طيب مبدئياً كدا سبب التأخير فترة الاسبوع دي هوه بكل بساطة ضغوطات و مصاعب الحياه العاديه ، بس الحمد لله عرفت اهرب شويه و بإذن الله نرجع ننزل فصل كل يوم زي الاول. بس كدا عشان مش عاوز اطول عليكم في الفصل ده يلا ندخل في المهم.
-تنبيه-
الفصل ده يعتبر زي فصل المعلومات بالضبط أو نقدر نقول تكمله لفصل المعلومات ف إذا هو يعتبر حررررررررررق🔥🔥🔥🔥🔥
تنبيه بالحرق 🔥🔥🔥🔥🔥🔥🔥🔥🔥
زي ما قولت في فصل المعلومات اذا انت من الأشخاص اللي مش بتحب الحرق يبقي افقل الفصل ده و هتلاقي كل حاجه موجوده في القصه بالتفصيل و بتسلسل الأحداث السليم.
يلا نبدأ.
.
.
.
.
في فصل اليوم أنا هشرح حاجه اتطلب مني اكتر من مرة سواء من أصدقاء شخصين أو القراء المحترمين ، بس انا مقولتهاش لحد لاني كنت شايف أن الوقت مش مناسب لسه ، بس بما أن الأرك الأول خلص و من اول الارك القادم انا ناوي اسرع الأحداث شويه يبقي قولت مفيش مانع اني اشرح الحاجه دي عشان اثير حماس القراء. ألا و هي "قوة السلالة" أو " سلالة الدم" .
(من دلوقتي هتكلم لغه عربيه عشان الإخوة اللي مش بتحب أو مش بتفهم المصري)
تعتبر السلالة مفهوم نادر للغايه في قارة الشمس المقدسة ، يكاد يكون غير معروف إلا عند مراكز القوى العظمي في قارة الشمس المقدسة الذين ورثوا السجلات القديمة من أسلافهم في الحقبة المظلمة ، و كان ظهور اخر سلالة دم منذ ٥٠٠٠ عام.
في السجلات القديمة ذكر أنه لإيقاظ سلالة الدم يجب أن يمتلك المحارب مستوي معين من الزراعة ، عند إيقاظها تعطي المزارع قوة قتاليه كبيرة للغايه ، مع سرعة زراعة لا تقارن بأي شخص لا يمتلك سلالة.
عند الوصول إلي عوالم الزراعة المتقدمة يكون من شبه المستحيل زيادة مستوي الزراعة أو أحداث اختراقات بدون وجود سلالة دم. لذا يعتبر وجود سلالة مهم للغايه في العوالم العليا و العوالم مرتفعة المستوي.
تختلف قوة السلالة بإختلاف نوع سلالة الدم ، بطبيعة الحال هناك سلالات قوية و سلالات ضعيفه. حتي بين أصحاب نفس السلالة هناك فروق و فجوات كبيرة في قوة السلالة.
-ملحوظات-
طيب شباب يبقي كدا نقدر نلخص كل الكلام ده في ثلاث نقاط.
1. أن في العوالم السفليه أو العوالم منخفضة المستوي يعتبر وجود سلالات الدم نادر إلي حد ما.
2. في مراحل الزراعة المتقدمه و العاليه ، صعب اوي إن الشخص يتقدم بدون وجود سلالات الدم ، إذا نستنتج من هنا أنه في العوالم العاليا أو مرتفعة المستوي وجود سلالات الدم بكثرة ، أو علي الاقل مش نادرة زي العوالم منخفضة المستوي.
3. أنه مش كل السلالات زي بعض ، مثل كل شئ فيه قوية و فيه ضعيفه ، بل أنه حتي بين أصحاب نفس السلالة فيه فروق جوهرية في قوة السلالة.
- نكمل الحديث-
(ملحوظة جانبية: كل أمثلة السلالات التي سوف اذكرها في الفقرة القادمة ستكون مجرد أمثلة للتوضيح فقط و ليس بالضرورة سوف توجد في قصة الروايه)
يمكن تقسيم سلالات الدم إلي ثلاثة فئات بالتحديد و هي:
1. الأجساد الخاصه او الأجساد المميزة : الأجساد الخاصة تعتبر نوع مميز من سلالة الدم ، حيث يستحيل أن يوجد اثنان في الكون يمتلكون نفس الجسد الخاص إلا في بعض الحالات الشاذه ، بطبيعة الحال مثل باقي السلالات يوجد بها القوي و الضعيف . علي سبيل المثال [ جسد يانغ الحقيقي - جسد الين المقدس - بنية الرياح الروحيه ، وهكذا]
2.السلالات الموروثة: تعتبر السلالات الموروثة أكثر فئة شيوعا في الكون من السلالات و يمكن تقسيمها إلي عدة حالات. ( هشرحها في الوقت المناسب عشان الفصل ميكنش فيه معلومات كتير وانت تتوه مني)
3.السلالات المكتسبة: تعتبر السلالات المكتسبة أكثر فئة من حيث الندرة في الكون ، يمكن أيضا في بعض الحالات أن يكتسب المزارع جسد خاص ، إذا يمكن أيضا وضع الأجساد الخاصه في بعض الأحيان تحت فئة السلالات المكتسبة.
-توضيح-
طيب انا عارف ان اغلبكم سرح و تاه مني في النص الاول من الكلام 😂.
لذا يلا نعمل تبسيط كدا علي السريع.
الموضوع بسيط اوي ، هنحط سلالات الدم تحت ثلاثة مسميات ، شرحين نفسهم من الاسم و انا في القصة طبعا هتطرق للموضوع بتوسع اكتر من كدا طبعا.
الاول : أجساد خاصة.
الثاني: سلالات موروثه.
الثالث: سلالات مكتسبة.
بس كدا ، انا في القصة هشرح تفاصيل كل فئة عشان الاخوه اللي بيحبوا التفاصيل و التدقيق اوي.
تقدر تقول كدا أن الفصل ده كان تسخين بس لعودتي للملاعب 🥳.
يلا بتمني يكون الفصل عجبكم ❤️🌺💖.