#احفاد_آل_حارث
الكاتبه: سدرة الطائي
أجتني وگالت تحبني؟ وخفت منها!
مثل أخر جگاره لتاخذ ألتفكير
مادخنها ، ادخنها..
مشت وبگلبي أحس كسره
أثاريها مثل عطري تضل فتره
احسج ما تعرفيني
مكسوره من غير انسان
چا المن كسرتيني؟!
وأعرفج بعتي عشرتنا
وحزني هواي طول مثل ثورتنا
عفتيني لحد ما صرت شي ماكو
ألصدمه! وگعدت ألغرفه
أنتِ اول حرگ بالماي ما يطفه.
_______________________________________
ثاني يوم طلعنه مصايف بس المي عميق واني ماعرف اسبح الولد نزلو كعدو بالمي
كعدت نزلت رجلي بس اني ومريم جنه نصور ونسولف باوعت زوج عمتي رجال جبير بس يخبث لزم ابن عمي هذا صغير وجبان وذبه بالمي
ظلينه نضحك عليه شو اجى يمنا ودفع مريم وكعت بالمي
مريم. لاجدووو
شهد. ههههههههه لا لا فدوه عمو ماعرف اسب..
داحجي ودفعني بالمي وظلو يضحكون مايدرون اني ماعرف اسبح لان عميق المي اريد اطلع روحي بعد ماكدر وبعيده عليهم
مريم بصدمه. شهد دتغرگ
عبدلله بخوف. مصطفى شهد ماتعرف تسبح
حجيت وشفته نزل بالمي بسرعه طلعهه ظلت تختنگ وتبجي وعيونه حمر
شهد بجي. الله يخليك لاتعوفني اخاف اخاف
مصطفى. شهد وين صاعده شويه والكاج فوك راسي هو مي ماتغرگين اني وياج نزلي شويه
شهد بدموع. ماا رجعني لهذاك المكان اول شي وراح اعوفك
مصطفى. ولج هو مي حتى ماعميق
شهد. جذب يغرگ والله
مصطفى. نزلي والله مو عميق انتي تشوفينه هيج شوفي لي وين واصل
شهد. هذا انته طويل اني اغرگ
مصطفى. دخيلك ياعلي
شهد. حنزل بس مو تعوفني
مصطفى. ماعوفج هاج ايدي لزميها واعبري
--نزلت بالمي احس اكو شي مثل طحالب تقززت مادري حجاره لو شي ثاني
عبدلله بضحكه. ديري بالج بيها عگارب وحشرات وسمك
حجي هيج واني ماكدر اتصور المي حضنت مصطفى ورجلي على خصره وبس اصيح اريد اهدئ خنگته
شهد. بخوف. عاااا ماما ماما اهئ اهئ اهئ
مصطفى. اهدي اهدي يجذب ماكو شي
شهد بجي. حباب وصلني صيح بابا خلي يجي والله ماعرف اسبح
مصطفى. لو ظليتي نازله بالمي جان وصلنه
اخذني بس حسيته جان متعمد يمشي بطيئ لان صح بعيده بس مو هواي ابتعدت عنهم وهو حيل تأخر واني ارجف من الخوف رفعت راسي شفته يباوعلي مبتسم
شهد برطمت. على فكره متضحك يعني واذا ماعرف اسبح لان اني ماتعلمت ولادخلت دورات.. هيي انته لاتظل ساكت شنو اخرس ماتحجي وخر اني ارجع وحدي احسن
حجيت وياه هو ماصدك نص الطريق تركني بس نزلت بالمي شو وصل لخشمي شالني وطلعني
مصطفى. شهد مره ثانيه ماريد اشوف هاي الملابس
شهد باستغراب. شنوو اكيد لا لبسي مابيه شي كله مستور
مصطفى. انتي تشوفينه مستور؟ گتلج لاتلبسيه بعد لاتخليني اعاملج بطريقتي
شهد. ليش منو كال انته الك حق تدخل بلبسي ترا زودتها هواي هاي كل مره تگلي هيج واني بعدني صغيره
مصطفى. انتي مو طفله فهمي شهد والي يشوفج ابد ماراح يفكر بيج كطفله عائلتج ميخالف بس مو كبال العالم وهذا شعرج الطويل ظفريه مره ثانيه
استفزني وراح تعصبت ضربت رجلي بالكاع وظليت متعصبه بس رغم كلشي اني مو مهتمه تونسنا حيل وضحكنا كلش ع هواي سوالف صارت ويانه
رجتت للبيت تعبانه كلش عزلت بسرعه وسبحت ونمت ماكعدت للظهر من التعب
مرت ايام هواي واني ماحس بوقتي اسهر هواي واتابع مسلسلات وافلام كرتون وانام متأخره حيل مشتاقه لصديقاتي ومتحمسه للدوام ولو باقيله شهرين...
جنت منتظره اداوم كلش فرحانه ونزلت للسوك وتجهزت للمدرسه كطالبه جديده
اشتريت كومه اغراض كيوت وكلشي وردي
رحت بيت جدي اهل امي وظليت عدهم كم يوم
والعصر رجعت للبيت خالي وصلني وجنت لابسه بنطلون جينز عريض وبلوز ازرق
باوعت للحوش اكو ثلاث سيارات عبالي خطار وطبيت للبيت سلكت عالكل باوعت هذوله اهل مريم والباقي مادري هذوله منو بس شفت رجال جبير بالعمر كاعد بالوسط ولابس بشت ظليت صافنه بس شافني رئسا كام وايده ترجف جان رايد يلزم وجهي خفت منه مادري ليش باين عليه الصدمه
.. جميلة
مصطفى. شيخ مو هيا اهدئ
.. انتي منو
--اني شهد
الشيخ. تشبهيها حتى بكلامج
شهد بأستغراب. عمو ايدك دترجف تحتاج شي
مصطفى بخزره. شهد ابتعدي لاتجين احسلج
الشيخ. روحي بنتي جيبلي مي
الجده. امر شيخ صحتني
الشيخ. اريد هذيج البنيه الراحت
الجده بصدمه. شهد شيخ بعدها صغيره وابوها مايزوجها وهاي العزيزه عد جدها
الشيخ. مثل ماعزيزه عدكم احنا نعتز بيها
الجدة. ابوها راح يرفض يزوج بنته
الشيخ. انتي احجي وياه تدرين بالوصيه المكتوبه
مصطفى عقد حاجبه. عمي شهد طفله واني رافض الزواج من بناتهم اتركهه
الشيخ. شهد راح تصير مرتك وغصبن عنك
حجى وظل يكح
شهد. هاك عمو اشرب مي
الشيخ. عفيه بنتي
شهد بابتسامه. انته منو؟
الشيخ. انه الشيخ أنمار عم مصطفى تعرفينه؟
شهد. اي اعرفه ابن بنت عمتي
الجده. شهد صعدي لغرفتج وغيري ملابسج
شهد. جده بس لي.
الجده. بسرعه
شهد. اوكي
_____
مصطفى بغضب. عمي كتلك مااخذها مارايدها لاتجبرني
الشيخ. تتزوجها وتتعود عليها
مصطفى. عمي افهم زواج هسا يختلف عن گبل شهد ماتناسبني انته شفت تصرفاتها طفله الله يخليك اوافق اتزوج اي بنيه بس شهد عوفها لان طفله وماراح تفهم بالزواج وانته شفت مدلله
الشيخ بغضب. ليش ادافعلها لك تضحكي بحياتك ليش لبنيه اجت بنصيبك
مصطفى. كافي عمي ادري تشبهه بس شهد تختلف
الشيخ زمخ. تحبها
مصطفى. اي احبها اضحي علمودها لان ماريد اجبرها واخليها تكرهني جنت متوقع تكبر وتحبني مو تجبرها اتركهه
الشيخ بغضب. مصطفى اذا تحبها وماراح تتزوجها هسا راح تخسرها راح تصير مثلي شراح تسوي اذا اجت قسمته بهيج وكت ولبنيه وافقت
مصطفى. اعوفها تنسعد ويا لتحبه احسن مااظلمها وياي
الشيخ بصراخ. ولك لاتظل هيج گوي الگلبك لاتصير مثلي هم كلت راح انساها وشوف حالي هسا انه واصل للموت وبعدني احبها
مصطفى. عمي لاتجبرني الزواج مو لعبه
الشيخ. توافق وانته الممنون
حجى وطلع ركعت الميز بالگاع كمت اي شي اشوفه كدامي اكسرهه بدون وعي
عبدلله. مصطفى اوكف كلشي ينحل
مصطفى بصراخ. اطلعع
عبدلله. شجاي يصير
ليث. مصطفى گوي گلبك لاترفض
مصطفى بغضب. لك ماريدهاا
عبدلله. هسه شهد ترفض صدگني اعرفهه هيا ماتحبك
_____________________________
ظلو كاعدين شويه وراحو جان اكو هواي شباب عدهم بس استغربت منهم ليش ماباوعو عليه بس منزلين روسهم شنو اني اخوف
صعذت بدلت ونزلت شويه وراحو ظلينه كاعدين واجى بابا من الشغل تعشينا وبابا طب لغرفه جده
جنت كاعده بالهول سمعت صوت صراخاتهم تعلا شويه وحسيت انكسر شي
طفرت من الخوف اني اخاف من الاصوات العاليه كلش عندي نوبات هلع من حرب داع*ش اخاف من الصواريخ والطلگ اعتقد مع الوكت يروح تشجعت ردت اروح اسمع شنو يحجون
انفتح الباب اثنينهم باوعو عليه
الجدة. تعالي بنتي اكعدي اريد احجي وياج
محمد. يمااا
الجده. تعالي معليج بيه ابوج تعبان من الشغل
طبيت لغرفه جده مستغربه حيل وبابا دخل لغرفته وماما اجت يمي
الجده. احنا رايدين نحجي وياج لمصلحتج
شهد. يي جده شكو
الجده. علمود شعرج اريدج من باجر تلبسين حجاب وتغطيه لان انتي كبرتي وصرتي مره شوفي حتى جسمج متغير اليوم من جيتي بهذاك لبسج هم حرام شفتي كلهم منزلين روسهن حبيبتي احنا بالاسلام رب العالمين فرضه علينا واحنا لازم نلتزم بيه
شهد. بس اني مالبست شي ضيگ او قصير
الجده. شحجينا
شهد. حاضر جده من باجر البسه اصلا اني اريد اتعلم
الجده. عفيه عليج بس اكو شغله ثانيه
شهد. يي شنو هيا
ماما بحزن. عمه الله يخليج
شهد. ماما ليش تبجين شنو صاير
الجده. مابيها شي تبجي علمود متأثره راح تتحجبين
شهد. صدك
الجده. اي سمعي بنتي اليوم رادوج ناس نعرفهم وهمه زينين راح تصيرين بنتهم
شهد عقدت حاجبي. منو همه جده ليش اني ماعندي اهل شنو تتبرون مني
