احفاد_آل_حارث
الكاتبه: سدرة الطائي
لتسوي روحك صعب
وتصدگ بـ ظنك
انا المرَخي الحبل ماريد اجرنَك
....
فضلاً اريد تعليقات ع الكتابه حتى استمر بالنشر
_______________________________________
💬 شعندج كاعده بال2ونص
...
انته منو؟
💬يعني بسرعه رديتي مالحكتي تدخلين للصفحه
.. فتحت صفحته شفت صوره مصطفى كمت اگلب بالصور تعجبت معقوله هو يحب ينشر هيج شفت صوره ويا عمه واثنينهن لابسين الزي العربي وصلني اشعار
💬كافي تگلبين بالصور دازتلي طن اعجابات
.. عزاا تفشلت رجعت الصور نسيت طلعت مخليه لايكات واني مادري داگلب هيج
شهد. تراا بالغلط موبايلي خربط ماشفت صور
💬ليش اتجذبين شايفتني راح آكلج
شهد. لاء مصطفى انته اليوم جنت متعصب اريد اعرف سويت شي غلط
💬منو گال انتي غلطانه بويه لاتفكرين بكيفج انتي حره اذا ماتحبيني مااجبرج
شهد. بس انته اليوم حجيك جان مختلف عن هسه
💬راجعت تفكيري بس تبقين بذمتي شهد وتسمعين كلامي
شهد. يعني ممعقوله ليش تسوي كل هالشي انته ليش ماتعوفني وتتزوج مو احسن ماتتعب وياي هلكد
💬لأن انتي تختلفين ولاتظنين كلشي جاي اسويه حتى اخليج اتركيني شهد ماريد اخسرج ولااريدج تكرهيني
.. حسيت من حجيه هو صادق وياي گلبي ارتاح بس توترت من حجيه ومادري شكتبله معدتي احس اكو شي بداخلها فراشات
شهد. يعني شتريدني بالضبط اصير خطيبتك كدامهم ولا نبقى هيج حتى كبالهم
💬كيفج
شهد. وانته
💬ماتغير وياج
شهد. اكولك اني هم حالي مثل حال البنات وعندي عيوب وبعيده هواي عنك وصغيره انته راح تضوج من تصرفاتي معقوله بس لأن تحبني تتحملني وممعقوله ماتشوف غير بنات
💬اليحب يضحي وآنه ماخايف اضحي عمري لجلج بس جان عندي خوف تصيرين مو الي
شهد. لاتخاف لو ماصرت خطيبي يمكن جان تشوفني بفرنسا ههههه
💬اي خوش
شهد. انته وينك؟
💬 بره
شهد. ياااا ودنيه ليل شتسوي بره
💬 خايفه عليه؟
شهد. لاطبعا بس جان قصدي شكو بره
دزيتله رد عليه بفويس يحجي
مصطفى. لج زعطوطه انتي شعندج سهرانه هيج وكت جنت بعمرج انام بال9بليل واكعد بال4 شكو بره حديقه والناس نايمين خاف تشكين بيه حتى نسوان ماعدهم
شهد. هههههه لا الله عليك اطلع بالشارع بلكت تفيدك ام عبد تطلع بليل تشطف الشارع
مصطفى. تحجين عالمره جا غير احسن من عدج كاعده وماتسوين شي
شهد. اي والله هم صدك هسا الكل نايم خل انزل اشطف الكراج هوسه
مصطفى. خوش انتي بس طلعي من غرفتج وشوفي شلون اذا ماجيت كسرتهن الج سهله
شهد بصدمه. شنو انته مجنون هههه تشاقه
مصطفى. لعد تردين اخليج اطلعين بره بليل شنهو اعوفج اطلعين بهل ليل
شهد. لاء اكيد ماراح اطلع.. شفت صورنا اليوم؟
مصطفى. تعرفين ترگصين
شهد بصدمه. عزااا لحظه انت شفت تصوير غير صوري وياك لو شنو
مصطفى بضحكه. شتكولين
من حجى هيج خمنت دازتله صوري والفديو حسيت وجهي سود من الفشله ماعرف شحجي بس گلبي يرجف
شهد بتوتر. لااء يعني مو مثل لبالك اني ماركص هيج اوالله بس هيج انجبرت
مصطفى. اذا انجبرتي وهيج لعد لو من گلبج فرختي
شهد بخجل. انته لاتباوع بس وهاهيه
مصطفى. هيا كلها تباوع بقت عليه
شهد بتوتر. مصطفى
مصطفى. هلا
شهد بتوتر. ااءانته شوكت حبيتني
مصطفى. من زمان حبيتج جنتي طفله
شهد. انت كلت جنت احبك لمن جنت صغيره لعد شوكت اريد اتذكرك
مصطفى. لاء شهد تركي الماضي انتي جنتي طفله وگتها واني اريدج تحبيني صدگيني مو مهم شوكت تحبيني وادخل بكلبج المهم انتي وياي مستحيل اعوفج لحظه اني ماريدج تتوترين وتخافين مني
المهم راح تكولين احبك برضاج
شهد. احبك
مصطفى. شنهو؟
شهد بتفكير. انته مو گتلي كولي احبك
مصطفى. دخيلك ياعلي راح تخبليني بويه روحي نامي احسلج باجر رايحين للمحكمه وعدنا تحليل الصبح لاتنسين
شهد. يووو نسيت يعني باجر اكعد الصبح
مصطفى. تكعدين على بركة الله
شهد. لعد بعدين اسولف وياك راح ادخل غيبوبه اقصد انام
مصطفى. اخذي راحتج رويحتي تصبحين على خير
