#احفاد_آل_حارث
الكاتبه: سدرة الطائي
حساب الانستغرام:sejkm_
امن بعدني انجوي
وتشوفني شكد قوي
مرات ابجي بجرح
ومرات على الطاري
ومرات انطرك ثلج
واني الشمس خصمي
لك والله اعشكك عشك
مو تجري ويه دمي
ما شايفك من فتت
بالدنيا كبلك صرت
بس جني من فتحت
شفتك كبل امي
_______♕__________♕_________♕_______
كعدت الصبح شبعانه نوم واحس جسمي متكسر
باوعت الساعه بال7واني نايمه هواي اصلا المغرب نمت وهم البارحه شوكت نمت مادري
كمت اتمغط غسل وجهي توضيت صليت الصبح وراها طلعت ملابس رياضه بنطرون رياضي وفانيلى رياضيه قصيره دورت بالبيت محد كاعد يعني هاي فرصتي العب رياضه براحتي شغلت اغاني وخليت سماعه بلوتوث
شربت گهوتي المثلجه واكلت ربع تفاحه لان يكولون مو زين اكلها كامله سعراتها اكثر لان واني هم تعبت من الدايت اريد اضعف
طلعت بالحديقه فرشت عالزرع وكعدت شغلت صوت استرخاء باليوغا
وتربعت بگعدتي غمضت وكمت اسوي مثل ماتحجي المره بالفديو يمي الفون
رجعت سويت تمارين وصعدت عالجهاز الركض بالهول رجعت طلعت بالحديقة سويت يوغا ثانيه ربع ساعه
كاعده والجو شوي بيه شمس لان ادري دنيه شتا واني ماحب البس شتوي بالبيت بس الظهر صدك حاره مو مال شتوي احس
جنت مغمضه عيوني ماحس غير شي يمشي على رگبتي حكيته عبالي ماكو شي رجعت حسيت حرگه كمزت
شهد بخوف. ياررببب
مصطفى بغضب. غضب الله وين جنتي سارحه بالحديقه صارلي ساعه اصيح
غطيت نفسي واني بس ارجف
شهد. تراا خوفتني تكدر تصرف وياي بهدوء يعني شمديني كاعده وحدي والكل نايم بعدين سماعه جانت بأذاني ماكدر اسمعه
مصطفى. وجج شهل لبسس هذاا وصله مال مسح هذا شنهو تقلدين بالاجانب
شهد. كلشي مابيه انته بس لاتباوع ترا مالبسه كدام الغريب وطبعا دالعب رياضه
مصطفى. دمشي نزعيه لااصلخج كف امشيي
حجى وعض اصبعه خفت طفرت رئسا لبست تيشرت رياضي مالت البنطرون وجيت للمطبخ سويتله ريوگ وصبيت الچاي
مصطفى. مو هناا بالحديقه
ولو نرفزني بس شسوي اتحمله عاد
خليتهن عالميز وكعدت بالكاع اكمل روتيني
جان ديشرب بالچاي يباوع عليه
سويت شهيق زفير مثل ماكالت البنيه هم اني متعصبه حيل
فتحت عيني شفته مختنگ بالچاي ويضحك
شهد بغضب. اذا اكو شي يضحك ياريت تضحكني
مصطفى. انتي شايفه روحج شكاعده تسوين شنهو هذا
شهد. يوغا
مصطفى. شو جنج طالعه تشبهين التمثال مالهنود هم هيج تسوي 24يعبدون بيها
شهد. عاااا شنو كلت...
انيي صارلي ساعه اسوي تمارين ويوغا عود اتخلص من الطاقات والناس السلبيه بحياتي وهلكت بالرياضه علمود اضعف وتعبانه وانته تضحك عليه
مصطفى. ليش تردين تضعفين
شهد. هيج عاجبني اني احب يصير كلشي عليه حلوو ومقاسي يطلع احلا باللبس المهم مراح تفهم بأمور البنات
مصطفى. صح مافهم بأمرجن بس شكد تردين تضعفين ناويه تصيرين عظم؟
شهد. اييع مو لهل درجه هو كم كيلو من هسا
مصطفى. كومي انصمطتي بالشمس حتى وجهج اصفر
شهد. لاعادي هاي كل مره هيج يصير بيه ادوخ لان عندي مضاعفات
مصطفى. وتردين تسوين رجيم كومي ماكو رجيم بعد اكسر راسج اذا شفتج بعد تركضين
شهد. ليش ليش انته ضد الجمال ماتريدني اصير حلوه
رفعت اصبعي بوجهه
لزم اصبعي ولوه ايدي ورى خلاها وراه ظهري حصر اديه اثنينهن بيده اليمين
شهد. عزاا فكني ايدي راح اطك
مصطفى. لاترفعين اصبعج ع الاكبر منج احترمي ع الاقل...
انتي من اجيتي للدنيه گيمر شتردين تصيرين بعد؟
فك ادي وطلع بره
ظليت بصدمه وخايفه منه حسيت من كلامه تهديد الي اني بس رفعت ايدي كردة فعل مني ماهددته حتى
شلت الماعين وطبيت للبيت غسلت وفتت سبحت لبست ربيعي لان الظهر حاره ف اني اضوج من جسني يدبگ ماتحمل
طلعت شربت چاي اخضر بالليمون وجنت دانشف بشعري واباوع بمرآيه المطبخ طويله مشطت بالمطبخ لان خفت اكعدهم اذا صعدت مرة الخ
باوعت للمراية شفته منتجي ع الباب الحديد ويدخن
شهد. هاي ليش ادخن عموو مو زين عليك هههههه
مصطفى. بعد عمج الحمل على اجتافنا الحياة صعبه
شهد. ها يعني لان الحياه صعبه تسوي بيك هيج لعد اطيني ادخن اني هم
مصطفى. انجبي لجج شتجربين مو زينه عليج
شهد. لعد بس انته زينه عليك واحنا لاء
مصطفى. ماتفيدج انتي زعطوطه وادخنين بويه شايفه نفسج متر انتي جكاره
شهد. اني زعطوطه يعني اني اني
مصطفى. جا منهو غيرج بويه
شهد صغرت عيوني. بسيطه
ذبيت المشط وهو طب جوه سويته طفره من بعيد هو المطبخ جبير كلش واني بثانيه وحده كمزت عليه وعضيته من جتفه ورى خله ايده عود راد يوخرني لزمت ايده عضيته
واصيح واعض تكولون ذبيت حرگتي بيه والي يغثني يضحك ويريد يلزمني واني اطفر
مصطفى. ولج قرد نزلي شويه وتصعدين فوك راسي
شهد. مانزل اليوم اظل باقيه هيج اكسر ظهرك لان ادري بيك عجوز هسا ظهرك يطك ههههههااااييي
مصطفى. هاي الضحكه مال شياطين لجج انه عجوز
