_________________________كَساد

﷽

كاتبة_ميرال_علي

بقلمي رواية : وجوهاً تخفيها الثراء

الطفاً لتنسون التصويت والتعليق ومتابعة حساب واتباد

اريد اصفن بوجهك صفنت الميتين .❤️

" آلين "

گاعده على سرير والف فكره وفكره براسي نفضت كل افكار من راسي ونزلت جوه ميته جوع احس حته دايخه اضويه طافيه الكُل نايم البيت سنطه ماكو ولا صوت دخلت المطبخ شغلت اضويه فتحت ثلاجة شفت اكو لزانيا زايده مـن عشى خليتها بــ مايكرويف دقائق وطلعتها اخذتها وگعدت على ميز طعام اكلت شويه واحس نفسي شبعت غسلت صحن ورجعته مكانه سويت قهوه حته اصحصح وصعدت غرفتي راحت عيوني الساعة 2:30 بقى بس نص ساعة واني لحد هسه ما ماخذه قرار نهائي سحبت مرجوحه الـي بنص غرفه يم شباك گعدت صافنه محتاره مشاعري مخربطة گلبي يريد شي وعقلي يريد شي .

صافنه على حديقه غمضت عيوني مستمتعه بــ جو والبروده الـي تلامس بشرتي اجت صورته گدام عيوني فتحت عيوني فازه وبنفس وقت حسمت قراري نهائي بدلت ملابسي لدلع بفستان زهري مستور وصرت بنيه مؤدبة بس آداب نص ستاو الان فستان يوصل ركبت رجلي بس أهم شي ستر راحت وگفت گدام مرايه اشوف نفسي .

آلين : لچ عيني فدوه شهل جمال ليالي ابوس ابوس جمال .

رفعت اصبعي سبايه بتهديد الحظة حسيت نفسي مخبله او داخل بيَ جني واني مـن كُل عقلي واگفه گدام مرايه واهدد نفسي

آلين : ليالي صيري حبابه وبلا فسوق وسوالف ادبسزيه اوكي حبيبتي اعرفچ مؤدبة وخلوقه انتِ عفيه ممنوع سوالف منحرفه وفسوق ابدد ابدد .

بعد ما كملت تهديد نفسي ورزايل عدلت شعري خليت عطر لبست بوت ابيض نزلت جوه اتخنس بخطوات بطيئة ميته توتر خوف قلق غمضت عيوني أهدي نفسي وطلعت مـن باب خلفي يصير مقابيل حديقه وگفت يم شجرة الـي دائماً ريا تگعد يمها ومثل متگول كاتمت اسراري .

آلين : بـاعـي حبيبتي لـ شجور اريد منچ مثل ما تكتمين اسرار ريا تكتمين سري خطير هذاا والي راح يصير گدامچ .

ثواني معدوده وحسيت بيدين تحاوط خصري تسارعت دگات گلبي انفاسه على رقبتي عطره الـي مخلوط وي ريحة جگاير مله ريتي غمضت عيوني ابلع ريگي بتوتر همس قريب اذاني بخفوت

أحمد : أميرتي .

آلين : امممم .

دارني له صرنه وجه بوجهه انفاسي تعالت توترت مـن قربنا

آلين : ش شـنـو ؟

أحمد : شـنـو قررتي ؟

فتحت عيوني ثبتث عيوني بعيونه اخذت نفس بعمق وأردفت واني كلي يقين بقراري

آلين : موافقيه ابقى وياك اخر نفسي بيَ موافقه اعيش وياك اجمل الحظات عمري .

حضني بقوه رافعني عن ارض يفرني كممت فمي اضحك فرحانه احس دنيا مو سايعتني مـن فرحه نزلني ساند جبينه على جبيني طبع بوسه على انفي بخفه وأردف بنبرة صوت ملهوف فرحان .

أحمد : احبچ أميرتي آليني اموت عليچ احس الدنيا هسه ضحكتلي مـن فرح اريد اخذچ واشرد بيچ بعيد عن هذاا العالم اريد نعيش سوه اخر يـوم بعمرنه نجيب اطفال نربيهم سوه نهتم بيهم نحبهم واوعدچ اخر نفس بيَ ما راح ازعلچ وراح اشتغل اليل ونهار بس حته اوفر الچ حيات الـي انتِ تتمنينها وما اقصر عليچ بشي .

دموعي تنزل اريد اتوقف حته اجاوبه بس ما اگدر كلامه حنيته نبرة صوته تجبر دموعي تنزل بس لا لا هالمره دموع فرح

_ أحبك أحمد حبيبي انتَ مهم عندي انتَ موجود يمي ما يهمني اي شي ثاني .

_ يفداچ أحمد يفداچ .

_ بس .

_ بس شـنـو ؟؟

_ احمد اهل...

_اششش لا تكملين ادري ادري بس اوعدچ راح اسوي كلشي بس حته نكون اني وياچ سوه .

_ بابا مستحيل يقبل أحمد انتَ ما تعرفه مستحيل راح يقبل هاي علاقه مستحيل .

غطيت وجهي بكفوف يديه ابچي بصوت عالي خايفه هوه ما جاي يفهم خوفي ميعرف بابا بابا مستعد يقتله بدون ما يرفله جفن ولا يهتم حضني الصدره يمسح على شعري ويبوس بفروة راسي

_ اشش اشش اهدي يروحي ما راح يصير شي لـيـش كُل هذاا خوف حبيبي لـيـش ؟؟

آلين بكاءه : خايفه أحمد خايفه .

_ يروح أحمد هاي اني يمچ ما يصير شي لا تخافين حبيبتي .

_ انتَ ما جاي تفهمني لكككك بابا يقتلك يقتلك افهممممم .

_ آلين شـو باوعلي آلين دا احچي وياچ رفعي راسچ وباوعلي .

مدنگة راسي وبس صوت بچي ينسمع يرفع براسي واني مصره ما اباوع عليَّ گلبي يوجعني احس راح يصير شي روحي جاي تحترگ مـن قهرر خايفه هوه ما مهتم يضحك ويشاقه واني روحي مفرفحه حاوط وجهي بين كفوف يدي ورفع راسي بقوه وغصب عني

درت عيوني عنه ما اريد اباوع بوجه واضعف بس چان هوه له رئي اخر بحركة غير متوقعه لتقط شفايفي بقبله خربطت روحي وخارت كُل قواي كتم صوت بكائي بقبله عنيفه تعبر عن اشتياقه حسيت بزه بشفايفي اثر اسنانه الـي نبتهن بقوه بشفايفي

ضربته على صدره احاول ادفعه ابتعد بعد ما اكتفى مـن ذاته واني روحي مفرفحه فوگ قهرر روحي وجع العضه تلمست بطراف اصابعي شفايفي اتحسس مكان اسنانه نابتات بشفتي سفليه باوعت عليَّ بغضب شـو هذاا خرب ضحك يضحك بصوت عالي واني بعدني خازرته ومستغربه سبب ضحكة

أحمد : روح أحمد اميرت گلبي جمارت حياتي افدي هالعيون الـي تخزه دگول بزونه أليفة ابوس اني ابوس .

