جبروت الشيخ وقلبي
البارت الرابع
الكاتبه بنين الطائي ....
بس بنات شغله وحده اريدها منكم حبايبي خلوا انتقادكم بناء وانتقدوا اي شي يعجبكم الكم حرية الراي ..بس شغله وحده بدون كلمات جارحه تخص الابطال ..لان بعدين راح يقروا ويشوفوا كلماتكم اكيد راح يضوجوا ..ولانسسى كلنه بشر وكلنه خطائين ماكوا بينه ملائكه ..
وبداية القصه حجيت ان البطل ماعنده مانع يحجي كل اخطائه لان يكول اريد الكل يتعلم مني ومااينسى ان كما تدين تدان ..
فااهو يعرف كل زين اسلوبه وتعامل جان كلش قاسي ولاتنسوا هو يمثل هواي اشخاص ورجال موجودين بمجتمعنا لسه يتعاملون ويه المراه بهاي الطريقه ..
لذلك تابعوا وشوفوا شصير لاتستعجلوا بالحكم ..
متابعه طيبه حبايبي الكاتبه بنين الطائي ❤ 🦋
.......................................
..
شهاب خلال ايام تقرر زواجي .. وبسبب تافهه .. واني عقلي مو مصدك الصار .. شنو بسرعه فترت علي لا ماكل ولا شارب .. بقيت الاسبوع كل شايط .. ماعرف شسوي وخرب كل العرس .. بس نقطه ضعفي الوحيد هي امي .. ماردتها تتاذى يوم بسببي بعد كل الي تحملت علمودنه .. والهم الشالته بعد مرض ابويه جانت هي الام والاب .. ماكدرت اعصيها .. خاصه وهي وضعها الصحي مو تمام .. كلت احاول احجي ويه غاليه .. بس مافاد ومبينه كيفت علي سالفه الزواج .. عبالها راح اعتبرها حرمه الي لو اقبل اخضع للامر واقع
دوامت بالجيش ..
وجان موقعنه هل مره خطر كلش بحيث .. لكينه مكانات نصها محتله ..
جان عدنه امر واحد ان .. الموقع الي ستلمنه نحافظ علي ويبقى لحين وصول الدعم ..
بقينه ليل ونهار جره وحده .. ضرب وتفجير قريب علينه
واحنه كل شويه نكول بينه هذا .. من احس صار قريب نطلع نرمي ونرجع وهيج بقينه للصبح ..
ماصدكنه يطلع الصبح .. وسلمنه وطلعنه ..وبطريق الرجعه ..
جهاد .. بويه كلت ميت مابيها مجال .. يرادلنه ذبايحها علي طلعتن هاي بسلامه
شهاب .. شتدري رايحين نتونس هي هاي العسكريه
محمد .. هههههه علي كيفك شكال الرجال .. صدك الموت جان شعره منه .. بربي كمت اشوف اهلي واحد واحد كدام عيني كلت بس لا اموت واني امي متعارك وياها .. بالعباس بعد ماطلع من البيت وامي زعلانه عليه .. اموت بحصرتي
عباس .. اني بقت افكر شفت من الدنيا .. لاتزوجت لا خلفت .. لو عندي ولد يشيل اسمي جان اموت واني مرتاح
شهاب .. اموت احسلك .. هو زواج كبر بس الفرق هذا انتي تروحله برجليك .. مومثل الموت يجيك بيومك
جهاد ..هههههههه جاا اليسمعك مايكول الاسبوع الجاي تتزوج
كلها صارت تتصايح وتحجي .. شنو تتزوج .. معقوله العقدة نفكت .. منو هل تعيست الحظ المسكين الي الله راح يعذبها بهل البشر هذا
شهاب صحت بيهم وهم ناصبين ويضحكوا علي .. جاا وروح ابوي واصل عندي لخشمي .. الي اكضه منكم اطلع حرگتي بي .. ومن بابل لبغداد وهم يحششوا علي وراح تدخل القفص الذهبي .. ويضحكوا .. وجهاد مستلمني حش وياهم .. طفرت روحي وصحت
شهاب .. نزلني هنا .. روحوا انتم للمقار اني اصلا مجاز
جهاد .. حقك عريس .. روح ارتاح وتهيه للعرس
شلت البطل وشمرته عليه .. ضربه بيده وهو يضحك وهذواله .. يصيحوا نريدك ترفع راسنه .. انت كدها يابطل
اشرتلهم وعبرت علي جهت السيارة اخذت تاكسي وطلعت على الكاظميه .. دكيت الباب ماكوا احد .. عاد طلعت المفتاح وفتحت ودخلت .. البيت مهوس .. والملابس بالكاع والمطبخ كله مواعين وسخه يمكن صارلهن اسبوع .. جنت تعبان وكبل رحت للحمام سبحت وشمرت نفسي على جربايه .. البيت صاير هوسه زيدون وين مايجي يشمر ملابسه .. وماينظف وراء ابدا .. نمت تقريبا بالخمسه كعدت .. جنت مانايم ليله كاملة .. جان زيدون بالبيت جاي يكوي ملابسه ..
