قوة و جبروت امرءة ♥♥
الفصل الثالت عشر
بقلم/ نورهان القربي♥♥
قبل متقرأ اعمل ڤوت 🙏🏻🙏🏻
اما فى شقه ملك نجد آسر و مازن يجلسان فى صمت حتى قطع هذا الصمت
مازن / انت زعلان من لينا ليه ومتقولش كلام الهبل الانتى قولتهولها علشان مش داخل دماغي
اسر بحزن / انا مش زعلان منها انا زعلان ومضايق من نفسى علشان هى اتبهدلت واتظلمت و مكنتش اعرف علشان اجبلها حقها و تلقينى فى ضهرها
مضايق من نفسى علشان كسرتها الشوفتها فى عنيها و صوتها وهى بتتكلم على الحصل وزعلان اكتر ومخنوق علشان بعد كل الحصل لها من الشخص دا هو و امه ولسه بتحبه بس انا مش هسكت و هدور علية لحد موصل للحيوان دا واجيب حقها
مازن / اهدى و عن نفسى مش هسيب حق امى ولا حقى انا واخواتى
آسر / لا ملكش دعوه بالموضوع دا علشان هو فى الاول والاخر باباك
مازن بكره / متقولش باباك انا مليش اب و هجيب حق امى بيك او من غيرك هجيبه فالافضل خلينى معاك
آسر بتنهيده / حاضر يا مازن و قفل على الموضوع دا علشان بيخنقنى
مازن / تمام انا مش عاوز اقعد فى البيت مخنوق و مكسل انى انزل
آسر بضحكه / هههههه و دى احلهالك ازاى
مازن بتفكير / اتصل على الرخم التانى وقوله احنا فى الشقه القديمه و هو هيجي ونسهر مع بعض
آسر بضحكه / هههههه انت ناوى على ايه
مازن بضحكه / على كل خير اتصل اخلص
.........................
اما فى دور التحت شقه لينا مباشرة
احمد و هو شايل حمزه من قافاه /متنام يا زفت عاوز انام ورايا شغل الصبح
والده احمد بخوف على حفيدها / براحه عليه يا بنى هو انت هتعمل عقلك بعقله
حمزه بطفوله / سيبيه يا تيته انا هعيفه (هعرفه) ينام زاى ويسينى نزلنى يا احمد متستسواش عليا
احمد بزهول / ايه متستسواش دى انت بتشتمنى
حمزه بجديه / نزلنى وانا هويك
احمد / وانت يا عي.....
و قطع احمد حديثه عندما استمع الى رنه موبيله امسك احمد الهاتف ونظر اليه
احمد / ازيك يا آمر ها وصلت
...
احمد / حمد الله على السلامه مش سامع صوت الصايع اوعى متكنش جيبته معاك
.....
احمد / ههههه خليه نايم انا هفوقه لما اشوفه
......
احمد / نسهر دلوقتى يا بنى الساعه داخله على 11 وانت جاى من سفر
......
احمد / خلاصا متتعفرتش على الجبونى
حمزه / هتنزل تخيج ( تخرج) هاجى معاك
احمد / اسكت يا حيوان تمام يا آمر هقابلك هناك و هكلم عمده
.......
احمد / تمام سلام
والده احمد / انت هتنزل دلوقتي
احمد / اه آمر و امجد وصلوا هتصل بعماد و ننزل نسهر شويه
والده احمد / ماشي يا حبيبى خلى بالك من نفسك
حمزه بعصبية / تيته متقوليس حبيبى لحد غيى( غيرى)
احمد ببرود و هو يضع الهاتف على اذنه / مش هرد عليك يا زعتر يا مبعتر علشان مش فاضى
حمزه بعصبية / متقوليش يا زيعتر يا بعتر دى
احمد ببرود / برحتى
حمزه بحزن / يا تيته متخلهوش يقولى كده تاني
والده احمد / خلاص يا احمد و روح شوف انت رايح فين
احمد و هو يقف انا هقوم البس وبعد كده اتصل بعماد علشان مش بيرد
اخذ منه حمزه هاتفه
احمد / سيب الفون يا ميزو
حمزه / هلعب بيه شوية
احمد / سيبوا علشان انتى مصيبه وبتصدم من مصايبك دايما
حمزه بقرف / خدوا مش عاوزه و هتخدنى معاك علشان اشوف امجد و آمر ( آمر)
احمد / اخدك فين هى هتعيل مش كفايه مستحمل رخامتك فى البيت لا كمان اخدك معايا
حمزه / ماشى و بيضوا( برضوا) هيوح (هروح) وخد كلم مازن بين (بيرن) عليك
احمد / على جثتى لو خرجت معايا ويلا على السرير
حمزه بضحكه / يبقى هتخودنى معاك
الو ايه المصحيك لغايه دلوقتى يا حضره المقدم
..................
