احفاد_آل_حارث
الكاتبة: سدرة الطائي
يوزر انستا انشر يوم بيوم_sejkm
سولفلي ليش اتغيرت...
شنو اليغث بحچايتي
وانتَ، الوحيد بگلبي من
دون اهل ولايتي!!
علقوا بين الكتابات🥺💞انطوني رأيكم
_______________________________________
جنت خاتله جوه جربايه داخل ملجأ جوة البيت واسمع اصوات الطلك والصواريغ مطر نازله عالبشر بجيت من الخوف اهلي صعدو للبيت وبابا طلع بره بالحديقة علمود جان عنده طيور خلف البيت راح يخلي اكل
صعدت واني ارجف من الصوت احنا وبيت عمي عايشين بيت جدي وعمي ياسر بيته بعيد كلش من عرفو راح يصير حِصار اجى كعد بالبيت الي گبالنه همه بيت نصاره بس طلعو من المنطقه والبيت جان فارغ وانطو البيت الجدي جنت اروح ادخل لبيتهم دائما
بس البيت جان مسكون كد مافارغ جدي جان يروح يسگي حديقتهم جبيره.. من طبو داعش اخذو البيت وباگو كل اغراضهم تاليهه عافوه فارغ ومفتوح
جنه مجبورين نعيش هذيج الايام ونتحمل ونصبر لحد ماالله يفرج
كل يوم عايشين برعب اكثر من القبله جنت طفله مرحه واتشاقه هواي وطفوليه بس احس روحي كبرت10سنوات فوگ عمري نفسيتي تعبت صرت اخاف من اي صوت واظل هادئه عايشه بصدمه وبقدر الله باقيه كل يوم جايين هذوله الداع*ش وخالين سياره كبال بيتنا جنه نخاف من يخلوها لان نعرف اذا انضرب المكان احنا نموت اكرههم لدرجه خصوصا من يحاجوني ولاكأنه گتلو اهلنا وشعبنا وانحرمت من دراستي عفت دراستي بسبب مناهجهم الي كله جانت اسلحه وصواريخ وكله غلط بالدين يعلمون الطفل عالكفر ويخلوه يبايع في حال ينشر الدين بالغلط هواي اشخاص اعرفهم جانو خوش ناس وراحو انطو ارواحهم لداع*ش واستشهدو
مره طلعت باب الحوش كلت اروح لبيت عمي جيرانه ماتأخر وشفت السياره بنفس المكان وهذوله داع*ش كاعدين كبال الحوش وخالين بطوله او وصلت ريحه الخمر يمي ماتحملت رئسا طبيت خايفه تقيئت من الريحه
فوگ ماهمه جايفين مايسبحون هذوله شلون يتوضون اصلا گاتلهن الوصخ فوگاهه شاربين حرام
طبيت لجدي وحجيتله جدي مايخاف منهم يحاجيهم ويطردهم طلع بره حجى وياهم وفعلا راحو حتى ماخذين السياره
اشهر چنه منتظرين يحررون المثنى وجان اسعد يوم النا يوم التحرير
عمي رجع لمنطقته لان حرروها گبلنه واهل امي تحررو كبلنه هم امي خافت لان منطقه قريبه علينا بعدها ماتحررت چنه عايشين بخوف
تاليهه بابا اخذنا لبيت اهل امي
حزمنه الجنط لان مانعرف شنو حالنا راح نعيش لو نموت طلعنه من بيتنا مثل النازحين مشينا طريق كله خراب وصلنه للمجسر شفنه الجسر مكسور والناس تعبر عليه جان اصعب موقف
شفت صديقتي الي وياي بالمدرسه بعد ثلاث سنوات من فراقنا كلش فرحت
جيت ردت اعبر خفت من المكان اجى رجال شالني وعبرني انطاني جكليت وابتسملي رغم المصاعب والشفناه يظل اكو ناس طيبه ويانا
عبرت اني وصديقتي طيبه نمشي سوا جنت كلش متعلقه بيهه لان اول شخص اشوفه بعد سنوات
وصلنه لشارع سايدين جانت لابسه جنطه ع ظهرها ثگيله واگفه تنتظر اهله عبرتهه بهواي لان اهلي بعيدين رحت اركض يمهم
ماسمع غير صوت اختل توازني وكعت بالكاع اريد احجي ماكدر صدمتي....
شفت صديقتي وكع عليها هاون وشضايه تطاير بابا سحبني بمكان شفته گدام عيني تگطعت صارت ايدها بمكان وراسهه بمكان ثاني انسحگت عضامها ماشوف غير راسهه صار گبالي اريد ابجي من صدمتي ماعرف شدايصير بس اشهگ وماگدر احجي كمت اصيح وگلبي يأذيني من الموقف الشفتهه حيل جان صعب بالنسبه لأي بنيه صغيره او جبيره
بابا غمض عيوني وشالني رئسا ظليت ابجي واتوسل يعوفوني اروحله المكان خطر باوعت ع امها تلطم وتضرب بنفسها وتلملم بچثه بنتهه وگلبهه محروگ الكل محروگ گلبه عليها ترحمو عليها بقيت مصدومه شكد حاولو يخلوني انسى الي شفته گدامي بس للاسف الي صار مو قليل
تعبنه هواي من المشي والحوادث الي داتصير ويانا
ثلاثه استشهدو بلمح البصر صارو جثث لگيناهم
واخيرا بعد تعب ومعاناه گدرنه نوصل لمكان بيه جان بيه الجيش واگفين منتظرينه يعبرونه
الطريق جان مسدود بس بيه مكان ضيق بيه عبره يعبرون منه الناس عبرت وياهم اختنكت من الازدحام
اكو واحد لزمني رفعت راسي شفت واحد من الجيش شالني وباس راسي بس ماكدرت اشوف وجهه لأن جان ملثم صفنت احس شايفته قبل نزلني خله ايده فرك راسي سلم ع اهلي وكلي انتبهي على نفسج وعبرنه وصلت لبيت جدي خلال ساعتين سمعت منطقتنا رجعو احتلوها داع*ش خفت على جدي والبقيه كلهم ظلو راح يرجع الحِصار عليهم.........
