السلام عليكم ورحمة الله وبركاته
فيه انواع محددة من المتابعين اللي اقدر اعتبرهم فيروس يؤثر بالرواية او المترجم
- راح ابدأ اقرأ بعد ما توصل الرواية 100 فصل او 50
الكثير من المترجمين يختبرون تفاعل المتابعين بعد الفصل رقم 20 او بحدود هذا الرقم عشان يعرف يكمل ترجمة او لا
وطبعاً وبسبب انتشار هذي النوعية اللي تتجاهل الرواية لين تصير فصولها كثيرة مره, 70% من روايات الموقع المترجمة بالكاد تتجاوز فصولها 20 فصل
طبعاً انا ما اقول ان لازم تتابع الفصول على طول فلكل متابع مزاجه, ولكن تجميع الفصول من بداية الرواية راح يشكل هجوم سلبي على المترجم والمشكلة الأكبر انك تعلن انسحابك بالتعليقات
- اتمنى تترجم الرواية الفلانية
هذا النوع يعبر عن مشكلتين للمترجم, فهو بكلامه يقول وبشكل غير مباشر للمترجم انه غير مهتم بالشيء اللي قاعد يشتغل عليه حالياً
والمشكلة الثانية انه يقترح روايات تلقى فئة كبيرة تكرهها او اعتزلت قراءتها وهذا يعطي المترجم لو وافق تعب على الفاضي
عشان كذا الأفضل تنشر مثل هذا التعليق فقط في حالة ان المترجم قال انه يبحث عن رواية جديدة
- المتابع الصامت
هذا نوع تلقاه من بداية الرواية لين اخرها ما يكتب اي تعليق وحتى لو صارت معجزة وكتب تعليق تكون عادية مثل (شكراً على الترجمة) (بإنتظار الفصل القادم)
الكثير من المترجمين يقوم بحساب كمية التفاعل من التعليقات, فعشان كذا كونك تتابع الفصل مثل الشبح راح يؤثر بالرواية ويراح يجعل الفصل اللي تقراه اخر فصل يتم ترجمته