اسمي موده الآسيوي أو بالأصح اسمي رقية الآسيوي
عندي ٥٧٥ طبعا يا عزيزي القارئ انت مش عارف يعني ايه عندي ٥٧٥ فأنا بقولك أن انا عندي ٥٧٥ سنه
اه م هو انا مش انسانه عاديه انا مصاصة دماء
من مصر وعندي عدد شركات لا ينتهي و مصانع
وانا من أغنى اغنياء الشرق الأوسط
يلا بينا نبدا نحكي قصتي
ــــــــــــــــــبداية الفصل
كنت قاعده في مكتبي زي العاده بشوف ملفات و شوية حاجات في النهار في شركه من شركاتي
دخلت عليا مساعدتي وهي تعرف عني كل حاجه حتي اني مصاصة دماء وده هتعرفوا بعدين ليه
و على العموم مساعدتي اسمها مريم
بـــــــــــــــــــــداية الحوار
مريم خبطت على باب المكتب وانا اذنتلها بالدخول
مريم : انسه موده حضرتك لازم تتجوزي بسرعه انا خايفه
انا : خايفه من ايه يا مريم
مريم : حضرتك الصراحه الاشاعات بدأت تكتر كتير الفتره ده و كلها منصبه على حضرتك
انا : انا عارفه ، بس انت عارفه يا مريم أن انا مش بيفرق معايا حاجه زي ده
مريم : طيب حضرتك ناويه تعملي ايه
انا : بفكر اني اتجوز ، بس عندي مشكله هي أن انا زي مانت عارفه كده عمري و انا مين ، فممكن لو حد عرف
مريم : طيب حضرتك عملتي الفحوصات
انا : اه عملتها ، لكن الدكتور بيقول أن دمي شكله غريب قوي المره ده ، و بيقول أن احتمال اكون خلاص بودع
مريم : لا بعد الشر عن حضرتك انا مقدرش اعيش من غير حضرتك ولا ثانيه متقوليش كده تاني
انا : مريم هو انا قولتلك كام مره متقوليش حضرتك ده تاني ، انت مش عايزه تعتبريني اختك ياعني
اه صح يا بت يا مريم عملتي ايه مع الواد ادم
مريم : هو حضرتك في ايه ولا في ايه ، سيبك من ادم ده
انا : برضه تاني حضرتك ، طيب يا ستي مش هنتكلم عن ادم
مريم : انا هروح احضر ليك الاكل تمام
انا : تمام سلام ، بس خلي بالك من نفسك
مريم : سلام
ــــــــــــــــــــــــــــ و خرجت من مكتبي وانا فضلت قاعده شويه و بعد كده روحت القصر بتاعي اللي في حته منعزله كنت عامله قصر في مكان مقطوع محاط بكمية شجر كأنه قصر داخل غابه وكان الشجر من اغلى الانواع في العالم علشان مكنتش عايزه حد يخش و يعرف انا مين
و بالمناسبه من ساعة ما بابا و ماما ماتوا وانا طفله وانا مفيش حد يعرف وشي خالص نهائيا
علشان خايفه حد يلاحظ ، هو انا الصراحه مش خايفه بس ده كانت وصية بابا وماما الله يرحمهم
و هم ماتوا بسبب و بعدين هتكتشفوه
ــــــــــــــــــــــ بعد وصولي القصر
دخلت و قعدت عادي و بعدين جت مريم و حتطلي الاكل على السفره
انا : تسلم ايدك يلا بقى لمي الناس كلها علشان تأكلوا معايا زي كل يوم
مريم : حاضر ، ثواني و نكون كلنا هنا
انا : تمام ، انا هستنا
ـــــــــــــــــــــــــــــــــــــ الان في مكان آخر عند بطلنا كان مع صحابه عاملين سباق سيارات عربيته عملت حادثه و عطلت لما خبط في شجره من أشجار القصر بتاع بطلتنا و تاه في الغابه
ــــــــــــــــــــــــــــــــــ
بطلتنا اكلت و خلصت و طلعت اوضتها بس مكنتش لسه شربت دم اللي مفروض بتشربه بعد الساعه ١٢ بليل
ــــــــــــــــــــــــــــ عند بطلنا مصطفي الاسيوطي دلوع بابا وماما تايه في الغابة لقى القصر بعد فتره كبيره من المشي من الساعه ٧:٣٠ ل الساعه ١٠:٣٠
رن مصطفى الجرس و فتحتله مريم و كانت مستغربه
ـــــــــــــــــــــــ
مريم : نعم حضرتك عايز حاجه
مصطفى : طب ليه الرد البارد ، بص يا انسه انا عربيتي خبطت في شجره هنا و عربيتي عطلت و مفيش شبكه و الدنيا ضلمه ف كنت عايز اطلب من حضرتك اني ابات هنا الليله ده
مريم : طيب هشوف الهانم و هقولك خليك واقف هنا
ـــــــــــــــــــــــــ بعد ما مريم راحت ل رقيه / موده
مريم : انسه موده
موده : نعم يا مريم
مريم : حضرتك في حد خبط في شجره و عربيته عطلت و خبط علينا و طلب أنه يبات هنا الليله علشان الدنيا ضلمه
موده : ماشي بس اعرفي اسمه و قوليلي ، و كمان قوليلوا على التعليمات مفيش خروج من الاوضه بعد
الساعه ١٢
مريم : تمام حضرتك
ـــــــــــــــــــــــــــــــــــ بعد مخرجت مريم من غرفة موده / رقيه راحت ل مصطفى
ــــــــــــــــــــــــــ
مريم : اتفضل حضرتك ، بس ممكن اسمك
مصطفى : اسمي مصطفى الاسيوطي
مريم : تمام حضرتك الهانم عامله قواعد أن محدش من الزوار يخرج من اوضته بعد الساعه ١٢
مصطفى : تمام حضرتك مش هخرج ، بس هو حضرتك اسمك ايه
مريم : انا مريم
مصطفى : طب و الهانم
مريم : موده الآسيوي
مصطفى : اه ، طيب اشكريها لي
مريم : يوصل يا استاذ مصطفى
ــــــــــــــــــــــــــــــــــــــــــــــــــــــــ وبعد الساعه ١٢ كان جه معاد شرب الدم بتاع موده / رقيه و مصطفى مكنش جايله نوم فطنش كلام مريم و نزل وهو بيتسحب وياريته مكان نزل
ـــــــــــــــــــــــــــــــــــــــ فقرة الكاتبة
عزيزي القارئ اتمني أن يكون قد أعجبكم الفصل
ولا تنسو الدعم لانزل لكم بالفصل الجديد
صوتوا و اكتبوا أراكم في التعليقات ولا تنسوا المتابعه
كان معكم الكاتبه نيرافين
عزيزي القارئ
ماذا تعتقد ما سيحدث مع مصطفى و موده ؟
و مين ادم اللي موده كانت بتتكلم عنه ؟
وهل موده هتطلع مريضه ؟
و
ايه اللي حصل ل بابا و مامة موده ؟
ايه اللي حصل ل بابا و مامة موده ؟ والسلام عليكم ورحمه الله وبركاته 👋 🤗
الرواية تم نشرها مسبقا على واتباد الكاتبة نيرافين لذا لن تتغير ...