#احفاد _آل_حارث
الكاتبه: سدرة الطائي
كُلها تتفارّگ وتِنسى
شَمعنىٰ أني ؟
وذَيچ الأيام العظميّة
شلِون ناسِيها بّـ ثواني
ليّش ما صِرت مَثلك
ورحِت حَبيت ثانيّ. ليّش بَاقي لـ هَسة أتاني !
تعليق على الكتابات💞😍
_______________________________________
تونسنا حيل ولعبنه احنا البنات ويا الولد لحد ماصار دنيه ليل عمامي رجعو لبيوتهم ماعدا عمي جان طالع
دخل ابراهيم صاحني كدامهم
ابراهيم. شهد اريد منج دقايق سمعيني
شهد. بسرعه لأن ماكدر ابقى وياك
ابراهيم. شهد اني مضوجج بشي احجي
شهد. لاء
ابراهيم. لعد ليش تعامليني بهيج طريق وكلتي عليه اخوج شنو قصدج
شهد. صح احنا اخوه وبينه حدود يعني فهمت اني عرفت ليش جايبلي هدايا وحلويات انته من جبته مو لأن بت عمك جان اكو سبب
ابراهيم. وحتى اذا جان اكو سبب لعد ليش رفضتي
شهد. ابراهيم انته مثل اخويه
داحجي وياه اقترب راد يلزمني ابتعدت
ابراهيم. شهد لاتسوين هيج وياي انه احبج وراح اسوي كلشي لخاطرج بس لاترفضيني
شهد. انته مثل اخوي مستحيل اكدر أحبك افهم وثاني شي اني بعدني صغيره وانت كبير ليش حتى تاخذ وحده صغيره مثلي ان شاء الله تلكى احسن اتمنالك الخير بس لاتجبرني ع شي مستحيل
داحجي وياه باوعلي واقترب جر ايدي
شهد. ااااي وخر وخر ابراهييم شدتسوي اني بت عمك واختك
ابراهيم. ماكدر اعوفج شهد والله احبج من جنه صغار جنت احميج لأن انتي ملكي
شهد بصراخ. لااني ملكك ولا لأحد ثاني وخر ايدك وهذا تصرف.....
بعدني ماكملت حجي ماشوف غير ابن عمي طايح بالگاع ومصطفى لازمه بالگاع ويضرب بيه خليت ايدي على حلگي ماريد اصرخ بس ارجف من الخوف كلهم جوه منو راح يسمع وهذا مدد بالكراج والثاني يضرب بيه
مصطفى زمخ. لك شنهوو ملك منو
مريم بخوف.خويه تركه الله يخليك ماسوه شي
ارجف واريد احجي بعد ماگدر بس ابجي من المنظر ظل يضرب بيه ويغلط واني ماكدر اشوف النزيف
جيت كلت ماتحمل بعد راح يگتله ظليت اسحب بيه واتوسل يعوفه واحلف ماسوالي شي ويتشاقه
لحد ماشفت ابن عمي خشمه يطك دم ودم من حلگه نزيف وابتسم المنظر جان يخوف ماتحملت اشوف النزيف حسيت دخت وكعت وماحس غير الا شخص يشيلني ويركض
كمت شفت البيت هدوء وماكو اي احد يمي نزلت جوه شفت ماما دتسوي بالعشى هيا وام مصطفى ومريم كاعده ومتعصبه
محمد. ها بنيتي شلون صرتي
شهد. زينه بس احس راسي يوجعني
شويه كمت اتذكر الصار استوعبت المنظر
شهد بخوف. ابراهيم وينه احجو
ماما. ها امي شلون صرتي
شهد. زينه ماما احجولي شصار ترا هذا جان يضربه
حجيت واشرت عليه
بابا. نعرف تعالي لو لا مصطفى جان شصار بيج ليش ماكلتي ابراهيم يتقربلج ويزعجج جان عرفت شلون ربيته
شهد بتفاجأ. بابا ترا ماسوالي شي هو بس لزم ايدي
بابا بغضب. ويلزم ايدج حرام انتي بت عمهه مو اخته
شهد. تدري احنا تربينه سوا يجوز مجان متقصد
بابا بغضب. صوجي انه ربيتج غلط وخليتج وياه
شهد بدموع. خوش لعد تزعل بنتك علمود تراضي هذا ترا هو السوالي مشكله
بابا زمخ. شهدد عدلي تصرفج وياه مو بگدج
مصطفى. شسالفه عمي عوفها تريدني اخلي عقلي ويا زعطوطه
باوعلي كلبت عيوني كدامه
رحت للمطبخ وكمنه نشتغل حسيت مريم بيها شي بالها ابدا مو يمنه
خلصنه تعشينا ونظفنه البيت كلهم فاتو نامو احنا سهرنا جنت مشغله مسلسل كوري واباوع عليه
مريم. البطل يجنن شسمه
شهد. لي جونك سوك هذا بطلي المفضل
مريم. شنوو؟ مافهمت اسمه ولج شسمه
شهد. جونك سوك
حجيت وهيا ظلت تضحك ع اسمه شو انفتح باب الهول طلع اخوها ودخل وكف يمنا ورثله جكاره سديت خشمي
شهد. طفي جكارته اختنكت
مريم. ولج هيا جكاره ههههه
شهد. اخوج ليش مايسمع كلام ترا والله عندي ربو منهه ماتحمل ريحته اكره الجكاير مو زينه عالبشر
مريم. مو هذا لي سوك كاعد يدخن كبل شويه
شهد بهمس. لاهذا شعليج بيه هو هيج سايكو اما اخوج ثور
مريم بهمس. ههههههه خلي يسمعج والله ياشهد ماتخلصين من عده
شهد. اووف شلون اكدر اكمل
حجيت شفته طفاهه هم زين ظليت اباوع للمسلسل لحد ماالبطل انصاب كمت ابجي وصحت فززتهم
جيت كبال التلفزيون حضنته وبجيت
مريم بدموع. كافي دتعالي بلكت يعيش
شهد ابجي واشهق. شلون اكدر اعيش بدونه جونك سوك احب....
دابجي من صدك اتأثر بالمسلسلات واحب الابطال مادري ليش ويا كل مسلسل اتعلث بالبطل ورا مايموت او ينتهي المسلسل اظل اسبوع مكتئبه
جنت ضامه الشاشه بيدي واباوع لصورته وابجي
مصطفى بغضب. لو ميتلج احد بالحقيقة هم هيج تكعدين تبجين عليه
هزيت راسي
مصطفى. وشيصير اذا جان ابن عمج
شهد بجي. ماسمحلك تحجي عليه صح اني ماحبه بس يبقى هو اخوي وتاج راسي فهمت ماكدر انسى شكد جان هو يهتم بيه
مصطفى. وانه ليش ماتذكرتيني
شهد. لأن جنت صغيره وكتلك ماعرفك
اقترب كض ايدي
مصطفى بغضب. بااعي بعيوني زين وتذكري
شهد بدموع. ماتذكرك والله
مريم. خويه اتركه يجوز فعلا ماتكدر تذكرك
عفتهم صعدت كمت ابجي اكره واحد من يصيح عليه لزمت لعابتي ضميتهه وظليت ابجي لحد مانمت
.....