لازم وجهي ويجعص بيَ غندبت بوجه وهوه يضحك باس عيوني اكثر مـن بوسه فرحان اتنهدت بصوت عالي وحضنته مـن خصره عبر يدي حاضني مـن اكتافي مقربني له

آلين بهمس : خايفه عليك أحمدي .

باس راسي وأردف بنبره حنونه اخذت گلبي مـن جمالها

أحمد : جمارت گلب أحمدچ يمچ لا تخافين الـي كاتبه ربج يصير .

رفعت راسي مـن حضنه اباوع بعيونه الثواني واني أتأمل ملامح وجه الـي الموت ابقى مُغرمة بيهن رغم ناس تشوف ملامح وجه عادي له اني اشوفهن مميزات

أحمد بغمزه : وين صافن الحلو ؟

_ احم .. هـيـچ اروح اني لا احد يحس على غيابي .

شد على حضني اكثر باس راسي وأردف بنبرة حُـب

_ لا لا خليچ يمي .

_ ما اگدر حبيبي .

_ ابدد .

_ ابدد .

_ منا منا .

_ لا منا ولا منا .

_ يمين يسار .

_ هههههههه ماكو .

_ يـمـعـوده تدبيرها .

_ اوووف حمودات لا .

_ يصير ابوس حلگچ الـي يگول اسمي .

_ اووي أحمد شبيك ؟؟

_ شبيه حبيبي ها شبيه .

_ هههههههههههه خليني اروح .

_ اروح فدوات ونذر هالضحكة .

_ حبيبي .

غمض عيونه ابتسم متنهد وأردف بحت صوت غريبه

_ احبچ آلين روحي بيچ صارت خيوط گلبي انتِ اموت عليچ شگد ما چنت واثق بحبچ الـي واثق راح تجين بس اكو خوف بگلبي عمري ما خفت مـن شي بس خفت اي نعم خفت خفت ما تجين خفت تكسريني واني روحي معلگة بيچ وبكل نفس تاخذينه اريدچ الدوم الـي وحدي مـن اشوف اخوانچ يحضنونچ لو يبوسوچ اشتعل بناررر ما تطفى اضل بس اكل بروحي تجيني الحظات اريد اروح واسحبچ مـن حضنهم واگلهم هاي الـي حبيبتي محد له حق يحضنها يبوسها غيري اني بس اخاف عليچ هذاك اليوم مـن بستيني ايام صارت مثل حلم الـي لا ليلي ليل ولا نهاري نهار طول اليوم اضل سرحان ومبتسم الهوى فرحان فرحت مـن بستيني هنا عرفت انچ كنين مشاعر الـي اكو مكان الـي بگلبچ احبچ الموت والاخر نفس بيَ ضلين اميرتي وخيوط گلبي وجمارت حياتي احبچ آلين احبچ .

صافنه بعيونه عيوني مغورگة بــ دموع كلامه اخذ روحي وكل جزء بيَ ما اگدر اوصف جمال الشعور الجتاحني مـن كلامه حسيت نفسي أميره الحظات حسيت هذاا حلم وياريت ياريت يكون حلم وما اصحه منه ابقى العمر كله اسمع هذاا كلام منه ابقى بحضنه اريد اصرخ بصوت عالي واگول ياناس اني مُغرمة واعشقه هذاا رجال واعشق كُل جزء وكل حرف منه

_ أحبك أعشقك أموت بكل تفصيل يخصك صرت روحي انتَ عمرك لا تتخيل بيوم راح اتخله عنك راح ابقى الموت احارب الكُل في سبيل ابقى وياك .

_ اخخخ گلبي هواي على گلبي هذاا كلام هواي .

_ ابوس گلبك حبيبي .

_ أموت بــ جريئ آني أموت .

اختفت ضحكتي بس مجرد اجت فكرة موت على بالي احس روحي طلعت وگلبي نغمت شعور بشع بشع راودني

_ لا لا لا أحمدي لا جيب طاري موت على السانك .

_ صار خيوط گلبي صار .

حضنته بقوه اريد ابقى بهذاا الحضن اريد ابقى بهذاا امان وما اتركة ابتعدت عنه بخطوات بطيئة راجعه الوره اختفت إبتسامته عكسي الـي توسعت إبتسامتي شابكة يديه وره ظهري ميلت راسي بحركة طفوليه مبتسمه

_ صار لازم اروح حمودات .

تقدم ساحبني مـن خصري بقوه ارتدمت بصدره أردف بنبرة غضب

_ ديري بالچ تبتعدين عني هيچ ديري بالچ .

حاوطت وجه بكفوف يدي رخت ملامحه الغاضبه مال براسه باس باطن يدي مغمض عيونه بست خده بخفه فتح عيونه ابتسمت بوجه

_ حموداتي اهدأ محد يبعدني عنك .

_ أحبچ .

_ اموت عليك .

_ وهسه يصير اروح .

_ لو بيدي ماخليچ تعوفيني وتروحين اضمچ بحضني اخر عمري .

_ ترى فدوه .

_ هههههه روحي حبيبتي وديري بالچ على نفسچ .

ملت براسي ورمشت اكثر مـن مره بحركة طفوليه وأردف ببتسامة

_ اوكي حموداتي .

جعص خدودي جعص يضحك راص على اسنانه مگزگز

_ هههههه ولك شـنـو هاي حركات طفوليه شـنـو أموت بــ طفله اني أموت .

_ اووي جعصتني .

_ روحي بسرعة روحي لا الزمچ هنا وبعد محد يخلصچ مني .

_ هههههههههههههه .