احمد / انتوا مالكم النهارده
.................
احمد / مفيش يا عم اسر متصل ليه
................
احمد / غيرك سبق يا باشا
................
احمد / ناس صحابى اعرفهم
................
احمد / معرفش هيوفقوا ولا لا
...............
احمد / خلاص متزوقش يا عم هكلمهم وابلغك
...............
احمد / تمام سلام
والده احمد / انت رايح لمين بالظبط
احمد بضحكه / هقولك انا لا هقابل دا ولا دا وهروح اقابل المزه بتاعتى
والده احمد / هههههههههههه يارب اشوفلك اى حاجه فى حياتك غير شغلك وصحابك
احمد بضحكه / ماشى انا عموما هكلم الشباب ولو وافقوا هنروح نسهر عن اسر فى شقتهم القديمه
والده احمد / طلما هتسهر عند اسر يبقى مش هتبات هنا
احمد / اكيد هتعوزي منى حاجه
و فجأة خرج حمزه من الداخل / هتخودنى معاك
احمد بتنهيده / هكلم عماد لو وافق يسهر معانا و هيجيب التؤم هخدك معانا تمام يا باشا
حمزة وهو يحضنه / تمام يا اجدع باشا فى الدنيا ادخل انا اجهز علشان ماخركش
و دخل يجرى بسرعه لداخل غرفته اما والده احمد فهى تضحك على احمد وحمزه
احمد / بزعيق انت يلا تعالى هنا انا لسه هكلم عماد
والده احمد / ربنا يخليك ليه يا احمد انت بالنسباله عوض ربنا عن ابوه و امه و بعد متجوز انت و تخلف هيفضل هو ابنك الكبير و سندك وسند لعيالك
احمد و هو يقف و يقبل راس والدتة / ربنا يخليكي لينا يارب و ميحرمناش منك
والدته و هى تربط على راسه / ويخليك سند لينا يا حبيبى روح يلا كلم عماد والبس علشان متتاخرش
حمزه من الداخل / يلا يا احمد انا خلصت لبس
احمد بضحكه مكتومه / جاى يا زعتر
...........................................................
فى الصعيد
فى سرايا الحاج حسين
غرفه سهر وهى تجهز شنطتها وتجلس امامها هاجر على السرير
سهر بضيق / انا كنت سفرت مع آمر وكنت خليته يخرجنى اليومين الفاضلين قبل الدراسه
هاجر / انتى هبله يا بت هتباتى فين اليومين دول
سهر / هبات فى شقتنا هبات فين يعنى
هاجر / طيب وآمر و امجد مفكرتيش فيهم
سهر بخنقه / مكان اونكل سافر معانا النهاردة و خلاص
هاجر بشك / انتى مالك ملهوفة على السفر ليه المرادى مكل مره كنتى بتسافرى بعد الدراسة مبتبدأ باسبوع ولا باسبوعين ايه الجد
سهر بخوف / هه..طيب بصى انتى عارفه انى مبخبيش عنك حاجه صح.
هاجر / قولى فى ايه علشان انا مبخفش غير من الدخلة دى
سهر بخوف / هشتغل فى مكتب محاماة تحت التدريب
هاجر بعصبية / من غير متخدى اذن حد يا سهر
سهر بحزن / ما انا لو كنت قولت لجدي او لعمي مكنوش هيوفقوا و انا بصراحة حبة اشتغل و اعتمد علي نفسي ويكون ليا كيان
هاجر باستهزاء ورفعة حاجب/ ودا من امتي الكلام دا
سهر بغباء مصطنع / كلام اية
هاجر بسخرية / الكيان العاوزة تعملية والاستقلالية و حرية المرأة الظهرت عليكى فجأه
سهر بجدية مصطنعة و هي تقف و تترك ترتيب ملابسها و تهدم ثيابها اكنها في محكمة و تقف امام قاضي و سوف تهم بالقاء مرافعة شيقة سوف تزلزل بها ارجاء المحكمة /
سيدي القاضي حضرات السادة المستشارين.. اننا اليوم سنتطرق في حديثنا الي قضية شائكة.. الا و هي قضية المرأة و العمل...
في مجتمعنا هذا يوجد كثير من اشباة الرجال الذين يمنعون المرأة للخروج الي العمل و عندم......