مريم. مصطفى لاتعتقد اني مو فهمت شنو سويته
مصطفى رفع حاجبه. شفتهمتي
مريم. انته تحب شهد شوكت حبيته انته اليوم شفتهه بس ترا شهد بعده صغيره وماراح تتوافقون انته تدري هيا ماتحبك
لزم ايدي حيل
مصطفى بغضب. شون عرفتي ديري بالج اتجيبن سيره هالموضوع كدامها
مريم. تراها ماتحبك لاتنتظر منها شي وانت جبير شلون تقبل تتزوج شخص اكبر منها يفرق هواي انته شفت ابراهيم شكالت عليه كالتله انا وانته منكدر نكون سوا وانته اكبر مني بهواي يعني انسى لاتنتظرها تحبك ترا راح تعذب نفسك بس تذكر انته بعدك تحب سما
مصطفى. شعليها سما هسا لو يصونوها ذهب مااخذه احب شهد وحبي الها سنين مو هسه حبيتها
مريم بصدمه. شنوو وسما
مصطفى بغضب. تأكدت من مشاعري من عفت سما نسيتها بسرعه بس شهد شكد حاولت ارجع اتذكرها
مريم. شلون جانت طفله
مصطفى. ادري بس الگلب اختارهه انه صدگي ماعرف ليش احبها
كمت ابجي ضميته واريد اصيح من قهري عليه
مصطفى باستغراب. لجج شبيج تبجين أذيتج
مريم بجي. خويه اعرف شكد تعذبت انته جنت اشوفك دائما تتعب بكلشي شلون جانو يعاملوك بس هسا تغيرو اني ماريدك تنظلم اعرف سما كسرت گلبك
مصطفى. اس لاتذكريها لبنيه متستاهل احبها بس تورطت ومره ثانيه ماريد اسمع حجي تعبت وهيج يعاملوني وتأذيت ونظلمت هذا حجي گبل جان صار ماضي احنا هسا بغير زمن
مريم بدموع. بس شهد راح تعذبك مصطفى راح تحارب هواي تدري؟
مصطفى. الله كريم اذا صارت قسمتي واذا ماصارت
مريم. واذا ماصارت راح تظل تتعذب وماتتزوج تصير مثل عمي لاء اخويه راح احاول واخليها تحبك بس شهد ليش ماغيرها انته تدري مزاجيه ومدلله عدهم بࢪايك حيقنعوها بالزواج وهيا تريد تسافر وعدها احلام وتحب ذوله الكورين مامعترفه بولد بلدها اصلا
مصطفى. خليهه لاتعترف مو بكلشي يجيها الصافي ليحب يرضى بعيوب حبيبه افتهمتي يلا صعدي نامي تأخرت الوكت كافي لغوه
مريم. ان شاء الله باجر نحجي بالموضوع ولاعبالك راح انسى لسويته اليوم
حجيت وياه وصعدت لان الظاهر انه عنده سهره طويله امبين ماراح يكدر ينام فتحت الباب شفت شهد نايمه اوففف ياشهد شسويتي واخذتي گلبه الحجر شورطج وياه ماراح تگدرين تخلصين منه
اتمنى تحبينه وتتعلقين بيه لو ماادري اخويه شلون من يحب ماجنت راح اسوي شي بس مجبوره
_______
كعدت من وكت اليوم السبت واني مخلصه دراستي لان ادري كل جمعه وسبت يجون خطار وعزايم عدنا اخذت ملابس ونزلت جوه اسبح لان ماكو حمام بغرفتي طبيت صاحتني امي ذبيت الملابس ورحت شطفت وياها بقى اخر شي طفرت من الشغل وفتت سبحت خلصت
باوعت لملابسي ماكو عزااا بسلا نسيتهم بالصاله اووف لكيت خاولي بيضا يمكن مالت بيبي بعد هستوني فتحت الباب شفت مصطفى يتوضى جان راح يغمى عليه
شهد بصراخ. عااااااااا يامامااااا
رئسا سديت الباب وانتجيت عليه مرتعبه وگلبي دك بسرعه من الخوف شلون واني عبالي هذوله يكعدون متأخرين ليش كاعدين من الصبح بعد وكت عصيت بالحمام اريد اطلع ظليت ادك بالباب اريد احد يجي بس ماكو اكيد هسا يتريگون بالحديقه اففففف صفكت الباب
مصطفى. شبيج جنتي فاتحه الباب وتكمزين
شهد بتوتر. ها لاعادي شفت حشره يجوز
مصطفى. يجوز
شهد. اي
مصطفى. شهد اكو شي تردين شي؟
شهد. لاء
مصطفى. زين بويه لعد طلعي لايطب بيج جني ولو هو يشرد من عدج
شهد بانزعاج. شنوووو......
حجيت منزعجه منه بعدين حسيت ماكو صوت عزاا بسلا راح هسا اني منو يجيب ملابسي بلكت انتظر احد خفت لااظل وحدي والله منه وساعه مااطلع واخاف اطلع واحد يشوفني حرام خفت حيل كمت اصيحه
شهد بخوف. مصطفى!!
انتظرت منه رد بس ماكو خفت لايروح واني شلون راح اطلع
فتحت الباب شويه خليت راسي شفت ملابسي عالكرسي كبال الباب باوعت بكل مكان ماموجود واخيرا بدلت وطلعت بسرعه نشفت شعري ونص ساعه مشطته وطلعت للحديقه اخذت صور ويا مريم كعدنه بالمرجوحه وهيا طويله رجليها تصل للگاع شو اني من اكعد وانتجي لي ورا رجلي اطير بالهوا
شهد. انتي شكد طولج
مريم. 165
شهد بصدمه. زرافه
مريم بضحكه. لعد انتي قزمه كل واحد يطلع ع اهله
شهد. صح وانتي ابوج طويل بس امج قصيره هههه
مريم. بس احنا كلنا طوال بس انتي طولج احسه كيوت
شهد. هههههه ليش
مريم بضحكه. هيج حمل خفيف انتي تتغطين بطانيه مالت اطفال تكفيج اما احنا ننام بليل تتكشف رجولنه الصبح ههههه
شهد. ههههه هم صح
مريم. كم صديقه عندج
شهد. صديق؟
مريم. اششش يمعوده ياصديق صدييقه صديييقه سمعي زين
شهد. ولجج سمعتج والله اتشاقه وياج ليش تصيحين عندي صديقتي المقربه اية هاي احجيلها كلشي وعندي صديقتي سدره هاي احبها بس مادري دائما يحذروني من عدها لان اسمع عنها يكولون مو راحه ونور صديقتي هاي ههه مادري مامقربه منها هواي بس هيا تمشي ويا سدره بس اشوفها ادور مشاكل ومريم هاي مسكينه وفاهيه
مريم. امممم مثلج زين لكيتي تشبهج
شهد. لااني بالمدرسه هادئه كلش لان اخاف من الصراخ ومدرسات يصيحون
مريم. انتي جبانه
شهد. لااني حبابه
مريم. اسألج عندج شخص تحبينه شي
شهد. هففف طبعا
مريم بصدمه. ولج منوو
شهد. جيمين
مريم. هههههه ولج گتلج شخص يكون وياج يعني مثل ولد عمج ولد خالج مو هذاك فنان شتحبين بيه
شهد. هو حلوو اني اشوفه ذوقي هو وجونكوك شعليج كلمن وذوقه
مريم. هههههه عاد صدك راح تظلين تحبيهم يعني ترا راح يجي يوم ويكبرون ويتزوجون ويعوفوج خمه تبقين انتي منتظرتهم
شهد. طبعا
مريم. ماتتزوجين
شهد. بلى بس بعدني صغيره ليش تسأليني هيج اسأله
مريم. هيج اريد اعرف شهد اذا اجى واحد وخطبج وقسمتج زينه تقبلين
شهد. اي بس يكون عنده مواصفات الي احبها
مريم. شنو رأيج بأخوي هو عاجبته بنيه ورايد يخطبهه
شهد. ها صدك امممم يخبلل يخبلل وهيج هيج يعني رجال البنات اكيد يحبون اللحيه ومعضل يعني مقبول شوكت يخطبهه
مريم. دسدي حلگج من الابتسامه عابتلج هههههه لعد تقبلين بيه يجي يخطبج
شهد. شنوووو؟ اني لا لا مستحيل اني احب المعضل والكيوت واخوج مو من مواصفاتي اخوج ثور واكبر مني بهواي ويلبس دشداشه وهاي مادري شسمه يلفهه براسه كأنه عايش بعصر قديم ماعنده ستايل شنو شايفتني واني بعدني صغيره ماتزوج هيج وكت
مريم. هههههه شبيج تعااي كعدي شربي مي ولج خبلتيني اتشاقه والله وبعدين وين تلكين هيج احلام بالعراق ومنو كال حتسافرين بااعي انتي ماتعرفي اخويه زين صدگيني انتي لو تعرفين اخويه جان ماحجيتي هيج عليه وهذا الزي العربي شلون مو ستايل من عاداتنا يكشخون هيج انتي شعرفج مو كل الوكت لبسهم هيج
شهد. حتى لو هو يظل مو حلوو بعدين ماعنده ستايل
مريم. هههههه والله الياخذج شلون راح يتورط
شهد. ليش
مريم. وتكولين ليش عزااا شلون
شهد. ولج انتي شلون وياج هم بعدج تردين تزوجيني شنو ثگيله على گلبج اني
عبد الرحمان غير صوته. انيييي اييي
مريم. هههههههه
شهد. انتي لاتضحكين تعال هاي ليش تقلدني شنو اني ماخلص من اخوي طلع الثاني يشبه ياربيي هئ
عبد الرحمان. هئ ومئ وائ
مريم. عزااا ولج شهد بااعي هذوله متفقين
شهد باستغراب. ليش
مريم. ولج باگوو الهيتفون مالتج
شهد بدموع تشاقين
مريم. باعي وربي
حجت وانداريت باوعت اثنينهم هربو احس روحي حطك من العصبيه طفرت وراهم بسرعه ختلت ورا الباب سمعت صوتهم شردو للغرفه وسدو الباب طفرت وراهم واني وجاي اركض اندك راسي بشي صلب لزمت راسي فرگتهه
شهد. ااااييي
مصطفى. شبيج ماتشوفين
شهد. اني شعليه انته طلعت بطريقي وخرر
دفعته وجيت اطب شعري علك بشي رجعت لمكان
شهد. ااااي ترا هاي ثاني مره
مصطفى عقد حاجبه. انه لو انتي شعرج علك بالدگم باوعي ولج اطلعيه بسرعه شعره ماريد اشوف
شهد. اووفف لحظه
طلعت شعري وخلصت ضحكت على شعري واخيرا ارتاحيت انتبهت عليه جان يباوعلي باوعتله مستغربه حركت ايدي بس ماانتبه
مصطفى بتوتر. خلصتي
شهد بفرحه. ايي...