بعد تحرير الموصل مرت فتره جدي توفى ثالث يوم العيد وجان اكثر شي كسرني كبال عيني لافيه بالجفن كعدت احجي وياه واتذكر عيشتي وياه شكد جان حنون وگلبه طيب وبحياته مامأذي احد خصوصا اني جان يحبني اكثر من ولده
___________________
ابتعدت عن الموصل من اخر مرره شفتهه بعد سنه احتلوها داع*ش جنت كل يوم اشوف الاخبار علمود اعرف حالهم واكول اريد انساها بس ماتروح من بالي انه مامتقبل النسوان من بعد الصار بيه ويا سما اتجنبت العلاقات كلهه بس هيا لبنيه الوحيده لبالي
فكرت راح انساها صرت شوكت افكر بيهه اروح اتدرب وانسى لحد مااقنعت نفسي نسيتها
مرت سنوات وتعينت ملازم اول
بعد جم سنه رتبتي صارت اعلى تعينت نقيب گضيته السنين كلهه شغل حتى للبيت مااطب قليل اشوفهم لان جان شغلي بالبصره بعدين انقلت لبغداد و....
عمي مو مثل گبل حيله تمرض وجنت انه اداريه من انزل للبيت واخذه للدكاتره
مرت سنوات جنت نازل للبيت
ام مصطفى. احنا رايحين للموصل تجي ويانه
مصطفى. لاء اريد ابقى بالبيت
الشيخ. اذا على مودي روح معليك بيه انه زين
مصطفى. لاعمي شسالفه انه اخابر جده اسأل عليهم وهمه يعرفون طبيعه شغلي
ام مصطفى. بس هذا مو عذر ابني صارلك خمس سنوات مارحت الهم وهمه دائما يسألون عليك
لخاطري هالمره تعال
الشيخ. انه اريدك تروح وصللهم سلامي واذا علمود الطلابه رائد واحمد موجودين
مصطفى. عمي ماكد...
الشيخ. بدون اعذار تروح وياهم
مصطفى. شكد اطولون
ام مصطفى. تلث ايام اربعه مانتأخر هواي يلا وليدي الخاطري
مصطفى. يمه وعلي لخاطرج بس انه لو ماانتو وگفتو بوجهي جان ماروح اكعد هنا بيتي جاي ارتاح
ام مصطفى بفرحه. زين هسا اختك راح تفرح من تعرف
___________________________
ماما: ولج كومي كافي نوم شكد تظلين بعدج نايمه
شهد بانزعاج: يمه تركيني انام ساعه 11بعد وكت
ماما. كومي الناس راح تصل وبعدج نايمه عيب كومي بدلي ونزلي جدتج منتظرتج
شهد بنعاس. كوليلهم يجونا غير وكت هذوله هسا وگتهم شدعوه جايينه الفجر
ماما. ولج يافجر الدنيه ظهر شگللهم للناس لاتجون هسا علمود الخانوم تشبع نوم ليش سهرانه
شهد. شفت مسلسل صيني
ماما. هم هذوله كوب اتابعيهم
شهد. هذوله كيبوب كمت يلا بس طلعي حبابه دابدل
ماما. خوش ماريدج تتأخرين
طلعت وسدت الباب
رجعت تمددت وخليت راسي ونمت ورى ربع ساعه انفتح الباب
ماما بعصبيه. ولج تقشمريني گتلج كومي عاد كافي تنامين ولج حتى يوم جمعه طيرتي البركه الصبح احنا كلنا من الصبح كاعدين لاظل مسح لاظل طبخ وتعزيل وغسل ملابس وشطف كراج وانتي بعدج نايمه عيب الخطار جايين عدنا
شهد. اووووو راسي راح ينفجر كافي كمت خبصتيني بهذوله الراح يجون منو هذوله
ماما. بت عمتج جايه عدنا
شهد بتفكير. اي وحده
ماما. نسيتيهم جان عدهم بنت شويه اكبر منج تلعبين وياها
شهد بصدمه. عدهه بنت؟
ماما. ولج كومي هسه غسلي وصلي اتكلي على الله هسا تجي وتذكرينهه همه بعيدين عنه وصارلنا هواي ماشفناهم اخر مره اجو كبل سنتين وماطولو واحنا ماشفناهم
شهد. يمكن اتذكر ملامحهه...
ماما ظلي هنا مشطيلي شعري ونزلي
ماما. حتى شعرج اني امشطه شبقى
غسلت وتوضيت وجيت طفرت عليهه حضنته
شهد. احبج احبج يااحلا ام بالدنيه ههههه
ماما. ههههههه والله عندج لسان
بدلت وماما مشطتلي شعري الطويل
ماما. هاج انتي كملي ايدي انكسرت
شهد. شنو انتي مو ترديني مااگصه وكتلج يتعبني معليه مشطيه لو اگصه
ماما. حراام تعبتي عليه سنين ماگصيتي سنتيم واحد منه هسا تردين تگصيهه بعدج بنيه لاتزوجتي ولاعندج مسؤليه حتى شعرج ماتردين تمشطيهه
شهد. ياماما اريد بس طويل ويتعب
ماما. كافي شعرج ماتگصيه اني نازله عندي شغل انتي كملي بيه
شهد. يي
طلعت وكمت سحبت خصله من الطرفين ظفرتهم وشبگتهم ورا شعري ماحب اخلي ميكب لان وجهي صافي ودائما يبين حاطتله شي لأن خدودي دوم حمر خليت كلوس ملمع شفاه بس ورشيت عطر جنت لابسه تنوره بيضا گصيره وعليها قميص احمر بدون اردان ربطت شعري بالبوند احمر
نزلت بست بيبي وظلت تتعارك وياي لان اسهر هواي طلعت انسحب شعري كمت اصرخ
احمد. وجعع
شهد بصراخ. شعريي
احمد. هو سحبته خمه تأذيتي
شهد. لاابد شكد نحس
جت اختي الصغيره عمرهه خمس سنوات شلته وفريته بسته اندك الجرس جنت راح اطلع افتح الباب اندك فوني صحت اخوي يفتحه الهم طبيت بغرفه بيبي فتحته
ايه. الوو شهوده شلونج
شهد. حياتي الحمدلله تمام وانتي شلونج
اية. زينه اسألج اني الخميس ماداومت علمود جنت حيل مريضه
شهد. يي ادري حبيبتي سلامتج ايوشتي
اية. عمري الله يسلمج الحمدلله عدت بس اسألج عالواجب عدنا امتحان
شهد:..........