دزتيله بوسه بــ الهوى وراحت ادخل البيت رجعت مـن باب خلفي أمشي بخطوات بطيئة دخلين الغرفة شمرت نفسي على سرير والضحكة شاگة حلگي والفرحه غامره گلبي احس عندي جناحات وارفرف مـن فرح والسعادة دعيت ربي يديم هاي فرحه ويديم أحمد الـي وما يصير شي يخرب فرحتنه فزيت مـن افكاري على صوت رساله سحبت مبايلي وتوسعت ابسامتي مـن شفت اسمه منور شاشة مبايل فتحت رساله واني گلبي يخفق بقوه احس گلبي راح يطلع مـن مكانه مـن فرحه ويصرخ بصوت عالي اني أحبة أحبة أحبةةةةةةة

" شتاقيتلچ خيوط گلبي "

عدلت گعدتي رجعت شعري القصير وره اذاني وجاوبته

" مو هسه چنت يمك شوكت لحگت تشتاقلي "

جاوبني بنفس الحظة

" بكل الحظه اشتاق الچ "

" أحبك أحمد اموت عليك ابدد لا تعوفني "

" اكو واحد يعوف خيوط گلبه يبعد گلبي وغراضه "

" ابوس گلبك "

جاوبته بس ما لحگت اشوف جوابه واني ارفع راسي على فتحت الباب اتصنمت بمكاني بلعت ريقي بتوتر وگلبي خفق بخوف حسيت خلص هاي نهايتي ونتهى كلشي مـن قبل لا يبدي أصلاً ....

" صابرين "

فزيت مـن نومتي على صوت مبايل تأفأفت بملل خليت مخده على راسي عسى والعل الـي يتصل يمل ويقطع اتصال تصل اكثر مـن أثلاث مرات واني مغلسه وحته ما اعرف منو متصل مليت واتصال مو راضي يقطع اخذت مبايل مفتحه عين ومغمضه عين عيوني مغوشه مـن اثر انوم فصل اتصال مـن قبل لا اشوف منو فرحت شامره مبايل على جنب ورجعت مغطيه حته راسي بعدني ما گلت بسم الله وفرحت ورجع اتصال شمرت لحاف عني بملل اخذت مبايل فتحت عيوني بصدمة مـن شفت متصل

" كهرمان " بلعت ريقي تحمحمت اعدل صوتي وجاوبت

صابرين : احمحم .. الوو .

كهرمان : يا هلا وميت هلا بــ هالصوت الحلوه .

صابرين ببتسامة : شلونك ؟

_ صرت زين مـن سمعت صوتچ يروحي انتِ شلونچ ؟

_ الـحـمـدالله .

_ وين چنتي اتصل عليچ وماكو عبالي صاير وياچ شي .

_ چنت نايمه .

تغيرت نبرت صوته وأردف بحت صوت تسحل گلب سحل

_ اووف على گلبي اوووف ياريت هالنومة جانت بحضني .

صابرين بخجل : كهرمااااااان .

_ هههههههههههه عيونه يعيوني انتِ عيونه .

_ لا تخجلني .

_ صار حبيبي .

_ اممم .

_ يصير اليوم اذا ما عندچ شي نطلع نتعشه سوه .

_ ما اعرف اشوف وارجع لك خبر .

_ مشتاقلچ هواي حبيبي اريد اشوفچ حاولي طلعين مـن بيت .

_ تمام .

_ أحبچ صابريني .

_ واني هم .

_ وانتِ شـنـو ؟؟

_ احم .. شسمه هذاا اروح احچي وي ماما بلكي تخليني اطلع .

_ روحي حبيبي وگليلي شيصير وياچ .

_ تمام باي .

_ باي يروحي .

سديت إتصال ابتسامة شاگة حلگي گمت فرحانه سبحت وبدلت ملابسي وطلعت الصاله شفت ماما گاعده تابع مسلسل رحت گعدت يمها بست راسها ويدها مسحت على خدي مبتسمه .

_ ماما حبيبتي شلونچ .

دمعت عيوني واني اشوفها شلون تريد تحچي بس ما تگدر گلبي تگطع عليها اي نعم ماما خرسه كلمة صعبه عليَّ اگولها بس للأسف هاي حقيقه ماما مـن قبل سنتين توفه اخوي چبير اذكر هذاا اليوم بحذافيره مستحيل أنسى شي بيَ اخوي مزوج بــ عراق عايش هوه وعائله چان ضابط معروف بنزاهتا وشغله شگد حاول وياه بابا يترك شغله ويعوف العراق ويجي يمنه بس هوه چان دائماً يگله

" اكو واحد يعوف روحه واني العراق مو بس المكان الـي عايش بيَ ولا بس وطني روحي واني وعائلتي وكلشي موجود عندي فداء التراب العراق واذا بيوم مـن ايام متت الخاطر العراق راح هذاا اليوم يكون اسعد يـوم بحياتي "

چان بابا يزعل ويضل يعيط عليَّ ويبقى ايام وأسابيع زعلان بس حته يخلي يجي يعيش ويانه وهوه معاند ما يقبل ماما شگد بچت وتمرضت تخابره مفرفحه وهوه بكل مره يضحك ويجاوبها

" يمه فدوه اروحلچ لـيـش بچي اني فرحان هنا ومرتاح وما اترك لا عراق ولا شغلي اخر نفس بيَ "

ماما تفرفح روحها مـن تسمع كلامه تخاف عليَّ منا لمن اجة اليوم الـي تحقق بيَ خوفها وخوف بابا وخوف الكُل صادفت شتاء والدنيا عدنه هنا عكس عراق ذب ثلج ساعة 2 بليل گاعدين كل احنه فرحانين ونصحك ونسوالف فجاة تصل مبايل بابا الكُل سكت يراقب بابا عقد حاجبه بستغراب وجاوب وياريت ما جاوب ياريت ما سمعنه الخبر الـي وگع على روسنه مثل صاعقه صرخ بابا بصوت عالي وگع مبايل مـن يده ركض اخوي اخذ مبايل يصيح بس فجاة سكن صوته وأردف الخبر الـي حطمنه وحطم حياتنه

وائل بصدمة : عباس ستشهد .