وااو هاي ساعه بلوتوث
مصطفى. اي
شهد. حلوه كلش
مصطفى. ترديها
شهد. لاء مااحتاجها بس اشوفها بالمسلسلات
مصطفى. حتى على ساعتهم منتبهه
شهد. اكيد لان اني اهتم بأدق التفاصيل المهم شكرا لان انت اليوم الصبح
ردت اشرحله توترت كلش مادري شصار بيه رفعت راسي اريد اشرحله شفته مبتسم فتحت عيوني على وسعهن اول مره اشوفه يبتسم خله ايده ع خدي وحجى
مصطفى. ميخالف بس مره ثانيه انتبهي لاتروحين تضيعين نفسج بالغرفه
حجى هيج واني برطمت زعلت
مصطفى. حركات الاطفال
شهد. اني مو طفله
مصطفى. انتي بعدج طفله نشوف بالله شلون انتي جبيره
شهد. مامحتاجه اثبتلك هالشي
مصطفى. نفس حجيج من جنتي طفله
شهد بانزعاج. كافي دكولي طفله اي صح يمكن لان انته هواي جبير وتشوفني هيج صغيره عليك نسيت انته راح تخطب
مصطفى باستغراب. شنو
شهد بفرحه. اي مبروك مو مريم كالتلي تحب وحده وراح تخطبها وحتى كالتلي شنو رايج بيه كشخص بس لاتخاف اني مدحت بيك
مصطفى عقد حاجبه. شهل حجي هذا منين سمعتي كله غلط اني ماحب احد
شهد بتفكير. لعد ليش سألتني
مصطفى. لاتظلين تفكرين تشاقه وياج
عافني وطلع وطفرت للراوتر طفيت الواي فاي عشر دقايق وطلعو هههه طفرت عليهم بالمخده اضرب بيهم
اخذت الهيتفون مالتي وشردو ماكدر الحكهم
عفت الاغراض وجيت ساعدت ماما سوينه غده طبعا اني اعرف اطبخ كلشي ومتعوده بغياب ماما كلشي اسوي بس ماما تاركتني براحتي بس طبعا لازم تعلمني اعتمد ع نفسي نظفت البيت اني ومريم خلصت شغل جيت كعدت يم جده ضميته وظليت ابوس بيه
الجده. دوخرري كافي ضوجتيني
شهد. مااا شنو جده متحبيبني
الجده. ولج منو مايحبج
شهد. جده شتباوعين هم بعد عروس بيروت وسنوات ضياع هسا هيا مو قديمه ليش تباوعيله شنو هالحلقات متخلص
مريم بهمس. ولجج دعوفيها ماتشوفيها شكد مندمجه هههه
شهد. صدك جده هذا شسمه
الجده. خليل
شهد بضحكه. خليل لو جليل ههههه
مريم بهمس. راح تكتلنه وربي هههه
شهد بهمس. صبري خلي نشوف المسلسل بلكت حلوو
مريم. لبناني
شهد. جده هاي منو
الجده. هاي بنته
شهد. اي وشبيها هاي العجوز تغار من مرت ابنه لو شنو
الجده. ولجج يبوووو لاتحجين عليها هيا لو مو تحب ابنه هلكد ماتغار
شهد. وهذا منو زوجهه
الجده. مات رجلهه
مريم بهمس. ولج هذا حبيبها
شهد. هئىى عزاا جده بس لاادورياج حبيب
الجده. يبوووو عليج ولج راح اكوم اكتلج شون ماجوزين من سوالفج يالفاهيه ولك محمد تعال خذ بتك كبل لاابتلي بيها
طفرنه للحديقه اني ومريم لحگتنه بالعوجيه
مريم. ولج لو كتلتج بيها جان شلون راح تخلصين
شهد بضحكه. صدك انتي شايفه من تضربج بيها عبالك مو ايد حديد تعالي نطلع
مريم. وين ولج اخويه ميقبل اطلع اني جبيره
شهد. اي اعرف بس المنطقه امان وصدگيني ماكو احد امشي نروح نشتري لبسنه مابيه شي
احنا جنه لابسين ملابس تقريبا مالت طلعه جنت لابسه فستان صيفي ومن جهه ظهري قوس اكو بس فكيت شعري على ظهري وخليت قراصات صغار وطلعنا ولو هيا ظلت ترفض رحنا للبقاله اشترينه موطه الجو حار كعدنا شويه وفرينه رحنا للحديقه يم بيتنا بعدين جنه راجعين للبيت دكيت الجرس وحسيت اكو وراي شخص حجى
.. شهد؟
شهد باستغراب. انت منو؟
.. تذكريني
شهد. مااعرفك هاي اول مره اشوف هيج شخص
.. والمسبح
شهد بفرحه. فهد لاء مجاي اصدك ابد اانته فهد؟
فهد. اي شلونج شهد متغيره حيل صايره احلا
شهد. ههههه شكرا وانته هم متغير انت مو بكدي شو صاير عندك شوارب وصاير شاب وين جنت مسافر
فهد. ماسافرت جنت بكركوك علمود شغل ابويه هسه خلصنه ورجعنه انتقلنا يعني راح اشوفج هواي
شهد. اها زين
مريم بهمس. شهد كافي عوفيه وخلينه ندخل للبيت
شهد. لا ولج هذا صديق الطفوله وابن صديق بابا جان كل يوم يجي ونسوي سباق بالسباحه مره هو غرگ بالمي واني رجلي انزلگت بالشوك وانفتح اسفل رجلي بسببه ههههه
فهد بضحكه. ذاكرتج قويه
مصطفى. عقد حاجبه. سلام عليكم
فهد. وعليكم السلام هذا منو اخوج؟
شهد بتوتر. هه هه ااا هذا اخوها هيا كرايبي
مصطفى بخزره. وين جنتو
مريم بخوف. ااا اممم شوف احنا ماطلعنا انسد الباب
شهد بتوتر. جنه عند البقاله اشترينا حلويات
حجيت ورئسا غمضت عيوني فتحت عين باوعت شفته خزر اخته طبينه للبيت حتى مالحكت اسلم ع فهد
مصطفى بخزره. وهيج طلعتو تفترون بالشارع
مريم بدموع. تراا والله هيا جبرتني واخذتني مالحكت البس عباتي
شهد.لاتصيح عليها هيا صح اختك بس مو عبيد
مصطفى رفع حاجبه. شنو كلتي؟ اختي اعلمها الصح من الغلط منهوو انتي حتى تمنعيني
شهد. اني ويا الحق واختك ماسوت شي اصلا كلها دقايق من طلعنه
داحجي وابررله حسيت اقترب وگف گبالي گلبي راح يوگف من الخوف رفعت راسي جان يباوعلي
مصطفى. وانتي شلون طالعه هيج
شهد بخوف. ملابسي مابيها شي
مصطفى زمخ. مابيهاا شيي؟ لج انتي شايفه لبسج رجليج طالعه وهذا شنو
دار جسمي ولزم شعري من ورى
شهد. اااي عوف شعري ترا ظهري ممبين
اريد اسحب نفسي من ايده بس ايده قويه حييل نوب لزم ايدي عصرها
مصطفى. يعني لابسه فستان مصلخ وطالعه هيج اهلج يقبلون؟
مريم. خويه عوفها صدكني بس هالمره مانطلع بعد اسفه
شهد بدموع. كافي عوفني منو انته حتى تدخل بيه هو بس رحت اشتريت مو بعيد حتى ومحد شافني
مصطفى بغضب. وهذا النغل وياج
شهد. هئ اعرفه بس صارلي سنين ماشايفته وهسه رجع لبيته وشافني بالطريق
