مرحبا والله اسفه تأخرت عليكم بسبب الامتحانات ان شاء الله اعوضكم بما انه خلصت🥰🫀
#احفاد_آل_حارث
الكاتبه: سدرة الطائي
يوزر الانستغرام_sejkm
علقو من بين الكتابات لطفاً🦋
..................
مَرات أكو بگلبك حچي
بس تنجبر ما تحچي
ومرات عينك ما تصب
بس تلگه گلبك يبچي.
_______________________________________
_لكيت نفسي ضايع بمكان ظلام ماكو شي اشوفه
حسيت المكان تغير صار حديقه وشلال من جهه وصوت عصافير فركت عيوني شفت المكان اول مره اشوفه ليش وحدي التفتت شفت خيال ابيض بس كدرت اميزه من صوتهه
مصطفى. يمه هاي انتي؟ دخيلج وين عفتيني الحياه بدونج مو سهله اخذيني وياج
--ماگدر...
طريقك طوييل حيل وياك حياه طويله
مصطفى بقهر. لعد شكد راح اظل متعذب يلا اموت
--لحد ماالله يفرجهه وتسهل عليك وليدي كل الي داتمر بيه اختبار
مصطفى بدموع. يمه ادري بس لخاطري لاتعوفيني يمه الحياه بدونج مو حياه وداعتج انتي اعز من امي
اقتربت صار الضوه اقوه بعد شفته وجهه متغير انصدمت اريد اتحرك ماگدر ادي متقيده ابتسمت باين عليهه الفرحة
--يمه وانه احبك كلنه راح نموت وليدي لاتستسلم وحقق حلمك اكو بنيه جاي تنتظرك لاتنساها ادري راح تتعب بس النهايه حصاد تعبك
مصطفى باستغراب. شنهو دتحجين يمه يمه الخاطر الله گولي شي احجيلي
باوعت الضوه بده يقل ويختفي حركت ايدي كعدت من النوم
مصطفى. بويه شهل حلم هذا راسي راح ينفجر لاحول ولاقوه الا بالله
كمت باوعت للساعه 7الا ربع طبيت سبحت بدلت ونزلت جوه لكيت امي جاي تسوي ريوگ
سامحت اهلي من بعد ماقريت وصيه جدتي جنت اكول الخاطرها بس شفت فعلا تغيرهم وياي
البدايه ماجنت متعود عليهم بس هسه اختلف كلشي همه فرحو
مر على وفاه جدتي تلث اشهر والبيت كآبه
الشيخ قرر يعزل عمامي لان العائله بدت تكبر وحتى نخلص من المشاكل والهوسه لكى گاع قريبه عالبيت وسجلها بأسمائهم وهالسنه منتظرين يكملون بناء
قسور بصياح. ضلع ضلعيي صباح الخير
مصطفى. مغثه من الصبح يالله صباح النور
قسور. افا عليك انه المغثه بالعباس اتحداك تلكى مني واحد بهل دنيه يحبك بگدي
مصطفى. ولك انته واحد هواي علينه ادورلك تكه ثانيه؟
قسور. طبعا غير اني الحلو مال عشيره
احمد. قصدك المغثه مال عشيره شكو شي طايح حظه انته مسويه
علي. شبيكم ويا ضلعي
ليث. هاك استلم التكه الثاني
حسين. ياهو
رائد. الثالث
قسور والبقيه. 😂😂😂😂😂
مصطفى بغضب. بسكم اكو واحد يضحك هيج شهل صوت طرش
سيف. وداعتك مو ضحك رويسيه
مصطفى بخزره. يلا كلمن على شغله بسرعه
قسور. هم شغل ترا ملينه شنهي والله عمي كل يوم جايين طلابه ماعدهم شغل ثاني غير بس المشاكل
رائد بغضب. لك شكلت تعال هنا واحجيها
قسور. هسا شكلنه غير الصح
مصطفى. رائد تركه بعده صغير ومايفهم بالعادات شتريد منه هالصگط
قسور. ههههه يابه بالعباس احبك
جا راد يحضني لويت ايده
مصطفى بخزره. بلا طياح حظ واركض على شغلك انت والولد ساعتين الگى المضيف نظيف ومرتب
علي. ياحسين ياابن فاطمه الزهراء عليها السلام دخيلك اوكفلنه
______
انه وليث طلعنه جبنا طباخ وتسوگنا والبقيه ظلو بالبيت يغسلون بالسيارات
وقسور وربعه الصگط وكلناهم بالمضيف
ورا ساعتين لكيناهم خلصو وطلعو من المضيف هلكانين
قسور. جيبولي مي راح تنفجر كلياتي
احمد. هاك وكافي جذب مايصيرلك شي
قسور. طبعا انتو شسويتو غير كعدتو
رائد. دخيلككك ياعليييي راح اكوم اكطع بساطات منو يريد
قسور. ههههه اتشاقه وياك شبيك خويه
مصطفى. يلا كافي لغوه روح جيب الگهوه خلي اسويها كبل لايجون
قسور. ليش اني اجيبهه؟
مصطفى. حتى تتعلم تسويها مره الخ
قسور. اخخخ گلبي گلبي لزموني لزموني راح اسقط
الكل. 😂😂😂😂😂
احمد. كلبك شجابه على بطنك
رائد. روح جيبهه يلا ولك وين اكو رجال يسقط شنهي انته حامل
علي. حامل من حور😂😂😂
الكل😂😂😂
قسور. شني لك تعال اليوم انعل اصلك
علي.اتشاقه يابه والله اتشاقه
قسور. يعوز اخذ هاي چنهه بريعصي ام وجهين هو منو يگلبهه
مصطفى بغضب. بسسكم لك هاي بنت عمتك عرضك تحجي عليها
قسور. كلهم عرضي الا هاي غاسل ايدي منها قحط دورلهه ولد
رائد بعصبيه. ولك كافي تحجي عليهه انجب تسوه راسك
مصطفى. يلا طبو جوه كافي لغوه بدلو
احمد. وانته
مصطفى. بعدين خل اسوي الگهوه ماظل وكت
____
سويت الگهوه بالربع ساعه خلصت الولد نزلو والبقيه مطولين صعدت سبحت ولبست دشداشه سوده ولفيت شماغ لونه اسود وابيض لبست محبس حبيبتي سما جايبتلي ياه يوم عيد ميلادي هيا اول شخص يتذكر عيد ميلادي ماجنت اعرف شنهو هذا اليوم واذا مميز لو لاء بالنسبه اليه يوم عادي ويمر ظليت محتفظ بيه لحد هذا اليوم لبسته ورشيت عطر
نزلت سلمت على عماتي جايين كلهن
مصطفى. سلام عليكم
الكل. وعليكم السلام
--شلونك وليدي
مصطفى الحمدلله عمه انتي اخبارج محتاجه شي
--اوففف ياوليدي من بعد موت امي البيت فارغ وجوده جان مالي البيت الحمدلله اني بخير
مصطفى بحسره. الله يرحمهه
غزل. شلونك مصطفى
مصطفى. هلا بيج خويه الحمدلله انتي امورج
غزل بفرحه. تمام
مريم. الله اخوي طالع يخبل
مها. لج دباعي اخوي هم
مريم مصطفى اريدك تعلمني شلون البس العگل هيج
كرصت خدها
مصطفى. وانتي شكو تتعلمين بأغراض مالت الولد
مها. اي عادي اني قسور علمني
مصطفى. ها ولج ام لسان شلونج
مها. زينه لا اصلا صايره عاقله كلش لاتصدگهم
الاء. كلش كلش هههه لاتصدگها
مريم بضحكه. تظل خبله هاي روح خويه على شغلك هههه ماراح تتعلم هاي تظل وكحه
بست راسهه وطلعت
مها. اوفف اخوج كلش يحبج
مريم. واني هم احبه ليش منو كللكم اكرهه
مها. لاولج يحبج هواي دباعي شلون يحضنج ويكرص بخدج ويبوس راسج هيج مدللج حتى هو يشتريلج
مريم. طبعا اني لبنيه الوحيده الاهلي
مها. لاوالله اني واخوي24ساعه نتعارك
مريم. واني وعبد الرحمان هيج عادي
الاء. ولجن كافي دباعو ع غزل اكلته بنظراتها معقوله هاي تحبه؟
مريم. شنو لابالله لو تموت ماخلي اخوي ياخذها
الاء. ولج هيا نظره
مريم. عادي خلي تناظر وحدها اخوي راح ياخذ بكيفه والي تعجبه
مها. ولج هاي اذا تباوع الاخوي اكوم ادحسه برجلي
مريم. دشوفي ميته عليه بعدهه شكدها
مها. مراهقه عوذاا
الاء. صدك حور عينه زايغه كلش وماتستحي عللاقل غزل حبابه وقسور كلش مايحبهه يكول هاي بلوه جتي عليه
...