زيدون .. هلا .. يابه علي خير زواج شو فاجئه قررت .. وشعجب اقتنعت بغاليه ادري بيك مااتريدها
شهاب .. مااكوا هي امك اذا تخلي شغله براسها بعد تفك منها ياخه .. بويه ميت جوع شعندك هنا ينكال .. صرت ادور بالمطبخ والثلاجه
زيدون .. اني اكلت بالدوام .. ماعبالي هنا جان جبتلك اكل وياي
شهاب .. اروحن ابدل واطلع اكلي لقمه احسن .. جاا انت ماتنظف االبيت عبالك عايش بمزبله .. صدك جذب
زيدون .. شسوي مالحك .. والله ارجع ب٤ مالحك كلشي اسوي .. واختك وحده مصلحجيه .. اذا ماعدها شغله يمي ماتجي تنظف ولا تسوي اكل ..
لبست وجاي امشط علي مرايه واحاجي هو بالصاله .. جاا امك كدرته بس عليه ماتزوجك لعد .. لو بس اني تركض وراي
زيدون .. ههههههه جاا رحمه لبوك اسكت كلما تشوفني تفتح طاري الزواج .. واني كتله موافق ماعندي شي .. بس اكمل السنه واني اتزوج
شهاب .. خوش منك مقتنع .. لزم اكو وحده بالك
زيدون .. اي اكوا بس مو كتها هسه .. خلي اخذ الدكتوراه ويصير خير
شهاب .. اي بيها الخير ..
طلعت منه ورحت علي الامام زرت وطلعت جان اكوا واحد يبيع هناك كباب .. علي شارع مال الكراج .. من اني صغير اكل يمه من جان ابوي يجيبنه نزور ولسه يبيع بس كبر محله وصار ضخم ..كبابه بي طعم يختلف عن اي كباب تاكل باي مكان ..
دكيت علي رقم وحجيت
شهاب .. هلوو .. اي نزلت .. هسه جاي .. اي تحضري
رحت على منصور ونزلت يم محل يبيع مكسرات اخذت .. ورجعت اخذت حلويات وطلعت
اول ماوصلت دكيت .. كالتلي تعال
دكيت الباب وطلعت .. اول ماشافتني اخذتني بحظنها
شهاب .. ولج وخري احنه بالباب .. امشي جوه
.. مشتاقتلك يااا شيخ صار هواي ماشايفتك .. ولو زعلانه منك .. بس من اشوفك انسى حتى الزعل
خذتها من خصرها .. ومشيت بيها .. تعالي اني هم مشتاق
كضينه ساعتين واحنه سويه .. بعدها كعدت ادخن وهي جواي كاعده تاكل وتخلي بحلكي ..
حجت .. اليوم شبيك عصبي وشكلك يخوف .. اديني وركبتي زوركنه من كد ماعصرت عليهن
شهاب .. جاا ماتدرين اني مااجيج غير من اعصب .. وروحي تطلع .. احس يمج كل الغضب افرغه .. وارجع اتحمل من جديد
...
رغم ذلك .. اعشقك وكلشي يجي منك حتي لو الم هم احبه .. اخذت ايدي وكامت تبوس بيها
شهاب رغم كل قسوتك .. وادري ماعندك اي مشاعر ناحيتي .. بس كلبي بس الك يرف تدري حتى لوتطلب روحي انطيها الك بسهولة
شهاب .. الاسبوع الجاي زواجي ..
كمزت تباوعلي وهي تحجي وتبجي .. يعني بعد مااشوفك ..صارت تعلي صوته وتحجي .. بس انت وعدتني ماتعوفني .. كلت تبقى تجيني .. ماراح تتركني صح ..اموت والله بدونك .. حتى لو اشوفك مره بالشهر كاافي .. علي
شهاب .. جاا شبيج مااسمعتي .. راح تزوج بس مااراح اعوفج .. ولا ارح يتغير شي بعلاقتنه
كامت علي حيلها وعلت صوتها .. هاي علي اي ساس .. مو جنت تكول اكره الزواج .. اكره اتعلق بالنسوان .. واني قبلت اكون بحياتك اي شي انت تريده بس وعتني ماتتخلى عني .. واليوم جاي حتي تكلي .. خلص راح تزوج يعني بعد مالج لزم بحياتي ..
