هلوو زهوري الحلوه مساء الخير والله مشتاقتلكم هواي شهالغيبه هاي ماطيبه الدنيه بدونكم والله حيل مشتاقتلكم واتمنى لو اكدر اضمكم كلكم والله الله يعلم شكد احبكم❤
البارت جان مفروض انزله من قبل يومين بس بسبب تأخير البطله وبسبب ظروفها ماخلتني انزله لذلك كتبت بارت الخ الكم راح اكمله وانزلكم هو من وكت
ماطول عليكم....
لاا تشكيلهم ضَمهن لتالِي الليل
الما چاسه المَرض مايُعرف العَلة؟
_________♕___________♕___________♕__
نظراته اخترقتني بسهم اني بالاول ردت اعانده بس ماتوقعت توصل الى هيج مرحلة ماتوقعت هو نفس الشخص الي احبه هيج راح يتصرف وياي
منتظر لو ثانيه وحده بس اكوم وراح يلحكني جنت متأكده وتحقق مطلبه
ماما. شهد جيبيلي الشاحن
شهد. خليها بعدين
ماما. شنو بعدين مو سمعتي هسا احنا راح نبدل ونطلع بعد ساعه دكومي ولج اني اگوم؟ ولج راح ينطفي الموبايل
شهد بتوتر. اوك رايحه
كمت بس احس رجلي ماتتحرك من الخوف حاولت اصعد بسرعه طفرت جبت الشاحن كبل لااطلع انفتح الباب
طب شد شعري بيده لفها واحس شعري راح ينشلع من كد ماشاد عليه
مصطفى بصراخ. اگتلج هسا واخلص منج احجيي شلون وياج
شهد. وخرر ايدك واترك شعري
مصطفى بغضب. جاوبينيي لييشش تعصبينيي ليييشش ماتسمعيين كلامييي فهمينيي
دفعني ع الباب حيل فرفحت روحي عظامي تكسرت
وبقه لاف شعري بيده وشاده حيل
شهد بدموع. كلي بشنو غلطت وياك تره انت غلطت وياي تريد تعتدي عليه مصطفى انته مرييض
ماحس غير شي حار نزل على خدي خله دموعي اطير بجهه وكعت على ركبتي باوعت لإيده جان لازم بيها شعري جان فاتحهه رجع قبض ايده خفت يرجع يضربني
دموعي تنزل عشره عشره ظليت ابجي وخليت ايدي ع خدي لان ماداحس بيه من گوه الراجدي
ظليت احاول مابجي بس ماتحملت ظليت اشهگ
مصطفى ببرود. اول شي قارني لبسج بملابس الاسلام وبعدين تعالي كولي انه مريض واحجي اليعجبج آنه لو ماريد احافظ عليج مجان مديت ايدي
شهد بجي. شبيه ملابسي هو اصلا بالبيت ومنو اكو غيرك ابوك اكبر من ابوي واخوك صغير ليش ماتخليني حتى لابسه جواريب جوه تنوره ومو كلشي بالضرب تحافظ عليه تضربني؟
مصطفى بغضب. تجاوزتي حدودج ظليت احجي وياج بس انتي مايجي وياج العيني والآغاتي طبج مرض لاتبدلين انتي الخسرانه
طلعت وصفكت الباب حيل مادري وين اذب حرگتي وين ماروح اشوف الآذيه حتى من اقرب البشر البنيه الاحبها وتعذبت يلا اخذته هيج جان كلامها الجارح ويايه شنو تعرف عني حتى تگول مريض اكو غصه بگلبي جرح عميق اريد ابتره واخلص اخخ ياگلبي شجاك وحبيتهه
الغصه لبگلبي اريدها توگف
نزلت وانه مغثوث من حجيها
ماما. ابني ماتگلي وين صارت شهد
مصطفى. ادور عالشاحن
دك جهازي
طلعت للحديقه فتحته
حسام. ها شيخ انته عايش بالعسل وناسينااا
مصطفى. لكك سديت اذانيي شهل صوتت ياعسل متكلي وينك
مهند. لاهاي شغلتك فكرر
مصطفى. صوتكم ماواضح
حسام بضحكه. شيخ انته وين؟
مصطفى. اربيل بحرگه
حسام. واحنا جيران
مصطفى. لاتشاقه وياي هيج شقى شجابك هنا
حسام. وعلي كلت ماعوف زوجي افا عليك تريد تخوني ويا الجديده موو
مصطفى. انجب واحترم نفسك لك حتى هنا لاحگني
حسام. احنا بالفندق وداعتك يالغالي مو بس انه جتى اسد جاي ويانا
فتح كامره
اسد. سلام عليكم ضلعي شلونك
مصطفى بفرحه. وعليكم السلام الحمدلله خويه شلونك
اسد. بخير الله وكيل قنعوني اجي
حسام. هوب هوب باع هذا ماعليك بيه يريد يذبه بروسنه احنه
مصطفى صغر عيونه. ولله لو مااعرفك سگط من طياح الله حظك
حسام. ذب عروستك وتعال
مصطفى. خوش مهند كلي شصار ويا بت العم سناء نروح نخطبها اله
حسام. لا بداعت امك لاتسويها انت بس تكول اسمها اريد استفرغ من......
..........................