شهد. وانته بخير باي
💬باي
______________________________________
غلقت الموبايل جنت كاعد بالحديقه ماكدرت انام وعبدلله ظل سهران وياي طب للمطبخ جايب عصير بهل ليل كعد وياي
عبدلله. يوم الي
مصطفى. شوكت تخطبها
عبدلله. عادي مو مشكله الخطوبه اعرف اهلها راح يوافقون لأن ابن خالتها بس هيا شوي صعبه مادري بلكت تحبني
مصطفى. جا سهله اذا بت خالتك ياوحده طيبه؟
عبدلله. عائشه هاي طويله تذكرها؟ ياطيبه بربك اخذ هاي الغثيثه تتنگس من خلق الله كلهم والله لو مااختهن جان لزگته بدفره
مصطفى. اي اتذكرها خوش بنيه اي هم زين ماتورطت بطيبه
عبدلله. اي مو اختها خطيبه اخويه فحجيت وياا عمر وگتله احبها هو حجى ويا خطيبته وسألها گالت ماتحب احد هيا كلش بنيه مرحه مثلي بس كبرت تغيرت صارت هادئه كلش
مصطفى. البنيه من تكبر يتغير تفكيرها واحسن تتغير
عبدلله. مو هيا حقها خطبوها لواحد غريب من جان عمرها14سنه بوكت داع*ش بس هيا طويله وخشنه جان عبالهم جبيره وهيا حلوه وعيونها حيل كبار تجذب النظر عليها هيا وافقت علمود اهلها واختها الجبيره قنعتها بيه لأن مارادت تتزوج وافقت كالت قسمتي يجوز طلع الرجال بايع نفسه لداع*ش ومن ابوها عرف رئسا راد طلگها وهيا كلش ادمرت نفسيته جان معقد سنه كامله تطلب الطلاگ وهو رافض اخر شي توسلت بيه جان اول يوم العيد خابروهم وافق وطلگها العصر وجتي من فرحها تبجي وتضحك تركت ثلاث سنين ورجعت اداوم سادس اهلها ممستقرين كل كم شهر بيت ايجار حالتهم على گدهم بس طيبه بيهم مغروره وكلشي ينطوها وماترضى تغار منهم
مصطفى. اذا هيج السالفه حقها لعد وانت ابن خالتها لاتخاف هيا وافقت بواحد غريب شلون ماتتقبلك بس اصبر وعوفها براحته خلي تنسى يجوز هسا بعدها عايشه بصدمه من الصار وياها الله اعلم شلون عاشت وياه قبل
عبدلله. سنه الجاي راح ارجع اكمل الخاطرها
مصطفى. شد حيلك واصبر ربك يعوضك
دك الباب والجرس
عبدلله. اني افتح الباب
مصطفى. منو جاي هيج وكت
طلعت وراه شفته يحجي ويا واحد دار وجهه شفته ابراهيم بغضب. اريد احجي وياك
مصطفى رفعت حاجبي. احجي بأحترام
ابراهيم بغضب. لك انته فد واحد اناني نسييت شگتلي لك وعدتني وكلت ماتحبها شكو جاي تاخذ حبيبتي روح اخذ حبيبتك نسيت سما سما هاي الجنت تطلع وياها وتموت عليها جنت مامعبرها الشهد تحلم تاخذها افتهمت لو تصير الماس ماراح تحبك هيا لو تذكرك جان درت بعلاقتك
حرگ دمي بحجي طياح حظ لزمته من ملابسه عبدلله اجى ظل يفك بينه
مصطفى بغضب. شكلت
ابراهيم. عوفني لك انه حبيتها گبلك
مصطفى زمخ. شنهي مسابقه هيا لاتدخل بينه شهد تختار لتحبه وانسى تحجي بيها بعد لان صارت مرتي
عبدلله بصراخ. ياجماعه اهدووووو فضحتونا بالمنطقة ودنيه ليل
ابراهيم. اضرب ها يلا اضرب
مصطفى بغصب. ماخايف منك
عبدلله. ابراهيم انت تدري شجاي تحجي ارجع لبيتك منريد مشاكل
ابراهيم بضحكه. صح انته ماخايف مني بس صدگني شهد تكرهك واليوم بس جان مجامله شهد تحبني تذكر شهد تربت وياي وبحضني راح تظل مطيعه الي وبس
ماتحملت يكول اسمها گدامي وحجيه مستفز لزمته ودك بوكسات على وجهه وعبدلله يفاككنا وارجع الزمه طيحت حظه
مصطفى بغضب. ماتخوفني بحجيك
ابراهيم بضحكه. باجر تشوف شلون راح اخذها منك احسلك طلكها من هسا
مصطفى. تايهتلك هيا اخذها وجرب احرگ الدنيه واطلعك لو من الگاع باجر تصير مرتي بالقانون وانه اعلمك
عبدلله. يابه اهدوو وحلو السالفه ابراهيم كافي البنيه صارت مرته وهيا كالت تعتبرك مثل اخوها لاتلزگ
ابراهيم بصراخ. انه مو اخوها فهمت
قسور فتح تك عين بنعاس. شكووو صاير هاي الهوسه هذا منو
رائد. علمي علمك بس شايفه جاي لمصطفى امبين اكو عركه
جيت وطبطت على جتفه
قسور. شد بعد اخوك تريده طبق تبوله لو شيش كباب
رائد. مادري دنيه ليل هيا مال كباب ودهن بنص ليل
مصطفى بخزره. سدو حلگم وطبو جوه معليكم
قسور. شيخ انه ماحب التبوله انته شتريد اسويلك