طفرت لزمتها من شعرها ولويت راسها .. لج صوتج مايعلى لا وحق علي اكسر راسج .. واني حر بحياتي اتزوج اصاحب .. ماوعتتج بشي .. ولا مجبور انطيج تقرير بتصرفاتي .. انتي الي ركضتي وراي .. وانتي الي قبلتي بهذا الوضع .. واذا ماعجبج مو لزم .. اني اصلن صوجي اجيت
اخذت قميصي لبسته .. وشلت الموبايل و السويج اريد اطلع .. وهي مجلبه باايديني وتتوسل بيه
.. اسفه والله مو قصدي .. ابقي حبيبي اني بدونك اموت .. والله ماعيدها اخر مره
صارت تبوس بيه ومجلبه .. دفعتها عني وصحت بيها
ممنوع .. تتقربين مني .. بدون اذني فهمتي .. طلعت بسرعه .. وركعت الباب وراي
رحت على بيت زيدون دكيت طلعلي وهو هستوا نايم
دخلت وذبيت نفسي نمت نومه طويلة ..
كعدت لكيت .. زيدون كاعد يتريك .. كعدت تريكت ويه
زيدون .. امي البارحه سالتني عنك .. تكول جهازه غالقه .. وين جنت البارحه
شهاب .. اي صح نسيته مغلق هسه افتح .. يم واحد صديقي
زيدون .. اليوم تروح للعماره .. اني السبت اروحن اخذت اجازه
شهاب .. اي اخذت .. اي بس اكمل اروح .. عود جيب فاتن وياك .. وشوف مهند شوكت يجي
زيدون .. اي ماشي
شهاب .. يالله مع سلامه
زيدون .. الله وياك
طلعت الصبح وصلت الساعه ب١٢ ظهر .. همزين الجو بارد والا طريق شحملها بصيف .. نوب ازدحامات
اول مادخلت بالسيارة .. تلكتني امي ..
ام علي .. هلا حبيبي .. اخذت اجازه
شهاب .. اي يمه باقي للاسبوع الجاي
ام علي .. تعال تغدا .. وروح للديون اليوم عند اخوك كعده مال عشاير .. شوف شصاير
شهاب .. لعد مالحك بس انطيني مي .. شربت مي ودخلت للديون سلمت وكلها ردت علي جنت لابس دشداشه وغتره ابيض
صاح علي .. همزين وصل الشيخ شهاب .. تعال وان اخوك .. هاي سالفه صارلها ايام طلايب .. حلها يخوي
جانت طلابه واحد من عشيرتنه ضاربين امه وكاتليها .. والرجال الضاربها هو سايق سيارة بيكم محمل زرع ومحصود ماخذه يبيعه بالعلوه .. وجن المريه مارا من يمه وماشايفه وضربها .. والمريه جبيره بالعمر وميته بساعته .. واهل المريه يردون منهم فصل مبلغ جبير .لو يكتلون الرجال .. وهو حسب مافتهمت واحد فقير بالكوه معيش عائلته .. تدخلت بيها .. وكتله ينزل من المبلغ والزلمه الخاطرنه نزل منه .. وطلبت منه يسوي دفعات شهريه حتي يكدر يسدده اله .. بالاول ماقبل بس اني تكفلت الرجال .. قبل والزلمه ماعرف شلون يتشكرنه .. خلصت .. وطلعنه نتغدا اني وعلي
علي .. والله اليوم عجبتني ابن ابوك صدك .. ذيب بسرعه حليتها
شهاب .. بعدك ماشفت شي .. الايام الجاي تشوفك بعد اكثر
علي .. اشوف نفسيتك احسن .. لزم الدوام غير الوضع
شهاب .. اكيد .. اشوف بي الموت بعيوني كل دقيقه يخلي الواحد يصحه على زمانه
علي .. خير لعد .. حضر نفسك للعرس اريدك تطلع احلي عريس
شهاب ..خير انشاء الله
صار تحضير العرس كله على علي .. ماقبل ادخل نفسي بشي .. ولكيت امي مغيرة غرفتي كله .. وجايبه غرفه جديده .. بس لسه ملابسي وغراضي ماحطيهن ..
شهاب .. بوويه شنو السالفه كالبين الغراض كله .. هسه وين ملابسي وين الكهن
رقيه .. شبيك تصيح .. غراضك بغرفت زيدون روح تلكاهن مصفطات .. غا.....
