#احفاد_آل_حارث
الكاتبه: سدرة الطائي
خايّف أحچيلَك وأعدلَك
چَم صبُح ما مَر عليه !
خايف أحچيلَك و أموت
خايف أحچيلَك
و صُوتي من الرجف
يُبقى بلايَة صوت .
_______________________________________
مصطفى. جان اكو غيرج بس وداعتج ماحبيتها بكدج شهد ماعليج من هذا الحجي انه لاجنت خاطب ولامتزوج كبل
شهد. لاتخوني
مصطفى. مستحيل افكر اخون هالعيون
انفتح الباب باوعت اختي الصغيره اجت
رهف. شهد وينج
مصطفى. تعالي هنا شتردين منها
باوعتله ببرآئه تباوعلي يعني انتي احجي
رهف. اريد شهد
مصطفى. اختج اعقل منج
شهد. لا وين باوع عليها هذا قناع برآءة
اجت ركض حضنتني وتباوعله
شهد. ها شعجب تستحين
رهف. تحبيني لو تحبين عمو
مصطفى. شنهو تحبج ماكو راح اخذها المرتي
شهد. هههههه يااا بجيتها باوعي احبكم اثنينكم
رهف بجي. راح تعوفيني انتي
شهد. لاوالله اكيد ماعوفج ومصطفى يتشاقه وياج
خبت وجهه لان يمكن تخاف او تستحي منه اخذها مني شالهه خله بحضنه مسح دموعها
مصطفى. تصرفات شهد بس ماتشبهيها
شهد. يي صح تشبه بيبي مو حتى بشرتهه هيج حنطيه تخبل
مصطفى. اعقل منج شكد هادئه
شهد. ههههه رهف لسانهه طويل اصلا اني الوحيده ماعرف اتعارك وياهم
رهف. لاء اصلا تتعاركين اذا اخذ العابج
شهد. لا
رهف. عمو لاتحب شهد لان ابد ماتنطيني العابها
حجت واني مادري شلون اسكتها فضحتني نوب هسه كبل شويه قنعته اني مو طفله هسا عباله العب بيهن كرص خدي وضحك
مصطفى. ولج ليش ماتنطيها العاب
شهد. ترى لاتفهنتي غلط جنت كبل العب بيهم بس هسا محتفظه بيهن ذكريات وادري رهف ماتخلي لعابه بحالها اصلا ترا عنده هوايه
مصطفى. خوش رهف انتي روحي واني اجيبلج العاب بعدين
مزلت رئسا وطلعت تضحك سدت الباب كمت باوعتله بزعل
مصطفى. تعالي ليش كمتي
شهد بزعل. روح راضيها الرهف
جنت راح اطلع لزم ايدي حيل سحبني
مصطفى. لجج انتي تخبلتي شبيج بويه هاي اختج صغيره
شهد. ادري صغيره اختي بس انته ماتصدگني
مصطفى. انتي ضايجه من هل حجي
شهد. كافي صافو لاتلح بيه ماضايجه
مصطفى. لج منو هذا صافو
شهد بضحكه. انته
مصطفى. شايفتني طفل بكدج العب وياج صافو
شهد. ههههه والله اذكرك انته كلتلي شتردين صيحيني
اقترب سحب خدي
شهد. ايي ايي اييي بعد ماكول والله اتشاقه وياك عمو
عافني ظل يباوعلي بخزره تذكرت عزاا اني شحجيت گتله عمو
شهد بتوتر. ترا مجان قصدي بس انته وجعتني
احجي وياه وابررله بس حتى لايفهمني هو جان صافن عليه لزم ايدي قشعرلي بدني بحركه سريعه منه اباوع شالي بالگاع سحب قراصتي واقترب صار وجهه من جهه خدي اليسار گلبي ظل يدك بسرعه خله ايده بطن شعري وسحبه على طوله
باس خدي
مصطفى. حبيبي هد حيلي
خلاني اسهر ليلي
منه صحت ياويلي
اووف يابه
باوعتله هو متونس واني راح اطگ بچي