شهد. ايي واني شيطانه ههههههااااييي
مصطفى. سهلهه
عبالي دايمشيني صدك وصلنه للهول شو كمشني وذبني بالطخم ونوب يدغدغ بيه
شهد. اااااهههههه عوفني والله اموت عوفنني كافي اسفه اسفه والله بعد مااسويها
مصطفى. انه عجوز؟
شهد. لا والله شباب والللله اااهههههههههههه ولك عوفني
عافني عبالي صدك عافني شو سحب خدوي وجرهن حيل
شهد. ااااااييي خدودي اهئ كافي عوفني والله تندمت بعد ماسويها صافوو باوع انته شباب مراهق بس عوفني راح ابجي وازعل
ابتسم وفرك خدودي لان صارن حمر
باوعت بالموبايل
شهد. عزاا هاي سويتهن طگعتين اهئ خدودي
مصطفى. دخيل الله جنهن تفاحه مو خد
شهد بخجل. ها
مصطفى. شنهو
شهد. عود هم تغزل حبيبتك وكلهه هيج مو صوجك صوجي انيي متحملتك
مصطفى. لج بويه هدئي شبيج راح اطگ الوايرات
شهد. يا وايرات
مصطفى. انتي عندج الحار والبارد رابطتهن سوا؟
شهد بانزعاج. وخر ترا ضجت
شبكت ادي اثنينهن مادري ليش ضجت ولو اني تخيلت هو حافظ الكلام الها وجاي يتغزل بيه هم درت وجهي وخليت رجل فوك رجل
واحرك برجلي هاي عادتي من اتوتر اصير هيج
خله ايده على جتفي من الخلف كمت دفعت ايده
شهد. وخر ايدك ولاتلزمني بدون مااني اكلك
مصطفى رفع حاجبه. شلون بالله شبيج يولي مساع جنتي تكمزين
شهد بدموع. وخرر لاتخلي ايدك
مصطفى بقلق. شهد شصابج احجي انه اذيتج
شهد بجي. لاتسألني روح اسأل نفسك
مصطفى. وعلي لو ادري بروحي ضوجتج ماجان سألتج
شهد بجي. الاحسن تبتعد عني لان انته متحبني
مصطفى بصدمه. شكللتي ولج انه حرگت گلبي عليج تأنيتج سنين حبيتج من جنتي ماتعرفين تحجين بعد شمدريج انتي جنت اخاف من يجي الليل وارد اتذكرج بصوره وبذكرى صغيره منج واحضن بالصور وانام مشتاگ لكلشي بيج اسمع بيج كبرتي وانه اول واحد مهتم بالسالفه شجاني وحبيتج كليلي لجج ماكدر انساج انه مريض بسببج بس انتي الحالتين لو تصيرين علاجي لوتموتيني وانه عايش راح اتجلطيني شهدد
شهد بدموع.ااني ماقصدت ماتحبني تكرهني تدري شنو الي يمنعني احبك اخاف الك ماضي وياها ومن احبك تبدأ تهتم بيها اخاف اعذب روحي بلكت رجعت الك اني شنو ذنبي ويا كل حجي اتخيل هذا الكلام حجيته قبل لغيري
مصطفى. ديري بالج تفكرين بهيج سالفه مستحيل نرجع اني وياها وألف سبب يمنعنا نرجع سوا واني مااحبها احبج الج واي شي حجيته وياج يختلف عن قبل انتي ماتشبهيها انه جنت مغرم بيج كبلها احبج وهم مجنت احبها عوفج من الماضي ماريدج تفكرين بيها متستاهل ولبنيه متوصل لقندرتج
مسح دموع وخله راسي ع صدره باس راسي وظل يحرك ايده ع خدي
شهد. خلص مراح افكر بيها يمكن لان احد ذكرني بيها بس
مصطفى. ماريدج تبجين بسببها ماتستاهل وانه جم مره كايلج لاتبجين دموعج اغلا من كرامتها
شهد. احبك
مصطفى. انه اعشگج
ضمني حيل ضحكت
شهد بضحكه. راح اختنگ
مصطفى. ماخليج تختنگين المهم انتي بحضني.. احجي شعجب حبيتيني وانتي جنتي تضوجين مني
شهد. لان اضوج منك هههه انته تزعجني بس لو تعرف اول شي ماجنت مهتمه بيك
مصطفى. اعرفج تكرهيني
شهد. لا بس اضوج من اشوفك اول مره شفتك بيها جان عبالي تصير عم مريم كلت اصغر عم انته لهذا كتلك عمو وبعدين ابد ماجنت مفكره اني احبك ماجنت اعرف هيج يجي الحب وقرار بيبي دمرني لمن رادتني اتزوجك بس من انخطبنا تغيرت مشاعري وخايفه فد يوم تختفي هاي المشاعر او تقل
مصطفى. ابد لاتخافين تزداد وماتنقص
مريم. اي اي كملو بعد رومنسيه من الصبح عزاا هئ لااحد يشوفكم سوا...
شو وخري
شهد. ماانتي وخري
مريم. شنو ترا اخوي انتي شبيج تردين اهلج يشوفوج بحضنه
شهد. لا لا
مريم. عيني نعرف گطعنا الرومنسيه بس ترا هاي الناس نايمه هسا تكعد وتنصدم وبعدين ليش فاكه شعرج
حجت وغمزتلي ضربت راسها
شهد. ثولل يعني هستوني طالعه من الحمام
مريم. عزااا حمااام شتسون بيه
مصطفى وشهد. فاهمه غلط
مريم بضحكه. تحجون سوا هم
شهد. ولج جنت اتمرن وفتت سبحت والله شهل نيه
مريم. عبالي غير شي هههه ديلا امشي ولي وياي للمطبخ
جنت واكفه اباوع اله وهيا دفرتني خوفتني بس سويتله باي بيدي وطفرت
مريم. اي عيني صايره رومنسيه كولش هالفتره
شهد. ليش ماترديني اصير هيج
مريم. امممم والله انتي فد وحده جلبه ليش ماگلتيلي مو كلتي مااحبه
شهد بتوتر. ااامم والله مادري بس حسيت الحجي الي كلته كدام ابن عمي صدك حجيت مادري بس اني اثق بأخوج واحس بالآمان من اكون وياه
مريم. شهد اذا عندج مشاعر ويا اخوي فا هذا الشي زين بس اذا تلعبين بمشاعره ف ديري بالج صح انتي صديقتي بس ماخليج تكسرين گلبه لذلك اعرفي مشاعرج زين
شهد بابتسامه. احبه والله اني متأكده
مريم. شتحسين لمن تكعدين وياه
شهد. ارتاح احسه كأب مادري بس احسه مثل ابوي هيج حنانه ومايخليني ابجي ويخاف عليه
مريم. هههااي رحتي بيها شهد جابج عالحب هسا
شهد. اخوج...
