الفصل التاني : الوصول
(قبل 18 شهر)
"صوت طائرات تقلع وتهبط"
مكانا يبدو كمطار نزول الدرجه الاولي شبه خالي مع اشعه الغروب تداعب كراسيه البيضاء المصطافه حتي تصل لوجه فتي يبدو في الـ17 من عمره شعر اسود بشره بيضاء انف صغير وعيون شديده الزرقه لامعه مع حدقه واسعه .. كان ينظر بعيونه الزرقاء الي دفتر اخضر داكن صغير كتب عليه "جواز سفر" لمده حوالي 10 ثواني ومن ثم يطلق تنهيده صغيره وينظر لذلك الشخص الانيق الجالس بجانبه
- مش من حقي اختار اسمي حتي ؟
= انا اسف يافندم بس الوالد قالنا بسرعه ومن غير ما حد يعرف .. وانت عارف انا بنفذ وبس .
- من غير ما حد يعرف؟ حتي صاحب الشأن ! .. "كاسا اوياجي"
=اتكلم عربي يافندم .. مش عايزين حد ياخد باله اننا من بره
- متخافش انا بتكلم عربي كويس .. اممم طب اسمي وقررتوه من غير ما اعرف .. البلد الي هسافرها بردو مش من حقي اختارها ؟ .. كنت عايز اروح بلد اول مره اروحها .. بس ملقتوش غير مصر ؟
=حضرتك عارف ان مصر اكبر منطقه حياد .. ومحدش منهم هيجيلك هنا .. محدش هيعرف مكانك اصلا
- قولتلي منطقه الحياد دي دخلت كام حرب في الـ100 سنه الاخيره ؟ .. دا كفايه انها في الشرق الاوسط
= منطقه حياد بالنسبلنا يافندم .. بس هم مش هتفرق معانا .. يحربو يحتلو يدمرو ينهضو يعملو ثوره يعملو انـ ... احم .. مش هتفرق معانا .. احنا مبنتأثرش كتير بالعالم الطبيعي
- ملقتش غير الاسم دا ؟ ... انا هفضل اد ايه هنا ؟
=....
- ايه ؟ 'اوها' مقالش ؟ ولا حتي جدي
= علي الاغلب لحد ما تخلص الحرب مع الغرب يافندم
-تئ وملقتش غير الاسم دا ؟ .. وملقتش غير مصر ؟
=ههه دا وطنك يافندم .. حتي لو كان زمان .. حضرتك اصلك من هنا
-كلنا اصلنا من هنا ! .. يلا مفرقتش كتير يعني .. الانسان لايكون حر الا بعد الموت
=ههه ازاي بقي
- ايه دا وانت فاكر ان انت حر ؟ او فاكرني اني انا حر مثلا ؟ بنسبي العالي وقدراتي المتفوقه وفلوسي الكتير ! .. بص الانسان مبيختارش حتي اسمه (يهز جواز السفر بيديه) اول ما بيتولد بيكونو مقررين اسمه اصلا قبليها بكتير .. وبعدين مابيخترش مدرسته.تعليمه.موهبته .بيته.عيلته.كل تفصيله في حياته بتتقرر من الي حواليه .. وبعدين اما يدرك الوضع الي هو فيه ويحاول يغير .. نظام بلده او المجتمع بيفرض عليه الشروط الي تسلب حريته -دافحاله المواطن العادي- وفي حالتنا احنا مختلفتش كتير .. كل الموضوع ان الجهه الي بتفرض النظام بتتغير .. الانسان حتي مبيقدرش يختار طريقه موته .. مهما بلغ جبروته
ينظر لوجه ذاك الانيق الجالس بجواره ليجد ملامحه قد تغيرت وهو لا يستطيع الرد عليه .. ادرك علي الفور ان الفرق بينهما هو الذي يمنعه من التطرق الي حديث كذلك والرد علي فلسفته
- ااااه الا قولي .. تفتكر مين هيكسب في الحرب (يحاول تغيير الموضوع حتي لا يحرجه)
=طبعا احنا يافندم
- همم لأ ..
=.. حضرتك لازم يكون عندك ثقه!! .. قوانا ممكن تكون متقاربه .. بس المنطق بيقول الفوز للأقدم .. دي السياسه الي مجتمعنا ماشي عليها .. مهو تاريخنا مش قليل بردو هههه
- بالعكس .. الحرب هتخلص تعادل
=نعم!!...ازاي يعني
-طلاما انا مش هتدخل .. الطرفين هيقررو فرض السلام بعد اعاده النظر لخسايرهم الكبري
= بس مفيش حرب بتخلص تعادل ؟
-بكره تشوف .. المهم حطيت كام في حسابي ؟
=...
- ايه ؟
=اوها قال ان العيله اولي بالفلوس الي هتاخدها .. وقالي سيب الفلوس عليه هو .. علي حضرتك يعني
-....بتهزر؟
=....لا... وكمان امرني امنعك انك تتورط في اي اعمال مشبوه عشان تجيب فلوس .. واه هتبدأ مدرسه الشهر الجاي .. حضرتك في السنه الاخيره من المدرسـ
-ايييييييييييه ؟ (يقاطعه)
=انا اسف بس لو حضرتك مدخلتش مدرسه هيكون صعب نسبكها
- ..... 'تنهد' .. مش مهم(ينهض من مكانه) يلا بينا .. في اسم عايز اتأقلم معاه .. "رامي" ... ملقتش غير دا يا"سيكي"
سيكي: انا اسف حضرتك ..
بنهض كلاهما متجهين لبوابه قد كتب عليها "مطار القاهره"
الفصل التاني انتهي..