#احفاد_آل_حارث
الكاتبة: سدرة الطائي
فضلا علقو من بين الفقرات
_______________________________________
صف الثالث جان كولش صعب عليه بالنسبه اليه اني جنت شاطره وصح دانجح وادرس بس ماعرف شنو السبب مدرستنا ماعدهم كفاءة يدرسون الطالبات وجان ماعدنا مدرسه رياضيات وفتره كورونا بس اخذنا موضوعين رياضيات وكلشي مافاهمين وانقلت المدرسة حيل تعبت اني بقيه المواد نجحت وشهر اول بس وصلت شهر الثاني احنا مماخذين هيج مواضيع ودرستها ع اليوتيوب وهم مافهمت طلعت شهر ثاني درس رياضيات ومو بس اني كل الصف ماعدا ثلاث طالبات تقريبا نجحو ودرجاتهم حرجه مثلنا
يوم الخميس
جنت راجعه من الدوام ويا صديقتي آية نتمشى شوي بالطريق ونحجي كبل لااوصل بيتها رفعت راسي شفت مصطفى جاي بطريقي كبل ركضت وصلت آية للبيت توترت ماحجيتله واخاف تشوفه وهو يشوفها وهيا راح تنصدم وتزعل ماعرف شسوي
آية. اخخ ولج ظهري وجعني شبيج دفرتيني
شهد. وصلتي بيتج ولج تأخرت لازم ارجع بسرعه باي
آية. باي
رحت اركض اريد اوصل يمه وكفت كباله باوعت بفرحه
مصطفى. شبيج بويه لج انتي خبله تركضين هيج
شهد. هاي هههه لا جنت اسوي سباق حتى اضعف
داحجي وياه باوع للشارع ماكو احد ضمني حيل وباس راسي
مصطفى. شلونج بنيتي تدرين شكد مشتاقلج
شهد. زينه هههه اني هم
مصطفى. تعالي صعدي بالسيارة
صعدت وياه السيارة بارده كلش واني تعبانه وصلت البيت طبيت حضنت مريم وبسته حيل
مريم بضحكه. ولج اني هم مشتاقتلج وربي بس تدرين ماكو احد يجيبني
حجت وباوعت لمصطفى
شهد صغرت عيوني. اي طبعا مو هو الطريق بعيد لازم تجين بطيارة لان احنا بغير دوله
مريم. هههههه ولج تدرين شغله عاد حتى احنا مانشوفه بس من ينزل للبيت حتى هو عنده طلابات هواي
شهد. شنو يعني طلابات
مريم. ماراح تفهمين بس هيا شغله عشائريه وهيج يحلون مشاكلهم او احد يجي يطلب شي منهم هواي شغلات يمعود ادوخين
شهد. ليش مو المحامي يحلها؟
مريم. ههههه عشائريه تنحل اسرع
شهد. اها مادري تعالي ندخل جوه متت
طبيت جوه سلمت عالكل وصعدت لغرفتي سبحت وبدلت لبست فستان هيج مال عصرونيه عليه ورد وفكيت شعري وخليت قرصه لي كدام
نزلت اساعد ماما بالغده
مريم. شهل جمال ولج شعرج ريحته تخبل شميته من بعيد
شهد. ههههه صدوك والله هسا ارتاحيت كولش حاره
مريم. هاي انتي هنا تكولين حاره لعد لو ترحين لبغداد شلون ههه عزاا والله راح ادخنين
شهد. ليش ماعدكم سبلت
مريم. ياسبلت يمعود درجه الحراره هناك وانتي بيضا كلش راح تسمرين
شهد. لاماريد اصير سمره بشرتي احبه شكو تردين تسوديني بالشمس
مريم. هههههه ليش بكيفج ولج حاره هناك انتو هنا قريبين عالشمال بعدين وين الشمس ولج الجو طيب وشتا عدكم احنا مانحس بالشتا شون مصيفه
شهد. ولج ياشتا بعد وكت ع الشتا غير حاره ناار اليوم كله اصلا شمس
مريم. والله بارده شون لابسه مشلح
شهد. انتي هيج بروده
مريم. ع اساس انتي مو بروده بالعكس اني حرانيه و24ساعه بالمي
شهد. لعد شكد منصمطه بالحر هناك تعالو عيشو هنا بالموصل احسن
مريم. والله هنا بالموصل عيشتكم حلوه يعني بسيطين وحتى ولدكم زينين ومثقفين كلهم قليل نشوف هيج نماذج وحتى ملهى ماعدكم وهيج اماكن هادئه كلش بس احنا شيجينا عائلتي كله هناك مصطفى شغله بغداد ومستحيل يعوف بيت جدي ولااحنا عمامي كلهم عايشين هناك ويانا هسا انتي اهلج يكدرون يجون يعيشون بغداد ويعوفون عمامج وكرايبهم وناسهم ويجون لبغداد
شهد. لاوالله اني ماريد اعوف الموصل
مريم. لا انتي مجبوره لأن لازم تعيشين ويا اهل رجلج اني ماقصد احنا بس مصطفى مستحيل يجي يعيش بغير مكان وهو يحب يكون بين اهله وتدرين كل بنيه تتزوج تعوف اهلها بس لاتخافين راح تجين هنا تزوريهن صدگيني اخويه مايمنعج من شي هو يحبج وكلشي يسويلج
شهد. اني هم احبكم
مريم بخبث. ههه ولج تحبيه؟
شهد بتوتر. لااء والله اني اقصد احب اهلج كلهم
مريم بشك. والله تحبيه ترا عادي بالعكس راح افرحلج هواي ومو حرام هو صار خطيبج والحب ابد مو حرام
شهد. والله ادري بس اني جاي اتوتر من تكلولي هيج ماما هم ظلت تسألني اني اخجل من احد يكلي تحبين شخص بس ماعرف مشاعري ويا اخوج هيج مخربطه مره اكول يمكن احبه ومره احسه مجرد كرايبي اخوج من يضمني صدگيني ماعرف شكوله اخاف اكله لاتحضني وهو يفكر غير شي اني مااحبه ماريده يكول اني ماراضيه
