقة بس أستوقفني وصحاني مـن غبائي الطريق هذاا مو طريق لـ فندق هذاا وين ماخذني درت وجهي له اباوع عليَّ اريده يشرحلي بس ولا مهتم بشي ولا كأنه مسوي شي عيوني الگدام وحته ما فكر ياتفت ويشوف ردت فعلي

_ انتَ وين ماخذتي ؟؟

_ مفاجأة حبيبي .

يحچي برود وهدوء قاتل الدرجه هدوء والبرود الـي عنده نرفزني وخلاني افور افور مـن غضب ضربته على كتفه بقوه بس شيحرك هذا عديم حساس

_ انتَ جاي تحچي شـنـو مفاجأة ؟؟ منو گال لك اني ميته على مفاجئاتك ؟؟

_ بكيفي شعليچ .

فتحت حلگي بصدمه شلون يقلدني الحقير ابن الحقير الكلب أبن الأسلم العار

_ شبيك انتَ شبيككككك طفل شهالتصرفات طفوليه رجال شگدك شكبرك رجليك بــ قبر وتصرفاتك مال جهال .

حچة مأشر على نفسه بصدمه

_ اني رجليه بــ قبر اني ؟؟؟

_ اي نعم انتَ لـيـش اكو غيرك شايب هنا .

_ اي انتِ يا عجوز البينة .

انفجرت بوجهه اضحك ما گدرت الزم نفسي مـن گال " البينة " لا وگالها بثقه

_ هههههههههههههههههههههههههههههههه اوووف خرب لك مو البينة اسمها " البين "

_ لا اني سامع امچ تگول البينة .

_ هههههههه لا يا غبي ماما تگول عجوز البين مو البينة هههههه .

_ شـو خذيتي ميانه زايد انتِ .

_ اووو صح نسيت حقك عليَّ الـي گاعد يمي شايب .

_ مو شايب ولچ مو شايب .

_ شايب شايب كَساد الشايب ننننن شايب .

_ ههههههههه خبله .

_ اوووي معليك ولي .

_ وعلي على يـوم اگص هذاا السانچ الفالت .

_ حته اگص يدك .

_ اويلي على گلبي قويه .

_ صح تعال شـو نسيت انتَ وين ماخذني والعباس اصرخ وافضحك واخزيك واشهرك .

_ هاي اذا سمعچ واحد .

_ كَساد جد وين جايبني ؟؟

_ عندي شقه هنا راح اخليچ ترتاحين بيها فتره وبعدين نسوي الـي تردينه متفقين ؟؟

_ لا ما اريد ولا متفقين على شي رجاءً وديني الفندق بدون مشاكل .

وگف سيارة بنص شارع خالي مـن سيارات بسنه يله تمر سياره دار وجهه مبتسم بخفه

_ بس اسمعيني وبعدين قرري اني لا راح اضغط عليچ ولا راح اجبرچ على شي اني بس اريدچ ترتاحين فتره بــ شقه مالتي وهاي شقه محد يدري بيها غيري يعني محد راح يدري بيچ انتِ موجوده بهاي شقه وتگدرين تگعدين بيها شگد ما تردين وحته اني ما راح اوصل لها ابدد .

_ بس يعن...

_ وهاا تگدرين حته اذا تردين دفعين يجار الـي .

_ ما اعرف كَساد ما اعرف انطيني وقت افكر خلي اروح هسه الفندق واذا فكرت واخذت قراري اني اتصل عليك تاخذني .

_ لا لا تعالي وفكري بــ شقه براحتچ واذا ما عجبچ وضع اني بنفسي ارجعچ الفندق هاا شگلتي ؟

انسطرت وما اعرف شختار مـن جهة اني ما عندي فلوس هواي وفلوسي اذا تريد تكفيلي بــ فندق فـ ثلاث او اربع ايام اي وبعدها وين اروح البيوت هنا نارر مـن غله اسعارها كلش كلش غاليه بعد تفكير دام دقائق اخذت قرار نهائي

_ تمام موافقه بس عندي شرط .

_ والي هوه ؟

_ ممنوع تجي الشقه ابدد ابدد تعتبر نفسك مأجر شقه شخص غريب .

_ خلص هاي هيه .

_ وهاا شغله ثانيه ايجار ادفع وممنوع ترفض اذا رفضت مستحيل اقبل اجي واگعد بــ شقه .

_ متفقين .

بعد ما تفقنه حرك سيارة ماخذنه الشقه وصلنه بعد فتره مجمع سكني راقي نزل هوه نزلت ورا انطى مفاتحين الحرس ودخلنه صعدنه بــ اصنصير داس على طابق خامس طول وقت ما نطقنه ولا شاركنه بحديث حته ما سئلته على جنط نزلنا بمرر بيَ اكثر مـن شقه وانتبهت على رجال ومرته يتعاركون باب شقه بقيت مركزه وياهم ما فزيت غير على صوته

_ وين صافنه واني اصيح .

_ احم .. هـيـچ ولشي .

_ اتفضلي ادخل صارت بعد شقتچ .

دخلت جولت نظراتي داخل شقه فخمه فخمه بشكل يموتتت جمالها ترتب الوان كلشي بيها تحفه

_ اخذي راحتچ كلشي موجود حته اكل موجود واي شي تحتاجينه بس خابرني .

دار ظهره يريد يروح بلعت ريقي بتوتر وأردف

_ كَساد .

_ يا نعم .

ابتسمت بثول على جوابه وتعابير وجهه اداركت روحي بــ اخر الحظه لا انفضح

_ احمحم ...

شسمه هوه اجيت اطلب منك طلب .

_ طلبي اذا اگدر مـن عيوني واذا ما اگدر اجبر نفسي اگدر الخاطرچ .

يبووو هذاا شبي وقت رومنسيته وسوالف فسوق

_ اريد منك ما تگول امي عن مكاني وحته لو سئلتك گالها ما ادري .

_ صار .

_ شـكـراً .

_ زين هسه اني داخل بيتچ يعتبر ضيف عندچ معقوله ما تضيفين ضيوفچ شي ؟؟

_ عفواً راح مـن بالي اتفضل شـنـو تحب تشرب .