ابجي واني گلبي مكسور عشت مدلله ومحد مد ايده عليه محد تجرأ ويكدر هيج يحاسبني ع شي بسيط بعدني ماتزوجته وهو ضاربني شلون راح اعيش ويا واحد ايده والطگ شسوي يروحي التعبانه شلون اگدر اخلصج منهم المشكله حبيته لأول مره احس بالحب مرات احس روحي محظوظه وماراح الگى مثله ومرات احس ميستاهلني واكدر ابيعه واشتري راحتي وحريتي بس مو بسهوله وهمه جانو مخططين يزوجوني
كمت وظليت افكر بحجيه بمعنى ثاني اذا هو ماراح يوكف وياي الكل راح يوكف ضدي محد يكدر يساعدني غيره طلعت فستان طويل مالت محجبات بدلت ولبست حجابي نزلت جوه ودمعه على خدي
ماما. بعد وكت اخذت شاحن مريم اوصيج على شي ساعه تجيبيه شو بدلتي تعالي شبيج ماما احجي
شهد. ها زين شحنتي
ماما بقلق. شبيه وجهج ولج بتي خدج منو ضربج
مريم بقلق. شكو صدك شهد شنو هذا
ام مصطفى. اسم الله شصار واج بتي منو ضربج احجي
شهد بدموع وبجي. انضرب وجهي بالكنتور اهى اهئئئ
شبكتني ماما وظلت خايفه عليه
ماما بقلق. مريم جيبي ثلج من الفريزر
مريم. يي هسه
ماما. كافي امي كافي تبجين كله صوجي اني
شهد بدموع. مو صوجج اني مانتبهت
ماما. شلون مانتبهتي كنتور هالكبره كدامج ماشفتيه
شهد بدموع. اهئ شسوي ماجنت شايفته
كعدت وجابتلي ثلج خلته ع خدي
شهد كافي ماما اني زينه صدگيني
ماما. ولج كعدي وسمعي كلام راح يورم اذا ماعالجتيه هسا
كاعده وعيوني ادور عليه يعني كل السويته بيه شبيج شهد مايستاهلج ليش تفكرين بيه فوك السواه بيج والله لأندمك
داحجي ويا نفسي ماجنت منتبه باوعت كبالي شفت واكف كبالي
شهد بفزع. اوي شبيك ماطلع صوت من تتحرك
مصطفى بخزره. منو تندمين؟
شهد بتوتر. ها ليش منو يندم
دنك لمستواي باوع بطن عيني
مصطفى. انتي احجيلي منو هو هذا اليندم ليش خايفه تردين راجدي منه حتى تكمل؟
دفعت ايده وكفت گباله بالضبط
شهد. ماخايفه منك اضربني مره الخ وشوف اذا راح تشوفني مره ثانيه
داحجي وهو عبالك ممنتبه الحجيي ظل يباوعلي ويرمش ببطئ عقدت حواجبي
شهد بانزعاج. لاتسوي روحك ماسويت شي
جان راح يلزم خدي وخرت وجهي عنه
مصطفى. شيصير لو تسمعين كلامي هسه بدلتي تمام
شهد. لبالك بدلت لان انته كلتلي تره بس حبيت اذكرك احنا طالعين وهذاك لبس بالبيت مو بره
اني احجي وياه وهو يتقرب
شهد. لا
ضمني وباس خدي اليوجعني
شهد بدموع. وخرر لاتبوسني
مصطفى. كافي تبجين شهد تدرين شجاي تسوين جاي تحرگين گلبي عليج ولج ولله مجان الي نيه اأذيج بس انتي اتجفصين بطن الواحد
شهد. خلي يحترگ احسن باوع شسويت بوجهي وتگلي ماالك نيه لو جان الك نيه شنو لعد حتسوي بيه انته راح ادمرني الاحسن تبتعد
لزمه جف ايدي وحجى
مصطفى. هاج شهد اضربيني مثل ماضربتج انه بس لاتكليلي ابتعد ولج ماكدر اعيش بدونج اضربينييي
شهد بدموع. اترك ايدي ماكدر اني مو مثلك گلبي قاسي واأذي
مصطفى. ادري انه غلطان لان مديت ايدي عليج شهد تفهميني انتي ممحترمتني
شهد. لأن انته عصبي اني مامحترمتك؟ اهئ جنت احبك واكول انت مثل بابا تخاف عليه وماتخلي اي شخص يأذيني طلعت انته الي تجرحني وتأذيني
مصطفى. بسج بويه لتبجين دموعج غاليه اسف شهد وداعتج انتي اغلى من حياتي اعشگج اوعدج ماراح امد ايدي عليج هاي اخر مره بس سمعي كلامي ولاتعاندين