صدگيني ماعرف شنو احساسي بس اريد حل
. اول مره حسيت ارتحت اوصفله مشاعري بحياتي ماحجيت لأحد هيج شي بس كلت بلكت تتفهم ماعرف شنو اريده بالضبط مصطفى الى هسا ماشفت منه شي يخليني اكرهه
خلت ايدها على ظهري
مريم بقهر. اني صدك ماعرف شسويلج يروحي يعني هسا تردين اطلكين اخوي لو شنو بالضبط
شهد بدموع. اني بس احس روحي تعبانه ماريد اخوج يقترب مني هسا لان اني اكول بلكت هو ميحبني بلكت ماحبيته صعب ياميمي تشوفين الشخص الي ماتحبيه يحضنج احنا مختلفين ومشاعرنا مختلفه
مريم بحزن. والله انكسر گلبي عليج لاتبجين شهد والله اني وياج باعي صح هو اخوي بس احنا البنات نعرف مشاعرنا بعدين اني هم مادري شوكت يخطبولي واحد ماحبه يجوز هم اعيش مثلج وتتعب نفسيتي
شهد بدموع. لاتحجين هيج لاء مستحيل اخليج تعيشين مثلي
مريم. ريحي گلبج ولاتفكرين بهيج سوالف ثاني شي مصطفى مستحيل يتقربلج اذا مايخليج تحبيه اخوي واعرف اطباعه بعدين هو شسوالج؟
شهد. شنو
مريم. يعني اقصد تقربلج شي
شهد. يعني بس ماريده يمي او وحدنا والله اخاف منه واحاول
مريم. انتي شايفه اخوي فلم رعب؟
شهد. لاء بس هو نظراته تخوف
مريم. باع شكد تختلفين لعد وغزل يوم خطوبتج شكالت كالت عيونه الا تخبل تگتل
شهد. خلي تولي بعدين وين اشو عيونه مو لطيفه تخوف هو اصلا يخوف
مريم. انتي متعوده عالكوريين عيونج راح تنعمي كد ماتباوعين عليهم
شهد. لبالله عيني صح هذوله حلوين بس مو متعوده حتى هنا وجههم لطيف اخوج وجهه سيف جنه طالع من معركه شنو يشتغل
مريم. ولج اخوي غير جان ملاكم ماخذ جوائز واعلا جائزه ومسابقات ويا دول وربي حتى الى هسا هو لاعب كمال اجسام ومتعود يتمرن حتى بالبيت جايب غرفه كلها اجهزه رياضيه واثقال بمكان مايروح للجيم
شهد. عزاااا يمتى يوكف تمارين ترا يخوف شكله
مريم. اي هيا مو كتلج انتي متعوده عالكورين ضعاف هواي
شهد. اووف مادري امشي نروح نساعدهم صار الغده والله جعت
مريم. سمنتي
شهد. عفيه اقهريني بعد هو اني ملل كلني شبقى غير الاكل كليلي موتي
مريم. هههه لاولج والله شكد حلوه صايره دنفوشه ينخاف عليج وخدودج تخبل عيونج تجنن بيها سحبه تعالي اخليلج مكياج
شهد. ماريد اضوج منه اصلا خليت تنت خفيف ع خدودي ومرطب شفاه كافي
مريم. ورموشج
شهد. لاوالله ماخاله هنه هيج طوال
مريم. هنيال اخويه بيج الله يسعدكم
كمنه رحنا للمطبخ ساعدناهم وفرشنا الكاع التمينا عالغده تغدينه وظليت كاعده وياهم اسولف واباوع المصطفى شكله ضايج من شي ماحجيت وياه خلصنه كمنا نظفنا وعزلنا البيت الساعه بال4العصر طلعت من المطبخ شفت مصطفى يلهث هستوه طالع من الحمام ومالابس شي من فوك المي ينكط على جسمه حرك راسه رش على وجهي مي دخل بعيني شويه جنت شارده بشكله احس منظر حلوو نسيت نفسي
مصطفى. سدي حلگج لاطب بيه ذبانه
شهد. ها
عافني وطب للغرفه دقايق وطلع كعد بالهول لزم الفون
شهد. وين البقيه شو البيت فارغ
مصطفى. نايمين تعبو من الطريق اذا ماعندج شي تكدرين ترحين لغرفتج
شهد عقدت حاجبي. مافهمت ليش جاي تعاملني هيج انته تكرهني؟ شنو سويتلك
مصطفى. طبعا مااكرهج بس دااحقق رغبتج
جيت وكفت كبال التلفزيون صرت گباله بالضبط اخذت الموبايل
شهد بغضب. يارغبه ترا جاي تعاملني هيج معاملة حقيره اني شوكت كتلك اتصرف هيج وياي
مصطفى. ماخايفه مني
شهد. لاء اني مااخاف من شي
مصطفى. والحجي الي حجيتيه ويا اختي شهد آنه سمعت حجيج كله ماكو داعي اتجذبين جيبي تلفوني وصعدي
شهد. ماراح انطيك ياه يعني انت سمعت حجيي كله ترا جنت راح اكولك
مصطفى. اذا انتي جنتي ممستعده مستحيل اكدر اغصبج ع شي اواتزوجج فهمتي
شهد. اعرف بس صعبه هواي عليه اني ماگتلك هيج تصرف وياي مثل الغريبه تعتبرني بس انطيني فرصه حتى احبك
مصطفى. افديج عمري شهد بس انتي غلطتي بحقي هلكد ماعندج ثقه بيه
شهد. اسفه والله ماجان قصدي انته ضايج مني
مصطفى بتنهد. روحي شهد
شهد. والله ماحطلع وابقى على گلبك
مصطفى بخزره. لبسج صعدي غيريه
شهد. ليش شبيها ملابسي موحلوة؟
مصطفى. لا ماحلوة يلا صعدي بدليها
شهد برطمت. خوش لعد اني مو حلوة مادام الملابس مو حلوه
مصطفى. انتي لتحلين الملابس يلا صعدي بدون نقاش شلابسه مصلخ وشعرج شيليه