طلعت للكراج باوعت للصكط بخزره يصافرون
مصطفى بخزره. عليمن هالهوسه
قسور غمز. عليك
مصطفى. شايفني عرست
قسور. وداعتك من تعرس اسويلك اكثر بعد بس شنهي هذا عمي جمااالل كمت اخاف منك بالعباس تخبلل
علي. شهمممم
مصطفى. بسكم صوتكم بالشارع يلا وزعو
رائد. عوفك منهم
طبيت سلمت كعدت ويا الشيخ
مصطفى. شلونك شيخ
الحجي. الحمدلله ابني الله يحفظك بس لو عندي ولد مثلك
الشيخ أنمار. الله يرزقك بالذريه الصالحه شيخ علوان
الشيخ علوان. ياريت بعديش كبرت والشيب تارس راسي والله ياشيخ كضيت عمر كله انتظر عندي تلث حرم وخلفتي كلهه بنات الحجي بينه هذا الولد احبه
وتدري بيه انه كبرت بالعمر
قسور بهمس. اويلي عليييك صفاء خطبوك
مصطفى يحجي من بين سنونه همس. طلعو بره
الشيخ علوان. بس شكد شغلت ولد مو مثلك انته من يوم جيت اشتغلت عندي صار عدنا ارباح
مصطفى. بفضلك شيخ لاتكول هذا الحجي انه مثل ابنك وهذا واجبي
الشيخ علوان. عندي الك خبر مصطفى ياريت تكدر توافق عليه بس راح اتركه الك القرار
مصطفى. اي عمي تفضل احجيي
الشيخ علوان. عندي مشروع بالبصره ولازم اسلمه بأقرب وكت بس هذا المشروع يتطلب سنتين او اكثر وقعت العقد وانه الى حد هسه مالكيت شخص مناسب يروح تدري يابني انه رجال جبير وممعلوم شوكت اموت وانه ثاق بيك انته الوحيد تكدر تروح وتخلي ينجح خايف انطيه لغيرك واخسر المشروع
مصطفى. شنهو شيخ سنتين؟ تدري انه جامعه
الشيخ أنمار. تكدر تأجل سنتين
مصطفى. انه ماريد اضيع مستقبلي اذا مشروع بالمستقبل يجوز اقبل بيه دراستي اهم
الشيخ أنمار. خليهه يمي انه اقنعه
الشيخ علوان. ابني الدراسه صعبه وماكو تعيين حتى لو تتأخر سنتين بعد ماراح تستفيد شي
واني معتمد عليك
مصطفى. لاشيخ الشهاده بيها مستقبل حتى لو هسا ماتعينت اتعين بعد جم سنه وانه عندي شغل ماواكف عالشهاده
كاعدين نحجي بالشغل منتظرين يجون طبو كلهن جايين نفس الوكت
سلمو وكعدو شويه وبدت المشكله والصياح واحد يحجي عالثاني
ورا ساعات خلصنه وجنه تعبانين
بقن عماتي يمنه سهرنه بال11 صعدت لغرفتي
سبحت وطلعت بدلت وصليت الليل وراها دك جهازي فتحته
سما بغيره. وين جنت ليش اتصل بيك وترفض
مصطفى. لج بابا هدئي شهل سرعه العندج اليوم جان عدنا طلابه
سما بغضب. اعرف مصطفى انته ليش متغير وياي تحب غزل كول
مصطفى عقد حاجبه باستغراب. غزلل؟ ياغزل
سما. اووف لاتجذب عليه غزل بنت عمتك
مصطفى. بويه شنهو اجذب انه لج شلون تعرفين غزل بت عمتي؟
سما بتوتر. اختك المهم كلي شتريد منك هاي ترا انته الي وبس ترا والله اجي لبغداد وافجر راسهه
مصطفى بضحكه. استجني ام العركات شعليج بيهه انه احبج انتي سمائي تغارين من عدها
سما. شمدريك انته اغار انه اخاف عليك منها
مصطفى. اي مو هيه تاكل بشر
سما. ترا استفزتني
مصطفى. تحجين ويا اختي والله هالنچره عرفت بيها تموت عالمشاكل
سما. هههههه ديلا هيا صديقتي اصلا تعرف اني احبك بس ماعتقد تعرف علاقتنا
مصطفى. وانتي شعليج بيها غزل
سما. اس لاتكول اسمها اغار مصطفى انته وحدك الي مفهوم
مصطفى. بتنهد مفهوم احبج.........
سديت الاتصال تمددت ظليت افكر بسما وبالمشروع بس ماريد اترك سنتين واضيع عمري بيها بلكت المشروع مانجح
خليت ايدي جوه المخده بدون تفكير طلعت الصوره بيدي
ركزت بملامحه الطفوليه بدون تفكير مني قارنتهه بحبيبتي
استغفرلله شهل تفكير انته تحب سما
ظليت غارگ بأفكاري لحد مانمت
_____
رجعت العصر من الشغل لان عمي متصل عليه ورايدني بموضوع
طبيت لغرفته ولكيته واكف وخال اديه ورا ظهره
يباوع بالشارع
مصطفى. خيرك عمي اكو شي
الشيخ أنمار. تعال اكعد
كعدت وياه لكيته مضيع السالفه
مصطفى. عمي اكو شي شاغل بالك؟
الشيخ أنمار. ماكو شي ردتك تجي علمود المشروع
مصطفى. عمي لاتحجي بيه هذا مستقبلي وقراري انه اتخذه
الشيخ أنمار. ولك هذا الشيخ علوان شلون تكدر ترفضه احسن من هيج فرصه وين تلكى واعرف هو يحبك ويثق بيك ليش تخسره
مصطفى. ليش اخسره اولا هذا مشروع بعيد عن بغداد ثانيه راح تضيع مني سنتين
شيخ أنمار بغضب. مصطفى كتلك تروح يعني تروح
مصطفى صغرت عيوني. وانته ليش مصر ماراح اروح
الشيخ أنمار. سهله بس راح ابطلك من دراستك ولاتكلي انحرمت حالك حال العامل الي عندي
مصطفى. دراستي ماراح ابطل منهه وماتكدر تمنعني ادري بيك ماتسويهه
حجيته بعصبيه ردت اطلع لكيت عمي فاير دمه كبل لااطلع لكيته واكف سمعت صوته وگع بالگاع
تخبلت جيت رئسا يمه واحرك بيه اشرلي عالدوا رحت بسرعه جبتله انطيته
سندته ومدتته عالجربايه
مصطفى. شلون صرت
باوعلي بنظرات حزن
مصطفى. اني ماغلطت بحقك بس انته دائما قاسي وياي مو لعبه بيدك انه هم بشر
ضرب صدري يتشاقه هو ايده ثگيله اطيح زلم
الشيخ أنمار. لان انته مثلي وعندي امل بيك
مصطفى. ارتفع ضغطك ارتاح لاتحجي خلي اكللهم يعصرولك ليمون
الشيخ أنمار. مصطفى
التفتت اله
مصطفى. هلا
الشيخ. ادري انته تكرهني لان ماخليتك تعيش ويا اهلك
مصطفى. سالفه صارلهه عمر ليش هسا تذكرني بيهه
الشيخ أنمار. ولك ابني انه منتظر الوكت الي اموت بيه واسلم العشيره بيدك وابوك هو مارايدك
مصطفى رفع حاجب. ليش تريدني اتحمل مشاكل ثاني شغله تدري انه مامهتم بأبوي
الشيخ أنمار. لان انته سبع انه مفتخر بيك
مصطفى. عجيبه اول مره اسمعها منك
الشيخ أنمار. ابني روح للبصره ولاتشغل بالك بالدراسه ترجع وتكمل
مصطفى. عمي شسالفه گتلك ماگدر اعوف مدينتي
الشيخ أنمار. تكدر انه اريدك تتعلم كلنه مفاركين الاحباب انته خسرت الماتت واني خسرته
مصطفى. شيخ شنهو تريدني بالضبط مادافهمك مره تحبني ومره تقسى
الشيخ. انته ابني انه ماعندي ولد غيرك معتمد عليك بشغلي لان محد يستحق يصير مثلك بالمستقبل راح تشكرني وتعرف مو كل الولد زلم
مصطفى. عمي اوافق بس عندي شرط
الشيخ. شنو هو
مصطفى. شوكت اروح
الشيخ. شهر الجاي
مصطفى. خوش انه اريد ازور الموصل اسبوع بس هذا مو شرط
الشيخ. جا شنهو شرطك
مصطفى. كلت المشروع سنتين راح اخلص وارد لبغداد اتزوج
الشيخ بصدمه. تتزوج منهو؟
مصطفى. بعدين تعرف كلشي بس انته كول ونروح نخطبها وانه جمعت المهر وراح اشتغل بعد ورا سنتين يصير عمري21 عمري مناسب والبنيه هم مو صغيره خوش
الشيخ. براحتك تزوج هذا قرارك انته موافق تروح
مصطفى. هاهيه بلغ الشيخ علوان كله عيب مني اذا ماخلي المشروع ناجح ومشهور
____
صعدت بليل اريد اخابر سما بس حاير اكله اعرف راح تزعل بس انه الشي الي مصبرني راح اخطبهه وتصير الي
اتصلت بيهه بس ماحجيتله عالمشروع......