شهد. راح اسامحك بس ماراح نرجع مثل قبل
مصطفى. شدتحجين شهد احنا نريد تطور علاقتنا
شهد. هذا قراري مصطفى اذا ماتقبل بالحالتين مااسامحك
مصطفى تنهد. شنو المطلوب
شهد. ممنوع تحضني ممنوع تبوسني ممنوع تلزم شعري ممنوع نكعد وحدنا ممنو
مصطفى. بسسج شكوووو بعددد كولييي ممنوع اشوفجج وفضيهااا
شهد. اي شفت كلتهه بعد
مصطفى. صدگي كل هالحجي مايهمني لبالج هذا الحجي راح يخليني اعوفج
شهد بابتسامه. اكرهك
مصطفى. انه هم احبج
شهد. تره گلت اكرهك مو احبك
مصطفى بابتسامة. شكلتي
شهد. اكرهك مااحبك
مصطفى. شنوو عكس اكرهك؟
شهد. احبك
مصطفى بضحكه. شكد تحبيني
شهد بتفكير. هااه شنوو لحظه ااااا لاماجان قصدي شنو تقشمر عليه
مصطفى. خاله شي لعيونج؟
شهد بتوتر. ماخاله شي بس كحل
مصطفى. اي إنتي جري الكُحلة وعيونج تجر الزلم موو
شهد. يوو قابل شخاله هو بس كحل بعدين منو يتحرش بيه وانت يمي
مصطفى. شهد اريد اضمج
شهد. ونسيت شكلت
مصطفى. لج كافي خرب عرضج شكد تنكين
شهد. اي والله تستاهل حتى بعد لتسويها
مصطفى. وداعت ماسويه اذا تطيني عضه منه
شهد. نووو شنو اني مخبله انطيك مجال فوك ماورمت خدي هنا تجي تورم الثاني
داحجي وكام يمشي باتجاهي
شهد بتوتر. مصطفى
مصطفى. روحه
لزمت خصرها هيا ظلت تباوع متوتره مديت ايدي جوه الحجاب لزم شعرها
مصطفى. تحبيني
شهد بنعاس. همم
مصطفى.هسا تتراجعين عن هذاك الحجي
شهد. ههههه اوكيه بس وخر ايدك تره نعست
مصطفى. دخيل الله شگد شايله بضحگتج جمال
شهد برطمت. احبك يروحي بس ماريدك بعد اتأذيني اوعدني
مصطفى. ولج ماجنت ناوي اضربج
شهد. وتالي شسويت
داحجي شد خصري وظل يبوس خدي
شهد. ليش دتبوس هذا خدي مو مجروح
مصطفى. لحد الآن متذكر لمن جان عمرج اربع سنوات بستي جرحي وگلتي امج علمتج تبوسين الجرح حتى يطيب
شهد بصدمه. شنو
مصطفى بضحكه. لاتستغربين بنيتي
شهد. عزاا هاي اني جنت اخرط هواي شجنت اسوي
مصطفى. تلحگين الفريخات
شهد. ههههه جنت احبهم بس هسا اموت من الخوف اذا اشوفهن ويلحكوني ماتحمل لان من جان عمري7سنوات عضني واني من ذاك الوكت كرهت الفراخ احب لون الصوصي الاصغر ويكون دبدوب بس هسا استبدلتهن لكيت احسن دبدوب ضميته وظليت اضحك
مصطفى. هاي عليمن شايفتني سمين
شهد. لابالعكس بس نفس الشي اثنينكم ضخمين لعد البارحه شلون نمت اني ماكدر انام الا احضن دبدوبي
مصطفى. جا هم زين معتبرتني دب حتى الدببه محظوظة اكثر من عدنا
شهد. هههه كافي يلا وخر
مصطفى. وخري انتي كبل
شهد. لاانته
عبدالرحمن. والله لاانت ولاانتي اني اولي لوجه الله احسلي
دفعته كبل انصدمنا هذا شجابه
مصطفى. تعال وين طالع
عبد الرحمن. اشغل السياره
مصطفى. دجيب السويچ ولي
عبدالرحمن. لا اله الا الله خويه ادري سياره اغلى من عدي بالعباس ابو فاضل بس للباب
شهد. ياخطيه ليش ماتخليه يسوگ
مصطفى. ماعنده رخصه ومتعلم من أصدقاءه
شهد. دباوع عليه خطيه شكد بريئ
مصطفى. والله وسفه بس وجهه بريئ المن جوه يعلم الله روح
عبدالرحمن. ولك احمد استعجل
شهد. لا مادام شغله بيها اخوي راح انديح
مصطفى. نذبهم بأقرب زباله ونرجع
شهد. خوش فكره ديلا يلا روح بدل وتعال اريد اصور وياك دوم متأخر
....