مصطفى. شهد مااطلعين بعد وخل اشوفج بره وحگ علي ماخليج تتنفسين گدامي
شهد. وخرر
طفرت وصلت باب المطبخ وصرخت
شهد. اخوج مجنون
طفرت رحت ورا ماما تأكدت مااجو يعني ارتاح
مر اليوم عادي بس هذا مدري ليش حابسني ميخليني اطلع وهو يطلع بعينه
ثاني يوم داومت وشفت صديقاتي كلهم حجيت ويا اية وگتله شكد عندي كرايبي مزعج جنه راجعين للبيت لمحته واگف بالفرع يحجي ويا واحد يمكن يعرفه من زمان
شهد. يلا صار لازم اروح باي
اية. والله صايره تصرفاتج غريبه
شهد. ايييييه راح تظلين تحجين هيج يلا اني حروح
اية. باي
طفرت وصلت للفرع هو صاحني تجاهلته ومشيت اغني عاف صديقه ولحگني حسيته يمشي وراي وكفت گباله ظل يباوع عليه بالحجاب
مصطفى. ظلي لابسه حجابج احلا
هنا اني تعمدت نزعت الحجاب اختفت ابتسامته بعد راح يحجي وطفرت اركض
طب وراي وشافني الهث من التعب واضحك كرص خدي حيل وسحبه
مصطفى. اني شكلت مو كتلج ماريد تصرفات مالت جهال
شهد برطمت وانقهرت. بس اني طفله
مصطفى. دخيلك ياعلي لاتبجين صح انتي طفله
شهد بغضب. اني مو طفله اني جبيره
مصطفى بصدمه. بالله انتي عمرج15؟
شهد. اي والله
باوعلي وهز ايده وطب يخابر
طبيت لغرفتي سبحت وبدلت وظفرت شعري
كعدنه وتونسنه حيل واخذت حساب مريم ماحسيت بالوكت من اجو لحد ماراحو ثاني يوم كعدت الظهر ماكو
حسيت البيت فارغ حتى بيبي كالت هيج
ورى اسبوع ابتدأت الامتحانات نصف السنه
امتحنا اسبوعين ونجحت
جنت متوقعه راح اداوم بعد امتحانات نصف السنه بس سوولنه عبور
ورى ماخلصو الكليات امتحانات
بنت عمتي سوولها النيشان طبعا لأن ادري ابيت عمتي حتصيرنزلنه للسوك كلشي ماعجبني رجعنه واني كلشي شفته بالسوك يعني ابدا مو ذوق لحذ اخر يوم كبل النيشان نزلنه للسوك جان اكو محل هستوه فتح اخذت فساتين من عنده واحد فضي بينسل وقصير كلش للعرس والثاني شويه بيه طول وفتحه من نص رجليه وبيه فتح بالصدر سويتله تعديلات بسيطه اسود خام
ثاني يوم تجهزت وخليت ميكب خفيف على ذوقي
وحمره مخمليه لونهه وسرحت شعري وخليت زينه للشعر ونزلت
ماما. ولج اطلعين هيج
شهد. اي شكو بيها مو اني كل مره اطلع
ماما. لاهسا غير شكل كبرتي لبشي عبايه وغطي رجليج
شهد.شون اغطيها حاولت بس ماتصير
ماما. روحي جيبي دبابيس وعباتج هذيج الي جبتلج ياها لعد ليش اشتريتلج ماتلبسيها
شهد. عبالي من اتحجب
رحت جبت عباتي وكعدت ماما سوتلي تعديلات هم كمت بالگوه امشي بالكعب عالي كلش لبست العبايه وشديتها
شهد. ها ماما شلوني
ماما. تخبلين فدوه الاله شهل جمال هسه كمت اخاف عليج
شهد. ليش
ماما. سمعي ماما تجين تشوفين العروس وتكعدين ويا بت عمتج لااطلعين كبالهم هذوله ناس منعرفهم واخاف يدورن بنات واحنا شنو ماعدنا بنيه للزواج
هزيت راسي
اجت السياره صعدت عبالي زوج عمتي
عبدلله. ماتسليمن ام خشم
شهد. ههههه هذا انته شلونك
عبدالله. الحمدلله وانتي امبين عليج شنو هذا ولج شهد الزعطوطه جان طوله بكد ايدي
شهد بضحكه. كبرت يلا شو ماتسوك
عبدلله. غير دانتظرج عمتج وبتها
عمتي. سلام عليكم تأخرنه عليكم
الكل. عليكم السلام لا يلا عادي مو مشكله
صعدت عمتي كدام وطيبه ورى يمي والمكياج الي خالته بوجهه هيا لابسه فستان احمر وخاله لون فضي بيه شويه خضار وهيا شون مغروره بعيونها بعد عبالي اخت العروس
طيبه. اووفف شكد مستعجلين كتلهم بس اسوي شعري
عمتي. انتي سكتي كله من وراج لو اعرف ولااخذج من ال7الصبح تسوين بشعرج
طيبه. شعري طويييل
شهد. واذا انا سويته بنص ساعه
طيبه. انتي سكتي شعري مو نفس شعرج سرح بعدين اني سويتلج كيرلي واحسه محلوو ردت اسرحه مثلج امي ماقبلت
شهد. مو هسه تتأخرون
طيبه. ماردت اروح لان احس طالعه مو حلوه
شهد. لاوين تخبلين طالعه
طيبه. صدك منين اشتريتي فستانج
شهد. بعدج ماشفتيه كامل
طيبه. امبين حلوو بس اني مايرهملي هيج شي انتي خشنه اني البس مال اطفال
شهد. لا بالعكس فستانج هم حلوو
طيبه. اصلا ادري حلوو بس كلت اني اكبر منج مفروض اطول واخشن منج
شهد. ها اي بالعكس انتي حلوه هيج ناعمه
حجيت وسكتت شكد تحجي بغرور بعدين وصلنه بيت عمتي جان الكراج فارغ بس الشارع مليان سيارات طبينه باوعت من هذا هاي تحجي وياي واكول شعجب طلعت الثانيه لان ماتجي للنيشان همه دائما هيج مرت عمي من طلعت دائما تسويله زعله وماتجي وهالمره يمكن لان مصطفى ضرب ابنهه
طبيت سلمت ونزعت عباتي وعدلت شعري طيبه ظلت تباوعلي حطگ حيل
شهد. اخخ شعري
طيبه. اوووي شبيج هو خليت ايدي بس اني طالعه مو حلوه شلون
شهد. باعي والله انتي حلووه
طيبه. انتي منو مكيجج
شهد. اني
طيبه. طبعا لأن اني خواتي ماقبلو يمكيجوني واول مره اخلي هيج موديل
شهد. احمم حلوو شبيه يلاامشي نطلع
طلعت من غرفه عمتي وهيا ظلت تعمق بحمرته
شهد. ولج تعالي عوفي المكياج لاتخربين وجهج ازيد
طيبه. تعالي اخليلج
شهد. لاشكرا ماريد وبابا مايقبل اخلي مكياج هواي حتى لو عرس
مشيت رحت كعدت ويا بنات عمتي شو كل انصدمو مني وحده منهم ضربتني ع جتفي هيا تشاقه هواي
. ولج بت حمودي منين جايبه هالجمال هذا لو عندي ابن جبير الا اخذج
شهد. اهوو بدينه وين تاخذيني للمريخ
وفاء. يمه شهل جمال اللهم صلي على محمد صايره عروس
زينب. باعي يما منو العروس اني لو هيا طالعه ابيض مني
وفاء. ولج سكتي هيا بيضا انتي بشرتج حنطيه