فاتحه عيوني بوسع مصدومه كلمتين بس كلمتين وگعن على مسامعتي مثل صاعقه فزيت مـن صدمتي على صريخ ماما وائل حاضن بابا ويبجون راحت ماما حضنتها ابچي بكسره ماما تصرخ وتملخ بنفسها وبابا حاني ظهره بكسره دموعه على خده گال بسرعة نروح العراق راح حجز على سريع وعنده معارف بــ مطار بساع بساع مشوله حجز بدلنه ورحنه وحنه ادموعنه ما وگفت ولا الحظه اول ما وصلنه العراق بوجهنا رحنه بيت اخوي شفناهم جايبين جنازه شمرنه نفسنه اربعته على تابوت ننحب بصوت عالي احس كسرته راح ضل الموت مرافقتني مرت أيام فاتحة وحنه گلبنه ينزف دم مو قهرر صار وقت رجعتنه حاولنا وي مرت اخوي تجي ويانه بس اهلها ما قبلو وحقهم اخوي ما عنده جهال فـ ما عارضنا رجعنه سافرنه وعفنه قطعه مـن رحنه مدفونه بــ عراق

مرن ايام حياتنه يسودها قهر ، بچي ، حزن ، سواد ، وبعدنا ما طلعنه مـن كسرتنه اوله بستشهاد اخوي له ونفجعنه بموت بابا مـن قهرر ضربته جلطه قويه وتوفه بنفس الحظه ماما مـن اقهر والصدمه خسرت اشخاص اثنين بنفس وقت عززين عليها انجلطت جلطه خفيفه ومن صدمه نصابت بــ سكر وضغط والسوء مـن كُل هذاا صارت خرسه اصعب سنه مرت علينا موت بابا وموت اخوي وتدهورت صحت ماما لتمن كلهن بنفس وقت مـن بعد بابا وائل هوه الـي دار باله علينا اني وماما مـن مصرف مـن احتياجات بيت حته جامعه اجيت اتركها وهوه ما قبل صار لنا اني وماما سند صار اب واخ وكلشي لنا .

فزيت مـن افكاري على يد ماما تمسح على شعري مسحت دموعي بسرعة درت وجهي لها ابتسمت بوجها وهيَ وكأنه حست بشنو چنت افكر غورگت عيونها بــ دموع مسحت دموعها بسرعة وأردفت بنبره سريعة

_ لا لا لا يروحي ماما حبيبتي اشش ما اريد ادموعچ تنزل حبيبتي .

أردفت مغيره موضوع

_ ماما اليوم صديقتي عزمتني على عشه ممكن اروح .

ابتسمت وهزت راسها بــ " نعم "

گمت ابدل ضجت الان ما گلت لها حقيقه بس الـي بيها مكفيها ومنتظره وقت مناسب يله اگلها هيَ وائل تصلت على وائل انطيته خبر راح اطلع اتعشه بره واكيد گتله وي صديقتي وبعد ما اخذت موافقه مـن ماما وائل دزيت رساله كهرمان

_ وافقت ماما

ثواني شاف رسالة وجاوب ابتسمت على جوابه والفرحه ترست گلبي

كهرمان : اووف واخيراً چنت لازم گلبي بيدي لا تگليلي ما وافقت واني ميت شوق الچ .

_ احم لا وافقت .

_ فدوه الخجلان حبيبي ساعة 8 انتظرچ براس فرع .

_ اوكي .

سديت مبايل ساعة 7 يعني بعد بس ساعة راحت ركض الكنتور طلعت فستان فستقي فوق ركبه وكعب عالي ابيض جنطه بيضه واكسوارات ذهبيه لبست باوعت على مرايه بدون مبالغه طلعت تحفه ختاريت جاكيت طويل ابيض طلع لوك فد شي خليت مكيات بسيط وي روج نود وردي غامق لبست اكسوارت شعري خليته مفتوح ودعت ماما وطلعت شفت سيارته مركونه بــ فرع راحت مبتسمه بس بنفس وقت گلبي يدگ بتوتر نزل فتحلي باب ورجع صعد بمكانه

كهرمان : شلونها حبيبتي .

صابرين بخجل : تمام .

اخذ يدي بكف يده ضاغط عليها بقوه مبتسم ابتسمت على ابتسامته طول طريق ساكتين سيارة سنطه وترني هذاا صمت وصلنه بعد فتره المطعم وطلع نفس مطعم الـي عزمته عليَّ باوعت عليَّ بسرعة ضحك وأردف بنبرة حُـب

كهرمان : اريد يسجل ثاني القاء النا هنا .

نزلنه هوه حاجز طاوله اخذ گرصون جاكيتات وراح سحب يدي حاضنها بكف يده على طاوله

كهرمان : احُـب ملمس يدچ .

صابرين بخجل : لـيـش ؟؟

_ اني مـن ناس الـي يحب فروقات هواي .

_ شلون يعني .

_ مثلاً احُـب فرق كبر بين يدچ ويدي احُـب فرق عمر بينه فرق طول وهيچ يعني .

_ تعرف حته اني تجذبني هـيـچ شغلات .

_ طلع اكو شي مشترك بينه .

_ صح .

_ دام سهره اليوم طويله خلينه نتعرف على بعض اكثر .

_ اي عادي شـنـو تحب تعرف عني انتَ ؟

_ خليني اني اسئلچ وانتِ سئليني هـيـچ احسن .

_ موافقه .

_ شـنـو اكثر اكله تحبينها .

_ ستيك لحم .

_ حلو .. صار دورچ اسئلي .

_ شـنـو اكلتك مفضله ؟

_ مشاوي بشكل عام احبها .

_ امم صار دورك .

_ لونچ مفضل ؟

_ ابيض .

باس يدي وأردف ببتسامة حنونه

_ مثل گلبچ .. صار دورچ .

_ لونك مفضل ؟

_ اسود .

_ حبيت .. صار دورك .

سبل عيونه بحُب ونطق

_ تحبيني ؟؟

_ دنگت راسي بخجل احس سخنت وهوه يباوع بكل جرئة منتظر جاوبي دگات گلبي تسارعت تنفسي انخفض انبلعت كُل الحروف ما اعرف شـنـو اجاوبه اخاف اجاوب جواب يزعله او يضوجه او جاوب يخرب اول وتالي ثواني مـن صمت ورجع عاد سؤال

_ تحبيني صابرين ؟؟

_ كهرمان ما اريدك تزعل مني بس اني ما اگدر احدد لك مشاعري هسه اتمنى تتفهمني .

سحب يده عايف يدي بهت وجهي واني اشوف ملامح وجهه اتغيرت عقد حاجبه وحته نبرة صوته تغيرت الجديه والحده

_ لـيـش .

_ ها .

_ لـيـش ليش ؟؟؟ ما تگدرين تحددين مشاعرچ انتِ ما تحبيني؟؟ احچي صابرين احچي لا تسكتين لا تحرگين گلبي اكثرر احچييييييييي .