شهد. ماريد اشيل شعري
مصطفى بغضب. شتفقنا احنا
شهد. اممم
مصطفى. لاتباوعيلي هيج عبالج اتراجع يلا
ضربت رجلي بالگاع وصعدت لبست تراك هيج عبالك مال طلعه نزلت جوه
مصطفى عقد حاجبه. اني شكللت
شهد. ترااا والله نرفزتني سويت الگتلي عليه باوع هاي ولبست غير شي
مصطفى. لبستي اضرب من الگبله ليش نص ردن وشعرج
شهد. نسيت اشيله عوفك منه اضوج ساعه اظفر بيه
سحب ايدي بهدوء وكعدني بصفه دار بيه ولزم شعري توترت
شهد بتوتر. شداتسوي اءامم راح اصعد اغير ملابسي
ردت اكوم لزم ايدي وخلاها على رجلي حسيت نفسه قريب خله راسه بطن شعري ظل يستنشق بشعري حيل خجلت بده يحاول يظفر شعري
شهد. تعرف تظفرلي؟
مصطفى. لاء اريد اتعلم بيج
شهد. يلا حشوف اذا تعرف ترا شعري صعب تظفره
مصطفى. ليش صعب
شهد. لان طويل حيل اضوج منه اريد اگصه
داحجي سحب شعري
مصطفى. شكللتيي شعرج اذا گصيتيه اگص راسج فهمتي
شهد. عزااا لعد مو وماما كلتلي من تزوجين براحتج
مصطفى. مو بكيفج شهد انه ماحب الشعر الگصير يلوگلج الطويل حلو عليج
شهد بخجل. شنو يعني ماحلو اگصه؟ بس اكو هواي هسا دايگصون بيه ويطلع يجنن عليهم
مصطفى. حتى لو يطلع حلو عليج انتي هيج تخبلين
ظفرلي شعري خلصت ودرت وجهي باوع عليه حسيته يخبي بضحكته
شهد بصدمه. شنوو ليش احسك تريد تضحك
مصطفى. لاماكو شي تخبلين انتي
كمت بفرحه باوعت بمرايه المطبخ فتحت عيوني من الصدمه
شهد بصراخ. مصطفىىىىى اهئ عزااا هاي اني
باوعت شعري عبالك نخله مكهرب صارله ساعه يلف بيه شعري صاير مكنسه مال ايد
اجيت عليه اركض
شهد بعصبيه. عوذاا عوذااا شنو هاي شعري شسويت بيه
جيت واني صايره اعصاب نوب طگلي صوره كرهني باليوم الي جيت بيه
مصطفى بضحكه. تخبلين
شهد بزعل. ماااا امسح الصوره شنو تضحك عليه اهئ امسحها
مصطفى. تعالي مسحيها انتي
شهد بتوعد. اها خوش عبالك ماكدر ترا اتحول كدامك
مصطفى. على كيفج سبايدرمان
فكيت شعري وسحبت بيه وكعت خصله ع وجهي نفختها
مصطفى بضحكه. وعلي مخبله
شكلت بنطروني وسويتها طفره سريعه لزمت عضيت ايده حيل وشعفت شعره مادري وين خله فونه
شهد بلهث. تنطيني الفون لو اعض راسك والله اعضك وبوكس
مصطفى. لج جلبه تعضيني
شهد. امسح صورتي
مصطفى. ماراح امسحها ومحتفظ بيها
دفعته وصعدت فوگه لزمت اديه هو خرب من الضحك عليه عباله داتشاقه
شهد. ليش دتضحك ماسويتلك شي
مصطفى. اااخ بويه من تلزميني اضحك
شهد. مادغدغتك
مصطفى. انتي حركاتج مال دغدغه
شهد. انطيني الموبايل
گرص خدي ورفع حاجبه
مصطفى. عناد بيج ماانطيج ياه
شهد. مصطفى الله يخليك احذفها ميخالف اخذلي صوره حلوه هسا امشط شعري بس حباب والله تلزمها عليه ماحلوه
مصطفى. تؤؤ ولج عمري تخبلين شبيهن خدودج راح يطگن من الخجل
شهد. انيي
مصطفى. لعد منو غيرج شهل جمال الرباني
شهد. اها والصورة خاف عبالك انسى
خله ايده ع خصري وقربني اله فتحت عيوني حيل
دادفع بيه باوعت مريم وام مصطفى واگفين يباوعولنه ويحبسون الضحكه
مريم. امممم هههههه هئ
ام مصطفى. والله يمكن احنا جينا بالوكت الغلط عليكم
مريم. ولج ادري الرجال يسوي هيج مو لبنيه عزا بعينج نايمه فوگه
كبل دفعته وكمت
شهد. شنو شدتحجون فاهمين غلط ترا جنت داضربه
ام مصطفى. لج متوبعه تضربيه هاي سوالفجن انتن البنات اعرفها
مصطفى. يمه الحجته صح احنا ماعدنا علاقه
شهد. اي صح وبعدين اني مااحب مصطفى ظنكم كله غلط
حجيت وصعدت لغرفتي مشطت شعري
____
شوكت اسمع كلمه مااحبه گلبي يلچمني وثاني كلمه من بعد اكرهك مااحب اسمعها بس شسوي منتظرها تتقبلني واصبر بلكت الله يعوضني
مريم بتوتر. خويه شهد ماجان قصده
مصطفى. بسج اعرف كلشي ولاادافعين عنها
مريم. والله اني مادافع عنها بس افهمك
مصطفى بخزره. ماكو داعي فهمت
طلعت بالحديقه دنيه مغرب كعدت بالمرجوحه ورثت جكاره طلعت صورته ظليت اباوع لصورتها ساعتين بالحديقه انه اباوعلها اريد اشبع من شوفتها بس الگلب يذل
طبيت للبيت
دك الجرس
شهد. اني افتحه
احمد. دطيري طبي اني افتح
شهد. اوف يعني شحيصير اذا فتحته
مريم. ولج مو تحجبتي صعدي غير ملابسج لبسي شالج
شهد. ليش منو جاي
صعدت لبست كاجول ولفيت شالي ونزلت فتحت الباب طلع عمي والغثيثين
.. شلونج شهد اخبارج
شهد. زينه عمو بخير انته شلونك.....