اني ..اني حطيتهن
شهاب ..شبيج تعلسين ماتحجين عدل
رحت لكيتهن همزين مرتباته ومصفطات .. لومهوسات جان كلبت عليهن البيت .. بدلت وطلعت واني معصب
غاليه .. صارت هوس وترتيب وكلها فوك راسي تزن نوب اني عندي كومه قرايه .. اخذت اجازه مال زواج انطتني المديرة عشرة ايام .. مااكوا احد يستغرب لان هواي اصغر مني يتزوجن .. يعني جانت مسائله عاديه .. البنات كلهن اجني يباركلي .. بيهن الفرحانت من كلبهن وبيهن الي اشوف نظرات الحسد والغيرة .. ماهتميت وكملت كلشي .. من ترتيبات .. بس وكتها جنت اتصرف بدون وعي .. وكلها حاطه نفسها عبالك الكل راح يتزوج ..ماجنت احجي ولا انطي اي راي باي شي .. وشهاب اصلا مادخل نفس بكلشي مو عبالك عرسه .. و٢٤ ساعه مطنكر ومعصب .. جنت تحاشي مابيه حيل يكعد يحجي عليه
وهو قوه على عم عيونه متحمل الوضع ..
خلص الاسبوع .. ولسه مهوسين عبالك موعرس مدري شلون .. وقلبي ابد مارتاح ولا دقيقه رغم شكد احبه .. كلبي مقتنع وفرحان راح اتزوج الي احبه .. لكن عقلي جان غايب عني ومامصدك الي جاي يصير .. واحس ان راح يصير شي موزين .. مااراح ارتاح بهذا الزواج ..
قبل الحنه بيوم اجتي فاتن بنت عمي .. اخت شهاب هي وجهاله .. واجه زيدون .. ومهند ومرته .. جانت مرته فد مره كاشه روحه منه .. وماحابه الهوسه والجاي يصير بالكوه كاعده ويانه .. رغم خالتي ماقصرت وياها بشي .. وجانت طايره من الفرحه .. مامهتم لااي شي ممكن يعكر فرحته
العصر اخذتني عمتي لوحده تشتغل صالون بيته ..قريب علينه لان شهاب ماقبل اروح مكان بعيد ...
حفتلي وعدلت حواجبي .. صبغت شعري وميشته
اباوع علي نفسي ماعرفت روحي .. حواجبي مسويتهن الي هلال .. يخزن
اما شعر شحجي ضارب علي وجهي .. لونه كركم وميش لونه برتقالي علي اصغر .. عبالك شعر لعابه ام الربع
شعري من الله طويل واصل لخصري واسود وناعم .. حتي جانوا يكلولي شعر هنديات شعرج .. صار مثل المحترك .. ولونه ضارب علي وجهي نوب اني من كثر القرايه والسهر عيوني من جوا سود .. صرت فلم رعب حرام .. ماقبلت وكتله موحلوو مااريد
بس شكول على النسوان اويلي يابه .. قامت تقنع بيه مال عرايس وانت لان اول مره تحفين وتصبغين هيج تشوفي .. عمتي خوب فقدت سوتني طالع لعابه تخبلين .. مااجنت مقتنعه وخابرن فاتن هي حماتي الجبيره وعايش بغداد يعني تفتهم بهاي سوالف .. اجتي تركض .. كالتلي طالع تخبلين
وباجر بالمكياج والبدله تصيرين لعابه
ماكلكم قنعني .. ورجعت وياهن .. رقيه حسيتها مامقتنعه بس ماردت تخرب فرحتي كالت طالع تخبلين .. ماكلكم كله سوتني طالع حلوة .. وماكوا احلي مني صدكت بيهن وجذبت نفسي ..
بليل كعدت فاتن تنظف بي .. وبجسمي .. جانت من اكثر المرات الي تالمت بيها .. بجيت من الالم .. بقت تشتغل بي لل٣ بليل .. وحطتلي قناع وخيار جوا عيوني وكتلي نامي باجر وراج يوم طويل .. نمت وكعدت من الصبح على صوت رقيه .. بس جنت مانايمه زين من تفكير والخوف .. وحتى بطني حستها توجعني ومغص قوي لزمني
رحنه اني وفاتن للصالون وعمتي ورقيه .. جانت تشتفل وتحجي هي وفاتن .. فاتن ماخلت سالفه ماحجت .. باوعت ماقتنعت بالمكياج .. خالتلي ماروني بعيوني وازرق .. ونوب الحمره ماروني .. كتله كلش طوخ
كالتلي بدلتج ماروني لزم هيج المكياج .. وانتي عروس يبرز بيج .. طبعا البدلات ماشفتهن عمتي الصبح رايح جيبتهن ..عاد فاتن كالتله خفيفيله شويه من الحمره .. وتسريحه خلي بيها خصل نازله
مااكلكم غير احس نفسي لعابه كل اليجي يضيف بكيفه .. مااجنت اناقش .. هواي لان ماعرف كلشي لاعندي خبره ولا اطلاع وماعندي السان .. واستحي هواي وماطلع كلمه لو ثنين كدام اي احد
شويه عدلته طلعت احسن .. والشعر سرحته وخلت سبري مايبين بعد محترك .. اكثر شي قهرني شعري من احترك جان ناعم كلش .. صار معطب .. نوب خلتلي لمع علي شعري .. وجسمي .. عود لزم العروس يخلولها لمع حتى تبين عروس ..