مصطفى. مشتاقلج موت
سما. اني اكثر حبيبي بس انته مصبرني
مصطفى. جايج بعد باجر تلكيني يمج
سما بفرحه. شنوووو ااااا لحظه صدك حتجي هههههه ماداصدك احلف
مصطفى. وداعت بيبي
سما. لالعد مادامك حلفت بيها مصدكه متحمسه اريد اشوفك
مصطفى. انتي تدرين ظروفي هسه يلا صار فوك السنه على وفاتها وكوه اقتنعت اجي
سما. بس اهلك يجون انته ليش ماتجي
مصطفى. لان الحزن الي شفته كافي انه مو مثلهم سمائي نامي وارتاحي وراي سفر انه
سما. اااا متحمسه روح نام گليبي طبعا راح اظل للصبح هيج انتظرك تجي
مصطفى. لا نامي حتى تشوفيني وموتحسين تأخرت عليج
سما. اوكي بيباي
مصطفى. الله وياج
____
كعدت الصبح اهلي كلهم كاعدين لان بليل امي كالت تروح تزور امها هم وابوي ماراح يجي ويانه
جهزنه الاغراض وصعدنه انه اتذكر الطريق زين بس بعيد واول مره اسوگ هلكد بعيده الموصل
وصلنه بال3الظهر تعبانين والجو حار
طبيت سلمت على جدتي شكد حنينه
عبدلله. لك هلااا
مصطفى. هلا بخالي شلونك
عبدلله. عاش من شافك يابه شنهي انته تروح سنه وتجي نشوفك متغير صاير رجال لاتكف يمي راح تطبکني نصين
مصطفى. وانته من شنو خايف ههههه
عبدلله. بالله انت ابن اختي؟
مصطفى. اذا تريد الصراحه انته گصير
عبدلله. ولجججج وينج تعالي لزمي ابنج يفشر على خاله
الكل😂😂😂😂
ام مصطفى. ولك ليش ابني طفل الزمه
وفاء. لايمه وين ماشالله هسا وين وصلت
مصطفى. داومت اول كليه جده
وفاء. وشلونه الكليه شفت بنات لاء
سما. سلام عليكم
الكل. عليكم السلام
شويه وكلهم بدو يحجون
سما بغيره. يابنات كول هاا احجي شعندك بالكلية
مصطفى. اويلليي شلون بنات يطگن بالگاع من حسنهن
سما. ها لعد خوش خليك وياهم انه اروح
لزمت ايده سحبتهه ظليت اباوع لعيونهه راح اطگ بجي
مصطفى. شبيج بسرعه صدگتي شلون يعني مانتشاقه
سما بدموع. لا مو شقه وخر لايشوفونه
مصطفى بهمس. ولج غواره احبج ماظل شي تصيرين الي
سما بخجل. احبك مصطفى
مصطفى. لاتخونين حبنا
سما باستغراب. ليش كلت هيج
مصطفى. كلشي يصير حبيبي
سما. مستحيل اخونك لان اني عفت كل كرايبي وهنا الغريب وحبيت البعيد عني انته اول حب بحياتي
مصطفى. وانتي اول بنيه احبهه غطي شعرج
سما. ههههه ماعرف هذا شال شلون البسه شعري يطلع
سحبت الشال غطيت وجهه وهيا ظلت تصيح لان تخربط
طبيت كعدت ويا خالي الي من طبيت للمطبخ هو جان يباوعلنا
دنيه ظهر والاهل كلهم نايمين وتعب من الطريق
عبدلله. والله فد واحد انته
مصطفى. شبيه
عبدلله. شلون خليت البنيه تعترف وشنو هالعلاقه انته مو كلت ماحبها
مصطفى. كبل جنت ماحبهه بس خالي النغل هو لزگهه بيه بكل مكان لحد ماخلاني احبهه
عبدلله. ولو مسبه بس يلا لو مو اني جان هم تحب
مصطفى. جان هسا اني بأحسن حال
عبدلله. اهووو هم ترجع لحياتك الممله...
عمر. بالنسبه الك حياته ممله مو احسن من عيشتك اكل ونوم ونسوان
عبدالله. انجب😒😒هيا وحده
عمر. تصدگه؟
مصطفى. لاوين اصدك ساعه بال3اريد انام اسمع صوت الطكطك وصوت بنيه تكله ليش حجيت ويا صديقتي يكله ماحجيت بس گتله هلوو
عمر. 😂😂😂😂هلووو
عبدلله. اخخخ شذكرتني هذيج حبيبتي ندى انفصلنه
مصطفى وعمر. شنهوو
عبدلله. صارلنا6اشهر منفصلين كلتلي حبيبي ماكدر ابقى وياك بعد بس خل اكمللكم تاليها حبيت صديقتهه
عمر. امداااك
مصطفى. لحگت تنقهر؟
عبدلله. لاء
مصطفى وعمر. 😂😂😂😂
زينب. هاي شنو تضحكون بدونا سولفولنا شكو
عمر. شحجيلج هذا اخوج شبقى بنات الكليه كلهن صديقاته
سما. صدك احنا كاعدين نحضر وانتو متونسين
عبدلله. دنجبي هو الي يگابل وجهج يتونس شتردين اكوم اسويلج چاي
سما. عزاا بعينك ياهااي احجي ويا اخوك
عمر. عوفيه هذا ماينعدل الله وكيلج بس ضايج
مصطفى بضحكه. هسا تأثر عالفراگ
عمر بضحكه. هو دائما يجي متأخر
كعدو البنات وسولفنالهم وهنه طگوها ضحك استفزيناه شويه وغيرنا الموضوع وبقينه نسولف سويه
دك الجرس
عبدلله واخيرا لگى شي ينهزم طفرر بسرعه فتحه امي وجدتي جانو كاعدات بالغرفه طلعو
وفاء. منو اجى
عبدلله. خالي حمودي
وفاء. ياهلا هلا خوي شلونك
محمد. الحمدلله انتي شلونج اخبارج
وفاء. الحمدلله كلنه بخير فوت
محمد. سمعنه بنتج جايه وينهه هاي الماتسأل
اجت حضنته
ام مصطفى بضحكه. هلا هلا انه ماسأل دائما اسأل امي عليك شسوي بعيده عليكم
محمد. ههههه الله وكيل مشتاقيلج وينهه اختج التگه
ام مصطفى. بعدها مااجت عدها دوام ادخل
محمد. السلام عليكم
مصطفى. عليكم السلام شلونك خالي
محمد. ماشاء الله ولج يفوتج ابنج
ام مصطفى. شسوي اني ماعليه گصيره هو طلع على ابوه وعمامه كلهم طوال
محمد. اخبارك امورك
مصطفى. الحمدلله.......
ظلينه نحجي امبين خال امي الصغير هذا مختلف حتى جدتي تحبه اكثر كل اخوته ودائما يجي ويسأل وامي وخالاتي بنفس عمرهه
محمد. هاي امك وخالتك تربيت وياهم جدتك ربتني جان عمري سنه من تزوجت اختي
جنت انجح وخالتك ترسب وامها تلحگهه بالنعال الوردي هذا اليصلخ زين
ام مصطفى. اتذكره ههههه هذا جان ابد ماينكطع
محمد. لازم ماكله كم گتله بيه
الكل. 😂😂😂😂😂
ظلينه نسولف وياه متونسين شويه وطبت بنيه لابسه شورت كابوي او وصله مصلخه عليهه وشفقه براسهه وشعرها لي خصرها شايلته ذيل حصان سلمت
شهد. سلام عليكم
وفاء. ياهلا حبيبت عمتهه شلونج
شهد. زينه عمه باعي حلوو لبسي
مشيت واخذت فره
وفاء. هههه ولج منيلج هالحركات شنو هالجمال تخبلين طالعه
مشيت سلمت عالكل واحد واحد تبوس بيهم حتى الولد وصلت يمي
مصطفى باستغراب. شهد؟
باوعتلي مستغربه مني دنكت راسهه من جهه باوعتلي تريد تتذكر
شهد. هذا منو
ام مصطفى. هذا ابني
شهد. ليش هلكد كبير انتي اصغر منهه مايشبهج انتي احلا هههههه
محمد بخزره. شهدد احترميه بكد ولد عمتج
شهد. ها بابا ماسويت شي
مصطفى رفع حاجب مبتسم. عمي عوفهه براحتهه صغيره
رفعت اصبعهه بوجهي متعصبه
شهد بعناد. اني مووو صغيره
مصطفى. بالله اثبتيلي انتي شلون جبيره شو بكد ايدي بعدج
شهد بابتسامه. بالله ليش اثبتلك
فراس. السلام عليكم
الكل. عليكم السلام
التفتت اله باوعت شاگه حلگهه من الابتسامة شافت المغثه وتكمز
شهد بابتسامه. ابراهييم
طفرت اله حضنته وهو شاله عصرت ايدي حيل ماعرف شنو السبب الي يخليني اوصل لهيج مرحله اريد اكوم اگتله ليش اضوج من يحضنه اله حق هيا تحبه باوعت لسما ابتسمت إلها هيا رجعت باوعتلي خجلانه
اني شعليه بالطفله مجرد جانت طفله واحبها لااكثر
طلعنه بالحديقه لحگنه ابراهيم هو وعبدلله كلش مقربين ماحجيت وياه هواي
طلعنه بالشارع سوينه سباق بالماطور اثنينهن مالت خالي صعدنه والزعاطيط يكمزون ويانا نوب حتى الكبار
مريم. عليك الله تصعدني
شهد. ما وخري انا اصعد دوري
جنت راح اركب دفعتني بت عمي
زينة. انا اصعد كبلج
اجو بنات كبار طلعو بنات عمهه اثنينهم اسمهن طيبه ماصارلي من عرفتهن
طيبه. اني هههه اريد اجرب علمني شلون اسوك
سما بغيره. روحي لابن عمج انه اريد اصعد ها صعدت
شهد. كومي هذا دوري ماعليه اريد اروح
طيبه. دقيقه شبيج عيني رافعه خشمج علينه ودفعتي بت عمي ترا هيا صغيره مو بكدج بقره
مصطفى بغضب. كافي سما نزلي محد يجي وياي عمي صدك جذب تتعاركن عالماطور هاج هذا ماطور اتعلمي واخذيهن
شهد بفرحه. وصل برهومي يااااي حروح