ابراهيم. شلونج شهد
اندرت باوعت عليه رجعت باوعت المصطفى شفت اعصابه بارده كلت خلي اسلم
شهد. زينه انت شلونك
ابراهيم. زين اذا انتي زينه
تجاهلته وسلمت ع بنات عمي وامهم الي اطك مني 24ساعه جانت تسويلي مشاكل
رحت للمطبخ سويت گهوه وجاي وقدمت مريم ساعدتني شويه وگلتله روحي خلصت جيت جنت راح اكعد اجت مريم كعدت بمكاني
مريم بهمس. روحي كعدي بصف اخوي
شهد بعدم اهتمام. اوك
جيت كعدت يمه باوعت لعيونه شفتهم اثنينهم يباوعون لبعضهن ردت اتخلص من هاي الشحنات
السلبيه مريم كامت. تباوعلي تكلي سوي شي
لزمت ايده دار وجهه لجهتي مستغرب
شهد بهمس. مصطفى ماريد مشاكل
مصطفى. شهد يباوعلج
شهد. الزم اعصابك والله حگوم واطلع احسن
مصطفى. بسرعه
كمت طلعت للحديقه لان شكله يخوف راح ينفجر لحكتني مريم
مريم. ها شصار
شهد. مصار شي اصلا هو كلي طلعي
مريم. لان ابن عمج ميستحي يباوع عليج كدام ابوج وخطيبج
شهد. كافي مريم گلبي والله راح يوكف من الخوف
مريم. اسم الله اروح اجيبلج مي وجهج اصفر
راحت ركض للمطبخ انتجيت عالشجره خليت راسي وغمض عيوني
فتحت عيوني ع حركه ايد ع جتفي لبالي مريم
شهد بتعب. شو تأخرتي
ابراهيم. شهد ليش ماداتردين على اتصالاتي ممعقوله لهل درجه اطلعيني من حياتج انه هم بشر
شهد. وخر ابراهيم ماريد تصير مشاكل مره ثانيه
ابراهيم. لازم تسمعين مني مصطفى يحب وحده غيرج ماراح يحبج مثلي حبيبته خانته وانتي
شهد. كافي ابراهيم ماريد اسمع وادري هو حجالي يعني ماحاجه تشرحلي ادري عنده حبيبه قبل شراح يفيد
ابراهيم. يريد ينتقم منج
شهد. ليش ينتقم ترا هو هم مجبور والحمدلله ماغاصبني ع شي حتى ماجبرني وكلي حبيني مثلك انته ترا الحب مو بكيف الشخص يعني شلون تريد تجبرني حتى احبك وانته مثل اخوي
ابراهيم بغضب. سمعيني انتي الي وراح اسوي كلشي حتى اخليج تحبيني وتنسين هالحقير
شهد بصراخ. ترا زودتها اني مو لأحد لنفسي وبس روح شوف حياتك لك غيري تتمناك ليش ادمر نفسك
ابراهيم بدموع. مو بيدي ماتحمل غيري ياخذج شهد احرگج واحرك نفسي علمودج
شهد. لك انت مخبلللل داكلك انخطبت ومستحيل اصير الك...
وين مريم
ابراهيم. بلى تصيرين هههه قصدج ذيج البنيه قفلت عليها باب المطبخ؟
شهد. ياحقيير شسويت
ابراهيم. لو ماسويت هيج شلون اكدر احجي وياج شهد راجعي قرارج انتي غلطانه وبعدج صغيره خلي نرجع مثل قبل ادللج والله دزيتلج طلب صداقه وافقي عليه
دفعته حيل وصرخت
شهد. باوع صح اني صغيره بس مو رخيصة حتى تسوي هيج شغلات فهمت
صرخت صرخه اريده يفهمني بس بهل لحظه شفت كلهم بره من باب الاستقبال شو كلهم بره باوعت ابن عمي شفته طايح بالكاع ومصطفى يضرب بيه متت خوف اريد اهدئ بس ارجف اجى لزم جتفي
مصطفى زمخ. سوالججج شييي احجييي؟
شهد بدموع. لاء والله ماسوه شي مصطفى اتركه لخاطري والله جنت متعصبه وصرخت والله مامسويلي شي عوفه مااحبه
ابو ابراهيم بغضب. لك جلب اني كم مره حجيت وياك ونصحت بيك وماخليت شي ماسويت شوكت اتوب
لزمه وضربه راجدي وكع بالكاع
باوعت مرت عمي تبجي
مصطفى حضني وخبى وجهي
محمد بغضب. لك اذا كل مره هيج تسوي بنتي لاطب بعد بيتي امشي اطلع ماارحب بيك ولك انته ابن عمها وهيج شلون اامن بيك بعد
ابو ابراهيم. حقك عليه خويه نعتذر عالازعاج
مصطفى. شهد اهدي كافي تبجين
ابراهيم. الله يسامحك عمي فضلته عليه وخليته يتحكم ابنتك
مصطفى. شدتحجي لك كبل لاتصير خطيبتي اعرفها لبنيه وابوها يعرف طبعي ولو مو خوش جان ماانطاني ياهه
محمد. لو مااثق بيه جان اخذت بنتي وطلعت من البيت
ابراهيم. عمي اني ردتها گبله احبها ليش ماتقبل تنطيني ياهه
محمد. تريدها لو لاء هذا قرارها هيا وافقت عليه وانته بعدك صغير وماتناسبها مصطفى رجال ويحب بنتي
ابراهيم. وشهد تحبني
شهد. جذب لاوالله لو جنت احبك ماخطب لاتتهمني
مصطفى. شهد اذا تحبيه
شهد. احب مصطفى
مادري شصار بيه ليش حجيت هيج جذبت على نفسي بس جان عندي رده فعل لحد يسوء فهمي ماريد احد يتهمني بيه گلبي يدك بسرعه من الخوف والحجيته ابد مو قليل كدام الكل باوعت ابراهيم كام وطلع واهله لحگوه
بابا ظل يباوعلي اعرفه من يغار عليه
باوعت عمي موجود متت خجل
ابو مصطفى. يلا بتي لاتستحين هو رجلج
مريم. وينكم صارلي ساعه اصيح منو قفل باب المطبخ متت خوف وحدي نوب لكيت بيبي تصيحني جيت من الصاله....