_ قهوة اذا ما تعبچ وتكون ساده .

عفته وراحت المطبخ اسوي قهوه هيَ شي الوحيد الـي اعرف اسوي مـن مشروبات بس ترى حق على ماما الان هيَ ما علمتني وله اني ام بيت نادره ترى غليت قهوه اخذتها له گاعد يتصفح بــ مبايل والضحكة شاگه حلگه صار عندي فضول اشوف منو شخص الـي مخلي ضحكه شگ حلگ هذاا الجماد تقرابت منه اسوي نفسي انطي قهوه واشوف بــ خنسه بس للأسف شديد لقطني بــ الحظات اخيره قدمت قهوه مبتسمه وگعدت

_ عاشت يدچ .

_ الف عافيه .

_ اي ما گتيلي شـنـو مخططاتچ .

_ لشنو ؟

_ حياتچ جايه دام مقرره تعشين وحدچ .

_ ولشي .

_ شلون يعني ولشي ؟؟ لعد شلون تعشين ؟

_ ما اعرف .

رفع حاجبه بستغراب هاي حقيقه اني ما اعرف شرح اسوي احتاج شغل واحتاج فلوس والفلوس تجي مـن شغل وشغل ماكو وما اعرف شسوي

_ اذا تحبين اگدر اساعدچ تلگين شغل .

_ لا شـكـراً دا افكر احچي وي كيفن وهوه يساعدني .

انتفض بغضب خازرني وعيونه تريد تطلع مـن مكانهم مـن گد ما خازرني بقوه وغضب

_ خيررر خيررر وليش هذاا المره يساعدچ ؟؟

_ عفواً وانتَ شدخلك .

_ دخلني ونص .

گمت بهدوء مكتفه يدي صدري اباوع عليَّ برود مقابل نظراته الـي تنط شرار صايرين وجهه بوجهه

_ شـو انتَ عايش دور زايد خاف عبالك مـن گعدتني بشقتك صار لك حق تتحكم بيَ وتنطي رئيك بحياتي .

_ استغفرالله ولچ بويه مو هـيـچ بس هذاا المره اني ما ارتاح له .

_ المره ؟؟؟؟

_ اي مره يتماوع وسوالف مال هذوله متحولين .

_ لا انتَ مو طبيعي والله بس يله ابوك منو قابل شتطلع انتَ .

_ يطلابت ابوي لما تخلص لو بس اعرف ابوي شمسوي وياچ وهيچ كارهته بس الان اتزوج امچ ؟

سرح تفكيري بذكريات مؤلمة سببها الـي الـي اسمه ابوه خلاني بفتره مـن حياتي اخاف مـن خيالي خلاني اعيش ايام سوده خلاني اكره شي اسمه حيات واتمنى ما خلقت ولا اجيت الدنيا

_ مو هذاا موضوعنه .

_ لا هذاا اني اريد اعرف ابوي شمسويلچ وهيچ كارهته .

_ كَساد ما اريد احچي رجاءً اذا خلصت قهوتك تفضل روح اريد ارتاح .

_ اعتبر هاي طرده .

_ شـنـو تعتبرها اعتبرها مهم اتفضل رجاءً .

بدون ما ينطق بحرف تركني وطلعت قفلت الباب وراه ودخلت الغرفه نمت بملابسي راح واهسي وخلگي وكلشي ماضل لا واهس ولا خلگ لشي ما اعرف شگد مر وقت واني نايمه وما حاسه على شي فزيت على صوت دگت الباب حاولت اغلس بس ما گدرت بعد ارجع انام تركت فراشي الدافي وگمت لميت شعري بكعكه مبعثر شلون مچان باوعت مـن عدست الباب شفت بنيه واگفه وبيدها صحن والصدفه نفس البنيه الـي چانت تتعارك وي رجال باب الشقه الـي تصير مقابيل شقتي اي نعم صارت شقتي دام اني گاعده بيها عفت كُل خربطت افكاري وفتحت الباب قابلتني بــ بتسامه بشوشه والطيفه

ريا : تفضلي حبيبتي .

_ هلوو اني اكون جارتچ ساكنه بــ شقه الـي مقابيلچ وحبيت اجي اتعرف عليچ .

ريا : اكيد حبيبي تفضلي .

دخلت مخليه صحن على طاوله الـي بوسط صاله وگعدت البنيه بينه عراقيه مـن كلامها وسمار بشرتها والطافتها الان مستحيل بلد اجنبي هـيـچ تسكن بشقه ويجي جار اجبني يرحب بيك هاي بس سوالف عراقين

_ اسفه نسيت اعرفچ على نفسي اني اسمي " فاطمة "

ريا : عمري كلي شرف واني ريا .

فاطمة : اسمچ حـلـو وغريب بنفس وقت .

ريا : ههههه لا بــ عكس اسمچ احلى بهواي .

فاطمة : انتِ شكلچ مو عراقيه .

ريا : صح اني مسويه مكس بين عراقي واجنبي بابا مـن اب وام أجنبيين وماما عراقيه فـ خابطه بين اثنين .

فاطمة : هههههه الله شگد حـلـو .

ريا : ابتسمت على حماسها والطافتها بــ كلام سكتت ثواني وأردفت بحماس اكبر

فاطمة : اي صدگ جبتلچ دولمه تحبينها اكيد دولمه عراقيه أصليه .

بدون خجل ركضت الصحن فتحته كفخت خشمي ريحت الدولمه تموت ريحته اخذت وحده ضگتها مغمضة عيوني طعمها يموتتت يموتتت حامضه وحاره طالعه فد شي رجعت نظراتي لها اريد اشكرها شفتها سانده وجهه على يدها وتباوع عليَّ ببتسامة حسيت على تصرفي عزاا بعيني شگد عيب حسيتها تگول هاي مشايفه

ريا : احم .. اسفه بس اني ما اگدر اقاوم دولمه ابد .

فاطمة : الف عافيه حبيبتي لعد اني لمن جبتها اخذي راحتچ وحقچ هوه اكو واحد يگدر يقاوم الدولمه العراقيه .