قاطعتها هاجر بحزم مصطنع / اية يا ماما انتي تقمصتي الدور لسة بدري علي متقفي الوقفة دي و تحضري مرافعة
و بعدين انتي قصدك مين باشباة الرجال 🤨🤨 اوعي تكوني تقصدي جدك و اعمامك
سهر بغباء مصطنع/ هو انا قولت أشباه رجال
هاجر / اه.. و بعدين انتي كنتي اتكلمتي مع جدك او عمامك في الموضوع دا وقفوا علشان تروحي تشتغلي من وراهم
سهر بجدية / لا متكلمتش بس انتي لما كنتي عاوزة تشتغلي في المستشفى علشان تدربي رفضوا
هاجر بجدية/ انتي متاكدة انك هتتخرجي و هتكوني محاميه يا سهر .
سهر بثقة / اكيد طبعا
هاجر بهدوء / بصي يا سهر بغض النظر عن ثقتك في نفسك دي بس انا مختلفة عنك يعني انا كان في ايام ليا فيها نبطشية و هبات في المستشفي واحنا هنا في الصعيد مش في القاهرة اه مفيش هيقدر يتكلم علشان جدك و عمامك بس برضوا الناس هتكلم بينهم وبين بعض و دا كان سبب رفض جدك و عمامك مش تحكم وخلاص فهمتي.
سهر / يعني ابلغ جدو و انشاء الله هيوافق
هاجر بجديه / انشاء الله و حتي لو موفقش اكيد في حاجه هو شيفها مش هتنفع ليكي او خايف عليكي فبلاش تجدليه زي عاتك و مش لازم شغل استني لما تتخرجي و اشتغلي وقتها.
سهر بحالميه / لا انشاء هيوافق انتي متعرفيش انا مستنيه الشغل دا بفارغ الصبر ازاي
هاجر بنظره استهزاء تنظر بها الي اختها / بت انتي اتعدلي كده واتظبطي في الكلام و بعدين انتي جبتي الشغل دا منين
سهر بسهتنه حالمه و هي تضم قميصها في حضنها و بصوت غير واضح و لكن سمعته هاجر / هتدرب في مكتب حبيبي
هاجر بصدمه و هي تنتفض من مكان جلوسها و تقترب من اختها و بعصبية و هي تمسك زراعها / عارفه يا سهر لو محكتليش حبيبك مين و بتنيلي اية و انتي مسافرة و من امتي احنا بنحب حد
سهر بخوف و هي تنظر الي اختها / حاضر هقولك بس سيبي دراعي
هاجر بعصبيه و هي تترك زراع اختها / انطقي بدل مبلغ عمك يا آمر و هما يتصرفوا انتي بقت افعالك طايشة و انا ابتديت اخاف عليكي
سهر و هي تنظر لاختها و في عينيها لمعه تهدد بالسقوط و لكنها تمنع سقوطها / صدقيني انا معملتش حاجه غلط فكرة الشخص القولتلك عليه لما كنت رايحة لساره مكان شغلها علشان نجيب فستان خطوبتها
هاجر بهدوء مصطنع / اخلصي يا سهر
سهر / الشخص القابلته دا طلع دكتور مازن
هاجر بصدمة / المعيد العندك في الكليه
سهر بحب و فرح / اه هو يا جوجو
هاجر / طيب ايه الوداه هناك
سهر بابتسامه محبة / مهو طلع صاحب المكتب الشغاله فية سارة
هاجر و قد بدأت تفقد صبرها / طيب انتي ايه داخلك بدا كله
سهر بابتسامة / هدرب في مكتبه خليت سارة تكلمه و هو وافق
هاجر بدهشه / وافق عادي كدة انك تدربي في مكتبه من غير متتخرجي هي سارة بتشتغل ايه عنده
سهر بحب / لا دماغك متروحش لبعيد هو وافق علشان ساره تكون مرات صاحبه الانتيم مازن محترم ملهوش في السكة دي دا دكتور محترم و محامي شاطر اووي
هاجر بجديه / سهر انا خايفه عليكي بصي يا قلبي مفيش مشكلة لما تحبي بس الاهم انك تكوني حبيتي الشخص الصح الشخص الهيستحقك و مش هيكسر قلبك و اوعي تعرفي الشخص دا انك بتحبية او بتكني لية مشاعر الغير لما يكون هو عاوزك و بيبدلك نفس المشاعر و الاهم انه يدخل البيت من الباب مش من الشباك انا اختك و اهم حاجة اشوفك سعيدة و فرحانة مع الشخص اليستحقك و يقدرك فبلاش تندفعي في مشاعرك حفظي عليها للهيصونها و بالنسبة حبك للاستاذ مازن خلية في قلبك حبية بينك و بين نفسك و لو في خير و نصيب ربنا هيبعتهولك
سهر بسذاجة / و انا لما مقلوش اني بحبة هيعرف منين و هستفاد اية لما احبة بيني وبين نفسي
هاجر بهدوء و صبر / هو و انتي لما كنتي محتارة انك تدخلي تجارة و لا هندسة و في الاخر دخلتي حقوق بالرغم ان مجموعك يجيب هندسة و تجارة محولتيش لية لهندسة او تجارة.