شكو تضحكون فرحانين انتو
ام مصطفى. ولج مو كالت مااحبه شو هسا تعترف
مريم بتفجأة. لا مستحيل راحت عليه هيج لحظه صدك شهد تحبين اخويه؟
شهد بتوتر. ااءاي
محمد. تفضلو بالداخل ليش واكفين
بقينا لوحدنا ودنيا مغرب شالني ورفعني
شهد. نزلني والله ادوخ
مصطفى. شهد متاكده انتي تحبيني؟
شهد. اءامم نزلني
مصطفى. اريد اسمعها مره ثانيه تدرين شكد منتظرج تحجيها
شهد. احبك
سحبني وضمني حيل فررني
مصطفى بفرحه. اعشگج لبة گلبي
شهد. ههههه ااااا نزلني بس اريد اكولك شي
مصطفى. أمري شهدي
شهد. شنو علاقتك ويا حبيبتك قبل
مصطفى رفع حاجبه. ليش تسألين
شهد. اخاف بعدك تحبه بلكت رجعتلك تعوفني
مصطفى. اكو واحد يعوف گلبه جان حب مراهقه وجان عمري18 احنا انفصلنا من زمان وتزوجت وعدها جهال شلون تردين نرجع مثل قبل كلشي اختلف انه نسيتها بس اتذكرج انتي ماتخيلت يوم تصيرين الي شهد انتي حبي الوحيد الدائم بحياتي شكد حاولت انساج واستسلم واكول بعدها طفله وراح تنساني وصدك نسيتيني بس ماريد اعوفج
شهد. تدري ليش اختاريتك
لان كبل لانخطب جان اكو فكره توضحت بالي
تذكر ابراهيم من اجى وتوسل مااخطبك
سألته سؤال الي هو گلتله عندي عيوب هواي واني مو انسانه كامله وكل البشر هيج هو جاوبني
نكدر نغيرها للاحسن
يعني تدري شنو ماراح يتقبلني بالمستقبل
وكلت مستعده اتزوج اي شخص غريب ولااخذ هيج شخص مثل ابن عمي حسيته اناني
جنت خايفه تطلع مو زين ماعرفك اني وانته هواي جبير عليه شلون راح تفهم عقلي
وسألتك نفس السؤال
مصطفى. وگتلج احبج انتي وكل عيوبج ومتقبل كلشي بيج لان عيوبج بالنسبه اليه احلا شي بعمري
شهد بابتسامه. صح لهذا اني راجعت هيج قراري وفكرت انطي لنفسي فرصه او ح حبي ت تصرفك جنت اكول كبير عليه وو تدري احب هيج رجال ماعنده شوارب ولحيه لان يبين كبير بالعمر يعني جان عندي غير مواصفات هيج شي
مصطفى. لازم انتي اتعرفين ماكو شخص كامل ومثل ماتردينه
شهد. ترا ماقصد انته ماحلوو بس هيج جان عندي غير مواصفات
مصطفى. افتهم عليج انه مايهمني الجمال اريدج تحبيني اوعدج مانزل دمعه من عينج وماخليج تنجرحين من شي
شهد برطمت. ترا ماكو شي يبجيني غير الرياضيات ههههه
مصطفى. رياضيات؟ اسهل ماده
كعدت اهز بالمرجوحه ونحجي
شهد. ترا ماعندي مدرسه انت صدك تكول المدرسة كلها تموت من الرياضيات شلون اسهل ماده
مصطفى. امتحنتي لو بعد
شهد. امتحنت اول شهر ورسبت بيه وشهر ثاني هم اجت وحده مدرسه كالت نعيدلكم امتحان هيا ادرس غير صف رياضيات هم بس احنا ماعدنا
مصطفى. شوكت تعيديه
شهد. اسبوع الجاي
مصطفى. جا خوش ادرسج
شهد. مستحيل ماراح تفهم ترا غيروها الكتب
مصطفى. كبل جان اصعب انتو هسا عدكتب الانترنت تدرسون عليه تدرين كبل جنه نحل وحدنا
شهد. عزااا غير نرسب شون هيج
مصطفى. انتو جيل فاگس
كمت سحبت ايده
شهد. مااسمحلك ترا ها مو اني من هل جيل
مصطفى. اكو احلا من هل جيل مريتي نورته
شهد بفخر. اي عفيه كول هيج تعال ادفعني اريد اطير
اوكف اوكف اني اصعد اول شي
مصطفى. وعلي انتي خبله
طفرت كعدت بالمرجوحه نزعت شالي وفكيت شعري
مصطفى. لبسي شالج جيرانكم مسلطين بالحديقه
شهد. هسا قابل راح يطلعولي بليل ههه والله محد يشوف اصلا الشجره فوك المرجوحه يلا ادفعني حتى احبك
مصطفى. جا خوش اقتراح
كعدت بالمرجوحه الصغيره ودفعني حيل احس طرت من تمام وشعري يطير كمت اصيح واضحك
تذكرت اغنيه سامعتها بمكان ماتذكر وين
والله لنصب مرجوحه...
من سطوحي لسطوحه.. من سطوحي لسطوحه...
خلي يكولو حرامي...
روحي متعلكه بروحه.. روحي متعلگه بروحه......
سكتت لان نسيت التكمله وماعرف شغني بعد
فجأه سمعت صوته فتحت عيوني على وسعهن صوته كلش حلوو
.. يجيني الليل وعيونك.. واموت بشوگي من دونك..يعز ناسي البعد قاسي.. وحبيبك موت غيابك....