ريا : صح صراحة ماما چانت دائماً تسويها الـي .

فاطمة بحزن : يااااا الله يرحمها .

ريا : شـنـو لچ لااااا .

خلت يدها على فمها بخجل ما اعرف هوه يا اني ما وصلت لها فكره صح يا هيَ بنيه ثوله

فاطمة : اسفه بس مـن گلتي " چانت " تخيلتها ميته .

ريا : هههههه اسم الله مو هـيـچ بس بس هيَ مـن زمان ما مسويتها الـي فـ گلت چانت .

فاطمة بخجل : اسفه مرت ثانيه بس اني هواي اچفص واخبص امور فـ تحمليني .

ريا : عادي حبيبتي مصار شي .

فاطمة : اترخص اني خاف زوجچ يجي .

ريا بستغراب : زوجي!!!!!!

فاطمة : اي شـنـو حچيت شي غلط ؟

ريا : هذاا زوجي الله لا يسمع منچ يـمـعـوده اتخيل يصير زوجي يماااا لا مستحيللللل .

فاطمة بستغراب : مفهمت .

ريا : حقچ بس هذاا مو زوجي هذاا شخص اني مأجره منه شقه لا اكثر .

فاطمة بخجل : اني خلي اروح لا ابقى اچفص اكثرر .

ضحكت على خجلها وهيَّ بنيه مبين عليها هواي چفص سديت باب قافلته وراها رجعت تربعت بــ گاع اكل دولمه متلذذه بــ طعمها دمارر حرفياً عاشت يدها على هالطبخ اجتني ألحظه ادراك گالت عن كَساد زوجي ايععع اتخيله يصير زوجي غير نصير اني وياه مالخ مـن روس يوميه لا اسوء يصير الأسلم عمي ابو زوجي يمااااا لا مستحيل هوه كـ شكل حـلـو لا مو بس حـلـو يشگ شگ الحقير بس واذا اني احلى منه بهواي اموت اووي خلي اگوم اخابر على صابرين مو هواي احسن الـي ....

دگت عليها مـن اول رنه جاوبت صوتها يجوعر

صابرين : لك هلا بــ طش ورش هلا بروحي هلا بگلبي هلا بطوايف هلي هلا بعمري لك رورو وين مختفيه ميته اشتياق لچ حقيره ...

الووو يـمـعـوده متحچين الورو ريااااا .

ريا : وجع وجع انطي مجال احچي اكلتيني اكل وبعدين شهالعبان نفس هذاا شهالغزل خاف مبدلينچ او خاف نضربتي على راسچ مـن انخطفتي .

صابرين : تدرين ستوني حسيت بــ العبان نفس مـن راجعت كلامي حقچ هسه مـن تتقيئين اصلاً .

ريا : لا لا خرمشتي مشاعرچ هههههههه .

صابرين : تخرمشت وراحت هههههههههههه .

ريا : اي وين ما وين شلون أجواء خطف وياچ .

_ لچ غير عبالي راح يصير مثل افلام اكش وحركات وبركات بس شـو كلشي مصار هذوله اخذوني منا خلوني بغرفه منا كلشي مصار لا اكشن ولا عزه .

_ لا حرمات واني گلت هسه صاير وياچ قصه حب مـن اول خطف لچ .

_ اي صاير حُـب مـن كهرمانو .

_ عودك صدگ تحبينه ؟؟

_ طبعاً اموت عليَّ .

_ ايعععع كافي ما احُـب سوالف حبچيات هاي .

_ ههههههه لچ يـوم راح تحبينها .

_ بحلامچ وهسه بـاعـي جيبي آلين وتعالو عندي .

_ لـيـش وين انتِ ؟؟؟

_ سالفه طويله راح ادزلچ لوكشن وتعالن .

_ تمام هسه اروح الامطار اجيب ام شعر اندومي واجيب آلين واجيچ .

_ ألحظه الحظه اجت ام شعر اندومي شـو لا گالت راح اجي الحقيره .

_ هوه شلون اصراحچ على اساس تريد تسويها لچ مفاجأة واني خربتها وهسه لو تعرف تموتني .

_ هههههههههههههههههههههه .

_ الله عليچ لا تگليلها مـن تجي سوي نفسچ متفاجئ بيها .

_ تمام تمام بس روحي .

سديت اتصال منها گمت باوعت على شقه نظيفه ومتحتاج تنضيف رحت المطبغ اشوف اذا اكو فد شي اسوي البنات الگيت بيها فواكه طلعت موز وبرتقال وفروله نگعتهن بمي ومعقم مال طعام وراحت ابحوش بــ كاونتر بلكي لگه هذاا جماد جايب حلويات ومن گد ما كيوت لگيته تارس احد خزاين كاونتر حلويات اشكال وانواع طلعت منهن رتبتهن وراحت غسلت فواكه وقطعتها وجهزت مشروبات بارده رتبتهن على ميز مرن ساعتين وندگ جرس هرولة بفرح فتحت الباب واول شخص صار گدام " دانيا " ملقبه بشعرات اندومي الان شعرها كيرلي حضنتها بفرح طايره بيها

ريا : يمااااا حبيبي لچ مشتاقتلچ موتتتت موتتتتت .

دانيا : يروحي شگد مشتاقتلچ .

صابرين : لچن نيه تعوفن هاي مشاعر خر*** وتركنا ندخل .

دانيا : غيوره .

ريا : تعالي حبيبي تعالي ندخل هاي غيوره .

عفنه صابرين على باب ودخلنه گعدنه حاضنات بعض وصابرين تباوع معجبها

دانيا : عيونچ راح طگينه بعين اني وبت خالتي .

صابرين بغيره : بسيطة ريا عودك خلي بت خالتچ تفيدچ ترى شكم يـوم وتسافر وتخليچ وساعتها محد يبقالچ غيرنه اني وآلين .

ريا : دندن صدگ تسافرين وتركيتي ؟؟

دانيا : لا حبيبتي معليچ بهاي غيوره راح ابقى عندچ عايشه طول عمر محد يفرقنه غير موت موت موت موت موتتتتتت .