زينب. تلمعين لمع ههههه تخبلين
شهد. شكرا حياتي
وفاء بتوتر. يمااا طيبه هم حلوه فدوه شهل جمال
طيبه بفرحه. اني؟
آمنه. لعد منو.. يمه شو اختي بعدها مااجت
وفاء. هسه تجي وصيته على حلويات تجيب بعد
شهد. هسا دكافي تكرصين بيه ااااي وجعتيني
زينب بضحكه. ولج ماكعدتي الا يم هاي نسخه من ابوج
آمنه. ولج منو احلا انه لو ابوج
شهد. اكيد بابا اااااييي انتي انتي
الكل😂😂😂😂
آمنه. شنو اني
شهد. حلوه تخبلين باع ايدي
وفاء بضحكه. هسا دكافي طگعتي ايدين البنت
أمنه بضحكه. يمه شسويله هاذا هيا مال كرص هههه
طيبه. تعالي ناخذ صور بالمطبخ
شهد. اوكي
دخلنا للمطبخ وجنه ناخذ بالسناب وهيا خلتني اصورها اكثر ماصورت وياي اخر وحده جنه ناخذها انفتح الباب
طيبه. منوو اااا مريم شلونج
مريم باستغراب. هلا حبيبتي زينه انتي شلونج اخبارج شهد شلونج
شهد. يروحي مشتاقتلج كومه
مريم. اني هم يلا هسا حنبقى كم يوم نتونس راح ادخل انزع عباتي واجيكم
شهد. وين جنتو
مريم. بالصالون
وراها طبت ام مريم لابسه قفطان ومكيجه وذهب بيده شكد حلوه طالعه سلمت علينه وبوستني
ام مصطفى. هلا هلا بشهوده شلونج
شهد. تمام وانتي شلونج
ام مصطفى. الحمدلله شهل جمال طالعه لعابه حليانه بعد
شهد بخجل. شكرا
طبو يرتاحون شويه ويسلمون عالخطار
بعدين خليت طيبه اطگلي كم صوره واني كاعده عالكرسي ورجل فوك رجل هههه
جنت دانزل رجلي وكع الدبوس ورجلي طلعت
شهد. عزاا شون اطلع هيج دوري وياي حبابه بسرعه
طيبه. خليه ولج حلوو
شهد. لاعيب باعي كلش گصير
طيبه. هم صح اذا تكعدين يطلع فخذج هههه
شهد. وجععع دوري وياي
ظلينه ندور لكيت واحد خليته شويه احسن بس اهم شي ادور عالثاني كبل لايجون اهل العريس
طيبه. ولج لاادنكين
شهد. ليش جاي ادور هسا
طيبه. مو صدرج يبين ههههه
شهد بخجل. ولج بمكان ماتضحكين جان دورتي
طيبه. والله جاي ادور مالكيته وين وكعتيه
شهد. لكيته بعييد هاي شنو جوه الميز عزاا واني لابسه كعب وشعري يتخربط
طيبه. ديلا اني رايحه ارتب شعري لان تخربط تدرين كيرلي يصير كفشه عليه
عفته لان راحت سحبت الكرسي نزلت جوه الميز وكع شعري بصفحه مو متعمده دست ع شعري وصرخت حيل لان بسبب حركتي تأذيت بالدبوس سحبته من فستاني كلت اطلع اروح لماما تسويلي ياهن حسيت اكو شخص طب للمطبخ طلعت من الميز فرحانه عود لكيته باوعت شوكت دخل رجال للمطبخ كمت اصيح
شهد بخوف. تدري خوفتني ياربييي راح انجلط
باوعت هذا مصطفى يمكن عباله ماكو احد بالمطبخ وشايل بيده علب يمكن جايب حلويات انصدمت اول مره اشوفه يلبس مو دشداشه جان لابس رسمي وشويه عند شعر قصير وگفه
اني طلعت وشعري تخربط وجهي احمر وصدري يصعد ويهبط من الخوف شفته يباوعلي ماهتميت انتبهت رجلي عزاا سحبت فستاني وبعد ماكدر امشي لان ضيگ
طيبه. ها شهد شصار وياج
شهد بغضب. وين جنتي
طيبه. مو كتلج اعدل شعري واجيج هااا مصطفى هلوو
جانت تحجي وياي عادي شو نعمت بصوته وكامت تمشي كدامه بثقل على راحته وتجاهلتني رحت لماما سوتلي ياهن واني منتظره طيبه تجي شو تأخرت
مريم.شبيج يولي منتطره منو
شهد.طيبه جانت بالمطبخ طالعه تخبلين
مريم.صدك وانتي هم رشيقه عبالك الفستان مفصل عليج
شهد.والله انتي هم فستانج حلوو
مريم.بس گصير طلع ماعتقدت هيج يمكن لان طويله باعي وين واصل لفخذي استحي اكعد ههههه
شهد.والله حتى اني موتتني الفتحه لان كلش فتحته طويله
مريم.اي صحيح
رحت للمطبخ شفته كاعده ويا عبدلله ومصطفى
شهد. وينج. جنت ادور عليج
طيبه. يي تعالي
عبدلله. ولج فرخه شو تخبلين
شهد. ههههه انته هم ناوي تضوجني يعني اااي خدي
عبدلله. لي حق اكرص خدج بس والله متعجب انت تكبرين شمعنى احنا شيبنا شتكول مصطفى مو صايره حلوه
مصطفى بخزره. اي صحيح
طيبه. ولك واني لعد مو صايره طويله
عبدلله.دولي وجه البريعصي جنج رجال
طيبه. دنجب نسونجي
عبدلله. لج لاتذكريني بالماضي
طيبه بضحكه. عود حزين
عبدلله. انحرمت.. صدك ولج انتي نجحتي لو لاء
طيبه. بعد مااستلمت النتيجه احنا وزاري
عبدلله شو نجبي هاي ثاني مره تعيدين الثالث وتكولين وزاري اصلا لغو الوزاري جاي تمتحنين بمدرستج
طيبه. صعب
عبدلله. وانتي شهد اخذتي نتيجتج
شهد. اي من زمان نجحت
عبدلله. عفيه عليج هسا هاي تستحق انطيج كيكه
طيبه بفرحه. السامعك من جيبك الكيك منين هسا جابه مصطفى للخطار
عبدلله. مصطفى تنطي لشهد كيك لو لاء
مصطفى. ليش تسأل خالي كله الك
.. باوعت ع طيبه محترگه كامت وطبت للهول باوعت الهم عبدلله يضحك
عبدلله بضحكه. خلصتك من اللزگه عفيه عليج شهد
شهد. تراا حرام كسرتو خاطر لبنيه
عبدلله. ليش عدها خاطر دخذي كيكه هاي لو تستحي على حالها جان مالزكت بيه
شهد. ماريد اكل رجعهه هاي للمعازيم
عبدلله. دوخري انتي الثانيه حكم يصيحني
باوعت عليه ضايجه حيل من تصرفهم طلع وعافني ظليت صافنه عالباب وانفخ بوجهي
جنت داباوع بأظافري نسيت منو كاعد يمي
مصطفى رفع حاجبه. بعدج بالمطبخ
شهد بفزع. هاا
مصطفى. سمعتي شحجيت لو لاء طبي جوه
شهد صغرت عيوني. عفوا وانته شعليك
داحجي شو هو مااستحى على حاله اجى واقترب
خليت ايدي ردت ادفعه
شهد. يعني مستحيل انته ماتستحي هيج تقترب داكلك وخر
مصطفى. لج بابا انتي خبله مسحي حمرتج عميقه
شهد. انته شعليك بيه بس فهمني انته
خله ايده ع شفتي