صرخ بصوت عالي بــ اخر كلامه درت عيوني بخجل على مكان الناس تباوع علينا بستغراب اخذت نفس أهدي نفسي تغير تعامله مية وثمانين درجه وجهه احمر مـن عصبيه قابض على يده بقوه بدون ما انطق بحرف اخذت جنطتي تاركته وطالعه اشرت الگرصون يجيب جاكيت اخذته منه وطلعت حسيت بخطواته وراي بس بدون ما اهتم اله طلعت طلبت مـن حارس يوگف الـي تكسي بس سارعان ما حسيت بيده تقبض على يدي بقوه ساحبني وراه اشر الحارس يجيب سيارته نترت يدي منه بغضب خزني وأردف بنبرة غضب

_ بدون صوت .

_ اترك يدي لا تخليني اصرخ والم عالم عليك اترك .

نترت يدي منه بس قابض عليها بقوه بدون ما يهتم كلامي جاب الحارس سيارته واني الحارس الـي دزيته جيب تكسي لحد هسه ما رجع شگد فاهي وغبي

سحبني وياه فتح باب ودفعني الداخل السيارة بخفه ودار مـن جهة ثانيه صعد شخط سيارة بسرعة خيالية صادره صوت قوي مزعج خليت يديه على اذاني امنع سماع صوت درت عيوني عليَّ وجه احمر مـن غضب حواجبه معقوده بغضب تنفسه سريع ضربته على متنه ضربات متتالية وصرخت بصوت عالي

إعلان

_ لك شدسوي عوفني نزلني اريد انزل وبعد لا شوفني وجهك سمعت لا شوفنييييي وجهك نزلنييييي يله .

مطنشني ولا كانه يسمعني فور دمي مـن حرگة رجعت اضرب بيَ وأصرخ بصوت أعلى مـن قبل

_ كهرماااااااااان دا احچي وياك جاوبني دا اگلك نزلني شبيك متفهممممم .

ساق بسرعة اكبر گلت راح نسوي حادث وهوه صار اخرس ولا يجاوب واني محترگ دمي عليَّ سحبت كف يده بغضب ونبتت اسناني بيده حسيت بزفرت دم يله ابتعدت وهوه ولا نطق بحرف ملامح وجه طبعيه نزلت نظراتي يده اسناني نابته بيها وطالع منها دم وهذاا ولا حس ولا صرخ درت وجهي عنه مكتفه يديه صدري مليت واني احچي واتعارك شيريد يصير خلي يصير ميهمني

مرت ساعة وحنه بــ طريق صحراء صراحة خفت بس ما بينت سويت نفسي قوية وما سئلت وين احنه بس مكان عبارة عن صحراء وماكو اي شي بيَ لا بيت لا شي صار يمشي بشكل مستقيم فتره طويله ودخلنه بمزرعة كلش كلش كبيره وبنفس وقت جنه تموت ضليت فاتحه حلگي على جمالها زرع ورد وريحت الورد تموت تموت ابتسمت على منظر لا اراده بنبهار بس سرعان ما خفيت ابتسامتي مـن تحولت نظراته الـي مأردف برود قاتل

_ انزلي

نزلت بدون ما انطق بحرف طلع مفاتيح مـن جيبه فتح البيت الـي متوسط المزرعه لـ كبير او بــ اصح كوخ مـن خشب دخلنه خفق گلبي بتوتر مـن دخلنا بس بنفس وقت بقيت متماسكة اول ما دخلنا المطبخ بسيط وزغير متكون مو طباخ زغير وكاونتر زغير وميز طعام مال شخصين باوعت عليَّ اشري براسة ادخل الجوه اتنهدت بملل ودخلنا صارت صاله گدامه گعدت على وحده مـن قنفات راح نزع جاكيته شمره على قنفه واخذ حطب شغل نار دقائق وصار البيت دافي كُل هذاا واني ما نطقت بحرف بعد فتره طويله يله نطقت كاسره ملل

_ وبعدين .

_ شـنـو .

_ نتيجة شـنـو يعني وين تريد توصل مـن جبتني الهنا مطلوب شـنـو .

گام مـن مكانه گعد بصفي القفنه الـي گاعده عليها اني ام نفر وهوه ضخم فـ نحشكت حشك بيها انفاسي انخفضت بتوتر حاولت ادفعه مـن صدره بس بدون فايده نظراته تتجول على ملامح وجهي بهدوء

_ شـبـيـچ دفعين ؟؟

_ ابتعد اختنگت .

_ اهدي

_ كهرمان ابتعد شهل تصرفات چنت متخيلتك غير بس تصرفاتك هاي اثبتت الـي انو كلكم نفس صنف رجال ماكو واحد احسن مـن واحد .

_ جبرتيني اتعامل وياچ بهالسلوب .

_ جبرتك ؟؟! انتَ واعي على كلامك اي وبشنو جبرت حضرت جنابك ؟

_ ما انطيتني مجال احچي عفتيني وطلعت مـن مطعم ولا كانه اكو حيوان گاعد گدامچ حته ما احترميني ولا استأذنتي واني ما حچيت او سويت شي غلط وحته ما جاوزت حدودي وياچ .

دفعته مـن صدره بقوة وگمت بصعوبه مـن قنفه الـي جعصني بيها جعص گعدت مقابيله على طاوله گزاز الـي متوسطه صاله عدل گعدته مطلع جگاره مـن جيب بنطرون مخليها بين شفايفه شعلها سحب منها نفس نفخه واني كُل هذاا صافنه بوجه اخذت نفس ما اريد اتهور واحچي شي غلط

_ شفت نفسك انتَ شلون صرخت گدام ناس لو اسلوبك وهسه بكل برود جاي تگول انتَ مو غلطان خلص اني الغلطانه واعتذر مـن حضرتك هسه اترخص اريد اروح ماما واخوي يكون بالهم يمي .

عفته وگمت الغصه بصوتي گوة حچيت اخذت جنطتي وطلعت مـن صاله ستوني اريد افتح باب وحسيت بيده تطبگ الباب درت وجهي له عيونه مـن عصبيه صايره بگصته خازني بقوه أردف بغضب مكتوم

_ وين تردين تولين عبالچ حنه بــ مدينه ترى هاي غابه يعني تاكلچ الحيوانات وانتِ مو حاسه كافي زعططه ورجعي مكانچ .

_ كافي كهرمان خليني اروح اني قابله حيوان تاكلني معليك انته .