صعدت بالسياره مالت بابا الساعه بال2الظهر
محمد. ها بابا شو كاعده ويانه ماتروحين
شهد. لااريد ابقى بسيارتنا ميخالف راح اشوفهم من انزل
داحجي اندك الجام فتحته
مصطفى. الجو بارد ولابسه نظارتج الله
شهد. لاهيج بس علمود اشوف الدنيه حمراا
مصطفى. هيا الدنيه زرگه وتردين تحمريها بلا لغوه يلا امشي صعدي ويانا
شهد. لافدوه خليني هنا شبيك تره حشوفك من نوصل
مصطفى. خليج هو ياهو الي رايدج
شهد. هه احسن
صعدو بالسياره واحنا بالطريق جنه رايحين على مطعم دولي بيه هواي مطابخ قريب عالمنطقه
جنت داباوع بالطريق لحد ماشتغلت اكثر اغنيه اكرهها شمسين
شهد. يا بابا شغل غيرها ونبي اتنرفز من عدها
محمد. يابنتي الاغنيه بيها ذكريات
شهد. تراها اغنيه قديمه
محمد. ميخالف تبقى ذكرى ومعانيها بگلوبنا انه وامج نسمعها
شهد. اكلبها واسمعها وحدكم والله الموسيقى تنرفزني
ماما. ولج لعد انتي هم تعرفين تحبين شعليج خلينا نسمعها
شهد. صدك ماحبها
بقيت ضايجه واهز رجلي اني من اتوتر من اتعصب اظل احرك رجلي لحد ماوصلنه
كبل نزلت من السياره طرت صرت يمهه
شهد. اوكف لااطب
مصطفى عقد حاجبه. شكو شبيج
شهد. ههه جنت اركض تعال اريد اصور فديو
مصطفى. وهذا هم تنشريه
شهد. لاطبعا مانشرك
مصطفى. ليش
شهد. صديقاتي مايعرفن واذا عرفو راح يتغزلون
مصطفى. اي وشبيها خلي يعرفون يتغزلون
شهد بانزعاج. اكولك بس اخذت هالصوره ميحتاج امشي نروح تره كلش جوعانه
مصطفى بابتسامه. هواي
رفعت راسي اله گرص خشمي وسحبني كمت امشي مثل الاطفال ولأن خجلانه اول مره اطلع وياه
من لزم ايدي احس اكو فراشات بمعدتي شي يريد يوصف فرحتي ماكدر اعبر خليت ايدي ع وجهي وهمس'احبك" كل ظني ماسمعني باوعلي بطرف عينه وضحك ضمني وباس راسي كل هذا واهلنا جانو داخل المطعم احنا همات دخلنا وطبعا من نروحله كل واحد يمشي وحده لان اكو هواي مطابخ واكو وكت محدد نطلع بيه طبينا اني وهو ومن الداخل اكو جام اخذنا گهوه وطلعنا بالحذيقه كلها نباتات ومسابح ونافورات كلش حلوه والكعده تجنن بس بارده واحنا لابسين ملابس ثقيله كعدنه سوه طلب نركيله واني كمت جبت اكل وفريت بالمطاعم كلها اكل واتمشى لحد ماطلعت بره كعدت وياه
شهد. شنو هاي بعدك هنا ترا الاكل طيب
مصطفى. اكلي حبيبتي بالعافيه
شهد. جبتلك تره اكل وياي
مصطفى. شبعان
شهد. شنو والله تاكل افتح حلكك
مصطفى. هيا غصب جيبي
شهد. لامو غصب بس خاف عبالك تسمني وتعوفني ادورلك غير
مصطفى. بويه احبج انتي شراين گلبي هيلتي لبة گلبي اعشگج لو تصيرين بكيزه هم احبج
شهد. هئ منو بكيزة؟ هيا هاي لتحبها مو
مصطفى بضحكه. لجج بكيزه حمات جدة
شهد. شنو لا ادورلك سالفه علمود تنهزم
مصطفى. وداعتج هيا
شهد. عزا اييع منو يتحملها ترا اكبر خبيثه بالدنيه
مصطفى. الله يرحمها ماتت
شهد. سؤال اذا انته هاي جت بالك يعني ماظل احد مااجى بالك هسا اولهم حبيبة گلبك
مصطفى. تؤؤ شلون تحجين عليها حبيبة گلبي
شهد بعصبيه. اموتتكك هسه واني شنووو
مصطفى. اعصابج سندس
شهد. عااا لاتكول سندس شنو سندس منوو
مصطفى. ها سندس دستجني لايطگلج عرج
شهد. جاوبني منو سندس وحبيبه گلبك؟ اها هيج لعد اخليك وياها روح اخذها واشبع بيها
مصطفى بضحكه. ليش منو حبيبه گلبي غيرج
شهد. ترا ماكلت اني كلت اولهم حبيبه كلبك اكيد تدري شنو اقصد
مصطفى. لا مادري لان انه عندي حبيبه گلبي وحده
شهد بزعل. مصطفى تره من اتذكر حبيبتك اكو شي يوجع گلبي مادري احس اني بديت بأسوء خطوه بس ماريد ااذي احد وماريدك تجرحني
مصطفى. شهد ليش انه شحجيت انتي لتجيبين الزعل لنفسج لاتفكرين لاهيه تحبني ولااني احبها
شهد بقهر. منو يكول اخذت مكانها
مصطفى. لج انتي مو اخذتي مكانها انتي جنتي بگلبي كبل لااحبها جنت خايف عليج لان طفله والاحسن ابتعد عنج وانطيج مجال وحريه الج بس من رجعت اهتم بيج ومانسيتج
شهد بحيره. اني اخاف فد يوم تزعل مني وتعوفني
مصطفى. ماكو هيج شي احنا مشينا خطوه وهالمره حتى لو تردين نطلگ مااطلگج لو نموت سوه لو نعيش سوه جان الج فرصه ترفضيني بس هسه كلشي تغير و السنه الجاي نتزوج
شهد بصدمه. شنو صدك تحجي مصطفى ترا كتلك اريد اخلص
مصطفى. ماشايفه الخطوبه راح اطول شكد ينراد انطيج اربع سنوات يلا نتزوج لان السادس صعب وراها ماتلحين تتجهزين الاحسن اخذج سنه الجاي
احنا ماعدما خطوبه اطول اكثر من سنه سنتين
شهد بتوتر. شنو سنه الجاي بس ترا ماظل شي كم شهر مالحگ فدوه
مصطفى. تلحكين هنه جهاز كلها ماتهمني المهم انتي وياي اريدج انتي
ماكدرت اباوعله من الفشله عيوني راح اطك بجي وجهي صار طماطه شحجي اكل بروحي
شهد. تت رراا ع عي ب ه الس والف اهل ك مميحج ون وياك
مصطفى بضحكه. لا فرولة انتي احجي
شهد. ها اءاي عيب
مصطفى. شبيه عيب هيا مرتي وا...