وبس باعي اذا تكدرين تسأليني غير وكت لان هسا اجونا خطار
اية. ها خوش لاعادي اصلا بس علمود الامتحان خوش اخذي راحتج حبي شكرا
شهد. عفوا گلبي باي
...
عفت الفون ودخلت للهول هاي بنت عمتي جبيره مااتذكرها كولش وياها بنيه او ولد واثنين كبار ماعرفت ياهو زوجهه منهم اثنينهم لابسين دشداشه وغتره فكرت كلت معقوله هذوله مو مثقفين شلون جايين هيج ليش مايلبسون مثلنه؟
_____
وصلنه البيتهم عازمينه جنت رافض جيتي للموصل على مود لااتذكرها واظل ناسيهه بس انه مقصر وياهم صارلي خمس سنوات ماشايفهم
طبيت للبيت سلمت على خال امي هو فرح بشوفتي لان اخر مره شفته كبل 7سنوات تقريبا متغير جان شباب وگتهه
كعدنه وظل يحجي وياي يسألني عالشغل
لحد ما ام شهد جانت تصيح شهد سمعت صوت بنيه جبيره استغربت عدهم بنيه ثانيه؟ لو....
جنت شارد من سمعت صوته كطع افكاري دخول بنيه شابه عقدت حاجبي تشبهه بس مو هيا
بس هم بعدهه تشبهه صدمني لبسهه القصير شعرهه اطول من ملابسهه سلمت علينه وراحت سلمت على امي واختي واخويه
خلصت حجي وياهم شافتني اباوعله ظلت تباوعلي بنظره چنه معناها منو انته؟
ماما. شهد كومي جيبي التقديم بنتي
شهد. اوكيه
ام مصطفى بصدمه. ماشاء الله بنتج شبسرعه كبرت هذاك اليوم جانت تطفر كدامنه
ماما بضحكه. والله ياخيه شنسوي غير البنات يكبرون بساع وانتي هم بنتج ماشالله جانت طفله ومصطفى صاير رجال شعجب ماتزوج تخرج لو بعده
ام مصطفى. مريم صف خامس اعدادي ومصطفى ضابط متخرج ومتعين بس اي والله ياخيه اگله نزوجك بس هو رافض الزواج ومايخلينه اندورله بنيه ولا نحجي بيه
رحت للمطبخ مستغربه هذا ابن هاي المرة شلون اشو چنه بكد ابوي اول مره اشوفه مريم تذكرته بس اتذكر هيا الجبيره ماعدهه اخ جبير كطعت افكاري اخذت الصينيه ورحت قدمت ظل يباوعلي حيل ضجت منه
مصطفى. شهد
شهد. نعم عمو
استغربت هو صاحني بس ماحجى شي باوعت ع اخته تضحك ايدهه ع حلگهه
جيت قدمت لأمه
ام مصطفى. ماشالله اللهم صلي على محمد ماتكولين عندج هيج بنت جان جينه خطبنا
ماما بضحكه. هههه لاخيه بعدها صغيره
ام مصطفى. ولج بت حمودي شكد صار عمرج
شهد. 15سنه
ام مصطفى. يمه هاهيه لعد احجزولنه هيا بين ماتخلص سادس تتزوج
شهد بصدمه وغضب. شنوو؟
ماما بشقه. خيه بتنا مانزوجه هيا تكبر وتختار الي يعجبه ماعدنا بنيه للزواج من هسا كلها بعدها ثاني متوسط
ام مصطفى. هاي شبيج يمعود اتشاقه وياج يمعوده ابني جبير اكيد اخذله جبيره
شهد. عبالي اتزوجيني لهذا العجوز والنبي اگتل نفسي هو منو ياخذه
ماما بخزره. كعدي واستچني احسلج
كعدت حيل ضايجه وانحرجت كلهم يباوعولي ومريم تضحك
شهد بانزعاج. اووف ليش تضحكين
مريم بضحكه. ليش ولج هم زين خطبوج
شهد. انجبي حتى لو حجي ماقبل اخذ اخوج هذا العجوز
مريم. ولج اخوي عجوز؟ وكبل شويه اتكليله عمو هههه وين دشوفي اصلا يخبل شباب هو رجال ع كد عمره مو هلكد جبير
شهد. ولج وين يخبل مايشبهكم انتو كيوت هذا حيل ضخم ويخوف اييع شنو هاي عنده شوارب ولحيه اخوج وحش ونبي يخوف بس باعي نظراته شسوي غير كتله عمو لان خفت كلي شهد عبالي يرزل بيه؟
مريم باستغراب. ليش اكو رجال ماعنده شارب بس هههههههاااي انتي جبانه
شهد. ايه جونغكوك حبيبي هههه كيوت شكله ومعضل
مريم. هااتابعين ذوله الفرق الكوريه
شهد. كلش آسيوية ههه
مريم. اني هم احبهم بس مو مهووسه بيهم اتابع مسلسلات وممثلين مااتابع هذوله هواي يركصون ماحب الولد يركصون
شهد. والله اذا جانو بي تي اس ليش لاء مو مهووسه بس افضل جونغكوك وجيمن
مريم. شتحبين منهم
شهد. وجههم كيوت وماعدهم لحيه وطوال ومعضلين وذوقهم يجنن احب ستايلهم واغانيهم الها معاني
مريم. وين تلگين هيج مواصفات بالعراق
شهد. ههههه ماراح الگى ابدد لأن اريد اسافر بس اني زعلانه منج
مريم. شنوو ياعزاا شبيه
شهد صغرت عيوني. احنا من جنه صغار نلعب سوا ونلتقي دائما بس اتذكر انتي ماكلتي عندج اخ عبالي بس انتي وعبد الرحمان بس لو تدرين شتخيلت تخيلت امج متزوجه اثنين
مريم بضحكه. ولجج ههه شكد فقيره انتي بااع هاي ولج انتي ليش متعرفيه هذا مصطفى ماتذكريه؟
شهد بتفكير. منو هو؟ اول مره اشوفه
مريم. اي صح وگته جنتي بعدج صغيره اخوي صارله هواي مااجى يمكن جان عمرج 5سنوات لو 6 وگتهه من اجى
شهد بصدمه. اول مره اعرف ابد ولااتذكره
مريم. جان ياخذج بالماطور ومره طلعتي ويا ابن عمج ومصطفى وسما جانو وياكم تذكرين لو لاء