ذبلن عيونه حاوط وجهي بكفوف يده باس خدي يمين ورجع باس خدي يسار أردف بنبرة حُـب وحنيه

_ اسف يروحي اسف .

_ شيفيد .

_ صابرين لا تصعبينها عليَّ جاي اكل بروحي اكل الان عليت صوتي عليچ لا تشوفيني هـيـچ صامد گدامچ ترى مـن داخل الندم مطيح حضي .

باوعت بعيونه صح دا اشوف ندم بعيونه بس احس اذا هاي مـن اولها هـيـچ لعد نهايتها شلون

_ كهرمان اذا مـن اولها وانتِ ما عندك شي اسمه تفاهم يمكن هسه هاي مشكلة بسيطة وراح تنتهي وانتَ ما انطيتني مجال افهمك لعد بــ ايام جايه شلون .

_ تعالي نحچي جوه هنا بارده عليچ .

_ لا اريد اروح .

_ الخاطري حبيبي اذا عندي يمچ خاطر تعالي جوه والي تردينه يصير .

_ اتنهدت ودخلت جوه گعدت منتظرته دخل المطبخ سوه ايس كوفي واجة انطاني واحد اخذته خليته على طاوله مكتفه يدي صدري .

_ اشربي .

_ شـكـراً ما اريد .

_ خايفه ؟

_ عفواً ومنو شـنـو اخاف اسم الله ؟

_ عبالچ مخلي شي بــ ايس كوفي مو ؟

_ لا وتعرف همزين نبهتني شـكـراً لك .

_ صابرينننننننن .

_ خيرررر .

_ استغفرالله شـبـيـچ انتِ شـبـيـچ ؟؟؟

_ لا تعيط لا تعيططططط .

_ لچ ما معيط شـبـيـچ انتِ تخبلتي عليَّ لو شـنـو .

_ دا تعيططط ترى مو طرمه اني .

_ عليچ شهريه .

شهگت بخجل بصوت عالي بعد كلمته عزااا بعينه ولا يستحي حيوان گمت بغضب سحبت جنطتي الـي احسها مـن گد ما كُل شويه ساحبتها تريد احد يخلصها مني اخذتها اريد اطلع بس سرعان مـا نسحبت مـن يدي موگعني بحضنه حاوط خصري بحكام وجه قريب مـن وجهي وترني قربه بوخت مـن خجل گعدتي على رجله غلط وهوه ابتسامة شاگة حلكة وفرحان خزرته بغضت

_ شبيك انتَ متستحي شكد ادبسزززز .

_ اي مو گلت اذا عليچ شهريه فـ هذاا خبالچ هرمونات اتحمل بس اذا لا فـ الـي تصرف ثاني وياچ يروحي .

_ ولككككك يبوووو يبوووو وخررر شگد متستحي وترجع تعيده بدون خجل .

_ ترى عادي كُل بنات هـيـچ شـنـو مخجل بــ موضوع .

_ انتَ لـيـش مگعدني بحضنك هااا ؟؟

تقرب انفاسه تضرب وجهي انخفض تنفسي بتوتر همس قريب اذاني بيني وبينه بهدوء

_ احُـب احس بقربچ .

_ كهرمان .

_ يروحه انتِ .

_ وخر .

_ لـيـش مو مرتاحه بحضني .

ضربته على صدره بخفه

_ ادبسززز لا اصير اوكي .

_ اوكي يبعد اوكي واهلها .

_ اوووف اوووف .

_ بعد بعد طيرينه چنچ تنين تنفخين .

_ معاجيك عوفني .

_ اووووف عاجبني يبعدي عاجبني وداعت هالعيون .

_ دفعته بخجل اريد اگول بس شاد على حضني ميقبل يعوفني شگد حاولت اگوم بس بكل مره يمنعني والصراحة اني عجبني وضع وحبيت قربي منه احس اگدر اتمعن بــ ملامح وجهه عن قرب اكثرر واكثرر بدون وعي يدي اخذت مسارها ترسم ملامح وجهه غمضت عيونه ذايب

_ لا صابرين لا تسوين هـيـچ .

_ اممم لـيـش ؟؟

_ راح تتأذين كافي .

تقربت همست قريب اذانه

_ يا محلات أذيه منك .

فتح عيونه بطئ حسيت بنخفاض تنفسه ودگات گلبه التسارعت رخت يده الـي على خصري ابتسمت بمكر وگمزت مـن حضنه گاعده على غير قنفه وهوه وكأنه چان بــ حلم وفز منه ضحك بعلو صوته وأردف

_ ملعونه عرفتي تلعبيها صح .

ابتسمت بثقه وأردفت بعدم مباله بس اني بــ حقيقه گلبي بكل الحظه چنت بحضنه تزداد دگاته

_ ولو اعجبك .

_ ههههههه گومي اوصلچ البيت .

_ اي واخيراً اجة فرج .

_ اسكتي لا اخليچ هنا و اووف اذا خليتچ شرح يصير اوووف بس اوووف .

_ كافي تتأفأف تگول تنين راح طيرنه .

_ حراميه .

_ عفواً .

_ بگتي كلامي فـ انتِ وحده حرامي هاا وبگتي گلبي وروحي فـ انتِ اكثرر حراميه يحبه گلبي .

_ عشتووو عيني .

_ هههههههههههههههههه .

_ طلعنه مـن بيت بقيت صافنه على زرع والورد غمضت عيوني مستنشقه عطر الورد الـي معبي مكان فزيت على صوته يگول .

_ نفتر بــ مزرعه شويه .

اتوسعت ابتسامتي حچيت بنبره سريعه بدون وعي متحمسه

_ اي اي اي حباب الله عليك .

_ اروح فدوه الچ لو گايلتلي مـن بدايه ماخذچ لو ادري بيچ حابه تشوفينها .

_ مصار شي اخذتي هسه .

_ صار مـن عيوني تعالي .

_ اخذ كف يدي بكف يده الكبير حسيت بدفو وحنيه حبيت شعور اخذني يمشيني بــ مزعه وگفني يم ورد احمر عطره يموت قطف وحده وقدمها الـي مبتسم .

_ لورد اللورد .

رجعت شعري وره اخذني بخجل واخذت منه ورده شميتها مبتسمه

_ شـكـراً .

_ يدلل الحلو .