ماما. لاحبيبتي احنا مانعوفج نبقى اهلج هذوله رادوج لابنهم
الجده. همه خوش ناس ويحبوج
شهد. يعني شنو كلشي مافهمت شنو تحجون ابنهم يتبناني
الجده. ولج يالفاهيه رايديج يخطبوج الج على سنه الله ورسوله تصيرين مرته
شهد بصدمه. شنو تحجون وانتو موافقين
جده. انتي شنو رأيج الرجال حالته زينه ويخاف الله بيج راح يحبج ويدللج وانتي اكيد ماراح تظلين ويانا طول عمرج راح يجي يوم وتزوجين والرجال قسمتج
شهد. منو هذا الي خطبني
ماما. عمه
الجده. الشيخ خطبج لابنهم مصطفى
شهد بفزع. شنوو هلكد اني على گلبكم تضحون بيه
جده ماريد اني بعدني صغيره واريد اكمل دراستي شنو انخطب حتى صديقاتي راح يضحكون عليه راح يحجون عليه مثل باقي البنات يكولون تزوج وتطلك واني ماريد اتزوج مصطفى جبير هواي عليه هذا بكد بابا ترديني اخذه
احجي وارجف كلشي ولا يوافقون واني ماعرف شي اجت ماما حضنتني
ماما بجي. اهدي ماما احنا وياج مانعوفج
شهد بدموع. ماما اذا صدك تحبوني لاتضحون بيه
الجده. شهد احنا ماعدنا غير طريقه لازم توافقين لان هذي وصيه جدج واختاروج الج الشيخ مقتنع بيج انتي
شهد بجي. الله ينتقم منه وانيي عبالي جبير ومريض طلع اكبر حقير الله ياخذ حقي ماتزوج اريد اطلع من البيت
محمد. يمه اني رافض مو لأن الولد بنتي ماازوجها واخليها تروح بعيد وانحرم من عدها
الجده. مجبور توافق
بابا بغضب. حضرو جنطكم نطلع من البيت ماابقى هناك لحظه بعد بنتي ماانطيها
راح بابا ودخل الغرفه وبدو يحضرون بالجنط واني واكعه بالكاع ابجي وكلساع اكول بلكت مقلب ماتوقعت هذا الحقير يجبرني راح اندمه
طلعت ارجع شفت بيبي بغرفه اهلي وتتعارك وياهم ويظلون يتعاركون وامي تبجي كل الي جان شاغل بالي وين حنروح واحنا ماعدنا بيت وجدتي ظلت تجبرهم اخر شي سمعته
.. اذا طلعت من البيت اتبره منك لاانتي ابني ولااعتبرني شايفتك
محمد. هيج يمه وصلت تتبرين من ابنج علمود وصيه
الجده. ولك ابني افهم سمعتنا
محمد. ماريد السمعه بعد اذا شي يضر بنتي هاي وانه طالع
بعد الي سمعته توقعت كلشي راح تخسر يعني اكيد صعبه بابا يترك اهله وموقفه كلش صعب شنو حيصير بيه ماريد يعوف امه سندت نفسي ع الباب وحجيت من بين دموعي وشهگاتي ورجفتي
شهد. بابا اني موافقه
الجده بارتياح. الف الحمدلله والشكر
محمد بغضب. شنو كلتي شهد اعرف انتي مجبوره لان شفتي موقفنا بس وداعتج اذا طلعنه من البيت راح ترتاحين وگتها انتي مو مجبوره
شهد. لابابا اني موافقه بعدين جده كالت مصطفى راح ياخذني يعني هو كرايبي وماراح ابتعد عنكم
حجيت وجدتي راحت اتصلت واجت ورى ربع ساعه ظلو يقنعوني ارفض بس جنت مصره ماريد اكون اني سبب التفرقه بالعائله قنعتهم
الجده. گلت للشيخ كال ننطيكم ثلاث ايام خلوها تقتنع بالاول وتتحضر احنا جايين نخطبها ونسوي عقد قرآن سوا شنو رأيج شهد
شهد. ميحتاج تسألوني اني صاعده لغرفتي اريد انام
ماما. اخذي راحتج ماما صيحيني اذا تردين شي
_صعدت غرفتي وغلقت الباب وكعت بالكاع اريد الزم نفسي بعد ماكدر انهرت من البجي شوكت اتذكر اكول خسرت حياتي وطفولتي شوكت اريد اتغير تصير وياي شغلات ادمرني وهسا اكثر من قبل الزواج مو لعمري اني مادري شلون راح اصير مسؤوله كمت والدموع متفارگ وجهي توضيت وجيت لبست الجادر صليت العشى وطلعت بالموبايل كمت اتعلم شلون اصلي صلاه الاستخاره اول مره استخير من شي ماعرف جوابه متمنيه مصطفى مايأذيني ولايدمرني
خلصت وتمددت ع الجربايه واحس دتطلع روحي گلبي يحرگني وبطني توجعني..
نمت وماحسيت الا وكعدت الظهر محد اجى كعدني كمت غسلت وبدلت وصليت الظهر نزلت جوه بابا بالشغل ماما بالمطبخ رحت اساعدها
ماما. كعدي شهد لاتسوين شغل ماما
شهد. ليش
ماما. عمتج جايه العصر تريد تاخذج للسوگ
شهد. ماريد اروح اني مالي خلگ اذا علمود التجهيزات انتو جهزو كلشي اني ماعرف
ماما. شهد تعالي ماما ادري انتي وافقتي علمود ابوج ومو متقبله مصطفى كزوج الج بس شيصير لو شويه عاااقل تفرحين نفسج بشي انتي تحبيه الزواج فرصه وحده من العمر
شهد. شوكت تجي
ماما. مادري كالت تخلص شغله وتجي مو انتي كلتي راح تلبسين حجاب يعني لازم تلبسين مالت محجبات وللعقد واشتريلج بشت لان همه بناتهم لبسهم يختلف
شهد. ماما لاتذكريني فهمت حروح وياهم
كعدت بالحديقة وفتحت الموبايل بملل لكيت صديقاتي دزولي هواي رسايل ايه وسدره(لاتتهمون طبعا مو الكاتبه😂صديقتها اسمهه سدره)
💬هلوو شهد
ولج حقيره ردي شو صارلج من البارحه مافتحتي
وكومه رسائل
.. هلو حياتي جنت مشغوله بعدين مو انتو ماعدكم نت
💬اي والله النت ضعيف مشتاقتلج شوكت انداوم
.. اني هم ماظل شي
بقينه نسولف لحد ماراحت تتغده كمت فتحت الرسائل صديقتي اية دازلتلي قطار رسائل
💬وينج حقيره ماتسألين من عطلتي شنو احنه مو مهمين عندج مو
.. باعي اني تعبانه
💬شبيج گلبي
.. مابيه شي هيج مريضه باعي بليل احجي وياج ماما تصيحلي
تهربت من الحقيقه وماگدرت احجيلهم اخجل احجيلهم بهيج سوالف واني مو كد الزواج اعترف
بس ليش بالذات اني هواي عندي بنات عم وهواي اكو غيري حلوات هم وهواي اكو كبار ويردون يتزوجون شمعنى اني الصغيره...
تركت افكاري كمت تغديت واحس معدتي فارغه وماشتهي هيج احس اكو غصه بگلبي
الجده. اكلي خلي شويه يصير بيج حيل صايره صفره
شهد. ماشتهي
الجده. لج بنتي احنه ليش نريد نزوجج تدرين انتي المدلله عد جدج والشيخ اختارج الج لان عدنا وصيه من تكبرين راح تفهميها ماراح تعرفين شنو راح احجي بس اني اشوف ابنهم يناسبج وهاي نعرفهم يعني وين تلكين مثله رجال
شهد. امم رجال بس جبير
الجدة. واذا جان جبير فرق بينكم يمكن9سنوات مو احسن ماتاخذين واحد صغير سنه ويطلكج مصطفى كدها وكدود يكدر يحميج ويدللج ويعاملج مثل بنته ويخاف عليج
شهد بعدم اهتمام. ان شاء الله بس اني مااحبه بسببه راح تدمر حياتي
_______________________________
رائد. بلكت صدك تزوجت غيرك هسا تكدر تخليها تحبك
مصطفى. لك شتحب لبنيه ماتناسبني اكله غيرها بس هو عناد يسوي هيج لان تشبهه
رائد. حتى لو انته تحبها هاك شوف رغد ماجانت تحبني لبنيه اذا ماتتعرف عليك ماتحبك
مصطفى. بت عمك غير شلون ماتعرفك
احمد. مصطفى انته لازم تهدئ كبل لاترفض يجوز فرصتك
مصطفى. انه متورط لان گتلكم احبها انتو ماراح تفتهمون شهد مختلفه عن نسوانكم وماتحب الشخص من شخصيته واسلوبه بس هيا تريد رجال كامل
ليث. وصعب تلكاها اذا ماصارت نصيبك انته متوقع راح تصير لغيرك وين تلكى شخص كامل
حتى لو شخصيتها تختلف عنك الحب يختلف
رائد. لك صاير تحجي بالحب شنو بس لالكيت بت الحلال
ليث بخزره. مو وكتكم
قسور يلهث. جيتكم بخبر
رائد. ياعلييي ياسوالف طايح حظها جايني
قسور. وداعتكم كل واحد ينطيني حمره احجيلكم خبر صاروخ على اذانكم
لزمته من ياخته
احمد. تعال لك احجي لاافصم راسك احجيي
قسور. اخ اخ بس عوفني شني يابه تذلني حتى احجيلك دورق
احمد. هاك اخذ احجي شصار
قسور. اممم مبروك شيخنا راح تعرس
مصطفى بصدمه. شكللت
قسور. الفاهيه اقصد مرتك لبنيه وافقت عليك
مصطفى. شدتحجي لك اذا طلعت هاي سوالفك الطايح حظها اجنزك اليوم
قسور. بصراخ. سمعو يااهل البيت ورب العز مو جذب راح يصير عدنا عرس وعليي
طفرت بغرفه عمي واني گوه لازم اعصابي
مصطفى زمخ. شحجيتلك ارفضض ماريد اتزوج ماريدهاا مااحب شهد عوف لبنيه
الشيخ بعصبيه. لزموه
مصطفى بخزره. جربو وتعالو
الشيخ بغضب. لاتهدد ذوله ولد عمك مو اعدائك
مصطفى. اني اتنازل عن الشيخه تكدر تنطيها الاحمد لان هو هم الجبير
احمد. شيخ عوفني وداعتك كلشي ماعرف بيهه واني دكتور مالي علم بهيج شغله
رائد بتوتر. وانه ماعرف متعلم من عنده
الشيخ بهدوء. طلعو بره اريد احجي وياه
...