مصطفى. اشش شكد تلغين بسج بويه اهدي ليش متوتره
شهد. لان انته قريب وخر
مصطفى. ليش باربي سمعي ممسموح احد غيري يقتربلج
كرص خشمي
شهد. لاانته ولاغيرك
مصطفى. صدگيني انه موجود هنا بگلبج مادامج حبيتيني من جنتي صغيره راح تحبيني بعدين
شهد. داكولك وخر ايدك لاتلزم شعري اني لاحبيتك بطفولتي ولااعرفك لاتجنني
مصطفى. سهله منطيج وكت لان ادري لو وين ماتروحين راح تبقين الي
شهد باستغراب. شنوو الك؟
مصطفى بابتسامه. جبتلج هديه فتحيها
شهد بتفاجأ. الي اني؟
مصطفى. اي
شهد. بس شنو المناسبه اني مااقربلك شي؟ وبدون سبب ماراح اخذه
مصطفى. هديه نجاحج اخذيها لاتردين هديتي
باوعت لكلامه شكيت شويه فتحت الهديه جنت مفكره العاب او هيج شي
طلعت علبه لونها اسود فتحته وانصدمت كلش عجبني گلاده ناعمه ع شكل فراشه
شهد بفرحه. اتجنن انته شلون مااحب الذهب احب الفضه
مصطفى. آنه كلج اعرفج
شهد بابتسامة. شكرا بس ماراح اتقبل هيج هديه غاليه عبالي جايبلي شي رخيص
مصطفى. مو عيب ترديها والهديه الج؟
شهد. شكرا
مصطفى. ماريدج تشكريني اريدج بس تذكريني لو مره وحده
شهد باستغراب. شوكت نسيتك اااه تقصد قبل يمكن لان جنت طفله بس رغم هيج شكرا لتخاف ماراح متذكرتك
جنت راح ادخل صاحني
شهد بابتسامه. اكو شي ثاني؟
مصطفى. هذا الحجل لابسته برجلج نزعيه
شهد. ليش محلو؟
مصطفى. بويه شنهو الماحلو نزعيه شهد احسلج
شهد. شكد عصبي شبسرعه لحكت تتعصب اووف صعب انزعه مسويه اظافري خليه بعدين انزعه احسن
مصطفى. نزعيه شهد
جنت متوقعه راح يتفهمني بس خفت من صوته حاولت اكعد بس عيب ادنك اني ونوب اطلع رجلي اكله بعدين انزعه مو الا هسا هذا شبيه قافل
كمت انزعه واظفري ينطوي القفل صعب افتحه شافني ماكدرت انزعه دنك وفتحه الي
شهد. تدري اني احب البس حجل ليش خليتني انزعه يعدني حتى ماتونست
مصطفى. من اول مره شفتج بيها جنتي لابسه حجل وكبرتي وبعدج تلبسيه
شهد. صح. بابا وجدي الله يرحمه دائما جانو يشترولي حجوله صمدتهن عندي وبعتهن واشتريت ذهب بس ماحب البسه
مصطفى. هاج هذا حجل
شهد. ليش
مصطفى. لج بويه هذا بتلث اصابيع رجلي يفوت
شهد. هههه انته ضخم
مصطفى. بويه ع الضحكه
ظل يباوعلي فتحت عيوني مستغربه شنو ديحجي
اخذ الگلاده من ايدي ولبسني ياهه خجلت نزلت راسي وعصرت ملابسي بدي
شهد بتوتر. كافي كلش عيب ترا مايصير انته تلبسني الكلاده وليش هلكد دتتقرب مني
عفته ودخلت جانو اهل العريس جايين سلمت ع المره وكعدت ويا البنات ظلو يباوعولنا من فوك لي جوه
مريم. تغطي شهد
شهد. شنو اتغطى بااعي هاي تباوعلج وربي
مريم. وانتي هاي الكاعده يم العروس عود باوعولي حتى خالتي ماسلمت من ايدها راح اطگج عين
شهد. ديلا هسا اثنينا ناكلها
مريم. شناكل تبن
شهد. هههههه لعد شناكل
مريم بغمزه. كلادتج حلوه
شهد بخجل. اكولج نزعيلي ياها حبابه
مريم. ليش خليها حلوه لايگتلج عالفستان
شهد. ادري بس ضوجتني نزعيها
مريم. جذابه محد راح يعرف وعاد كوليلهن منو جابها
وغمزتلي
شهد. هم رجعتي غمزتيلي ياا شبيج والله ادري اخوج بص هو حاله كأي شخص عبدلله هم يجيبلي هدايه وابراهيم
مريم. اهووو هم هذا لعب روحي منه.. ايي الله يزيدج بالهدايه ويكثرهن
شهد بضحكه. اول واخر هديه والله
شغلو اغاني ردح شويه وكامت مريم ركصت بالگوه لان امها كومتها عزاا فد احراج جتي كعدت وهيا منحرجه
مريم. والله بعد لو تسحلني ماكوم
شهد. والله اني ناحيه الركص اعرف بس صعب اكوم وان شاء الله ماما ماتسويها
طيبه. اني بعد ماتحمل حكوم اركص
مريم. عزاا بعينج دباعي شون تهز عود ثگيله هاي هم تعرف تهز بخصرها
شهد. ديلا ع اساس احنا نعرف اصلا اني وهيا جنه نركص سوا اثنينا يصيحولنه فيفي عبدو
مريم. عزاا بعينج بالرداحه
ماما. شهد تعالي ماما لاتستحين نسوان
شهد بتوتر. ها ماعرف اركص ماما عوفنيي
ماما. كومي ولج عيب اتركين ايدي
طيبه. يافدوه كومي اركص وحدي شنو
شهد. لباله هاي مريم اخذيها وياج
مريم. لالا اني ماعرف اركص كومي انتي شهد شويه واجي
شهد. جذابه
ام مصطفى. ولج شهوده كومي شوفينا ركصج
شهد. ماعرف
ام مصطفى. دكومي تعالي
طيبه. بس بالبدايه تتتوترين بعدين ركصي هههه
كمت واني خجلانه ظلو يحركون بيدي واني اباوع بالكاع وراها گلبو الاغنيه شغلو يامنعنع اغنيه مصريه
شويه وشفت الكل يركص اندمجت بالاغنيه وكمت اهز
طيبه. علميني شلون تهزين من الطرفين
شهد. خل اعلم نفسي ليش ادري مو انتي تركصين احسن
طيبه. اي صح
كملنه ركص نص الاغنيه كلبت اتشغلت اغنيه يمكن جديده
.. احبك واستحي من اهلك وارد حي
وعاجبني على خدودك وارد حب
صح اول مره اسمعه بس حبيتهه اني وبنت عمي ردحنا وركصنا نزلنه للكاع اجت مريم يمنه
مريم بهمس. كافي شهد حبيبي فدوه انتي عين عليج
شهد. تعالي ركصي لاتهتمين بيهن
مريم. مو اني انتي
لزمته وكمت اركص طلينا نركص لحد ماكلبو وطب العريس لبسها الذهب وگصو الكيك ورگصو شويه
وراها صار وكت العشى طلعنه للهول وتركنا العرسان
شغلو اغاني جنه كاعدين استغلت اغنيه جديده
نزل سامعتها
كعدنا نغني سوه متونسين
_مكتوبتلك تبقى اليه ومقسومتلك تبقى حبيبي
نصي الثاني وتوئم روحي انه نصيبك وانته نصيبي
قافل على حبك صدك قافل
اعشكلك عشگ جاهل
واريدك بس الية
وحدك تبقى بالگلب وحدك
غيرك ماحب بكدك وريدك بس اليك.......