شهد. لاء
مريم. زين اخر مره اجى تذكرين جنه بالحديقه نلعب ورحتي جنتي لازمه لعابه بيدج مالت باربي جنتي تحبيها
شهد. يا وحده تعالي اشوفج ياها
صعدت لغرفتي واخذته وياي طلعت كل العابي
شهد. اي وحده بيهم
مريم بصدمه. هاي شنو حيل ولج شتسوين بيهن مصمدتهن
شهد. محتفضه بيهن لان احبهن وهذا الدبدوب من جنت صغيره احبه واخاف يضيع
مريم. هاي اللعابه تذكريها جنتي تاخذيها وياج وجيتي ردتي تحجي وياه جان متعصب
شهد بتفكير. هاي مادري منين جتني بس من كبرت جانت موجوده وصح احبهه هواي بوكت داع*ش جنت امشط بيها وااظفر شعرها
مريم. ممعقول يعني شهد انتي ماتذكرين اخويه؟
شهد. كتلج ماشايفته قبل لاتحاولين تسوين وياي هيج مقالب من مقالبج وحتى لو جان عندي ذكريات ليش اتذكرها
مريم. لااصلا بالعكس عادي خبارج وين وصلتي
شهد. ههههه تعالي ننزل واسولفلج
نزلنه كعدنا ظليت اسولف وياها صارت الساعه بال1ونص كمت ساعدت ماما حضرنه الاكل وجهزنه كلشي بابا جان جايب قوزي بس اني نباتيه
جهزنه السفره باوعت للحم لعبت نفسي لان مو متعوده واهلي مايغصبوني ع شي
مريم. ولج تعالي كعدي اكلي ويانه
شهد. ها اي شويه الخ
ماما. ههه عوفيها هاي لان شافت لحم ماتكدر تصوره بعد
ام مصطفى. ليش
ماما. نباتيه من جانت صغيره ماتاكله وهسا فد مره مره ابوعا خلاها تاكلهه غصبن عنه وهيا ظلت تبجي وليل كله مانامت تكول شفت الخروف بالحلم ديبجي لان اكلته
الكل😂😂😂😂
ام مصطفى بضحكه. جا هو غير الله حلله النا
شهد. ماما بطني تأذيني
ماما. روحي كعدي بالمطبخ اكلي
فتت كعدت بالمطبخ اكلت شفتهم كاعدين يسولفون دخلت بالممر احنا المغاسل هيج مثل الممر عدنا وباب جنت داغسل وايدي مي ماگدر اوخر شعري نزلت راسي جاي اغسل رجعت رفعته باوعت للمرايه شفته هذا الرجال لازم شعري ورفعه بيده بس شافني اباوعله رجع نزله وطلع استغربت منه رجعت مسحت ايدي جنت طالعه من الممر
شفته واكف ردت اعبره لزم ايدي حيل
مصطفى يحجي من بين اسنونه. اطلعين تبدلين هاي الطرگاعه لو تخلين اشوف شغلي وياج
باوعتله جنت حيل متعصبه منه بس باوعت لنظراته تخوف سكتت ردت ادفع ايده ماكدرت
شهد بغضب. وخرر وخرر ايدك باوع دير بالك تلمسني انته مو ابوي ولاحتى اخوي حتى تحاسبني
مصطفى زمخ. شهد باوعي بعيوني اتطلعين مثل الحبابه وماريد حجي زايد فهمتي لو لاء
شهد. لك منو انته حتى تأمرني داكلك وخررر
مريم بصدمه وهمس. ولكم شبيكم اششش كافي صوتكم
شهد. تعالي احجي ويا اخوج كوليله معلي لايدخل بيه اني حره بنفسي
مصطفى بغضب. هذا لبس تلبسيه كدام ولد؟
شهد بغضب. لبسي مابيه شي وطويل واني بعدني صغيره
مريم. دقيقه دقيقه اهدئو كلشي نحله بهدوء
شهد. ترا لبسي مابي شي
مصطفى. وحگ علي اذا شفتج مابدلتي هسه ولبستي غير شي اخليج تنزعيه غصبن عليج واسويه وصلتين
شهد بتهديد. اذا ادخلت بيه بعد راح يوصل لأهلنا
دفعته وطلعت حسيت راد يركض وراي خفت طفرت للمطبخ اريد اهدأ شويه شربت مي وايد بعدها ترجف
اووف شهد شبيج منو هو حتى يخوفج هذا واحد مريض
مريم. ياشهد وين جنتي ادور عليج لاتزعلين من اخوي
شهد بعصبيه. اخوج ماعليه بيه يدخل
مريم. بس ترا حقه انتي لاتفهمين الموضوع غلط هو علمود تدرين اي واحذ يباوعلج غير اهلج حرام ماتخافين احد يتحرش بيج
شهد. انتو ليش محسسيني انه اني لابسه مصلخ كدامكم؟
مريم. لاء ولج بااعي هدومي فستاني شطوله ومحجبه وانتي حلوه تصير عليج عين ولازم تخافين من الولد حبيبتي لخاطري بدلي لبسج
شهد. شنو بكيفه يتصرف ويهددني شنو من انسان مريض نفسي هذا لخاطرج ابدل بس حاليا ماراح ابدله
مريم. باعي مو هسا يجون بيت جدي
شهد. واذا ولدهم كبار عمر خاطب وعبدلله هم جبير
مريم. وهذا ولد عمج شسمه عادي تلبسين كدامه لو لاء
شهد. اففف تذكريه تغيرت الامور من انتقلو لبيتهم كلشي تغير بعدين احجيلج
طلعت من المطبخ وجنت اساعدهم جيت ادنك باوعت شفته خزرني برطمت رفع حاجبه وعض اصبعه كمت اطفر بسرعه بس اريد اخلص منه
وخلصنه تنظيف اني مريم غسلنا مواعين سوا وچنه نغني ونتشاقه
شهد بضحكه. هسا زين اروح ابدل
مريم. واخيرا تعالي حتى اني
صعدت وهيا صعدت وراي اغراضها بغرفتي فتحت الكنتور باوعت ع ملابسي وانصدمت
مريم بصدمه.هذوله كلهن ملابسج
شهد بابتسامه. اي لعد نصهم
مريم. ولح شنو هاي كله هيج وماركات بس تدرين اني اكول خليج ع هذني الملابس احسلج استر بهواي