الشيخ. تعال مصطفى گلي شكد تحبها
مصطفى. ماحبها مارايدها بس عوفها بحالها ليش شهد بالضبط شعليك بيها
الشيخ. ماعليك بهيج موضوع لازم تعرف هيا وافقت
مصطفى. انتو جبرتوها
الشيخ. بس هيا جان عدها فرصه تخلص من الخطوبه هيا لو مو قويه جان شردت بس استقبلت يعني اكو الك امل لاتكول مااحبها
مصطفى. لا مااحبها صدگني راح تشوف شلون راح اتزوج غيرها
الشيخ. ماتكدر كبل جنت مثلك بس هسا عايش طول عمري بندم
مصطفى. وراح تتندم ع السويته انته تريدني اجبرها شهد ابد ماتتفهمني حتى لو صدكتني هم راح تحقد وكتلك مااحبها
الشيخ. انته تعشقها لبنيه
مصطفى. شلون اعشقها ادري انه جنت معجب بيها
الشيخ بضحكه. جنت بعمرك ماعرف شنو الحب بس من حبيت جميله هيا اخذتني بغير عالم الوحيده الي اصير وياها مثل المي اتنازل واعتذر واتعامل وياها مثل ماهيا تريد وانته هسا متأكد مو بس هذني سويتهن ضحيت الخاطرها وتدري شنهو الشيخه مو سهله وانه تنعد ايامي وانته كبرت لازم تتزوج ويصير عندج جهال يسندوك من تكبر
مصطفى. انه اتزوج بس مو اظلمها وياي
الشيخ. لتاخذ فكرهه وهيا بعدها صغيره كافي تضحي بحياتك اذا راح تظل هيج ماراح تربح شي وانته الخسران
حجى وطلع ظليت افكر بحجيه اخ شهد اخخ منج شسويتي بيه شلون اخلص منج
______________________
نزلت للسوك وياهن شفتهن متونسين حيل وبنات عمتي فرحانات اصلا عكس طيبه وزينه جانو متعصبين بس مادري ليش يلا هنه كل مره هيج
طيبه. قررتي تتحجبين شعجب ترا اكلج الحجاب بالصيف حار وراح تختنگين منه يومين وتذبيه
شهد. يلا عادي مو مشكله اتعود عليه المهم الحجاب فرض وانتي اكبر مني سنتين شعجب مو متحجبه
عمتي. والله شكد قنعناها تلبس الحجاب بس هيا تكول ماكدر حار بالصيف
طيبه. اي اني شوكت احب البس حجاب
شهد. طبعا بس تأكدي هذا فرض الله فرضه علينا
كلبت بعيونها وراحت طبينه لمحل وبنات عمتي يعرفون شحب البس اخذولي هواي قطع ملابس محجبات وبدلات بس مستغربه منين جايبين الفلوس وامي ماانطت شي
شهد بهمس. زينب كولي الصراحه
زينب. اي حبيبي كولي شنو
شهد. منين جايبين فلوس وهلكد دتشترون شهل اسراف بعدين اني مو كل يوم طالعه
زينب. هههههه ولج ندري غير الشيخ انطى امي كله هذوله اريدهن الها وشكد تحتاجون بعد كلولي
شهد بعصبيه. و شنو منطيني فلوس بعدين اني احد كله فقيره اصلا احسن ملابس كله ماركات اشتري راح ارجعهن اله
زينب. ولج اوكفي تعالي مو هذوله جدد غير وهو وصى امي يعني اعتبريهن هديه بس لان وافقتي
شهد. باوعي اذا طلع غير شي ونبي احرگهن
زينب. شبيج شرسه يولي الله يساعد ابن اختي
شهد. الله يصبرني اني
زينب. والله يحبج بس انتي وكحه
كلبت عيوني وطبيت لمحل ثاني قررت اخبث واصرفهن كلهن واخلي عمتي تاخذ من عنده بعد بلكت مصطفى يفلس ويضوج يعوفني كبل لانخطب
فريت المحل كله اخذ شي ورى شي كومه علاليگ صدمتهن ههههه
عبرت دخلت لمول كلشي اخذت ع ذوقي قمصان واحذيه واكسسوارات ومكياج وشفت محل يبيع ورد اشتريت بوكيت ورد
ماما. لاالهنا وكافي شهد زادت عن حدها تدرين شكد صرفتي كم مليون ترا مو جهازج هذا
شهد. ادري شنو ماتردون تشوفوني فرحانه
زينب. افرحي بس مو تفلسيهم ههه راح يفلس الرجال
وفاء. شكد دفعنا؟
شهد:.....
هلكد اتصلي عليه گليله
زينه. اووي شبيج هسا منتظرته يجن ههههه
طيبه بضحكه. والله بعد هالمصاريف منو ياخذج شهد يراد تزوجين ملك
زينه. اي والله صدك تبيع بيت جدي وتشتري ملابس
شهد بضحكه. هههه المهم متونسه بفلوسي حتى اذا اريد احرگهن والشيخ گال شكد تحتاجون بعد كلولي فاعادي مو مشكله
حجيت ولو ادري اني طوخته هواي هالمره ومو علمود الفلوس بلكت صدك يعوفني كلت بلكت هسا يتعصب والله ارجعله الفلوس اهم شي يتركني
وفاء. الوو هلا ابني شلونك...
اي زينه.. اي اي ابني احنا هسا بالسوگ وطلع...
هلكد السعر شهد مشتريه هواي اغراض...
لالا تسلم وليدي هواي بس هيا كالت خابريه اخاف ضاج.....
اي هسا افتحلها
شهد. شنو
وفاء. يكول فتحي سبيكر
شهد. ياعمه اني شعليه ماحجي وياه
وفاء. ولج بس فتحيه ياهو
شهد. هذا
مصطفى. شلونج شهد
شهد بتوتر. تمام
وفاء. ها ابني شوف مشتريه....
هلكد تكول اخاف هواي عليه يمه نرجعهن
مصطفى. جده كليله خلي تكمل مشترياتها وصلتج مليونين يعد اذا تحتاج خلي تكلي
شهد بصدمه. شنوووو عمه انطيني
وفاء. ولج اهدي
شهد. باوع انته راح تعوفني لو لاء
مصطفى. عكب باجر اجيج ونتفاهم
شهد. انته شنو عبالك بهل طريقه راح تخليني احبك ترا كلشي سويته حتى تعوفني
مصطفى. شهد انتي شنو بعقلج شهل افكار راح تصيرين مرتي وحقج تطلبين وداعتج مو بس فلوسي الج آنه كلني الج
شهد. باي
كلبت عيوني وعقدت حواجبي ضايجه منه رحت يمهم انطيت الفون
وفاء. ها شهد شكال
شهد بتوتر. اممم ااا ماحجى شي
زينب بخبث. ليش متوتره شنو ماحجى هههااي وجهج احمر
شهد بغضب. طلبو عصير اريد ليمون يريح اعصابي شويه
ماما. شبيج متعصبه صاير شي ترا تشاقه وياج
شهد. لاعادي مو هيا اصلا مليت خلي نرجع للبيت
باوعت لبنات عمي اثنينهن يطگن غيره كلت لاتصير بيه اشتريلهن شي رفضو گوه يلا قنعوهن واخذو وع اساس مو فرحانات بس عيارات
رجعت للبيت وهم كلشي مااكلت صعدت وظليت ابجي حالتي تعبانه وبس ابجي مالي خلگ احجي شي الصديقاتي ولا لأهلي لان بساطه ماعندي احد اثق بيه جنت اطگ بجي شوكت اتذكر يعني هو متونس راح يخطب واني داتعب نفسي
ياربي ليش هيج الحظ دائما مايحالف بيه ولو مره وحده حتى لو شنو جان شخص مااحبه ومايناسبني شلون راح اعيش ويا هيج شخص...
غفيت واني ابجي ورى نص ساعه كعدت ع صوت موبايل يدك ظل يدك لحد مافتحته
شهد. الووو
.. الو شهد شلونج نايمه
شهد. زينه اي والله هستوني غفيت
مريم. شعجب نايمه من وكت
شهد. جيت من السوك تعبانه
مريم. ها حقج حبيبتي شلونج
شهد بشهك. لاتسأليني يعني انتي مو صديقتي ليش هيج مريم وثقت بيج اني بطفولتي
مريم بحزن. شهد شنو اكدر اسوي بس والله مصطفى يحبج صدگيني وانتي اكيد ماراح تظلين هيج راح يتحول هالحقد الى حب
شهد. اني مااكرهه بس خلي يتركني بحالي ماريد اتزوج ليش وافق
مريم. صدگيني هو هم مجبور حتى لو يحبج ماراد يجبرج والله انتي ماتدرين شصار شي الى هسا هو عصبي وكلنا خايفين من عنده
شهد. شنووو هوو مو رجاال شنووو مجبووور تراا هذي حياته وقراره
مريم. ادري شهد اخوي زلمه وخشن موبس رجال محد يكدر يجبره ع شي بس هو هم يحبج وحاير تدرين خايف يخسرج اول مره اشوف اخوي بهيج حال هذا اخوي المايعجبج انتي ماتدرين شلون عاش عمره كله وتربى ولاتدرين شنو نوع التعذيب والشغل والتعب الي تعبه حتى وصل لهذا الشخص الكدامج فا لتحكمين عليه من شكله
شهد بدموع. انتي هم هيج ماراح تفهميني ولج جربي تعيشين هيج مثلي وحرة بكلشي ويجي رجال يغيرلج حياتج واسلوبج ويگلب حياتج وموازينها وتنغصبين عليه ماالج حل ياحريتج يااهلج
مريم. اعرف هذا شي صعب ع كل بنيه والله ومو لأن اخوي وادافع عنه بس اني لو بمكانج ورجال مثل اخوي يخطبني اوافق بثانيه ومااتردد لان اعرف اخوي من گلبه صدگيني راح يحسدوج ع هيج حب
شهد بجي. ماريد احبه انتي تدرين اسراري عندج واني بحياتي ماعجبني شخص وتدرين شنو احب
مريم. يي ولج لان بعدج صغيره هسا تحبين وتنسيهم
شهد. هههه شعليهم ولج اكلج هذوله مشاهير اكيد راحي تزوجون خمه راح يحبوني بس حلمي جان اسافر واتزوج اجنبي
مريم. خاب دطيري احلامج بعيده انتي راح تصيرين مرت اخوي وعاد وين تردين ياخذج بس اني وياج
شهد. يي صدك انتي اخته نسيت مفروض ماحجي وياج
مريم. يووو شعليه ترا والله گتلهم شهد تحب جيمين امي ظلت تضحك
شهد. يعني فضحتيني
مريم. تقريبا
شهد. لج ميمي اخنگج هسا احد يكلي ليش تعالي واني اعلمج
مريم. لاعيني مو من اجي تخنكين راح اصير اخت رجلج وانتي لازم تصيرين عاقله وهيج جبيره خمه تعوفيهم وتلحكيني
شهد. ها صدك شوكت تجون
مريم. بعد باجر اشتريتي بدله
شهد. اي فستان بس ماما اخذتلي ياه اني ماعجبني كلهم اقنعو بيه وقفطان للعقد
مريم. خوش شنو بقالج بعد
شهد. خلصت بس بقى اروح صالون تكون هنا قريبه علينا
مريم. اي موجود احنا هم اليوم من الصبح العشيره كلها عگب باجر تشوفين بنات عمي كلهن جايين تدرين شوفتهن صورتج وتعجبو بيج والفديو ههههه همه هيج كلهن يضحكون وكيفو عليج
شهد. امممم
مريم. شهد امنتج الله اذا تحبين اهلج وتحبيني تصرفي ويا اخويه زين وصيريله مراه زينه عاملي كزوجج مو اي شخص
شهد. مادري بس انتو حرگتو گلبي اريد ارتاح بعدين اخابرج اوكي
مريم. اوكي ديري بالج ع نفسج عروستنا
غلقت الفون ظليت افكر عقلي راح يتوقف حرت شنو اسوي بلكت ماحبيتك...