ابراهيم. منو انته وخر ايدك عن جتفي
سحبت ياخته
رائد. تعال لك شنهو منهو لك هذا اخويه تاج راسك
لزگته گلة على راسه وكع بالكاع
قسور سحبه من ملابسهه شگهه بيده وكفه على حيله ولزكها بوكس وگع بالكاع
قسور بلهث. ادلل بس انته
مصطفى بغضب. انه شحجيت عوفوه
قسور بلهث. جاي يتعارك وياك شلون اتركه اذا مااضيفه ضيافه زينه
عبدلله بصراخ. ولكم هذا ابن خالي
رائد. شنهوو وليش جاي يتعارك وياا الشيخ
عبدلله. مشكله بينهم بس اهدوو يمعودين فضحتونا بالمنطقه
قسور. تعال لك زعطوط تايه ليش جاي تتعارك وياه خاف عبالك تجيبه بوكس تايه شي يطببك بالسجن انته واهلك وعلي
ابراهيم. عوفني اسمع مصطفى هاي اخر فرصتك اطلگها روح رد حبيبتك سما خليهم يدرون بعلاقتك انته خاطبها حتى تضحك عليها لأن عبالك كل البنات مثل سما شهد تختلف ماتناسبك عوفها
مصطفى. انته شعليك عندي شي وياك حتى تهددني تريدني اخاف؟ تتوقع انته راح تهمني لاانته ولاغيرك ولاتعتقد كلامك راح يغير رأيي سما تزوجت وانه وكتها جنت مراهق بس وگتها ماعفت شهد جنت احبها والى هسا انه احبها الحب مو بالوكت لاتعتقد حبك الشهد اكبر من حبي الها محد راح يفهم غيرها وهذا قرارها
رائد. لك صدك ماتستحي انته تجيب طاريها بالشارع هاي مرت اخويه تدري شنهو يعني تلم روحك وتشرد احسن مااطشر راسك واجسرك
مصطفى. رائد اتركه
رائد. حرگ دمي اذا مااجتله هسا دخيلك اسوي شغله
قسور بغضب. اكبر گوا******** جاي بالفجر يعارك تاج راسهه دمشي لاانعل الخلفك ابن السطل
ابراهيم بغضب. كلكم قندرتي لك شنهو منو انتو
لزكته بگلهه
قسور بغضب. احنا ولد حارث الي يعارك ولدنا العشيره كلها توگف ضده لك احنا لو ماخايفين عليك جان طيحنه حظك وعلي دنتشاقه وياك لان لو ما ندري واحد گوا*****يفر بالشوارع دنيه ليل وجاي يحجي بطاري مره بذمه رجال لك هاي مرت اخوي اسگطك وانعل الخلفك
عبدلله. ولك نعلت ابو عشيرته صوتكم كافي طبو واحنا نحلها
مصطفى زمخ. بسكممممم طبو جوه دقيقه ماشوفكم
قسور بغضب. مره جايه اسگطك زين تذكر
دخلو اثنينهم وهمه على اعصابهم
مصطفى. يالله عبدلله انته هم ادخل
عبدلله. يمعود شدخل ماتشوفه يطگ دم خشمه
مصطفى. عوفه يكدر يرجع
ابراهيم. راح اخذ حقي منك
مصطفى. اذا جان عندك شي وياي تعال اخذه لاتضيعه
_____
طبيت للبيت وحجيت وياهم گوه يلا هدئو ورجعو نامو رئسا طلعت ظل بالي يمها اتصلت بيهه ظل ترفض اخر شي فتحته
شهد بنعاس. الووووو بس كولي دنيه ليل لو صبح
مصطفى. الفجر
شهد فتحت تك عين. منو وياي
مصطفى. ذاكرتج ضعيفه
كمت فركت وجهي صفنت هستوني استوعبت اني فاتحه موبايلي وداحجي
شهد. مرحبا جنت نايمه
مصطفى. هيج من تنامين تفقدين ذاكرتج
شهد. ماعرف هيج اصفن اكو شي؟
مصطفى بتنهد. اسأل عليج وكلت اخاف تنسين الصبح عقد محكمه
شهد. اي ادري بس ليش جاي تكولي مره الخ ظل بالي عمتي بيها شي
مصطفى. كلهم بخير
شهد. اها زين
مصطفى. شهد
شهد بنعاس غفيت. اممم
مصطفى. اعشگج
شهد بصفنه. ها
مصطفى. تحبين ابن عمج؟
شهد. اعتبره كأخ ليش؟
مصطفى. لاتخليه يتگربلج كعدي شهد اريدج
شهد بانزعاج. اووف شتريد مني والله الوكت متأخر كلشي ولا واحد يكعدني من نومتي مصطفى اكو شي احجي تؤؤ يالله
مصطفى. كعدي وريحي گلبي مداگدر انام من وراج وانتي شابعه نوم
شهد. يعني شتريد مني شسويلك حتى تنام تراا والله لحيت هئ متخليني انام
مصطفى. احجيلي جم مره تگربلج لو لاء
شهد بنعاس. اممم
مصطفى بغضب. شنهو يعني سوالج شي خوش لعد هسا الي حق اروح احرگهه ابيته هو وعايش
شهد. امممم
مصطفى بغضب. شههددد
شهد بفزع. منو احترگ عزاا شصار
مصطفى. احجيي متگربلج لو لاء
شهد بتفكير. منو هو
مصطفى. الگو***الوياج احجيي
شهد. هاها لاوالله اصلا من صار عمره15انتقلو لبيتهم واني جنت صغيره بس اي يتگربلي يحضني ويشيلني بس مو مثلك يبوسني
مصطفى. بعد جان گلتي ينيمني..