ظلت تكمز فرحانه
زينة. والله اني اروح ويا اخوي
مصطفى. وانتن كعدن انتظرن يجي دورجن راح اخذ سما
سما بفرحه. هههههاااي
طيبه. وجعاي بكلبج نننن
ابراهيم. زينة انتظري اخذ شهد ويجي دورج
زينة. والله ماعلي حكوله الماما
عبدلله. دخيل الله شكد اختك تغار
ابراهيم. مصطفى عندك مجال
مصطفى. المن
ابراهيم. تركب وياك اختي
مصطفى. مو هاي اختي ماصعدته وياي تريد اختك ماخذ نفر جبير مو طفل
طيبه. طبعا ماخذ هايشه خايف لاتنكلب بيه ههههه
شهد. هههههههه منو
طيبه. امدااج يالفاهيه دولي عبالي فهمت دتضحك
شهد. بسيطه خلي ارجع نننننن
صعدت وشغلت الماطور
هستوني اشوف ابراهيم طار بالماطور عود سبقني وهذيج متونسه حضنته ومطلعه رجليهه كدام خلك الله شهل لبس
شغلت وانطلقت عبرته وانه اصلا ماباوعله
ابراهيم. هيووو لك طلعت تعرف تسوگ
مصطفى ابتسمت صفح. هسه تعلمت اسوگ ويا الجهال
ابراهيم. عليمن لك
مصطفى. انتبه كدامك
ابراهيم. بسيطه
شهد. برهومي اريد آيسكريم حباب خذني للمرطبات
ابراهيم. ولج مو هسه ماجايب محفظتي هسا تكولين
مصطفى. اخذها
ابراهيم. بعدين
مصطفى. ليش
ابراهيم. لازم ارجع ناسي محفظتي
مصطفى. اعزمك
ابراهيم. ماريد شي منك
سما. خلي نروح صدك احنا نصير اربعه ثلاثه كبار وحده صغيره
شهد. منو الصغيره اني كبيره
سما. ههههه ولج والله حلوو ليش تضوجين
شهد. برهومي كله اني صغيره؟
مصطفى بخزره. طفله
شهد. انجب انته طفل
ابراهيم. سكتي عيب
مصطفى. جنت راح اخذج واشتريلج بس طلعتي ماتستاهلين راح اخذ بس سما
شهد بصدمه. يوو اسفه هئ والله مو انته طفل برهومي طفل لان ضيع فلوسه اكو واحد يضيعه
مصطفى وسما. 😂😂😂
ابراهيم. كافي ام لسان اكلتيني بگشوري
شهد. يو اسفه اخذوني ماريد ارجع للبيت
مصطفى. انتي طفله
ابراهيم. هسا شلون
مصطفى. اصعد ولحگني
صعدنه ورحنا لأقرب مرطبات جان اكو گباله مول فتح جديد كعدنه طلبنه
سما كعدت كبالي ظلينه نسولف ونحجي اني وياها التفت شفتهن يباوعولنا
سما بخجل. مصطفى انفضحنا ترا
مصطفى. من شنو خايفه انتي ماسوينه شي حرام
سما بخجل. لا بس شهد هاي اتجفص حيل خاف بدون ماتدري اطلع سوالفنا
مصطفى. هاي الصغيره تريديها تتذكر هو اني ماتذكرتني من جتي مستغربه الى هسا تريد تذكر سوالفنا
ابراهيم. حممم خلصتو الحجي بينكم
مصطفى. تفضل خويه اكعد ويانه اذا تريد انته ارجع هسا احنا شويه نتأخر
ابراهيم. لااخذو راحتكم احنا راح نظل علمود لايشگون بيكم اني عرفت علاقتكم هسا فرحتلكم
مبروك ان شاء الله افرح بيكم
شهد. شنو يعني علاقه؟
سما. يبووو وصلت لحلگج
ابراهيم. انه اعتذر منك هذاك الوكت
مصطفى. لاتعتذر ماكو شي بينه انته ابن عمهه من حقك تغار عليهه
ابراهيم. الحقيقه اني وشهد تربينا سوا اني ويا كل ولد عمي هيج
سما. شنو صار؟
مصطفى. مصار شي سمائي خويه هسا دريت ماراح اخذه منك
ابراهيم بفرحه. هههه عرفت مبرروك مره ثانيه واعتذر منك
مصطفى. مقبول اعتذارك بس شهد تظل طفله وتصرفي وياها كأخت وبس
شهد. ياا اني مو طفله ومو اختك ابراهيم انا عندي اخ غير احمد؟
ابراهيم. لاء هههه يقصد يعاملج مثل اخته
هزت راسه
باوعت الشهد هيا صح كبرت وهسا تتذكر كلشي يصير وياها انه ماريد تاخذ انطباع عني مو خوش وتكرهني شكد تكبر تظل طفله نفس تصرفاتهه صايره احلا من قبل وخدودها بعدهن رغم هيا ضعيفه
مصطفى. انتظروني راح ادخل للمول مااتأخر
ابراهيم. انه راح انتظرك يم الماطور
مصطفى. سما ابقي وياهم
سما. حنتظرك
___
طبيت للمول اشتريت هديه لسما جنت راح اطلع تذكرت هاي اللعابه تحبهه شهد مالت باربي گبل اشتريتله مثلهه شويه تختلف اخذتهه واشتريتله حلويات جنت اتسوگ باوعت جت يمي
شهد. ااا شسمك ابراهيم يكول راح تعتم
مصطفى بابتسامه. حتى اسمي نسيتيه
شهد. انا انساك؟ ماعرفك
--مصطفى هذا اسمي
شهد. ها نسيت اكول ابراهيم ليش يكلك مصطفى
مصطفى. اي مو عبالج نبي فوك ماانتي فاهيه ثوله واتجفصين
شهد. شنو تشتري
طلعت اللعابه وانطيته الها ظلت تكمز وحضنتني
شهد بفرحه. هاي الي شون تعرف احب باربي
مصطفى. تذكريها
شهد. مافهمت شنو اتذكر
مصطفى. شهد اني شايفج كبل من جان عمرج4سنوات تذكرين جنت جايبلج تشبهه
شهد. هسه جبتهه شلون جبتلي مثلهه قبل
مصطفى. دخيلك ياعلييي ولج هاي جبتلج مثله قبل
شهد. اي فهمت بس اني ماعرفك اول مره اشوفك
مصطفى. نسيتيني وگته جنت صغيره من شفتج عضيت خدج وبجيتي وراها صالحتج واخذتج بره اشتريتلج وجبتلج مثل هاي اللعبه باربي تشبهج
ظلبت احجيلهه وهيا تصفن وترمش بعيونه
مصطفى. كافي ترمشيلي بعيونج ذوبتي هالگلب
شهد. شنو
مصطفى. شهد لاتكرهيني
شهد. انا ماكرهك ااا
--مصطفى
شهد. مصطفى
مصطفى بضحكه. ذاكرتج قويه كلش ههه لج ديري بالج تنسيني هالمره گبلهه وعدتيني
شهد برطمت. بس انا كنت صغيره
مصطفى. لتباوعين بهيج نظرات شهد عيب ماتخافين لااخطفج من اهلج
شهد. هىىىىئ لاء ليش تخطفني
مصطفى. باوعيلي شو تعالي
شهد برطمت. وين راح تخطفني
مصطفى بضحكه. اويلي عالتفاحه شهل خدود
شهد. اااااييي
مصطفى. شهل لبس هذا
شهد بفرحه. حلوو
مصطفى. لاء هذا لبس مال اجانب ليش مصلخه هيج ماحلو تلبسين هيج كدام ولد عمج او اي ولد عيب يباوعولج وانتي حلوة ماتخافي اطلعين هيج
شهد بتفكير. لاء هذا ماما اشترته
مصطفى. اخخخ امج شمسويه بيج وطالعه هيج
اخذي هاي العلاگه
شهد. هاي الي؟
مصطفى. لا لمريم
شهد بزعل. اوكيه
مصطفى. ولج نگلبي حجي اجانب هم لااطنكرين هاي الج وهاي المريم
وخر يمهه ومشيت لحكتني سحبتني من بطني ضمتني رفعت راسهه الي
شهد بفرحه. شكرا مصطفى انت لطيف مثل بابا
مصطفى بابتسامه. وانتي الطف كائن عالارض اشوفه تفاحتي
لزمت ايدهه طلعنه شفت سما حرت بين الثنين صرت ماعرف مشاعري لااكدر احب شهد ولااكدر اعوف سما عبرنا السايدين شفت سما تباوعلنا عفت شهد تعبر وحدها كل تفكيري جان اعوفهه لان ماريد اغصبهه تبقى وياي بعدهه صغيره
ماجنت متوقع جنت راح افقدها بهل لحظه...
وصل كبلهه هيا تأخرت تمشي بطيئ شفت السياره جتي من بعيد طايره والسايگ ماشايف گباله وهمه مو منتبهين يسولفون
طفرت اركض اريد الحگها كمشتهه من بطنهه ضميته حيل
مصطفى بغضب. لج ثوله جنتي راح تموتين باعي كدامججج الطريق كله سيارات
شهد بخوف بجي.لاتصيح
ابراهيم بخوف.شهد
اخذها مني وحضنهه وظل يمسد على شعرها جان خايف
ابراهيم بخوف. كلش اشكرك مالحگت الها جان هسا الله يعلم شنو جان حالنا الحمدلله على سلامتج ولح ليش تأخرتي
شهد بجي. هذا صيح علي
ابراهيم. ميخالف جان عصبي
عصرت ايدي كل قوتي رجلي بعد ماكدر جمدت بعد ماكدر اتحرك من خوفي عليهه مادري شلون وصلت الها وهيا بعيده گلبي راح يوكف من خوفي عليهه فحصته ماصارله شي ظليت اشكرالله لان انطاني القوه بهيح موقف بقيت افكر لو فگدته لو مالحكته
لزمت ايدي
سما بابتسامه. حبيبي لاتضوج هيا زينه كافي تعصر بيدك خلي نرجع تأخرنه
مصطفى بقلق. تكدر تسوگ وياها
ابراهيم. لاتخاف ماصارله شي الحمدلله
سما بزعل. يامصطفى صدك تحجي وين ناخذهه عوفهه ويا ابن عمهه
مصطفى. شهل حجي سما لبنيه جانت راح تموت صدك تحجين انتي
سما. خلص اسفه ماراح ازعل منك لاتضوج احم احم خلي اغنيلك كبل لانوصل.........