اجيت البس البدله طلعت .. جبيره علي .. خرب الحظ
ام صالون كامت تحجي .. انت ضعيف كلش مايصير هيج .. جسم ماعندج ماابارز .. ليش هيجي المفروض قبل العرس تاخذين مشهي شي .. حتى تملين البدله .. هسه ضعتي بنص البدله
ردت عمتي عليها .. اي والله خطيه من السادس كضه عليها خلاها بس العوادين ..باجر بس تزوج تسمن وتختخ
ردت ام الصالون .. يااخطيه بالسادس .. الله يساعدها لو مخليها تكمل السنه وبعدين تلحك علي شلاع الكلب
عاد جاوبت فاتن .. لا عيني العريس مستعجل .. بعدين مو غريب ابن عمها وعاشين سويه من الطفوله .. موزين صبر لهذا اليوم ..
ضحكت ام صالون .. وغمزتلي .. فدوة لزم قصة حب قويه
بكلبي ضحكت .. اي لدرجة متحلفلي وراء الزواج يشوفني اشكال العذاب .. والله يربي ماحجيت بس ابتسمت اله
راحت جابت ابره وخيط وكعدن ياخذن بيها من وراء وام الصالون اخذت الستيان مالتي .. وحشتها كلينس وكلتلي البسيها ترفع صدرج شويه ويبين حلو بالبدله
ماحجيت اخذتها ورحت لبست .. بعدين دخلت فاتن ساعدتني البس .. عاد شويه كعدت علي البدله
لبستني فاتن هذا الكبوس الي يجي وياها وخلت شال علي وجهي كلشي ماشوف .. هي كادتني .. طلعنه ..لكينه امير زوج فاتن فتح الباب وصعدنه ورحنه للبيت .. اول مادخلوني كله كام تصيح اللهم صلي على محمد وال محمد
تلكتني خالتي بالهلال .. وتهوس هاي رادها وهاي التمناها بنت الشيخ لابن شيخ جبناها .. بوستني من راسي وبستها من كصتها
دخلوني ..وفاتن شالت الكبوس وفتحت وطلعت البدل .. جان الكل موجود .. نسوان وين ماتباوع اكوا ناس اول مره اشوفه اصلا .. نترس البيت نسوان .. من ضمن الموجودات جانت مراة عمي سالم هي وبناتها .. ولا تستحي بعد كل الصار جايه .. وتباوع صفح علي .. واجتي تبارك .. بس تحسيها شايله حقد الدنيا .. بناتها هم اجني وراها يباركلي .. ولقاء شاورتني وهي تباوسني
لا تكيفين .. ترى خذج بس حتى يستر عليج .. وماطش سالفتج .. والا لوتموتين ماتصيرين مراة شهاب
باوعتلي وهي تضحك .. وكدام ناس تحجي .. جاا شبيج موتكولين عروس الا مطلعيج من الكبر بكفاله .. شمالج هيج ضعيفه تكولين تاكلين بدين .. كالتها وهي خربانه ضحك .. النسوان كامن يباوعن علينه ..
انقهرت هواي .. ومااعرفت ارد عليها .. خجلت واتسحيت ناس كلها تباوع علينه .. خالتي ماكوا وتردها ولا رقيه .. بقيت بهتانه ودور بعيوني احد يخلصني من شرهن
امها تباوع وتتمضحك هي وبناته .. جايات متقصدات يقهرني ..فوق قهري
عاد ردت عليهن فاتن .. جاا حلوة رشيقه .. كلها تتمنى الضعف بزمن كثرت بي الهوايش .. بعدين دام القاضي راضي .. الناس شعليها .. لو هي دوده
كلها ضحكت علي حجي فاتن .. فاتن من نوع السان .. ووكحه وترد علي اكبر واحد .. وتحب شهاب تموت عليه .. ماتسكت علي حق ابد .. وهي حماته تصير اخت رجلها وهي وياهن ملاطم فكيفت من شهاب اخذني ومااخذها..
