الفصل الاول : البدايه
اضائه خفيفه في منتصف غرفه تبدو كـ مخزن لأحد الرجال المهمين
في نهايه المخزن يوجد ذلك الكرسي الخشبي المتين عليه شاب في ربيع عمره مربط بالسلاسل من كل اطرافه الاربعه الي خلف ظهره معصم العينين
الدماء علي فمه وانفه جديده بالكاد تثخرت
- همم احم احم .."بصق" .. انا مربوط! (بينما يحرك يدييه لتصدر السلاسل صوتا) .. في حد هنا .. انا لوحدي ؟مظنش ! ..مين هنا ؟
= اعقد ساكت احنا فينا الي مكفينا "صوت شاب"
- ااه تامر .. مين تاني معانا
= كلنا هنا
- كلنا ؟ انا لوحدي الي متكتف ؟
=هئ يعني هيربطوك ويسيبونا يافااالح !
تامر : كلنا في نفس الاوضه من بدري وولا واحد فينا كل ولا شرب
= ولا حد فينا يعرف احنا فين او احنا هنا ليه متقرفناش بقي
- واشمعني انا الي متربط كدا علي الكرسي وانتم علي الارض
فهد: وانت عرفت منين اننا ع الارض وانت ع الكرسي !!
- مش عايز اقرفك باستنتاجاتي يافهد !! ..مينا انت هنا ؟
مينا: ايوه
- انا شوفت المشهد دا في فيلم رعب قبل كدا .. مش هيأكلونا حاجه وهيقتلو التخين الاول "ضحك"
مينا: هيقتلو التخين الاول !!
تامر : يعم احنا ناقصيين .. فيلم رعب اي دا يا فرفور
رامي : اهو الفرفور دا مقدرينو اكتر واحد فيكم وربطينو بالشكل دا عشان ميعرفش يتحرك ويعملهم قلق "ضحك خافت"
فهد(صراخ): بقولك ايه يلا يابن المستفزه انت .. وربنا هضربك اول واحد بعد ما افك نفسي
رامي: ايوه هو دا الي انا عايزه .. علي صوتك
تامر: ايييه؟!
#طاخ.طاخ.طاخ# مؤثرات صوتيه ??
واذ بذلك الصوت يفزع الجميع بما فيهم فهد اللذي قد تحول من مفترس علي وشك الاكل الي قطه حديثه الولاده تقابل فأر لأول مره
لقد كان فقط صوت الخبط علي الباب من الجانب الاخر وكأنه اما يخبرهم ان يصمتوا جميعا او يستأذن للدخول ربما
صوت صرير الباب الوحيد بالغرفه وهو يفتح يداعب اذان المجموعه كلها الا وأنه قد خيل لبعضهم -من كان لديهم مخيله سينمائيه خصبه- أن هذا الصوت فقط ليس الا صوت قرقره منجل الموت الكبير بينما يجره حاصد الاموات ذا الرداء الاسود تماما كما رأه بعضهم علي شاشات تسميم العقول ..
لم يجد رامي شيئا يفعله سوي استكمال محاوله تغيير الاجواء بعد ان سبق واحس برعشه الجميع في الهواء .. فبدأ حديثا مع الزائر قائلا : انتم مالكم خايفين من ايه .. دا انا الي مغمض اهو اقدر اقولكم انه بشر عادي زيينا .. محدش رد! .. ايه هو طلع وحش ولا ايه ؟ .. طب ايه ياوحش هتسيبنا نموت من الجوع ؟ مظنش ان كل المرمطه دي عشان تخلو مينا يعمل ريجيم يعني ؟
= انت الي عامل دوشه ؟ اومال لو مكنتش متكفن كدا كنت عملت ايه .. دا انت مش عارف تحرك غير بوقك يابني! (يقترب من رامي)
نظر الجميع لجسد من دخل عليهم وهيئته واذ بهم تطمأن قلوبهم قليلا فهو لم يكن سوي انسان عادي ذو هيئه عاديه بل وكان اصغر من المفترض اصلا لم يكن رسول الجحيم او حاصد الارواح او ملك الموت ولكن تلك الطمأنينه لم تدم سوي برهه .. فهم لا يزالون في نفس الوضع ونفس المأزق
تامر: ولاا فكني يلا فكني وتعالالي راجل لراجل فكني يلا "صراخ"
= اخرس يلا انا مش جاي عشانك .. انت صحيت (ينظر لرامي)
رامي: بتكلمني؟ .. انت كنت مستنيني بقي .. عايزين ناكل
= مفيش ليكو اكل ولا شرب غير لما الباشا يقول .. استحملو شويه
فهد: انتم عايزين مننا ايه .. اشمعني احنا يعني هاا .. فلوس ؟ هديكم فلوس بس طلعوني من هناا "بكاء"
= اهدي يا امور عشان انا بتعصب بسرعه .. ولو اتعصبت هدور الضرب فيكم
تامر(مقاطعا): مبقاش غير اوزعه زيك يضربني يلا .. دا انت بطول دراعي ياااه
رامي: هو ولا فهد اطول؟
يرد عليه فهد بنظره غاضبه في صمت
= اد دراعك طب شوف دراعك دا هيعمل فيك ايه (يقترب من تامر وهو علي وشك ضربه)
صوت خشن من الخارج: سرنجا اهدي علي الضيوف وتعال الباشا وصل .
فور سماعه للصوت قد نسي بالفعل جريمه تامر بالكلام وتوجه الي الباب مسرعا .
رامي: استني .. انت متعرفش عننا حاجه صح ؟ .. الي جابنا هنا قالكم خليكم معاهم بس .. متعرفش اتخطفنا ازاي مش كدا ؟
سرنجه:........ جينا لقيناكم كدا (يغلق الباب كما كان)
فهد : تفتكرو هنموت .. ؟
مينا : تفاائل !!
رامي : طيب .. انا نعسان .. تأثير المخدر لسه في دمي .. هنام شويه ولو حد دخل صحوني ..
فهد: تنام ؟ تنام ايه يابن المستفزه انت ؟
رامي: ....
تامر: دا نام فعلا !!
مينا: يجماعه .. محدش عارف يفك نفسه ؟
تامر: محدش عنده تلميح يبين احنا مخطوفين ليه ؟
مينا ينظر له بقلق ومن ثم يتظاهر انه لم يسمع شئ
تامر: ايه ياعم مينا خايف تقولها ؟
فهد: يقول ايه ؟
تامر: فكر كويس يافهد وهتعرف .. احنا مش مخطوفين كدا وخلاص .. الاوزعه دا قبل ما يطلع قال انه ميعرفش حاجه صح ؟ دا معناه ان الي خاطفنا ميعرفناش كلنا اصلا
مينا: تقريبا كدا كان عايز واحد مننا بس .. مكنش عايزينا كلنا
لحظه صمت
الكل ينظر لرامي
فهد: هو السبب ؟ "صراخ"
مينا: ......
تامر: اتكلم .. اتكلم يامينا متفضلش ساكت كدا .. انت الوحيد ما بينا الي كنت قريب منه لدرجه انه يحكيلك حاجه .. تعرف ايه ؟
مينا:... انا معرفش حاجه .. بس انا كنت شاكك .. كنت شاكك انه مش طبيعي
فهد : مش طبيعي ازاي يعني ؟
"صوت انفتاح الباب"