الفصل الثاني عشر
بقلم/ نورهان القربي
مازن / لينا ممكن تخدى شاور علشان تهدى وتروحى تنامى
لينا بطفوليه / طيب هترجع انت ومازن
مازن بهدوء / بكره قبل متفتحى عينك هتلقينى انا ومازن عندك ممكن نبطل عياط
لينا بتنهيده / وعد
مازن بهدوء / وعد و انا اسف على الكلام القولته
لينا / لا انا الاسفه علشان كنت مفروض تعرف منى الاول قبلهم متزعلش منى يا مازن انت عارف انا بعتبرك اخويا الكبير مش الصغير
مازن / وانا مش زعلان يا لينو يلا تصبحى على خير
لينا مبتسمه / وانت من اهله
اغلقت لينا الهاتف وهى مبتسمه لانها اطمئنت على اخيها وابنها فهى تعتبر الاثنين سندها فى الحياه
خرجت من غرفه المكتب وذهبت الى غرفه رهف فوجدت ايسل تجلس بجانبها على السرير ويتحدثون معا
لينا /انتوا لسه منمتوش
رهف / لا يا مامى مش جايلنا نوم
ايسل بخشونه مصطنعه / ايه مامى دى يا بنتى أنشفى شويه انا لو خدتك معايا الاسم هتتكلى هناك
لينا وهى تبتسم وتجلس بجانب رهف من الجهه الاخرى للسرير و تحتضنها /
ملكيش فيه انا عاوزه بنوتى الجميله تكون رقيقه مش زيك يا اخره صبرى شاويش بيزورنا فى البيت كمان مش قاعده معانا و ايه الالفاظ دى
ايسل باستهزاء / رقيقة و شاويش وعدتها بمزاجى اما حكايه اخره صبرك مش هعديها خالص فهمينى اخره صبرك ازاى اذا مكنش ورايا واحد وبعديه واحده كنتى هتقولى ايه
وملها ألفاظى مش عجباكى دلوقتى ليه
عموما تمام انا مليش غير مكتبى و خيرى هما الاتنين البيعملولى حساب
وبعدين انا قولت ايه هتتاكل ملو قلت هيتعمل معاها الجلاشه هتعملى ايه
شهقه صغيره خرجت من رهف وبهدها خبئت وجهها فى كتف لينا
اما لينا / تصدقى انتى متربتيش ادعى على
عبد الرحمن و لا اسر علشان هما السبب فى الانتى فيه
يا قلبى انتى بنت انا زهقت معاكى بتكلم مع مين انا كشفت راسى ودعيت بكل لغات العالم
صبرنى يارب انا قايمه انام
وقبل ان تقوم من على السرير قاطعتها ايسل /
طلاق تلاته من الهتجوزوا مش هتقومى وهتنامى معانا النهارده
لينا / ايه الانتى قولتيه دا طيب انا هقوم عند فيكى
ايسل / براحتك وانتى الهتكونى السبب فى طلاقى يعنى المأذون الهيكتب عليا هنمشيه وبعدها نجيب واحد تانى يطلقه الا المأذون الكتب يفتكر انى غرغرت بالراجل وبصلح غلطتى ديه سمعت راجل برضوا وانا عندى رجاله اخاف عليهم ولما يسألوني هقلهم لينو السبب
رهف بصدمه / مش المفروض العكس ولا انا كنت فاهمه غلط
لينا بهدوء / ايسل نامى بسرعة الا انتى عارفه جنونتى لما تكبر بعمل ايه
ايسل / اهدى يا وحش انا بهزر تصبحي على خير انا نمت من ساعتين عادوا
ونامت على السرير بجانب رهف
اما رهف فهى اغمضت عينيها بقوه.
فبتسمت عليهم لينا ونامت بجانبهم
...........................