نمت من وكت وكعدت بال11 كمت منطلقه اشتغل وياهن ونظفنا البيت حيل تعبنه وسويت كوشه بالبيت جتي بنت عمتي فاطمه وزينب هم ساعدوني جايبين قماشتين لونهه ابيض واحمر كل وحده لونها وحد وكمنا نجيب صفح ونخليه ونشيله ظلينه نفكر اخير شي طلعت شغله حلوه ونازكه
تغدينه ودك الجرس طلعت اختي فتحته فجأه دخل ابن عمي واني مالابسه حجابي كمت اتطفر لزم ايدي
ابراهيم بغضب. شهد اياج توافقين انتي ماتحبيه مصطفى مايشبهج افتهمي
شهد. وخر ايدك لاتلزمني انته شعليك ادري ابن عمي حتكول ولأن مو عندي اخ
زينب. ابراهيم عوفها
شهد. صح اني مو بكيفي وانجبرت بس وافقت وهاهيه يعني انتهت حياتي حلوه لاء محد دخله بيه فهمتو
ابراهيم. شهد احبج والله. واني ابن عمج اولى شنو سوالج وافقتي ها كولي حتى اني هم اسويه الج اني من طفولتي حبيتج وانه صغير بس كليلي شلون عاملتج ضريتج بشي
شهد. ابراهيم افهم انته ومصطفى مااطيقكم صح انته جنت تعاملني زين بس لاتنسى اني هم جنت صغيره مافهم لهذا جنت متعلقه بيك
ابراهيم. اس شمايصير انتي راح تظلين صغيره بنظري مصطفى اناني هو يريد ياخذج عناد بيج لان ماتحبيه لاتشوفين وجهه يبجي كدامج هو يضحك وراج ولان عرف اني احبج راد يفرگنا بس مو بكيفه اريدج وياي شهد
شهد. مافهمت اني شعليه اذا هو شافك تحبني وراد يفرگنا ليش احنا شنو علاقتنا بالله واني ماعاندت بشي شنو تريدني اسوي اكتل نفسي يعني اني مجبوره
ابراهيم بغضب. لعد تنجبين وتجين وياي
لزم ايدي وبده يسحب بي والبنات يسحبوني من ايده راد يطلعني وياه
شهد. وين ماخذني
ابراهيم. امشي نهرب ونكلهم تزوجنا
ماما بجي. يبوو ولك عوف بتي عمه وينج اجى يخربها
الجده.ولك يالماتستحي جيت كدام امها تريد تخطف لبنيه
شهد بجي. ماروح وياك ماروح كتلك عوفني انسى الله يخليك راح تلكى احسن مني
داحجي وياه جر شعري حيل كمت اصرخ وابجي
ابراهيم بغضب. شهد انتي الي غصبن عنج هالمره ادور مصلحتج
شهد بدموع. والله مصلحتي تعوفني كافي اني حياتي خربانه
اجت ماما تسحبني ودك الفون مادري مالت من وشيه اجت زينب تركض
زينب. لحگو مصطفى درى اختي جاي تكول كالب الدنيا بالبيت واحنا لازميه يكول لو يطلع احسله لو اجي احرگه هو واهله
شهد بخوف. ابراهيم الله يخليك اخر فرصه اطلع والله راح يكتلك هالمره شفت هذاك اليوم الله يخليك ابوس ايدك اطلع لاتموت
ابراهيم. معليج شهد ماهتم حتىل لو اموت المهم ماياخذج مسحي دموع ماطلع الا ترفضيه باجر وتلغين الخطوبه اني باجر جايج اعقد عليج
شهد بجي. شنو انت مجنون اني اعتبرك اخويه يعني حتى ماكدر اتصورك شي ثاني
داحجي وياه وطبو ولد عمي مادري شلون عرفو سحبوه وطلعوه
عمار. اهله عرفو شارد من غرفته وعرفنه جاي هنا مبروك مقدما شهد
شهد. الله يبارك بيك
راحو واحنا بقينا خايفين بعدنا. اني مالي نفس لكلشي حتى صالون مارحت ولاسويت اي عنايه حالي كأي بنيه كعدت ابجي ساعات
ماما. كافي بنتي تعبتي هالعيون شوفي حتى انتفخو وباجر العقد عالاقل بس باجر ضبطي امورج
شهد. يمه معقوله اني عندي مناسبه شوفي حالتي كل يوم جاي اتأذى اكثر من القبله شنو اسوي
ماما. توكلي ولاتخلين احد يأثر حجيه عليج ابوج هم ضايج ومتعصب باجر شلون راح ينطيج مادري كومي غسلي ونامي وكلها بيد الله يحلها
شهد بدموع. يمه شنو اكول لصديقاتي
ماما. لاتحجيلهم براحتج همه صديقاتج بالمدرسه راح تخلصين وتتزوجين باجر اريد اشوف ابتسامتج واريدج شهد الاعرفها گبل قويه ماريد تضعفين وتبجين راح يجون اهله لان ولاتتوترين
شهد. ان شاء الله
ماما. يلا كومي غسلي ونامي اوعديني ماتبجين من اعوفج هسا
شهد. لاهاهيه اوعدج هههه الي الله كاتبه الي يصير
كمت غسلت وجيت تمددت
شهد. احبج ماما
حضنتني وباست راسي وطلعت تركض جنت ادري راح تبجي واصلا هيا تمثل كدامي القوه لاهيا ولابابا فرحانين جان كل همهم اكمل دراستي
_______
صباح جديد ويوم جديد كعدت الصبح عزلنه البيت الكل ملتهي بشغل اكلنه من وكت شي خفيف ورحنا للصالون اني وياي كم شخص من بنات عمتي لان خالاته وامي سوت وجهي وتسريحه ومكياج التسريحه خليت شعري ع طوله وخصلات شعري الكدام سويتهن كيرلي والمكياج بسيط يعني اكثر شي ركزت عالحمره لونها احمر عميق وايلاينر عريض جان موديله ورموش فوك رموشي الطوال حسيت عيوني صغرو بالرموش وعيوني مسحوبه بالكحل
.. تشبهين فنانه بس نسيت اسمه
شهد. صدك هههه ماعرف
امنه. لج شنهاي طالعه تخبلين
زينب. نازكه ولعابه
ماما. فدوه الاله بنياتي طالعه لعابه جسمج طولج وجهج يمه شنو هالخدود
شهد. وانتو هم طالعين فد شي مو بس اني طبعا كلجن جمال
امنه. يلا وصل زوجي صعدو
لبست عباتي ولبسوني كبع مال عرسان صعدت وياهم والاجواء ممله هذا زوج بت عمتي متدين وكلساع يشدد علينه فد مره گوه وصلنه البيت كيفت اني طبيت شفت كرايبي كلهن هنا خجلت اطلع راسي بس طبيت ظلو يهلهلون طبيت غرفه بيبي اغراضي كلهن يمهه شلحت ودخلت وياي ماما لبست القفطان عدلت مكياجي وتسريحتي طلعت كعدت بالهول شويه وسمعت وصلو مديت راسي من الجام انصدمت من عددهم احنا كراجنا يوسع ثلاث سيارات متروس اشخاص والزلم كاعدين بالحديقة لان جبيره هواي بس عددهم خيالي معقوله بس هذوله عائلته لو جايب وياه الجيران بس ماشفته يمكن لان دخل گبلهم فاتو عليه بنات
حبابات كعدو وسلمو ومريم جتي فرحانه كلش وحماتي هم ظلت تبوس بيه وتتغزل وتحجي ويا امي راحو نزعو عباتهم واجو كعدو يمي سولفو تعرفت عليهم وظليت اضحك على سوالفهن ماعدا اثنين من البنات ماحبيت تصرفهن بس ناعرفت منو
شويه وصاحوني وكفت يم الباب شويه جان مفتوح وغطو راسي بالكبع اجى السيد ظل يحجي عالزواج وبالدين ويذكر ايات شفت بابا جان كاعد جهه ومصطفى جهه ثانيه اثنينهن رددو سوا وياه جابولي كرسي وكعدت حجى وياي السيد وسألني بنتي موافقه اول شي خفت يعني صدك حصير مرته
السيد. بنتي تسمعيني انتي موافقه اذا انتي موافقه جاوبي نعم وانت وكيلي
شهد بتوتر. نعم انا وكيلتك
الكل😂😂😂😂😂
ماما. ولج شسويتي
شهد بتوتر. يوو اسفه والله توترت شسوي
مريم. هههههه ولج خليتي الزلم كلها تضحك علينه
السيد. يلا بنتي امبين عليج متوتره اهدئي وارجع اسألج
شهد. هدأت شيخ
السيد. شهد محمد.. هل انتي موافقه على زواجكِ من مصطفى....