شهد برطمت. هاي فوگ الكࢪصه بستني حيل لحيتك بيها شوك اهئ
خله ايده على وجهه وضحك مسح وجهه ورجع مسح على خدي
مصطفى. بروح اهلج شلون وياج اليوم مخلصيها بچي شسويلج انتي ترفه
شهد. لاتقترب اخر سؤال جاوب عليه سحر شنو بالنسبه الك
مصطفى عقد حاجبه. شبيج اليوم اسئلتج كلها ع البنات روحي شهد ارتاحي انه طالع بره
شهد. لااوكف والله مابيه شي بس تذكرت اذا تحبني جاوب
مصطفى. استغفرلله شجاوبج
شهد. سحر تحبها لو لاء
مصطفى. شنهو؟ سحر كل عقلج سحر بت عمتي دخيلك ياعلي ولج اشش سكتي لاتذكريها اصلا و انه ليش شكم مره شايفهه
شهد بتفكير. ماعرف حبيبي بس السمعته غير
مصطفى بابتسامه جانبيه. شنهو شگلتي عيدي
شهد. شنو كلت جنت داكلك السمعته غير شي يعني ممكن تحبها
مصطفى. شهد كلتي شي قبلها
شهد بتفكير. شكللت والله دخت شحجيت
اندك الباب
مصطفى. منهو
مريم. اني جيت اخذ الاكل
شهد. يي تعالي دخلي
دخلت وصغرت عيونهه وظلت تحرك بحواجبها
مريم بخبث. شنو جنت تسوي ويا صديقتي
شهد. باعي كرص خدي شوفي شسوه لحيته بيها شوك خدي تحسس
ضمني حيل وخله راسي ع صدره
مصطفى. اداويج آنه
مريم. عزااا اهاا تحضنها گدامي هيج نسيت منو وكف وياك
ضحك وحضنها باس راسها
مصطفى. لايابه شون انسى
مريم. ولج انتي مو حضنج كيفتي وخري
شهد. بالله شنو انتي وخري جيتي الثانيه
مريم. ترا هذا اخويه انيي
شهد. اذا انتي اخوج اني خطيبي وصار زوجي
مريم. هههههاااي ع اساس مو كبل جم يوم جنتي تحجين عليه تكولين جبير واني بعدني صغيره واحب ذوله الكوريين وهيج بشرتهم بيضا تخبل مو جنتي تحبين هذا شسمه لوسوك
شهد بضحكه. هههههه جونك سوك اسمه ترا مو احبه يعني احب كممثل بس
مريم. لعد انجبي وخري روحي لحبيبج الكوري وعوفي اخويه
شهد. انجبي انتي وعوفي حبيبي
جنه دنحجي بس مامنتبهين منو اجى ومصطفى مجان منتبه ويانا
رفعت راسي اله باوع لوجهي وابتسملي رجعت باوعت لجهه الباب
شهد بفرحه. سمااا
طرت من فرحتي رحت اركض اله حضنته بعدين حضنتني
______
اسمع حجيهم وعركاتهم ارتاح گلبي لأن تأكدت شهد ماتحب جنت صافن بالگاع ومبتسم رفعت راسي طبت وحده مرآة شفت وجهه اختفت ابتسامتي ظلت تباوعلي وعيونها مليانه حجي
انتبهت لشهد تناظرني دنكت ابتسمت اندارت راحت تركض وتحضنها
شهد بفرحه. واخيرا اجيتي جنت اكول ماراح تجي بخطوبتي بس هواي فرحت
جانت تباوع بغير مكان وتحجي
سما. اني هم مشتاقتلج مبروك خطوبتج
شهد بابتسامه. الله يبارك بيج تعالي كعدي اعرفج عليه هذا مصطفى خطيبي مصطفى هذي صديقتي سما جانت دائما تجي يمنا
مصطفى بابتسامه جانبيه. اعرفها
شهد بتفاجأ. صدك يعني انتي شايفته قبل يييي شوكت شو اني ماتذكر
سما بابتسامه. شلونك مصطفى
مصطفى. بأحسن حال انتي شلونج؟
سما. الحمدلله بخير...