_________
ورا نص ساعه وصلنه ماكو احد بره كلهم طبو دنيه مغرب
ابراهيم. اففف يالله تأخرنه هسا اختي العلك تسويني وصلتين
مصطفى. طلعها هسا
ابراهيم. اختي مو مثل اختك هسا تكلي تأخرت ويا شهد واني تقشمرني بدقايق نوب تعرف وين رحنا وهذني بديهه راح هسا تكول اشتريت لشهد وماجايبله
مصطفى. اخذ هذني روح جيبله لاتخليهه بگلبه يلا كبل لااطب جوه وتسويك فضاحه
ابراهيم. شنو هذا عيب شنو ماعندي اجدي منك
مصطفى. مو اتچدي راضي اختك بالاول وشوكت تريد رجعهن الي
ابراهيم. زين اخذهن وارجعهن هاك شهد طببها نايمه
سما بزعل. مصطفى هئ
مصطفى. شنهو انتي طفله شهل حركات لزمت ايدها انتظريني اطببه واجيج عندي وياج شغله
سما. اني اشيلهه
مصطفى. ماتكدرين
سما. انتظرك ع سريع
لزمت شهد وطبيت للحديقه بيدها العلاگه شادتها ونايمهه راسهه جتفي ورجليها على خصري چنهه ملاك صغير اديها گصار
--انه مفارك الموصل وبيد الله ارجع اشوفج اريد من الله تنسيني شهد كون بس سويهه وكليلي مااتذكرك هالمره الله اعلم وين راح يصفى بيج الدهر بعد مالتقي بيج بالمستقبل راح تظلين بنيه لو تتزوجين ليش خوفتيني عليج هلكد عليتي گلبي انتي شنهو راح يصير بيه لو فگدتج
لزمت اغراضهه فزت
شهد بدموع. لعابتيي
مصطفى. اشش هايه هنا
رجعت نامت طبيت كل واحد ورى الثاني مطنكرين كلهن انطيتهه الامها
مصطفى. شبيكم
مريم بغضب. اني اعتقد كتلك اخذني وياك مو تروح ويا سما وتجي ويا شهد
زينة بغضب. واخوي كلي اخذج راح ويا شهد ورجعت وحدهه
ابراهيم. جيت جيت هاج جبتلج حلويات وهسا اطلعج
زينه بفرحه. ياااي
ومصطفى. وانتي لاتباوعيلي هيج اول وحده تذكرتج انتي وعبود هاج يبعد اخوج الج والبنات
مريم بفرحه. باعو ولجن گتلجن اخوي حنين هههه
بست راسهه وجنت طالع
عبدلله. والله من شفتك طالع ويا سما غسلت ايدي
مصطفى بخزره. مو بس احنا شهد لحت ناخذهه للمرطبات
عبدلله. وماتذكرتوني
مصطفى. لك بابا روح انته جيبلك شنهي انته جاهل عاد انته خالي ومفروض انته تجيبلي
عبدلله. حممم اترخص لازم اكو شي بره اهم
عفت وطلعت
سما. وين جنت تأخرت هواي ترا راح ادخل امي راح تجيي
مصطفى. اوكفيي دقايق من وكتج مشتاگلج
سما. اني اكثر حبيبي حمم شنو جنت رايد
مصطفى. فتحي الهديه
انطيتها العلبه اول شي طلعت علبه على شكل قلب بيها ككو والثاني جان سوار فضه من زمان جان عاجبني يلوگلهه
سما باستغراب. شنو بيها
مصطفى. فتحيها وشوفي
سما بفرحه. اتجنن اعشق الحلويات ههه
مصطفى بضحكه. عوفي الحلويات وفتحي الهديه
سما بصدمه. لااء مصطفى حبجي
مصطفى باستغراب. ليش حبيبتي لاتبجين اذا ماعاجبج اجيبلج غيره جيبي
سما بدموع. يااا شلون تاخذه مني هذا هديتي شلون ماعجبني غير يخبلل مصطفى انته اول شخص بحياتي هيج يعاملني اني اهلي مايحبوني بكدك جنت تكولي مااناسبج وتلكين احسن مني انه كلش احبك ماراح الگى احسن منك لاتعوفني
مصطفى. سما كافي تبجين بااعيلي شويه مسحي دموعج انه احبج لاتنقهرين انه اصيرلج اهل ماعوفج سما راح نتزوج انه كلت لعمي اجي اخطبج ورا سنتين
سما بفرحه. صدك ماظل شي هههه
مصطفى بحسره. بس اكو شي ثاني
سما بقلق. شنو
مصطفى. راح اروح للبصره عندي مشروع سنتين واوعدج اخلصه بأسرع وكت واجي اخطبج ثاني يوم
سما بجي. شنوووو لك انتت شنووو تحجي مصطفىىى تعرفف شراح تسوي راح تفاركني ولك سنتين شلون اتحمل اكلك اني احبك ليش تعوفني ليش ليش
مصطفى بغضب. اشش اهدي سمااا فكري زين هذا المشروع راح يخليني اتغير انه اسوي كلشي حتى اعيشج مثل الأميره وادللج تحملي رجعي لرشدج كملي دراستج هسا
سما بدموع هزيت راسي. لاااء ماراح اكدر اكمل بدونك اذا مااخابرك كل يوم اسمع صوتك وكلامك يخليني اثق بنفسي اذا مااشوفك كل فتره
مصطفى. صدگيني انه ماريد اعوفج هذا شغلي مشروع لازم ينجح انه وعدتج اكدر اخابرج واسأل عليج من يصير عندي وكت
سما بجي. وشلون يعني ماتجي حتى من يجون اهلك
مصطفى. لجج سمعيني كافي خبال كتلج احبج اموت عليج افهميني مو بيدي هذا شغل مو لعبه ثاني شي حياتنا راح تتغير اذا نجح
سما بقهر. روح مصطفى روووح ماريددك
دفعتني وطبت لبيتها ركعت الباب
ظليت حاير شلون اخليهه تقتنع ع كل حال انه رايح
طبيت للبيت ضايج مر اليوم كله وانه افكر بيهه
والليل صار ثكيل عليهه الوكت مايمشي
ثاني يوم انتظرته ومااجت بيت جدي للعصر دك الجرس فتحته شفته مبتسمه
مصطفى. سما
جاي احجي خلت اصبعها على شفتي
سما بابتسامه. اش ماكو داعي تحجي انه اتفهمك وقابله لان اريدك ناجح دائما بس لتعوفني مصطفى احبك والله ماكدر اعيش من دونك
مصطفى. بويه شنهو اعوفج اعشگج افهميني
سما بقهر. اوفف خلينه نظل سوا هذا الاسبوع اعتبره وداع كبل لاتروح
مصطفى. كل وكت وياج اعيشه احس سنين شايفج گبل
سما بفرحه. شكد فخوره بيك
وطولنا اسبوع احنا باقيين يمهم تونسنا كل يوم نروح اني وياها لمكان وخالي مغطي علينا او واكفلنا لان يدري راح اعوفهه جم سنه
عشت وياها كل دقيقه احلا من الثانيه كبل جنت مامتمسك بعلاقتنا لان من جنت اشوف شهد مشاعري تتغير وياها
واحسن شي مرتين بس شفت شهد وراها مااجت
تونست ويا خوالي وكعداتهم ولمتهم الحلوه
لحد اخر يوم ودعت سما بيه جنت اول مره اتقرب بعلاقتي وياها لزمت ايدها حيل وبسته
مصطفى. وعد مااخليج تتعذبين انتظريني ارد واخذج
سما بدموع. راح اشتاقلك روح
مصطفى.انه اكثر جم مره مسحت دموعج كافي تبجين
سما بجي. هههه اذا راح تظل تمسحلي دموعي معناها راح اظل ابجي لي باجر
مصطفى. ولج سكتي والله اخابرج ماعوفج
سما بدموع. يكولون بناتهن حلوات
مصطفى. ههههه استغفرلله ولج كتلج رايح بشغل مو رايح اخطب
سما. ههههه كافي حبيبي مع السلامه ربي يحرسك
مصطفى. الله وياج انتبهي على نفسج زين
هزت راسها وطبت وجنت ادري راح تدخل وتظل تبجي صعدت بلغرفه لكيت خالي مقهور
مصطفى. شبيك صاير عندك جفاف
عبدالله. ماكو شي نام ماراح اضوجك
مصطفى بضحكه. احجي شبيك حبيبتك عافتك
عبدلله. استغفرلله هسا انت هم جاي تكلي هالحجي
كعدت يمه طبطبت ع جتفه
مصطفى. احجي احنه اخوه ومابينه رسميات
عبدلله بحزن. راح تعوف دراستك واهلك الله اعلم شكم سنه شلون تكدر تتحمل هالشي انته بهيج عمر شلون تفارگ اهلك لو الشغل اهم من اهلك عفت سما على مود مشروعك انه اكلك خسرت كلهن علمود شغله مشروع
مصطفى. صح حجيك بس مو بكيفي انه...