يلا تعالي صبي الچاي
مريم. والله انتي معدله شلون تسيطرين
شهد. ليش شسويتلج
مريم. داتحضرين ريوگ وحدج والله لو اني اتفشل
شهد. دتعالي سويت مخلمه هم اخوتي تعجبهن
مريم. شكلها يشهي شكد تعرفين تطبخين؟
شهد. كلشي اعرف اسوي بس من امي عدها شغل اطبخ
مريم. خو مثلي امدااي گليت بيض شو لزگت بالطاوة
شهد بضحكه. يجوز الدهن قليل😂😂
مريم. ههههههه مادري يلا اتعلم منج
شهد. اعلمج بشرط
مريم. شنو هو
شهد بهمس. تنطيني الباسوورد مالت اخوج
مريم. هئ عزاااا
شهد. اششش فضحتينا المهم اريدج اتجيبيه مو بس اعلمج شتردين اسويلج
مريم. ولج منين اجيبه انتي شايفه اذا عرف شيسوي بيه انام بالشارع
شهد. لا ميسويها انتي بس صيري ذكيه حبابه بخاطري بعدين بلكت يراسل بنات
مريم. مايسويها اخوي ترا رجال مو مراهق حتى تشگين بيه
شهد. لا مااشگ بيه شعرفج بعدين انتي انطيني ياه
مريم. اوك اليوم بليل حدها اذا مااصارت ماانطيج
شهد. عفيه اريدج سباعيه هههه
طب بابا كعد ويانا شويه وماما هم اجت وعمي جان ديحجي ويا بابا ويتريگون
ابو مصطفى. مارديتلي الخبر ابو شهد شكلت عالطلعه
محمد. اممم والله خويه اشوف شغلي وبعدين اليوم اردلك
ابو مصطفى. جا خوش اذا اليوم احنا باجر نطلع
شهد. شنو كلشي مافهمت
مريم. شنو بابا شنو دتحجون
شهد. والله عمو ياطلعه اني اطلع
مريم. دكعدي انتي ليش بعدج عرفتي وين كبل وافقتي
شهد. عادي بيها طلعه نروح بابا
محمد. انتي شمدريج همه طالعين
ابو مصطفى. ولدي ضايجين كلت اطلعهم نروح لأربيل لان قريبه عليكم من هنا كبل نظل يومين ونرد لبغداد حجيت ويا ابوج على مود تجون ويانا لان عمتج جاي ويانا هم
كلش فرحت من حجى كبل حولت عيوني الى حزن وباوعت لبابا
محمد. لاتباوعين بهيج نظرات انتي ثالث وزاري خلصي دراستج اطلعج
شهد. بس بابا احنا دانداوم هيا يوم بالاسبوع الاربعاء وبقيه الشعب الخميس يعني عندي وكت بلييس بابا خلي نروح
محمد. لاء
مصطفى. عمي تعالو ويانا واذا على مود شهد انه ادرسها اليوم
شهد بصدمه. شنوو
محمد. لاء وحتى شهد تدرس وحدها
شهد. بس لي..
ردت اكمل حجي مصطفى اشرلي اسكت
مصطفى. براحتك بس بنتك راح ترسب اذا محد يدرسه
محمد. اجيبله مدرس
مصطفى. افا عليك عمي انه خطيبها وماتثق بيه اتجيب الغريب يدرسها
محمد بغيره. شهد صعدي الغرفتج
شهد بتفاجأ. لييش بابا
محمد بغضب. صعديي
صعدت الغرفتي واني ميته خوف ماعرف شسوي ليش بابا هلكد عصبي ماسوينه شي غلط
مريم. شهد امبين ابوج يغار
شهد. ها بس شسويت حتى يغار
مريم. ههههه ولج يغار عليج من اخوي شوفي اقتنع من شافج طلعتي مصطفى حجى وياه وقبل
شهد بفرحه. صدكك عااا ولج تعالي نحضر
مريم بضحكه. امبين الفرحه دمشي نزلي للحديقه خويه منتظرج ترا كله ادرسها اليوم فا جيبي كتبج ونزلي احنا اليوم نشتغل
شهد. مو عيب لافدوه خليها بعدين ادرس خلي نشتغل
مريم. ولج هو ليش شعدنه هو غدة هسا اساعد امج انتي عندج امتحان
شهد. شكرا يااحلا اخت
مريم. شو صايره حبابه ممتعوده ديلا امشي بسرعه
شهد. اخخخ ترا ايدي انكسرت
مريم. بطيئه
نزلت جوه واني جايبه الكتب مادري شلون راح يدرسني شبيج شهد اصلا بالعكس عادي كلش حتى اذا ماتجاوبين مايتعصب لان راح ازعل منه
مصطفى. شدعوه مستعجله جان تخطيتي بعد ويا الصفنه شعدنا كاعدين منتظرين
شهد. هااا لاجنت افكر بالدرس اصلا
مصطفى. عفيه اريد عقلج براسج فتحي مخج وتعاي
كعدت يمه فتح الكتاب واول موضوع حيل اكرهه
شهد. لاء هذا ماداخل
مصطفى. شلون؟
شهد. اگلبه معليك منه اعرف بيه
مصطفى بشك. شهدد
شهد. ها
مصطفى. جايه تلعبين لو ادرسين
شهد. ادرس
مصطفى. داخل؟
هزيت راسي بمأساة "اي"
بده يدرستي ويشرحلي شوي انتبهت بعدين كمت اسرح وافكر بهواي شغلات خليت ايدي وانتجيت كمت اغفي ثواني ماحس غير اذني انسحبت حيل
شهد. ااااااا دتأذيني والله وخر فدوه
مصطفى بغضب. اخر مره اعيد شرح هذا الموضوع اذا ماشغلتي عقلج وياي ياويلج شوفي شسوي بيج وحتى سفره ماتجين فهمتيي شهددد
شهد بخوف. اءاي فهمت والله
فركت عيوني رجعت احاول انتبه وياه حتى لايشوفني شارده ويعاقبني كمت اخاف منه كل شوين وصاح فززني
مصطفى. حليه هذا السؤال
شهد. ها
مصطفى. رب الفهاوه انتي كافي يلا حلي
متت خوف عزاا الا اني اخاف بالامتحان مادري حسيت نسيته كله شفت راح وكف باب الحوش كمت اشخبط لان مراقبني من الباب ماكدر اغش واحسه مختلف عبالك مو من الكتاب بسلا متعمد جايب خارجي
هههه هسا اخليك تنجحني
رسمت گلوب عالورقه وكل گلب بيه احبك
مصطفى. خلصتي؟
هزبت راسي واني طويت الورقه
مصطفى. فتحيها ليش سادتها بيدج
شهد. هاا لا عادي احل بغير ورقه
مصطفى. لااريد اشوف اخطائج انطيني الورقه
عصرت ايدي حيل وهو اصر ياخذها سحبها مني
من التوتر ظليت اكل بشفتي
شفت ملامحه تغيرت مادري هو متعصب وابتسم صفح ورجع عصبي خفت