شهد. لا طبعا ملابسي كلهن مابيهن شي بس بابا مو بكل مكان يخليني البس هيج بس من اروح ع الشمال
مريم. والله ستايلاتج تخبل كلهه بس بالاخص هذا لو اني استحي البسه حتى بغرفتي انتي شعجب مو محجبه
شهد. هو اني بس بالمدرسه البس الحجاب لان وحدي اروح وثاني شي لأن شعري طويل ماما تگلي لاتنحسدين وصدگي ماعرف البسه محلوو واني بعدني مااقتنعت البسه بس اريد اگص شعري
مريم. عزااا العزااج تكصين شعرج ولج يخبل باعي طوله ناس تتوسل يطول سنتيم شعرها وانتي شعرج بطولج راح تتندمين حرامات هيج شعر ينگص والمشكله شعرج مابي شي وسرح
شهد. كلامج مثل ماما ماعرف بس اني دائما البس شفقه شسوي هسا اختاريلي ملابس
مريم بتفكير. بااعي اممممم هذا گصير لبسي بنطلون احسن يغطيج مو
شهد. اي البس بنطرون ولا شورت
مريم. لاعيني بنطرون واذا عريض احسن
شهد. باعي هذا كيلوت يشبه الجينز وراح البس بلوز ابيض
مريم. خوش حلوو راح اطلعين بعد احلا
طلعنه ملابس وبدلنه باوعت شفته تمسح مكياج
شهد. الله شكد حلوو الميكب السويتيه شلون تعرفين؟
مريم. اي طبعا بس ماخلي هواي اهلي مايقبلون بس اساسيات يعني
شهد. عبالي طبيعي بس ايلاينر يجنن
مريم. تردين تجربين
شهد. لاماحلو عليه لان عيوني مبطنه
مريم. بالعكس احلا يجوز انتي ماتعرفين تسويه بس اني خبيره لاتخافين اطلعج تخبلين
كعدتني واني اخاف من الكحل من يدخل بعيني بس طلعت هاي النوعيه غير عبالي هم ادخله بعيني شو شويه غمضت ولاحسيت ظلت ترسم بيه خلصت وباوعتلي
مريم بتفكير. عندج تنت
شهد. اي واحد لونه مشمشي
مريم. حلوو. لعد بيا رف
شهد. هنا
مريم. لاتباوعين شهد اريد افاجئج
شهد. خايفه اطلع جبار ههههه
مريم بضحكه. لاتخافين ههههه لكيته
جتي وخلت تنت ع خدودي وشفتي مشطت حواجبي
مريم بصدمه. تدرين طلعتي مثل ذوله الاجانب باعي هادي اخليلج مسكارا
شهد. ماعرف وهاي تأذي؟
مريم. لاابد والله اني بس اخلي مسكارا بس انتي حلوه ورموشج طوال اذا خليتلج راح يطلعون اطول عبالك تركيب هيج
شهد. خلي بس شويه باعي حبابه لاتأذيني
مريم. وك استرخي
واخير خلصت
دارت وجهي باوعت للمرايه يمكن اني غير شخص. اني خاله تنت على خدودي وخدودي صارن حمر بعد لونين
شهد. مسحي التنت لان خدود صارن حمر راح تصير اوفر
مريم. لا ميحتاج لان التنت لونهه مو احمر عادي بس شلون طلعتي
شهد. والله مداعرف نفسي
مريم.تشبهين الروسيات الي ه
ذوله شعرهن اسود ورموشهن مرفوعه وهيج مشطه
شهد. يي كلش حلوو شكرا
نزلنه جو شفت عمتي اجت ركضت بسته وهيا ظل تحضن بيه حيل تحبني سلمت على بنات عمتي زينب بنت عمتي انخطبت وراح تتزوج هالسنه كلش فرحانه راح نسوي عرس لان احنا قليل يتزوجون بعشيرتنا يعني يتخرجون يلا يتزوجون احسن شي وجنه نحجي ع تجيهزات والنيشان شوكت راح يصير
اجت عمتي الثانيه الصغيره احبه هيا وكل بناتها بس بنتهه طيبه هاي بالذات تكرهني واني كلش احبه هيا جانت تستغلني وتسويلي مشاكل هيا اصلا بطبيعته غيوره من الكل حتى خواته تغار منهم هيا مريضه عدها مرض برجله بس محد يعرف شنو هذا شكد تعالجت وسوت عمليات لرجلها وسافرت وبس ماتعالجت بس هذا الشي مايثبت انه هيا مو حقيره اعتقد بعض الناس الله ابتلاهم هيج لان يريد يشوف خيرهم بس هيا تنكط خباثه بحيث شكو اقنين اتشوفهم تفرق بينهم
سلمت عليها اني احبها حتى لو هيا تتصرف هيج وياي تعرف مريم وعبد الرحمان بس تفاجأت طلعت تعرف مصطفى وظلت تشاقه وياه وهو مامعبرها اثنينا انصدمنا بالوضع
مريم بهمس. اكلج مو چنهه داست بالوضع هاي شبيها تضحك هيج مو حتى اخوي مامعبرها
شهد. شعلينه بيهم احنا المهم لازم نتفق شنو نلبس بالنيشان ماظل وكت
مريم. مادام نيشان وبيت جدي حيصير وخالتي راح تتزوج راح اقنع ماما اليس فستان گصير
شهد. واني مثلج البسه بينسل يطلع حلوو مو
طيبه. هلوو بنات
مريم وشهد. هلوات
طيبه بغرور. شنو جنتو تحجون عليه
شهد. والله كلشي محجينه عليج
مريم. دقيقه هاي شبيها اي خيه اصلا ماخلينا شي ماحجينا عليج سيرتج رايحه جايه اتتي شنو جنتي تحجين
طيبه كلبت عيونه. افففف امشر نطلع بالحديقه
شهد. صدك هنا صارو هواي
طيبه. زينه ليش مااجت
طلعنه بره ظلينا نسولف متونسين شويه واجو بيت عمي فراس طبت اول وحده زينه الي يكولون عليها فرفوشه جذب بس تصنع
طبت للحديقه شافت طيبه تصيح بمياعه توتو
طيبه. زوزو
زينة. تيبو
طيبه. زوزو