كمت منصدمه من الحجي خليت ايدي على حلگه
شهد بصدمه وحرج. عزاا وااخاه اذا متسكت هسا اروح اتزوج واعوفك
مصطفى. ياگوا.. د هذا ياخذج مني
شهد. شنو يعني تستهين هسا اذا اكوم شرط اخلي الكل يريد يحجي وياي بدون ماسوي اي حركات وهيج سوالف
مصطفى رفع حاجبه. تيسير ولاتستجن دكعدي لااسحگج
شهد بعصبيه. والله والله وخر خل اكوم اجيب شي اشربه مرمرت گلبي
كمت رحت يم الميز جان عليه عصائر واني رحت وكفت صايره طابور اكو واحد جان ديركض دفعني جنت راح اوكع لزمت الميز انمطلت عليه كوه لازمه نفسي من الفشله
.. اسف خومه اذيتج
شهد. ها لاء عادي مو مشكله ههه اني بخير
فجأه كام يسألتي انتي من وين مو المشكله هنا المشكله حلوو انصدمت عبالك واحد اجنبي واشگر
ومعضل
باوعت بطرف عيني ل مصطفى شفته خزرني شكله عرف لبالي
_اني من كركوك
_ياصدك تشرفت بيك انتي اصلي من بغداد وحاليا عايشه بالموصل
_اتشرفت بيج مخطوبه؟
سويت روحي ممنتبها عالحلقه علمود لايشوفها
_ههه يي صح مخطوبه باوع شوي بس شوي باوع بطرف عينك هذاك خطيبي
داحجي وهذا ماسمعني زين كبل باوع ع مصطفى ويكله هلوو بيده نوب يضحك متونس
مصطفى خزره حيل الولد شاف الاوضاع تخربط كام يحجي منثول
_اوهه ظاهر مو خوش وكت اني اروح اسف عالازعاج
_لا مو مشكله باي
_باي
اندرت اباوع ل مصطفى ماراح تمر على خير ولو الولد بعيد عني وماسوه شي ولاحجى شي موخوش ع سريع صبيت كلاصين عصير بارد وجيت ركض
شهد بتوتر. شوف برد گلبك وبعدين احجي هئ
باوعلي وعيونه حمر راح يطگن من العصبيه
مصطفى بخزره. شهد يباوعلج وتضحكين وياه؟
شهد. والله العظيم دفعني لان ماشافني
مصطفى. تدرين لو كمت جان شسويت بيكم بمكان عام شهد وعلي احطج اگتلج وياه ومحد يخلصج من ادي
شهد. شسالفه ترا الولد ماتحرش بيه بعدين انت مو كلت محد يكدر ياخذني منك وعود هيج
داحجي بعدني ماخلصت انلزمت ايدي حيل
شهد. شبيك توجعني
مصطفى بخزره. اريد ابرد گلبي بيج مو بالعصير
شهد. اهئ شسويت ترا والله حتى هو حجى وياي والله ماسويت شي كلي مخطوبه وعرفته عليك شبيك تخبلت انته ترا بس حجى
مصطفى. ولللججج ماريددد يحجيي وياااجج اي بني آدممم ياگواااا.. مو من جنسج ماتحجين وياه
شهد. شبيك تصيح عليه ترا دايسمعون خلص اني اسفه بس لاتفقد ترا امبين الولد خاف منك وانهزم
مصطفى. انهزم؟
شهد. اي والله لو ماخاف منك جان حلوو حرامات
مصطفى. جفصي بطني بعد وكليلي عصبي
گرصني من خصري احس روحي شاطت ماكدر اصيح وابجي
شهد. هئ ترا مو هيج قصدي وخرر
مصطفى بخزره. تنجبين وتمسحين حمرتج
شهد. ياحمره اصلا مخاله حمره والله
مصطفى. وهذا شنو اللون
شهد. والله العظيم ماخليت حمره هاي شفتي شبيك
مصطفى. معليه مسحيه وهاي الكُلحة مسحيها لاامردج
شهد بقهر. انته صدك ماتخلي الواحد يتونس شوف هاي البنات شكد خالات ميكب باوع هذيج حتى لبسها وانته مو هذيك صارله ساعه تباوعلك من كعدنا
مصطفى. انه شعليه بيهم هاي بر**بوك انتي تردين تصيرين مثلها
شهد. مو مثلها اذا انت كحل ماتخليني اسوي كلشي
مصطفى. لان انتي حلوه من دون هالسوالف وعيونج عيون الغزالة شدعوه تبرزين بيهن لبنيه تترتب لزوجهه مو تصير فرجه للرايح والجاي
شهد. واني هم اريد اخلي ميكب واترتب علمودك
مصطفى. بيج حظ سويهن بالبيت مو كدام الخلگ كلها
شهد. بس ماريد امسحه راح اتسخمن تره غير مره الله يخليك ماخلي محل بعد
مصطفى تنهد. اخر مره
شهد بابتسامة. احبك ياروحي انته اني راح اروح
مصطفى بخزره. وين
شهد. هههه لاتخاف رايحه اشوف اهلنا وين كاعدين واجيب حلويات وياي اوك
مصطفى. تعالي وين....
طفرت واني طايره من الفرح اهم شي ماغصبني امسح وجهي كلهه رحت شفت اهلي كعدت وياهم اكل وبعدين تذكرت الحلويات جبتهن وجنت طالعه بره شفت.....
...