اذا انتي موافقه كولي نعم وانته وكيلي
شهد. نعم وانت وكيلي
السيد. اذا تمت الخطوبه شايفين الخير نكدر نقرأ سوره الفاتحه هسه
قرينه الفاتحه خلصت شويه واسمع هلاهل والزم طلعو للحديقه مادري شنو صار شو كلها اجت تبوس بيه وتباركلي واشتغلت الاغاني واسمع هوسات الزلم بره
ام مصطفى. بنتي احنا الخطوبه وعقد القران ماردنا نطول بيها لان تدرين طريقنا بعيد بس ان شاء الله النيشان يختلف حبيبتي واتفقو باجر سوو عقد محكمه
شهد. ان شاء الله
كعدت شوي ارتاح واجت مريم
مريم. كومي ولج بدلي
شهد. ليش
مريم. كومي لبسي بدلتج راح يجي ويلبسج الذهب
شهد بصدمه. صدك الذهب شنو بس احنا مااشترينا ذهب
مريم غمزت. عادي عيني احنا نعرف شجنتي تردين من اختاريتي بالسوك
شهد بصدمه. كمت مااعرفج
مريم. دتعالي لبسي بدلتج
طبيت للغرفه
شهد. كل عقلج تبقين وياي تشاقين ظلعي وابدل
مريم. عزا بعينج ليش مطببه وياج زلم هو غير اخته نشوف بلكت ماتعجبيه
شهد.شنوو
مريم بضحكه. يالفاهيه غير جيت اساعدج ولج خمه اخليهن يباوعون لمره اخوي
شهد. اني البس وانتي ساعديني
بعد ماظليت اقنعها طلعت شويه لحد مالبست وهيا اجت شدتلي الحبال مالت الفستان ورتبت مكياجي وتسريحتي الفستان جان طويل وبيه شويه نفشه مو هواي عريض يعني بس من فوك شويه مصلخ ومابيه اردان علاكات بيه
مريم. تجننين لاصدك اخويه راح يغمى عليه ولج شهل بياض هذا شكد تشربين حليب انتي
شهد. ياا شكو شبيج اول مره تشوفيني بيضا؟
مريم. ولج تعالي تغطي تغطي والله هسا يطكنج بعين هذوله مو حلوات
شهد. كل بنيه عدها جمالها الخاص
مريم. والله يحسدوج يمعوده وانتبهي هذا الفستان مو راحه خايبه كلساع ينزل غطي صدرج
شهد بضحكه. ولج شكد ادبسز انتي عيب
مريم. مو مصدگه يعني اختي وصديقتي لااستغفرلله مو اختي بس اقرب شي لروحي راح تعيش وياي
شهد. انجبي ليش مجنونه اعيش وياج
مريم. واني مسويه دراما حتى اأثر عليج باعي تلتقين بأخويه مو اطنكرين بوجهه وتصيرين بومه حبابه بس اليوم فرحيه ولج حرامات هالجمال تخربينه بأفعالج الطفوليه
شهد بضحكه. شكد صلفه
ماما. شهد بنتي وين صرتي تأخرتي
شهد. من وراج امشي وياي ولج متوتره
مريم بضحكه. حقج ترا اخويه ياكل بشر
ضربته على جتفه
وطلعت كعدت بالكوشه لازمه الورد وارجف سووله طريق ودخل واهله ظلو يهلهلون ويهوسون جنت متوتره تريد ارفع راسي بس ماداكدر يمكن صخنت شهل حاله عبالك داأمر بضغط نفسي اني بس شفت حذائه وصل گدامي رفعت راسي لاارادي شفته جان يختلف عن كل مره شفته بيها قبل كاشخ وسابح بعطره بحيث من دخل اني شميت ريحه عطر رجولي باوعلي مبتسم وصل يمي سلم عليه هاي اول مره هيج يقترب ويبوسني صخنت من التوتر انطاني ورد وعلبه ككاو هيج تقديم للعروسه باس راسي وهمس بأذني
مصطفى بهمس. بأذن الله صرتي حلالي
رجفت من حجيه توترت وكف يمي وكعدنه سوا وعمتي ظلت تغني وتهوس وياهم بس اني صخنت وجهي صار احمر خله ايدي بطن ايده وشدها حيل
مصطفى. بويه لاتخافين احنا هم ماناكل بشر
شهد. ماخايفه
مصطفى. متأكده
شهد. من شنو اخاف
مصطفى. ماخايفه لأن لازم ايدج
شهد. لاء ليش اخاف
اجت عمتي انطته لأم مصطفى جابت الذهب واجت يمنا كمت وصورونا لبسني الحلقه بس ايدي ترجف
مصطفى. بيج خوف الله يعلم شكد
شهد بتوتر. ماخايفه
انطتني الحلقه وايدي ترجف كوه خليته بأصبعه ولبسني بقيه الذهب تفاجأت من عمتي من اخذتني طلعت مشتريته كله واني جنت علمود اضوجه
طگولنه صور بالكامره اجت مريم وظلت تخبث وكلساع تريدني احضنه واني اخزر بيها تضحك
خله ايده على خصري وهمس
مصطفى. خطوبه كولي غصبوج هسا الفستان هم غاصبيج عليه
شهد. لاء اني اخترته ليش طالعه مو حلوه؟
باوعلي بنظره يمكن راد يتأكد
مصطفى. طالعه انتي حلوة وللفستان محليج زياده
شهد بخجل. خلصتي تصوير
.. بس شويه نريد ناخذ للحلقات وحده كالت عليها اخت العريس وينهه
مريم. انيي
شهد بخزره. شنو كلتيله
مريم. نريد صوره تكعدين بحضنه وهيج لقطات رومنسيه
شهد. لاء
.. شنوو
شهد. لايعني اقصد خليها غير فقره احسن
مريم. ميخالف هسا وبعدين تتعلمين وتتعودين گلبي ههه جاو اخذو راحتكم بالتصوير اروح ارگص
شهد. تعالييي
مصطفى. ماعليج بيها انتي ممجبوره لان ادري انتي حقج مامتعوده عليه
شهد بتفكير. موافقه خلي نسويها
.. انتو حلوين سوا والفرق بينكم يضحك ههه
شهد. شنوو تضحكين هاي ليش تضحكين
حجيت وياها وجيت اقتربت الها تعصبت حسيت انسحبت بسرعه ورفعني
شهد. عوفني اريد انزل
مصطفى. ريحي اعصابج بالاول لبنيه ماانتقدتج
شهد. نزلني
نزلت وكفت حسيت بتلدوخه عزاا هذا شكد طويل اذا اوصل طوله اصير حاله اغماء كعد وجيت كعدت بحضنه
شهد بغضب. يلا صوري بسرعه
.. اوكفي بس شويه ريلاكس نريد مشهد رومانسي مو عصبي
حجت وهو ضحك عليه وانتجى عالطخم
شهد. ارجع اكعد يلا حتصورنا
مصطفى. شهد اشش بلا لغوه هدوء
يحجي ويلعب شعري وهو مايدري رئسا انعس وانام بس احد يلزم شعري اغفى يحجي واني گوه اقاوم وافتح عيوني صحيت لمن لزم وجهي حيل
مصطفى. شهددد يابه ماتكليلي شبيج هالدقيقه جنتي منطلقه
شهد. كله من وراك
مصطفى. انه لو انتي
شهد. انته خليتني انام وخر ايدك لاتلزم شعري بعد لان انعس كمت
شويه وصارت هوسه وصار تصوير فديو كمنه كصينه الكيك سوا وجيت لزمت الشوكه
مريم. لاالجطل وحده
شهد. لاميصير كلهم يصورون هيج بالجطل كل واحد عنده
مريم. معلينه تاكلون من وحده بس
شهد. عمه احجي وياها اخذته
وفاء. يمه شكو بيها ميخالف هو هسا حلالج هسا تغيرت وجتي فيكات جديده
خلت بالشوكه القطعه وخلتنه نلزمها بدينه بعدين اني ارجف ومساع اكول شوكت تخلص كامو يطلعولي هيج سوالف باوعت اكو هواي كاعدين ديباوعون يعني توتر ملييون
شهد بهمس. لاتتقرب هواي مني ترا متوتره مو خايفه
ابتسم بوجهي واكلنه من نفس الشوكه متت خجل لزمت العصير من التوتر راح اشرب اني صورونا نشرب سوا اخر شي اشتغلت اغنيه من ذوق مريم طفينه الاضويه وشغله الي بالنص ورگصنه
اول مره اسمع هالاغنيه بس شفت مصطفى حافظه لان ديغني وياه باوع بعيوني وخله گصته فوك گصتي وبديت اسمعه شنو يغني
مصطفى. انا عايش عمري لأجلك لاتظن بيوم ازعلك
المهم عندي انته ترضى
وماتفارگ عيني لحظه
ومره ابوسك ومره اشمك
راح اسجل روحي بأسمك
حتى اظل كل عمري يمك
انته بس خليك يمي
خلي انسى وياك همي
انا حاير وين اضمك
انت طيري وصعبه غيري الي يفهمك من احضنك تنسى حزنك وتنسى همك.......
شهد. حافظهه
مصطفى. منو شغلهه
شهد بتوتر. مريم
شفته باوعلها صفح وابتسم
مصطفى بهمس. شهد لاتخافين اني ماأذيج
شهد. ماخايفه منك بس متوتره مادري يمكن لان اول مره اتقرب من هيج شخص
مصطفى. انتي صرتي مرتي شرع وقانون لو شكد علاقتنا تقوه بينه مو حرام وراح تتعودين
خلصت الاغنيه واجينا كعدنا وظلت تاخذلنه صور طلع واني جنت اباوع من الجام لان مسلط ع الحديقه صوت الاغاني وسوو دبچه البنات التمن وياي كمنا نباوع اجوائهم صارت احلا من اجوائنا ورگصهم اكو واحد وگع بالردح مالته ويهوس امبين شكد ارعن كل شويه جاي يضوج بمصطفى وحيل ضوجه اخر شي ظل يسحب بيه حتى بس يدبج وياهم والولد هم سحبوه بس كلهم جانو لابسين دشاديش وغتره اول مره اشوف ناس هواي يلبسون هيج
رغد. باعو. صدفه الاله اخويه رگصه يخبل
مها. اخويه وبس دبااعي هذا الركص بااعي شهد ياهو ركصه احلا
شهد. ههه مادري اي واحد اخوج
مها. اخوي قسور
شهد. شسمه؟
مها. قسور
شهد. يا شهل اسم غريب اول مره اسمع هيج اسم
الاء. هو اسمه مو هلكد غريب بس اليعجبج كاتل روحه على اسمه ومايريد احد يسمي قسور
شهد. اخوج؟
الاء. اي اخويه اني ومها اخوات
شهد. ورغد شتصير منهم
مريم. هاي شداتسون بغيابي
رغد. خلصتي علف
مريم. يي والله جنت ميته جوع بس شفت اكو شي اطيب من الاكل ههههه شهل هوسه باع هاي المره دتشر بالملابس وتباوع
شهد. عزاا صدك مسلطين عالجيران وشون راح يعرفون
مريم. واذا مناسبه عدنا هو منو مادرى
شهد. ليش
مريم. ليش هو بقت مكان. للسياره اكو سيارات خليناها بيت جيرانكم هذوله كبال بيتكم
شهد. يي هذوله بيتهم كبير
مريم. واحد يكول عبالنا زفه
شهد. صدك منصدمه من العدد ما شاء الله
مريم. خلي اعرفج ع الولد هذا قسور بس يتمركص بزر الكعده هذوله خواته الاء ومها وبعد عدهم رائد يصير خطيب رغد واحمد متزوج هاي مرته دلال عنده طفل هذا آدم وسيف وعلي اخوان رغد هيا الوحيده عدهم
وليث وحسين اخوان فاطمه بكدي هيا
شهد. شكد هادئه اختهم عاقله عكسج
فاطمه. هههه اني مو مريم الوكحه
مريم. ههههه شعليه تذبون المشاكل براسي...