شهد. اووف والله ماحبه انته ماشايف ذوقهه ايع كلش ماحب هيج شي ماحب هيج فد مره مايعين
مصطفى. يولي احنا زلم وكلها تحمد بينه
شهد. حتى انته ترا يعني اقصد شي عن رأيي يعني انته ليش تزين شعرك مو كلش طويل وهيج عندك لحيه وشارب شلون تتحمل شوارب هيج على شفتك احسهه تضوج بعدين شطولهن
مصطفى. ولج كلهم عدهم شارب يا رجال هذا جبير بعمري ماعنده وين اكو رجال يحف ذوله بنات شسويلج
شهد. اي عادي حفهن اصلا شنهو هذوله عبالك صرصور وعده شارب ههههه محلوه حفهن تطلع احله
مصطفى. مو صوجج صوج اليحجي وياج امشي انطمري لاانعل الخلفج دولي
سديته ورجعت للغرفه نمت
__________________
شهد باستغراب. ياهذا شبيه سده بوجهي خمه حجيت شي غلط
رجعت كملت نومتي
الساعه9ونص
مريم. ولج كعدنا وتريكنا وسولفنا وبعدج نايمه
شهد بنعاس. عوفوني انامم والله تعبانه
مريم. ولج دكومي نجهزج لازم بعد ساعه انتي جاهزه وتأخرتي
شهد بانزعاج. كله من ورى اخوج وخري خل انام
مريم بخبث. اخويه ياا فدوه احجي شحجيتو ههههه حب وغرام
دكوميييي
شهد بنعاس. كمت كمت انتي بس اخذيني للحمام
مريم. يعني هسا شون واكفه ومغمضه
شهد. مادري عود نايمه انتي اخذيني
مريم. ههههه خبله وربي
وصلت للحمام غسلت وجهي وصحصحت تريكت بسرعه وصعدت غرفتي شفتهن مطلعين فساتيني الجديده
شهد. هاي شنو شهل هوسه ياعزاااا شمسوين
مريم. عوفي الهوسه واختاري بسرعه البنفسجي لو الاخضر
شهد. البنفسجي
داحجي وكبل كعدوني وشالت شعري والثانيه تمكيجني ماخلتني احجي
والاء تعرف تسوي اظافر ركبتلي اظافر كلش حلوات
خلصت بأقل من ساعه الفستان مناسبات طويل مالت محجبات وتنورته تول
خلصت باوعت لشكلي شخص ثاني بس للصدك بس عاجبني اباوع على نفسي بالمرآية طلعت لوحه فنيه مجرد بس شي بسيط يغير شكلي
مريم. لعابه حقج تباوعين يلا كلحنا طالعين هنا راح يبقون بس اني وامي واهلج نجي وياج
شهد. تمام
نزلت وكلهن يهلهلون ويتغزلون بيه
طلعت بره جنت راح اصعد سياره بابا صاحني
محمد. تعالي بابا هينه صعدي وياا مصطفى
شهد. بس عادي اكدر اصعد وياكم خلي تصعد امه بالصدر
محمد. صعدو وحدكم احنا جايين وياكم
نزل من السياره جان لابس نظارته شلحهه وحجى وياي
مصطفى. شلونج گلبي
شهد. زينه
لزم ايدي وباوع البابا
مصطفى. عمي بنتك بعيوني اثنينهن احطها بوسط گلبي لاتشيل همها
محمد. الله يوفقكم
.. جيت اعبر فشله بالكعب
شهد. ترا سيارتك بعيده اووف شون راح انزل من الكراج راح اوكع جان خليته بالكراج
بقى لازم ايدي ومريم ابن عمه جان يصور باب الكراج مفتوح
مصطفى بهمس. شهل ترافه الشايفها گبالي
شهد بتوتر. اني اممم شكرا
داعبر باب الحوش للسياره رئسا شالني وصعدني بالسياره وشفت مريم تهوس وهذاك يصوفر
صعد وياي وصعدو اهلي شغل السياره وساگهه
شو اني متوتره ماعرف وحدنا لأن باوعت من الجام هاي اول مره اطلع وياه وراح اصير مرته شرع وقانون شلون راح تصير حياتي شلون راح اعيش وياه كلشي الى حد الآن مجهول شلون راح اتأقلم ويا عيشتهم
كطع افكاري لزم ايدي وشبگهه حيل باس ايدي
مصطفى. ملاكي طالعه تخبلين وين اخبيج عن البشر
شهد بخجل. شكرا انته الاحلا......
مصطفى
مصطفى. احجي لبة گلبي لاتخلين شي بگلبج
شهد. اوعدني ماتجرحني وتقهرني وتأذيني
مصطفى اكو واحد يجرح بت گلبه
شهد. يعني انته فرحان لان راح نعقد
مصطفى. ليش ماافرح لبنيه الاحبها راح اتزوجها
شهد. مصطفى خايفه ماريد اروح للمستشفى
مصطفى. ليش خايفه بس يسولج سحب دم
شهد. هئ عزاا ماريد اموت يعني راح يسحبون دمي وشون ابره
مصطفى. تخافين
شهد. طبعا اخاف راح اموت
مصطفى. عساه يومي كبل يومج شهل حجي بويه انه وياج منهو يكدر يأذيج
شغل اغنيه كاظم الساهر حافيه القدمين
ظلت تشتغل لحد ماطلع المقطع طفرت من صوته
شهد. اكلك منو هاي حافيه القدمين
مصطفى.انتي
شهد. لابله شوكت شايفني حافيه امشي
مصطفى بضحكه. شهد بيج فهاوه تذرب كلوب
شهد. لعد اغير الاغنيه
كلبت بالاغاني كلهن قديمات عاد ظليت اقرأ بيهن گلب الاغاني شغل اغنيه من يمه
انت أول بشر كل احساس
نص ينكرط نص ينباس
يمعود اكعد بالگلب صير انته انته گلبي
اسمعه يردد ويا الاغنيه
خليت راسي عالجام اني ماسامعه هواي اغاني عراقيه ماعرفها لان دائما اسمع اغاني اجنبيه
باس ايدي وبين كل لحظه يسوگ يباوعلي جان معلي الاغاني كلبت بالاغاني طلعت اغنيه تعال اشبعك حب هاي الاغنيه الوحيده حافظتها اسمعها بالسفرات هههه
شعلته وظليت اغني وياا الاغنيه حيل تونست
جنت معليه الاغاني ومصطفى ينصي واني ارجع اعلي بيه هيج عناد
وكفنه بالسيطره انتظرنه لحد ماانتهى بس مصطفى عبر كبلهن بأعتبار خالف النظام لان خبصتن دوخته جنت احجي وياه خليته ماينتبه
اجى المرور وكف جهه مصطفى حجى وياه
المرور. سلام عليكم وين رايحين
شهد بهمس. كله تعبانه وراح ادخل للمستشفى
مصطفى. عليكم السلام خويه شعليك
المرور. امبين المراة متونسه
مصطفى. لا المراة تعبانه ومريضه
المرور. ماتجيني اطيبج
حجى باوعت المصطفى يمسح گصته خفت رگع الستيرن ونزل من السياره
شهد بخوف. مصطفى ماحجى شي حباب أصعد وفضهه
لزم ياخته وزمخ بوجهه
مصطفى بغضب. شكللت على مرتي
المرور. وخرر عني بسرعه اسمك
. مصطفى.....
المرور. هاي غرامه تروح تدفعها
باوعله وضحك لزم الورقه وشگگها بالنص وداسها برجله
مصطفى رفعه حاجبه. مؤيد....
خوش
نزلت من السياره وجيت اركض بالفستان لزمت ايده
شهد بخوف. مصطفى اتركه الله يخليك
مصطفى بخزره. رجعي للسياره لاتدخلييين
شهد بدموع. راح ارجع بس لاتضربه ترى يسجنوك
رجعت للسياره كعدت شفته ماضربه
ظل يخابر
مصطفى. هلا بيك خويه عندي...