صحتها ماسمعتني راحت تركض صفنت ع المناظر الحلوه رجعت لذكرياتي من ولدت لحد مااخذتها اكو بگلبي فرحه ماتنوصف كد ماافكر ناسي اني وين كاعد حسيت اكو ايد لازم جتفي لبالي شهد بس لبنيه تمادت درت وجهي شفت لبنيه نفشها الجانت كاعده بصف المسبح
.. مرحبا
مصطفى رفع حاجب. بصفتج منو تخلين ايدج منو سمحلج اتكعدين وياي
.. اووي هاي شبيك اني بس جيت احجي وياك وندخن سوه
مصطفى.لزمي نفسج بر**وك و ردي المكانج احسلج
.. هههه عبالك هذا الكلام راح يأثر عليه
حجت وتقربت يمي خلت ايدها ع جتفي وظلت تمشي بإيدها
.. كولو انتو الزلم تحبون نعاشركم
باوعت عالرخص تلعب النفس ضاربت وجهه چوب وجايتني صغرت عيوني وشديت شعرها
مصطفى. شوفي لجج عا**روحي لگوا***العندج وذبي نجاستج يمهم لاتجين لمكان محترم
شهد بصدمه. منو هاي
كمت رحت الها ادري هيا بريئه ماراح تفهم
مصطفى. وين جنتي شهد انتي زينه
هزت راسه"اي"
راحت للبنيه وكفت گبالها
شهد بابتسامه. منو انتي
.. شنو حبيبي ماكو داعي تبتسمين
شهد. هههه انتي شعليج سألتج جاوبيني ليش كاعده وياه
.. ديلا هو منو انتي خطيبته هم تصدگين الزلم كل همهم رغباتهم
مصطفى بغضب. سديي حلگج و ردي المكانج او روحي دوريلج رجال يتلفاج
شهد. انتي شعليج اني مو خطيبته مرته ليش جنت كاعده وياه هاه ولازمه ايده بعد
مصطفى. شهد لاتدخلين بهيج سوالف مال كبار
شهد. هااه لعد يمكن اني جيت بالوكت الغلط
.. هواي لو ماجيتي احسن جنت كاعده ويا حبيبي كطعتي علينه ال...
مصطفى بعصبيت. شنهوو لججج
شهد بصراخ. لاانتي تردين اموتج ماعندج اخلاق
طفرت عليه لزمت شعرها هلسته وعضيتها حيل وعضيت اديها عبالك جايه بالستريج احس نار تاكل بگلبي من الزمها واكتلها شرط كون مسحت الميكب بوجهه كل هذا والدنيه كلها التمت تباوع والي يحاول يبعدنا ومصطفى صاير اعصاب كل ساعه يسحبني واني اعض ايده واطفر
بس هالمره صرخ بوجهي لزمني وظل يسحب بيه شايلني واني ظليت اضرب بيه عضيته
شهد بعصبيه. وخرر عوفني اريد اگتلها ولله لأدميها هسا
مصطفى بغضب. لججج ادبسز بسج فضحتينا كدام العالم راح تموتيها
شهد. وخررر ودير بالك بعد تلزمني ولك عفتك دقايق تدري شنو دقايق كاعد وياها ولازمتك وفوكاها ماوخرته وتكلي لاتدخلين اني ماادخل؟ لعد منو الها علاقه بيك احجييي لاتخبلنيي حبيبتك وتريد اعوفكم شنووو
مصطفى. ولجج ماعرفها وداعتج عندي هيا اجت انتي كل هذا شفتيه ماشفتي شون دفعته هل ادبسزز
شهد بدموع. اتركني مصطفى اتركنييي
دفعته ورحت بصف المسبح كمت ابجي ليش الناس ضدي تذكرت شلون كاعده وياه كبل لااطلع گلبي صار يوجعني
دفعتني وظلت تبجي عبالها ماحس بيها من تغار ضحكت ورحت ضميتها من ورى وانه احاول احبس ضحكتي لزمت اديها لصغار
مصطفى. لاتضوجين شهدي وداعتج انتي اغلا انسان بحياتي كلها مستحيل اخسرها شكو براسج اعوفج علمودها لو اخونج ويا هيج شكولات حتى واحد اذا يريد يخون ع الاقل يكون عده ذوق يخون ويا وحدها حلوه ههههه مو
رگعته بوكس بطنه
شهد بغيرة. والله سويها وگتها شوف شسوي بيكم
انزع جاكيتك
مصطفى. بردانه؟
شهد. لاانزعها ماتلبسها خاف هاي سوتلك شي بيها عطر الله اعلم كون ربي ينتقم منها جاي تغريك
فتحت السحاب جنت دانزعه حيل ضايجه
مصطفى بهمس. انتي الجاي تغريني
شهد بتوتر. هاا اءانزعها وحدك رايحه ادخل جوه اني
مصطفى. ماترحين وحدج
شهد. لبالله صارلي ساعه اطب
مصطفى. شوكت طبيتي هيا مرتين وكافي تخطين كدام الرايح والجاي امشي اجي وياج
طبينه بالداخل ورحت جبتله سوشي من المطبخ الياباني وصلصله خضره😂رحت كعدت وياهم
عبالهم الي