_ بقينه نمشي فتره طويله ابتعدنه عن البيت هواي صرنه تقريباً بنص مزرعه والمزعه كبير كبير كلش هواي فجاة وبدون سابق انذار طلعو مـن وره شجر اشخاص ملثمين موجهين السلاح علينه عددهم هائل فوق خمسين شخص صارور محاوطينه دايرر مداير خفق گلبي بخوف لزمت

بــ جاكيت كهرمان خايفه خلاني وره ظهره يناظر لهم بهدوء حسيت راح يغمى عليَّ مـن خوف رجليه رجفت برعب مـن منظرهم ومنظر السلحه الـي متوجها علينه لو كُل شخص بيهم يضرب طلقه هسه حنه صايرين منخل رجليه بعد ما احس بيهم مـن خوف بادن وباد كُل حيلي مـن طلع شخص مـن بين كُل هاعداد الهائل وأردف بصوت جمهوري حاد حاقد .

_ جهز نفسك الموت ....

" ريا "

گاعده رجل على رجل گدام الكُل بدون اهتمام اسوالف وي آلين الـي وضعها ابدد مو عاجبني وجهها اصفر وترجف وكل شويه تصف وعيونها دمع قربت راسي منها اهمس بيني وبينها تحت نظرات استغراب الكُل

_ لولو شـبـيـچ حبيبي .

_ راح اموت ريا بعد ما اگدر اتحمل .

_ شـبـيـچ شـنـو تموتين ؟؟ خليني افهم صاير .

_ تعالي نصعد نحچي بغرفتي الان هنا عيونهم راح تاكلنا .

_ فعلاً درت نظراتي عليهم يباوعون علينا قسم نظراتهم استغراب مثل ماما والأسلم وگساد ولوسيفر نظراتهم استغراب بينما اڤين وامها وكرستيانا نظراتهم حقد حسيتهم مـن كمية حقد الي بنظراتهم بودهم يشربون مـن دمي مـن حقد جاهلتهم واني لو مو آلين تتصل بيَ وهيَ تبچي ما افكر اخلي رجلي بهذاا البيت ولا ادخله بس اجيت الخاطر آلين ترخصت منهم آلين وگمنه نصعد فوگ ستوقفنه صوت ماما تگول .

مريم : وين حبيباتي تعالن راح اسوي لچن اكل .

آلين ببتسامة : شـكـراً خاله بس مو جوعانين .

صعدنه اول بايتين مـن درج وستوقفنه صوت اڤين تگول كرستيانا

اڤين بستهزاء : تالي وقت علينا بس بنات خدامات .

كرستيانا : ام اخذت اب وبنت تريد تاخذ ابن .

اڤين : ساقطات هوه هذاا شغلهن .

ريا : ما اتحملت اسمعهن اكثر نزلت بغضب وآلين تسحب بيدي وتتوسل بهمس .

آلين : ريا فدوه تعالي عوفيهن هنه غايتهن يعصبنچ ويسون مشاكل عوفينهن تعالي نصعد .

ريا : آلين خليني اربيهن هذاني ادبسزيات .

نترت يدي منها بغضب ونزلت افوررر مندمجات يضحكن ويسولفن مستهزئات اجيت لهن مـن وره سحبتهن مـن شعرهن ساحبته الوره صرخن بوجع ما هتميت لهن

ريا : اقسم بالله لـ كريم اخليچن فرجة واشوه وجوهجن هاي تتباهن بيها وساعتها لا تفيد فدوس ولا عزا ولا صخام فـ ديرن بالچن جيبن اسم تاج راسچ على السانچ وصخ فهمتن ؟؟

الكُل ماخذ وضعيت متفرج بدون ما يدخلون .. رجعت صرخت بيهن بصوت عالي

ريا : فهمتننننننننننن ؟؟

اڤين ، كرستيانا ، بخوف : اي اي فهمنه .

تركت شعرهن بقرف وهنه بعدهن يبچن ما حسيت غير بس بحرورت راشيدي على خدي غمضت عيوني واني ابتسم بستهزاء واكيد اعرف هاي يده منو باوعت عليها عيونها تنط شرار أردفت مبتسمه بستهزاء

ريا : المره ثالثه تضربني على مود هاي العائله وبكل كف منچ تثبتيلي بيَ انتِ مو امي الـي اعرفه وان انتِ صرتي وحده منهم عفيه عليچ برافووووو .

مريم بغضب : انتِ صايره وحده قليلة أدب ظاهر اني ما عرفت اربيچ .

ريا بستهزاء : مو هاي تربيتچ .

مريم : تربيه سزز نفس اطباع ابوچ ونفس قرف حاولت شگد طلعين مـن شخصيت ابوچ حقوده والهجوميه بس يبقى اصل دساس .

ريا بصدمة : وصلت بيچ مرحله تحچين على بابا على مود هاي ناس ؟؟؟

راحت وگفت بصف الأسلم حضنت كف يده وأردفت بحقد صافنه عليها مـن صدمه ما رمشت عيوني مشكله عليها وعلى كلامها الـي مثل سم

مريم : اني حالياً زوجت الأسلم ومو مـن مقامي احچي وي ناس مو مـن مستواي فـ تفضلي اطلعي بره وانسي عندچ ام .

اريد استوعب كلامها لا لا مستحيل اكيد اني بحلم وراح اصحه منها اكيد حسيت على آلين تقبض على يدي بقوه تهديني وطلعني مـن احلامي صفنت بوجهها دقائق معدوده واحس ستوني استوعبت كلامها

ريا بستهزاء : هههههههههههه اشفق عليچ صدگيني اني ا ش ف ق

ع ل ي ج .

مريم بغضب : رياااااااااااااا .

ريا : صوتچ ميعله عليَّ تمام صوتچ لا تعلي عليَّ انتِ ولا شي بنسبه الـي صرتي حالچ حال غريب لو شما يصير بيچ ما راح اهتم ولا تجين بعد يومين تبچين يمي .

عفتها بدون ما اسمع جوابها طلعت مـن هالبيت الـي مثل سجن حته نسيت آلين حاربت دموعي ما تنزل بس ثواني ثواني مـن محارباتي ونزلت دموعي بضعف الجو بارد ونسمات الهوى تضرب بوجهي احس وجهي مـن بروده بعد ما احس بيَ امشي بطريق ضايعه ما اعرف وين اروح ما اريد ارجع القصر ولا اريد منيتهم عليَّ فكرة اروح صابرين وبعدين ارجع اخذ غراضي بس شـنـو اگول اذا راحت بهذاا وقت متأخر دنيا اليل ولا طير

بــ شارع بس اني وما اعرف شـنـو مصيري راحت الحديقة عامة گعدت على مسطبات والف فكرة خطرت براسي شـنـو غير ماما قبل كم يـوم بس چنه شحلاتنه عائله بسطيه مالنا اذيه على احد ولا لنا دخل بحد كافين خيرنه وشرنه بس شـنـو تغير ؟؟ شـنـو ؟؟

فزيت على شخص يگعد يمي واكيد عرفته مـن عطره الـي هفهف وراه درت وجهي عليَّ

ريا بنزعاج : انتَ جاي تلحگني لو شـنـو ؟؟

كَساد : طبعاً لا وليش حته الحگچ أنجلينا جولي وما ندري بيچ مصدگة نفسچ هواي انتِ .