وهذا اللقاء جنت حافظته لبالهم بس علمود يخلوني اغار وانقهر اني اصلا ماهتم لان تعودت بس اضحك على عقولهم فطست ضحك باوعت لمريم واني منتهيه من الضحك لان ادري بغيابي يحجون عليه ومتفقين شفته بعده صافنه متأثره
شهد بضحكه. شبيج ههههه
مريم. والله تأثرت تدرين بنات عمامج فد يمثلون تمثيل يراد ياخذون جائزة الاوسكار ع هيج تمثيل وربي
شهد بضحكه. ادري مو باعي تأثرتي هههه تدرين هذا حافظته
مريم. امدااج ع هيج بنات عم باعي كلهن هيج مغرورات؟
شهد. كلهن وربي ولايعرفون يشتغلون حتى باعي هاي طيبه اذا تخلين ايدج ع ملابسه تتنكس منج كلش وتروح تسبح وماتلبس هاي ملابسه مره ثانيه
مريم. عزاا هاي مريضه وربي
شهد. يمكن انتي شلونهم بنات عمج
مريم. لاعيني وين الگى مثلهم يخبلون اصلا فدوه الاله والله كلش يحبون بعض بس عندي بنات عمتي وحده هيا الكل يضوج من بناتها وهيا بس هاي بس احنا اخوات ونشتغل سوا وحده تلبس من الثانيه
شهد. اكولج شي بصراحه اني مااعبرهن ولااعتبرهن بنات هأعمي بس بالاسم لان هذوله دائما يسوولي مشاكل ويتهموني فااني اصلا حتى بالعطله مانظل بالبيت نروح للشمال كل خميس وجمعه مااشوفهم
مريم. شعدكم رايحين كل نهايه اسبوع هناك
شهد. مو احنا مأجرين بيت بأربيل وعدنا شقه بدهوك مالت بيت جدي اهل امي كراد بس همه ساكنين الموصل من زمان وهناك كرايبهم كلهم جدي طلع تقاعد من زمان وكعد هناك بس هنا هم يجون
مريم. والله حياتج حلوة
شهد. اكشن مغامرات
ابراهيم. سلام عليكم
الكل. عليكم السلام
ابراهيم. شلونج شهد
شهد. زينه انته شلونك
ابراهيم. الحمدلله بس تعالي هنا اريدج بشغله
باوعت لمريم كلتلي روحي طفرت وكفت يمه انطاني العلاگه بيه حلويات وشورني وراح
مريم بضحكه. هاي شنوو هههههااايي شهل حب هذا
شهد باستغراب. ياحب تقصدين ابراهيم
مريم بضحكه. شعجب ابراهيم مو برهومي حبيب الروح مو
شهد. لاولله ابراهيم مثل اخويه اصلا اني تربينا سوا
مريم. كلش امبين من جان يشورج وانتي تضحكيله
شهد. هههههااي لا ونبي هو گلي انطيج العلاگه اذا ضحكتيلي ههههه
مريم. وانتي ثوله بس والله خوش تعالي انطيني خل اشوفج شجابلج اي حلوو وككاو بعد عليه گلوب جان بس ناقض شموع يدزلج ولج انتي فد مره مطفيه
اكل واحجي وياها
شهد. ليش
مريم. دبلعي الاكل راح تكف بلعومج
شهد. لييش
مريم. ولج غير هذا يحبج
شركت بالاكل
شهد بشهق. گح گح ااا شن نو
مريم بضحكه. دروحي شربي مي راح تموتين
طفرت واني حتى ايدي صايره ككاو هيج احب اكل بحريه بدون تصنع
طبيت شربت مي وظليت اختنگ حسيت اكو واحد كام يدك ع ظهري هم ظليت اكح واشرب مي حسيت صرت احسن درت وجهي وشفت
شهد. انته؟
مصطفى. شبيج يابويه حتى وانتي جبيره تختنگين
شهد. ترا مو متعمده صارت
جنت احجي وياه وانا حيل متعصبه ظل يباوعلي گرص خشمي تنرفزت جيت اقتربت بس هو حيل طويل رفعت ايدي ع وجهه
شهد بغضب. هييي باوع لاتلمسني مره ثانيه اني مو طفله
-گلتيها كبل بس هم بعدج اشوفج طفله شنو السبب
حجى هيج وياي اني انصدمت ماعرف خدرت لو كمت افكر بكلامه مافهمت عليه زين لو هو يشوفني طفله بس شنو كلت كبل جنت صافنه عليه وافكر
فزيت من شفته لزم فگي ومسح شفتي بأصبعه الابهام وباوعلي
شفت اصبعه صار بيه ككاو خجلت يمكن جنت ملطخه بيه لهذا ضحك
مصطفى. شنو من وجه تملكين خليتيني ماعرف انساج
شهد. شنو؟
جنت احجي واني مصدومه كلش ماعرف ليش هلكد اقتربت منه بس حسيته أمان وهيج حجيه يذكرني بابا وكأنه اني اعرفه من زمان اكو شي يخليني احاول اتذكره ماعرف شنو المميز بيه عطره ولا جزء من عيونه ولاحجيه
انتبهت جان يباوع لخدي الايسر خجلت عرفت هو شاف الندبه رئسا فكيت شعري خليته ينزل على وجهي
مصطفى بخدر. شعرج متعبني شهدي
شهد. وخر لاتلزم شعري انته بصفتك منو تحجي وياي
دفعته لان خفت يشوف ندبتي الي جنت اخاف اذا احد يشوفهه هيا صح صغيره بس اتبين اذا احد اقترب وكف گبالي راح يشوفه وهو ظل يباوع عليها جنت احجي وياه بشجاعه بس فجأءه كمت ابجي ورئسا ردت اطلع وصلت للباب هو سحبني
شهد بجي. شتريد مني ادري حالك كأي شخص راح تسألني شبيج ليش هيج مخربه وجهج ولو هيا صغيره وماتبين بس تحبون تدخلون بحياتي انتو
مصطفى. هدئي المفروض انتي تسأليني شلون صارت هاي الندبه وانه اكلج انتي جنتي وكحه
دنك لطولي وهيج گالهه بوجهي انتي وكحه
شهد. اني مو وكحه ثاني شي انته من وين تعرف شصار بيه اول مره اشوفك