من كل الاحوال الطرق مسدوده واني احتاج اطور نفسي لازم تعرف انه ماعندي اهل ترفض اي شي يكوله عمي
عبدلله بحزن. عمك ياهو يكدرله
مصطفى. لك كافي حزن شعندك هاي سما طبت لبيتها فرحانه وانته حالتك اسوء منهه كاعد تبجي
عبدلله. وين ابجي عليك تصدك راح اخلص منك اسبوع كامل ماشايف نوم بعيني هسا بعد ماكو منو من الصبح يركعني راجديات حتى اكوم
مصطفى بضحكه. لك بس لو اعرف عليمن طلعت
عبدلله. هههههه مختلف لااشبه احد
مصطفى انته مو بس ماتشبه احد انته حتى نفسك ماتشبهه يلا نام على وكت باجر اكعدك
عبدلله. شنيي ماناااام احنااا
مصطفى. صوتك
____
كعدنه من وكت ودعناهم كبل لااطلع باوعت لبيتهم ماطلعت اليوم صعدت السياره وسگت
وصلنه الظهر رجعنا تعبانين نمنا
ورا ساعات كعدت وحضرت جنطتي
ظل يومين حتى اخلص كل شغلي هنا
مرر يومين بسرعه بالليل حجيت ويا اهلي والصبح امي ظلت تبجي
ام مصطفى بجي. لاتروح ابني عمك مايكدر يرفضلك طلب
مصطفى. يمه وداعتج ماراح اتأخر اخابرج كل يوم واسأل عليج لاتبجين
ام مصطفى بجي. اروحلل فدوه يمه انتبه على نفسك ترا اذا صابك شي اموت
مصطفى. رايح احارب؟ بسج بجي يالغاليه ديري بالج على اخوتي انه بخير اذا اشوفكم بخير
حضنت اخوتي ظلو يبجون ولد عمي انقهرو
صعدت بسياره ماخذها جديد هستوني طلعت من المنطقه ودك الجهاز
.. الووو
حسام. لاهلا ولامرحبا شني لبالك تعوفنا
مصطفى بعدم اهتمام. هسه شتريد
زيد. بداعت الخوه تجي تاخذنا احنا طالعين منتظريك عالشارع
مصطفى. لك وين اخذك انتو عبالكم يوم وراد لبيتي سنتين يجوز اتأخر اكثر
حسام. دتعال هو احنا جايين وياك لبالك تعوفنه وياك وياك
زيد. احنه من درينه توسلنه بالشيخ عاد نسويلك واهس يلا قبل
مصطفى بغضب. شتسوولي ولكم وينكم
حسام. هلا بخويه سيارتك تخبل شعندك طاگ؟
زيد. احسدها بعد خلي ارواحنا هم بلاش
مصطفى. بطلو هاللغوه الزايده شعدكم جايين وياي؟
حسام. ونظاره وهيبه بعلي صاير زنگين
زيد. شو انطيني نظارتك بالله مو تلوكلي
حسام. انجب جنك ديج مصلوخ
مصطفى بغضب. مادام ماعدكم شي انه اصعد يلا اودعناكم ان شاء الله
صعدت وعفتهم ظلو يدكدكون بالجام ردت اعوفهم ماتحملت خبالهم ضحكت لو ماادري بيهم صگط هذوله
مصطفى. شتردون
حسام بانزعاج. وين عايفنا هسا خل يجي اسد بعد حتى نصير اربع
مصطفى. لك وين رايحين نخيم بعدين انتو عايفين شغلكم ولاحكيني
حضني حيل
حسام. بعلي وين نكدر بدونك احنا مشتتين ضايعين
زيد. احنا خوه مو بس حجي وين تروح نلحكك لو بنهايه العالم وراك وراك
اسد. سلام عليكم تأخرت عليكم؟
حسام. لابعد وكت هاي شني لك شهل خيانه شو انتو مترتبين وماكلتو احنا عبالنا صاعدين عماله
اسد. رايح للبصره تريد البس لبس عماله
حسام. هم زين مترتبين شويه يلا نبدل عاد هناك
مصطفى. اسد فهمني شنهو بالضبط شكاعدين يحجون هذوله صدك جايين وياي
اسد. حتى انه والله خابرنه علوان
حسام. عليوي عليوي فديته العليوي
مصطفى بغضب. انجب واحترم الرجال جبير
اسد. عرفنا هو وكلك مشروع جبير كلنه احنا نشتغل ويا العمال ونبقى وياك ورفض هذوله الصگط راحو توسلو بيه مره ثانيه يلا قبلو قنعوه بيك وافق خابروني وهسا جيت
مصطفى. واهلكم
حسام بضحكه. عليش تسألهم جا هيا قصه صعبه حالنه حالك المشرد واليتيم
مصطفى. بلا هالحجي احنا خوه وعائله صعدو بس كون ماناسين شي من الهويه و..........
شايفين هاي السياره گبالنه هذوله ويانا همه يعرفون بالطريق
زيد. حييل هيا محافظه ليش حنا مسافرين
حسام. شغلنه اغنيه...
ولك اسييد اگلب من يمك شغل اغاني
اسد. شتريد اشغل
حسام. ساجده عبيد...
يحجي ويطگ اصبع
اسد. مل*هى عبيد تريد غزلقرط من الصبح
زيد. اي بالعباس ناس تشغل فيروز
حسام. بااع هذا بطران لك شسوي بالفايروس صوته اااءاااءااء شتفهم منها صوته يكلب مزاجي ياخي شعاجبك بصوتهه
ظلو يتعاركون عالاغاني اسد گلب الاغنيه شغل كاظم الساهر "حبيبتي"
مصطفى. خوش ذوق
حسام. لاياعبااس يابو فاضل هم كاظم ومتفاهمين شو بس انه وانت نتعارك
--صغيرتي.. ان عاتبوكي يوما
كيف قصصتي شعرك الحريرَا
قولي لهم انا قصصت شعري
لأن من احبه يحبه قصيرا
زيد. فوك ماكاظم غاثينه بصوتهم متونسين العشاق
حسام. اكلكم شعرهن كصير لو طويل
مصطفى بخزره. انعدل لك لااكوم ادوس راسك
اسد. لك اكو واحد يسأل صديقه هيج سؤال دنچب واكعد
حسام. يابه شكلنه شكلنه هو شعر
زيد. صخمت بأم الحجي
حسام. ديلا همه شونهم هسا نسوانهم يطلعون زلم خشنه حتى شعر ماعدهم بربك هذوله يعرفون يختارون شعرهه گصير كلهن صاطرهن العباس هم يعرفون ياخذون نازكهه
التفتت شفت مصطفى يبباوع لمكان مبتسم خليت راسي شفت صوره سحبته
حسام. شنو هالصوره
مصطفى زمخ. رجعهه
حسام. شايل صوره طفله هاي منو وشعرها اسود طويل وخدود وعيونه حلوه هاي حبيبتك
مصطفى بغضب.لاااء كتلك رجعها لاتخليني اذبك من السياره
حسام.وين واحنا صرنا بعيدين وين تذبني احجي هاي منو امبينه الصوره قديمه عندك هسا كبرت جا شبيك ماتكلنا عدكم هيج حلوات سويلنه موعد وياهن
حجيت داتشاقه وياها ماشوف غير كام يضرب الستيرن تخبل كام يسوگ بسرعه جنونيه
مصطفى يحجي من بين سنونه. انطيني الصوره انه اعلمك بس نوصل
حسام. اخذهه ماسويت شي ترا خمه ماكلهه
اسد بتفكير. اكو شي
____
وصلت البصره تعاركت ويا حسام زعل ثاني يوم اجى اعتذر وگتله انه جنت عصبي من تعب الطريق
بدينه المشروع واصدقائي وياي ساعدوني بفضلهم
استمرينه بالشغل ماارتاحينا حتى مافرينه البصره
تعرفت على اصدقاء من البصره وهذوله جنت اگضي وياهم وكت فراغي
بليل اخابر اهلي كطعت اشهر عن سما رجعت خابرته كل يوم تبجي وتكول منتظرتني واهديها
كم شهر واخذت لهجتهم البصره وكمت احجي وياهم بلهجتهم تعودت صار روتين حتى ويا اصدقائي الي اجو وياي كمت احجي لهجه بصراوي همه تعودو لان هنا صار عندي اصدقاء
طبينا سنه 2013جديد جان عندي وكت فراغ طلعت ويا الولد رحنا لبيوت الشيوخ الاعرفهم
جنه بالكعده ظلو يمدحون بعشيرتي وعمي فرحو بجيتي اعرف ولدهم
رجعت العصر للشقة خابرت اهلي سلمت عليهم العائله كلهه ملتمه هناك نص ساعه احجي وياهم
خلصت سديته جنت راح اخابر سما بس ماظل وكت
طلع حسام من الحمام
حسام. ها شيخ شايفك جاي من وكت
مصطفى. ساعه انتظرك تسبح
حسام. وانته كلساع سابح شعدك كل شويه طالع من الحمام
مصطفى. ساحب مي من عندك
حسام. هههههه
زيد. واخيرا وصل العشى
اسد. شسوي غير ازدحام
كعدنه تعشينا طبيت سبحت
كاعدين طلعنه الورق وبدينه نلعب حسام جان بفريقي
حسام. ولكم اموت اموت هههههه اطرگ
زيد. بداعتك لاااا اسيد لايالكعبه ماتعرف تلعب
اسد. اني لو انته اكلك انته وياي علي كلشي ماتعرف تلعب اذا انته بحياتك فاشل لعد باللعب شلون
حسام. صخاام ههههه
زيد. اني ابدل ويا حسام ماريدك
حسام. شني يابه خليني ويا صفاء احسن مرتاح
مصطفى. هههه صگط
زيد. طبعا انته متفائل لان اثنينكم نفس المستوى
مصطفى. وين حسام يعرف يلعب؟
زيد. انته تفتحله طريق ينزل
حسام. العب بلا حجي اليوم نسحلكم يلا نرتاح
زيد. كبدبد فدوه اروح ال هل خد كبدبد غيرك ولاحب احد
مصطفى صغر عيونه. بيك جفاف؟