_ شبيك امي مصخن انتَ ؟؟؟

_ لا لـيـش ؟

_ لعد شبيك ؟؟

_ ولچ شبيه شـو حته شككتيني بروحي .

_ خلص كَساد والله مالي خلگ تگدر تتركني وحدي .

_ شـبـيـچ اعرف الـي صار غلط بس تبقى امچ .

_ قصدك مرت ابوك مو امي هاي .

_ رياا .

_ رجاءً كَساد .

بقى ساكت ما نطق ولا اني نطقة مرت فتره طويله وحنه گاعدين بدون ولا حرف اتصل مبايلي باوعت كيفن شذكره بيَ ما جاوبت مالي خلگ بقى يتصل اكثر مـن اربع مرات تأفأفت بملل وجاوبت تحت نظرات كَساد مستغربه

ريا : اهلن كيفن

كيفن : شلونچ ريا ؟

ريا : تمام انتَ شلونك ؟

كيفن : بخير اني .

ريا : محتاج شي .

كيفن : احم .. ريا ممكن اجي اشوفچ .

ريا : تشوفني ؟؟ وبهذاا وقت متأخر كيفن .

كيفن : محتاج احچي وياچ بــ موضوع ريا .

ريا : اعتذر بس ما اگدر بــ وقت حالي .

ما سمعت شـنـو گال وحسيت بسحبت مبايل مـن يدي فتحت عيوني بصدمه على وقاحته سحب مبايل مني بكل برود وأردف

كَساد : گالت لك ما تريد تحچي وياك لـيـش تلح ؟؟

سحبت مبايل مـن يده بنتر خازرته وحچيت وي كيفن

ريا : احمحم .. كيفن نحچي باچر مع سلامه .

ما انطيته مجال يحچي سديت اتصال بوجهه نتفضت مـن مكاني وگفت گدامه خازرته أردفت بنتر

ريا : شهالتصرف هذاا ممكن توضح الـي ؟؟

كَساد : ماكو داعي .

ريا : هوه شـنـو ماكو داعي اني دا اگلك وضح الـي تصرفك وقح الـي سويته شلون تسمح نفسك تتدخل بخصوصيات حياتي .

_ كافي ريا .

_ لا لا مو كافي .

_ شتردين هسه انتِ ؟

_ اريد متشوفني وجهك مرت ثاني .

_ صار .

_ وممنوع تحچي وياي بعد .

_ تأمرين .

_ وممنوع تتدخل بخصوصيات حياتي .

_ ما اوعدچ بس احاول .

_ تحاول ؟؟؟ ترى مو بكيفك غصب عنك ما تتدخل لا تشوف سكتت لك هاي مره مرت ثاني صدگني راح اشوف شي ما يعجبك ابدد فـ ما انصحك تعيدها .

_ انتِ...

_ سكت مـن اتصل مبايله باوع على متصل وعقد حاجبه بستغراب استغرابت وضعه جاوب يحچي بنتر ثواني بس ثواني وفتح عيونه بوسع مصدوم وصرخ بعلو صوته بــ فزعه

_ وحق علي اذا مسيت شعره وحده منهم اخليك جنازه واخليك عبره الخياس الـي مثلك .

خفق گلبي بخوف وافكار سوده صارت تتطاير براسي وحده تگول الثاني اني اسوء خوف ، توتر ، قلق ، رهبه ، رعب ، شعور مخربط اريد بس يسد اتصال اريد اسئل بس خايفه مـن جواب تركني وراح على جهة يخابر معصب وينتر واني روحي راحت اريده بس يرجع حته اسئله رجليه صارت ما تعبني گعدت على مسطبه حيلي مهدود نص ساعة وهوه يحچي بــ اتصال وكل شويه مخابر واحد ويصرخ بعلو صوته اريد افهم شكو وكل ما اريد اروح يمه واسئله يشرلي بيده بمعنى لا تجين واني اشيل روحي وارگعها مـن قهر لا هوه جاي وگايلي شكو ولا هوه مخليني اروح يمه واسئله

مرت ساعه وساعتين واني گلبي نار نار وبعد انتظار طويل سد اتصال واجة وجه احمر وينط شرار عيونه دم وجه ما يبشر بخير سئلت واني خايفه خايفه مـن جواب

_ صاير كَساد گلبي راح يوگف مـن خوف دخيلك انطق صاير ؟؟؟

نطق وياريت ما نطق ياريت ما سئلت ياريت ما عرفت موضوع چان ما صار كُل الـي صار وگعت على ركبي رجليه يرجفن دموعي تنزل الخوف استوطن گلبي وكل روحي والي صار بعد هاليله غير حياتنا مية وثمانين درجه غير كلشي بينه كلشي ما بقى شي على حاله كلشي تغير .....

يتبع ....

ريئكم بــ البارت قلب قلبيي 🥹♥️

توقعاتكم البارت جاي 🙈❤️‍🔥❤️‍🔥

علقو بين فقرات شگد متگدرون عمري 🥹♥️

قرائه ممتعة حبيبيني 🫶🏻🫂🫂

الطفاً وليس امراً متابعة حساب انستا + قناة تلگرام + حساب واتباد


━━━━━━━━━━━━━━━━━━━━━━━━━━

🌸 هل أعجبتك أحداث القصة؟

💡 لمعرفة تفاصيل هذه الرواية ومتابعة بقية فصولها كاملة وبشكل مسبق وبدون إعلانات:

🔗 تابع القراءة عبر موقعنا الرسمي من هنا: https://kimostories.site/novel/492/وجوها-تخفيها-الثراء

نتشرف بوجودكم دائماً في عائلة كيمو ستوريز! 🌸

━━━━━━━━━━━━━━━━━━━━━━━━━━

2026/11/16 · 0 مشاهدة · 5926 كلمة
yare.yare
إعلان
نادي الروايات - 2026