مريم صح؟
مريم بغضب. اني رايحه اساعدهم
شهد بصدمه. ماعليج بيها هاي يجوز غارت على اخوها
كعدت بنص وياهم
سما. مصطفى متغير هواي مختلف عن قبل
مصطفى. وانتي بعد كبرنه احنا
ظلت تباوع بعيونه باوعت عليه ليش هيج تغير وياي حسيته متردد لو ضايج ماتحملت ظلت تسأله ولاكأنه اني هنا رجلي جانت جوه الميز خليته على رجله ودستهه بالكعب لزم ايدي عصرها وابتسم
سما. هههههه انته ماتوب بعدك ادخن
شهد. هئ مصطفى طفي الجگاير اختنگ منها
مصطفى. أمري بعد اكو شي ثاني؟
شهد. سما ماكلتي صار عندج كم طفل
سما. ههه صار عندي ولد وبنت البگر اجى ولد مصطفى عمره 7سنوات وبنتي صفا عمرها4سنوات
شهد. ياا هههه صدفه يشبه اسمك
سما بضحكه. اييه ههههه صدفه حلوه وانته مصطفى ليش ماتزوجت
مصطفى. لاتسأليني عالسبب غير انه جنت منتظرها تكبر
سما رفعت حاجبه. شهد يعني هسا انتي تحبيه؟
جنت راح احجي حسيت بكرصه جتي بخصري بخزرني بسرعه مافهمت يعني ليش ردت احجي هو حجى كبلي
مصطفى. اي لعد اشلون انتظرته سنين ممعقوله ماتحبني اني وشهد متطوره علاقتنا صحيح
شهد بتوتر. اءاي صحيح اني احبه
سما. مادري سمعت جانو يحجون يكولون اجباري هيج شي
مصطفى. شمدريج بالناس شتشوف تصدك اني اعشگها
سما. شهد سمنانه شكد صاير وزنج هاي ليش هيج
شهد. عفيه لتقهريني هئ والله ادري مادري يمكن وزني56 هسا
مصطفى. جسمج حلوو شسالفه مو گتلج حضري روحج ورا الزواج ماخليج تضعفين
شهد بتفكير. هااا اي اي صح
سما. لا مو زين عليج مو انتي گصيره يعني شوفي هاي اني طويله ورشيقه وهاي عندي اثنين بس انتي اذا هسا هيج وزنج عكب ورا الزواج شكد تسمنين
شهد. والله تمام
مصطفى. اشلون بله انتي شمدريج ورا الزواج تضعف لو تسمن بعد مثلا انتي جنتي اسمن كبل تزوجتي وخلفتي وضعفتي وشهد مالج دخل بيها انه احبها هيج حتى لو تسمن بعد اني راح اظل احبها واحب طولها
سما بتوتر. الله يديمكم
شهد بهمس. مصطفى شبيك ترزل بيها عيب المرآة
مصطفى. من رخصتج تكدرين اطلعين اريد ابقى ويا مرتي وحدنا
سما بتوتر. اصلا اني جنت طالعه......
شهد بانزعاج. مصطفى شسويت رزلت بالمرآة ترا خطيه مره جبيره بعدين ليش كمت تحجي شي اول مره اسمعه انته تريد تعلمني عالجذب
مصطفى. انه ماجذب عليج فهمتي شهد كل الي گلته جان الصدك
گربته الي وخليت گصتي فوك كصته
مصطفى. احبج شهد ديري بالج تفكرين تخونين حبي الج
شهد. ياا هاي شبيك
خليت ايدي اريد ادفعه شبك ايدي حيل عصرها بيده احس ايدي راح تنكسر من الوجع خلاها فوك گلبه
شهد. ليش تسوي هيج بيه گتلك عوفني افهم ماراح اخونك
مصطفى. احرگج شهد واحرگ نفسي وراج
شهد. هئ ليش تحجي هيج وياي شسويتلك اني
مصطفى. اموت بيج اريدج تبقين وياي
سحبني حيل حضني احس ظهري طگ
شهد. اوووي فهمت والله كاعده وياك يعني شلون راح اطير منك
مصطفى. لبسي شالج راح اطلع
شهد. ها
مصطفى رفع حاجبه. كلامي واضح
شهد. بس كلهم نسوان عادي
مصطفى. لاابد مو عادي يلا حبيبي لبسي كدام عيني
شهد. لبسته بس كلهن نازعين جوه
مصطفى. من يفرغ البيت الج حريه تنزعيه