مصطفى. وين الحل
شهد بتوتر. ياحل
مصطفى بخزرة. انتبهتي للشرح
هزيت راسي"اي"
مصطفى. لو انتبهتي جان عرفتي تحليه
باوعت بعيونه خايفه ارد عليه
مصطفى ابتسم صفح. عندج مشاعر تجاهي؟
شهد بتوتر. امممم
مصطفى. جا ليش ماتكليلي احبك
شهد. احبك
حجيتها وشفته وكف يمي صار قريب رئسا غطيت خدوي خفت يضربني
مصطفى. راح تخبليني بسوالفج مالت الجهال
شهد. اسفه اسفه لاتگتلني والله اني جنت منتبهه بس بعدين نعست هسا لو شتسويلي اكرهه للرياضيات ماحبه ماحبه
مصطفى. ميخالف راح تحبينه
شهد. ماحبه
كرص خدي وكعدني عالكرسي
رجع شرحلي الموضوع وفهمت جاوبته بس جان اكو خطأ بسيط بس فرحت لان داجاوبه صح وصلنه موضوع الثاني جان ديشرحلي اثنينا باوعنا لبابا طلع يفتر بالحديقه ويلزم الشجر ويسگي النبات
مصطفى. شنو معاملx
شهد بتفكير. اممم
محمد. احممممم
شهد بفزع. شكو بابا اختنگت
محمد. مابيه شي ركزي بدراستج
شهد. اوكي
رجعت كعدت لمكاني قدمت الكرسي بصف مصطفى وجنت يمه بالضبط وهو يشرحلي واني خاله ايدي ورا راسي راد يكرصني شو سمعنه كحه اقوه
شهد بخوف. باباا شصار خوفتني كولي بيك شي اجيبلك مي
محمد. كتلج كعدي وعينج بدراستج
شهد. بابا والله عيني بالدراسه بس انته تشتتني لاتضم عليه
محمد. اي كولي بابا اطلع وعوفني وحدي
شهد. لاما
مصطفى بهمس. دوخري وجهج انتي وشوفي شون يستعدل
شهد باستغراب. ها وين اوخر
مصطفى. عمي هاي كدامك مو صوجي شسويله اذا بتك الثول عدها يقره ألف
محمد بضحكه. الحمدلله بهاي ولابغيرها
تركنا وطب جوه
شهد بصفنه. يعني اني الثوله
مصطفى. احلا ثوله بحياتي
شهد. خوش انته قشمرني واني اصدگ وخر لاتلزم ايدي ترا اكوله البابا
كام وكف كبالي رفعت راسي لطوله جعص خدودي حيل
مصطفى. وشنهو ابوج رئيس وزراء؟
شهد. مو الا يكون فد شي المهم ابوي رجال وميقبل ع بنته الاذيه
مصطفى. آذيتج
شهد. لاء
مصطفى. جاشبيج طنگرتي
شهد بدموع. اني مو ثولة لتكول هيج عليه هئ ماحب اسمع هيج حجي من الناس الاحبها هئ بس انته تجرحني هئ
حضني دفنت وجهي بملابس وبقيت ابجي خله ايده وخربط شعري
مصطفى. كافي بجي شهد بالعباس متندم ع الساعه الحجيت بيها مساع ابوج يضحك عليج يعرفج وانتي تبجين شسويلج حتى تسكتين
شهد مسحت دموعي. هى سهله انته بس امتحن بمكاني
مصطفى. شنهو
شهد بدموع. ماريد امتحن رياضيات ماعرف مافهمت شي والله
مصطفى. هيا لو يصير امتحن بمكانج جان سويتها بس لاتخافين ابد لاتترددين اذا ماخليتج تنجحين بيه وتاخذين درجه زينه ماكعد بين زلم
شهد. لاعادي اكعد ويا زلم بس اريد تزين شواربك لان تشوك
مصطفى. ادللي اسويها
شهد. خوش لعد خل ارسب
مصطفى. سويها وشوفي شسوي بيج انه يلا كعدي وفتحي دماغج لاافتحه بالدرنفيس
كعدت وظل يشرحلي تغدينا وارتاحينا شوي وظل يشرحلي بالماده ويعيدها الي وامتحنت وجاوبت هالمره بس جان اكو اخطاء بسيطه تعلمتها
صارت دنيه مغرب طبينه جوه شفت ماما محضره كلشي للسفره كيفت طفرت لغرفتي طلعت كل ملابسي وصفنت اجتي مريم ساعدتني اختاريت بلوز شتوي ابيض او وردي وجاكيت مطري وجفوف وكبع
مريم. ولج يكولون هاي السنه صار بيها هواي ثلج بأربيل
شهد. وين رايحين لجبل كورك
مريم. اي اعتقد اذا مالكينا مكان نوكف يمه عااااا
شهد. هههههاااااييي راح نسبح بالثلج
نزلنه وظلينا نسولف ع طلعه متونسين فد نوب اخر شي صار دنيه ليل صعدنا ننام من وكت حتى نلحك الصبح بالثلج علمود لايذوب
كعدنه من وكت وتحضرنه صعدت ويا اهلي
عبد الرحمان. عمي ابوي يكول خلي تجي شهد ويانا علمود تكعد ويا مريم
محمد. لاابني ماكو مجال عدكم خليها وروح جيب اختك تكعد وياها
ابو مصطفى. ابو شهد خلي عندك الولد وشهد تجي ويا بنتي وبتك بطن عيني لاتشيل همها
محمد. روحي شهد خوش لعد خل يجي عبدالرحمان ويانه
نزلت. ورحت كعدت وياهم استحيت ولاكدرت احجي احس بخجل مو طبيعي نوب مصطفى يسوگ واني وراه يباوعلي من المرآيه..
وصلنه اربيل مشينه شوي بالمدينه وگفنا يم المول نزلنا فترينه وتسوگنا حلويات بالطريق ناكل
مريم. تعالي شهد شسالفه مو متونسين سوا
شهد. صح متونسين بس اني هم اريد ارجع لمكاني
مصطفى. ضجتي
شهد. لاوالله بس
مريم. اووف دتعالي لاتستحين
سحبتني وصعدت سيارتهم
شغلت اغاني جديده كلها ظلينا نغني تونسنا وكعدنا ناكل
طلعت ككاو
شهد. اخذ مصطفى اكلها
مصطفى. ماريد
شهد. ترا والله كلش طيبه افتح حلگك
باوعلي من المرآيه خجلت نزلت راسي او وكلته بيدي رجعت لمكاني مريم ظلت تغمزلي
مريم بخبث. الله يرحم ذيج الناس ههه
ام مصطفى. اللهم صلي على محمد وال محمد شكد حلوين
ابتسمت ودرت وجهي اباوع بالطريق بعدين وكفنا اشترينا مشروبات وكعدنا جنت صافنه ومبتسمه حسيت رجلي انلزمت رئسا باوعت ايده نزلت ايدي شويه اخاف يشوفوني واتفشل كدامهم