مصطفى رفع حاجب. اول مره؟ وتدرين هاي ثاني مره تنسيني؟
شهد بتوتر. وخرر اريد اطلع ماعرفك
مصطفى. براحتج تفضلي طلعي ولاتنسين عنادج اليوم اله عقاي
شهد. انته منو حتى تعاقبني
ابراهيم. شهد؟ مصطفى انته هنا
مصطفى بتنهد. كبل شويه دخلت جانت مختنگه بالاكل
ابراهيم بقلق. شهد انتي بخير
جيت خليت الحلويات بيده وضربته ع ايده
شهد بغضب. باوع اخذ حلوياتك ومن اليوم لااعرفك ولاتعرفني ابن عمي اقصد اخويه
حركت اصابعي كتله g buy
جنت داطلع باوعت للثاني صغرت عيوني دامشي شفته خزرني ورفع حاجب دك راسي بالباب اثنينهم ضحكو صح تفشلت بس كبل لااطلع طلعت لساني وطفرت بره
مريم. ولج وين جنتي
طيبه. ههههههههه ولج وجهج كله ككاو سابحه بالنوتيلا انتي
شهد برطمت. شوفو اذا سمعت هذا الحجي بعد فعلا راح اطك واموت ماتحمل هستوني طلعت من حانه ومانه شو طفرت عليه الرمانه
وخروووو اريد اكعد بالمرجوحه
كعدت باوعولي منصدمين
مريم بهمس. شبيج تطفرين وادكدكين برجليج ولج المرجوحه راح توكع بينه كافي تهزيها راح نگلب
شهد بانزعاج. مابي شي اكولج اني حلوه لو لاء
مريم. تدرين انتي تخبلين والله احلا وحده بعشيرتج باعي هاي مو شعرها احمر بس چنهه محتركه بالشمس لاعدها ذوق لاتصرف وهاي الثاني هيا مو لأن سمره بس موتتني بمياعته وغرورها حمضت معدتي حتى البقيه حلوات صح بس مو مثلج انتي مرحه مو مثلهن عود بايعات ثگل فد مره ماينجرعن
شهد. معليه بيهن اني اريدج تقيميني من كل النواحي مو بگرايبي يعني
مريم. شبيج والله انتي حلوه كلش وبيضا وشعرج يخبل وخدودج تجنن وصدگيني اذا حتگبرين بعد جم سنه راح اتگتلين الولد بجمالج
شهد بإنزعاج. بس اخوج استفزني
مريم. اخويه؟ شبيه ولج احجي ياهو
شهد. مصطفى شفته بالمطبخ صدفه مادري يمكن جان يدخن فيعني
مريم. اي شصار احجي
شهد. باوع لندبتي شوفي هاي
مريم. اي شبيها
شهد بصراخ. ولج لاتكليلي شبيهه هيا ندبه ندبه يعني تنمر عليه
مريم. غزلقرط فززتيني عزااا اخوي يتنمر بالعكس ولج والله اخوي مو هيج ومن جنتي صغيره جان يحبج وياخذج وياه ليش شكلج
شهد بدموع. يكلي جنتي وكحه يعايرني بوكاحتي كبل هى
شبكتني وكامت تهدأني
مريم بضحكه. ياحبيبتي هدئي ماحجى هيج يجوز قصده لان جنتي صغيره وگتهه شوفي والله يمكن لان راد يذكرج
شهد بدموع. شنو يذكرني يكلي سأليني ليش وانتي وكحه هيج يحجي عليه ترا جنت طفله
مريم. ههههه وانتي تعرفين شلون صرتي هيج
شهد. لاء
مريم. مسحي دموعج خلي اكلج
مسحت دموعي وبدت تسولفلي
مريم. اني وانتي جنه بيت جدي وگته يمكن عمرج جان اربع سنوات هيج ماتذكر بالضبط اني هم جنت صغيره جنه نلعب وانتي لزكتي بالميز مال جده كلساع اطلعين شي مره حمره خليتي ع وجهج وملابسج كلهه وامج بدلتلج وغسلتلج وخلتج ويانه ماما صاحتني علمود اشوف اخويه الصغير فااني رحت انتي وبت خالتي ظليتو وحدكم جنت تطلعين تجيبين عقد زواج مال بيبي وكزاز كله علمود حجمه صغير والا تجيبيه احنا كلنه سمعنا صوت صرخه شفناج وكعتي وفاتت بوجهج
وامج يبوو شحالهه صارت تكول بتي اتشوهت اذا بقى بوجهه هسا بس لاينراد خياط وهذا خدج منه هيج صار الجلد واكو قطعه فاتت بخدج وماكو احد وياهن لان الزلم بره كاعدين وخايفين مادري مصطفى جان نازل وسمع صوتج اجى ركض وسحبج من عد امج وكلهم خافو لان هو راد يطلعهه من وجهج احنا خفنا لان هو مايعرف هيج شي بس هو اصر علينه وتفاجأنه بيه هو طلعهه كبل لاتصير اعمق بعد يعني هو نقذج حبيبتي فماعتقد هو يريد يجرحج او يتنمر عليج
شهد. يعني اني شايفته من جان عمري4 وهو نقذني ليش ماداتذكر بس من تحجين شي احسه حلم
مريم. هو حسب لان ماجنتي توعين بس بالابتدائيه هم شفتيه
شهد. ماعرف عندي هواي صديقات بالابتدائيه بس ناسيتهم
مريم. شعلينه هسا كولي ليش اختنگتي مو گتلج ابن عمج يحبج
شهد. اوووف لاتحجين هيج داحس حرام هم شفته بالمطبخ
مريم غمزت. اي وشسويتو
شهد. ضربته وانطيته حلوياته گتله اتفضل ماريد لااعرفك ولاتعرفني اخويه
مريم بصدمه. ولج شسويتي
شهد. شنو
مريم. طارر العريس ولج يحبج ومن صغركم حلوو هيج شتردين
شهد. عوفج من ابن عمي الي اعتبره اخويه انتي تعرفين اخو منو
حجيت وباوعت لأخته
مريم. لالعد حقج
شهد. لاهذي اصلا عادي كولي منو امه
مريم. منو امه
شهد. سم الحيه بالذااات ههههههااي
مريم. خربب ورببب هذوله عشريتج مرضى نفسيين
شهد. عود شنو كلاسيك وثگيلين
مريم. هههههههه......