صابرين : لـيـش عتي كلمة موت خمس مرات وجريتي اخير جر ؟؟

ريا : رجعت شعراتها كيرلي لورا بغرور وأردفت .

دانيا : دا ادرس تمثيل حبيبي وهاي احد بروڤات دراما فـ حبيت اجربها بيچن .

صابرين ، ريا : هههههههههههههههههه متبطلين سوالفچ .

ريا : صدگ صابرين مـن فرحه نسيت اسئلچ لعد وين آلين مو گتيلي راح اجيبها واجي .

صابرين : تصلت عليها هواي بس ما جاوبت ومن راحت البيتها حته اشوفها لـيـش ما جاوب الحرس ما خلوني ادخل گتلهم يابه اريد آنسه آلين بدون ما يجاوبوني طردوني .

ريا : عزاااا خاف صاير وياها شي .

دانيا : بنات اني خفت عليها خاف مريضه او بيها شي .

صابرين : والله ما اعرف هذاا الـي صار وياي مـن راحت اجيبها .

ريا : اتصل بــ كَساد اسئله عنها .

صابرين : لا عوفيها خاف هيَّ ما تريد تحچي وي احد وهيچ راح شغلين باله عليها خليها اذا هاي ننتظر باچر اذا ما جاوبت نروح لها ثلاثتنه .

ريا ، دانيا : تمام .

صابرين : وهسه اي ست ريا حچيلنه شسوين هنا وهاي شقه لمن ؟؟

ريا : شقة كَساد .

فزيت مـن گمزن ثنينهن مخلايات وجهن بوجهي وابتسامة خبث مرسومه على وجهن

دانيا : اوووي شگد رومنسي .

صابرين : شهالتطورات عيوني شقه وكذا .

ريا : وجع شبيچن مو نفس تفكيرچن وسخ مو الـي بالچن .

صابرين بستهزاء :لا تكلينا حبيتو تشوفون فلم سوه وتاكلون بوشار وبشقته هوه بذات وحدكم .

ريا : مو هـيـچ موضوع بنات اصلاً اني شقه مأجرتها مـن كَساد صابرين اني گتلچ اريد اطلع مـن هذاك البيت مـن زمان وصار وقت هسه وطلعت اجيت اروح الفندق بين ما اطلب مـن وائل يشوف الـي بيت بس كَساد ما قبل وگال اگعدي بــ شقه مالتي واذا تردين حته يجار ادفعي الـي واني قبلت بين ما اخلي وائل يشوف الـي بيت واطلع مـن شقه .

دانيا بحزن : ريا اني سمعت بــ الـي صار وزعلت هواي والله مـن گالت ماما ولو شما سوين ما الومچ الان حقچ بكلشي تسوينه .

ريا : اوووف بنات كافي شبيكم خلونه نتونس ونمحي الطاقه السلبيه .

دانيا بحماس : اي شـنـو ريئيكم بنات نروح النادي رقص وشرب وحبشكلات .

ريا : انتِ بذات ابدد لا تفكرين بشي ريحلنا راسچ مـن التفكير .

صابرين : ههههههههههههههه .

دانيا بزعل : والله مو صوچن صوچي اني الـي افكر الچن .

ضحكنه عليها هالبنيه ما تتغير ابدد مهوسه بــ نوادي اليليه ورقص ومرات زاغل وتشرب بس مرات يعني مو دائماً بقينه نضحك ونسوالف فتره طويله وگالت صابرين

صابرين : يله بنات اني اروح تأخر وقت هواي هسه ماما مشغول بالها عليَّ .

ريا : لا عفيه خابريها وگليلها راح تباتبن عندي خلينا متونسين .

دانيا : اي والله مشتاقه گعداتنه مال زمان خلينا گاعدين .

صابرين : تمام راح اخابر وائل .

خابرت وائل وگالت له وائل اذا يعرفها وياي ميحچي شي يبقى ساكت وبسرعة يوافق

ريا : بنات احس هاي گعده ناقصه بدون آلين .

إعلان

دانيا : والله اني هواي مشتاقتلها .

ريا : خلي اگوم انطيچن ملابس تبدلن ملابسچن حته ترتاحن اكثر .

راحت الغرفه طلعت لهن ملابس انطيتهن يا بدلن واچن بقينه گعده كلها ضحك وسوالف منا لمن صارت ساعة 3 فجر دانيا گامت تتثاوب بس تقاوم ما تريد تگوم تنام .

ريا : دندون اذا نعسانه روحي نامي بــ غرفه اصلاً انتِ تعبانه مـن سفر .

دانيا : راح انام وانتو هم گومن نامن حته ما تحچن شي واني ما موجوده .

صابرين : هههههههههههههههه مو صاحيه .

ريا : گومي عمي گومي خلي نام لا تتخبل علينا هاي بنص اليل .

دخلنا الغرفه ثلاثتنه دانيا بدون تفاهم شمرت نفسها على سرير ونامت چفي على وجهه بقينه اني صابرين صافنات عليها مخبله والله هاي بنيه طلبت مـن صابرين تنام يمها على سرير واني انام على ارض دورت بــ شقه على فراش وبعد معنات لگيت فرشته ونمت عليَّ مشكلة اني منعسانه وهذني عافني ونامن گمت بملل اسويلي كوب حليب بلگي انعس وانام فتحت اضوية مطبخ طلعت لحليب مـن ثلاجه خليته بــ قوري گزاز وخليته على نار هادئ باوعت على ساعة بــ 3:30 واني بعدني ما نايمه فار لحليب گمت طفيته

سمعت خرخشت مفاتيح نبض گلبي بخوف اخذت طاوه مـن كاونتر بهدوء واني گلبي يدگ ستالاف دگه بــ ثانيه مـن رعب طلعت مـن مطبخ اتخنس بهدوء والطاوه بيدي عودك سلاح حمايه الصاله ضلمه يضرب عليها اضوية المطبخ شفت جسم شخص ضخم يسد بــ باب بهدوء حته ما يطلع صوت الابس مـن فوگ الجوه اسود بسود وجذبني يديه الـي لابس بيهن قفازات جلد بلون اسود فاحم وشفقه سوده داير وجهه الباب تقرابت بخطوات بطيئة اتخنس رفعت طاوه اريد اضربه على راسه مـن وره بس سرعان ما بحركة سريعه دار وجهه وبحركه مراوغه لزم يدي جحضت عيوني بصدمه مـن صار ضوه على وجهه....