اي هو السبب....
تسلم.. اي خوش الله وياك
المرور بغضب. شلون تخالف امرنا
مصطفى. غلطان انته المخالف هناا وتكدر تلملم اغراضك من هسا
المرور باستغراب. منو انته
مصطفى. رد عالموبايل
فتح الاتصال
المرور. سيدي ماخالفت.....
شنو اعتذر
مصطفى. الله وياك
المرور باحراج. سيدي اعتذر اني جديد هنا ماعرفك سيدي شتريد اسويلك بس خلي يرجعوني
مصطفى. مو على مود ماانتبهت من شفت السياره والرقم انته تحارشت بمرتي ارجع للبدايه وتعلم شلون عينوك شيل عينك عن بنات العالم
صعد السياره وساگ بسرعه جنونيه
شهد بخوف. مصطفى خفف سرعه راح تسوي حادث
مصطفى بغضب. شهد سكتي راح نوصل اعرف شغلي
شهد. يمعود شلون اكدر اسكت حباب اهدئ ماصار شي هئ راح يوكف گلبي اهلي وين
مصطفى. بعدهم بالازدحام
وصلنا للمستشفى اول من طبيت اشوف الامراض واشكال شفت حتى جثث وصلت للمختبر هذا يكولون احسن شي شويه وصلو اهلي ماما وكفت وياي طلع الحجز متت خوف طبيت ظلت تحجي ويا مصطفى وسحب دم گدامي اني ماتحملت غمضت عيني گلبي ديرجف من الخوف
وصل دوري كعدت اجت يمي الدكتوره
رئسا كمت ماما لزمت ايدي وكعدتني
شهد بدموع. لا ماما ماكدر والله تأذيني
مصطفى. شهد كعدي ولاتتوترين ماراح تأذيج صدگيني هاي اني گبلج سويته
شهد. لاء اعرف راح تأذيني
الدكتوره. والله ماراح ااذيج وهسه اخلصج مااطول
مصطفى. شهد لزمي ايدي البارحه شصار
شهد. البارحه خطوبتنا
مصطفى. ماحجيتلج ع كبل من جنتي صغيره
شهد برطمت. انته مو كلتلي لاتذكرين
مصطفى. انه اذكرج وكتهه جنت بعدني مراهق طبيت لبيتكم جنتي لابسه فستان وردي مصلخ منفوش وگصير وحجل برجليلج وشعرج طويل جنتي مربربه تدعبلين من تمشين رجليج گصار
شلتج جانت ريحتج مثل المسك كمت ابوسج وعضيتج بجيتي
شهد. ههههه وبعد شصار
. اشرت للدكتوره تسحب الدم وظليت شابك ايدها
مصطفى. كمت تبجين گتلج عضيني وسكتي وانتي كيفتي عضيتيني وسنونج حاده انطبعت بيدي
.. جنت مندمجه بحجيه ماحس غير شي حار يسحب دمي تأذيت كمت اصرخ ماعرف شون اشيل ايدي عضيت چتفه وصرخ كمت اصرخ وياه
حضن راسي ودار وجهي غطى عن الدم
مصطفى. هدئي خلصت لاتبجين اوعدج اول واخر مره
شهد بدموع. ايدي توجعني
مصطفى. لاتباوعين عليها هسا تعقمه خلصنه
الدكتوره. الحمدلله على سلامتج هاي كل مره هيج
شهد. الله يسلمج لا اول مره اسحب دم
مصطفى. شوكت تطلع التحاليل
الدكتوره. ان شاء الله اسبوع الجاي
شهد. يمكن جاي ادوخ
ماما. اسم الله
الدكتوره. هذا شي طبيعي انتي عندج فقر دم
ماما. اي والله كل يوم بنتي طايحه هواي اتدوخ
الدكتوره. لازم تاخذ تحاليل وتروح اخصائيه تغذيه لان الاغلب آكلها غلط
ماما. ليش هيا شتاكل غير هذني الحلويات والاندومي الكوري
شهد بهمس. ماما شبيج فشلتيني ماصدكتي تحجين عليه
محمد. خلصتو يلا وصلو كبلنا ومنتظرينا يلا بنتي لاتأخرينا
___
وصلنه المحكمه اول مره ادخل هيج مكان
سألني وجاوبته رجع حجى ويا مصطفى عقدنه محكمه وطلعنا
بالشارع وماحس طش جكليت فوك راسي مصطفى خله ايده فوك راسي حتى لااتأذى
صعدت السياره شفت زلم يباركوله ماعرفتهم بس عرفت قسور وهذوله كم واحد ولد عمه
رجعنه بيت عمتي قريب علينا تقريبا نفس المنطقه
نزلت من السياره الباب مفتوح والكراج صافين بيه هواي كراسي دخلت جوه سلمت شويه ونسمع صوت رمي واني عندي نوبه هلع من هيج صوت مادري منو بيده مسدس
مريم بقلق. شهد اهدي ماكو شي ماراح يأذوج
خليت ايدي على اذني وگلبي يرجف من الخوف
شهد بهلع. صيحييييه كوليله المصطفى خلي يوكفهن ماكدر اسمع بعد ماتحمل
مريم بقلق. خاله تعالي شوفي شهد
ماما بخوف. شهد سمعيني عوفي الصوت اهدي ياامي هسا يوكفونه
طفرت اركض بره لكيت ليث يم باب المطبخ
ليث بخزره. طبي جوه ليش طالعه
مريم بقلق. ليث روح كله المصطفى خلي اصدقائه يوكفون رمي شهد تخربطت
ليث بصدمه. شدتحجين شكو شصار روحي لااتركيها
مريم. عدها نوبات هلع
رحت ركض الهم
ليث زمخ. اوكفو يمعودين
مصطفى. گتلهم لاتجيبون اسلحه خاف احد يتأذى
ليث. مصطفى الحك
مصطفى باستغراب. شنهو شكو احجيي لك شصار
ليث. شهد عدها نوبات هلع من هاي الاصوات
من سمعت اسمهه گلبي انلچم ماتحملت رئسا دفعته وزمخت بصوت عالي حتى الاغاني طفوها
مصطفى بصراخ. خل اشوف اي واحد منكم بيده سلاح الا اطشر راسه بيه