كامت تهلل وهن انضربن علي وجهون .. بس عمته بقت تخزر بيها وهي تزيد بالهلاهل عناد...
عاد اجتي رقيه كعدت يمي كرصتها
ولج لا تعوفيني ابد .. ترى اضيع بدونج .. كبل شويه ردت ابجي من مالكيتج انت وخالتي .. خلفله على فاتن
رقيه .. يمه من يكدر يبجي مراة اخوي .. الا اكسر راسها .. لا تخافين كاعده بحظنج اليوم للصبح
من صدك كلمة مرت اخوي فرحتني .. صرت اتخيل حياتي ويه شهاب .. معقول يتقبلني وهيج يربي اصر من صدك مرته .. بداخلي اتنمى هل شي ومن كل كلبي فرحان بس عقلي رافض ان يصدك وجاي يوعيني ان شهاب بعمره ماحبني ولا راح يحبني
بعدها صار الغدا .. وصاروا يصبوا ونفرشت السفربالكاع .. عاد اني اشرت لرقيه
رقيه .. هاا حبيبتي .. محتاجه شي خاف جعتي امي جابتلج كباب وعزلته تاكلين وحدج ..
غاليه .. جنه نحجي مشاور .. لا بس اريد اطلع شويه ارتاح .. احس نفسي مخنوكه .. ونوب بطني تلوي بيه
رقيه .. زين يالله تعالي اساعدج نروح بغرفة امي ترتاحين
كومتني رقيه .. واني اريد طلع صايره لخه وبدلتي جبيره بالقوه اعبر نسوان كاعدات يريدن ياكلن .. عاد صارن يحجن ليش كمتي وين رايح العروس.. كلتهن فاتن ترتاح شويه وتتغدا
صدك بالغرفه شمرت الحذاء .. رجليني جانن يوجعني .. كعدت على جربايه .. ورقيه خطيه اجتي تفركلي بضهري وتضحك .. ترى دين هذا .. بيوم زواجي بس يشكل ضهري تكعدين تفركي ..
غاليه .. ههههههه بس تزوجي واني مستعده افرك للصبح
رقيه .. اي يكولون لو طلعت بنيه من البيت تجر الباقيات .. رفعت اديها وصارت تدعي .. اي يربي هي بس وحده اسحبها وراها...
ضحكت علي سوالفها .. وكعدنه ناكل رغم مااشتهي بس خطيه تسويلي لفات وتنطيني ..
عاد خلصت النسوان .. ورجعت كعدت للخمس العصر
كالوا اجوا وجابوا السيد حتي يعقدنه .. اني احس كلبي قام يرجف من الخوف وجلبت برقيه .. هي خطيه لزمت ايدي وكلتلي لاتخافين .. دخلوني لغرفتي خالتي .. وكعدت يمي فاتن واني مجلبه بيد رقيه ..
وكاعد بصف الباب .. علي كرسي...
باره جان علي وشهاب وخالتي .. وجهاد والسيد
فكعد قريب مني ويحجي كلي بابا منو وكيلج ..
علي كاله اني سيد وكليها .. ابوها متوفي ..
لاارديا رفت دمعه بعيني تذكرت والدي وامي شكد اتنمى هم هسه يمي .. واحد شما جان مرتاح ويه احد مو مثل اهل يحس ضهره قوي ودنيا كله مو بعينه .. حسيت على هزت فاتن...
غاليه انتبهي...
بقيت صافنه بوجهه .. بس سمعت السيد يكول هسه ردي وراي بابا ...
رديت كلت نعم ..وانت وكيلي سمعت هلاهل خالتي .. وفاتن هم هلهلت
طلعوني .. واني مادري ليش مافرحت رغم جنت اتمنى من زمان بس مافرحت .. دخل بعدها شهاب وعكس المتوقع هوجان هادي وفرحان ولبسني حلقه بس مااقبل يلبسني اي شي ثاني.. بس محد حس بي ضايج لو مايريد يتزوج بالعكس كلش فرحان وضحكت تارس وجهه حتى بقيت مستغربه وصافنه ..وشي ماتوقعت من فاتن كلتله بوسها يالله صارت مرتك ..كلت راح يرزل فاتن لو يخزرها ..بس تفاجت بي لزم راسي وباسني من كصتي ...
جانت لحظه صدمه بقيت بس عيوني مفتوحه ..شنو اني احلم ..وقام بعدها بسرعه وطلع ..
صار ليل واني على كعده وحده .. عاد ناس الغريبه كامت تروح .. بقت بس الكرايب ..