" آلين "

تقرابت منه حركت أصابعي بطىء على وجهه ابتسمت واني اشوفه شلون ذايب فجاة فزينه ثنينه على صوت دگت باب بقوة وصوت لوسيفر يعيط بعلو صوته معصب

لوسيفر : آلين افتحييي الباب بسرعة لا اكسررررررره .

مـن خوف رجليه صارت تطگ وحده بوحده والخوف ترس گلبي اطرفي ترجف احس بــ أحمد يحچي وياي بس ما اسمع شي احس فصلت عن عالم

أحمد : آلين ركزي وياي لچ آلين .

آلين : ها ها .

أحمد بهمس : ركزي حبيبتي تمام روحي افتحي الباب وسوي موضوع طبيعي خوش .

آلين : وانتَ أحمد وين تروح وين ضم نفسك .

أحمد : خرب اني هاي سوالف تضمضم ما احبه ولا اريده خلينا نگلهم والي يريد يصير يصير .

آلين بترجي : لا أحمد فدوه مو هسه نگلهم روح ضم نفسك بــ حمام حباب .

لوسيفر : لچجججج آلين افتحيييي الباب .

أحمد : بــ حمام !!!

آلين : أحمد تخيلك مو وقتك هسه روح بسرعة مـن تشوفه راح يكسر الباب .

أحمد : هاي الخاطرچ بس آلين بس الخاطرچ .

هرول بسرعة الحمام باوعت بــ مرايه الوجهي عيوني متفخه مـن بچي وجهي كله احمر ومورم مـن كثر بچي مسحت وجهي احاول أهدي نفسي وراحت بــ تجاه الباب اخذت شهيق وزفير وفتحت الباب واگف وجهه ذبلان وشعره مخربط حاوط وجهي بكفوف يديه متوتر ويسئل بحذر

لوسيفر : لولو حبيبتي انتِ زينه .

آلين : ها .

لوسيفر : انتِ انتِ زينه .

آلين بستغراب : لـيـش شبيه ؟؟

لوسيفر : اڤين گالت متخربطه .

الله ياخذچ يا اڤين حقيره سوده عليَّ شمسويه بيَ يلهث بتعب والخوف مستوطن ملامح وجهه

آلين : مابيه شي حبيبي تكذب عليك .

جحض عيونه بوسع حسيت عيونه راح تطلع مـن مكانها مـن غضب والصدمه دفع يديه الـي محاوطه وجهه وهرول بخطوات سريعه ركضت ورا بسرعة لزمته مـن كتفه احچي بهدوء

آلين : لوسيفر وين رايح ؟؟

لوسيفر : رايح اعلم هاي بربوگ شلون تچذب عليَّ مرت ثانيه بت***

آلين بترجي : لا لوسيفر الخاطري حباب تعالي نحچي عوفها خلي تولي .

لوسيفر بغضب : ولچ موتتني لاگتني باب البيت وجهه يتلاطم تصيح اختكم تخربطت وراح تموت وانتو ما تدرون .

الين : الخاطري لوسيفر الخاطري حبيبي عوفها خلي تولي .

لوسيفر : وحق أمير مؤمنين اذا ما سودنتها ما اطلع ابن الأسلم لعار مخلف وحده عار نفسه .

آلين : تمام تمام بس تعال عوفهم .

سحبته گوه اجرجر بيَ الغرفه بس ما اخذته الغرفتي اخذته الغرفته احنه بيتنه ثلاث طوابق الطابق الثالث فقط لنا اني ولوسيفر وگساد محد يگدر يصعد بس اذا لوسيفر او كَساد طالعين يصعدون بس اذا همَ هنا محد يجرئ يصعد الان يعرفون لا كَساد ولا لوسيفر يقبلون احد يصعد الطابق الثالث دخلته غرفته وسديت الباب گعدت على سرير وهوه يفتر فوگ راسي تگول مره حامل بشهرها وجايها طلوگ .

آلين بجزع : لك لوسيفر كافي شبيك تگول حامل تفتر فوگ راسي دوختني .

الوسيفر : ههههههههههههههههههههههه خرب لـ يسچ ضحكتيني .

دزيتله بوسه بــ الهوى فرحانه لان انفكت عقدت حاجبه وضحك

آلين : فدوه اروح مـن بجامة البدي لهالضحكة .

لوسيفر : هههههههه مين متعلمه هاي .

ريا : مـن ام شعرات اندومي .

لوسيفر : مهم تنامين يمي لو تروحين الان اريد انام تعبان مـن وره هاي بربوگ .

آلين : لوسيفررررررر لا تفشر شبيك تبقى اختك هم .

لوسيفر : ط**** مو اختي .. هسه تنامين لو تروحين ؟؟

آلين : اروح مو نعسانه نام انتَ .

لوسيفر : ولي صاح لچ تنامين بغرفتي انتِ .

آلين : دباع الـي يسمعه يگول غرفته جناح ملكي ولا تگول عباره عن حلبت مصارعه .

عفته يهز بيده معاجبه ورحت بسرعة اهرول الغرفه دخلت وقفلت الباب فتحت باب الحمام صرخت بفزعه وطبگت الباب بسرعة مـن منظر أحمد لاف جسمه بــ منشفه ومبين سابح صدره الـي متروس وشوم طالع والمنشفه لافها على خصره تگول گاعد بغرفته ماخذ راحته على اخير وجهي اشتعل نارر وجسمي صار مي مـن خجل

أحمد : شبي خجلان الحلو .

درت وجهي اشوفه عبالي لابس بس طلع بس بطرگ منشفه غمضت عيوني بسرعة ودرت وجهي منطيته ظهري

آلين بخجل : احم .. أحمد لبس شبيك .