فى عربية آمر
امجد / سرع شوا يا آمر احنا هنبات يا بنى فى الطريق
آمر ببرود / مش عاجبك كنت تعالى بعربيتك
امجد بستهبال/ اه علشان جدك يقتلنى انا مش عارف هو بيخاف عليا ليه لما بكون مسافر ولازم يبعت معايا عم خلف علشان هو اليسوق
آمر و هو ينظر له بنصف عين / بجد مش عارف
ولا بتستعبط
امجد ببرود / لا مش عارف كل الاعرفه انه بيحسسنى انى لسه صغير دا انا خلاص فضلى سنه واخلص الكليه وغير انى ماسك الشغل معا بابا من وانا لسه فى ثانوى بيخاف على ليه( وبزن وهو يلف وجه امر لكى ينظر اليه)
ليه يا آمر ها.. ليه ها.. آمر ليه
آمر بعصبيه وهو يتخلص من يد امجد / بس يا زفت هنعمل حدثه ومش عارف ليه جدك بيخاف عليك
من سواقتك الهباب هتموتنى وانا معاك فى مره...
انا الغلطان كل مره اقول مش هخدك معايا وانا مسافر علشان ام زنك....
دا كويس بيخليك تسوق وانت فى القاهرة
أمجد ببرود / ماشي يا خويا شد شويه خلينا نلحق نوصل القاهره قبل بليل
آمر بصله ببرود ( بمعنى بطل كلام) وكمل سواقه
_ بعد 5 دقائق
أمجد بضحكه/ هو جدى كان عاوز ايه منك بعد مخرجنى
آمر بعصبيه مصطنعه / مش لما اقولك ان كتر قعدتك فى الاجازه مع سهر و هاجر غلط بقيت لتات زيهم
وبعدين انت مالك جدى كان عاوزنى فى ايه
انت عارف يا امجد ايه المسكتنى عليك ومش راضى اضربك ومستحمل رزالتك
امجد بثقه وغرور / علشان بتحبنى طبعا يا صقر
آمر بابتسامة مصطنعه / ليه كنت حبيبتى طبعا لا
أمجد ببلاهه وصوت انثوى / يسلميلي قلب يا كبير هو انا اطول شرف ان اكون حبيبتك
آمر بنظره حاده / متحترم نفسك يلا واتظبط بدل مظبتك انا وانت عارف ظبتطى
أمجد بجديه / اهدى يا بنى يخربيت اليهزر معاك
آمر ببرود / ياريت مسمعش صوتك لحد منوصل ولو تنام يكون افضل
( و بصوت منخفض لم يصل الى أمجد ) حلال فيك الهيعمله احمد معاك مش هحوش عنك
لفتره قصيرة ظل الصمت سائد اثناء قياده آمر وتذمر آمجد من هذا الصمت
وقطع هذا الصمت رنين هاتف آمر
أمجد مسرعا / التلفون رد بسرعه اخيرا فى صوت غيرنا احنا التلاته
آمر مبتسما على امجد ثم نظر الى هاتفه ثم تحدث بمكر / طيب رد يا ظريف على احمد
أمجد وهو يبتلع ريقه و بخوف/ ها لا مش عاوز ارد احنا كده كده قربنا نوصل وانا عاوز انام
وقام بارجاع الكرسى للخلف واغمض عينيه
اما عن آمر فأكمل الطريق وهو يفكر فى الموضوع الذى تحدث به الجد معه
....................................