غاليه .. خاله اروح ابدل .. لان تعبت كلشي
ام علي .. اي يمه .. سودة عليه تعبتي اليوم هواي .. روحي يمه
صحت رقيه جيبلي شاله .. لان بدل مدلعه وخاف واحد من ولد عمي اشوفهم
انطتني فوطت خالتي جانت جبيره كلش وبيضه يكولون مو زين الالوان الغامقه علي العروس .. بس اني ماصدك بهاي سوالف ..المهم ذبيت حذائي لان ماكدر بعد اتحمل وصعدت نهبطت واحس كلبي وكع .. واريد اباوع من قوة جره مااكدر اركز .. لمن دخلني للغرفه .. وسد الباب
غاليه...
شششهاب .. شتر.. يد
شهاب ..شنوو .. مو صرتي مرتي .. ومو هذا الردتي .. هسه ارتاحيتي .. سويتي الي بالج .. كدرتي تخليني اتزوجج والله بنت امج ..
جنت مدنكة ماكدر اباوع علي .. استحي كلش .. بس هذا جاي يخربط ..شنو سويتي الي بالج ..خفت منه صدك خاصه مبين معصب صوت نفسه واصل لاذني وريحة عطره بخشمي يدوخ يخليني مامتوازنه .. قبل مايكمل .. ويبدي يخربط بالحجي عفت .. وصرت افتح بالباب .. بس حاط ايده علي ومايفتح وياي .. حطيت ايدي اسحب بيها وكتها لزم ايدي حيل وعصرها وصار يحجي
شهاب .. شنو مامصدكه .. اي حقج عبن ماحسبه نفسج مرايه مثل باقي النسوان ..وصار يباوع على جسمي .. اني صرت اغطي بروحي .. والزم بالشال زين حتى مايبين شي مني...
صرت احس الدم كله صعد لراسي وجهي نار تطلع منه من الخجل والارتباك .. ماعرف شسوي وخلص نفسي .. اول مرة ايباوعلي هيج ..
رجع كمل .. واني جاي اشوف كدامي .. شايفه وحده .. مابيه شوفت مراه .. عمي والعباس حرف الميم ماوصلتي بعد ..
هو يحجي واني دموعي تنزل .. مو بس من كلماته جنها سم لا .. جان ضاغط كل قوة على ايدي .. واني لبسه بتوت ناعم واحد منهن طق بيدي وطب باللحم .. واحس ايدي انشلت
غاليه .. ايدي .. كافي الله يخليك ايدي توجعني .. اول اسحبها منه وهو يزيد بالضغط واني وسيلة الدفاع الوحيده هي دموعي ..
شهاب .. انتي شنو من بشر ماعندج احساس .. جاا مااريدج وتقبل العمى ولاتقبلج .. انتي ماتحسين طلعي من حياتي من خرب روح الخلفج ..
كالها وشمرني باره الغرفه .. مااحجيت كلمه .. باوعت علي ايدي جان الدم ينزل .. من ذراعي للكاع .. كان هذا الدم جاي ينزل من كلبي مو من ايدي .. احس كلبي الي نزف مو ايدي
رحت بدلت وغسلت واني بس ابجي .. رقيه شافتني وبقت تسال بيه .. اخر شي حجيتله الصار بس حلفته ماتحجي لاحد .. بقت تحجي علي شهاب .. واني دموعي تنزل وهي تمسحن الي ونوبات تبجي وياي ..وحذتني بحظنها غفيت على رجليها مااحسيت للصبح
جان يوم الزواج رحت للصلون من الصبح اخذتني فاتن وعمتي ..بس هل مره شويه ارتب ماخلتها فاتن تكثر مكياج كلتله بعدها صغيرة وتضيع معانيها لو كثرتي عادي احسن طلعت ...