حسيت بيدي الـي تحاوط خصري بتملك مقرب طابع جسمه بجسمي وجهي نارر مـن خجل احس جسمي وجهي صخنن مـن خجل وهوه ولا مهتم تقرب قريب اذاني يهمس بخفوت بخبث

أحمد : لـيـش حته البس ؟؟

_ أحمد شـنـو لـيـش عيب ابني عيب ميصير وبعدين بله شخص دخل الغرفه وشافنه بهالمنظر شـنـو يفكر .

_ لـيـش حته اخجل ترى راح تشوفين هذا منظر هواي بــ ايام جايه .

آلين بخجل : أحمددددددددد .

_ هههههههههههههههههه .

_ حباب روح لبس .

_ تمام رايح وجهچ راح يطگ مـن حمرار هههههههه .

تركني وراح يضحك ابتسمت على خباله تگول عايش بغرفته افندي ماخذ راحته طلع لابس ملابسه نفسهن وگفت مقابيله اعدل بياخت القميص مبتسمه

_ اي هسه صرت خوش ولد .

_ چا شـنـو چنت مو خوش ولد .

_ لا خوش ولد بس ما تستحي وبعدين انتَ شلون تسبح .

_ لـيـش تردينه يكتلني وصخ ؟

_ هههههههه مو هـيـچ اقصد بس يعني شلون تسبح بــ حمام مالتي يمكن يدخل احد بدون ما تعرف والغرفه مچانت مقفوله .

_ انتظرتچ هواي وانتِ ماكو گلت اضيع وقت اروح اسبح .

_ جعص خدودي مگزگز راص على اسنانه

_ واك انتَ شـنـو هاي خدود ؟ شـنـو هاي ضحكه تشگ اكبر***

اختفت ضحكتي مـن نطق اخر كلمه ضربته على صدره مغندبه

_ مستحيل تگدر بدون افشار عيب ابني عيب .

_ عادي ماما عادي .

_ اووووف .

_ اي صدگ ما گتيلي لـيـش لوسيفر چان يدگ بــ الباب مثل الثور الهايج .

_ لا تغلط على اخوي ما اسمح لك ترى .

_ داحچي احچي لا افشري افشاره اخليچ بعد ما تشوفيني وجهچ .

_ وليش ما اشوفك وجهي ؟؟

_ مـن خجل خيوط گلبي .

_ اي مهم اسمع هاي اڤين متلگيه لوسيفر مـن جاي بره باب البيت تصيح على اختكم اتخربط وانتو ما تدرون فـ هوه خايف عليَّ عباله صدگ متخربطه .

_ايا*****

_ ياااااااااااااا ولك لا تفشر شبيك عيب .

_ نچبي خيوط گلبي نچبي .

_ اشكرك على حتراماتك زايده الـي .

_ ولو اقل واجب حبيبتي .

_ تمام هسه روح لا يجي احد ويشوفك لو اڤين تسويلنا سالفه .

_ رايح بس قبل لا اروح ترى بنهاية أسبوع اسافر العراق .

_ لـيـش ؟ وشسوي ؟

_ اشوف اهلي وامي خابرتني مريضه واريد اروح اشوفهم راح يصير اربع سنوات مشايفهم .

عيوني دمعت مجرد فكرت يبتعد عني ترعبني الفكرة اكيد اهله هم لهم حق بي بس شسوي الگلبي الـي ما يرضه يعيش بدونه ولا الحظه ولا يرضه يشاركه وي اي احد ...

تقرابت حضنته بدون ما انطق بحرف حاوطني مـن خصرني رافعني بين يدي صرت بمستوه طوله طبعت بوسه على جبينه مبتسمه ودمعه بعيني

_ تروح وترجع بــ السلام حبيبي .

_ تروحين وياي ؟؟

_ أتمنى والله بس تعرف وضع .

_ تروحين وياي واعرفچ على اهلي متأكد راح تحبيهم وبــ اخص امي البارحه مـن سوالفت لها عليچ طارت مـن فرح وگالت تريد تشوفچ .

_ فدوه لها ولـ أبنها .

_ اروحلچ فدوه حبيبتي ممنوع دموع متفقين .

_ ما اوعدك بس احاول .

_ يله يروحي خلي اروح ودير بالچ على نفسچ واحاول قبل لا أروح اشوفچ .

_ تؤ مو تحاول اكيد اشوفك واني اوصلك المطار .

_ بس حبيبتي اخوانچ راح يوصلوني .

_ معليه هاي تبقى انتَ دبرها بس مهم اني الـي اوصلك المطار .

_ الله كريم يروحي اني اتصرف هسه خلي اروح .

طبع بوسه على كفوف يديه لزمت يده مانعته يروح ميلت رأسي بحركة طفوليه عيوني مغورگة بــ دموع

_ ابقى يمي لتروح .

_ اني لو بيدي ما اعوضچ ولا ثاني اقفل عليچ بحضني وما تركچ تبتعدين عني ولا الحظة .

_ أحبك حموداتي .

_ اعشقچ خيوط گلبي .

تركني وطفر مـن شباك مالتي بقيت اباوع عليَّ منا لمن اختفه اثر جسمه مـن انظاري مسحت دموعي لنزلت بدون لا احس عليهن وابتعد عن شباك گعدت على سرير دگ مبايلي شفتها صابرين ما جاوبت احس روحي طفت مـن سمعت بي راح يسافر العراق ما اعرف اذا اني ابالغ او شعور الخوف الـي بداخلي له سبب احس روحي طافيه والخوف انزرع بگلبي مثل نبته خايفه عليَّ خاف ما يرجع بس أحمد مستحيل يتركني بس بگد شعور الأمان الكان مستوطن گلبي تبدل وصار شعور الخوف لـ متملك گلبي

تسارعت دگات گلبي بخوف خليت راسي على مخده اغفي بس مقاومه ما اريد انام ستوني غمضت عيوني داخله بعالم السبات وفزيت على بوسات تنطبع على شفتي بخفه عطره ترس ريتي غمضت عيوني مبتسمه كُل تفكيري هذاا حلم ما اريد افتح عيوني ويروح اريد هذاا الشعور شعور الامان

أحمد بهمس : خيوط گلبي .

آلين ببتسامة : حموداتي .