خلصنه الاغنيه واحنا نضحك ع اصواتنا كملنا تصوير الفديو
طيبه. اوففف طالعه اخزي
شهد ومريم. اهوووو هم كالت هيج
مريم. مسويه ماعدج ثقه وانتي كلساع رافعه بخشمج
طيبه. اني اصلا كلش متواضعه
مريم. كللللشش
شهد. بنات كافي
شويه وكمنا بعد ركصنا وراها راحو اهل العريس
واحنا كعدنا تونسنا حيل سولفنه
جنه نعزل بالاغراض طبو الولد
كعدو ع الكراسي واحنا نشتغل كل شوي اروح واجي يصيحوني دخت وشوكت اروح لغرفه عمتي اشوفه يباوعلي ماارتحت بنظراته
تعبت من الشغل اروح واجي وهذا يباوعلي اتوتر
نوب طيبه عافتنا لان تخاف يتوسخ فستانها كعدت ويا مصطفى تسولف وياه وهو ممنتبه باوعت عليهم اثنينهم وعبدلله جان ضايج منهه شويه ويكوم يگتلهه
وكفت بنص الطريق انتظر يصيحوني بس جان بت عمتي داتشلح بدلته لأن
وكفت اباوع لسوالفهن تعلج وتحجي وياه ومصطفى يخزر بيها وعبدلله يسوي بوكسات من ورا ويعض بيده
طيبه. ياا شبيك انت ليش هلكد كئيب ماتضحك
مصطفى. احد كلج اني اضحك؟
عبدلله. لج خراا بيومج انتي شعليج بيه فهميني
طيبه. احد حجى وياك تذكر مصطفى جنت تصعد بالماطور جنه نتوسل بيك تاخذنا بس شنو انته تاخذ سما وتصعدها وياك ومترجعون بالليل
عبدلله زمخ. لج انتي شعليييج انجبييي بااعي لج اذا كررتي هالحجي مره ثانيه قسم بالله اخنگج بيدي
مصطفى. اي صح جنت اخذها علمود مااصعدج وياي افتهمتي
ضاجت حيل ظلت تباوعله بحقد كامت دخلت للغرفه وصفكت الباب
ماتذكر شنو يحجون وليش تعصبت طردت هالافكار وردت اطب وياها للغرفه جاي اعبر حسيت بإيد لزمت ايدي
مصطفى. تذكرين شهد
شهد. شنو اتذكر؟ اعتقد شي مو يخصني
مصطفى. بله يخصج اكو شي لازم تذكريه
شهد. سما؟
حجيت هو رئسا لزم ايدي يمكن جان عنده رد فعل منها
مصطفى بصدمه. تذكريها
شهد. اي سما جيران عمتي جانت تلعبني من جنت صغيره والعب ويا اخوتها
مصطفى. ماتذكرين غير موقف صار وياج؟
شهد. اووف مصطفى ليش تحسسني عند فقدان ذاكره وخر ودير بالك تتقرب مني بعد لان راح تشوف شنو ممكن اسوي
عبدلله. يالله شبيكم بعد دقيقه رحت اشرب مي وهم تتعاركون
مصطفى وشهد. لاتدخل
عبدلله بصدمه. راح انكتل يعني شصار
شهد بغضب. انته كلي شنو علاقتي بسما هذا ليش يريد يسويلي مشاكل
عبدلله. ههههههه شنو گلتي يالفاهيه
شهد. يريد يسوي مشاكل وباوع الزم ابن اختك احسلك لان جاي يتقربلي
عبدلله بصدمه. يتقربلج روحي شهد طبي للغرفه
سحبت فستاني وطبيت متعصبه ماعرف شنو السبب
______________
طلعنه بالحديقه كعدنا
عبدلله بصراخ. انته متأكد ماتوقعته منكك لك هاي بت عمي عرضي والا شهد مصطفى غيرها بس الا هيا تدري شنو وجودها بالعائله كلنه نحبها ونخاف عليها
مصطفى بغضب. صح هيا اصغر مني بهواي بس شهد الي وماتصير لغيري
عبدلله بحزن وصراخ. وسماا التحبهاا
مصطفى زمخ. ولك لاتكول احبها اكرهه من يوم الي خانتني بيه واني ناسيها احب شهد من زمان بس تخيل كل هالسنوات الي جنت بيها اختفي حتى لااشرفها واتذكرها مو بسبب سما شهد بگلبي من زمان تدري شنو يعني مو بس احبها عشگته
عبدلله. اسمع مصطفى شهد تختلف عن حبيبتك الي خانتك ودير بالك تلعب بمشاعرها و تتسلى بيها حتى تنسى سما لان شهد تختلف اذا تحب ماراح تنسى
مصطفى. مع الاسف خالي وتحجي هيج وياي شنهو بنظرك اني مو رجال وكد وعودي برأيك منو الي خلاني احب سما
عبدلله بتوتر. آسف ماقصد هيج بس مصطفى تدري شنو حجيك يعني لبنيه فاهيه ومطفيه من الدنيه وانت تتقربله شنو مفهمها
مصطفى. لتخاف هيا اخذتها هيج نظره مستحيل اتقرب لشهد اذا ماتصير حلالي
عبدلله. لاابد مو مستوعب انته تحبها
مصطفى. تدري انه ممصدك نفسي احب هاي الطفلة
عبدلله. صح جانت طفله بس كبرت وصايره صاروخ انصحك تغير صير رومنسي لان شهد حساسه وتحب الرومنسيين وكون حجيك يأثر عليها وانته ضابط بعد حجيك كله كومي لج وكعدي خاف عبالك تسيط ع هذي الفرخه
مصطفى. الله كريم نشوف تصير قسمتي لو لاء انتظرها تتخرج
عبدلله. احسن بلكت تعقل مصطفى حبها واهتم بيها بس ماريدك تتقربله ابد شهد عزيزه عليه وصغيره حتى اذا تخطأ اعرف هيا تخاف وراح تكوم تكرهك اذا تغصبها على شي
مصطفى. شهد بگلبي لاتخاف
______
باوعت النسوان يسولفون بس كلشي مافهمت ظلو يحجون داخ راسي اوفف اني ليش ضايجه بس تعبانه حيل خليت راسي على جتف مريم ونمت
...
ماما. ولج ماما كومي بس خل نوصل للبيت ونامي بغرفتج
مريم. خاله عوفيها تنام هنا انطيها ملابس
ماما. لابنتي ابوها مايقبل وبعدين انتو هواي ولج كومي اووف ياربي هاي نومتها ثگيله ولو تظلون تصيحون ماراح تكعد
ظلت تتحرك وتسويه حركات بوجهه منزعج وتبرطم
مريم. ههههههه هاي ليش تصرفاته مثل الاطفال والله عليج حركات
عبدلله. تركوها اني اشيلها
شلته وعباتهه عد امهه طلعت بره بالشارع
مصطفى بغضب. شلون طلعته هيج
عبدلله. مستعجلين محد يشوفها
مصطفى. جيبهه ثق بيه احبهه ماراح ااذيها ونيتي بيضا
عبدلله. بس هالمره اخذها
مصطفى. جيب اي شي بساع اغطيها
عبدلله. عباتهه عد امها
انطيته العبايه وهو ماصدك لفها بيه حتى وجهه وشعرها
عبدلله. مصطفى انت متأكد اخليك توصلهم اذا انته هيج اذا ثقيت بيك راح تخنگها
مصطفى. معليك ماتختنگ
خليته بالسيارة وغطيتها زين
وصلته لبيتهم
ماما. خلف الله عليك ابني سلملي على اهلك
مصطفى. خاله تكدرين تدخليها انتي
ماما. ان شاء الله ولج بتي شجاج ولاتكعد من التعب ليش كعدتي لو ادري فلا اخليج تركصين بعد
مصطفى عقد حاجبه. انه اصعدلج ياهه شوفيلج طريق
ماما. والله يابني مادري شكلك ابوها بالكافتريا يتأخر واخوها صغير
مصطفى. ادري خاله تثقين بيه لو لاء
ماما. لاابني ادري بيك جبير
شلته وصلت لغرفته شعلت الضوه عيوني صوبت من الوردي والبنفسجي شهل غرفه مالت العاب بكل مكان امشي اشوف الوردي اكثر لون اكرهه باوعت للحايط صور ولد جيت صرت كبال الصوره صفنت بيهن جان مكتوبBtsهم ذوله النسوان شنو شافت بيهن وحبتهن من اغانيهن وركصهن لو صبغه الشعر باوعت لوجهه لزمته من خدوده حيل
مصطفى. ولج انتي حلوه شكو تحبين هذوله المايستاهلوج
خليته بالجربايه نزعته الكعب وغطيته ظلت تحجي كلشي مافهمت
مصطفى. شهد شهد كعدي شبيج
تحجي ورموشها تتحرك
.. مم ماما ارريد مم مي
مصطفى. تردين مي
نزلت لامها
ماما. ها ابني هستوني خلصت تبدلين اكو شي
مصطفى. خاله شهد عطشانه صعديلها مي
ماما. اي هسا وين رايح اكعد اضيفك
مصطفى. تسلمين خاله ماظل وكت شتحتاجين انه موجود
ماما. ماتقصر ابني
سلمت وطلعت صعدت السياره سگت وگفت السياره بالفرع مادري شبيه اتذكرها اتذكر شكلها اليوم شهد كبرت هواي عن قبل طلعت صورتهه القديمه صايره تختلف بس بعدها نفس الملامح وخدودها
گلبي صار يدك بسرعه شوكت اتذكرها گلبي يضعف گدامها
گلبت بالاغاني اشتغلت اغنيه ل حاتم
مشتاگ له ومو داري
مشتعله بالحب ناري...