عبدلله. شبيك مصطفى اهدئ
مصطفى بغضب. شهدئ ماتكلي شهدئ شهد عدها نوبات من هيج اصوات ابقى وياهم وانته اشرحلهم
دفعته ماخليته يحجي ولايمنعني
.. احجي ودموع بطن عيني وارجف
مريم بدموع. مصطفى اء شهد اهئ
مصطفى. سويلي مجالل
طفرت تركض ماتحملت شويه واجت تركض طبيت ركض
مريم. لحظه هيا بغرفه جده
طفرت للغرفه فتحت الباب شفتهه متمدده ع الچربايه تبجي وترجف وامها تهدئ بيها تكطع گلبي عليها تمنيت لو اني بمكانها ولااشوفها بهيج منظر احس روحي راحت جان خوفي عليها اكبر كلت راح يصير بيها شي الحمدلله ارتاحيت من شفتهه هدأت شافتني امها سكتتها وطلعت
تقدمت كعدت يمها شفت كلاص مي شلته انطيته ياهه
مصطفى. اشش كافي شهد هدئي هاج شربي مي ريحي گلبج شويه
شهد بهلع. ماكدر ماراح اسامح نفسي كلشي صار بسببي
مصطفى باستغراب. شبيج بويه كلشي بخير لاتحجين هذا الكلام ماريد اسمعه
تحجي وتبجي ضامه رجليها ومغطيه وجهه
شهد بجي. الله يخليك اطلع ماريد أشوف احد يمي
مصطفى. شهد اذا انتي تعانين فااني ماريد اخليج تعانين وحدج انه وياج اوعدج ماعوفج
شهد بجي. ماريدك تبقى وياي بلكت امووت اني ليش مامتت لك كلييي ليشش اني بقيتت يمكن لو متت واني صغيره احسن ماتعذب هيج بحياتيي
مصطفى بتنهد. اني گتلج رفضي ليش هسا متندمه جان عندج فرصه شهد بس هسا ماتكدرين تتراجعين
شهد بجي. هئئئ لااني مجبوره اتزوجك بس مو هذا السبب
مصطفى. هستوج هديتي لعد ليش تبجين شهددد احجي ليش هلكد تبجين
شهد بجي. اريد اكتل نفسي و اموت
مصطفى بغضب. هذا مو حلل لو الموت حل لبني آدم جان كلنا گتلنه روحنا وردنا نموت شهدد كل واحد الله كاتبله يوم الي يموت بيه كله مكتوب عد الله هدئي وارتاحي انه ضغطت عليج بشي احجيي
هزيت راسي بمعنى" لا"
رفعت راسهه لكيت الدموع تارسهه وجهه ضميتهه وخليت ايدي على راسهه
مصطفى. شهد انتي بالنسبه الي كلشي من الدنيه آنه مستعد اضحي بكلشي حتى اسعدج اليوم واذا وجودي يزعلج هسه اطلگج...
حجيت وهيا كامت تزيد بجي
مصطفى. كلت راح اخفف الوضع شو زاد شهد احجيي لبگلبج منو وياج ليش صاير بيج نوبات هلع
شهد بجي. مصطفى صديقتي ماتت بسببي شلون تريدني اهدئ
مصطفى بصدمه. شهد انتي شدتحجين شلون بسببج
شهد بدموع. جنت طالعه بوكت داع*ش وشفت صديقتي وجنه نمشي سوا ابتعدت عنها شوي جنت الحك بأهلي وكع عليها هاون وصديقتي تكطعت كبالي
مصطفى بغضب. شهد اهدي دترجفين راح يصير بيج شي هذا قدر ربها هيا استشهدت مو انتي الگاتلتها
شهد بجي وهلع. لااني السبب والله اني لأن لو رحت وسحبتهه وصارت يمي ماجان تصاوبت هيا بس لو لحكت لو مو بابا لزمني مصطفىى امها تلزم راسها المكطوع كبالي يعني ااااء اااااه
مصطفى بخوف. شهد شربي مي يلا اهدي ولج
مالحكت اشربها المي فقدت وعيها تخبلت اضربها بخفه على وجهها فقدت صبيت على ايدي شويه مي ورشيت وجهه كعدت مخترعه
شهد عقدت حاجبي. شنو جنت اسوي
مصطفى تنهدت براحة. شهد انتي زينه
شهد. اني تمام شصار
مصطفى. اغمى عليج
شهد. ماحسيت اهئئ
مصطفى. استغفرالله راح ترجعين تبجين للله يرحمها لبنيه استشهدت لاترجعين تذكرين مو انتي السبب لو رب العالمين راد ياخذج جان كبل لاتعوفيها لا سامح الله تصير بيج
شهد بدموع. ماكدر اني اشوفه بأحلامي من جنت صغيره جنت اشوفها تكلي انقذيني وحاولت اتوصل لأهلها بس لكيت امها طلع عدها تلف بالدماغ واصلا ابوها متوفي يعني يتيمه من قبل وامها تزوجت كمت ضحيت وسويت ثواب لكلشي بس حتى مااشوفها تتوسل بيه ماجنت افهم اني صوجي وراها كمت اشوفها وياا شخص مابين وجهه اجت باستني وراحت عافتني
مصطفى. بسج يابويه ليش تأذين روحج صارله سنين توفت لبنيه شسمها
شهد. طيبه مهند
مصطفى. شنهو رأيج تهدئين هسا وعكب غير يوم اخذج نروح لگبرها ونتواصل ويا امها نساعدهم
شهد. شلون يعني
مصطفى. يعني مسحي كحلتج السايله
شهد. هههههه ترا دابجي ليش تضحكني اكيد هسا شكلي يخوف صاير
مصطفى. تؤؤ انتي حلوة حتى من تبجين وخشمج بكد العنب صاير احمر لاتبجين شهد تحرگين گلبي
ظلت تباوعلي بعيونه الذبلانات من البجي خدودها صايرات حمر گرصت خدها
شهد. ااااي خدي يوجعني
مصطفى. كد ماوجعتي گلبي عليج لج انتي شسويتي بيه عليتي گلبي من شفتج واكعه تخبلت اخذتي روحي