شهد. يلا ضوگهه
مصطفى عقد حاجبه. شجايبتلي
شهد. سوشي
ماما. ولج بتي ياسوزي دوخري ريحته ماطيبه
شهد. والله ماوخر الا اخليه ياكلها
مصطفى. كل عقلج؟ زبن شنو هاي اللونه اخضر شو ماارتاحيتلها
عبدالرحمن بضحكه. چنهه زراب
الكل. استغفرلله
احمد. خط احمر نصيحه خويه لاتجرب
شهد. لاضوكهه بس تعجبك ولك حمد انت معليك لاتخليني اوكلك ياها غصب
مصطفى. امداج ولج هذا تقديم لاهو حلويات لاهو طبخ شو كلهن سمج نيئ وريحته تقزز وشنو هذا يلفون بيه جلد السمج؟
مريم. ههههه ولج الا اخوي ياكل من عدها ماصدك
شهد. بله ياكل اكلك انته تحبني لو لاء
مصطفى. استغفرلله شعليه الحب بالاكل
شهد. لتطبعا عليه لان تشاركني بالاشياء ااي اني احبها
مصطفى. هسا صرتي تحبيها؟ شوكت لجج انتي ماتاكلين السمج واللحم شون تاكليه
شهد بتوتر. ها لااكله عادي يلا حبيبي يعجبك لاتخاف
مصطفى. الله اكبر راسج حجر
امطيته الاعواد شو لزمها وكسرهن بنص لزم وحدها شالها بعوده وحده
شهد. الطم مو هيج
مصطفى بشك. شهد اذا هاي مقالبج اطيح حظج سمعتي
عبدالرحمن. الله يرحمك ياخويه
شهد. لالحظه خل اخليك صلصله هاي اتجنن فستق من لونها
ترستها من هاي الصلصله وخليته بحلگه كبل هو بس دخلت بحلگه طلعه وذبها
واني متت من الضحك انتقمت من عنده هههههههه
كلهم ظلو يباوعوله بقلق شري مي وخله ايده على حلگه وغمض عينه
شهد بضحكه. هههههه ها حبيبي شلونها
مصطفى. يابويه شهل طعم الخايس الما ضايگهه بعمري
عبدالرحمن بضحكه. هههههاي خويه مو تحس راح يجيك مغص وتقيؤ
مصطفى. ولك الصلصه حاره احترگ حلگي بعد بس ضگتها الله وكيل هاي شون ياكلوها هذوله هم بشر
شهد. ههههه يي عادي تجنن
مصطفى. لعد هاج اكليها
شهد بخوف. لا لا لااا ماريد
مصطفى انتي مو گلتي تاكليه
شهد. والله جذب هاي بس حتى اتوبك عالسويته
مصطفى بخزره. سهلللهه شهد انه اعلمج
شهد. هههههههه
....
طلعنه بال8طكطكنا صور الما واني ومريم نمشي ونصور فرينه بالمول هم اني كلساع اطفر واضحك لان خليته يلحكني لحد ماتعب اني اركض وهو يمشي بس يريد يوصلني وتشرد بسرعه
مصطفى. شهد هالمره اذا سويتيها وطفرتي بعيد ماتلومين الا حالج
شهد. مو اني اطفر هاي انته عجوز ماتكدر تركض
مصطفى. لج هيا سباق
شهد برطمت. بس حلوو الواحد يركض واحد يلحكها احس بالونسه
مصطفى بهمس. خوش كلتيلي حتى من نرجع نتونس
شهد. يوو عزااا بطلت بعد ماركض
وصلنه البيت واحنا متصالحين كعدنه تونسنا وشغلنا افلام وحجينا واني هم بقيت لوقت متأخر ويا اهلي علمود ابقى وياه بعد هاي اخر يوم اشوفه بعد كاعده بصفه وراسي ع جتفه نزلت دمعتي واني افكر
هو باوع لوجهي ومسح دمعتي
مصطفى. شنو الي يخليج تبجين؟
شهد. انته
مصطفى. شسويتلج
شهد. احنا ليخس هيج حظنا فوك مو بالبدايه جنت مجبوره وماجان الي سند حبيتك بس انت بعيد عني ماكدر اشوفك كل يوم اريد احس بوجودك يمي
مصطفى. لاتحجين على حظنا بالعكس احنا كلش محظوظين
شهد. شلون محظوظين
مصطفى. يعني ابسط شي جان ممكن عمي مايريدج اليه وانتي لو ماجنتي تشبهين حب حياته راح يعتبر شي عادي ولايفكر يزوجني وانه لو ماخطبتج جان هسه غيري ياخذج
خليت ادي بطن ايده
شهد بفرحه. لعد احنا محظوظين كلش
مصطفى. انه محظوظ بيج ماريدج تبجين لان بعيد عليج واحنا نكدر نتواصل وحتى لو فد يوم ماكدرنا نحجي او نلتقي ماريدج تحسين انتي وحدج
شهد بابتسامه. حتى لو انته راح تصير بعيد عليه بس انته اقرب شخص بگلبي
ابتعد عني شويه ولزم وجي باديه اثنينهم وظل يداعب خدودي
مصطفى. احبج واحب روحج لتحبني
شهد برطمت. امم تأخر الوكت اريد انام...