شهد هذوله بنات عمتي غزل مو بغداد بيتها بالحله وهاي الوحيده العمتي اخوها شهيد ساكنين وهاي عمتي الثانيه عدها سحر وحور
حجت وكلهن كلبو بعيونهن
شهد. شبيكم
رغد. اذا تردين ترتاحين لاتقتربيلهن احسن
شهد. لااصلا ماعرفهن
رغد. بس احنا تحجين ويانا كل يوم مفهوم
شهد. اوكي
فاطمه. تعالو شوفو ابو خزره كام يذبج وياهن ههه مريم صوري
مريم. اووف كله مريم تصور يااا والله كلهن مايوصلون لأخويه
غزل. حلوو
مريم. انتي شبيج نايمه عالجامه وتباوعين لج بابا فهمي الرجال خاطب
.. اجت يمي خزرتني وعبرت تفاجأت منهه
مريم. معليج گتلج يغارن من عدج انتي دتعالي بااعي زين لأخوي شوفي شكد حلوو وشخصيه ولج فدوه يخبل شخصيته هيبه اكو احسن واحن منه بااعي عوفي هذوله الكوريين وحد حبابه لاتشبهيهن بيه
شهد. ناسيتهم انتي ذكرتيني بيهم اوفف نسيت اليوم عدهم حفله
مريم. صخام خطوبتج ياحفله كلشي ماتباوعين ولج لاتتخبلين
شهد. هههههه
مريم بضحكه. ولاتكدرين تضمين ضحكتج هههه ولج نزلي من الكوشه ههههاي جاهله
شهد. ياشنو جاهله غير داباوع
مشغلين اغنيه جيناك بهايه
مريم. اي هو احنه عاداتنا يسوون هوسات حبيبتي كعدي هسا راح يجيج اخوي
شهد. ها عندي بدله ثانيه ماما كلتلي ورى ماتكصون الكيك لبسيها
مريم. شنو لونها
شهد. فستان لونه اسود وبيه احمر
مريم. يوو لعد كومي لبسين بسرعه كبل لايجي
اخذتني وطبيت للغرفه بدلت لبسته واحس بخجل هذا اختيارهم ظلو يقنعوني بيه شكد گصير وبرزت مفاتني وظهري ولااكدر اكعد بيه دخلت مريم وياها ماما شافتني وظلت تهلهل وتصلي على محمد
شهد بتوتر. ماما اريد ابدل
مريم. شنو لباله تحلمين يخبل طالع عليج اصلا انتي كلشي يلوكلج ولاتخجلين اخويه اصلا كلش عاقل ههههه
ماما. مابيه شي زين على عمرج
شهد. بس حيل گصير
مريم. هو انتي انتيكأ ميحتاج گصير لو طويل
ماما. تعودي حبيبتي لاتخافين هو رجلج مو عيب
شلونه وياج
مريم. كولي ولاتخافين اني صح اخته بس بظهرج
شهد. مادري شكول هو زين يعني ماشفت شي منه بعد
ماما. هسا احنا راح نتركم وحدكم تتعرفون شويه وتحجون بمواضيع تخصكم
شهد بصدمه. شنو واطلع هيج لا ماما هاي تود تكليلي لبسي حجاب وتصلخيني كدام الرجال والله عيب
مريم. مو غريب شهد ولأن مناسبه يحقلج ترا اي بنيه من يجيها خطيبه تترتب وتلبس هيج فساتين عليش خايفه ماراح ياكلج
شهد. هم تكولون خايفه اني ماخايفه بس كبل شويه سألني ع هذاك الفستان وهسا هذا فد مره اذا سألني عليه شجاوبه
ماما. كولي انتي اختاريتيه حتى يعرف انتي مهتمه بخطوبتج يلا بنتي بسرعه
شهد بخوف. بس ماما...
دفعوني وطلعت بالصاله دخلت شفته كاعد ايدي ترجف من التوتر ظل يباوعلي تفشلت من ملابسي غمضت عيوني واني حيل متعصبه اجت مريم تكومني تريدني اركص ظليت اسحب نفسي
مريم. شهد كومي يعني خطوبتج ممعقوله تفوتيها بركصج باعي انا ماعرف اركص
شهد بتوتر. اني هم ماعرف اركص
مصطفى. عوفيها مريم خليها براحته
مريم. شنو والله تكومين يلا حبابه بس كومي
رغد. كومي شهد واني اصفكلج بيدي حبابه
شهد. ماعرف اركص
مريم. ياعزاا جذابه غير تهزين احسن من فيفي عبدو هههه
شهد بهمس. فشلتيني كمت مااثق بيج
مريم بضحكه. يلا عادي هذا اخويه يدلل
شهد. كمت بس لاتزوديها
وكفت انزل بفستاني يطلع الفوك ارفعه يصير كلش گصير عليه ضجت منه سحبوني البنات وعمتي ظلت تهوس مادري شنو تحجي وامه ظلت لازمه ايدي وتركصني گوه لازمه ضحكتي اجت ماما ركصت ويانا
اشتغلت اغنيه الطلقه الروسيه
هواي احب هالاغنيه ركصت ركص رجلي تكسرت من التعب
مريم بضحكه. هزي بخصرج هزي هزي علميني ولج فشله ماعرف
شهد بضحكه. بااعي انطربت عالاغنيه هههه
ام مصطفى. ولج رويسيه منيلج هالحركات احنا جايي نتعلم منج
شهد. عادي رگصي اصلا
ام مصطفى. وتكولين ماتعرفين تركصين ركصج ينضرب بيه المثل
ضحكت بخجل واني نسيت مصطفى هنا درت وجهي رئسا باوعتله دنك راسه ورفع نظره عليه
تفشلت شلون نسيته عزاا هسا شيكول هذي كيفت ماصدكت وكاعده تركص
جنت واكفه بالنص وهمه يهوسون امه راحت يمه همس بأذنه واجت حجت ويا امي
ام مصطفى. ام شهد خوش وكت هسا نعوفهم وحدهم شتكولين
ماما. اي خلصو الفقرات هسا نعرفهم نص ساعه
ام مصطفى. الخاطري بعد انطيهن وكت
ماما. لااعتقد كافي ابوها ميقبل
ام مصطفى. يمعوده صدك تحجين اني احجي وياه
ام شهد. شاوريه انتي لان هو صاحب القرار
شهد بتوتر. ماما اكولج شنو حتعوفونا
ام مصطفى. ولج عليش خايفه هاي الناس كلها كعدت هسا يوزعون الاكل وانتو اخذو راحتكم
شهد. شنو ناخذ راحتنا احنا مو متوترين وكاعدين مرتاحين
ام شهد. اهدي راح يوكف گلبج ولج بتي شحجيت وياج انتي هسا مخطوبه فهمي عادي تكعدون وحدكم
شهد. وين راح
ام مصطفى. طب لهذيج الغرفه تعالي حبيبتي ومن تردين شي صيحونه
ماما. شهد لاتتوترين ماما تتعودين ها
شهد. ماراح اتوتر
وكفت يم الباب الغرفه اريد ادخل بس متوتره شافوني البنات دفعوني وغلقو الباب طبيت جنت راح اوكع رجعت اريد افتح الباب قافلينه
مصطفى. تعالي وداعتج مااكل بشر
شهد. ليش قافلين الباب
مصطفى. يفتحوا تعالي شهد
اقتربت جيت اكعد عالحافه ع اي لحظه اشرد كعدت وظليت اكح اختنگت من الريحه
شهد. مصطفى طفي الجكاير ماكدر اتحمل ريحته
حجيت وبقيت منتظرته يحجي لحد ما طفى الجكاره ظليت متوتره
مصطفى. اذا هلكد تخافين مني وماتردين تزوجين ليش وافقتي
شهد. هيج اني وافقت هذا قراري
مصطفى. شنهو انه جاهل حتى تضحكين عليه شهد تدرين انه مااناسبج
شهد. ميخالف راح اتعود عليك
مصطفى. شنو سوولج حتى هلكد جبروج توافقين تكدرين تحجين ولاتخافين من شي انتي صرتي مرتي
شهد. شوف..........
واني وافقت بس هسا مقتنعه
مصطفى رفع حاجب. متأكده؟
بعد مارديت عليه وشفته كام اجى كعد يمي وحضني اني رئسا نزلت دموعي مسح دموعي باوعلي بعصبيه وحجى
مصطفى. ليش تبجين انتي ممجبوره توافقين حتى لو ليش ضحيتي
شهد. انته ليش مارفضت
مصطفى. شهد اني ماردت اخطبج هيج وبسرعه صدگيني الصار ماراح تفهمين
شهد. لاء افهم احنا الثنين انجبرنا اني موافقه نتزوج بس عندي شرط
مصطفى. شنهو
شهد. اخلص سادس ونتزوج
مصطفى بتفكير. سهله
شهد. بس اخاف مايقبلون
مصطفى. ماعليج سهله انه اقرر شوكت نتزوج.
شهد. يعني انته ماراح تعاتبني لان كتلك..
مصطفى. اش شهد انه احبج وصدگي ماخذج لان احبج انتي لااكدر انساج ولااكدر اعوف التفكير بالي ينشغل كله يمج
شهد بصدمه. شكلت تحبني بس شوكت انته طول هالوكت جنت كارهني وتصيح عليه
مصطفى. افهمي اني مااكرهج انه اضوج من تصرفاتج واعلمج
شهد. وخر ماصدك لاء انته متحبني تريد تتلاعب بيه
مصطفى. اتلاعب بيج وانتي راح تصيرين مرتي؟ شفتي تفكيرج
شهد بتوتر. ماعرف ماداصدك شوكت حبيتني يعني ممعقوله انته ماتحب وحده وانته بهيج عمر جبير
قرب وجهه وخله ايده على وجهي
مصطفى. صدگيني مو مهم شكد حبيت گبلج انه احبج انتي وبس من طفولتج حبيتج من جنتي فرخه
شهد بتفكير. احس هذا الحجي سمعته گبل لاتكوله انته منو
مصطفى. انه الشخص الي وعدتيه مرتين ماراح تنسيه واجاج بكبره ونسيتيه كلشي اعرف عنج جنتي بطفولتج تحبيني شمعنى هسا نسيتيني
شهد. يمكن لان صار هواي بس اتذكر ماشايفتك قبل
مصطفى. شهد اسألج وجاوبي الصراحه تحبين احد
شهد. لاء يعني احب مشاهير
مصطفى. عدا المشاهير
شهد. لاء
مصطفى. ابراهيم شنو يعنيلج
شهد. ابن عمي!