_________________________
عبدلله. شونك مصطفى نسيتنا
مصطفى. شتكول خالي؟
عبدلله. ماعرف بس اهم شي تكون نسيت
مصطفى بابتسامه جانبيه. مضت الخمس سنوات كلهه
عبدلله. شنو تقصد بلا الغاز
مصطفى. خمس سنوات حب وخمس سنوات نسيان شجنت معتقد اظل احب وحده متستاهل نسيتهه بأقل من شهر بدون لااتعب نفسي هذا جان قراري
عبدلله. اصلا شالو من المنطقه اهلها سافرو وهيا بقت هنا متزوجه صار عدها بنيه تقريبا عمرها3سنوات
مصطفى. اي خوش الله يستر عليهه
عبدلله. اكو وحده بگلبك
مصطفى. مره غلطت وياي وكلت تبت هسا هم تريد تورطني بالثانيه لو تبت دير بالك تفكر عبدلله
عبدلله غير الموضوع. والكعبه مشتاقلك متغير من طبيت ولاعرفتك صاير ضخم فد مره شتاكل يمعود رحمه لوالديك
مصطفى. ووالديك بعدك ع هاي السوالف
عبدلله. عاد كلت انه مسجل جيم هسا اضخم منك اصيرالا اطبكك مرتين واوكف يمك اطلعك خنفسانه كبالي شو طلعت انه الخنفسانه
مصطفى. مو كتلك لاتندك بيه
........
جنه كاعدين بالصاله وحجي بالشغل وويا الجماعه
طب عم شهد سلم ودخلو كلهم
ابراهيم. سلام عليكم
الكل. عليكم السلام
ابراهيم. شلونك مصطفى
مصطفى. هلا خويه الحمدللله بخير وانته شلونك
ابراهيم. الحمدلله عاش من شافك يابه شعجب صارلك سنين ماطاب البيت ماعرفتك
مصطفى. تسلم خويه تدري انته الشغل ماكدر اعوف شغلي كل فتره واجي
ابراهيم. حقك والله سمعت انته صرت ضابط صح هذا الحجي شلونه شغلك
مصطفى. اي صح الحمدلله زين انته شسويت
ابراهيم. اني حققت حلمي صرت مهندس بس بعدني اداوم بالجامعه مامتخرج
مصطفى باستغراب. الف مبروك بس ليش مو جنت تريد تصير ضابط
حجى وحك ركبته متوتر
ابراهيم. تدري بعد خويه الرجال من يحب يضحي بحلمه علمود الي يحبهه
كال هذا الحجي تذكرت شهد نغزه وشي نبت بگلبي
مصطفى. الرجال يگدر يخلي المره تحبه بدون تضحيه بمستقبله المره اذا تحبك فمعناه راح تحب شغلك حتى لو جنت عامل هيا مجاي تصنع منك احلامها اذا حلمها هندسه خل هيا تدخله
ابراهيم. لا بالعكس هيا ماتهتم بهيج سوالف بس امها مشدده ماتزوج بتهه الضباط
____
هزيت راسي وفتت للمطبخ اريد مكان فارغ افكر بيه كعدت ورثتلي جكاره دقايق شفته طبت تركض وهيا مختنگه تشرب مي وتگح وكفت وراها ودكيت على ظهرها لحد مااستقرت كامت تتنفس ظلت تحجي وياي وتصيح انه مجنت منتبه على كلامه اباوع لتصرفاتهه الطفوليه تكول هيا نفسهه شهد الأحبه انتبهت على وجهه غرگانه بالككو ضحكت بخفه ومسحت حلگهه بهل ذات هيا توكفت عن الحركه وظلت تباوعلي ضاگ صدري من تذكرت ابن عمهه راح يجي هذاك اليوم الي راح اشوفها بيه متزوجه انه مااناسبها تذكرت جرحهه من شفته خجلت وغطته بشعرها وكامت تصيح وتبجي رادت تطلع گتله مفروض تسأليني انتي جنتي وكحه هيا زعلت وظلتت تتعارك كبل لاتطلع ضربت ابن عمهه وكلتله انته اخوي اعتقد فهمت سبب غضبهه بس ضحكني تصرفهه وراسهه انركع بالباب
ابراهيم بصدمه. شنو حجت انه مثل اخوها
مصطفى. الله يعينك
ابراهيم بغضب. مستحيل اني ابن عمها مو اخوها وغصبن عنها تحبني اليوم لو باجر..................
للحكايا بقاية........
💞
━━━━━━━━━━━━━━━━━━━━━━━━━━
🌸 هل أعجبتك أحداث القصة؟
💡 لمعرفة تفاصيل هذه الرواية ومتابعة بقية فصولها كاملة وبشكل مسبق وبدون إعلانات:
🔗 تابع القراءة عبر موقعنا الرسمي من هنا: https://kimostories.site/novel/417/احفاد-آل-حارث
نتشرف بوجودكم دائماً في عائلة كيمو ستوريز! 🌸
━━━━━━━━━━━━━━━━━━━━━━━━━━