حجيت ودعته وضميته حيل صعدت للغرفه تمددت وغطيت وجهي ظليت احاول الزم لزمي ومابجي عليه خليت ادي حتى لايطلع صوت واكعدهن ظليت ابجي وگلبي يأذيني صعبه كلش من تحب شخص واني مادري شلون حبيته هيج دخل گلبي حسيته ملاك نزل على گلبي وهيج نوره شوكت افكر ماصدگ
كعدنا من وكت خلصنه شغل وطلعنه اجيت اصعد باوعت لمقعد مالت سيارته تذكرت يوم عقد قرآن لمن صعدني سيارته وجنت ضايجه شافني اضحك وشارده ضرب خدي بخفه
مصطفى. شكو تضحكين ويا السياره وين صافنه
شهد. ها لابس باوعت اكول؟
مصطف. غردي
شهد. ليش ماتصبغ سيارتك وردي
مصطفى. استغفرلله هم طياح حظ
شهد. ليش
مصطفى. ماكو شي
شهد. امانه احجي ليش ماتحب الوردي
مصطفى. اكرهه صح هو للبنات ولون عادي بس انه ماكدر اشوفه وبسبب هذا اللون تجيني هدايه كلها وردي بس لو ادري شبيها البنات متفقات عليه
شهد. اها هاي منو يدزلك هدايه
مصطفى. ولج گبل
شهدحتى لو انته مو كلت تحبني يعني گلبك مايرضى يحب غيري مو يلا احجي هذوله حبيباتك لو شنو والله طلعت ابو بنات
مصطفى. شون يابه من سندس لحوراء من حوراء لزهراء ومن زهراء السناء طن حضن ذوله شرع حلال
شهد بزعل. عفيه ذكرني لعد خوش ابقى وياهن وطلگن
خله ايده ع حلگي
مصطفى بخزره. والله اذا سمعتج تكوليها الا اندمج فهمتيي
من خوفي هزيت راسي اخاف يسويلي شي ظل يباوع بعيوني
مصطفى. شلون بيه افارگ عيونج
شهد. خلي عيون غيري تفيدك
مصطفى. ههه صدگتي فاهيه
شهد. لتكول عليه فاهيه
ضمني وضحك
مصطفى. انتي احلا فاهيه اشوفها بحياتي
شهد بدموع. لاتعوفني...
لزمت ايده واريد گلبي يهدئ هاي اول شخص احبه بعيد عليه يصير
مصطفى. اششش كل تفكيرج غلط ماتربيت اعوف مرتي لغيري
شهد بدموع. احبك اهئ اهئ
كرص خشمي وضحك ادري هو يريد يغير الموضوع ويلطف الجو وبابا ينتظر ماما احنا كلهم ودعناهم
باس راسي صعدت وسد الباب ظليت اباوعله من الجام بس شفته ابتعد كمت ابجي واعصر وجهي
محمد. اشش فضحتينا والله ليشوفج هسا يكول اهلها شبعوها گتل
شهد بجي. مايهمني اريده بابااا راح يعوفني
ماما. شصابج بنتي بس تخلصين امتحانات نصف السنه نروحلهم
شهد بجي. مامه الله يخليج دگي عليهم خلي يجون
ماما. ولج بتي همه ياهلا بيهم خلي يجون بس مصطفى عنده شغل وهمه رادو يرحون حجينا وياهم عدهم شغل يابنتي
شهد. شنو عدهم شغل مو همه مو وزاري عدهم عبور خلي يبقون شنو مايكدر ياخذ اجازه اهئ اريد ماماا
ماما. فضحتينا سكتي خلي يوصلون بالسلامه ولج شبيدي عليج اني انتي شوكت تكبرين
ظليت ابجي ساعه اني ماسكتت لحد ما نزلنا يم ماركت قريب اني نزلت ودموعي عشره عشره همه نزلو ويانه طفرت بسرعه حضنته ظليت ابجي واتنفس بسرعه هو شاف دموعي لازگه على خدودي
مصطفى بقلق. لج شصابج احجي شبيها تبجي
ماما. طكت من البجي عليكم الطريق كله تكول لايروحون
شهد بجي. لاتروح اني اسفه لان ضوجتك حيل راح اصير هادئه وياك وماازعجك بس تعالو ويانا
مصطفى. شهد كافي زودتيها انه شحجيت وياج البارحه انتي شوكت تبجين راح تجسرين گلبي عليج
شهد. لا
محمد. شهد تعالي بنتي اشتريلج
شهد. راح يجون ويانه مو؟
باوعت الهم كلهم نزلو روسهن
مصطفى. بسجج بجي اذا راح تظلين تبجين اعوفج
شهد. ليش
مصطفى. شهد وداعتج عندي اجيج ماعوفج بس لاتلحين
حجى وسحب ايدي طبينه للماركت اشترينا وهو اشترالي هواي حلويات فرحت صعدني للسيارة
مصطفى. لاتبجين
هزيت راسي"اي"
رفع ايده يهددني
مصطفى. اذا بجت بس اتصلو عليه اعوفها واتزوج
شهد. لابالله
ضحك ولزم ايدي باسها حيل وراح
..
ثاني يوم رحت للدوام امتحنت هم ماجاوبت زين تعبت نفسيتي حييل...
لاتنسو تصويت💞
━━━━━━━━━━━━━━━━━━━━━━━━━━
🌸 هل أعجبتك أحداث القصة؟
💡 لمعرفة تفاصيل هذه الرواية ومتابعة بقية فصولها كاملة وبشكل مسبق وبدون إعلانات:
🔗 تابع القراءة عبر موقعنا الرسمي من هنا: https://kimostories.site/novel/417/احفاد-آل-حارث
نتشرف بوجودكم دائماً في عائلة كيمو ستوريز! 🌸
━━━━━━━━━━━━━━━━━━━━━━━━━━