ظل يكمل بالاغنيه احاسيسي كلها تغيرت كمت افكر معقوله اني احبه ليش مارفضت بلكت داجذب على نفسي ماعرف شلون احب بس تقبلته
شهد. صوتك حلوو ليش ماتصير مغني
مصطفى. ماريد اقشمر بنفسي مثلهم عليش شوكت تردين اغنيلج الج وبس واذا صوتي حلو استخدمه لشي استفاد منه مو احسن تجويد او اصير منشد حسيني مو احسلي
شهد. صحيح بس اني احب اغني ادري صوتي محلو
مصطفى. صوتج بالغناء حلوو سمعتج تغنين ذيج اغنيه مال اجانب صوتج عجبني
رفعت راسي لي فوك باوعت وراي
شهد. ههههه انته صدك تحبني
باس گصتي وسحب شعري رجعه لي ورى حضني حيل
شهد. تعال صير كدامي
مصطفى باستغراب. ليش خليني هيج احسن ادخلج بضلوعي
شهد بتوسل. تعالل
مصطفى. جيتج شتردين
شهد. تقرب بعد...
شوي شوي اقرب
مصطفى. ناويه اتفجخيني بالمرجوحه
شهد. هههه لا اوالله بس تعال قرب هووب كافي هسا ايي
دفعت المرجوحه سويته طفره سريعه وشمرت نفسي عليه ضميته
مصطفى بصدمه. ولج وكعتي گلبي عبالي انكلبت المرجوحه
شهد. ههههه الله كولش طيبه هيج انته طويل ࢪئسا اشمࢪ نفسي ولاحسيت
مصطفى. شهل خبال ولج لو وكعتي
شهد. يوو هسا مو انته لزمتني
رفعت راسي وهو جان مدنك صرت كلش قريبه عليه شفته يباوع بطن عيني وابتسم هاي اول مره اشوف ابتسامته وسنونه هيج برزت ويا ضحكته هز راسه كام يستغفر
باوعت عليه بخبال
شهد. شكو ضحكني
هز راسه يقصد ماكو شي
خليت راسي على جتفه
مصطفى. شهد راح تنزلين من حضني لو لا
لزم شعري رفعت عيوني بثقل
شهد بنعاس. عوف شعري نعست
مصطفى. لاتنامين بعد وكت
شهد بنعاس. ماكدر
هو جان لازم شعري بيده وشايلني واني غفيت ماحس غير خليت راسي ع جتفه
مصطفى. شهد شهدد لجج بعد وكت
ظليت احاول اخليها تصحصح نومته ثگيله عفتها نايمه طبيت للبيت حجيت ويا امها
مصطفى. خاله اذا اكو مشكله اخذيها انتي صعديها
ام شهد. لاابني اثق بيك كبل لاتخطبها سويت نفس الشي وانته جبير تعرف حدودك ميحتاج اصلا هيا حلالك
مصطفى. شكرا على ثقتج بيه ظنكم مايخيب
ام شهد. ان شاء الله
صعدته للغرفه جنها مال العاب بنفسجي وردي وصور كوريه لزمت نفسي وخليتها بالجربايه اكره الوردي غطيتها بالفراش لزمت ايدها صغيره
مصطفى بضحكه. شلون فاتت الحلقه بأصبعج
اديها صغار عن عمرها اصابعها گصيره مليانه رصعات اديها بالورك بست ايدها كمت باوعت لصورها ع الحايط بعدين طلعو هذوله الكوريين موزعتلهن بوسات كمشت الصوره دعگته بدي وخليته بالزباله جنت راح انزل لمحت لعبه بصفها اجيتها كبل لزمته
هذي هيا اللعبه الي جبتها الها من جان عمرها6سنوات تشبهه الباربي
نزلت جنت كاعد وياهم اجاني اتصال
كمت فتحت الخط
عبدلله بصراخ. الووووو
مصطفى. طرشت اذاني اسمعك
عبدلله. هلا وعبد الله شلونك
مصطفى. الحمدلله زين تدري انه بالموصل
عبدلله. شلون ماادري مداتشوف متقصد ماانطيك التحاليل مالكم
مصطفى. غصبن عنك اتجيبها اليوم فهمت صارلي شهرين انتظرها عالاقل خابر وكلي النتيجه
عبدلله. بلكت طلعت النتيجه سلبيه وممتوافقين
مصطفى. لا لتخاف عندي احساس يكلي النتائج زينه
عبدلله. واذا طلعت مو زين
مصطفى. انته شعليك اخذها يعني اخذها كله رزق من رب العالمين لاتلح يلا تجي اليوم
عبدلله. خوش اجيك انه وامي
مصطفى. شهد تعرف
عبدلله. لاوداعتك ثولتها عليها گتله لي سنه الجاي وهيا كيفت عبالها ماتتزوج
مصطفى. الله يطيح حظك ان شاء الله يوللل
________
مريم. شهد كعدي كعدي ولج
شهد. شكوو تؤو ياربي اني شوكت نمت
مريم تغمز. والله سألي نفسج حياتي كولي وين جنتي نايمه بحضن حبيب الروح
شهد. هاااا شوكت
كعدت صفنت يلا تذكرت
مريم. فاقده ذاكرتج ولج دنيه عشى كومي كعدي وياي هسا بيبي جايه
شهد. اي صدك تذكرت
كمت غسلت وبدلت باوعت ع وجهي بالمرايه احمر يمكن لان نايمه هيج وكت
مريم. خدودج حمر هاي مصخنه؟
شهد. لا
مريم. ولج بس لاتتمرضين ترا دنيه شتا بس انتي تلبسين نص ردن شون ماتبردين
شهد. اني ابرد من اطلع بره بالبيت حاره بس لاتخافين مو مريضه يجوز لان نمت
مريم. تعالي اريد اخليلج مكياج شويه
شهد. مو مصطفى ميقبل
مريم وانتي بالبيت يعني شلون اله راح تخلين مو بره يقبل
شهد. اوكي