_ يروحه فتحي عيونچ يروحي .

_ خاف حلم وتروح .

_ مو حلم حبيبتي فتحي عيونچ .

فتحت عيوني بطئ شفت خياله توسعت إبتسامتي مـن طلع مو حلم حقيقه هوه يمي بس شلون هوه هسه راح شوكت رجع .

_ أحمد .

_ ها يبعد روح أحمد .

_ انتَ مو هسه راحت شوكت رجعت .

_ گلبي علمني خيوط گلبي زعلانه وخايفه وما هان عليَّ اروح وعوفها .

نزلت دموعي ما اعرف سبب هاي دموع شـنـو بس احس بشعور بشع بشع له درجه همست بخفوت وغصة

_ خايفه .

_ مـن شـنـو يروح أحمد لـيـش هاي دموع ؟؟ ها لـيـش كُل هذاا بچي ؟؟

_ ما اعرف .

_ اشششش حبيبتي ابوس كُل دمعه مـن عيونچ الحلوه .

_ أحمد احس بشعور محلو ابدد شعور بشع مخيف .

_ شـنـو الـي يخليچ هـيـچ تحسين ؟؟

_ ما ادري .

_ اذا على سفرتي العراق فـ اني ما اتأخر كلها سبوع وراجع الچ .

_ ما ادري .

_ آلين .

_ ها .

_ شـبـيـچ يروحي ترديني اروح واني بالي يمچ .

_ لا روح مابيه شي .

_ شـو يله شوفيني ضحكتچ حته اروح واني مطمئن عليچ .

ابتسمت مجامله باسني براسي وصاني على نفسي وراح رجع طفر مـن شباك احس مثل جبل على صدري ما اعرف شهالشعور هذاا ولا اعرف سببه وسبحان الله عرفت مـن هذاا اليوم انو ماكو شعور يجي مـن عدم او فراغ لازم اكو شي وياريت أحمد ما سافر بهذاك اليوم ولا صار الـي صار وايقنت ان كُل شعور يجي الانسان له سبب وشعوري المخيف كان له سبب بس ما چنت اعرف هذاا سبب شـنـو وبــ تالي عرفته وياريت ياريت ما عرفته .....

" صابرين "

اتصل عليَّ كهرمان بــ اليل گال راح يجي يحچي وي وائل وماما عن علاقتنا اني بكل مره ارفض بس هالمرة هوه ما انطاني مجال ارفض بس گال راح اجي احچي وي اهلچ عن علاقتنا وسد مبايل شگد اتصلت بي بس ما جاوب توتر والقلق يقره الف افتر بــ الغرفه واكل بــ اظافري خايفه مـن ردت فعل وائل اخذت مبايل وطلعت الصاله ماما وائل گاعدين يتابعون فلم گعدت يمهم اهز برجلي بتوتر واكل بظافري فزيت على عيطت وائل

وائل : لچ بابا كافيييييييي شـبـيـچ تهزين برجلچ وترتينيييييي .

صابرين : اسفه ممنتبها .

وائل بستغراب : شـبـيـچ انتِ شـو وجهچ اصفر وتاكلين بــ اظافرچ وتهزين بــ رجلچ احچي مـن اخير شـبـيـچ .

صابرين بتوتر : شبيك ماكو شي .

ماما صافنه علينا وائل ينظلي بنظرات شك زاد توتري مـن ندگ جرس الباب گام وائل يريد يفتح الباب وگمزت مـن مكاني احچي بنبره سريعه متوجها على باب

صابرين : اني اني افتح الباب .

اسمعه يصيح وراي بصوت عالي

وائل : شـبـيـچ اليوممممم متخبله علينااااااا ؟؟

جاهلته وفتحت الباب ومثل ما توقعت صار گدامي بطوله الراهي وهيبته لابس بلوز اسود وبنطرون اسود وكوت طويل جوزي فهيت على جماله واناقته بس سرعان ما داركت نفسي وأودفت بنبره سريعه قبل لا يجي وائل

صابرين بهمس : كهرمان اترجاك روح مو وقتها هسه بس خلي نتفاهم على موضوع رجاءً .

كهرمان : متفاهين حبيبي متفاهمين وخري اريد احچي وي اخوچ واخلص مـن هالسالفه .

لزمت يده اتوسل بي ما يعلي صوته ويروح

صابرين : كهرمان بداعتي اذا عندي يمك معزه تروح منا .

كهرمان بستهزاء : هالدرجه ما ترديني ؟؟

صابرين بصدمه : لا لا لا لا والله أحبك واريدك بس خايفه افهمني .

كهرمان بغضب : لـيـش خايفه ولچ ؟؟ من شـنـو خايفه لا تخبليني .

وائل : جاي يصير هنا .

غمضت عيوني خلص هاي هيَّ نفضح كلشي حسيت بدين وائل تحاوط كتفي تبعدني عن الباب صار بمكاني گدام الباب يباوع على كهرمان بستفهام قدم يده كهرمان بمصافحه وأردف بهدوء

كهرمان : السلام عليكم .

وائل بستغراب : وعليكم السلام بس بلا زغره ما عرفتك .

كهرمان ببتسامة : حقك وياك كهرمان .

وائل : كهرمان !! كهرمان بس حاف .

صابرين : حك طرف حاجبه كهرمان وابتسامة مزينه ثغره أردف مغير الموضوع .

كهرمان : محتاجك بــ موضوع .

وائل : اتفضل ادخل .

صابرين : تعدوني ثنينهم داخلين الجوه حسيتهم مثل ثلج والنار وائل مثل نار بس يحاول يتظاهر بــ البرود وكهرمان مثل ثلج مو مهتم شي دخلو الصالة يم ماما گعدو راحت اجيب مي واني جسمي كله يرجف رجف اخذت مي ودخلت الصالة قدمت لهم مي وگعدت بصف ماما اطگطگ بصابعي بتوتر

كهرمان : اني جاي وكلني شرف اطلب يد محروسة بتكم الزواج على سنة الله ورسوله .

صابرين : انصدمت لا بل انصعقت مـن كلامه حنه ما جنه متفقين هـيـچ ومن اصل ماكو اتفاق بينه هوه الـي قرر مـن وحده يجي ويحجي وي ماما وائل على علاقتنه بس مو يخطبني .