سهر بتلقائية / اقتنعت ان ربنا و جهني للخير و اكيد ليا خير في حقوق و ان ممكن كان يحصلي حاجة مش كويسة في هندسة او تجارة لو فضلت مصممة علي التحويل من حقوق
هاجر / تمام و لما دخلتي الكلية
سهر بفرحة / فرحت بيها جدا و مبسوطة فيها و تقديري حلو في السنتين و اكتشفت اني بحب القانون جدا و حابة المجال و اهم حاجة ان قبلت فيها مازن
هاجر باقتضاب بسبب تعلق اختها بشخص هي لا تعلم عنة شئ /
بغض النظر عن سيرة الاستاذ هو انتي كنتي تعرفي انك بتحبي حقوق او ان ليكي فيها خير او انتي كنتي حطاها من ضمن الكليات النفسك تدخليها
سهر برفض / لا طبعا ولا عمري فكرت اني ادخل حقوق
هاجر بسلاسة / هو دا القصدي عليه انتي كان نفسك في هندسة او تجارة زي انتي نفسك مازن يحبك بس ربنا عارف وعالم انك مكنتيش هتكوني مبسوطة فيها او مستريحة زي مانتي مبسوطة في حقوق و ثابتة نفسك فيها...
ربنا عالم برضوا ان مازن لو حبك وجة اتقدملك من نفسة و من غير انتي متلمحي لحاجة او تقليلي من نفسك انك توضحي مشاعرك ليه هيكون في خير ليكي و سعاده و مش هتندمي في حياتك اما لو بينتي حقيقة مشاعرك وهو جهه اتقدم لما انتي صرحتية و ممكن ميكنش بيحبك و حصل واتجوزتوا ممكن تطلقي و هتلاقي كل مادي الحب هيقل لغاية مهتكرهية غير العيوب الهتكتشفيها فية و هتندمي انك صرحته او حتي حبيتيه
سهر باقتناع و هي تضحن اختها / ربنا يخليكي ليا يا احلي جوجو في الدنيا وميحرمكيش مني
هاجر بضحك و هي تحضن اختها / هههههههه و لا يحرمني منك يا عسولتي
و تراجعت بعد ان حضنت اختها و لكن مازالت ممسكة بيديها و تنظر في عينيها /
احفظي قلبك لليستهلك و يجري وراكي علشان توافقي علية مش انتي التجري وراه علشان يرضي هو و يوافق عليكي و ادعي ربنا و هو هيكرمك اخر كرم
سهر / ربنا يخليكي ليا يارب من غيرك معرفش كنت هعمل ايه
هاجر بضحكة / اعملي فراخ بانية
سهر / هههههه شبسي و كراتية
هاجر و هي تقف / هنبدأ الالش الرخيص تصبحي علي خير بكرة الصبح كلمي جدك و عمامك علشان الشغل و انا هقف معاكي بس القولناه النهارده يتحط قدام عنيكي علطول
سهر بفرحة / هااااااااا تعيش جوجو تعيش هاااااااااااااااااا نامي معايا النهاردة علشان انا هسافر بكرة و هتوحشيني
هاجر بضحكة / هههههه كل دا علشان الشغل ما يا ستي هروح اغير و اجيلك
سهر بابتسامة / ماشي
خرجت هاجر و وقفت سهر تغلق شنطة السفر للاستعداد للسفر في الغد و ذهبت الي السرير و تسطحت علية حتي تاتي اختها...
******************************
الفصل خلص يارب يعجبكم 😚😚
اكتبوا رايكم فيه 🙈🙈 متعرفوش بيفرق معايا ازاي
متنسوش كومنت + فوت و انتوا معدين 🤗🤗
تتوقعوا اية في الاحداث الجايه 🤔🤔
━━━━━━━━━━━━━━━━━━━━━━━━━━
🌸 هل أعجبتك أحداث القصة؟
💡 لمعرفة تفاصيل هذه الرواية ومتابعة بقية فصولها كاملة وبشكل مسبق وبدون إعلانات:
🔗 تابع القراءة عبر موقعنا الرسمي من هنا: https://kimostories.site/novel/256/قوه-وجبروت-امرأه-الجزء-الأول-مكتمله
نتشرف بوجودكم دائماً في عائلة كيمو ستوريز! 🌸
━━━━━━━━━━━━━━━━━━━━━━━━━━