الكل😂😂😂😂😂
زيد. مو بس جفاف صاير اليسا 😂😂
حسام. ميخالف بتمون يائلبي عينك ع ئلبي
مصطفى. دلملم ئلبك وروح ذب الزباله وراك وراك لاتصير لوگي
حسام. بشرفك هم انته واحد يتغزل بيك
الكل😂😂😂😂
مصطفى. لابويه منهو كلك اريد تتغزل بيه كافي عليه عندي احد يتغزل بيه احسن من لواكتك
حسام. بشرفك ابن عمي تخوني ويا حبيبتك نسيت العشره الي بينه
اسد. هذا شبي متأثر بأم عصام
زيد. 😂😂😂بشرفك كمل يلوكلك التمثيل
حسام. بااع هيج يكف مصطفى ايد ورا ظهره وبقيافته فجأه يلكى بنيه شعرها طويل وگصيره وام عيون
تعبر من يمه وشعرها يعلگ بالدگم
اسد. فلم هندي
زيد. حسام خان
مصطفى. شهل تمثيل الفارغ مو هيج التقينا ومنو كلك شعرها طويل؟ وگصيره؟ لك شارب شي.. انه ضخم تالي عمري اخذ گصيره كل عگلك انته
حسام. صراحه حقك اذا تاخذه گصيره وين توصلك هاي المهم خل اكمل احم احم
لبنيه طولهه وسط
هذا مصطفى هنا
وهاي لبنيه هنا
بتقليد
-لج شنهو انتي بويه ثوله ماتنتبهين كدامج
-اووف انته ليش هلكد عصبي ومنزعج
-فوك الثول بارده
الكل😂😂😂عليك صوت
-لج وخري شعرج اكره الشعر الطويل عصبتيني هسا شعرج علگ بالدگم مال دشداشه شلون راح اخلصه منه اكطع الدكم لو اگص شعرج احسن
مصطفى. لك انه اكرهه الشعر الطويل؟
حسام. ترا شلقصه مافهمت انته مو كلت شعرهه كصير يعني هسا كاره الشعر الطويل
مصطفى. خاب دولي مو كل بنيه تحبهه تلكى مواصفاتهه مثل لتريده
حسام. المهم انت تكره الشعر الطويل وهيا راح تحجي
-شعري اهم مني اذا انكطع خصله من شعري راح اندمك اظفري اغلا منك وانته خايف عالدكم والدشداشه
مصطفى. يلا بطل كافي سخافه
زيد. لابداعت الغالين خلي يكمل تلفزيون وماكو
حسام. راح يفترقون وراها يلتقون بعد سنه
يقلد عالحجي
-انت
-انتي
-شلون عرفتني
-انتي شلون متذكرتني وليش كصيتي شعرج
-كصيته لان كلت ماتحب الشعر الطويل اهئ
ههههههههه مصطفى نايم كاعد تحت تأثير النوم لو شارد هيوو
مصطفى. شبيكم خلصت مسرحيتك التافهه مثلك يلا طفي الضوه ونامو
حسام. وين جنت شارد عجبتك القصه بعنوان حب من من اول شعره هههههاااااي
زيد. مو ضحكه هاي كبر حتى شطولهه اتجر بالضحكه
حسام. كه كه كه كه اييييي هههههه
الكل😂😂😂
فرشنا الكاع وتمددنا الشقه صغيره ومابيها اثاث بس مطبخ وطخم بالهول وغرفه وحده جبيره كلنه بيهه ظلو يسولفون لحد مانامو ظليت افكر بالمشروع وخايف اخسره وماينجح هذا اول شغل يصير بيدي وتعذبت هالسنه اربع مرات جنت راح اخسره ورجعت مااستسلم بهل سهوله
گلبي بده يضيگ طلعت للبلكون كعدت ورث جكاره ظليت افكر هواي امور شاغله بالي شنو خله جماعتي يلحگوني بكل مكان ادري همه يحبوني بس تخلو عن اهلهم ومشو وياي
كطع تفكيري شخص وراي
اسد. الله بالخير شعندك كاعد بالفجر
مصطفى. التفكير تعبني
خله ايده على جتفي وضحك
اسد. احنا ندري بيك انت سبع تكدرله وداعت امي اذا ماطلعت بمشروع ناجح اطلع اني مافهم
مصطفى. شنو السبب الي خلاكم تتركون دراستكم وتلحكوني ليش ماخلصتو جان هسا
اسد. ندرس وانت مو ويانه والله حتى ابيع الجامعه شنو جامعه احنا خوه نموت سوا ونعيش سوا احنا تربينا عالحلوه والمره تذكر
مصطفى.جنت واكف باب مدرستك ادور على امك وتبجي وانه مستغرب منك ثاري حگك كل ولد يفقد امه صعبه ماحسيت بيك لمن فگدته
اسد. كبرنه بعد شيفيد احنا كلنه جنه مشتتين وفقره وايتام فگدنا اعزازنه ماعدنا شي نخسره لهذا مستمرين وين يصفى بينه الدهر خليه على الله
مصطفى. من ارجع راح اخطب سما
اسد بصدمه. صدك تحجي؟ بس انه شايفك متسرع
مصطفى. ليش متسرع لبنيه تحبني وانه احبهه جم سنه ننتظر هاي خمس سنوات مر على حبنا...
وانته ماناوي تخطبها
اسد. غلط انته متسرع اني لازم اسأل عن اهلها حتى لو احبها وبعدين اريد اعرف تحبني لو لا هم اريد اتخرج واخطب بعد وكت
مصطفى. اعرف اهلها كبل لااحجي وياها حتى عمامها اعرفهم عائلة عدهم مرض وراثي مقيدين بالبنيه بس سما مختلفه عنهم راح اجيبها لبغداد واخلصهه منهم
اسد. مصطفى لاتجذب على نفسك انته ماتحبه جم مره كايلك انته معجب بيهه لبنيه لان عيونك ماتشوف غير شهد
مصطفى باستغراب. شلون عرفت اسمهه مستحيل احبهه
اسد. انه شفت تصرفاتك واريد اساعدك لاتعلگ روحك بحبيبتك البارحه جنت نايم وتصيح اسم بنيه كلت شهد شهد نفسه لبنيه الصغيره مو
مصطفى. اي هيا طفله متكلي شحب بيهه لاتكبرهه يجوز شفتهه بالحلم صدفه لاتربطها بالموضوع انه احب سما
اسد. انه اشوفك تريد تزوجه بأسرع وكت علمود اهلها ودراسته مصطفى اعرفك وحافظك شوف انته حتى ماداتحس بفراگهه
مصطفى بحسره. خويه لاتزيد علي
اسد. اخذ وكتك وفكر اذا الله كاتبلك الخير بيهه تصيرلك يلا خويه كوم نام وريح نفسك
____
اشهر احنه تعبنا بالمشروع وهالمره اتفقنا مانعوفه لحد مايخلص جنه مصرين يكمل
اتصلت على سما يفصل الخط يمكن ماعدها خدمه
ظليت كل يوم اتصل بيها ماترد گلبي حسسني اكو شي يجوز اهله درو ماظل شي راح اجي اخطبهه اصبر مصطفى كم شهر
ظلينه نشتغل بدون راحه جنت اكثر شي اسوي ارتاح انام تلث ساعات بس غيرهه ماجان اكو وكت نرتاح واحنا لحينا ردنا نخلص ونرد لأهلنا
بسرعه
--واخيرا كمل المشروع انتظرنه فتره بلغونه المشروع نجح بنسبه90٪ اهنا احنا من الصدمه مانعرف شنحجي ظلينه فرحانين لي ثاني يوم احنا مانايمين ودعنا اصدقائنا وهذا اخر يوم نبقى بالبصره
كعدنا من الصبح متحمسين اول مره ندخل مشروع بيه ويا جماعاتي وننجح بيه مامصدگين
حسام. طلع بيه فايده هههههه
اسد. كل هذا بفضل مصطفى هو جان جاي وحده وهو توكل بكلشي احنا ساعدناه
مصطفى بفرحه. مساعدتكم الي سبب نجاح المشروع
حسام. طگيت هسا مو بس تعرس هلا هلا وتشتري بيت الك
زيد. كلنه طكينا
مصطفى. مبروك النه
'___
وصلت لبغداد وشمحلى بغداد وعيونهه
وصلت الولد لبيتهم ودعتهم رجعت طبيت لبيتي لازم جنطه السفر البيت هدوء
طبيت حتى ضوه مطفي شعلت ضوه تفاجأت بيهن كلهم منتظرين جيتي وامي اطش بجكليت جتي تحضني وتبوس بيه
ام مصطفى بدموع. هلا يمه رديت رويحتي وياك من جيت يمه شنو هالتغير هذا انته ابني
مصطفى. يمه ابنج كبر شتردين اظل صغير
مريم بدموع. مصطفى
جتي شبكتني وظلت تبجي هيا وعبود
مريم بدموع. ليش عفتنه جم سنه اني ماشايفتك ليش رحت خويه
مصطفى. اهدي انه بخير وهاي رجعت بعد ماروح لأي مكان
ام مصطفى. انته حيل متغير عن اخر مره شفتك بيها ودعتك جان هلكد طولك طولان بعد شوف اللحيه وين واصله وجهك متغير
مصطفى. يمه دخيلج هيا سنتين مارايح قرن
______
مصطفى. شلونك شيخ
الشيخ أنمار. هلا بالرفع راسي لك سنتين تدري شسويت بينا عزلت تلث شركات جان رايدين هاي البضاعه ويردون الكاع الهم
مصطفى. بفضلك لو ماانته قنعتني بس ماريدك تنسى بالوعدتني بيه
الشيخ. ابشر انته يمتى نروح نخطب تحبهه
مصطفى. عمي احبها بس هيا بعيده عني مو بغداد هالشهر اعقد
الشيخ. عفيه عليك تستاهل ابن حارث الصگر
____
صعدت انه مافرحان كد مافرحت بالخطوبه سبحت ونمت العصر نزلت ادري عدنه شغل ويا الشيخ علوان علمود البضاعه اسلمهه اله واحاجي امي
طبيت سلمت كملنه شغلنه بعد ماحجيتله من بدايه شغلي الى نهايته بالحرف الواحد وهو عجبته فكرتي ظل يمدح الموضوع