وائل : صابرين هذاا جاي يحجي ؟؟؟

صابرين : بلعت ريقي بتوتر درت نظراتي على وائل الـي موجهه سؤال عليَّ خازرني بغضب بلعت العافيه دنگت راسي بدون جواب ساكته .

كهرمان : خلي كلامك وياي هيَّ ما دخلها .

صابرين : شهگت كاتمه انفاسي بخرعه مـن وائل گام بغضب عت كهرمان مـن ياخت الكوت يعيط بعلو صوته .

وائل : لككككككككك انتَ منووووو وتدخل بيني وبيننننننن اختييييييي منووووو .

صابرين : جمدت بمكاني مـن رعب مـن شفت كهرمان عت يد وائل بعدها عن ملابسه عدل ملابسه مبتسم بغضب

كهرمان : راح اعبرلك هاي حركتك بمزاجي هالمره بس المرت ثانيه ما اضمن لك شرح يصير بيك .

وائل بستهزاء : وشرح تسوي خاف دغدغني .

كهرمان : ممكن بس دغدغة عن دغدغة تختلف دير بالك مـن ممكن دغدغتي دخلك مستشفى او ممكن دخلك قبر .

وائل : اطلععععععع بررررررره اطلععععععععع .

كهرمان : اني هسه راح اروح بس اذا سمعت او وصلني خبر لامس ولو شعره مـن راسها وروح غاليتي له ادفنك وانتَ عايش .

صابرين : عيوني مغورگه بــ دموع ما اعرف اذا دموع فرح على دفاع كهرمان الـي او دموع توتر وقلق وخوف احس اصابعي اتكسرت مـن كثر ما اطگطگ بيهن واضغط عليهن بقوه وهاي عادتي اذا اتوتر او اخاف اصابعي تصير ضحيت توتر وخوفي ، عيوني معلگه على كهرمان قبل لا يطلع صدمنه من حركته وگف مبتسم بستفزاز ثبت نظراته برود على وائل اشر عليَّ وخله اصبعه ابهام على رقبته وسوه حركت ذبح

( بمعنى اذا تلمسها أذبحك ) هيج فسرتها اني جحض عيونه وائل بعصبيه وعاط بعلو صوته رج مكان الدرجه حسيت احباله صوتي تگطعت مـن عياطه وكهرمان طلع مـن البيت برود مو مهتم العياط وائل وعصبيته .

وائل : لككككككككككك ابن***** لـ ****** ابن****** اذا رجلكككك تعتبببببب بابببببب هذا البيتتتتتتت اموتكككككككككك لـ *****

صابرين : سديت اذاني مـن كمية الفشار الـي استحي حته احچي وي نفسي وهاي اول مره اسمع وائل هـيـچ يفشر گدامي وگدام ماما درت وجهي على صوت ونين ماما عيونها تهطل بــ دموع وتون تريد تحچي ما تگدر روحي فرفحت عليها واني اشوفها شلون تحاول تحچي بس ما تگدر وائل ضرب باب البيت وطلع معصب ناررر خليت راسي بحضن ماما دموعي تنزل منا قهري واني اشوفها بهاي حاله ومن جهه وائل ومن جهه ثاني كهرمان چنت متوقعه ردت فعل وائل عنيفه لهذاا سبب ابد ما استغرابت مـن ردت فعله الان چنت متوقعتها وحته چنت متوقعه ردت فعل اكثر مـن هاي بس الـحـمـدالله اكتفه بــ ردت فعل بدون اضرار .

يد ماما تمسح على شعري بحنيه بست باطن يدها عدلت گعدتي مبتسمه ما اريد اقلقها مسحت دموعها أهديها

صابرين : لـيـش بجي حبيبتي ماكو شي لا شغلين بالچ كلشي راح يتصلح .

نزلت دموعها اكثر تأشر على باب عرفت قصدها خايفه على وائل الان طلع معصب مسحت دموعها الـي رجعت نزلت احاول احچي وياها بهدوء

صابرين : لـيـش بچي يروحي لـيـش ؟؟ لا تخافين هسه يرجع كلشي مابيه هسه يرجع مثل الحصان ما صاير بي شي خلي اجيبج علاجج اخذي ونامي ولا تفكرين بشي .

گمت جبت علاجها وكاست مي اخذت علاجها وساعدتها تروح الغرفتها غطيتها وطفيت اضويه وطلعت گعدت بــ الصالة انتظر وائل مرت ساعات وائل ماكو صارت ساعة 1:33 بليل واني گلبي نارر خفت عليَّ وبالي يمه دگ مبايلي ودگ گلبي وياه مـن شفت متصل بلعت ريقي وفتحت خط بدن ما احچي

وائل : حبيب الگلب ثواني ويصير بعداد موته

يروح اخوچ ....

يتبع ......

روح روحييي اعتذر على تأخير حبيبيني واعرف البارت مابي احداث هواي بس نشالله مـن البارت العاشر راح تبدي الحداث الناررر والشراررررر

علقو بين فقرات شگد متگدرون حبيبيني 🥹♥️

تصويت البارت ومتابعة الحساب حته يكبر واهسي وابقى وكمل كتابة وما اتأخر عليكم

متابعة حساب انستا + وقناة تلگرام + حساب واتباد

رئيكم بــ البارت قلبييي 🙈♥️


━━━━━━━━━━━━━━━━━━━━━━━━━━

🌸 هل أعجبتك أحداث القصة؟

💡 لمعرفة تفاصيل هذه الرواية ومتابعة بقية فصولها كاملة وبشكل مسبق وبدون إعلانات:

🔗 تابع القراءة عبر موقعنا الرسمي من هنا: https://kimostories.site/novel/492/وجوها-تخفيها-الثراء

نتشرف بوجودكم دائماً في عائلة كيمو ستوريز! 🌸

━━━━━━━━━━━━━━━━━━━━━━━━━━

2026/11/17 · 0 مشاهدة · 5830 كلمة
yare.yare
إعلان
نادي الروايات - 2026