واول مره تصير بيت العروس وعريس نفس البيت .. علي رادني اطلع من بيت وزفه مناك تصير .. بس خالتي ماقبلت .. بيومها من القهر والالم وتفكير .. ماحسيت غير بطني كامت تلوي بيها .. ودخلتني فاتن للحمام .. وكتشفت ان .. نزلت .. فبقيت صافنه شسوي يربي .. هي التمت كلها .. كلت الرقيه ..حتى تجيبلي .. حفاظه .. جان ماباقي للزفه غير نص ساعه وكلها مخبوصه
شويه واجتي خالتي .. هم سالتني ورقيه كالتله .. كالتلي ميخالف يالله من التعب .. شويه واحس كلها صارت تدري .. يبوو شكد فشله .. فاتن تحجي لا تخلون احد وراء الزفه كلولهم العروس معذوره اليوم .. مفهمت كلشي
بس علما كملت وطلعت .. جان كل الواقفين من الكرايب يدرن .. من ضمنهن عماتي .. ونسوان علي .. ووو غير استحيت وخجلت .. بس بيومها من كثر ماتصير شغلات تكوم ماتعرف شسوي وشتتصرف
طلعت الزفه من بيت خالتي .. كعدني عماتي .. وخالتي ولوتشوفوا بس يصيح .. سدوا البوب .. لحد يدخل .. ويجيب ويصيح تكول ماخذي للموت مو للعرس .. ناس عبالهم متوتر لان عريس .. بس جان ضايج من صدك .. بعدها صاروا ولد عمي ولد عماتي يهوسون .. بنت الشيخ لابن شيخ جبناها هاي رادها .. وهاي التمناها
وافرح لابن العم تحتاج ايامه
وشكال الهوسات بس ذني جانن بالي .. حتى جماعته اجو بيوم العرس .. وسمعتهم يهوسوا .. هم عسكري وهم ربع يزفوا .. صار رمي تكول مادري شكول .. اني من خوفي جلبت بي .. وارجف ..نسيت كلشي بلحظة كلما واحد يتقرب يرمي انز
مااحجى شي .. بس اشرلهم يوقفوا رمي .. وكتها وجهه ضحك .. وصار يشاقه وياهم وهم من يفوتوا من يمه يبقوا يدكون هورن .. ويصيحوا .. زوجانه ورتاحينه منه .. ويصيحوا .. نريد نرفع راسنه بيك .. روح انت كدها يابطل
هو بس يضحك .. ويشر .. بس اني حسيت اختنكت رفعت شويه من الشال من جوا .. جانت زفه على كل منطقه .. وطلعوا بينه للقريه .. وفتروها كلها وفاتوا من يم بيت جدي .. ردت ارفع راسي .. ماحسيت غير لزم ايدي .. ونزل شاله .. ودنك شاورني
.. لا ترفعي ممنوع .. كلها جماعتي وكرايب تباوع .. ماحجيت هزيت راسي
جان جهاد يسوق .. وكاعده يمه عمتي ام جهاد .. وعلي مابي حيل يسوق هواي .. يتعب .. جان كاعد هو وخالتي .. ورانه يمشوا .. ويسوق سيارتهم امير رجل فاتن .. وفاتن هم كاعده وياهم هي ورقيه . .. كلما يفوتوا اسمع شهاب وجهاد .. يشاقون وياهم ويه خالتي .. اني كلشي ماشوف بس اسمع .. بس عمتي اشوفها لان قريبه مني .. جانت تسوي لخالتي على اعنادج .. اني كاعده بالصدر .. وتضحك ..
وخالتي اسمها تكله .. والله بعرس جهاد اني اكعد بالصدر واريد شوف مراه تكومني
جهاد .. والله عمه محد يكعد غيرج .. وامه تضربه وكلها تضحك .. الا اني احس نفسي فاصله عن الكل ..ماعرف شنو احساسي .. ولا كاني موجوده ..
دخلنه للبيت الساعه 8 بليل .. دخلني شويه كعدت بعدها مباشرة للغرفه .. اما شهاب فبقي ويه جماعته
وجابوا عشاء وكلها تعشت اني ماشتهيت اكل .. جانت فاتن ورقيه كاعدات يمي .. وبنات عمتي هم اجني .. شويه وفرغوا الغرفة
سمعت صوت هلاهل .. عماتي يهوسن ويركصن .. شهاب طفي الكلوب .. خده يشع ويه الروب
هواي بعد بس من الرهبه والخوفه بعد مااسمع شي ..
صار صوت الهلاهل والركص قريب .. وصوت خطواتهم صعدت الدرج .. وكتها لو تذبحوني ماتلكون بيه دم
خاصه من فتحت الباب .. ودخل وسدها وقفل المفتاح والعالم باره منتضرته .. واني دم مابقه بجسمي ..
يتبع......
🦋🦋......
.................................
🦋🦋
━━━━━━━━━━━━━━━━━━━━━━━━━━
🌸 هل أعجبتك أحداث القصة؟
💡 لمعرفة تفاصيل هذه الرواية ومتابعة بقية فصولها كاملة وبشكل مسبق وبدون إعلانات:
🔗 تابع القراءة عبر موقعنا الرسمي من هنا: https://kimostories.site/novel/122/جبروت-الشيخ-وقلبي
نتشرف بوجودكم دائماً في عائلة كيمو ستوريز! 🌸
━━━━━━━━━━━━━━━━━━━━━━━━━━