شهد بهمس. شتسوي كافي شيل ايدك ترا حيشوفونا
مصطفى. خلي يشوفون احنا ممسوين شي غلط
شهد بهمس. تريد تحرجني گدام اهلك طبعا عيب
مريم. اكو شي
دفعت ايده عني
شهد بتوتر. اءلا طبعا
خلصنه شغل السياره وبده يسوگ شغل اغنيه كاظم الساهر شكد اضوج منه لان يطول من يغني
وماحب اسمع الموال بس كلمات الاغنيه حلوه
بعد ساعه تقريبا وصلنه الجبل دنيه ظهر وماكو شمس
نزلنه بمكان
محمد. الثلج قليل ماراح نتونس
ام مصطفى. كافي يمعود وين تريدون تودونا
ام شهد. صدك والله احنا نخاف منريد مرتفعات وصعود هاي تكفيكم
احمد. صدك يمه هاي المكان ليش بيها ثلج كله طين
محمد. خلي نغير المكان احسن شكد نصعد بعد ناخذ راحتنا
مصطفى. لكيت مكان بس بيه ارتفاع
عبد الرحمن. اي نصعد
محمد. شلونه المكان
مصطفى. اصعد بعد لي فوك ونوكف سياراتنا اكو الكاع ملينه ثلج وبيها جبل بظهرها
محمد. خوش لعد نصعد
صعدنا بالسيارات وصلنه للمكان نزلت فرحانه عود
بعدني هستوني فتت طمست بالثلج
مريم. ههههه عزاا يولي كومي
شهد بخوف. ولج تعالي راح يوكف گلبي عزاا شو مداكدر اطلع رجلي
مريم بضحكه. لاادوسين بعد تنزلين جوه لحضه جيتج لازم اسحبج جيبي ايدج
لزمت ايدي وظلت تسحب بيه كلهم عبرو الا اني خفت سحبتني حيل تجر بيه
شهد. واخيرا الثلج وصل لي بطني سبحان الله هواي ثلج
داباوع لي فوك ع الجبل وجتني ضربه بالثلج درت شفت اخوي يضربني
احمد. ههههههه تعالي جبانه بعدج بمكانج واكفه
شهد. بس خل اتعود
اجى لزم ايدي
مصطفى بابتسامه. لاتخافين هو ثلج ماتوگعين
شهد. عادي اصلا هو ثلج
مصطفى. ديريي باللج
شهد بفزع. عااال بابا بابا
محمد بقلق. شبيج شصابج احجي
شهد بانزعاج. ماكو شي
مصطفى. شو ضايجه
شهد بزعل. لاابد اصلا عليش اضوج ترا اول مره اشوف الثلج ومكان يخوف اخاف اغرگ
مصطفى. ديلا يمعوده وصلو وكعدو وانتي بعدج خايفه
شهد. روح انته اني اوصل خلي اتمشى براحتي هو ليش ثگيل
مصطفى. شلون اعوفج
شهد. عادي ترا والله كلهم كاعدين
مصطفى. لاابد مو عادي اعوف مريتي وحدها
شهد. فدوه ههه
خليت ادي على خده لزم ادي
مصطفى. اديج ثلج
شهد. اي لان بارده كلش
خله ادي بطن ايده وظل يفركهم
شهد. اني زينه لايظل بالك خلي نمشي
مصطفى. لاباردات كلش
شلح جاكيته وخله فوك جاكيتي
مصطفى. خلي اديج بالجيب تدفين
شهد. راح ابجي والله لاتعاملني هيج
مصطفى باستغراب. ليش رويحتي شلون تردين اعاملج
شهد بدموع. مجان اكو داعي تشلح جاكيتك ترا بارده عليك لاتتمرض
مصطفى. ههههه وانتي خايفه عليه حبي انه متعود ماحس بالحراره والبرد
شهد. يعني شلون ماتحس
مصطفى. سهله واحد من يتعود عالجو مايحس بيه
شهد. شو اني كل يوم البس شكل ماكدر صيفي شتوي والله
مصطفى. طبعا لان انتي ماشفتي الخدمه العسكريه شلونها ولاجربتي تنامين بمكان لابيه ضو لاحراره لابرد كله غرفه جم متر
شهد باستغراب. يعني مافهمت انتو تنامون بغرف صغيره
مصطفى. لاادوخين راسج بهيج سوالف لان ماريدج تعيشين مثل عيشتي حبيبي
بست خده رفع راسه
شهد بحب. اني عرفت انت ماتريد تحجيلي عن طفولتك شي ماريد اثقل عليك واغصبك صح اني ماعرف شي عن حياتك بس كلشي جان ماضي وانته وخليت ايدي شبگت ايده حيل
شهد بحب. انته احلا شي بحياتي مو الا تكون صورتك مع باقي الناس ملونه احتمال تكون مع شخص واحد وانته لونت حياتي اني افرح لمن تكول عني طفله ابد مازعل بس احب اضوجك وماريدك تزعل انته اول شخص بحياتي احبه
مصطفى. تدرين هذا كلامج شكد يفرحني حجايتج بگلبي اول مره الگلب يسوي شغله ومايندم عليها
شهد. شنو يعني
خله ايدي ع گلبه
مصطفى. صدگي هذا وحده بكلامج يطيب
حضنته حيل كعدنا عالثلج
باس گصتي وخدي وگرصه
شهد. ااايي
صفن عليه استغربت
شهد. ههه هلوو
مصطفى. انتي گلبج طيب ويا الكل وماتأذين العالم
شهد. لأن ماريد اضوج الناس صح همه يأذوني ويجرحوني هواي بس بحياتي ماانتقمت ولا مفكره انتقم لو اني حقيره جان سويتها من زمان
مصطفى. منهو يأذيج وداعتج اذا تصير بس احجيلي اذا ماخليهن يتوسلون بيج مثل الجلاب
شهد. لاء حبيبي همه يسون هيج على مود مسكينه اني مرة صديقتي حجتلي هيج كالت لان اني مو قويه وبسرعه ابجي بالعكس اني قويه بس ماريد اجرح الناس شنو ذنبها
مصطفى. لا شهد ماتسويها انتي ولاتفكرين بهيج سوالف تافهه مو هينه تأذين البشر شعليها هذني بكدج ماعدهن عقل مراهقات
شهد. تدري اني هم خايفة
مصطفى. من شنو
شهد. اخاف حبي الك يكون مجرد مراهقة
شبگ ادي
مصطفى. هيا الحب مو بالعمر ليش المراهقة شنو كل يوم تتغير نفسيتج اما الحب اكو حب طفولة وحب مراهقه وهواي بعد انتي شتكولين استمعي الگلبج
شهد. اني اكول احبك بس اخاف نفترق اني بعدني صغيره ماتحمل
مصطفى. اشش شهد ماريد اسمع هذا الحجي مستحيل اعوفج انه اعشگج يابويه شلون اكدر اعوفج ليش هينه الينساج تفاحتي