مصطفى. شنهو السبب الي خلاج تكولين عليه ابن عمج مو جنت تموتين عليه
شهد. لا اني مااحبه هيج حب بس من جنت صغيره هو جان الاخ الوحيد الي يحبني هواي ويطلعني ويشتريلي
مصطفى. وانه شنهو جنت اعنيلج
شهد بتفكير. لحظه تذكرت
طفرت رحت اريد افتح الباب بس قافليه علينا ضربته برجلي وجيت متعصبه
شهد بانزعاج. ليش قافلين الباب
مصطفى. وين جنتي رايحه
شهد. انته الي جبتلي لعابه باربي شكله جانت تشبهني وحتى شعرها اسود
مصطفى. شلون تذكرتي
شهد. مريم حجتلي كبل عليها واني تذكرت محد جايبلي هيج لعابه مادري منين اجتني بس جنت احبها ف مادري بمشاعري اني ماعرفك
حجيت واني واكفه متجتفه اباوع بحيره اجى اقترب وگف كبالي لزم راسي وخله ع صدره
مصطفى. سمعي بدكات هالگلب انتي وكولي مااحبج
شهد بتوتر. ههههه ماعرف
ردت ادفعه باسني واحس رجلي بعد ماتشيلني من الخجل گلبي صار يدك بسرعه شاف وجهي مخطوف لونه كعد وضحك علي
ظليت اتنفس بسرعه اريد ارجع طبيعيه
شهد. انته ترراا مايحقلك تلمسني
مصطفى. شكلتي
شهد بتوتر. مايحقلك ت تبوسني اني كبيره مو طفله
مصطفى بضحكه. طفي وجهج صار كلوب بويه كل هذا لأن بستج ومن جنتي ترگصين ماخجلتي مني
شهد. عادي مو مهتمه ليش حتى اخجل
حجيت لزم ايدي وصار يحرك بأصابعي باس ايدي توترت
مصطفى. متأكده؟
شهد بدموع. كافي الله يخليك اهئ لاتضحك
احجي وياه وهو مو يمه مستمر بالوضع يريد يخجلني ظل يلعب بشعري واني مادري ليش ماتحمل من احد يلزم شعري انام غفيت ورا شويه كعدت كبل باوعت خاله راسي ع جتفه ونايمه ظل يكعد بيه
مصطفى باستغراب. شبسرعه نمتي؟
شهد.كله من وراك كتلك لاتلعب بشعري اناام
مصطفى بضحكه. شهد انتي متأكده نمتي لان مساع جنتي تحجين
شهد. شبيك والله نمت
مصطفى. الي يشوف شكلج مو يكول عقلهه مال اطفال
شهد. تراا ماسويت شي طفولي
مصطفى. شمايصير تبقين شهد بنيتي الاحبها
شهد. شكد عمرك
مصطفى. عمري كله الج شكد تنطيني عمر اعتبريه صح كلامج
شهد. ليش عادي والله كول اصلا امبين انته جبير
عادي والله ما راح اضحك
مصطفى. ماحب احجي بعمري
شهد. زعلت؟ اسفه بس والله انا سألت.
خله ايده على شفتي
مصطفى. ماتجوزين انتي شكد تلغين
شهد بتوتر. راح اكل اني جوعانه
كمت سحبت الميز ماحس غير وكعت سحبني كعدني على رجله عزاا شكد استحيت ردت اكوم
مصطفى. اذا گمتي مره ثانيه راح اسوي بيج اكثر
شهد بخوف. اريد اطلع
مصطفى. لاتخافين ماراح آكلج بس كعدي انه اوكلج
شهد. لاحباب ماكدر والله
داحجي عصر خصري وشد عليه كلت هاي نهايتي ظل يوكلني استحيت ماكدر اكل وياه لو ادري هيج راح تصير جان كلت ماجوعانه وراها تعودت عليه عادي بس شفت شكد مهتم بيه ويخاف عليه منتبه لااختنگ
خلصنه جنه نحجي بمواضيع واني ولااكعد افر بالغرفه وكفت يم المزهريه والعب بالورد ظل يسألني هواي اسأله وجنت احجيله عن حبي للثقافات الآسيويه رغم انه هو اكتشفت مايحبهم بس هم مو منتقدهم كشكل ويگول لو لگولهم شغله اشرف من الغناء والرگص جان صار براسهم الخير
ولو ماصبغو شعرهم وهيج جننو بروحهم جان الدنيا صارت بخير
شهد بجي. جانو صغار وفقراء تخيل فلس ماكو بجيبهم ويبيعون بالشارع
مصطفى. اي شكو بيها يبيع بالشارع وين العيب ومن يكبر يلكى شغل احسن كافي تبجين اذا همه عاشو بظروف صعبه عليش يحجون للناس كلمن كبر بظروف صعبه وتعب الله يجازيه
شهد بجي. بس اغلب الناس تحجي عليهم وعدهم انطباع عالدوله هيج وهواي يتنمرون عليهم محد جان يحبهم
مصطفى. الناس ماتخلص حجيها لو شمايكون
شهد. اعرف تدري اغلبهم مايحبوني وبس هيج يمثلون كدامي لهذا مااثق بكل صديقاتي
مصطفى.منو مايحبج
شهد. وحده من صديقاتي افترت عليه وسوتلي مشكله واني ماجنت افهم شنو هيا واشتكت عليه بالمدرسه انه اني حجيت بيها وكلت تركص وهواي سوالف طلعت عليها واصلا هيا البنيه مو زينه وتصادق بالولد والله اني ماجنت استوعب شنو معناها تحجي ويا ولد وتلتقي بيهم ماما حجتلي وصديقتي المقربه.. شلون احجي عليها واني ماعرف شي بس سمعت بالسبب مو بيها بس هيا وصديقتها يغارون مني ويحجون عليه حتى لمن ترجع للبيت اكتشفت اخوها صديق اخوي ولأن اخوها درى هيا سوت شي هيا كالت اني حجيت لأخوي واخوي يروح يفضحه اصلا اخوي مايدري هيا صديقتي واني ماعرف شنو سوت بس قبل سنه اخوها اجى لبيتنا واعتذر وكلي اني كشفته وهيا تغار منج وتحجي عليج كدام صديقته تنزل يم جدتي وتظل تحجي عليج اشطر منها وعندج حظ واعرف افترت عليج لان اخوج صديقي ماعرفت شنو تحجي الاهلها لان اخذو الموبايل من شافوها تصادق بالولد
مصطفى. هاي سالفه بيها عرض واعرفج انتي فاهيه شجابج على هيج صديقه وصخه
شهد. والله مو صديقتي لو تدري جان عنده عداوه ويا صديقته المقربه من الابتدائيه واني وصديقتي نحجي وياهم وصالحناهم والله وحده تحجي عالثانيه وسمعت مشاكل الثنين وصالحتهم ظلو يحجون عليه...
رغم هيج طفولتي جانت حلوه ومن جنت صغيره الكل يحبني جنت مدلله
مصطفى. جنتي تشبهين اللعابه
شهد. ههههه جان عندي خدود كبار
مصطفى. موجودين بعدهن
شهد. اااييي خدي
مصطفى. نفس حجيج ماتغير بس صوتج متغير
شهد. وانته شلون عشت طفولتك
مصطفى. عشت هذا كل الي اعرفه
شهد. يااا اقصد طفولتك اني اشوفك مدلل كلشي موفريلك يعني و اهلك كلهم يحبوك ولد عمك مو مثلي اني هنا بنات عمي كلهن يغارون وعدهن غرور....
مصطفى؟....
بيك شي
جنت احجي وهو صافن على حجيي حضني وخله ايده ع شعري
مصطفى. لاتعوفيني شهد اياج تحجين بطفولتي انتي بس ابقي وياي اوعدج راح تحبيني يلا احجي كولي ماتعوفيني
شهد بصدمه. شنو صار ترا خوفتني ماعرف اني ماحبك بس انطيني وكت
دفعني وراح دفر الباب ظل يدك علمود يفتحوه كمت ابجي وارجف خفت منه ومادري اريده يهدئ رحت لزمت ايده دفعني لحد مااجت اخته كام يمسح عرك گصته وعيونه حمر
مريم. لحظه بس خل افتحه اصبر
مصطفى يحجي من بين سنونه. بسرعه
فتحت الباب ودخلت شافتني ارجف حضنتني
مريم. خويه ترا خوفته شسويت ليش هلكد عصبي اهدي حبيبتي مايسويلج شي
شهد بدموع. مصطفى!
باوع عليه وطلع ظليت ابجي ماعرف ليش
مريم. ولج خربتي مكياجج كافي تبجين اهدي بااعي مايصير اطلعين هيج ويشوفوج شسوة
شهد بدموع. مادري جان يحضني ودفعني
مريم. وماحجى شي؟
شهد. بلى جنه نحجي على طفولتنا
مريم بتفاجأ. اءاخوي حجالج على طفولته؟
شهد ابجي واشهگ. ولج لاء جنت اسئله وصار يكولي لاتعوفيني حسيته يجبرني گتله بس انطيني وكت حتى احبك لان ردت اتعود عليه كام دفعني وهيج صار يخوف
مريم بدموع. سوده عليه اخويه حتى بزواجك ماراح ترتاح...