سهران انا مخليني
حاير واعد بنجومه
....
انه ليش احبج وگلبي ليش تعلق بيج شكد راح اتعذب حتى احصلج شكد راح اتحمل مااتقربلج اريدج الي تصيرين لو تصيرين الي شهد لو الموت ارحملي.....
طبيت متأخر للبيت....
___________
كعدت واني احس جسمي متكسر باوعت لابسه بجامتي وهاي غرفتي كمت باوعت مكياج بعده بوجهي ماتذكر شي غير جانو يحجون ونمت
طبت امي لغرفتي
ماما. ها ماما صباح الخير
شهد. صباح النور ماما اني شجابني هنا
ماما. مصطفى البارحه وصلنه
شهد. شو مااتذكر
ماما. طبعا جنتي نايمه نضرب بيج وماتكعدين
شهد. مادري
كمت دافتح الكنتور باوعت للحايط صور bts ماكو
طفرت للحايط اباوع
مامااااااااا
ماما. وجع لهل صوت شبيج
شهد. صور فرقتي ويييين
ماما. مادري شعرفني بيهم اني
شهد. تمام روحي اني اجي وراج
طلعت واني گلبي محترگ دورت عالصور بكل مكان
شهد بجي. مصطفىىىىى ياحقيييير اهئ اهئ راح اندمك واحرگ گلبك مثل ماحرگت گلبي عاااااا
ضربت رجلي بالكنتور وصحت
نزلت تريگت وصعدت سبحت وسرحت شعري وسويت تسريحه بسيطه وتاج فضي لبست وخليت مكياج لوك جديد سحبت عيوني
لبست فستان فضي گصير بس جان مقبط بدون اردان ولبست الحجل برجلي
هالمره طلعت بدون عباتي ولااي شي بابا وصلنه لبيت عمتي اصلا مالحكنا سلمنه عليهم بس وصارت الزفه لأن جانت بدايه كورونا غلقو القاعات ومن حظها تزوجت بيت حماها طلعنا شفت سيارات هواي راح يوصلونا بس التابعه لاهل العريس احنا ظلينه اخير شي صعدنا سياره كيه جتي وياي طيبه
كعدنا بالخلف امي كعدت بالوسط
جان راح يسوگ الرجال شو طب ويانا سلم وكعدبصف امي صار گدامي من شفته حيل ضجت كمت اصخن
طيبه. شبيج شهد
شهد. ماكو شي اكلج تعالي شويه ننزل
طيبه. ليش
شهد بهمس. باعي هذا مادري شبيه والله اذا يشوفني لابسه هيج يظل يصيح عليه
طيبه. صدك هو شعليه يمعود معليج منه لاتسمعين كلامه ابد
شهد. تمام
طيبه. تعالي ناخذ صور
شهد. اووف شكد تصورين يلا
اخذنا صور وحسيت هذا الثاني يباوع علينه بالمرايه
وهذا السايگ بس يشغل اغاني ردح
مصطفى. خويه رحم الله والديك نصي الاغاني
.. نصيته
مصطفى. نصيه بعد
طيبه. لاخليها كلش حلوه ههههه
شهد بهمس. طيبه عيب لاتضحكين ويا الرجال هذا يمكن عياله نضحك وياه كام يشغل
كمنه نغني تونسنه وكفت السياره بصف بيت نزلنه
وجنت دانزل حجى يم اذني
مصطفى. وداعتج سهله انه اعلمج
طبيت للصاله واني گلبي يرجف ماعرف ليش اخاف منه
انتهى العرس بسرعه وماحسيت غير نبجي ونودع العروس ظلينه نبجي عليها واخذنا صوره جماعيه
وصعدت بالسياره ابجي عليها وهنه يهدوني اني لان متعوده عليها من جنت طفله هاي ادير بالها عليه
وصلت للبيت ظليت ابجي مرت شهرين واني حيل ضايجه صارلنه هواي ماطلعنه حجيت ويا مريم وهيا هن كالت حيل ضايجه ورا اسبوع ابوي خابر بت عمتي وكلتله نطلع سفره لدهوك هو قبل لان ماطالعين وياهم
جهزنه الاغراض لان راح نظل يومين وصديق بابا عنده فندق بسولاڤ بدهوك حجز عنده قبل بيوم شقه بيها تلث غرف حجز وحده لان زوج عمتي كال احنا نحجز عد غيره واحنا ندري زوج عمتي جبير وعقله مال اطفال وهواي يحارش الاطفال جنه طالعين احنا وعمتي وبناته اثنين ام مصطفى وزينب جتي بيت اهلها وعمي الجبير وحده هو وابنه
صعدنا من الصبح عمتي طلعو رايحين كبلنه بيوم
رحنا ويا بت عمتي
تقريبا ساعتين وصلنا مصيف سولاڤ وصلنه شارع الفندق جنت لابسه فستان صيفي اصفر وشفقه ونظارتي وخاله تنت وردي نزلت يم الجبل بابا صورني وراحو يدورون على عمي وعمتي خابروهم اخر شي لكينه شقه درج صعدنا ودخلنه شقه اصلا ممر مو شقه صغيره وابد موحلوه لعبت روحي من المكان
محمد. اني مو كتلكم راح تتعذبون بس ذبيتو فلوسكم على شي مايسوه
عمي. اني شمدريني راح يجيبوني لهيج مكان
محمد. شيلو اغراضكم وامشو احجزلكم عد صديقي
طلعنه من المكان وصلنه الفندق شكله يخبل نزلت شفت مصطفى دايحجي ويا صديق بابا واخيرا هم زين مالبس دشاديش من نظارته عرفته جيت ركضت
شهد. عمو عمو چيا
...
كم مره كلتلج اسمي مو چيا
شهد. چاوانى عمو چاوانى مصطفى
.. باشه...
كبرانه
مصطفى. والله حاير شجاوبج
شهد. ههههه شلونك
مصطفى. هسه زين وانتي تفاحه
كرص خدي
شهد. اوفف لاتصيحني هيج
نزعت الشفقه وعدلت شعري
شهد. تراااامم
مصطفى. يلا كافي شهد صعدي للشقه
صعدت للشقه كلش حلوه حجزنه شقتين نفس الشي ومكانهم عالبلكون يعني كل دقيقه واحد طالع وفايت لشقه الثانيه حيل تونسنا صارت دنيه ليل طلعنه للسوك بليل
لبست شورت جينز وقميص صيفي بدون اردان ومربوط من الحلگ وشفقتي ونظارات
نزلنه للسوك جنت لابسه تكرمون صندل بالمي نزلنه اخذنه صور بالشلالات
حيل تونست جنت اكل مصاصه جبيره وامشي كبل اهلي مصطفى جان واكف يمي والاغاني تشتغل جان يغني بصوت خافت اسمعه
.. اريد اكلك اني قافل عليك واريد اشرد بيك تروح ماخليك
وراها انتهت الاغنيه جنا راجعين سمعته يغني مره ثانيه
.--تبقى حبيبي بالگلب منك ولااتبرى
والباقي يطلع برة حبي الابد مااخسره
والي عايش بگلبي انته نعمه من ربيي......
ظل يغني الاغنيه جان حافظهه مثل اسمهه بس الغريب صوته حلوو احلا من عنده......
الاحداث
شهد بجي. اكرهكم هواي كلشي بسببكم صار
--اسفين بس العمليه نسبه نجاحها خطره
--عمي توقعت كلشي منك بس مالت تدمر حياتي....
--راح اطلع من البيت وخلوه الكم بس عائلتي لاتتقربولها بعد
شهد بجي. اني اكرهك.....
للحكايا بقايا.. 💞
انتضرو البارت الجاي..
تفاعلوو🔥
━━━━━━━━━━━━━━━━━━━━━━━━━━
🌸 هل أعجبتك أحداث القصة؟
💡 لمعرفة تفاصيل هذه الرواية ومتابعة بقية فصولها كاملة وبشكل مسبق وبدون إعلانات:
🔗 تابع القراءة عبر موقعنا الرسمي من هنا: https://kimostories.site/novel/417/احفاد-آل-حارث
نتشرف بوجودكم دائماً في عائلة كيمو ستوريز! 🌸
━━━━━━━━━━━━━━━━━━━━━━━━━━