العشى كعدت ويا امي كتله اريد ازور الموصل صارلي هواي ماشايفه خلي اروح اشوف اهلج مشتاگلهم اتفقنا عالموعد ورى تلث ايام نروح
انه كعدت من الصبح سبحت وطلعت رحت زياره للامام الكاظم (ع) كعدت واشگي التعب بيه واندعيت سما تصير قسمتي واگدر انسى شهد
رجعت بال2الظهر الجو ربيع ماهواي حاره
بعد ثلاث ايام
حزمت جنط واخذتهم طلعنه ساعات يلا وصلنه
طبيت للبيت جدتي عرفت بجيتي ركضت بس رادت توصلني رحت ضميته وبست راسهه
مصطفى. شلونج جده
وفاء بدموع. بخير بعد شوفتك ردت الحياه وياك
سلمت على خوالي كلهم ملتمين اهل امي فرحانين بجيتي
عبدلله غمز. شلونك
مصطفى. فهمت جاي اخطبه وانته ماناوي تبطل سوالفك الطايح حظهه
عبدلله. بطلته من زماان
مصطفى رفع حاجب. انته بشنو تقنعني
عبدلله. اسألهم انه تغيرت عفت الجامعه وتعلمت شغل والصنايع الشهاده ماتفيدني ماكو تعيين
اجمع فلوسي من هيه تعلمت منك
خليت ايدي ع جتفه
مصطفى. عفيه عليك لاتعتمد عالشهاده بس هم تفيدك كمل دراستك واتخرج مامعلوم تحتاجهه
طلعت واني منتظر سما تجي من تعرف انه هنا راح تفرح لان جاي اخطبها
كعدت بالحديقه انتظرهه ماجت اتصل هم متجاوب بده الشك يلعب بگلبي
عبدلله. لاتنتظرهه ماراح تجي
مصطفى. شتقصد؟
عبدلله. كتلك ماراح تجي
مصطفى. شنو انتقلو لغير مكان عادي ماكو مشكله
عبدلله بحزن دنك. سما انخطبت من ابن عمها
طفرت لزمت ياخته
مصطفى بغضب. احجيي شنهوو كلت سما مستحيل تسوي هيج بيه تحبني
عبدلله دنك. صدكني انه هم ماعرف
مصطفى يحجي من بين سنونه. دير بالك تسوي هيج مقلب وياي بعد
عبدلله. مو مقلب انساها
عفته وطلعت اليوم ادخل بيته واعرف شنهو دايصير بغيابي صارله اشهر هيا ماترد على اتصالاتي وعدتني وگالت لاتعوفني تالي هيا تعوفني تخبلت
دكيت الباب طلع اخوها الصغير يعرفني شفت باب مفتوح وهيا كاعده بصف شاب اريد استوعب الشايفهه كدامي هيا هاي حبيبتي الي دللته وكفت وياها تعب خمس سنين تاليهه تضحك ويا غيري سچين ونبتته بگلبي باوعتلي بنظره غريب لااعرفه ولاتعرفني عفتهه بعد الشفته انهد حيلي
شنو من ظلم انه اعيشه بهل عالم شنهو البشر مايرحم يمتى الله يجازيني بوحده تستاهلني
اريد اكمل طريقي وامشي ورجلي تجمدت من صدمتي ماتروح من بالي المشهد يرجع ينعاد بدماغي لازمه ايده وفرحانه تعرفه من زمان وانه ماتذكرتني خمس سنين هيا اتجذب
انه ممكتوبلي افرح الاحبهم افگدهم طبيت للكراج مدنك لاباوعت منو اجى ومنو راح كل همي اوصل لمكان وحدي بيه
شهد بفرحه. مصطفى اجيت
دفعته وطبيت شفت كلهن جايين عيب اتجاهلهم سلمت وصعدت للغرفه انه فارغ
وصلت الغرفه وانه منصدم ركعت الباب كل قوتي طلعت الاغراض من الجنطه والصور كلهن شگكتهن
گلبي محترك انطيته وعد نتزوج اجي الاكيها وياي واحد ثاني صعب تعب خمس سنين ينتهي بثواني
شلت بالاغراض وحده وحده ارگهن بالكاع افلشهن نزلت دمعتي
مصطفى. اويلي عليج يمه جنتي تكولين الحجاره وصخه طلع كلامج صحيح اقذر من هيج ماشايف
عبالهه بتصرفهه كدامي راح تكسرني طبهه مرض اذا مااندمه واخليها تبوس قندرتي سهله يجيج الدور مو انه التلعبين عليه
صرخت بعصبيه وكسرت المزهريه الي بالغرفه انفتح الباب
طب عبدلله ركض ويا شخص وراه ماشفته فقدت من العصبيه
عبدلله. مصطفى اهدئ اكعد وارتاح لازم تحجي وياها وتعرف شنو السبب الخلاها تسوي هيج ياخي احنا مثلك انصدمنا
مصطفى بغضب. لك شنتظر اشوفها اتجذب ولك كاعده بحضنه وتباوعلي بعينه مثل الغريب شنهو اطلع اعذار
عبدلله بحزن. مستحيل تسويها
مصطفى بغضب. لك هم يكلي مستحيييل ولك خمس سنين اجمع مهر واشتغل واتعذب علمودها انطيته وعد اخطبهه ونتزوج ليش ماگتلي هااا احجييي لاتظل ساكت شجنت منتظر ادخل بيتهه واخطبهه وترفضني كدامهم
حجيت وانه قابض ايدي حيل حجيت اخر كلام وركعت ايدي بالمرايه ࢪئسا كام يطفرر كزاز بكل مكان سمعت صوت صريخ
شهد بفزع. عاااااا ماما ماما
عبدلله حضنه. اهدي لاتباوعين بااعي هو شويه عصبي
مصطفى بغضب وزمخ. هاي شجابهه
عبدلله. كالت دفعته بره تكول ضايج مني لبنيه جت تريد تعرف ليش هيج تصرفت وياها شسوتلك هاي الصغيره
مصطفى قبض ايده. طلعهه برهههه
عبدلله. شطلع هاي لزكهه
شهد بصدمه. دممم دممم عبود دممم هئ
عبدلله. لاتخافين طلعي بسرعه شهد
داحجي وياها وانه لازم مصطفى ماسمع غير صوت طبه بالگاع التفتت من صوت القوي مصطفى دفعني وطفرر صار يمهه شاله راح غسل وجهه
عبدلله. ميفييد اغمى عليها الطفله من كثر النزيف البيك شهد گلبه رهيف ماتتحمل تشوف النزيف هواي
شهد بفزع. هئ هىىىئ ماما وينه ماما
مصطفى بغضب. ليش ماگتلي
عبدلله. شكلك اذا انته صاير نار وماتتحاجى سما اثرت على عقلك
مصطفى. عوفنه من سما انطيني الخاولي
عبدلله. هم زين جوه هوسه وفوگ عازل جان هسا شهرتنه
مصطفى. شهد انتي زينه احجي
شهد بدموع. وخرر حقير
مصطفى. ولج يالفرخه انه ماشفتج كبل شويه جنت تعبان ونايم وامشي ماشفتج
شهد. انت دفعتني حيل وهسا طردتني
مصطفى. عمي انه اسف مره ثانيه انتي طرديني
عبدلله بضحكه. شفت نكدها هسا تظل تذكر بيك لمن تعجز تكلك جنت تصيح عليه وطردتني
مصطفى. اقبل تنكدين عليه بس لاتنسيني
شهد.انته وحشش وخرر........
ثاني يوم رجعت لبغداد ونسيتهه وحجيت ويا عمي بموضوع الخطوبه وضيعته عبرت اشهر اني تاركهه بدم بارد لامفكر بيه من ابتعدت عنهه عرفت اني مااحبها سما تزوجت ابن عمها
سمعت طبو داع*ش للموصل انشغل بالي يم وحده من بينهم اي هيا الاحبهه الحب مايعرف العمر بس انه منتظرهه خايف عليه من احتلوهم جنت خايف اخسرهه الاحبهم فاكدهم واحد ورى الثاني مامستعد اخسر اخر امل عجيبه سما نسيتهه جم يوم وشهد راح تمر 7سنوات من عرفته ونفس المشاعر ماتغيرت شكد اريد انساها نفسهه اظل احبها وادري هيا مو الي اكو منو يحبهه ويناسب عمرهه....
من هنا رجعت للجامعه غيرت تخصصي جان اداره واعمال لان جنت احب هالشغل رغم انه معدلي96 بس اكره الطب وهالسوالف غيرت تخصصي للكليه العسكريه انه وصديقي اسد لان بيهه تعيين وشفنه هواي بعمرنه راحو لكليه العسكريه وگتهه جانت مرغوبه انه وصديقي والبقيه اختارو تخصصهم سنتين طب رائد وليث ولد عمي ويانه همه اثنينهم بنفس العمر
من هنا ابتدت حياتي اربع سنوات درست وسنه اخيره تدريب جان
جنت اطول شعري شويه واطول لحيتي من اول يوم دوام انسى مصطفى القديم وانعل سلفهم..
-جنت داخل ملجأ احتمي من الصواريخ وخايفه من هذا الداعشي لايگتلني ختلت بمكان...........
كلها تتفارگ وتنسى
شمعنى أني ؟
وذيچ الأيام العظمية
شلون ناسيها ب ثواني
ليش ما صرت مثلك
ورحت حبيت ثاني. ليش باقي لـ هسة أتاني !
تجاهلو بعض الاخطاء الاملائيه
صوتو حبايب خلي يوصل لغيركم💖💫
━━━━━━━━━━━━━━━━━━━━━━━━━━
🌸 هل أعجبتك أحداث القصة؟
💡 لمعرفة تفاصيل هذه الرواية ومتابعة بقية فصولها كاملة وبشكل مسبق وبدون إعلانات:
🔗 تابع القراءة عبر موقعنا الرسمي من هنا: https://kimostories.site/novel/417/احفاد-آل-حارث
نتشرف بوجودكم دائماً في عائلة كيمو ستوريز! 🌸
━━━━━━━━━━━━━━━━━━━━━━━━━━