شهد بزعل. اوك يلا روح اني هم البنات ديصيحوني
مصطفى. زعلتي شهدي اخاف عليج منهن وانتي شعرج فاكتهه كله على طوله وسرح ماريد احد يباوعلج فهمتي
هزيت راسي "اي"
كرص خدي خفيف وباسني حيل ضحكت ولو اني خجلت حيل وجهي صار احمر دخلت للهول واحس الدنيه احترت
كعدت وياهن سوالفهن ماتخلص ومشاكلهن عاد
اجت طيبه بنت عمي
طيبه. هلااوو شلونج شهوده الف الف مبروك خطوبتج ربي يتممها على خير ونفرح بيج يروحي انتي
شهد. هلا يعمري انتي الله يبارك بيج ان شاء الله وافرح بزواجج انتي هم
طيبه. البارحه ماكدرت اجي والله اعذريني جنت حيل تعبانه وعيوني ماكدرت افتحهن
شهد. لازم ظاهر جان يمكم
طيبه. اي والله هسا احجيلج
شهد. ولج عادي مازعلت
طيبه. تدرين شكد فرحت بس ماصدكت يعني مصطفى شهد يحبجج هههههه هسا نتشمت براحتنه
باوعت لسما نزلت راسها
شهد بهمس. ترا مراح اقبل تحجون هيج ليش احسكم تشمتون بيها المراة شمسويتلكم
طيبه بانزعاج. منو عزمها
شهد. اني وعمتي
طيبه. والله مع الاسف عليج عمة عزمتي هيج نماذج
شهد. اشش ولج سكتي عيب
طيبه. شهد اكرهها مااحبه
شهد. ولج بالعكس حبابه تذكرين شكد جانت تحبني
طيبه. وين بالعكس هاي تحبج اخاف انتي متوهمه ترا مصطفى جان يحبج مو هيا
شهد. اوووف شعليهم ادري اثنينهم يحبوني
طيبه. بااعي وجايه بكل وقاحه مترتبه وباعي شلابسه حتى شعرها طالع راح اكوم افگس عيونها
شهد. لا ولج ليش
طيبه. يالفاهيه هاي اجت مو علمودج علمود تاخذ زوجج امدااج
شهد. ههههه ولج انتي وين تفكرين اصلا اني ومصطفى هستونا خطبنا وبعدني ماعرف مشاعري بس اعرف هو يحبني ماعتقد يسويها ثاني شي هيا متزوجه وعدنا جهال واصلا ماسوت شي
طيبه. اكلج شي
شهد. شكو
طيبه. هففف ولج مصطفى وسما اصدقاء بنفس العمر من جانو صغار
شهد بتفاجأ. واكووول ليش تعرف عنه وكلتله متغير
طيبه. وهو شلون جان وياها
شهد. مادري يمكن جان ضايج حسيته هيج
طيبه. ياترا شنو السبب يخليه يضوج منها المهم شهد هاي تنكط خباثه اتذكر
شهد. ههههه يجوز جانت صغيره معليج منها احجيلي شلونج انتي وظاهر
طيبه. مكظيها عركات وياي يسلم عليج
شهد. الله يسلمه......
وكضيناها سوالف شويه وراخو المعازيم بقو اهله حضرو اغراضهم وتجهزو
البيت فرغ كعدنا نريد نرتاح وراسنا يوجعنا
ونريد نعزل البيت طبو الشباب كعدو يسولفون
احمد. كل الهلا بيج خويه احنا اهلج شتردين احنا حاضرين
شهد. تسلمون ماتقصرون
قسور. يامغير الاحوال غير حالي مثل ماغيرت حال شهد هسا
شهد. ليش
قسور. من الشورت للحجاب
شهد. عزااا وشنو يعني جنت صغيره هسا صار وكت اتحجب
رائد بخزرة. قسوور
قسور. شبيكم وعلي هيا جانت سافره شعليه اني لاباوعت ولاانتبهت جا غير كلها تشوفها
رائد بغضب. لك اسكت احسلك ماخايف يسمعك
مريم بضحكه. يسويه وصله مسح
دخلو علينا مصطفى وعبدلله وبعدين الكبار
عبدلله. الله بالخير شهووود شلونج
شهد بابتسامه. زينه
وكفت لان شفت الشيخ اجى من دخل الباب باوعلي ابتسملي وصل يمي
حسيت مصطفى راد يخبيني عنه