لبست بنطرون عريض ومخصر وبلوز شتوي بس گصير تطلع بطني لبست جوه بدي حتى مايبين شي وجاكيت عريضه
مريم. ضفري الشعرج خوش لان ماكو احد بس عبدلله يجي عاد مو غريب جبير هو هم
شهد. لااء اصلا مالبس كدامه حجاب هو هم رباني
باوعت للميكب سحبت عيوني هيج برزتهن ومسكارا رموشي صارن مثل الرموش الصناعيه ماعجبوني كلش
وحمره وردي بيها ملمع
مريم. والله انتي بمكياج بسيط هيج حلوه
يعني حتى ماخليت احمر ع خدودج وخشمج كلش مناسب طلعتي اجنبيه مثل هذوله الروسيات
شهد. عزاا لاتشبهيني بيهن منو يكول اشبهن حلوات وشگر
مريم. والله صح انتي مو شگره بس اني اشبهج بوحده روسيه هم هيج شعرها اسود وبيضا والله مادري شسمه
شهد. انتي تشبهيني بالروسيات عمي يسبهني بممثله جدو يشبهني بالكرديات دائما جان يكولي زوژاني عادي مادري شنو هاي الكلمه يكلي يعني تشبهين الكرديات هذوله الحلوات عادي حتى اذا اشبهم يمكن لان ماما اصلها كرديه
مريم. فديت النازكه
شهد بابتسامه. خجلتيني ترا انتي هم حلوه كلش
مريم. مو مثلج اللهم صلي على محمد وآل محمد
خلصت طفرت جوه اركض
شهد بفرحه. هلوو عمه شلونج
ضميته حيل فرحت اجت يمنه واخيرا
وفاء. هلا هلا ببنيتي الحمدلله انتي شلونج اخبارج
شهد. زينه.. هلاو عبود
عبدلله. لج كولي عبدلله لاانزعلج
شهد. عبودي ههههه احلا
عبدلله. ليش زعطوط انه
شهد بضحكه. عبوسي هههه احلا عليك
عبدلله. كومي لج لاوالقران اكطعه عليج
ختلت ورا مصطفى
شهد برطمت. مصطفى جاي يضربني
مصطفى بخزره. شكو بيها عوفها فوك ماادلعك
شهد طلعت لساني. موت قهر واشبع
عبدلله . لج عوبه والنبي اکتلج اليوم اسود وجهج
مصطفى. عوفهه هسا وانطيني التحاليل شصار من عدهاا لي هسا عدك
عبدلله بخبث. ماانطيها
شهد. يا تحاليل
مصطفى. نسيتي من سحبولج دم تحاليل مالت الزواج
شهد. مو كلت اطول سنه
عبدلله بخبث. وداعتج ماطول سنه ومن طلعت يعني لازم كبل تتزوجين
شهد بخوف. لاء مصطفى كلي ورى ماخلص دراستي
عبدلله بخبث. ديري بالج منه هسا يكدر يتزوجك
مصطفى بخزرة. شهل حجي هذا بلا طيحان حظ
عبدلله. احمم المهم هاي الاوراق تفضل وانته اقره
لزم الاوراق عقد حاجبه بده يقرأ شوي وابتسم
مصطفى. الف الحمدلله
ام مصطفى بفرحه. متوافقين
مصطفى. اي يمه
ام مصطفى. كلللييشش
وفاء. مبروك مبروك
ماما. الف الحمدلله يارب
شهد. ماما شكو
ام مصطفى. ههههههههه
وفاء. ولج يالفاهيه ماتعر
ماما. احمممم كح كح كح
وفاء. تكبرين وتعرفين لعد شون تخلفين
شهد. فهمت يعني هاي علمود يصير عندي اطفال ماخذتها بالمدرسه
ماما. اي ماما هيج
كعدنا وسولفنا جنت كاعده بصف مصطفى عاجبني اليوم اضوجه خليت ايدي ع جتفه وهو يحجي وياهم نوب باوعت لأذنه
مريم بهمس. شهد انحولتي شبيج دعوفيه
ماهتميت ظليت صافنه ع اذنه لزمت ايده ضخمه عضيتها حيل صرخ صفنت باوعت ايده دم اخته جايبتله كلينكس
محمد بغضب. شسويتي
شهد بخوف. ماجنت منتبها
حسيته كام يمكن راح يضربني اكيد لان مايريد يشوفني اعض احد
خليت ايد ع خدودي اعرف بابا عصبي حيل وشكله يخوف بجيت وحاولت مااطلع صوت كمت اشهك شوب واجى مصطفى
مصطفى. عميي كول يالله عوفها صغيره متعود عليها
محمد. لاء شلون تعض هيا جبيره مو صغيره بس صوجي اني دللتج هواي كلشي تسوين بكيفج
كمت طفرت للدرج كعدت ابجي وخفت يضربني اخاف من الصوت العالي اريد اهدئ اكيد هسا مصطفى كرهني لان أذيته
مريم. ياا ولج عليش تبجين عادي والله ترا اخوي يتحمل
شهد ابجي واشهگ. لاء مريم اني اذيته والله اعرف لو مااذيته مجان يطلع دم حيل
مريم. باعي والله اخويه كام وطلع برا مو علمود ضاج منج واذيتيه والله كال خاف تشوف دم هواي وادوخ
شهد بجي. اعرف بس اني عضيته والله هيج احب اعض بس اني اذيته حيل
مريم. ولج والله اخوي مايخاف من هيج شي دكافي تبجين.. هاي اجى مصطفى
درت وجهي للحايط مسحت دموعي
مريم. اني اكوم احسلي اترخص فضوها عاد
مصطفى. المن هاي الدموع
شهد. ها يا دموع
مصطفى. لاتجذبين امبين باجية هواي خشمج احمر وعيونج حمر وتكولين يادموع
شهد بدموع. اسفه ماجان قصدي ااذيك
ابجي واشهگ والحجي يتقطع
حضني حيل