شهد. ها
مصطفى. احبج
شهد. اءاي
مسحت دموعها بدي ولزمت ايدها لزمت ضحكتي باوعتلي شكلهه يشبه البزونه ضحكت وضميت ضحكتي عليهه
شهد باستغراب. ياا شبيك تضحك
مصطفى. لاسلامتج ماكو شي انتي بس كومي
شهد برطمت. اكو شي مو. داتضحك على وجهي؟
مصطفى بضحكه. ازيد من الوجهه عوفي وجهج بااعي اديج شكد صغيرات
شهد. عزاااا هاي ليش هيج تتنمر
مصطفى. مو تنمر لج حجمهن معقوله اكو بنيه بهيج عمر هلكد اديها حتى اظافرج كد اظفر الطفل
شهد بزعل. اي هيج كول من البدايه ع فكره انته هواي تشبهني بالاطفال شنو علاقتي بيهن
مصطفى. علاقتج طفلة مثلهم شماتكبرين راح تظلين طفلتي الاحبها
شهد. اني ماداافهم ليش تحبني وانته تدري اني شكد صغيره عليك يعني ممعقوله ممتزوج
مصطفى رفع حاجبه. متزوج؟ شهد شبيج بويه يعني شنهو تردين بالضبط اتزوج واخطبج هلكد شايفتني جبير
شهد. احسك نفس بابا
مصطفى. شجابني على ابوج ولج انه اصغر بهواي
شهد. هئ مو بالعمر اقصد يعني من اشوفك احس شايفه بابا اتخيلك بابا يعني
ابتسم وباس راسي
مصطفى. بويه اموت بعفويتج شتردين اصيرلج
شهد. ها يعني عادي اكولك بابا
مصطفى. استچني رويحتي
شهد بزعل. اها يعني ماحتقبل مو مشكله وينها مريم
ضحك وشالني وفرني كمت اصيح اخاف من احد يفرني كمت اصرخ
شهد. نزلني اني ماكتلك تشيلني وخرر
مصطفى. شهد آنه الج شترديني اصيرلج وعدتج كبل لانعقد اليوم وگتلج اصيرلج اهل وزوج
شهد. مصطفى نزلني ماعرف شجاوبك هسه لان ماعندي جواب لحجيك
مصطفى. شهد باوعي بعيوني واحجيها ماريد منج تحبيني هسا اريد منج توعديني ماتخلين هذاك الوصخ يتگربلج
شهد باستغراب. منو هذا
مصطفى. ابن عمج
شهد. شبيك ويا ابن عمي ترا صرت كايلتلك الف مره مااحبه انته شنو شايفني مواعدته قبل شي والله بشنو تريد احلفلك اني ممتهمه لااحب ابراهيم ولاغيره
عفته وطلعت شافتني زينب اجت تركض
زينب بصدمه. ولج شسويتي بروحج مكياجج خربان
شهد. مو مشكله هسا اسوي غيره راح اغسل وجهي
زينب. مصطفى شبيكم
مصطفى. ماكو شي
زينب. اذا اكو شي احجيلي اني اعرفها الشهد هواي واعرف افكارها اذا تريد تسأل ع شي
مصطفى. اطمئني ماريد شي سويلي طريق اريد اطلع
راحت واجت اختي
مريم. تعال مصطفى اطلع
مصطفى. ديري بالج على شهد ولبسي عباتج شهل ملابس
مريم. تمام هسا البس
....
جنت دااغسل وجهي مسحته باوعت بالمرآيه شفت بنت عمته بس اني ماعرفها هواي
سحربغرور. اريد اعرف شاف بيج واخذج امداج
درت لجهتها
شهد. والله صدمتيني يعني اني هسا غاسله وجهي مليون مره احلا منج وانتي صابغه وجهج وتحجين عليه
سحر بغضب. احترمي نفسج اني اكبر منج
شهد. ماغلطت عليج بس تعلمت رد الاساءة بالاساءة
ردت اعبر لزمت ايدي حيل احس ايدي راح تنكسر هيا ضخمه وسمينه وكلش طويله
شهد. وخرري اريد اروح
سحر بخبث. حبيبي لاتحسبين ما اكدر ارد على كلامج هذا بس خليها انتي الجبتي المشاكل النفسج راح اخليج تعرفيني زين
شهد. بالله شو وخري ناقصني مشاكل لااتعرف عليج ولا عل اهلج
سحر. مصطفى ابن خالي فهمتي اني اقرب منج لگلبه يحبني بس هو يجذب عليج علمود مجبور ادري غصبوه ياخذج بواگه زلم
شهد. اوووه هسا راح تلزكين تهم براسه مو باعي لو يحبج جان تزوجج من زمان مو ظل الى هسا يلا خطب
سحر. اكيد جان اكو سبب شهد مستحيل تصيرين مرته ادري لو اكتل روحي هم حتى اخليه يفلش
شهد. ياريت تكدرين تفسخيها لأن لااني اناسبه ولاهو يناسبني ماريد اتزوج
سحر. انتي السبب من وراج ليش مارفضتيه لج عياره انتي لو ماتحبيه جان رفضتي
شهد. اكو هواي اسباب تخلي الواحد ينجبر يوافق على اي طلب هو ومغمض
سحبت ايدي منها ورحت للغرفه سديت الباب وظليت ابجي
ضميت رجلي وانتجيت ع الباب ابجي واشهك اعرف هذا حظي حتى يجوز اهله رافضين بلكت صدك يحبها اني شنو ذنبي اتعذب ماردت اصير منبوذه وافرق اهلي ادري بابا تعبان من التفكير وخايف عليه بس جدتي هم هواي قرارتها تصدم
اندك الباب كمت رئسا مسحت دموعي
مريم. يااا شهد وين جنتي وادور عليج
شهد. هنا توني جيت جنت داغسل تعالي سويلي مكياج
مكيجتني ورتبتني طلعت
كعدت وياهم شويه وصل الاكل واني جنت جوعانه شفت لحم ماكدر اتحمل ابد عود جيت اساعدهم
ام مصطفى. هاي شجابج بالمطبخ
شهد. اساعدكم