فلاش
الجد / عملت ايه يا آمر فى الموضوع اياه
آمر بتنهيده / يا جدى انا مستغرب من الموضوع دا
الجد بتنهيده / كل حاجه فى وجتها احسن المهم عملت الجولتلك عليه
آمر / اه يا جدى ومعرفتش اوصل لحاجه
الجد بحزن / كيف يعنى معرفتش توصل لحاجه
آمر / يا جدى الموضوع صعب مش سهل انا بدور لو كانت جوه مصر كنت وصلتلها
الجد بخوف / يعنى ممكن تكون سافرت
آمر بنفى / لا برضوا يا جدى علشان انا لما موصلتش لحاجه دورت فى الجوازات بردوا ملقتش اسمها
الجد بحزن وانفعال/ يعنى ايه مش لجيها ولا جوه مصر ولا براها يعنى ضاعت
آمر / اهدئ يا جدى انا مقلتش كده بس انا شاكك فى حاجتين
الجد بحزن / ايه هما
آمر / انها غيرت اسمها يا فى حد بيحاول يبعدنى انى اوصلها وبعدين يا جدى انا اول مره اعرف انك ليك اخ وليه بنت كمان
الجد بحزن / دا موضوع جديم يا ولدى وانا الشايل ذنب بنت اخويا الله يرحمه هيفضل متعلج فى رجبتى لحد مقابل وجه كريم
آمر / بعد الشر عليك يا جدى متقولش كده و ذنب ايه الانتا شايله
الجد بحزن / كل حاجه فى وجتها احسن يا آمر
الجد بتنهيده / فى واحد هديك اسمه بس معرفلوش عنوان كان صاحب اخوى جدا اعرف طريجه و روحله و اسأل عليه و اسأله عليها يمكن يا ولدى يكون عارف ايتها حاجه عنها
آمر بتنهيده/ حاضر يا جدى الانت عاوزه اسمه ايه الراجل دا
الجد / اشرف رحيم وخريج كليه زراعه
باك
امر بتنهيده /ربنا يستر من الجاى
.....................................................
فى مكان جديد
داخل قاعه الاجتماعات فى مدريه امن سينا
اللواء صبرى / حمد الله على سلامتك يا سمير
اللواء سمير / الله يسلمك يا صبرى ها ايه اخبار العمليه
اللواء صبرى / الظباط الجداد قدمهم يومين واللواء عبد الرحمن طلبت منه مجموعه من ظباط الشرطه
اللواء سمير باستغراب / ظباط شرطه من امتى و جهاز الداخليه بيدخل فى شغلنا
اللواء صبرى / دى اوامر من فوق عاوزين مجموعه من ظباط الشرطه يشتركوا فى العمليه دى منها بعيد عن الجيش و مش هيتكشفوا لو اتزرعوا وسطهم وبعدين هما عاوزين ينفذوا عماليات المشتركه بين الجهازين
اللواء سمير / مين الهيدربهم
اللواء صبرى / الرائد آمر و الرائد ايهاب وكابتن نور فيتنس وانت هتكون الاشراف
اللواء سمير / تمام الظباط الجداد عددهم كام
اللواء صبرى / 5 ومنهم 2 بنات بس القياده طلبت منى اذن استدعاء البنات يكون متاخر عن الباقى
اللواء سمير / وليه كدا مكلهم يحضروا فى وقت واحد علشان تكون تدريبات واحد و نخلص من العمليه فى اسرع وقت
اللواء صبرى / انا عن نفسى اتكلمت مع القيادات وقالوا كدا افضل و انفذ الامر
اللواء سمير / ربنا المسهل اكيد ليهم وجه نظر
اللواء صبرى / اكيد وانا هتصل بالواء عبد الرحمن وابلغه الخبر
اللواء سمير / تمام
....................................
━━━━━━━━━━━━━━━━━━━━━━━━━━
🌸 هل أعجبتك أحداث القصة؟
💡 لمعرفة تفاصيل هذه الرواية ومتابعة بقية فصولها كاملة وبشكل مسبق وبدون إعلانات:
🔗 تابع القراءة عبر موقعنا الرسمي من هنا: https://kimostories.site/novel/256/قوه-وجبروت-امرأه-الجزء-الأول-مكتمله
نتشرف بوجودكم دائماً في عائلة كيمو ستوريز! 🌸
━━━━━━━━━━━━━━━━━━━━━━━━━━