شهد. ههه طبعا لاء واذا سويته اندمك
مصطفى. كومي يلا كافي هل حجي خل نروحلهم
ظلينه نتمشى وصلنه هو كعد يدخن ويا بابا اني طرت صعدت ورى مريم
صعدنا شوي جبل بس متت خوف مادري شون انزل وهمه يتزحلگون يالثلج
شهد بخوف. ولج المنظر يخوف تعاي نزليني
داحجي حسيت مريم اندفعت شو دفعتي وياها طحنا بالثلج ظليت اصرخ من الخوف
تزحلگنا نزلت ع وجهي صار وجهي بالثلج
الكل. ههههههه
احس عظامي تشنجت ماكدر اتحرك بعد
رفعت راسي كعدت عطست
مريم بضحكه. يلا يمعوده هم زين ماذبيت كل ثگلي عليج جان فطستي
اجى مصطفى مسح وجهي من الثلج
مصطفى. كومي طفله وجهج احمر
شهد برجفه. بارده بارده
مريم. مو كتلج دنيه بارده انتي تلبسين صيفي بالبيت
كمت امشي وارجف سابحه بالثلج
لبست جاكيت وغطيت رجلي وظليت اعطس
شربت گهوه حاره دفيت شويه
صرت احسن كمت ولعبنه بالثلج وسوينه رجل ثلج وكتبت اسمائنا وخليت گلب صورتها
شهد. مصطفى تعال
مصطفى. شتريد تفاحتي
شهد. اريد اصور ادينا بالثلج خلي ايدك هيج واني اصور حلقتي
مريم بضحكه. حركات المختوبين هههههااي
شهد. انجبي والله لان ذكرى اصلا ماحأنشرها
مصطفى. عفيه عليج اصلا ديري بالج تفكرين تنشرين صورج
شهد. ليش
مصطفى. شنهو ولج ليش اكو غير سبب
شهد. بس اني بعدني صغيره واريد ناس تشوفني وتعجب بيه
مصطفى رفع حاجب. ها لازم يعجبج تعصبيني لو مشتهيه گتله
شهد. ههه ولج تعالي اخوج يريد يگتلني
مريم. اي وشبيها هيا گتله وحده من زوجج
مصطفى بغضب. باعي لاتعصبيني وتشلعين گلبي حتى مااذيج
باوعتله بنظره بريئه
شهد. ويهون عليك تگتلني
مصطفى. سمعي كلامي ومااذيج
شهد. هههه ترا اتشاقه وياك ليش ضايج
مصطفى. ولج انتي تشگين گلبي بحجيج وحگ علي احبج
رحنه لبيتنا الي بأربيل اني اعرف اشم المنطقه بس جان اسمها بحركه بعيده شوي وصلنا البيت ونقلنا الاغراض ونظفنا دخلت رئسا صعدت الغرفتي تمددت
شهد. متت تعب
مريم. شو اني مداكدر احرك جسمي عبالك عظامي بيها ثلج
شهد. واني هم متجمده كولش هسا نسبح ونرتاح
طبيت سبحت ولبست شتوي وجاكيت عريض فوكهن بارده
ركعدنه بالحديقة اول شي الجو بارد بس حلوو تجرزنا واكلنا حلويات
وطبينا كعدنا شوي جوه وفرشنا الكاع
واني صعدت الغرفتي ع اساس راح انام بس مو وحدي اني حتى اهلي نايمين وياي
سويت نفسي نايمه وصلني اشعار خفت يكعدون رئسا فتحته
💬نمتي؟
شهد. لاء مداكدر انام ماعرف
💬اهلج نايمين
شهد. اي بس اخاف يكعدون ع صوت الكيبورد لو يشوفون ضو جوه الفراش
💬تكدرين تنزلين جوه؟
شهد بصدمه. شنوو شنو انزل مو اهلك نايمين بعدين هسا يشوفوني شيكولون عني
💬اريد اشوفج صدگي اذا ماتنزلين اصعدلج
شهد. عزاا وين تصعد انته مخبل اكلك اهلي نايمين ماكدر
💬زين راح اصعد واحجي ويا ابوج
شهد. مصطفى لاتجنني شنو تصعد والله بابا اذا يشوفني وياك هيج وكت يموتني باجر اشوفك زين
💬خوش جا اصعد انه
شهد. لاتجنني اجيت اجيت
💬بساع
ككت اني حيل متعصبه سويت نفسي هستوني كاعده من النوم وجيت اعبر من فوك بابا شفت ماما انكلبت غمضت عيني متت خوف
ماما. وين طالعه بالفجر
شهد بتوتر. هاااه اءليش
ماما بنعاس. داسألج ليش طالعه
شهد بتوتر. اني اريد اروح للتواليت نامي انتي
ماما بنعاس. يلا لاتتأخرين
شهد. يجوز اطول
حجيت وهيا رجعت نامت گلبي وكع بين ادي فتحت الباب بهدوء واني دامشي على روس اصابعي خايفه
نزلت من الدرج مجنت منتبهه باب المطبخ يم الدرج جنت داباوع عالنايمين شو حسيت احد واكف وراي درت وجهي وردت اصرخ من خوفي شعور يخوف ماكو ضو والكل نايمه
جنت راح اصرخ سد حلگي وسحبني
مصطفى بهمس. ولج خبله هذا انه
شهد بخوف. تدري شسويت بيه گلبي ديرجف عالاقل طلع صوت حركه شي
مصطفى. شسوي شغلي كله بالخفارات
شهد. باوع ترا لحيت هواي هسا اهلي راح يشكون بيه متكلي شرايد مني ليش تريد انزل انته شايف شسويت بيه گوه طلعت هم زين ماما كعدت مو بابا
مصطفى. ليش مااستاهل اشتاگيتلج
اجى يحضني ضربته ودفعته
شهد. تره اهلك هنا وتدري لو واحد كاعد من
داحجي وسحبني وباسني وحضني
مصطفى. خل يدرون
شهد بصدمه. ها اهه
رجع اقترب دفعته
شهد. كتلك وخرر انته مو وعدتني تسوي مثل ماريد اني ماريدك تقترب مني
مصطفى. شهد ماتجاو
شهد. وعدتني انته اني ماريد انطيك مجال من هسه لان كلشي وگته حلوو
مصطفى صغر عيونه. لج افكارج صارت بعيده كلش
شهد. لاء بس اني فهمتك مقصدي
مصطفى. يعني ماكو حضن
حجى واجي يمشي ويتقرب مني رجعت لي ورا
شهد بقلق. مصطفى ااءانته شبيك داتخوفني
وگف ولزم شعري ويمشي ع طوله
مصطفى بابتسامه جانبيه. لج تفاحه انطيني مجال خل ابوس هالعيون النعسانه خل اشبع من شوفتهن وداعتج ماراح اخذهن اريدهن يبقون واظل اباوعلهن كل يوم وماشبع من شوفتهن
شهد بانزعاج. لاتلزم شعري راح انام
سحبني وطلعنه بالحديقة
شهد بنعاس. لا صافو اريد اصعد انام تره هواي منعسه مو مال كعده