ام مصطفى. وكل هالبنات ولج نعوفهن ونجي عليج انتي العروس
شهد. ها واذا هو مو راح اتعبكم
ام مصطفى. ياتعب كلنا كاعدات بدون شغل انتي روحي كعدي بالاستقبال
شهد. ليش
ام مصطفى. جا غير تاكلون وحدكم
شهد بتفاجأ. تعوفونا وحدنا؟ لاء ماما كليله اكو هواي شباب بره عوفيه يكعد وياهم
ام مصطفى. ولج اذا هسا ماتكعدون لعد يمتى كعدو سوا لأن اليوم اخر يوم تراه للعصر احنا مسافرين
ماما. صح كلامهه
شهد. والله اني نفر خفيف عليكم وين تردون تشمروني عفيه
ام مصطفى. اول مره اشوف وحده ماتريد تشوف خطيبها
شهد. على فكره مو صوجي اني ابنج ثور ماكدر احجي وياه
مريم. ههههه وانتي مخليه قصور وياه يالفاهيه
شهد. لاتكولين فاهيه اني مو فاهيه هو مايقتنع بكلامي
مريم بهمس. ليش خايفه ترا ممسويلج شي
شهد. مادري بس لاتعوفونا وحدنا لان اجفص
ضربت جتفي وسحبتني طبيت لللاستقبال جان كاعد هو وعبدلله
مريم. هلا هلا بخالي صح حجيك اي صح يلا امشي وياي نطلع وعوف عصافير الحب وحدهم
عبدلله بضحكه. شكد صلفه نسيت شحجي من وراج يلا اترخص منج يالفاهيه ظلي
شهد. تذكر جنت تكلي راح اطلعلج صور مالت السفرات اجي وياك شوفني بالله
عبدلله بضحكه. تلحكين يلا وليي ماياكل بشر
طلع وسد الباب كلبي ظل يدك ومصطفى يباوعلي بنظرات ماعرف شلون اوصفها حيل خجلت حسيته يفحصني من جوه لي فوك
صاحني جيت يمه ظليت واكفه
مصطفى. مامستوعب الگدامي شهد الطفله الجانت24ساعه بحضني صارت مرتي
شهد. اوفف اعرف بس لاتكول طفله عني ترا اضوج
جنت اعصر بفستاني من الخجل خلصت حجيي ماحس غير سحب ايدي هو جان كاعد واني واكفه گباله عيوني التقت بعيونه
مصطفى. لاتتموعين كدامي
شهد فتحت عيوني على وسعهن. هاا
مصطفى. رب الفهاوة انتي
كرص خشمي دفعته اندرت سحبني من خصري كعدني بحضنه ظليت اتطفر منه
شهد. لاتلزمني مصطفى كافي عوفني وخرر حباب
كمت اريد افك ايده عصرني
مصطفى. وعدتج ماسويلج شي بس ماكلت ابتعدي عني انه احدد شوكت اخليج تكومين من حضني وحمرتج رجعتي خليتيها
حجى ومسحها بأصبعه الابهام
شهد.احنا مو متزوجين حتى تأمر انته بكيفك
مصطفى. الي حق
كعدت وياه وجنت احجيله عني بس ابدا هو ماجان يحجيلي شي يعني مايتعمق بالجواب من اسأله ع شي جان دائما يسمع مني وتغدينه سوا بقى هو يهتم بيه ويوكلني وحتى يشربني العصير بالكصبه وعلى مهل يخاف اختنگ واحس بطني راح اطك من الاكل
شهد. كافي والله راح اتقيئ ترا مو طفلة شايفني ماعرف اكل
باس خدي وگرصه خفيف نزلت راسي استحيت
مصطفى. اريدج تدللين شهد راح اشتاقلج من اعوفج واروح انتي راح تشتاقيلي لو لاء
شهد. مادري بس ليش ماتبقون بعد
مصطفى. گوه كدرنا نجي كلنة واني ماكدر ابقى وياج عندي شغل دوام مو بكيفي
شهد باستغراب. ليش انته شنو تشتغل يمكن نسيت
مصطفى. ضابط
شهد بصدمه. شنووو اءاء يعني انتو مثل ذوله الياخذون بالمجرمين وهيج يكعدوهم بغرفه بيها ضوه يظل يرمش وهيج يربطوه وو...
مصطفى. بسج بويه فهمت عليج هذا تحقيق اسمه
شهد. اي هو شفته بالمسلسلات وهيج البطل يفك الحبل ويضرب الضابط ويهرب
مصطفى. بويه هاي تمثيل جذب شنهوو يفك الحبل ويضرب بيه شايفتنا گواا***كاعدين وياه
شهد. شنو يعني كو
مصطفى بخزره. اشش لاتكوليها
شهد باستغراب. ليش شنو هيا
مصطفى. موخوش
شهد. ها يعني هيج الكلمه زين وانت تحب بنات عمك
مصطفى عقدت حاجبي. شهل حجي غير افتهم شعليهم
شهد مادري شو هاي الناس تحبك هواي ممعقوله تحبني
مصطفى. ليش هلكد صعب تصدكين
شهد. اني بعيده عليك اكو الف بنيه تتمناك يعني كشكلك وشخصيتك هواي بنات يحبون هيج رجال وثاني شي انته اعقل مني بهواي اصلا مو عبدلله بكدك بس اشوفك اعقل منه انته ويختلف تفكيرك هواي مو مال عمرك ممعقوله تريد وحده صغيره بعمري خاف متزوج؟..........
التكمله راح انزلهه هم اليوم لان مادري ليش ديعلك الجزء مالت القصه يمي
لاتنسون تصوتون 💞
━━━━━━━━━━━━━━━━━━━━━━━━━━
🌸 هل أعجبتك أحداث القصة؟
💡 لمعرفة تفاصيل هذه الرواية ومتابعة بقية فصولها كاملة وبشكل مسبق وبدون إعلانات:
🔗 تابع القراءة عبر موقعنا الرسمي من هنا: https://kimostories.site/novel/417/احفاد-آل-حارث
نتشرف بوجودكم دائماً في عائلة كيمو ستوريز! 🌸
━━━━━━━━━━━━━━━━━━━━━━━━━━