الشيخ. مبروك الله يتممها عليكم ويجمعكم بالحلال
شهد. امين
الشيخ. تحجبتي؟
شهد. اي
الشيخ. عفيه عليج انتي جبيره وصرتي مرت مصطفى بنتي اله حق عليج انه تسمعين كلامه
شهد بعدم اهتمام. اممم صح
الشيخ. ادري هسا انتي گلبج حاقد عليه وعلى جدتج بس السويناه مو غلط راح تشوفين بالمستقبل
هزيت راسي"اي"
واني حيل ضايجه منه اتمنى لو اكدر اخنگه بيدي هذا العجوز وارتاح بس المشكله اخاف منه هو هيج يخوف اكثر من مصطفى بعد هم مصطفى حنون بس عمه شكد قاسي
الشيخ. جميلة
مصطفى. شيخ الله يخليك اهدئ
الشيخ. بسكم انه مامتوهم اعرفها مرتك هاي شهد
شهد باستغراب. شنووو
مصطفى. ماكو شي احنا رادين لديرتنه ديري بالج على نفسج
شهد. هممم مصطفى
ام مصطفى. يلا احنا طالعين انتو ظلو هنا اخذو راحتكم
قسور بخبث. ماوصيكم تختلو زين جوه شجره وبدون ضوة
مصطفى. تعال لك شدتحجي
قسور. وداعتك الصراحه راحه واني جيت اريح لساني من الزله حرامات تظل بگلبي
مصطفى. دلزم لسانك واشرد احسلك
شهد بصدمه. شديحجي
مصطفى. ماعليج منه خبلل شجنتي رايده مني
شهد. ااام ماعرف اني شوكت ترجع من شغلك وشوكت راح تخابرني وبلكت طلعت خاين ومو بالشغل شسوي
مصطفى. بلغي عليه بلكت انسجن
شهد. برأيك يسووها؟؟
مصطفى. لج كيمرتي شوكت راح تظلين فاهيه هلكد شوكت تردين خابريني وانه ارد عليج اذا ماعندي شغل
شهد. وبلكت طلعت مشغول ومارديت شسوي
مصطفى. وكتها يروحلج فدوه الشغل وصاحبه ليش اكو شي بالدنيا اهم منج
شهد بتوتر. اها زين يعني حودعك
جنت متوتره حيل واكمش فستاني شاف ايدي ترجف ضمني حيل
مصطفى. لايظل بالج صدكيني لو بيدي ادفنج بضلوعي وماعوفج
شهد. راح اثق بيك بس لتحاول تخذلني لان وكتها مستحيل راح احبك
مصطفى. مستحيل اعوفج بنيتي انتي اللي ونصيبي
باسني ورجع حضني ودعته وحضنت مريم حيل واهله كلهم والبنات راحو رجعت للفراغ البيت مرتب بس رجعت عزلته شويه ورجعت للبيت
وهيج كملت يومي عادي كولش بقيه الايام جنت دائما مااتصل اني هو يتصل بيه واعرف من يلتحق يتأخر وابقى ايام اني مااتصل بيه الا هو يتصل ويظل يسألني كل هالوكت ليش مااتصل بيه كمت اتقبله شويه بس ابد ماعودت روحي اتعلق بيه دائما جنت احس مالنا نصيب بس احس گلبي وكت بالفخ
رجعت للدوام وجنت اول يوم ماعرف احجي لصديقاتي لو لاء وشنو راح يكون رده فعلهم الا مدرستي كلها متنمرات وجنت اعاني منهن هواي احسهن بلا گلب يجرحون بالبنات ويحجون عليهن مايبقون سر رغم هيج جنت اكول مراهقين لأن نزعت الحلقه قررت ماحجي كلشي لحد الزواج
رحت للمدرسه وقابلت صديقاتي هواي مشتاقتلهم
حضنه بعضنا وكل وحده بدت تحجي عن عطلته وصل يمي جنت صافنه لحجيهم وو.......
التكمله......
💞
━━━━━━━━━━━━━━━━━━━━━━━━━━
🌸 هل أعجبتك أحداث القصة؟
💡 لمعرفة تفاصيل هذه الرواية ومتابعة بقية فصولها كاملة وبشكل مسبق وبدون إعلانات:
🔗 تابع القراءة عبر موقعنا الرسمي من هنا: https://kimostories.site/novel/417/احفاد-آل-حارث
نتشرف بوجودكم دائماً في عائلة كيمو ستوريز! 🌸
━━━━━━━━━━━━━━━━━━━━━━━━━━