مصطفى. تعالي شويه شهد انه اكعدج اذا نمتي
شهد. ماتأخر
مصطفى. براحتج
كعدنا بالمرجوحه. ودنيه ليل بدون ضو
شهد. بس الزمني ترا اخاف يطلعلي حشرات بهل ليل
مصطفى. هو نبات ولان بارده رطب عليش خايفه
شهد. باع صوت صرصر
مصطفى. بعيد شهد هو حشره ماراح ياكلج
شهد. اوك شنو تريد مني
مصطفى. اريدج انتي
شهد بنعاس. اممم
مصطفى. شهددد
شهد. هااه
مصطفى. تريدين تسمعيني
هزت راسه "اي"
--انه جنت طفل يتيم
شهد بنعاس. هممم شنوو اءلحظه لعد ذوله مو اهلك
مصطفى. صوتج راح تكعديهم
هذوله اهلي خلفوني وذبوني عد بيبيتي
شهد بقهر. يااا لاتحجي هيج كول والله احلف لان اني ابدا ماتوقعت هيجي
مصطفى ضحك بخفه. لزمي دموعج لاابطل احجيلج بعد
شهد. لا اصلا مادابجي احجيلي لعد شلون تربيت
--آنه عشت يتيم منبوذ ومجان اكو احد يحبني غير يمه(بيبيته) جنت افرح بشي بسيط عكس اطفال جانو مايرضون جنت اتمنى احد يتذكر عيد ميلادي من جنت صغير مو على مود الكيكه والهدايه بس ردت الناس تتذكر تاريخ ميلادي ويحبني كلش جبيره عندي لمن اشوف احد يحبني طفل ضايع بي اهله وناسه لايعرف امه ليش مااخذته وياها اخذوني وانه طفل ماشام ريحه امه
شهد بحزن. منو اخذك
مصطفى. حقج شهد اني وياج لو جنت عايش مثلج هم جنت ماراح اصدك
شهد. يعني انته تتمنى تعيش مثلي لو شنو
مصطفى. لاء اني اريدج تفرحين بهيج نعمه ودلال عايشه بيه ترا غيرج يحسدوج منهن صديقاتج ماتربو مثلج وهيج ادللو
شهد بقلق. اعرف هالشي صافو
مصطفى. هلا
شهد بقهر. اذا محد يحبك اني احبك
ضمني حيل ظل يبوس راسي ولازم شعري حيل باوعت گلبه يصعد ويهبط رفعت راسي شفت دموعه هيج يبجي بلا صوت بس رده فعله جانت تبجي الصخر
من شفته هيج كعدت ابجي وزدت بجي
مصطفى بحزن. كافي تبجين راح ازعل عليج
شهد بجي. لااء اني اسفه تره جنت اكول عليك مدلل واهلك كلشي موفريلك
مصطفى. ماراح احجيلج شي بعد لان انتي تبجين بساع
شهد بجي. لااني اسفه
مصطفى. مو بس انتي تفكرين هيج تفكير اي شخص يشوف شلون عايش راح يفكر مثلج
شهد. يعني صدك اني لازم ماحكم ع الكتاب من غلافه
مصطفى. صح
شهد بحزن. ليش سوو هيج تخلك ترا كرهتم هواي شلون تربيت هيج وكبرت احجيلي
مصطفى. لاشهد اهلي مختلفين عن قبل ويحبون الكل ويحبون كل اخوتي حتى يحبوني بس رغم السووه اني كطعت وعد راح احترمهم واقدرهم لان شمايصير همه اهلي خلفوني وعكب باجر يكبرون همه يحتاجوني
شهد. شلون تكدر تسامحهم تره حرام عليهم السووه مو قليل ابدد لو اني جنت اعوفهم وينه بيبتك
مصطفى. توفت
شهد بدموع. هاااه شنوو هئ الله يرحمها هئ اهئ
مصطفى. تره هذيج امي الي ربتني والصار جان بسبب جدي هو هيج قاسي ويا اهله بس يساعد الغريب ومايصرف فلس على ولده
شهد. عزاااا هاي شلون عائله لعد شلون تعيشون
مصطفى. جنت اشتغل والحمدلله الله رزقني بفضل الله والشيخ صار عندي مشاريع
شهد بتفاجأ. اها هذا الشيخ كالت عليه مريم يعني المحامي مو
مصطفى. لاء شمدريج انتي
شهد. همه مثلهم بس مادري تحلوها بين شيوخ يمكن مشاكل
مصطفى. لعد شنهي هيا مشاكل
شهد. مو هذا الشيخ يصير عمك؟
مصطفى. عمي هم شيخ شفتيه بس هذا غيره الشيخ علوان يجي يوم واعرفج عليه جنت اشتغل عنده وهذا الوحيد الي شجعني عكس عمي الي جان يضرب ويهين بيه ويطردني من الشغل الشيخ علوان معروف بكرمه وشجاعته ماعنده ابن ومعتبرني ابنه واني هم الحمدلله ممقصر وياه
شهد بدموع. اني من شفته كلت حقير مادري ماحب عمك هو خلانا نخطب غصب يعني بسببه راد يدمر حياتي وبشنو مهدد بيبي اريد اعرف اني ليش ماخطبلك وحده من بنات عمي
مصطفى. حمدي ربج ماتزوجتيه
شهد بصدمه. عزاااا لاتخوفني هيج اني على كلوبكم تردون تخلصون مني وتزوجوني لعجوز
مصطفى. اي جنتي راح تزوجينه لو ماانه نقذتج
شهد بصدمه. ههه ماداصدك ههههه مستحيل تشاقه
مصطفى. شكد تشبهيها
شهد بتفاجأ. منوو؟ بااعي لاتكلي حبيبتك هاااه؟
مصطفى. لايروح فكرج بعيد تعالي
شهد. لا الا تكول منو هيا
مصطفى. وحده جان يحبها لان تشبهيها هو جان راح ياخذج
شهد بانزعاج. لاتكول راح ياخذج كول اني راح اخذج
مصطفى. بويه انه ماخذج قابل المن انتي ماتصيرين الغيري تظلين ادورين مئة سنه ومتلكين غيري ياخذج
شهد. طلعت اني محظوظه وجنت اكول ماعندي حظ
مصطفى. لان گلبج نقي الله يجازيج
-شعرچ
-شبيه
-يعذبني.. لاتوخريه
باوعت باستغراب_ليش
-احبه بطوله
-هههه انته اليوم مو طبيعي ابد
-هايم بيچ
لزم شعري ودفن راسه بيه ظل يشم بيه باوعت بالاتجاه الثاني وغمضت لحد ماسمعت صوته فتحت عيني
-من تفتح عين تضوي دنيتي"
من تفتح اثنيم نار وتتشعل"
گلت خل اوصف جمالك يالحلو.
وانته شيوصفك اذا تگتل كتل...
سنين الم بشعرك وبعده طويل
الله ياشعرك يتعب متوني
ربعه لميته وبعد ماظلي حيل....
لو المن بعد تعمه عيوني.