مصطفى. اتذكر گتلج ماريد اشوف دموعج بسببي ماريد اشوف دمعه من عينج وهسا بجيتج يعني انه السبب وماكدرت احافظ على وعدي
شهد مسحت دموع. لاا ابد اني بجيت وحدي
مصطفى بهدوء. احبج
حجى وصار بينا نظرات حسيت گلبي ظل يدك واني اشهك شوي وسكتت ظل يباوع عليه ردت احجي صار عندي حازوقه
شهد. اني هئ اح هئ بك هئ
مصطفى بضحك. عالجي موقفج وتعالي كوليها شنهاي
شهد. ماد هئ ري
عزاا انحرجت نزلت للمطبخ شربت مي ظليت اشرب مي انكطعت
مصطفى. خلصتي
شهد. اي راح هئ
عزاا رجعتلي مره ثانيه كمت اشرب مي هواي بطني انترست
خلصت اخر كلاص
مصطفى. شبيج يابويه خلصتي الفلتر وبعدج
شهد. هئ هئ
هزي راسي"اي"
اجى باس خدي انصدمت حسيت بحراره تطلع من وجهي
مصطفى.راحت؟
شهد. هأ هأ هأ
مصطفى بضحك. عجبتني خليها صوتج حلوو
شهد. هأ اتجذ هأ ب علية
مصطفى. وداعتج عندي حلوو صوت فرخه
شهد. دخلت للهول شو راحت واخيرا هدئت شويه
مريم. ها يولي مو ع اساس نشغل فلم ويا العائله
شهد. اي راح نشغل عربي لان يضحك وهمه يفهمون عربي
مريم. يي صح شسمه
شهد. عشان خارجين مصري روحي طلعي باللابتوب
مريم. هسا اجي
راحت وباوعت للهول شفت الاسماك بالحوض كعدت اباوع يمهم فاتحه عيوني وحلگي عالضوه شكلهن يجنن
مصطفى. عوفيهن شهد ترا خوفتيهن عبالهم شبح
شهد بزعل. اني شبح؟
مصطفى. اول مره اشوف شبح نازك وحلو
شهد. هأ هأ
مصطفى. استغفرالله العلي العظيم رجعت
شهد. هأ مصطفىىىى عوفنيييي صدك انته ليش من تجي يصير هيج وياي توقيت
دنك فرك ظهري
مصطفى. كليلي موت بس لاتكولين عوفني هسا اطيبين
شهد. شنو هاي بيدك هأ اسفه
مصطفى. حلويات
شهد فتحت حلكي وابتسمت. شوكت رحت
مصطفى. هسا مو بس جبتلج حلويات اشياء اريدج تذكريها جنتي تحبيها
فتحت العلاكه
شهد بفرحه. هاي النستله الى هسا اني احبها بس شلون جبته مالكيت منها نادر الكاها بالاسواق كلش طيبه
يوو صافو شوكت جبتها هاي لعابه بيها مي شكد جنت اشتري منها ههههه حيل احبها والعلج ابو الالوان😂😂😂😂كلها ذكريات طفولتي بس شلون هلكد تعرف اشتري منهن
مصطفى. جنت اخذج وياي واشتريلج
شهد بضحكه. عزااا هلكد جنت مشهوره
مصطفى. حبيبه الكل هم جنتي تلحكيني....
الحمدلله راحت ال
شهد. هأ هأ هااا هأ
مصطفى. شبيج رويحتي راح اظل اگابلج هيج
مريم. اشتغلل الفلممم
اجينا وكعدنا جنا نباوع للفلم هو كوميدي وبيه قصه حب شبعنا ضحك عالاطفال حضنت بابا لان هو جان يمي حسيت شعري انسحب كمت تعدلت ماشوف لان الاضويه منطفيه بس واحد قليل يشعل مشغليه بغرفه بيبي
مصطفى بهمس. تعدلي
شهد بهمس. هاا
مصطفى. تعدليي
شهد. ليش
مصطفى بخزره. لاتعاندين
تجاهلته ورجعت راسي بحضن بابا واضحك وياهم
حسيت بگرصه جتي بخصري سكتت روحي شويه واطك بجي شاطت روحي ايده حيل قويه
شهد بانزعاج. اي هااا شتريد منيي
مصطفى بخزره. كومي من حضن ابوج
شهد. تراا هذا بابا جاي تستوعب راح يسمعونا
بابا. اكلج انتي كل شويه تتحركين دوخري خلي ارتاح ايدي خدرت
دفعني راسي فات بجتف مصطفى ضحك وسوه روحه يكح
خليت ايدي ع راسي وجعني
كعدت اباوع للفلم بس ماكو شي انتجي عليه باوعت بابا نص نايم وعمي غفى اصلا
باوعت بس مصطفى منتظرته ينام بس هو عنده نشاط باوعلي بطرف عينه
مصطفى.نظراتج مال وحده حاقده عليه خيرج
شهد بانزعاج. ليش ماتنام
مصطفى. شعليج الا انام ماجايني نوم
شهد. باوع هيج تمدد وهسا استرخييي بهدووء بهدوء اخذ شهيق زفير شهيق زفير شهيق زفيرر
مصطفى. هاي الي لو الج؟ شو نمتي شهدد كعدي
شهد ضيكت عيوني. ها بعده الفلم
مصطفى. ههههه تعالي بحضني جان كلتي من الاول عليش تلوفين بالسوالف
شهد بنعاس. والله رگبتي وجعتني
خله راسي ع صدره ونوب هم لزم شعري ماكدرت اتحمل غفيت حسيت احد يلزم خدودي ويسحب بيهن بس فقدت...........
للحكاية بقايا...........
تجاهلو الاخطاء الاملائيه حبايب البارت طويل💞
━━━━━━━━━━━━━━━━━━━━━━━━━━
🌸 هل أعجبتك أحداث القصة؟
💡 لمعرفة تفاصيل هذه الرواية ومتابعة بقية فصولها كاملة وبشكل مسبق وبدون إعلانات:
🔗 تابع القراءة عبر موقعنا الرسمي من هنا: https://kimostories.site/novel/417/احفاد-آل-حارث
نتشرف بوجودكم دائماً في عائلة كيمو ستوريز! 🌸
━━━━━━━━━━━━━━━━━━━━━━━━━━