اهدئي شهد وگوي گلبج لاتخافين جان عصبي وحقه هم زين ماصيح عليج وانتي تخافين مسحي دموعج خل اروح اجيب المكياج ارتاحي شويه
.. ظليت ابجي واريد اهدئ بعد ماگدر
طيبه. ها شهد صارلكم ساعه جوه كلنه هسا حب بينكم ينبع شو طلع وجهه احمر وعصبي شسويتي بيه هههه
زينه بضحكه. هربت العريس
شهد. شعليكم مشاكل بينه احنا نحلها
زينه بضحكه. بأول يوم امبين شكد انتو متفقين سوه
طيبه. عوفج من حجيها بس تدرين صراحه اول من دريت انقهرت عليج بعدين كلت يلا بيج ولابينه لحظه شلون رضيتي تتزوجين واحد جبير عليج
شهد. لأن احبه والحب مو بالعمر ثاني شغله هو مو هلكد جبير هذا يتسمى رجال مو احسن مااخذ اخوج عالاقل ماخذه واحد معتمد على نفسه ويكدر يصرف عليه مو يجي كبل خطوبتي بيوم يريد اهرب وياه
زينه. هئ هاي عليمن ولج انخطبتي وصرتي تتكبرين علينا
شهد. اني تكبرت؟ لو انتو جيتو
مريم. شكو شصاير ولكم ماتستحون على نفسكم هستوه طلع وجيتو طبيتو تزيدون عالبنيه كافي شهل قله ادب عوفوها بحالها ترتاح
زينه. قابل شمسويين بت عمنا وجينه نسأل عليها انتي شكو تدخلين
مريم. تعالي ولج اذا اني ماادخل منو يدخل حرگتي دمي انتي واخوج
شهد بتوسل. ميمي الله يخليج تركيها ماريد تزيد المشاكل
زينه. شوفي اصلا لو مو جبروها جان صارت مرت اخوي لان ابن عمها اولى بيها
مريم. شهل حجي الخايس شو انجبي اخوي يحبها وغصبن عنج وعن الخلفوج شهد تاج راسكم النا واخوي يعشگها
طيبه بغضب. هو هم مجبور يتزوجها
مريم. شو كومي احسلج مجبور باعي بالصور
طلعت الصور وخليتهم يباوعون على رگصهم سوا وفرحه اخويه وابتسامته
ضربت رجلها بالگاع وطلعت جيت ضميت شهد
شهد. شنو شوفتيهن وخليتيهن يطلعون
مريم. ههههه احسلهن خلي يحافظون على كرامتهن شويه حبيبتي انتي زينه
شهد. اي بس شوي تعبانه
مريم باعي هذولي الصور دزيتلج ياهن هههه خليتهن يحترگون
شهد فتحت عيوني على وسعهن. هذوله احنا شلون طلعنا هيج ولاحسيت
مريم. انتو حلوين سوا شكد حلو رگصكم الله وكيلج بقيت اني سنگل ماتحملت اخر شي كمت اركص ويا مها هههه احس راح تحبين اخويه
شهد. كلشي مافهم بالحب لان بعدني صغيره
مريم. يا ترا اصغر منج يحبون عادي راح تكبرين وياه وتحبيه
شهد. تحجين كأنه مجربه الحب
مريم. ههههههههاااي ولج والله كلشي ماعرف بيه ماشايفه غير ولد عمي بلكت بالجامعه يكولون هناك تلتقين بفارس احلامج بس خاف يطلع مطي
شهد. ههههههه
مريم. باعي شلون ضحكتج من فدوه لهل ضحكه حبيبتي
شهد. سويتيها بلا ملح هههههههه
مريم. يلا كومي هاي مكيجتج لاتبجين بعد طلعي وكسري خشومهن اخوي يحبج شهد لاتكسرين گلبه هو صار وياه شي خلاه يتعصب
شهد بابتسامه. اتفهم بس مادري شلون راح احبه واذا ماحبيته شون
مريم. صدگيني تحبيه لان ماكو انسان مايعيش ويا شخص مده ومايتعود عليه ويتقرب منه هاج هذا رقمه عود بعدين اتصلي بيه واحجو خوش
شهد. خوش.....
طلعت بره وشفت نصهن يباوعولي عبالك مسويه شي وبنات عمه يغمزولي ويتبسبسون ويضحكون عقدت حاجبي مستغربه خلص العشى وراهاا شغلو اغاني وظلينا نركص اجت بنت عمتي طيبه وظلت تركص وعود تهز احسن مني وتفاجأهم عفت الخجل جبت شال وشديت على خصري
مريم بضحكه. شدي بعد اختج هههههااي
.. وبديت اركص واهز اني عندي مرونه من جنت صغيره هيج جسمي مرن واعرف اركص باليه والعب رياضه يعني اكدر افتح برجلي على شكل عقارب ساعه باوعت للمكان البنات اغلبهن كعدو يباوعون الركصي وعود طيبه فرحانه شفتهه راح اطك بس ظلت وياي مريم جابتلي الكرسي وغمزتلي
شهد. بااعي مريم اذا صورتيني اخنگج بيدي والله
مريم. اووي دولي ع اساس اخاف
خزرته وصعدت فوك الكرسي والبنات التمو يصفكولي واني واكفه اتمايل عالاغنيه سحبت شعري جبته بجهه طلع ظهري من الفستان
مريم. عزاا بعينج شهد غطي ظهرج ترا اخوي لو يدري يموتج يبووو
شهد. هو شمدريه
مريم. كافي ولج اغراءات باعي شلون يباوعولج اكلج ظهرج ماطگ؟ شلون سويتي هالحركه
شهد. لاميطگ جسمي مرن ولج عطشانه جيبيلي مي
مريم. كد ماركصتي
..
قسور. هاي الرادها وهاي التمناها لابن الشيخ بنت الشيخ جبناها
مصطفى بخزره. لحيت هواي مو كافي دستچن احسلك
قسور. سمعو
الكل. ايي
قسور. اخونا خوش اخوووو
الكل. يستاهل الهوسه
قسور بصياح. اخوناااا خوش اخوووو يستاهل
جيت وكمت افر بالسبحه واهوسلهم شغلت اغنيه
واخوي الزود وحزام الظهر
نغني ونهوس
علي. ابد ميطيح ظهره منكسر
حسين. الخوه جناج وتعلي البشر
قسور. الماله خوان بالدنيا نكسر
اخويه زماط للخوه وفخر...........
اذن الدنيه جر وفره فره
اخويه شلون ادورله حجج
بيت عداي ارج حيطان رج....
علي. من اگول الدنيه ظلمه يركض يضويلي
من اكول الحيل راكد يركض يشد حيلي
قسور بصراخ. اسمععع يخيطه بجروحه لو جرحي كبر اخووي الزود وحزاام الظهر
رائد. ولك كافي تتمرگص
مصطفى. الزم اخوك فضحنه بالمنطقه
قسور بصراخ. خلهم يدرون عساهم دروو كلهم احنا نريد نزوج الشيخ ونفرح بيه
احمد بهمس. لك خجلتنا گدام ابوها
مصطفى. يولل اثگل شويه
قسور. هسا گابل شمسوين هو مو المشيه مالتك يمعودين خمه جايين نقره الفاتحه بداعت الغاليه كوم شيخ احنا نهوسلك
علي. احنا الفزعه
حسين. دبچه جديده
مصطفى. دولي بطران اكعد تورطت وعزمتك
حسام بغمز. حلفك بالغاليه ترده
مصطفى بخزره. شنهو؟
زيد. يقصد مرتك يابه شبيها خل ندبچ
ليث. روحو رگصو بس فك ياخه عني انته الثاني كافي تلح
راحو وگلبو الاغنيه ظلو يهوسون ادري كلشي سووه من محبتهم اليه اصدقائي الي وگفو وياي ذوله السند والچتف الي اسند روحي عليه من اتعب ولد عمي فرحان بيهم ادري همه يحبوني واحد يحبني اكثر من الثاني متعودين لان انا ابن عمهم واخوهم الجبير وقسور من جان صغير هواي متعلق بيه بس هو طبيعته يتحرش ويضوج لان الحفيد الصغير مدلل بزر الكعده😂 شخصيته مرح يحشش هواي يتشاقه ومقالبه ماتخلص اتذكر من جان صغير هو ضعيف بالدراسه جان يرسب واني ادرسه لان يخاف مني ينجح بآخر السنه عاد السادس من ورى تسخيته وبالاخير طلع قانون
ماضوج منه بس ارزله من باب الأدب اريده يغير اسلوبه
كعد اسد يمي عفت صفنتي خله ايده ع جتفي مستحيل الگى مثل اسد يكدر يفهمني بدون لاحجي
اسد بابتسامه. مبروك ابو فهد حجينا ماعجبك شفت
مصطفى. خويه مو مثل لبالك
اسد. وداعتك المره تحب الرجال اليهتم بيها
مصطفى بابتسامه جانبيه. جا شوكت تخطبها
اسد بتوتر. ههههه تعرف نقطه ضعفي
مصطفى. لاتشيل هم كل واحد بينه راح ياخذ اليحبها انته بس لاتستسلم وخليهه على الله
اسد. وعلي شهد محظوظه بيك هواي الله يهديها ويخليك بگلبها
مصطفى. شحجيلك گلبها فارغ متروس ذوله المصبغين
اسد. لعد سالفتك اصعب.. ليش جنت متعصب شحجت وياك
مصطفى بتنهد. مو وكتها
اسد. ادري بيك خويه انته ضايع بسبب الماضي بس لاتتشتت وداعتك كلها منسيه
كاعدين نحجي والتمو علينا سحبو بينا قسور لزمني دك بوس وحضن للمره المليون يباركلي چنه اول مره يشوفني
حسام. ماكو ترا هاي دبچه نريدلنا زود
ليث. ماعرف ولك ردني لالزكك بدفره هسه
رائد. دامهم هلكد يلحون اخر مره وعلي خل تسووها مره ثانيه اسحگك انته وجماعتك
قسور. تأمر يا باشا كلكم ضباط عليه واني خطيه محامي فقير
احمد. كلش فقير واگول آدم عليمن طلع
رائد. هسا دريت ابنك عليمن غير عمه
قسور. هسا يلا عرفتو تعال بعد عمك
وظلو يهوسون لليل عمي عنده شقه جبيره قسمونا نص بالشقه ونص بيت جدي والنسوان بقو بيت اهل شهد
______________
خلصت الحلقات صعدت بدلت وشوي ارتحت وبدينا نظف بالبيت كلهن رجعو ماعدا هذوله نسوان اهل العريس بقو يمنا لان بيتهم بعيد وباجر يرجعون الصبح
ساعدونا وكل شوي مايخلوني اشتغل اخر شي كعدت ميته تعب ورجلي متكسره من الكعب ظلينا نحجي وماحسيت نمت ورا ساعتين صعدت لغرفتي
تمددت هستوني كعدت يعني ماكدر ارجع انام كعدت اكلب بالانستا مابيه شي وصديقاتي جانو فاتحين كبل شويه گلبت للجهه الثانيه دانام باوعت للورد والككاو واني ميته جوع كعدت افتح واكل...
تمددت وصلني اشعار لبالي صديقاتي فتحته
💬شعندج كاعده بال2ونص...........
للحكايا بقايا💞
كل بارت يختلف عن الگبله واحداثه مختلفه
اريد اشوف تعليقاتكم الحلوه ع الكتابات🤍
━━━━━━━━━━━━━━━━━━━━━━━━━━
🌸 هل أعجبتك أحداث القصة؟
💡 لمعرفة تفاصيل هذه الرواية ومتابعة بقية فصولها كاملة وبشكل مسبق وبدون إعلانات:
🔗 تابع القراءة عبر موقعنا الرسمي من هنا: https://kimostories.site/novel/417/احفاد-آل-حارث
نتشرف بوجودكم دائماً في عائلة كيمو ستوريز! 🌸
━━━━━━━━━━━━━━━━━━━━━━━━━━