خليت راسي ع چتفه وادي لزمت وجهه
شهد.اوف صاير حلوو وعيونك وساع حلوات ورموشك طوال
مصطفى. انه الحلوو لو انتي
شهد بفخر. اني هم اعترف كبل جنت حلوه يعني الى هسا بس كبل جان هواي عندي اصدقاء وبالروضه هم جان عندي صديق يحبني اااييي اذني لالا
مصطفى بغضب. ياهو لجج شسوالج
شهد. وخر ايدك شلعت اذني ما ماسويت شي هو هو جان يكلي أحبج مادري هو جان يحب يلعب وياي وجان يشيلني ويفرني يكول انتي خفيفه
مصطفى. شلون تخليه يشيلج امشي صعدي انطمري غضب الله
دفعني وجان راح يكوم دفعت المرجوجه حيل
شهد بانزعاج. ترا زودتها حيل هو اني ليش شسويت ترا جنه اطفال ومنفهم اكيد هو هسا مايحبني
مصطفى يحجي من بين سنونه. شنو اليثبت انه هو مايحبج شلون يحبج كبل تردين مايحبج هسا
ظليت لازمته لان ادري اذا عافني ماراح يسامحني
شهد. اهدئ والله اسفه اني هواي اجفص صح مادري هو شي طفولي ياريت انكطع لساني كبل لااحجي
مصطفى بخزره. بعدي شهد لان اذا فقدت اعصابي
شهد. اي وشنو ماعوفك
مصطفى. اأذيج تره
شهد برطمت. ويهون عليك تأذيني
احجي والدمعه بعيني
سكت وتجاهلني ضميته وبجيت
شهد بجي. اسفه لاتتصرف هيج وياي ماحب اشوف احد يضوج مني اذا اني علة عليك طلگني بس لاتعاملني هيج
مصطفى. اشش شحجيتي ياهو يطلگج شهد لاتحجيلي ع الولد الي جانو وياج واصدقائج غلط تحجيلي انتي مرتي وماريد اسمع حجي عن الولد
تدرين انه لو مو كلتي طفل وانتي هم طفله شنو جان سويت بيج؟
شهد. اسفه اني مادري انته تضوج من الولد
مصطفى. يعني شلون تردين ماضوج يشيل ويحضن بمرتي ادري وين احنه
شهد. بأربيل ههههه
مصطفى. انتي ملكي وحلالي ومحد يلمسج غيري
شهد. هممم
كاعده وخاله راسه على جتفي جنت لازم شعرها نسيت تنام بساع باوعت عليها نايمه
مصطفى. شهد كعدي نامي بغرفتج
ظليت اخض بيها هيا نومته ثگيله حيل وملامح وجهه امبين منزعجه من حركتي
كمت طبيت جبتلها فراش ثگيل بردت
مصطفى. شهدي كعدي طبي جوه نامي بارده عليج
تكلبت خلت راسها بحضني ونامت
شفتها نايمه ماكدرت اكعدها وظليت على كعدتي انتظر تكعد لحد ماغفيت
....
الصبح بال8الا ربع
قتحت عيوني على اصوات يمي حيل ضجت ظليت احرك بيدي عبالك مو غرفتي ومو دبدوبي رفعت ايدي لي فوك واني مغمضه لزمت شي كأنه شخص يمي هيج عنده شعر ينغزني
فزيت كبل باوعت
شهد بفزع وصراخ. لاا هى هى هى اني شداسوي هنا
مصطفى. جسرتي جتفي بنومتج
شهد بخوف. مصطفى والله ماما تگتلني اذا شافتني تأخرنا هواي مو گتلي اكعدج ليش خليتني انام
مصطفى. اي هو انه الي خلاج تنامين مو ساعه اكعد بيج وانتي فاقده
شهد بصراخ. مو وگتك هسا اريد حل منو يكول مايعرفون هسه كله من وراك مصطفى كلشي راح يصير انته السبب
مصطفى بغضب. شهددد
رفع ايده وجان راح يضربني هواي متعصب
مريم. صباح الخير.. هئ عزااا شكوو
شهد. اي اضربني ليش بس رفعت ايدك
مريم. خويه اهدئ معليك منها لاتسمع حجيها بس فهمني شصار وياكم البارحه
شهد. اي عفيه سألي هو كله بسببه هو خلاني انزل غصب وهسا اني عالگه هنا ماما راح تگتلني ميمي ساعديني هئ ماريد اخسر ثقه اهلي والله مصار شي
مريم. هههه ولج اصلا امج هسا كعدت ونزلت سالت عليج رئسا واني گتلها اخوي مايكدر ينام بغرفه حاره طلع نام بالحديقه ودزيتها تكعده بره وهم تسگي الحديقه ها ومانسيت صورتكم سويه
خلصت وغمزتلنا
شهد بدموع. كولي والله يعني يعني ماما ماتدري اكيد
مريم بضحكه. ولج والله ماتدري بس ظلت تسأل عليج تكول اريدها وصيحيها وهسا طلعت اني كبل لاتشوفكم
ضميته حيل ودموعي صارن عشره عشره
شهد. شكرا هواي ماراح انسى موقفج
مريم. احنا اخوات يلا طبي كوليلها كبل نص ساعه كعدت ومصطفى نومته ثگيله وظليت اكعد بيه وطبي من الغرفه الثانيه حتى كبل تغسلين وجهج وبدلي ملابسج ع اساس من زمان طبيتي وهيا ماتدري لان جاي تحضر ريوگ
شهد بفرحه. شكرا محقق كونان
ضحكت وباوعت عليه اختفت ابتسامتي تذكرت هو رفع ايده تجاهلته وطبيت رئسا غسلت وجهي وصعدت اركض للغرفه
رهف. وين جنتي
شهد بتوتر. جنت داساعدهم هسا صعدت ابدل نزلي ساعديهم انتي خاف يردوني
رهف. اوكي
نزلت كبل اني بدلت بالغرفه وحدي مشطت شعري باوعت بالمرآيه صفنت تذكرت البارحه شكد جان رومنسي بس من الصبح گلب عليه طلعت الافكار من راسي وكذلته بسرعه ونزلت
ماما بخزره. وين جنتي؟
شهد. يوو ماما شبيج بعدين اني صارلي ساعه من صعدت تدرين من ابدل اتأخر علمود تكمل كشختي
بعدين هاي الفطائر كلش طيبه
ماما. ذبي الصحن من ايدج وتعاي ساعديني
اووف الحمدلله ارتاحيت لا ماسألتني هواي
كملنه وكعدنا تريكنا وكل هذا واني متجاهلته عكس البارحه خلصت ريوك كمت نظفت الميز وغسلت المواعين لان ماساعدتهم بالريوك
كنست الهول وخلصت كعدت وياهم لان جاي نتفق شوكت نطلع او وين نروح وصلتني رساله فتحت الموبايل
💬 تنورتج ضيگه شنهو الله ممنطيج قماش فوكها لو الله جابرج عليها؟
باوعت لوجهه عبالك سيف ويريد يذبحني كلبت عيوني ودزيتله
💬كبل جان عندي ناس تستاهل تدخل بيه بس هسا بكيفي وهذا لبسي
💬يعني شنو؟ قصدج كليلي انطح راسك بالحايط
.. معليه بيك كلمن حر بنفسه
💬لاادخلين ذيج السالفه بها
.. ولله شي مرتبط بشي
💬دكومي غيري تنورتج لااگوملج
.. معليك
ورئسا سديته وذبيت الفون باوعت لوجهه منطعن شوي ويكوم يفترسني عزاا شو هذا ماينحجي وياه شي كلشي بكيفه گلبي راح يطلع من مكانه...
ترقبو بارت الجاي...
لطفا لاتنسو تعلقو💘
تجاهلو الاخطاء الاملائيه..(قيد التعديل)
شكرا لكل شخص سأل عني شكرا لكل شخص تفهم موقفي والفتره الي اني جنت بيها ومازالت ولكن الحمدلله هانت إن شاء الله ♥
━━━━━━━━━━━━━━━━━━━━━━━━━━
🌸 هل أعجبتك أحداث القصة؟
💡 لمعرفة تفاصيل هذه الرواية ومتابعة بقية فصولها كاملة وبشكل مسبق وبدون إعلانات:
🔗 تابع القراءة عبر موقعنا الرسمي من هنا: https://kimostories.site/novel/417/احفاد-آل-حارث
نتشرف بوجودكم دائماً في عائلة كيمو ستوريز! 🌸
━━━━━━━━━━━━━━━━━━━━━━━━━━